منتديات شبكة الاقلاع ®



الانتقال الى الصفحة الرئيسية عضويات التميز (الفضية + الذهبية + التجارية) موقع ieqla3 متخصص بجميع منتجات شركة apple أنظمة وقوانين وتعليمات الموقع   وقف شبكة الإقلاع الخيري مركز رفع الصور والملفات تابعونا على موقع تويتر بوابة الانباء
اقلاع بلاك بيري البحث السريع برامج الإقلاع المجموعة البريدية جوال الإقلاع أنظمة وقوانين وتعليمات الموقع للإعلان في شبكة الإقلاع
العودة   منتديات شبكة الاقلاع ® > المنتديات الإقلاعية > قهوة الاقلاع العامة
التسجيل التقويم التأشير على جميع الاقسام بالمشاهدة


إغلاق الموضوع
 
أدوات الموضوع طريقة عرض الموضوع
قديم 01-10-2011, 11:27 AM   #1
يعنني تتغلى
من كبار العيارين
 
الصورة الرمزية الخاصة بـ يعنني تتغلى
يعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحب

دفتـر الأيـام




تعودت دوماً أن أسرح بخيالي خارج نطاق الزمان والمكان . ولا أؤمن برزنامة التواريخ والايام ماعدا اليوم الأخر , وإذا مررتُ في يوم كئيب ترعد فيه عروق عيني وتمطر دموعاً لا أعرف سببها .! سرعان ما أجد نفسي في عزلة وأتحاشى الناس , وقد ساهمت الوحدة في خلق علاقة عشق بيني وبين غرفتي . ولذلك لا اريد أحد يرى قسمات الحزن التي ارتديها . أتنقل بين الأحداث المرسوخة بذاكرتي . وأفتح دفتر الايام وأقلّبه صفحه صحفه



صفحه الأحلام

هذه الصفحة تتكلم عن طفولتي البريئة . هذه الايام أرى أنها اجمل ايام حياتي . عشت هذه الايام بين الحلم واليقضة أتسأل كيف راح يكون مستقبلي في هذا الوطن .. كنت محتار كيف أرضي أبوي اللي كان يتمنى أني اصير ضابط أو تاجر عقار ولا أمي اللي تبيني اصير أمام الحرم .. من ناحيتي كنت أقول مهيب مشكلة اهم شيء اخدم الوطن ..

ومن ذكريات هذا العمر كانت أمي – الله يطول بعمرها ويشفيها - تغسل الحوش وكل ما سألتها تسفهني الين ما طفيت البزبوز اللي كان بالحوش عشان ألفت نظرها وقلت : يمه متى أكبر .؟ ردت علي بعد ما توقف الماء من الضخ وقالت : كيف تبي تكبر وأنت ماتداني الحليب اشرب حليب عشان يقوى عضامك وتغدي طول الباب .. في بادي الأمر ما أقنعني كلامها الين حطيت راسي تحت البزبوز وقست المسافة من راسي الى البزبوز وقلت اجي بكره وبشوف إذا كبرت ولا لا .! ثم فتحت باب الشارع وجلست على عتبه الباب وأطلقت العنان لأفكاري مع نسيم الصباح . ورسمت صورة أمل . أبحث في مخيلتي لعلي أجد ما أبحث عنه . وأنظر الى أحد المارة أراه طويلاً وأسأل نفسي : متى أكبر وأصير مثله .!؟ فقطع حبل أفكاري صوت أمي وهي تقول : تعال عاونّي بدال ما تنغف بخشمك .!

راحت سنة وراحت معها الشبرين اللي كانت بين راسي والبزبوز وهذا أنا كبرت وكبرت معي أحلامي وطموحاتي وكان صدام حسين - رحمة الله عليه - له الفضل الكبير بعد الله في ايجاد مرادي الذي ابحث عنه .. وخصوصاً لما رجع الجيش السعودي والعسكر طالعين فوق الدبابات وبيدهم راية التوحيد وباليد الثانية مسوين بيس هههههه .. ومن بعد هذيك الحرب كنت أطمح أني أصير ضابط ومن قناعة خصوصاً لما اقراء كتاب التاريخ والفتوحات الاسلامية .. اقول بنفسي بيجي اليوم اللي أكون واحد من الجيل القادم وأن المستقبل أجمل بأذن الله وبيكون نقطة تحول بالنسبة لنا كمسلمين مانرضى المهانة لـ قبلت المسلمين الأولى وأخواننا في فلسطين وأفغانستان والعراق وكل بلاد المسلمين



