منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الاكاديمية والثقافية > منتدى ابناؤنا في الخارج
التسجيل التقويم التأشير على جميع الاقسام بالمشاهدة




إغلاق الموضوع
 
أدوات الموضوع طريقة عرض الموضوع
قديم 27-09-2011, 05:41 AM   #1
فارس بدون سيف
من كبار رياضيي الإقلاع
 
الصورة الرمزية الخاصة بـ فارس بدون سيف
فارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحب
-حصري ومهم- للمبتعثي امريكا الجدد شرح كامل لشركات الأتصالات "باقتك بالسعر الي يناسبك"

اهلين وسهلين ...


اهلين وسهلين
وشلونكم يامبتعثين عموما ... ومبتعثين امريكا خصوصا

وشلون الحلوين الي جالسين يتجهزون لأبتعاث المرحله السابعه ===<<<ياحليلهم متحمسين وخايفين

انشاء الله اموركم بتجي بطله في ظل المواضيع الي الأعضاء يكتبونها و تمدكم بالمعرفه ... يعني ماشاء الله عليكم الحين تروحون بوقت سبقكم قبلكم الاف المبتتعثين .وكلهم حطوا تجاربهم يعني خلو لكم الطريق سهل مره ..

مو زي وقتنا رحنا على عماها واغلط وتعلم

مثل ماوعدتكم راح ابذل كل جهدي في وضع المواضيع التي تهم المبتعثين الفطافيط الجدد علشان مايمرون بالتجربه الي انا مريت بها وهي اكتشف واخطأ وتعلم ..

راح ابذل كل مابوسعي في هذا المنتدى اني اعطيكم كل شي بالظبط جوهري ومهم بأذن الله

و موضوعي هذا اهديه للمبتعثين الي بيروحون امريكا او الي توهم واصلين ..

بسم الله نبدء

مقدمه عن الموضوع /

طبعا الموضوع عن الأتصالات بأمريكا .. يعني على بلاطه كيف نختار شركة الأتصالات المناسبه لنا .. ولميزانياتنا ..

رجاء رجاء .. ركزوا معي بالموضوع حبه حبه ...

والهدف انه يخلي المبتعث اختيار الشركه المناسبه من خلال السعر الأنسب او الباقه المناسبه ..


والآن بستعرض لكم شركات امريكا t-mobile و AT&T و verizon و sprint

ماراح اتكلم اللا عن t-mobile و AT&T بس

و verizon ماراح اتكلم عنها هي و sprint والسبب انه شرايحها ماتشتغل على جوالاتنا للأسف .. يعني الي بيشترك فيها لازم ياخذ الجهاز من عندهم بس ( مع انهم شبكاتهم قويه في امريكا )


طيب نبدأ بالموضوع /



محبوبة الكل ذات الأسعار الرخيصه والمناسبه في جميع امريكا ... محبوبه من الشعب الأمريكي وخاصه ولاية تاكساس بشكل عام .. وتتميز بأن ابراجها في اغلب مناطق الولايات ..



وفي هذا الموقع / بأمكانك ان تضع عنوانك ومدينتك .. وترى قوة التغطيه قبل الأشتراك .. كما انه بأمكانك عمل زوووم للخريطه

http://www.t-mobile.com/coverage/pcc.aspx

طيب الآن ركزوا معي ..

معك خيارين يا مبتعثين يا ابطال للأشتراك في T- MOBILE ..

1) individual plans ( الأشتراك الفردي للعزاب )

2) family plans ( الأشتراك العائلي -- رقمين بأسم واحد للزوج وزوجته او الأخ واخته )

نبدء بحبايبنا العزاب من الذكور والأناث للأشتراك بخدمات t-mobile

امامكم بعد خيارين /

annual contract plan وهو الأشتراك بعقد ( مفوتر لفوق سنه )


Prepaid الأشتراك عن طريق الشحن ( الأفضل والأرخص والأقوى انصحب هذا الشيء )


نبدء ب annual contract plan ( الأشتراك بالعقد )


العقد يلزمك انك تكون مع الشركه لمدة سنتين مشغل شريحتهم ..اذا فكيت العقد راح يكون لك شرط جزائي عنيف جدا

