منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الاكاديمية والثقافية > منتدى ابناؤنا في الخارج
التسجيل التقويم التأشير على جميع الاقسام بالمشاهدة




إغلاق الموضوع
 
أدوات الموضوع طريقة عرض الموضوع
قديم 17-09-2011, 04:04 AM   #1
مهندس بلا جواد
مميز اكاديمي وثقافي
مهندس بلا جواد فوق  هام السحبمهندس بلا جواد فوق  هام السحبمهندس بلا جواد فوق  هام السحبمهندس بلا جواد فوق  هام السحبمهندس بلا جواد فوق  هام السحبمهندس بلا جواد فوق  هام السحبمهندس بلا جواد فوق  هام السحبمهندس بلا جواد فوق  هام السحبمهندس بلا جواد فوق  هام السحبمهندس بلا جواد فوق  هام السحبمهندس بلا جواد فوق  هام السحب
تأمين السيارة من الألف إلى الياء

السلام عليكم ورحمة الله وبركاته ..


في هالموضوع ان شاءالله نبي نشرح اغلب الامور المتعلقه بالتأمين على السياره والعوامل اللي تتسبب في رفع الريت وتخفيضه .. وكيفية الحصول على تأمين منخفض وافضل الاسعار المتوفره لك ..

الامور اللي تهتم بها شركات التأمين:

أولا : العمر .. : العمر يلعب دور مهم في تقييمك من قبل شركات التأمين .. فالصغير 16 حتى 25 يحصل على ريت مرتفع نوعا .. وكل ما تقدم العمر كل ما انخفض الريت ..

ثانيا : الحالة الاجتماعيه : المتزوج يحصل على تخفيض في قيمة تأمين السياره ..

ثالثا : الهيستوري حق السواقه : مطفوق؟ عليك حوادث ؟ تاريخ سواقتك يكشف هالشيئ وهو مهم وضروري فهو عامل من عوامل تقييمك، وبحكم ان اغلبنا ما عنده تاريخ سواقه في امريكا فهو يحصل على سعر مرتفع وكل ما كونت لك هيستوري جيد كل ما خفضوا لك في قيمة التأمين

رابعا : رخصة قياده داخل او خارج الولايه : بعض الشباب اللي ينتقل من ولايه لولايه ويجي يبي تأمين برخصه الولايه القديمه يحصل على ريت مرتفع (بعض ) الاحيان . وكذلك اللي يجي يأمن برخصه دوليه .. تطلع له قيمه مرتفعه مقارنه برخصة الولايه اللي هو فيها .. ونقل الرخصه إلى الولايه الجديده امر سهل عموما ..

خامسا : الحي اللي تسكن فيه : المنطقة اللي تسكن فيها ايضا عامل مهم، فانتقالك من حي إلى حي احيانا يرفع او يخفض الريت حقك .. لانك ممكن في منطقة مطافيق .. وبالتالي يرتفع عليك السعر والعكس صحيح وهذا ينطبق ايضا على الولايه والمدينة اللي تسكن فيها .. وانتقالك قد يرفع او يخفض الريت

سادسا : التزامك بالسداد ووالكردت هيستوري : .. الكردت هيستوري حقك قد يؤثر بشكل او بآخر في تقييمك.. ولذلك احيانا شركات التأمين تطلب منك تدفع قيمة البوليسي كامله لستة اشهر.. واللي جرب ودفع لمدة سنه او اكثر قيمة التأمين كامله بيلاحظ ان الريت بدا ينخفض لانك ما عاد تمثل خطر على الشركه .. ( دفيع يعني )

سابعا : هل سبق وتكنسلت البوليسي حقتك ؟: هذا سؤال تلقاه دائما إذا جيت تطلب تأمين .. وإذا سبق وكنسلوا عليك البوليسي يرتفع الريت حقك حتى لو تكذب عليهم لان شركات التأمين الظاهر انهم يشتغلون مع بعض فلا تتفلسف وتقول ابسحب عليهم واابروح لشركه ثانيه والعب عليهم .. لا كان غيرك اشطر


ثامنا : نوعية السياره: وهنا في تفصيل : السيارات الحديثه تكلف اكثر للتغطيه .. والقديمه تكلف اقل ..
ولكن السيارات القديمه قد تفتقد للأجهزه الحديثه في الامان مثل اجهزة الانذار ومواصفات الفرامل والاير باق .. ولذلك يرتفع الريت .. والعكس في السيارات الجديده ..