صفحه الإستسلام

هذه الصفحة اللي ماكنت متوقعها صراحه . بعد ماجبت الثانوية وبإمتياز وتعديت اول محطة تحدي بيني وبين نفسي تفاجئت بأن كل الكليات العسكرية ما قبلتني والسبب لأن ماعندي واسطة .. تكسرت مجاديفي بصراحه ومن وقتها دخلت في عالم لونه اسود وبعدين مثلكم عارفين المراهقة وعمايلها .. خلتني أحس أني بالبيت أنا المظلوم وأنا الولد الذي حزين وأعاني من فراغ عاطفي خخخخ .. وصل فيني الحال لكتابة الشعر وكان عندي دفتر فيه بعض اشعاري اللي احتفظ فيها وأخبيه تحت فراشي وعشان أبتعد عن الشكة وما أبين لحد كنت كاتب في خانة المادة : جيولوجيا .. مع أن تخصصي شرعي خخخخخ
أصبح الوضع اكثر سوء بعد مادخلت عالم النت أسجل في منتديات ابو طقه وأقرى خواطر لحد ماطلعت معي هالأقصوصة
( تراني رحت بيت ابوي صدق عشان اصور هالبزبوز وتعيشون الجو معي )


امرتني أمي أن أجلب لها الماء لتجدد وضوئها
وأخذت أدلي بسطلي الذي لطالماً غرتُ منه كثيراً
لأن أبي دائماً يشبهني به وثم يبدأ يهيم بذكر محاسن
ذلك السطل الوفي بعد أن خدمنا سنوات طويلة
التقطت هذه الصورة بعد حوار كان بيني وبين ذلك
الصنبور المصدء بأسلوب موروث قلت له : تصدق
ايها البزبوز , رأيت فيك ملامح لرجل ذو منصب عالي
وهو من مايقال عنهم ( الباطنة السيئة والحاشية المتملقة )
العامل المشترك بينكم أن كلاكما عديم الفائدة ,
أنت لا تسمح للماء بالعبور والأخر ايضاً لم يسمح للماء
بالوصول الى دلو العطاشى , ولكن نهايتكم مختلفه فأنت
ينتهي بك الأمر الى صدأ بينما الأخر نهايته النار والعياذ بالله
. امممم أرى أن الحل الوحيد تغييركم .

لحظة أنتظار وأنا اراقب تلك القطرات التي تتساقط على قاع الدلو
حيث شّكلت نغمة حزينة أثارت شجوني .. سئمت الانتظار
وضعت راسي بمكان الدلو فأخذ الصنبور بـ " التفتفة "
على وجهي ولسان حاله يقول : كرمّني لو سمحت .. فأنا لست عبدالدينار

وخروا عني تراني حزين خخخخ


أخر الدفتر

أستمر الحال خمس سنوات من العطاله .. أعيش فاقد الوطن فاقد الهوية ومستسلم للضياع . ما قدرت اتحكم في عقلي اللي شاغلته الذكريات والوعود اللي قطعتها على نفسي .. سهران حتى أذن الفجر وقفت بالمسجد أسمع آيات رتلها الأمام , جاني شعور من زمان ماحسيت فيه . وكأني واقف بالمسجد بلحالي والأيات موجه لي . ما أعظم القرآن . نزلت دموع من عيني بس أبد ماكانت مثل الدموع اللي في مقدمة الموضوع .!

قال تعالى ( ياأيها الذين آمنوا هل أدلكم على تجارة تنجيكم من عذاب أليم ( 10 ) تؤمنون بالله ورسوله وتجاهدون في سبيل الله بأموالكم وأنفسكم ذلكم خير لكم إن كنتم تعلمون ( 11 ) يغفر لكم ذنوبكم ويدخلكم جنات تجري من تحتها الأنهار ومساكن طيبة في جنات عدن ذلك الفوز العظيم ( 12 ) وأخرى تحبونها نصر من الله وفتح قريب وبشر المؤمنين ( 13 ) [ سورة الصف ]

ومن بعدها أنزاحت همومي وكأنه أنزاح جبل من على ظهري , أرتحت راحه مايعلم فيها الا الله , وكأني ملكت الارض ومافيها , والحمد لله كثيراً لأني عرفت طريق التجارة الرابحة والأستمتاع الحقيقي بالحياة