طبعا الميزه الوحيده في العقد ..انه تاخذ الأجهزه مخفظه من عندهم هذي الميزه الوحيده عندهم بس ..
يعني ماتسوى الدعوه انه الواحد يربط نفسه معه شركه .. يعني حتى الأمريكان مايرتبطون معهم

طبعا لاتنسون ولا يغيب في بالكم ان 1$ = 3.75 ريال ..يعني اذا شفتوا القيمه اظربوها بهالمبلغ 3.75$
ولا تنسون انه فيه tax تقريبا 7% الى 8% يعتمد من ولايه الى ولايه
يعني زياده على القيمه يعني مثلا اذا المبلغ 70$
يكون بعد tax الأجمالي 77$

ماعدى ولاية Oregon مافيها tax


يتبع...



 

 


اخر تعديل كان بواسطة » فارس بدون سيف في يوم » 27-09-2011 عند الساعة » 08:28 AM.
فارس بدون سيف غير متواجد حالياً
Facebook Twitter 0
قديم 27-09-2011, 05:44 AM   #2
فارس بدون سيف
من كبار رياضيي الإقلاع
 
الصورة الرمزية الخاصة بـ فارس بدون سيف
فارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحب
هذي الباقات الي خاصه بالجوال المفوتر (العقد السنوي ) /


Classic Unlimited™ Bundle with Data ( الباقه المفتوحه لأتصال والأرسال للمكالماتو الرسائل )


طبعا هذي فوووق الباقات المفتوحه كامله ..يعني تكلم من اول يوم بالشهر الا اخر يوم بالشهر بدون حدوود والسعر ثابت .. تخيلوا

مو زي شركاتنا حسبي الله عليهم
وهذا شرح الباقت على سريع ..

Classic Unlimited™—Premium
Includes: Unlimited Minutes + Unlimited Text + Unlimited Data (5 GB high speed
ابد كلم وارسل واستقبل لين تشبع مكالمات ورسايل وانترنت حتى 5 GB بس ب $89.99


Classic Unlimited™—Plus
Includes: Unlimited Minutes + Unlimited Text + Unlimited Data (2 GB high speed هذي سعرها 79.99 والانترنت 2 GB

Classic Unlimited™—Talk + Text

ابيخ باقه مفتوحة الاتصال والراسال لأنها بدون انترنت $59.99

ـــــــــــ
Classic 500 Minute Bundle with Data

( باقة 500دقيقه + الرسائل الفتوحه )
ــــــــــــــــــــــــــــــــ


والحين نجي لباقة الدقائق المعدوده والرسائل المفتوحه ( ولا انصح بها لأن الفرق 10$ وتخليك تكلم بدون حدود)



طبعا قبل ما افصل الباقه لاحظوا هذي الميزتين فيها /

•Unlimited T-Mobile to T-Mobile calling
معناها مجانا T-Mobile to T-Mobile وبدون حدود


•Unlimited Nights and Weekends
معناها بالليل والويكند كلم اي رقم امريكي مجانا يعني في الويكند والليل تصير المكالمات زي الباقه المفتوحه ولا تنخصم دقائق


طبعا مايحتاج شرح للباقه لأنها نفس الي فوق لكن بس 500 دقيقه .

والآن انتهينا من العقد السنوي لجوال T-Mobile المفوتر ..

ـــــــــــــــــــــــــــــــــــــــــــــ



نجي للأفضل والأجمل والأقوى والأرخص الــ Prepaid ( او مايسمى بالشحن ..زي سوا عندنا )

ركزوا معي لأن هذا الي انصح فيه في كل الموضوع

هذي اقوى شي في T-Mobile حتى اغلب الأمريكان انفسهم داعسين بهالشي ..