تاسعا : عدد الاميال اللي تسوقها : إذا كنت تسوق واجد يرتفع والعكس صحيح .. لذلك حاول تحط ان الهدف من قيادة السياره هو الوصول للجامعه وبين لهم انها قريبه منك ما تتعدا 2 مايلز


عاشرا : مخالفات المرور والنقاط اللي على رخصتك .. هذي تلعب دور محوري في تقييمك .. مخالفات الباركنق عادي ما تدخل .. لكن السرعه وقطع الاشارات وغيرها واللي مثلا لازم يكون فيها محكمه وحواق هذي تأثر عليك بشكل سلبي وقوي ..

تفاصيل البوليسي :

Bodily injury liability او الاصابة الجسديه :
هذي تعني انك في حال لا سمح الله صدمت ، فإن هذا هو مبلغ التغطيه للي انت صدمتهم وشاملة للتكاليف الاخرى مثل المستشفى والعلاج و مصاريف الوفاة .. و تكاليف الامراض الاخرى او الالام المترتبه على الحادث ..

Property damage liability او الإضرار بالممتلكات .. :
هذي في حال لا سمح الله تسبتت في تكسير او تخريب ممتلكات الاخرين فإنه يتم تغطيتك بناءا على المبلغ اللي تختاره في البوليسي .. وايضا يتضمن مبالغ المحامي في حال رفعت عليك قضية

Comprehensive coverage التغطية الشاملة :

هذي تغطيك في اي وضع غير حوادث السير المعتاده .. مثل لا سمح الله جا حريق .. او فيضان وخرب سيارتك .. او اي شيئ ماله علاقه بحوادث السير فإنه يتم تغطيتك واحيان احتمال تاخذ سياره جديده لو كان الضرر قوي وهذا من الاشياء الاختياريه وليست الزاميه

Collision coverage .. تغطية التصليح :

هذي قيمة التصليح اللي ممكن تدفعها لك شركة التأمين في حال لا سمح الله حادث او شيئ


Uninsured motorist/underinsured motorist قائد مركبه لا يحمل تأمين :

هذي في حال لا سمح الله تعرضت لحادث وكان مخطى عليك .. واللي اخطا عليك ما معه تأمين .. او معه تأمين لكن تأمينه ما يغطي كافة التكاليف .. فإن تأمينك راح يعطيك الفوارق ويدفع فواتيرك الطبيه واي شيئ آخر له علاقه بالحادث ..

Personal injury protection الحمايه الشخصيه ضد الاصابه :

هذي تغطية اختياريه ضد الاصابه في الحوادث الله يكفينا وياكم شرها .. ويدفعون لك فواتيرك الطبيه وغيرها سواء كنت مخطي او مخطى عليك وبرضه يغطي اللي معك في السياره حسب الخيارات حقتك


هذي تقريبا اهم ما تحتويه البوليسي ..

التخفيضات :

بعض الشركات تقدم تخفيضات كثيره للمتقدم .. ذكرنا بعضها مثل السيفتي واجهزة الانذار في السياره وسنذكر البقيه ..

- بعض الشركات تقدم لك خصم كونك طالب جيد ومعدلك لا يقل عن 3.00 ..
- بعض الشركات تقدم لك خصم لو كان الكردت سكور حقك ممتاز
- بعض الشركات تقدم لك خصم لو كنت سواق راكد ..
- ايضا شراء البوليسي كامل يقوي موقفك .. لو شريت خلال سنه 2 بوليسيز ودفعتها كامله ( يعني موب شهري ) ممكن تحصل الريت ينخفض حقك مع الوقت .. خصوصا اذا وضعك في السليم من ناحية قياده
وهذي تختلف من شركه لشركه وعلى حسب وضع الاقتصاد احيانا يقدمون لك تخفيض .. اذكر مره قايكو او بروقريسيف يسوون لك خصم لو كنت تملك بيت .. << عطفا على ازمة العقار
قايكو تعطيك خصوم لو كنت من ضمن لستة من المنظمات او اليونيونز وغيرها .. وهي تختلف مثل ما قلنا من شركه لشركه فحاول تشوف انسب شي لك



كيفية اختيار شركة التأمين


1 - معظم الشركات الكبيره مثل بروقريسيف وقايكو و أل ستيت نصابين من ناحية الاعلاانات .. طيب وشلون تختار من بين هالشركات انا اقولك ..