أنتهاء





يعنني تتغلى غير متواجد حالياً  
Facebook Twitter

قديم 01-10-2011, 11:33 AM   #2
(( الناااايف ))
عضو مقلع بقوة وحول ترقية
(( الناااايف )) فوق  هام السحب(( الناااايف )) فوق  هام السحب(( الناااايف )) فوق  هام السحب(( الناااايف )) فوق  هام السحب(( الناااايف )) فوق  هام السحب(( الناااايف )) فوق  هام السحب(( الناااايف )) فوق  هام السحب(( الناااايف )) فوق  هام السحب(( الناااايف )) فوق  هام السحب(( الناااايف )) فوق  هام السحب(( الناااايف )) فوق  هام السحب

.




يآآآآآآآآآآآآآآرباهـ ياربآآآآآآآآآآآآآآآآآهـ
قسمن يجي منكم يالعيارين
والله اني اقرى الموضوع واطالع الرتبه
لو هي مقلع وعيار بنمشيها لكن من كبار العيارين يعني ابد ماتترقع السالفه

وانا الي على بالي ماتحسون هالاحاسيس
وتعرفون تصفون الكلام اثاريكم طلعتو تحسون ومثلنا
يعني انتو بشر
ولا الخااطره ربااااااااااااااااااه ياشيخ على هالخاطره
قسم اني رحت ملح معاها
هههههههههههههههههههههههههههههههههه


لا وااللي زاد من دهشتي العنوان
هالعنوان مستحيل يجي الا من كاتب كبير واديب مرموق

دفتر الايااااام

مع اني احسك ودك تكتب دفتر ابو اربعين لكن الكلام خانك
<<< سوري يامشرفين قهوتنا
بس توي اشوف الفعاليه الي بمنتى العيارين وانقهرت من شروط الرتبه
وعااد اتوقع ان هذا اول هجوم على قهوتنا
وحبيت اتصدى لهم بكل شراسـه


إقتباس »
ومن ذكريات هذا العمر كانت أمي – الله يطول بعمرها ويشفيها - تغسل الحوش وكل ما سألتها تسفهني الين ما طفيت البزبوز اللي كان بالحوش عشان ألفت نظرها وقلت : يمه متى أكبر .؟ ردت علي بعد ما توقف الماء من الضخ وقالت : كيف تبي تكبر وأنت ماتداني الحليب اشرب حليب عشان يقوى عضامك وتغدي طول الباب ..
الله يطول بعمر امك ويرزقها بالولد الصالح
تدري سالفة امك مع الحليب

ذكرتني بسالفة واحد من العيال اسمر شوي يعني السمار العادي
واخوانه بيض كنهم مصااريه
المهم هالادمي مدمن ببسي يعني ادماان غير طبيعي
وعااد امه اقلقته خلك من هالببسي وخلك منه لعب في كلاويك ولعب بعظاامك

المهم مره من المرات هالولد جالس مع امه وحب يفضفض
وقال يمه ممكن سؤال ؟
الحين ليش جايبتني اسمر واخواني بيض وش هالظلم ؟ وش هالظلم !!!
اعترفي يمه وش مسويه بحيااتك << خربها الخبل
طالعته امه بنص عين وقالت والله ياولدي انك ابيض تلق لق من يومك صغير
لكن هالبيبسي هو الي قلب لونك
لو تخليه ترجع ابيض هههههههههههه .



تدري عاد خلك من الكلام الي فوق
موضوعك والله العظيم ولا أأروع
لكن العيب الوحيد فيه انه منقول << يتبلى عليه
لانه مر علي باغنيه من الاغااني

ومن اليوم وانا احوس بمخي وش هالاغنيه الي انت ناقل منها الموضوع
اثاريها اغنية المصري اللي يقول فيها :

كتاب حياتي ياعين ماشفتو زيو كتاب
................... الفرح فيه سطرين والبااقي كله عذاااااب


دمت بود ايها العيار ومنور قهوتناا
وعسى الله يوفقك ويفتحهاا في وجهك


.