ليش Prepaid ( الشحن ) احسن من annual contract plan ( الأشتراك بالعقد ) ؟

السبب انه يخليك حر متى ماطفشت من الشركه تغيرها
ارخص في اسعار الباقات بقوه
مايلزمك لأن معك جهاز بتجيبه من السعوديه اكيد .. يعني حقين العقد يغلون عليهم السعر لأنه يخفضون لهم بقوه بالأجهزه


ـــــــــــــــــــــــــــــــ


طيب نبدء بباقات Prepaid ( الشحن )



شفتو كيف حلوه ب 70 $ او ب50 $ كلم وارسل واستقبل اتصالات وجوال وادخل النت بالجوال لين تقول بس كل شي مفتووح لك .. لين تطفش

طبعا بقول لكم وش الفرق الحين ياحلوين بين 70$ وال 50 $


واضح الفرق يعني في ام 70 $ ( **First 5 GB at up to 4G speeds) يعني لك أول 5 GB هذي تستخدمها 4G speeds والباقي 3G ==<< ادعس ..

ام 50 $ ( *First 100MB at up to 4G speeds) اول 100 ميجا هي 4G والباقي 3G

ـــــــــــــــــــــ

ماراح اشرح الباقه الخاصه بالدقايق المعدوده الي لك 1500 دقيقه او رساله ب30$ لأنه ماراح احد يبخل على نفسه ب20$ ويفتح المكالمات والرسائل والأنترنت ..

غير كذا حقين البلاك بيري الباقه ام 30$ ماتشتغل بالبلاك بيري اصلا .. + ان هالباقه مالك اللا 30MB تصفح بس ! يعني لازم باقة 50$ او 70 $

ملاحظه مهمه جدا /

حقين البلاك بيري لازم يضيفون 10 $ سواء لباقة 50$ او 70$



على فكره قبل ما اختم هذا الجزء راح انبهكم تنبيه بخصوص الأجهزه الي تشتغل على ال 4G مع t-mobile






واخيرا محبوبكم الـ البلاك بيري بولد 9900 هو الوحيد الي يشتغل مع الـ 4G في عائلى الـ BB


طبعا لاحظوا حطيت لكم دائره يا ابطال على السعر الثاني وهذا الي كنت اتكلم عنه وش بيكون سعر الجهاز لو اشتركت بعقد اقل شي سنتين هي مدة العقد ..
ولاحظوا لو اخذتوا عقد راح يخفظون لكم 299$ .. بس طبعا اجهزتنا راح ناخذها من السعوديه ..يعني مو زي الأمريكان يشترونها منهنا ويدورون الأرخص ..

فأنتبهوا تنجروون بسالفة العقد يا ابطال


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ

يتبع



 

 


اخر تعديل كان بواسطة » فارس بدون سيف في يوم » 27-09-2011 عند الساعة » 06:38 AM.
فارس بدون سيف غير متواجد حالياً
Facebook Twitter 0
قديم 27-09-2011, 05:47 AM   #3
فارس بدون سيف
من كبار رياضيي الإقلاع
 
الصورة الرمزية الخاصة بـ فارس بدون سيف
فارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحب


طيب الحين ببدأ بقسم قاني وهو لل family plans ( الأشتراك العائلي -- رقمين بأسم واحد للزوج وزوجته او الأخ واخته )


نبدء بالباقه المفضله والبطله ( الباقه المفتوحه ) Classic Unlimited™ Bundle with Data

وهي / Unlimited Minutes + Unlimited Text + Your Choice of Data
يعني كل شي مفتوح مكالمات رسائل وا انترنت حسب اختيارك ( واختيارك لباقة النت راح يفرق السعر)



طبعا كلها مثل ماقلت كلشي مفتوح فيها ... ماعدى النت وكلما زودت النت زادت القيمه .
طبعا وريتكم بالدوائر الحمرا يوم زادت السعه زاد السعر ..



افضل باقه انصح فيها العوائل وتعتبر كافيه الباقه الي حددتها بالأزرق ممتازه وكافيه

السعر الي تشوفونه جنب كل باقه هو سعر واحد لرقمين يعني هالسعر يشمل الرقمين ..لاتفهمون غلط وتظنون كل رقم له سعر لا .. هذا بس مبلغ للرقمين شهريا ..

ومثل ما انتوا عارفين ياحلوين الباقه العائليه فقط رقمين .. اذا تبي تزود رقم ثالث لازم تدفع مبلغ 30$ ... لاحظوا الملاحظه الي فوق الجدول .