لو تروح لموقع قايكو وتسوي لك كوت .. وتطلع منه وتروح لبروقريسيف 10000% تبي تلقى الريت مقارب جدا للريت اللي سواه لك قايكو .. وبهالطريقه تبي تلقى نفسك متوهق في مستوى معين .. لذلك نصيحتي انك تدور لك اول شي agent وتفهمه وضعك .. في بعض المدن تلقى مكاتب متخصصه في هالشيئ وغالبا يطلعون لك ريت منخفض عن اللي تلقاه بالنت بنسبه كويسه ..

الشيئ الثاني .. : لازم تمر على هالموقع وابشرح طريقته الأن :

الموقع

كود:
http://insurance.comparisons.org/?sub=1-adsakinLSJ
يبحث بشكل سريع في شركات كثيره ومشهور ويختار لك اقل الاسعار اللي ممكن تحصلها .. يجيب لك اشياء عجيبه لدرجه انه ممكن يخفض الريت حقك بنسبة قويه جدا .. من خلال عملية التدوير هذي بين الشركات بس ان طلع لك ريت قوي جدا واعجبك .. على طول اشتر البوليسي لانك احيانا يمكن ما تصدق اللي انت جالس تشوفه وعلى قولهم ( تو قود تو بي ترو )
المشكلة الوحيده بهالموقع انه موب بالضروره يجيب لك اقل شي متوفر لك .. لكنه يجيب لك شي حوله .. لانه لو جاب لكل واحد اقل شي بتخسر الشركات الثانيه اللي هو متعامل معهم، فالبتالي حتى ينجح كل شركاءه لازم ينوع في توزيع الكوتز حقته.. ( rotation ) وهو من وجهة نظري الافضل من بين المواقع اللي جربتها ..


نصائح بعد شراء البوليسي او على ما يقولون ربعنا ( البوليصه )

- بعد ما تشتري البوليصه وهي غالبا لمدة ستة اشهر، انتبه من حركة التجديد التلقائي، انا كان الريت حقي منخفض ونقلت إلى ولايه أخرى وكانت حول فترة نهاية تأميني. وبعد فتره جلست ادور شركات تأمين لكن الله امرني مرتن من المرات ودخلت ايميل قديم لي وشفت إيميلات واجد من شركة قايكو الي كنت مشترك معهم مجددين البوليسي تلقائيا وكنسلوها لاني ما عاد دفعت لهم .. وانا كنت احسب انه انتهت البوليسي.. وهالحركه هذي بهذلتني لمدة سنتين كامله مع شركات التأمين .. لدرجة اني يأست القى شي رخيص .. كل مواقع التأمين والشركات تطلب مني دفع مبالغ مستحيل احد يصدقها ولا in full بعد يعني موب شهريا بعض المبالغ اللي اذكرها كانت فوق الالفين دولا ر تغطية ست شهور وبالمنيمم ريكوايرمنتس ! فلذلك ضروري تدفع on time وتبلغهم في حال انك تبي تكنسل البوليسي حقتك بعد ما تنتهي ..


- يحق لك تنقل التغطيه حقتك من اي شركه حتى لوك توك شاري التأمين إذا لقيت سعر ارخص .. ولذلك لو لقيت مثل هالشي بلغ شركتك بالسعر اللي لقيته واعتقد انهم بيخفضون لك في سبيل المحافظه عليك كعميل


- حاول تجرب اكثر من موقع واكثر من طريقه للحصول على تأمين، وجرب تروح للايجنتس والمكاتب الموجوده بمدينتك وقارن الاسعار وشف وش انسب شي لك ..


