منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الإقلاعية والشعبية > مجلس الإقلاع
التسجيل التقويم التأشير على جميع الاقسام بالمشاهدة




مواضيع مهمة ادخل هنا لمتابعتها - متجددة بشكل دوري


إغلاق الموضوع
 
أدوات الموضوع طريقة عرض الموضوع
قديم 29-04-2011, 05:11 AM   #1
المدحدح
من كبار شخصيات الإقلاع
المدحدح فوق  هام السحبالمدحدح فوق  هام السحبالمدحدح فوق  هام السحبالمدحدح فوق  هام السحبالمدحدح فوق  هام السحبالمدحدح فوق  هام السحبالمدحدح فوق  هام السحبالمدحدح فوق  هام السحبالمدحدح فوق  هام السحبالمدحدح فوق  هام السحبالمدحدح فوق  هام السحب
حنش " مذكرات دحيم المدحدح وحده بدون شركاء "


.:.

السلام عليكم ورحمة الله وبركاته


في ليلة من الليالي السود الي كانت تحيط بي انا دحيم فتح علي الوالد باب السطح وجاب لي معه سطلين الاول فيه علف (دزت) والسطل الثاني فيه شعير وهو متلطم ما ادري ادري وشهو شام من ريحة وقالي يا ولدي يا دحيم بزبوز الماء مفتوح لك فترة الصباح بالليل بنقفله عنك وتوه بيزيد كم كلمه الى انه شرق وغص وكح وتلطم في آآنً واحدوقفل باب السطح بعد ما انهى ربط رجلي بكلبشه في عامود.

ولكم قبل لا تعرفون وش الي صاير راح نرجع للماضي واعرفكم بنفسي اولاً



السيرة الذاتية لدحيم


دحيم المدحدح الحائز على شهادة ايزو 9009 في التسدح والتبطح ايضاً حاصل على شهادة دبلوم ثانوي تجاري بس بالدف والموضوع اغلبه مرتبط في حياتي الدراسية لذا نبداها من الثانوية .

قبل لا ادخل الثانوي التجاري صار لي تجربه في احد الثانويات في الرياض درست معاهم ثلاث سنوات وفي السنه الرابعه غيرو اسم المدرسه وصارحني وكيل المدرسه ان سبب تغيير الاسم يمكن اسم النجاشي كان له تآثير عليك وقالي هالمره غيرناه لآسم الشيخ عبدالعزيز ابن باز رحمة الله عليه واسعه ولكن دون جدوى فتقاسيم المخ عندي ما استقبلت المواد كلها والاصح والاحرى والادق من ذلك اني ماتعديت اول ثانوي والاسباب تعود الى اني

شخصية تجارية بلا شك لا انفع في المواد الادبية لآن كلها حفظ ولا انفع في المواد العلميه لآنها تعتمد على الفهم

يعني لا احفظ ولا افهم (حمار نمره واستمارة)

وفعلاً جاء الوالد وسحب ملفي واعتذر لهم بالانابة عني
وبعدها انتققلت الى المعهد الملكي الي يخرج الكهربائيين والميكانيكيين والدهانيين والصباغين (الطبقه الكادحة)

وكان وقت دخولي لهم قبل الاختبارات بكم اسبوع بس اني واضبت على الحضور واعجب فيني الاستاذ الفاضل / عامر بخش سلمة الله

استاذ مادة الكهرباء المعماري وكان دايم من المعجبين فيني ويضرب فيني المثل بس في الحضور والانصراف
حصصه انا الوحيد الي احضر بدري وانصرف اخر واحد

وفي الاختبار طلب مني اني اركب اجزاء المروحة الكهربائية وفي الامانه ما عطاني لا مفكات ولا شي والسلك وقتها كان بارز مافيه الي يسمونه المقبض < نيته وصخه الولد

ويجيكم دحيم ويغز الاسلاك وتقب حريقه في المعمل حق الكهرباء وجلس يصارخ الاستاذ عمر بخش لعنة الله عليه جايزه دايم يمدح فيني قبل هالسالفه وبعدها راح للوكيل العام وقالهم يا انا يا دحيم في هالمعهد وعلى طول نزل قرار ابعادي واني اتحول للتحقيق في المؤسسة العامة للتدريب الفني ... وصدر بحقي قرار نقل من المعهد الملكي الى الثانوية التجاريه

جزاهم الله خير عني وعن المسلمين عرفو طريقي ووجهوني الله يجزاهم عني وعن المسلمين خير الجزاء