ـــــــ

نجي للباقه الثانيه / Classic Unlimited™—Talk + Text
Unlimited Minutes + Unlimited Text



اكرر الباقه فاشله .. ولا تنفع للي معهم BB او IPHONEـــــــــــــ
ـــــــــــــــ


الباقه الثالثه / Classic 1000 Minute Bundle with Data

1000 Minutes + Unlimited Text + Your Choice of Data

او تسمى باقة 1000دقيقه + رسائل المفتوحه + حجم انترنت ( يزيد السعر كلما زاد سعة الطلب)



طبعا لك 1500 على الخطين .. يعني مثلا لو تكلم انت 1000 وزوجتك 500 خلاص تخلص .. يعني عن قولة لكم1500 بيكم ودبرووها .
كنصيحه خوذوا المفتوحه وعيشوا جوكم استقبلوا احسن من السعوديه اريح لكم ماتحسب دقائق وهذي ميزة الباقات المفتوحه ترى ..
لاحظوا السعر كيف يزيد مع زيادة النت ..

لاحظوا التنبيه اذا بتزود خط ثالث زود 10 $ شهريا للباقه .

الباقه الثالثه / Classic 1000 Minute—Talk + Text
1000Minutes + Unlimited Text

يعني الف دقيقة اتصال ورسائل مفتوحه بدون نت ( يعني فاشله )
ا

لباقه الرابعه / Classic 1000 Minute—Talk

بدون رسائل ( افشل من الفاشله ..حقت عمال )

هذي صورة الباقتين الثالثه والرابعه الفاشلات مع اسعارها




ومع نهاية هذه الباقه ... نختم الحديث عن الشركه الرائعه t-mobile وهي الأرخص والأفضل والتي انصح بها وبقوه .
وراح نتكلم عن الشركه AT&T



 

 

فارس بدون سيف غير متواجد حالياً
Facebook Twitter 0
قديم 27-09-2011, 05:49 AM   #4
فارس بدون سيف
من كبار رياضيي الإقلاع
 
الصورة الرمزية الخاصة بـ فارس بدون سيف
فارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحب



طيب في البدايه لو تلاحظون ليش قلت لكم ان t-mobile احسن من AT&T ؟

الأسباب /
1) لأن الأخوان فاصلين تكلفة النت للجوال عن تكلفة المكالمات والرسائل وهذا اقذر شي بالموضوع من جد

2) الأسعار اغلى في هذه الحاله عند الدمج من t-mobile

لكن مع ذلك راح نتكلم عن الشركه لكي تختارون انتم بأنفسكم وتقررون ... مع العلم انني جربت الشركتين جميعها .. والأفضل سعرا واداء هو t-mobile


وبسم الله نبدء مع AT&T

في البدايه خلونا نشوف مع بعض تغطية AT&T

http://im4.njm5.com/13170771291.jpg

ولاحظوا في الصفحه معطيكم خيار تدخلون عنوانكم الي بتسكنون فيه يا ابطال .. علشان تشوفون الأرسال فيه وهل يوجد 3gs او لا ..

وكلها بالصفحه هذي / http://www.wireless.att.com/coverageviewer/#?type=voice

والآن نبدء بالباقات ونفس الشي في t-mobile عندها AT&T 3 باقات /

1) individual plans ( الأشتراك الفردي للعزاب )


2) family plans ( الأشتراك العائلي -- رقمين بأسم واحد للزوج وزوجته او الأخ واخته )

ـــــــــــــــــــــــــــــــــــــ

نبدء بالـ individual plans ( الأشتراك الفردي للعزاب )

http://img.ehowcdn.com/article-page-...ne-800x800.jpg

وينقسم الى قسمين بعد /

1) annual contract plan وهو الأشتراك بعقد ( مفوتر لفوق سنه )

2) GoPhone® Plans وهو الأشتراك عن طريق الشحن ( برضوا حتى بهالشركه الأفضل والأرخص )

ـــــــــــــــــــــــــــ

نبدء annual contract plan وهو الأشتراك بعقد ( مفوتر لفوق سنه )

هي الباقه المفوتره الي تلزمك توقع عقد مع الشركه تحصل من خلاله على جهاز iphone مقفل مايشتغل اللا على AT&T بسعر جدا مخفض وغيره من الأجهزه المخفضه . ومدة العقد سنتين

طبعا لا انصح بالعقد ابدا ابدا والسبب انه اكيد راح ناخذ اجهزتنا من السعوديه ولا نحتاج اجهزتهم + اسعار باقات العقد غاليه شوي .