- نقطه اخيره ومهمه : حاول تتعرف على وضعك في السواقه وتعرف ان هالبلد ما يرحمون ، يعني عادي تدفع تأمين غالي بس اهم شي فك نفسك من المطالبات والمشاكل .. موب ضروري يكون تأمينك رخيص عشان ترتاح ماديا
.. ممكن ترتاح ماديا شهر والا شهرين .. لكن تتعب نفسيا سنين لا سمح الله لو صار شي والا شي ..



أخيرا وليس آخرا ، هذا مجهود قد يفيد البعض ..
نتمنى منكم الدعاء او على ما يقولون ميك دعاء والله يرفع ريتنا في الجنه ويخفض ريتنا عند هالشركات

وبالتوفيق



 

 


اخر تعديل كان بواسطة » مهندس بلا جواد في يوم » 17-09-2011 عند الساعة » 04:05 AM.
مهندس بلا جواد غير متواجد حالياً
Facebook Twitter 0
قديم 17-09-2011, 05:38 AM   #2
MoLeCuLe
خبير إقلاعي مميز
MoLeCuLe فوق  هام السحبMoLeCuLe فوق  هام السحبMoLeCuLe فوق  هام السحبMoLeCuLe فوق  هام السحبMoLeCuLe فوق  هام السحبMoLeCuLe فوق  هام السحبMoLeCuLe فوق  هام السحبMoLeCuLe فوق  هام السحبMoLeCuLe فوق  هام السحبMoLeCuLe فوق  هام السحبMoLeCuLe فوق  هام السحب
موضوع شامل ووضح اشياء كثيره حول التأمين وفوق كذا جاء بوقته
لكن عندي استفسارومادري اذا عندك فكره حوله بخصوص جزئيه مخالفات المرور
انا كان عندي محاكمه للسرعه ودفعت المخالفه لكن حسب ماعرفت انه ماراح تنقص
من نقاطي هل هالشيء راح ياثر ؟
مع العلم ان هالشيء صار بولايه ثانيه
والله يعطيك العافيه مهندس
افدتني كثير واكيد بتفيد بقيه المبتعثين



 

 

MoLeCuLe غير متواجد حالياً
Facebook Twitter 0
قديم 17-09-2011, 05:53 AM   #3
cataloni
مميز اكاديمي وثقافي
 
الصورة الرمزية الخاصة بـ cataloni
cataloni فوق  هام السحبcataloni فوق  هام السحبcataloni فوق  هام السحبcataloni فوق  هام السحبcataloni فوق  هام السحبcataloni فوق  هام السحبcataloni فوق  هام السحبcataloni فوق  هام السحبcataloni فوق  هام السحبcataloni فوق  هام السحبcataloni فوق  هام السحب
هلا والله بوقته واللهي بوقته ناوي اشتري سياره هاليومين وما ادري كم يكلف التـآلمين عندي صديق آمريكي يشتغل بشركة تأمين تتوقع يقدر يفيدني من ناحية الخصومات وهكا ؟
انا عمري ٢١ سنه وما طلعت ستيت لايسنز بس معي الانترناشنال لايسنز وش وضعي كم تتوقع راح ادفع لان ما عندي خلفية عن الاسعار!

شكررررا
ــــ ــــ ــــ ــــ ــــ
تو جاني رساله بالايميل انخرشت يوم قريتها
Your 6-month quote is just $1413.64

هونا ما نبي سياره وما نبي تأمين



 

 


اخر تعديل كان بواسطة » cataloni في يوم » 17-09-2011 عند الساعة » 06:14 AM.
cataloni غير متواجد حالياً
Facebook Twitter 0
قديم 17-09-2011, 06:11 AM   #4
F A H E E D
موقوف بإصلاحية الإقلاع
F A H E E D فوق  هام السحبF A H E E D فوق  هام السحبF A H E E D فوق  هام السحبF A H E E D فوق  هام السحبF A H E E D فوق  هام السحبF A H E E D فوق  هام السحبF A H E E D فوق  هام السحبF A H E E D فوق  هام السحبF A H E E D فوق  هام السحبF A H E E D فوق  هام السحبF A H E E D فوق  هام السحب
موضوعك بطل وربي لي رجعه اكيد

بس نسخ للتويتر واقوى ريتويت



 

 

F A H E E D غير متواجد حالياً
Facebook Twitter 0
قديم 17-09-2011, 06:29 AM   #5
Abo-Jariah
من كبار مميزين الاكاديمية والثقافية
 