وفي اول يوم داومت فيه سمعت واحد من الاداريين ينادي بآسمي وقالي تكاليف دراستك دفعت بالكامل وراح نحولك لمعهد ثانوي تجاري اهلي
بس اسمع تراه بس هالترم والترم الي بعده بتجي عندنا لانك جاي في الوقت الحاسم

مايهم الي يقوله كله المهم اني بروح شي اهلي يعني بآفلها واحس اني من عيال النعمة يعني بآصير كول وادلع نفسي وتتحقق كلمة المدحدح الي طول عمري اكافح عشانها

داومت في الثانوية التجارية الاهلية وابشركم طلعت الدراسه سهله جداً بس انا كنت ما اركز وفكونا من المواد الكيميائيه والفيزياء والمعادلات الي مالي فيها مصلوح

و في السنة الاولى جبت الشهادة للوالد بتقدير جيد والترتيب الرابع على الفصل


الوالد نقز وطامر من الفرحة ومن بكره حضر معي للفصل كآي اب يبي يفخر في ابنه
بس انه اكتشف سر تفوقي انه اساساً الفصل مافيه غير ست طلاب واحد محولينه ليلي والثاني منازل وهنا الوالد تفشل قدام المصارية وقام الاستاذ شحاته ينصحه ولدك ترانا منجحينه عشانه يحضر بس لا اكثر

يعني ولدك ناجح في السلوك والمواضبة ولا يهمك يا ابو دحيم ترانا نضرب فيه مثال الغباء

وبنفس الليلة الوالد استقبل القبلة وجلس يدعيلي ويوم خلص الدعاء مسكني الوالد وجلس يصيح ياولدي وش اسوي فيك علمني مابي منك شي بس انجح اي تقدير اي شي المهم انجح ارجوك يادحيم

بعدها رحت للوكيل الاستاذ شحاته وشرحت له الوضع وقالي ما تخافش يبني انتا بس لايمني بداية كل شهر واعتبر نفسك ناجح في كول المواد
المراد انه صار مصروفي يا طويلين العمر كله يروح للآستاذ شحاته لحد ما خلصت الثانوية والحمد لله نجحت

اول ما انهيت دراستي جيت للوالد ابشرة في الخبر من صباح الله خير انبسط الوالد وبنفس الوقت حس انه توهق وضاق صدره

وقالي يا والله النكبة ياوليدي يا ليتك تدرس للحين وش بآسوي فيك الحين وجهك مب وجه عسكرية والمصيبة هالحين الواسطات كلهم يتنحشون من الثانوية وش اسوي فيك حتى الشركات اول كان نظامهم يستفيدون منكم يالبهايم عشان نسبة السعودة هالحين اطقع ما يشوفون الوزير والانظمه


يا ولدي وراك ما تدرس الجامعه يمكنك تفلح فيها !!

ما اخفيكم ان كلام الوالد اثر فيني وبنفس الوقت عقدت على اني انهي الشهادة بحثت في الجامعات كلهم يقولون ثنوي تجاري هاهاهاااي هذا مقلب كبير شربوك اياه مانقبلك شف الجامعات في الخارج


كلمت الوالد واول ما قلت له فكره اني بآدرس برى انبسط وكاني مبشرة في الجنه ويتصل على صديقه في التعليم العالي
وفي ذيك الليلة جانا صديق ابوي وقلط وانا اقهوية سآلني يادحيم تقدر تروح بريطانيا ؟(على اساس اني محرول يعني)

بصراحة هالسؤال فيه استخفاف بعقلييتي قلت له بس انت عطني التذكره وازهل الباقي


قالي بتقدر تجيب شهادة ولا على الاقل لغه تمام نفزعلك تتوظف ولا تيتي تيتي مثل ما رحتي جيتي واستمر في كلامه وعلمني اني بروح اسكن مع عائله وادرس في معهد بنفس الوقت

انا هنا كآن رجعت لي نفس العقده ياليييل معهد بعد
الى الوالد يتلاقاني بذيك التفله ويقولي ركز مع الرجال

ومن بكره اخذت شهاداتي كاملة كامله ورحت انهيت الاجراءات وبعد فتره اخذت الفيزا (فيس بنقالي)

يوم الرحيل


اصبحت ذاك اليوم واثاري الوالد حاط رجله ببطني يقول قم يالهيس يالله تآخرنا باقي على رحلتك ١٠ ساعات

(الله يالدنيا حتى في اخر اللحظات تبي تفتك مني )