هذا الجدول يوضح الباقات يا ابطال للمفوتر ( العقد ) ... وبدون نت لأن النت لازم اشتراك ثاني وهذا اشين مافي AT&T



وينقسم الى 3 اقسام مثل ماهو موضح بالدوائر الي حطيتها وجميعها عقد لمدة سنتين /


1) باقة Nation 450 w/Rollover® Minutes ( باقة 450 دقيقه والسعر $39.99 )



طيب خلونا نشرحها صح لكم ياحلوين /

المربع الأحمر يقولون لكم معكم 450 دقيقه بكل وقت اذا بتكلمون غير شركة AT&T

المربع الأزرق معناه في الليل والويكند معكم 5000 ==<<< يقدرون الي رضعون اخر الليل تخيلوا عندنا هالعرض

المربع الأخضر معناه من جوال AT&T الى AT&T كلم زي ماتبي

المربع البنفسجي يقول ..اذا فجرت دقايقك بنحسب على الفاتوره 45.$ على كل دقيقه

ملاحظه / الباقه تحتوي على خاصية Rollover® وهي ترحيل الدقائق الغير مستخدمه الى الشهر الي بعده كرصيد ==<<<يعني مافي شي يضيع لك ـ

ـــــــــــــــــ

نجي للباقه الثانيه / Nation 900 w/Rollover® Minutes ( باقة 900 دقيقه والسعر $59.99 شهريا )



من الجدول كل شي واضح

لك 900 دقيقه تكلم فيها اي وقت اذا بتكلم غير شبكة AT&T او ارضي
وفي الويكند والليل ادهر بيدينك ورجولك لأي شبكه تبي لأنه مكتوب Unlimited ..
تذكر اذا خلصت ال900 دقيقه راح يحسب عليك الدقيقه شهريا في الفاتوره بـ 40.$

مع التذكير ان الباقهمن اسمها تحتوي على خاصية Rollover® وهي ترحيل الدقائق الغير مستخدمه الى الشهر الي بعده كرصيد ==<<<يعني مافي شي يضيع لك
ــــــــــــــــــــــــــــ
والآن مع الباقه الثاثه / Nation Unlimited


طبعا ماتحتاج شرح .. كل شي مفتوح يا ابطال كل شي ولا اوصيك بيدينك ورجلينك بقوه

يتبع



 

 

فارس بدون سيف غير متواجد حالياً
Facebook Twitter 0
قديم 27-09-2011, 05:50 AM   #5
فارس بدون سيف
من كبار رياضيي الإقلاع
 
الصورة الرمزية الخاصة بـ فارس بدون سيف
فارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحبفارس بدون سيف فوق  هام السحب
ممتاز خلصنا باقات الاتصال والرسائل .. الحين بخش بباقات الأنترنت للجوال .. لأن مثل ماقلت لكم at&t ماتوفر نت مع الباقه يعني لها باقه غير الاتصال والرسائل ......
ـــــــــــــــــــ

باقات Data ( الأنترنت )




تعالوا نشوف بالجدول وركزوا على المستطيلات الي حددتها لكم



مثل ماهو بالجدول /

المربع الأحمر يعطيك 200 ميقا بايت بسعر 15$

المربع الأخضر يعطيك 2 قيقا بايت بسعر 25$

المربع الأزرق يعطيك 4 قيقا بايت بسعر 45$

يعني الخلاص اختر باقتك المفوتره وزود عليها باقة النت الي تبيها ... وهنا تكمت قمة الفشل

وبعد ماخلصنا من الباقه المفوتره للأفراد خلونا نخش بباقة الشحن GoPHONE Plans
ــــــــــــــــــــ