الصورة الرمزية الخاصة بـ Abo-Jariah
Abo-Jariah فوق  هام السحبAbo-Jariah فوق  هام السحبAbo-Jariah فوق  هام السحبAbo-Jariah فوق  هام السحبAbo-Jariah فوق  هام السحبAbo-Jariah فوق  هام السحبAbo-Jariah فوق  هام السحبAbo-Jariah فوق  هام السحبAbo-Jariah فوق  هام السحبAbo-Jariah فوق  هام السحبAbo-Jariah فوق  هام السحب
إقتباس »
الرسالة الأصلية كتبت بواسطة cataloni »
هلا والله بوقته واللهي بوقته ناوي اشتري سياره هاليومين وما ادري كم يكلف التـآلمين عندي صديق آمريكي يشتغل بشركة تأمين تتوقع يقدر يفيدني من ناحية الخصومات وهكا ؟
انا عمري ٢١ سنه وما طلعت ستيت لايسنز بس معي الانترناشنال لايسنز وش وضعي كم تتوقع راح ادفع لان ما عندي خلفية عن الاسعار!

شكررررا
ــــ ــــ ــــ ــــ ــــ
تو جاني رساله بالايميل انخرشت يوم قريتها
Your 6-month quote is just $1413.64

هونا ما نبي سياره وما نبي تأمين
اذا طلعت رخصه امريكيه يرخص عليك ...

موضوع جميل يعطيك العافيه

طبعا فيه Liability insurance

اللي هو ضد الغير والالزامي و اقل

انواع التأمين زينة هالتأمين يفكك

من مطالبة الناس بس انه ما يغطيك

انت ...وهو مشابه لحد كبير

الي في السعوديه ابو 350 ريال مع

فرق طبعا التغطيات والبلاوي الثانيه...

شي ثاني يأثر في الريت حق التأمين

لون السياره و سلندراتها وحتى قدم

الرخصه يأثر يعني توك مطلعها والا

قديمه .. بالعربي سو تأمين وادفع

وانت ساكت لأن لو الواحد بيدقق

لا مفر ,,!



 

 

Abo-Jariah غير متواجد حالياً
Facebook Twitter 0
قديم 17-09-2011, 09:37 AM   #6
Aski Memnu
من كبار شخصيات الإقلاع
 
الصورة الرمزية الخاصة بـ Aski Memnu
Aski Memnu فوق  هام السحبAski Memnu فوق  هام السحبAski Memnu فوق  هام السحبAski Memnu فوق  هام السحبAski Memnu فوق  هام السحبAski Memnu فوق  هام السحبAski Memnu فوق  هام السحبAski Memnu فوق  هام السحبAski Memnu فوق  هام السحبAski Memnu فوق  هام السحبAski Memnu فوق  هام السحب
موضوع مفيد... تشكر على مجهوداتك فيه..

للتثبيت



 

 

Aski Memnu غير متواجد حالياً
Facebook Twitter 0
قديم 17-09-2011, 04:32 PM   #7
N A j A T
من كبار شخصيات الإقلاع
 
الصورة الرمزية الخاصة بـ N A j A T
N A j A T فوق  هام السحبN A j A T فوق  هام السحبN A j A T فوق  هام السحبN A j A T فوق  هام السحبN A j A T فوق  هام السحبN A j A T فوق  هام السحبN A j A T فوق  هام السحبN A j A T فوق  هام السحبN A j A T فوق  هام السحبN A j A T فوق  هام السحبN A j A T فوق  هام السحب
موضوع جميل جدا
وراح استفيد منه هالفتره باذن الله
يادي السياره اللي معي تطلع ههههه
الله يسهل ع الجميع ويعطيك الف عافيه يارب
لي عوده =)



 

 

N A j A T غير متواجد حالياً
Facebook Twitter 0
قديم 18-09-2011, 03:05 AM   #8
القرايــن
من كبار شخصيات الإقلاع
 
الصورة الرمزية الخاصة بـ القرايــن
القرايــن فوق  هام السحبالقرايــن فوق  هام السحبالقرايــن فوق  هام السحبالقرايــن فوق  هام السحبالقرايــن فوق  هام السحبالقرايــن فوق  هام السحبالقرايــن فوق  هام السحبالقرايــن فوق  هام السحبالقرايــن فوق  هام السحبالقرايــن فوق  هام السحبالقرايــن فوق  هام السحب

عساك على القوة مهندسنا وفعلاً موضوع مهم جداً ..