اخر تعديل كان بواسطة » (( الناااايف )) في يوم » 01-10-2011 عند الساعة » 12:27 PM.
(( الناااايف )) غير متواجد حالياً  
Facebook Twitter
قديم 01-10-2011, 12:11 PM   #3
حُكآإْيةَُ جرُِحَ
عضو رسمي
 
الصورة الرمزية الخاصة بـ حُكآإْيةَُ جرُِحَ
حُكآإْيةَُ جرُِحَ فوق  هام السحبحُكآإْيةَُ جرُِحَ فوق  هام السحبحُكآإْيةَُ جرُِحَ فوق  هام السحبحُكآإْيةَُ جرُِحَ فوق  هام السحبحُكآإْيةَُ جرُِحَ فوق  هام السحبحُكآإْيةَُ جرُِحَ فوق  هام السحبحُكآإْيةَُ جرُِحَ فوق  هام السحبحُكآإْيةَُ جرُِحَ فوق  هام السحبحُكآإْيةَُ جرُِحَ فوق  هام السحبحُكآإْيةَُ جرُِحَ فوق  هام السحبحُكآإْيةَُ جرُِحَ فوق  هام السحب

إقتباس »
من كبار العيارين

يَ آللهَ عيآإرِ وبَ آلقهوِه وموضوِع بعيد عن آلعيآرِة !


نشوف نشوف آللي بعدوِ

إقتباس »
هذه الصفحة اللي ماكنت متوقعها صراحه . بعد ماجبت الثانوية وبإمتياز وتعديت اول محطة تحدي بيني وبين نفسي تفاجئت بأن كل الكليات العسكرية ما قبلتني والسبب لأن ماعندي واسطة ..

عآإْد جيت عآلجرِحَ .. وِآلله هآلوآسطة تنخرِ ب آلمجتمع وبلآوِيهآ كثيرِة
طبعآ آخوِيَ متخرِج من آلثآنوية وللحين مآدخل آي مكآإْن !

نقدرِ تقوِل هآلشيء يعآني منه كل آلمجتمع آلسعودي
ولآبآرِك آلله ب آللي كآن آلسبب


...



إقتباس »
قال تعالى ( ياأيها الذين آمنوا هل أدلكم على تجارة تنجيكم من عذاب أليم ( 10 ) تؤمنون بالله ورسوله وتجاهدون في سبيل الله بأموالكم وأنفسكم ذلكم خير لكم إن كنتم تعلمون ( 11 ) يغفر لكم ذنوبكم ويدخلكم جنات تجري من تحتها الأنهار ومساكن طيبة في جنات عدن ذلك الفوز العظيم ( 12 ) وأخرى تحبونها نصر من الله وفتح قريب وبشر المؤمنين ( 13 ) [ سورة الصف ]

ومن بعدها أنزاحت همومي وكأنه أنزاح جبل من على ظهري , أرتحت راحه مايعلم فيها الا الله , وكأني ملكت الارض ومافيها , والحمد لله كثيراً لأني عرفت طريق التجارة الرابحة والأستمتاع الحقيقي بالحياة

هنآإْ آنآإْ آحييييييييييك وآرفع لك عقآليَ ...

بجد حآجة ب آلصميم

يعني يوم آلوآحد يقبل على آلله آلله بيكون معآه .. وب آلقرآن رآحة صدرِ موِ طبيعية تنقلك من آلحزِن للفرح وآلرآحة آلنفسية وآلشعور ب آلآنتعآش

جد هآلشيء آنآ كنت مجربة وعآيشت آللحظآت آللي زي كذآ

مآ آقدر آقول آلآ آلله لآيجعلنآ من آللي نسوِه ف نسآهمَ ..~


آبدعت ي صديقي وآلله , وآلله لآيحرمنآ من طلتك آلحلوِة ذي *




حُكآإْيةَُ جرُِحَ غير متواجد حالياً  
Facebook Twitter
قديم 01-10-2011, 12:22 PM   #4
أبو دانه
من كبار شخصيات الإقلاع
 
الصورة الرمزية الخاصة بـ أبو دانه
أبو دانه فوق  هام السحبأبو دانه فوق  هام السحبأبو دانه فوق  هام السحبأبو دانه فوق  هام السحبأبو دانه فوق  هام السحبأبو دانه فوق  هام السحبأبو دانه فوق  هام السحبأبو دانه فوق  هام السحبأبو دانه فوق  هام السحبأبو دانه فوق  هام السحبأبو دانه فوق  هام السحب

.
.