2) GoPHONE Plans (باقة الشحن )




وتنقسم لأربع اقسام /

1)$50 Monthly Unlimited Plan ( باقه مفتوحة الأتصال والرسائل ب50$ )

2) $25 Monthly Plan ( باقه لك فقط فيها 250 دقيقه ورسائل مفتوحه )

3) $2 Daily Unlimited Plan ( باقه يوميه ب2$ باليوم واتصال وارسالورسائل مفتوحه ليوم واحد)

4)10¢/Minute Plan ( باقة الـ10سنت للدقيقه ورسائل ب20سنت ==<<<وش يحسون فيه

هذا الجدول يوضح اكثر لكم شرح الباقات /



ولاحظوا بالمربع الأخير الأخضر ... حاطين انك تقدر ترسل دولي ببلاش ل100 دوله ..ولا حطوا السعوديه .. وحاطين دول مثل سوريا واليمن !!


طبعا لاتنسون ان هذا سعر الاتصال والرسائل .. باقي الباكج حق النت ما اضفناه ===<<<عرفتوا ليش t--mobile احسن

بعد ما انتهيت من الباقه المفوتره والغير مفوتره للأفراد ... الآن بأبدء بآخر شي وهو الـ FamilyTalk Cell Phone Plans
ــــــــــــــــــــــــــــــــــــــــ

حبايبنا العوائل.. حتى بأمريكا لكم وضع خاص



at&t سوت باقه للعوائل ايضا لكن تحت عقد مدته سنتين علشان كذا اقول لكم t-mobile احسن


.. و تعالوا نشوفها سوا الباقه العائليه ..




من الجدول يوضح لنا ان فيه خمس باقات يا ابطال .. ومع انها واضحه بس لعيونكم بشرحها

مع ملاحظة ان كل باقه فيهم توفر لك /

• Unlimited calling on Nights and Weekends for all lines for most plans
يعني مكالمات مفتوحه لجميع الشبكات الأري والثابت في الليل والويكند

Unlimited calling to other AT&T wireless customers with Mobile to Mobile while in the U.S.
معناها من جوال at&t to at&t ببلاش وانت بأمريكا

• No roaming or long distance charges in the U.S.
التجوال مجانا داخل ولايات امريكا ==<<<باللهي

• Saving unused minutes with Rollover®
خاصية الترحيل للدقائق المتبقيه للشهر الآخر في باقات الدقائق

...والحين نجي نعدد لكم الخمس باقات العائليه /


1) Nation 550 FamilyTalk w/Rollover® Minutes $59.99
باقة الـ 500 دقيقه العائليه الشهريه بسعر $59.99 /



ـــــــــ

2) Nation 700 FamilyTalk w/Rollover® Minutes $69.99
باقة الـ 700 دقيقه العائليه الشهريه بسعر $69.99 /


ـــــــــــــــ
3) Nation 1400 FamilyTalk w/Rollover® Minutes $89.99
باقة الـ 1400 دقيقه العائليه الشهريه بسعر $89.99 /


ـــــــــــــ

4) Nation 2100 FamilyTalk w/Rollover® Minutes $109.99
باقة الـ 2100 دقيقه العائليه الشهريه بسعر $109.99 /



ـــــــ
5) FamilyTalk Nation Unlimited $119.99
الباقه العائليه المفتوحه كلموا انت وزوجتك لين تقول بس بـ 119.99$




وكذا خلصنا الباقات العائليه ... طبعا بذكركم هذي الأسعار تشمل الخطين يعني تندفع مره وحده شهريا ...غير كذا بدون انترنت .. الأنترنت لها باكيج ثاني حطيته فووق

والحين ابشركم خلصنا من الموضوع ..

لكن خلونا نختم الموضوع بأشياء مهمه شوي ..

طبعا شرحت لكم بالتفصيل الممل كل باقه كني والله عامل في خدمات العملاء بالشركتين

انتم بأنفسكم شوفوا الفرق والي يناسبكم ... حتى لو قلت لكم الفرق واضح . انتم حددوا ...

من رأيي وتجربتي ... t-mobile ارخص واسهل في الباقات .. حتى خدمات عملائها افضل ..