والله يافرق الاسعار من السعودية وامريكا !! اللي ندفعه بسنه بالسعوديه ندفعه بالشهر وحنا نضحك خخخخخ

جربوا تأمين قايكو، يعطيكم تسعيرة تأمين مباشرة من الموقع، جربته وعطاني كووت وبعدها زادوا 6 دولارات عن اللي قايلينه .. يعني شبه واقعي اللي يعطونك بشرط دقة المعلومات اللي تزودهم بها ..



 

 

القرايــن غير متواجد حالياً
Facebook Twitter 0
قديم 18-09-2011, 05:44 AM   #9
مهندس بلا جواد
مميز اكاديمي وثقافي
مهندس بلا جواد فوق  هام السحبمهندس بلا جواد فوق  هام السحبمهندس بلا جواد فوق  هام السحبمهندس بلا جواد فوق  هام السحبمهندس بلا جواد فوق  هام السحبمهندس بلا جواد فوق  هام السحبمهندس بلا جواد فوق  هام السحبمهندس بلا جواد فوق  هام السحبمهندس بلا جواد فوق  هام السحبمهندس بلا جواد فوق  هام السحبمهندس بلا جواد فوق  هام السحب
إقتباس »
الرسالة الأصلية كتبت بواسطة MoLeCuLe »
موضوع شامل ووضح اشياء كثيره حول التأمين وفوق كذا جاء بوقته
لكن عندي استفسارومادري اذا عندك فكره حوله بخصوص جزئيه مخالفات المرور
انا كان عندي محاكمه للسرعه ودفعت المخالفه لكن حسب ماعرفت انه ماراح تنقص
من نقاطي هل هالشيء راح ياثر ؟
مع العلم ان هالشيء صار بولايه ثانيه
والله يعطيك العافيه مهندس
افدتني كثير واكيد بتفيد بقيه المبتعثين

هلا والله وسهلا ..
الحمدلله ان الموضوع افادك ونأمل ان شاءالله انه يفيد الكثيرين ..
بخصوص استفسارك .. اللي اعرفه إذا كان في مخالفه تستوجب محاكمه .. فالافضل توكيل محامي يتولى القضيه مقابل مبلغ بسيط ( قد وكلت محامي ب 45 دولار ) و وتولى القضيه ودفعت قيمة المخالفه .. و هو مسح النقاط اللي علي
وما ادري الحقيقه لو صارت المخالفه بولايه ثانيه .. بس واحد من العيال قد اخذ مخالفه وهو مسافر خط وسجلت النقاط على رخصته رغم كونها بولاية ثانيه .. فما ادري يمكن يسجلونها عليك مثل الرجال ويمكن لا .. ما اقدر افتي ..
شاكر ومقدر

إقتباس »
الرسالة الأصلية كتبت بواسطة cataloni »
هلا والله بوقته واللهي بوقته ناوي اشتري سياره هاليومين وما ادري كم يكلف التـآلمين عندي صديق آمريكي يشتغل بشركة تأمين تتوقع يقدر يفيدني من ناحية الخصومات وهكا ؟
انا عمري ٢١ سنه وما طلعت ستيت لايسنز بس معي الانترناشنال لايسنز وش وضعي كم تتوقع راح ادفع لان ما عندي خلفية عن الاسعار!