تصدق عاد .. يبو غلا ..
و الله انك كاسرن خاطري بهالموضوع ..
و ان اللي كنت ناوي اخذك معي للجهاد ..

لكن ماش احس قلبك حنيّن .. و كذا ما يخارج ..

اجل انا تقول عني :


إقتباس »
عبوس وحوجابك متجمعه حول بعضها ومسوية زحمه في وجهك والجبهه فاضيه خخخخ






حطمتني ياخي ..


----------------------------


نجي لموضوعك يا بعدي /

كلماتك نابعه من شخص من وجهة نظري ذاق مرارة الحياة و مابعد شاف شي ..
اعرف شعورك لأني مريت بمثل تجربتك .. تبني امال و طموح .. و فجأة تلقى التيار يسير عكس اتجاهـ رغباتك ..

القرآن .. ربيع القلوب ..

تلقـى فيه كل ما يريح الخاطر ..

و المهم دائما ان لاتيأس .. و علومك غانمه بحول الله ..



دمت بكل خيــر يالعيّاري , , ,




اخر تعديل كان بواسطة » أبو دانه في يوم » 01-10-2011 عند الساعة » 12:25 PM.
أبو دانه غير متواجد حالياً  
Facebook Twitter
قديم 01-10-2011, 12:31 PM   #5
بقايا احتراق
عضو مقلع
بقايا احتراق فوق  هام السحببقايا احتراق فوق  هام السحببقايا احتراق فوق  هام السحببقايا احتراق فوق  هام السحببقايا احتراق فوق  هام السحببقايا احتراق فوق  هام السحببقايا احتراق فوق  هام السحببقايا احتراق فوق  هام السحببقايا احتراق فوق  هام السحببقايا احتراق فوق  هام السحببقايا احتراق فوق  هام السحب

إقتباس »
الرسالة الأصلية كتبت بواسطة بقايا احتراق »
محقوز <<بجيب مسدسي واجيي
وينهم البطانه وينهم بطخطخهم كل ابوهم
<استريحي بس

إقتباس »
الرسالة الأصلية كتبت بواسطة يعنني تتغلى »
ولا أؤمن برزنامة التواريخ والايام ماعدا اليوم الأخر ,



إقتباس »
الرسالة الأصلية كتبت بواسطة ; »

صفحه الأحلام

كنت محتار كيف أرضي أبوي اللي كان يتمنى أني اصير ضابط أو تاجر عقار ولا أمي اللي تبيني اصير أمام الحرم .. من ناحيتي كنت أقول مهيب مشكلة اهم شيء اخدم الوطن ..
الوطن ن ن ن .. طن طررن ..
أحس الناس تطورت صار الأب يبي ولده لاعب والأم تبيه مقدم برنامج << تكلمي عن نفسك يرحم اومك






إقتباس »
الرسالة الأصلية كتبت بواسطة ; »



امرتني أمي أن أجلب لها الماء لتجدد وضوئها
وأخذت أدلي بسطلي الذي لطالماً غرتُ منه كثيراً
لأن أبي دائماً يشبهني به وثم يبدأ يهيم بذكر محاسن
ذلك السطل الوفي بعد أن خدمنا سنوات طويلة
التقطت هذه الصورة بعد حوار كان بيني وبين ذلك
الصنبور المصدء بأسلوب موروث قلت له : تصدق
ايها البزبوز , رأيت فيك ملامح لرجل ذو منصب عالي
وهو من مايقال عنهم ( الباطنة السيئة والحاشية المتملقة )
العامل المشترك بينكم أن كلاكما عديم الفائدة ,
أنت لا تسمح للماء بالعبور والأخر ايضاً لم يسمح للماء
بالوصول الى دلو العطاشى , ولكن نهايتكم مختلفه فأنت
ينتهي بك الأمر الى صدأ بينما الأخر نهايته النار والعياذ بالله
. امممم أرى أن الحل الوحيد تغييركم .