شي ثاني مهم .. انتبهوا انتبهوا انتبهوا ترتبطون بعقود مع الشركات للأسباب التاليه /

1) لو مثلا ما اعجبتك الشركه وجيت بتفض العقد راح تدفع شرط جزائي قوي .
2) انت ماتعرف الظروف يمكن ترجع لأي سبب فتظطر تلغي التلفون من الشركه .. عندها راح تتورط وصارت مع اخوياي ..

3)لوجيت اجازه هنا .. تأكد وانت مرتبط بعقد .. تأكد انك راح تستمر بالدفع حتى وهو مقفل .. يعني مافيه مثل الشحن في امريكا

4) احب انوه انه مايستخدم العقد اللا الي يبون يشترون اجهزه وهم عادة الأمريكان ... لكن حنا يالسعوديين نجيب اجهزتنا معنا علشان كذا مايلزمنا ..

5) مثل مالاحظتوا دائما اسعار باقات العقد اغلى من الشحن لأنهم يعطونك الجهاز رخيص ويطلعون سعره من الباقه الي تدفعها .. فأنت جهازك معك ومن السعوديه .. لاتورط نفسك بعقد وانت مو مستفيد شي

ملاحظه مهمه /
الباقه العائليه في at&t ملزمه بعقد سنتين علشان كذا اقول لكم t-mobile احسن لأنها ماتلزمكم بعقد

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ

وفي الختام /

اخواني واخواتي المبتعثين .. الأعضاء والقراء .. استغرق مني الموضوع بكتابه متواصله فوق 6 ساعات.. ووصلت الى ساعه متأخره بالليل حتى ان عندي والله دوام لكن مانمت الين خلصت الموضوع . وبذلت في الموضوع جهد منهك في الشرح ورفع الصور والتفصيل والتلوين ..

رجاء لايجي أحد وينبرش علي و يقول عندك اخطاء املائيه .. ولا يجي واحد ويركز على شي سخيف ويترك لب واساس الموضوع ... لأن هذا اشد درجات الأحباط وعدم التقدير للموضوع وكاتب الموضوع


طلبي الوحيد لكم هو الدعاء لي بالتوفيق لي وأن الله يحفظني بطيارتي او الشهاده في خدمة الدين والدفاع عن الوطن وهي احلى خاتمه..

ولا امانع ابدا في نقل الموضوع سواء في البلاك بيري او الواتس اب او منتدى اخر .. لكن ارجو ذكر المصدر وهو اسم الكاتب فارس بدون سيف والمنتدى لحفظ حق الكاتب والمنتدى

تحياتي لكم والله يوفقكم كلكم وييسر اموركم واي استفسار انا حاظر ..



 

 


اخر تعديل كان بواسطة » فارس بدون سيف في يوم » 27-09-2011 عند الساعة » 05:52 AM.
فارس بدون سيف غير متواجد حالياً
Facebook Twitter 0
قديم 27-09-2011, 06:04 AM   #6
لحن الألم
مقلع فني مميز
 
الصورة الرمزية الخاصة بـ لحن الألم
لحن الألم فوق  هام السحبلحن الألم فوق  هام السحبلحن الألم فوق  هام السحبلحن الألم فوق  هام السحبلحن الألم فوق  هام السحبلحن الألم فوق  هام السحبلحن الألم فوق  هام السحبلحن الألم فوق  هام السحبلحن الألم فوق  هام السحبلحن الألم فوق  هام السحبلحن الألم فوق  هام السحب
وربي كل موضوع اروع من الثاني..

استفدت كثيييييييير

بس عندي استفسار

الحين انا جهازي البي بي كيرف ما ينفعني هناك صح..؟ لان باقة 50 و 70 4g .. ولا وش الوضع؟



جزاك الله خير اخوي فارس و بميزان حسناتك يارب.. و الله يوفقك دنيا و آخره..