شكررررا
ــــ ــــ ــــ ــــ ــــ
تو جاني رساله بالايميل انخرشت يوم قريتها
Your 6-month quote is just $1413.64

هونا ما نبي سياره وما نبي تأمين
هلا وسهلا .. والله ممكن يفيدك رفيقك ليش لا .. خصوصا انه من اللي يسمونهم انسايدرز .. فاكيد عنده خبره
بخصوص التسعيره حقتك .. اعتقد جاوبك الغالي Abo-Jariah
انقل رخصتك لان التامين غالي على الرخصه الدوليه
حياك يابعدي



إقتباس »
الرسالة الأصلية كتبت بواسطة F A H E E D »
موضوعك بطل وربي لي رجعه اكيد

بس نسخ للتويتر واقوى ريتويت

الله لا يهينك يابعدي شاكر ومقدر وبانتظارك



 

 


اخر تعديل كان بواسطة » مهندس بلا جواد في يوم » 18-09-2011 عند الساعة » 05:46 AM.
مهندس بلا جواد غير متواجد حالياً
Facebook Twitter 0
قديم 19-09-2011, 08:12 AM   #10
مهندس بلا جواد
مميز اكاديمي وثقافي
مهندس بلا جواد فوق  هام السحبمهندس بلا جواد فوق  هام السحبمهندس بلا جواد فوق  هام السحبمهندس بلا جواد فوق  هام السحبمهندس بلا جواد فوق  هام السحبمهندس بلا جواد فوق  هام السحبمهندس بلا جواد فوق  هام السحبمهندس بلا جواد فوق  هام السحبمهندس بلا جواد فوق  هام السحبمهندس بلا جواد فوق  هام السحبمهندس بلا جواد فوق  هام السحب
إقتباس »
الرسالة الأصلية كتبت بواسطة Abo-Jariah »
اذا طلعت رخصه امريكيه يرخص عليك ...

موضوع جميل يعطيك العافيه

طبعا فيه Liability insurance

اللي هو ضد الغير والالزامي و اقل

انواع التأمين زينة هالتأمين يفكك

من مطالبة الناس بس انه ما يغطيك

انت ...وهو مشابه لحد كبير

الي في السعوديه ابو 350 ريال مع

فرق طبعا التغطيات والبلاوي الثانيه...

شي ثاني يأثر في الريت حق التأمين

لون السياره و سلندراتها وحتى قدم

الرخصه يأثر يعني توك مطلعها والا

قديمه .. بالعربي سو تأمين وادفع

وانت ساكت لأن لو الواحد بيدقق

لا مفر ,,!
هلا وسهلا ..
شاكر ومقدر الاضافه القيمه ..
تقدر برضه تاخذ المينمم ريكوايرمنتس كانك تبي تفك عمرك من المرور وتطلع لوحاتك وتزين امورك ..
حياك

إقتباس »
الرسالة الأصلية كتبت بواسطة Aski Memnu »
موضوع مفيد... تشكر على مجهوداتك فيه..

للتثبيت

ياهلا والله اسكي ..الله يعطيك العافيه على التثبيت والله ينفع به

إقتباس »
الرسالة الأصلية كتبت بواسطة N A j A T »
موضوع جميل جدا
وراح استفيد منه هالفتره باذن الله
يادي السياره اللي معي تطلع ههههه
الله يسهل ع الجميع ويعطيك الف عافيه يارب
لي عوده =)
هلا وسهلا ... الله ينفع به قولي آمين
شاكر ومقدر وبانتظار عودتك

إقتباس »
الرسالة الأصلية كتبت بواسطة القرايــن »

عساك على القوة مهندسنا وفعلاً موضوع مهم جداً ..

والله يافرق الاسعار من السعودية وامريكا !! اللي ندفعه بسنه بالسعوديه ندفعه بالشهر وحنا نضحك خخخخخ

جربوا تأمين قايكو، يعطيكم تسعيرة تأمين مباشرة من الموقع، جربته وعطاني كووت وبعدها زادوا 6 دولارات عن اللي قايلينه .. يعني شبه واقعي اللي يعطونك بشرط دقة المعلومات اللي تزودهم بها ..
هلا وسهلا ..
شرهتك على اللي يأمن في السعوديه
مير رخصتي مطوفه لها اربع سنين او حولها وعلي مخالفات إلى بكره .. بيحدوني على التسديد في تجديد الجواز .. الله يسهل بس

موقع قايكو وغيره جيد من ناحية شراء البوليسي .. لكن سيئه من ناحية تسعير ..
بروقريسيف يقولك حط سعرك ولين حطيت اللي تبيه قالك معصي ..

الله يسهل ..
شاكر ومقدر



 

 

مهندس بلا جواد غير متواجد حالياً
Facebook Twitter 0
إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 06:49 AM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2020, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017