لحظة أنتظار وأنا اراقب تلك القطرات التي تتساقط على قاع الدلو
حيث شّكلت نغمة حزينة أثارت شجوني .. سئمت الانتظار
وضعت راسي بمكان الدلو فأخذ الصنبور بـ " التفتفة "
على وجهي ولسان حاله يقول : كرمّني لو سمحت .. فأنا لست عبدالدينار
مبدعـ
عز الله نفضتوا القهوه باللي فيها ي العيارين اذا هذا أسلوبكم <<ناويه تشجعهم


إقتباس »
الرسالة الأصلية كتبت بواسطة ; »
وخروا عني تراني حزين خخخخ
طيب لا تصيح



إقتباس »
الرسالة الأصلية كتبت بواسطة ; »
قال تعالى ( ياأيها الذين آمنوا هل أدلكم على تجارة تنجيكم من عذاب أليم ( 10 ) تؤمنون بالله ورسوله وتجاهدون في سبيل الله بأموالكم وأنفسكم ذلكم خير لكم إن كنتم تعلمون ( 11 ) يغفر لكم ذنوبكم ويدخلكم جنات تجري من تحتها الأنهار ومساكن طيبة في جنات عدن ذلك الفوز العظيم ( 12 ) وأخرى تحبونها نصر من الله وفتح قريب وبشر المؤمنين ( 13 ) [ سورة الصف ]


إقتباس »
الرسالة الأصلية كتبت بواسطة ; »
ومن بعدها أنزاحت همومي وكأنه أنزاح جبل من على ظهري , أرتحت راحه مايعلم فيها الا الله , وكأني ملكت الارض ومافيها , والحمد لله كثيراً لأني عرفت طريق التجارة الرابحة والأستمتاع الحقيقي بالحياة
الله يوفقك .. جزاك الله خير وجعل هالموضوع بميزان حسناتك ..

قلم مبدعـ .. و مايرقى فوق هالرتبه الا المبدعين شرواك ..




اخر تعديل كان بواسطة » بقايا احتراق في يوم » 01-10-2011 عند الساعة » 12:59 PM.
بقايا احتراق غير متواجد حالياً  
Facebook Twitter
قديم 01-10-2011, 12:49 PM   #6
BLOOMINA
مقلع tv متميز
 
الصورة الرمزية الخاصة بـ BLOOMINA
BLOOMINA فوق  هام السحبBLOOMINA فوق  هام السحبBLOOMINA فوق  هام السحبBLOOMINA فوق  هام السحبBLOOMINA فوق  هام السحبBLOOMINA فوق  هام السحبBLOOMINA فوق  هام السحبBLOOMINA فوق  هام السحبBLOOMINA فوق  هام السحبBLOOMINA فوق  هام السحبBLOOMINA فوق  هام السحب


<< بدت فعالية السفراء

إقتباس »
وأنظر الى أحد المارة أراه طويلاً وأسأل نفسي : متى أكبر وأصير مثله .!؟
واكيد الحين تقول ياريتني ماكبرت

إقتباس »
تكسرت مجاديفي بصراحه ومن وقتها دخلت في عالم لونه اسود
إيمو؟

الخواطر خطيرررره ههههههههههههههههههههههههههههه
<< لاعاد تفكر تكتب خواطر

إقتباس »
أخر الدفتر
الحمد لله عرفت وين تلقى راحتك

يعنني تتغلى
عوافي وبالتوفيق اذا فعلا الفعاليه بدت





اخر تعديل كان بواسطة » BLOOMINA في يوم » 01-10-2011 عند الساعة » 01:27 PM.
BLOOMINA غير متواجد حالياً  
Facebook Twitter
قديم 01-10-2011, 01:08 PM   #7
يعنني تتغلى
من كبار العيارين
 
الصورة الرمزية الخاصة بـ يعنني تتغلى
يعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحب


يامساء القرنفل
ي أعزائي اللي فوق منورين المكان وربي
أتحفتوني بالردود بصراحه .. اقسم بالله بعد ما أشوف ردودكم ودعواتكم
أتحسف وأقول والله أنكم تستاهلون مواضيع ارقى من كيذا

* *

أخي العزيز والصديق الجديد شوزن المتعجرف
افاا لا يكون غيرت نظرتك فيني .. لا لا تسوء الظن .. فأن بعض الظن اثم وكاتبين عنه هنا موضوعين ياليت تطلع عليها عشان ماتتبلاني هههههه .. أوكي أنا ما راح أيئس بس أنت لا تخليني وإذا رحت الجهاد .. أنا اتمنى الجهاد بأحر من الجمر .. ولعيونك بخربها وأحلى برايفت ياوطن :