 

 

لحن الألم غير متواجد حالياً
Facebook Twitter 0
قديم 27-09-2011, 06:28 AM   #7
فاقد ابتسامتها
عضو مقلع
 
الصورة الرمزية الخاصة بـ فاقد ابتسامتها
فاقد ابتسامتها فوق  هام السحبفاقد ابتسامتها فوق  هام السحبفاقد ابتسامتها فوق  هام السحبفاقد ابتسامتها فوق  هام السحبفاقد ابتسامتها فوق  هام السحبفاقد ابتسامتها فوق  هام السحبفاقد ابتسامتها فوق  هام السحبفاقد ابتسامتها فوق  هام السحبفاقد ابتسامتها فوق  هام السحبفاقد ابتسامتها فوق  هام السحبفاقد ابتسامتها فوق  هام السحب
موضوووع رهييب ،،
و مهمم جدا جدا للمبتعثيين الجدد ،، الحييين مالهم عذر صارو يعرفوون وش علييهمم وش ما عليهم ،،
لا من شركة اتصالات لا من بنووك لا من سكن لا من سيااره ،، كل شي مووجود و مشروح لهم شرح مففصصل في هالمنتدى
ما قصرتو جمييع


و اعرف اكثر من واحد تورط بسالفة العقوود و كذا
فانتبهو مننها

جد جد ما قصررت ،، الله يعطييبك العااافيه و الله يوفقك



 

 

فاقد ابتسامتها غير متواجد حالياً
Facebook Twitter 0
قديم 27-09-2011, 07:00 AM   #8
ريكاردو
من كبار شخصيات الإقلاع
 
الصورة الرمزية الخاصة بـ ريكاردو
ريكاردو فوق  هام السحبريكاردو فوق  هام السحبريكاردو فوق  هام السحبريكاردو فوق  هام السحبريكاردو فوق  هام السحبريكاردو فوق  هام السحبريكاردو فوق  هام السحبريكاردو فوق  هام السحبريكاردو فوق  هام السحبريكاردو فوق  هام السحبريكاردو فوق  هام السحب
الله الله
وش هالززززين من طول الغيبات جاب الغنايم
صراحة مووووضوع متكامل من الي سبقتني كنت مخطط انزله والله



يثبت بعنف + للميزة بعد اكتمال الردود + نسخه للتويتر + نسخه للفيس بوك



 

 


اخر تعديل كان بواسطة » ريكاردو في يوم » 27-09-2011 عند الساعة » 07:02 AM.
ريكاردو غير متواجد حالياً
Facebook Twitter 0
قديم 27-09-2011, 07:58 AM   #9
F A H E E D
موقوف بإصلاحية الإقلاع
F A H E E D فوق  هام السحبF A H E E D فوق  هام السحبF A H E E D فوق  هام السحبF A H E E D فوق  هام السحبF A H E E D فوق  هام السحبF A H E E D فوق  هام السحبF A H E E D فوق  هام السحبF A H E E D فوق  هام السحبF A H E E D فوق  هام السحبF A H E E D فوق  هام السحبF A H E E D فوق  هام السحب
وش هالزين يافارس لاهنت والله موضوعك جبببببار

لاهنت والله يابعدي



 

 

F A H E E D غير متواجد حالياً
Facebook Twitter 0
قديم 27-09-2011, 08:11 AM   #10
Bostonian
خبير إقلاعي مميز
 
الصورة الرمزية الخاصة بـ Bostonian
Bostonian فوق  هام السحبBostonian فوق  هام السحبBostonian فوق  هام السحبBostonian فوق  هام السحبBostonian فوق  هام السحبBostonian فوق  هام السحبBostonian فوق  هام السحبBostonian فوق  هام السحبBostonian فوق  هام السحبBostonian فوق  هام السحبBostonian فوق  هام السحب
موضوع جميل,, الله يعطيك العافيه
بس نقطة بسيطة حاب اضيفها
بغض النظر عن الاسعار,, ومن واقع تجربة وملاحظة الشباب حولي
تغطية شبكة at&t افضل بكثير من T-Mobile
مدن كبيره زي بوستن ونيويورك لا تستغرب اذا كان ارسال T-Mobile ضعيف او بعض الاحيان معدوم

الله يوفقك وييسر امرك



 

 

Bostonian غير متواجد حالياً
Facebook Twitter 0
إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 02:57 PM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2020, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017