أنا ما أبي فلوس ولا وظيفة .. ما أبغى متاع الدنيا وزينتها .. أنا ابي حاجة وحده بس .. أبي الأخرة
وحتى بهذي صكيت بوجهنا الباب .. واذا تكلمنا قلت هذا إرهاااب ( من الغبنة بديت اقول سجع ) طيب واللي تسويه امريكا
بأفغانستان والعراق .. وش شعورك ياوطن لو تشوف خريطة العرب مكتوب اسرائيل بدل فلسطين وتشوف مخططاتهم
حيث أنهم قدروا يفرقوا السودان الى دولتين هذا كله مهوب أرهاب .!؟ وش شعورك يوم تسمع سوريا تناديك
نبغى الجهاد .. نعم الجهاد ياوطن .. الوضع أصبح لايطاق
تذّكر ياوطن قوله صلى الله عليه وسلم : ( من أُذل عنده مؤمن فلم ينصره وهو قادر على أن ينصره أذله الله عز وجل
على رؤوس الخلائق يوم القيامة )
هذا إذا عندك ضمير وتسمعني .. وإذا ما كنت تسمعني .. ماراح ازعل .! لان الضمير اللي ترجع له كلمة الوطن عودني أنه ما يسمع



يعنني تتغلى غير متواجد حالياً  
Facebook Twitter
قديم 01-10-2011, 01:30 PM   #8
المضيوم
من كبار العيارين
 
الصورة الرمزية الخاصة بـ المضيوم
المضيوم فوق  هام السحبالمضيوم فوق  هام السحبالمضيوم فوق  هام السحبالمضيوم فوق  هام السحبالمضيوم فوق  هام السحبالمضيوم فوق  هام السحبالمضيوم فوق  هام السحبالمضيوم فوق  هام السحبالمضيوم فوق  هام السحبالمضيوم فوق  هام السحبالمضيوم فوق  هام السحب

خل الموضوع على جنب ..
تصدق ضاق صدري يوم شفت مواضيعكم في القهوه ..
حسيت إن العيارين جاه غزو وإن حنا تشردنا وكل واحد زابن له في منتدى
إقتباس »
كنت محتار كيف أرضي أبوي اللي كان يتمنى أني اصير ضابط أو تاجر عقار ولا أمي اللي تبيني اصير أمام الحرم
أما ضابط فهي زينة من ناحية إنك تبي تقعد تنفخ على هالعساكر الضعوف وتنفش ريشك ،، تلقاك يومك صغير وأنت مسخرة الحي وماعندهم شغل إلا يفرشونك ويذلونك همن يوم علقت هالذهبية صرت تنفخ عليهم وود وجب ،،
تاجر عقار ،، هي فيها دراهم وخيور ،، لكن بلا أبوك إن في بعض الأحيان يبي لك تخلي الأمانه على جنب وتزود الشارع مترين ،، وتشوت فلان من السعي ،، وتقول إنها مسيومة بـ كذا وهي ماتسوى فص بصله
أما إمام الحرام بارك الله فيك ،، فأول ماهنا تبطي وشف وش أنت متعشي وإلا هذي حلوم(ن) مايحلمها عاقل
وترى فيها رزق وأجر ،، فيه واحد من الربع يقول ظنكم لو أبعرض على إمام الحرم وظيفة في البلدية ـ قسم الأراضي ـ ويعطيني وظيفته يوافق ؟

إقتباس »
راحت سنة وراحت معها الشبرين اللي كانت بين راسي والبزبوز وهذا أنا كبرت وكبرت معي أحلامي وطموحاتي وكان صدام حسين - رحمة الله عليه - له الفضل الكبير بعد الله في ايجاد مرادي الذي ابحث عنه .. وخصوصاً لما رجع الجيش السعودي والعسكر طالعين فوق الدبابات وبيدهم راية التوحيد وباليد الثانية مسوين بيس هههههه
أنت ذكرتني بواحدن في الديرة منول ،، كان وش ملحه وذكي بسم الله عليه وماودك إلا تناظره وكان أكبر همه متى يكبر ويصير رجال ،، يعني متى يطلع شعر في وجهه لإن وضعه مايحتمل في هاك الوقت
الشاهد إن العيال ( شلة عيارين ) شافوه كل جمعه يروح لم مكان في طرف الديرة 5 دقايق ويرجع مسفهل ومبسوط ،، قالوا ذا وش عنده نبي نلحقه نشوف وش في راسه ..
إثره الضعيف حاطن له سعفه ومثبتها في الجدار ويجي يقيس نفسه عندها ،، يشوف هو طال وإلا لا
قاموا هالعيارين هاك اليوم ونزلوا السعفة شوي ،، يوم راح الوليد وجا وإلا الوجه متغير وخانقته العبره ،، وش فيك يا ابراهيم ،، قال مدري وش أوجس ،، قصرت هالإسبوع ،، الظاهر من يوم ما ماتت بقرتنا ،، وش أبسوي هالحين .. وقام يبتسي الضعيف .. قلت له لاعاد تروش ،، ترى الواحد لامن جا جسمه الماء يقصر وخصوصا لا صار الماء بارد ،،
الشاهد إنه تأثر بالوصيه وصاروا يسمونه ( الفطيسه ) من خياسن فيه


الله يشفي أميمك ويطول في عميرها على الطاعة ،، وأشوى إنك مادخلت عسكريه ،، لإني أرى إن بعضهم رواتبهم فيها شك ،، 24 ساعة تبطح وتسدح وشيشة وهو نقيب ومدير إدارة بعد
موضوع رايق يابعدي والظاهر كل شهرين يبي من يتلك وينطلك في القهوه كود تضيق صدورنا بمثل هالموضوع همن تعود للعيارين

يالبى قليبك وإركد لاترد على الناس بسرعه ،، تراك سفير ،، شف نفسك شوي وإسحب على العالمين ورد عقب اسبوع وخل ردك في موقه وشوفة نفس ،، هو يحصل لك قبل تصير سفير



المضيوم غير متواجد حالياً  
Facebook Twitter
قديم 01-10-2011, 01:52 PM   #9
*AMOOOL*
مقلع فني
 
الصورة الرمزية الخاصة بـ *AMOOOL*
*AMOOOL* فوق  هام السحب*AMOOOL* فوق  هام السحب*AMOOOL* فوق  هام السحب*AMOOOL* فوق  هام السحب*AMOOOL* فوق  هام السحب*AMOOOL* فوق  هام السحب*AMOOOL* فوق  هام السحب*AMOOOL* فوق  هام السحب*AMOOOL* فوق  هام السحب*AMOOOL* فوق  هام السحب*AMOOOL* فوق  هام السحب

وانت الصادق تشوف سنة سوريا وسنة العراق والفلسطينين وش يصير فيهم!!
تحس بغصه واحتراق
مسلمين اخواننا يمثل بجثثهم ويموتون تنكيلاً وتهتك اعراضهم
ومالبيدين حيله مالنا الأالدعاء



*AMOOOL* غير متواجد حالياً  
Facebook Twitter
قديم 01-10-2011, 02:04 PM   #10
سـاشـا
خبير إقلاعي مميز
سـاشـا فوق  هام السحبسـاشـا فوق  هام السحبسـاشـا فوق  هام السحبسـاشـا فوق  هام السحبسـاشـا فوق  هام السحبسـاشـا فوق  هام السحبسـاشـا فوق  هام السحبسـاشـا فوق  هام السحبسـاشـا فوق  هام السحبسـاشـا فوق  هام السحبسـاشـا فوق  هام السحب

بداية الموضوع كنت مصدومة والله ماشاء الله عليك ..يجي منك ..


الواحد منا يتمنى يكبر عبالنا أول إن الكبار مبسوطين وعندهم استقلالية بقرارتهم يعني هم أحرار مادرينا إن حريتهم هاذي لها ضريبة

تحطم الأحلام هذا من مامر فية ..؟..كبرنا وإنصدمنا بالواقع ..

بس لسى باقي الأمل والله يعوضنا خير






اخر تعديل كان بواسطة » سـاشـا في يوم » 01-10-2011 عند الساعة » 02:09 PM.
سـاشـا غير متواجد حالياً  
Facebook Twitter
إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 12:24 AM.

الأن حمل تطبيق منتديات الإقلاع

 

هام: لجميع مستخدمي ايميلات شركة مايكروسوفت (hotmail,msn,outlook......الخ)
 

في حال تاخر التفعيل او اي مشكلة طارئة او ما يخص العضوية الذهبية او التجارية من استفسارات يمكنك ابلاغي هنا وتسعدني متابعتك   

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.7
Copyright ©1999 - 2014, Jelsoft Enterprises Ltd.
جميع الحقوق محفوظة منتديات الاقلاع - شبكة الاقلاع