المهم انه وصلني الوالد للمطار ولا سلم علي ما سمعت الى فحطه البيوك (الباخرة حقتنا)

ركبنا الطيارة واستفتحت جلستي في الطياره بعصيري المفضل واين بالفاصوليا وجلست اتفرج على المناضر الخلابه الي ما اشوف منها شي وبعد مده صحوني جزاهم الله خير يوم وصلنا هيثرو الي ضعت فيه تصدقون يا جماعه الخير اني جلست فيه ست او خمس ساعات ادور المكتب الي متعاقد معه عشان يوصلني للعائله الي بروح اسكن عندها

وبعد هالجهد لقاني المصري الي بيوصلني ولاول مره اقابل مصري هرجه مب كثير ولا يطلب ولا يقول ياباااشه على انه سواق تاكسي وانا استغربت من المنطق وكلامه الرسمي معي وقلت خلني اكرمه واقوم امد له ٢٠ باوند ويجلس يتعزز بس نفسه من الداخل مهيب راضيه

اكرم عليه يطلق حسنيه التسلب ولا يرفض هالمبلغ
واول ما اخذ المبلغ اشتغل الجهاز الي معه واسمع الي يكلمه ينافخ عليه واتجه فيني للمكتب وفي المكتب الخاص فيهم لعنو جدفه وهزئوه ورجعولي فلوسي والفلوس المدفوعه اساساً
عشان يوصلني وجابو لي سياره من ذيك الي نشوفها مع ابطال السينما الطويله ووصلوني للسكن ولله الحمد
استقبلتني ام جاكلين وبعلها ورحبو فيني ايما ترحيب

ودخلت وعرفتني اول شي على الكلب حقهم الله لا يقدرها بس من معزته عندهم وبحكم اني دخييل عليهم وبعدها

عرفتني على جاكلين البنت الاموره ذات الست سنوات واخر شي عرفتني على الاب الصامت وبعدها ودوني غرفتي

المهم احس بتآثير الفاصوليا و الله يكرمكم دخلت لقضاء الحاجه وجاني ذالتسلب حقهم شافني ابدخل الدوره الى وهو مدرعم

انتضرته شوي لين قرب يوم جاء يدخل راسه وانا الي اسحب الباب بكل قوتي واسكر على راسه الباب واجلس اضحك مسلسلي القديم مع قطاوه الحارة جالس ينعاد وعصير الفاصوليا شغال وانا اضحك في الدوره يوم فتحت الباب واحصل امهم تصارخ علي والابو يتحلطم ما ادري وش يقول والعائله كآني سببت لهم نكبه بس الي بان لي من الكلب ان نفسيته تآزمت ما احد قد تجرء يقفل الباب بوجهة (ينعن ام عزة النفس ياشيخ)

وبديت اول ايامي كآي شاب سعودي يبي يضهر شخصيته في البيت بس نظام بيتنا فله يعني اصحى من النوم صرختين البيت كله واقف على رجل بس هذولي توني مابعد تعرفت عليهم زين يعني عيب انافخ عليهم ولا كانهم اهلي

بس قلت مصير الوقت يمشي واوريكم ياعيال الكلب عاد بعد فتره من التمرد وفرض الشخصية في البيت جاني واحد عربي جايبنه العائلة يبونه يفهمني النظام

وبما اني مستجد لا افهم لهم كثير ولا اهم يفهمون لي ما غير اذا شميت ريحة الاكل نزلت لهم (عري) فآرسلو لي جارهم الي اصوله فلسطينية للآمانه ما امداني اشتاق لربعنا العرب بس بما اني بغربه حبيت اخذ واعطي معاه الى طلع جارهم يبي علمني نظام العائله هذي.

ان عمرهم ما سكنو غريب معهم ولا عمرهم قبلو واحد يدرس اساساً بس عشان فلان الي هو صديق ابوي قبلوني وان جايتهم توصيات وان لك جدول يومي افضل من كلبهم (ينعن ام المقارنه ياشيخ) بس يعني يوضحون لي انهم مهتمين فيني وانهيت كلامي مع جارهم ورحت اعتذرت للام ودقيتها صحبه معها حتى انها (خمتني) ذاك اليوم وبنفس الوقت جت جاكلين وخمتني وجاء ولدهم الصغير وتعنقط فيني شوي الى الكلب جايني يركض صحيح اني ماحبيته ورفسته بشويش بس اني حسيت باحساسة (لآنك سلوقي مثله) انه متفاعل مع المشهد الانساني الي صاير

يتبع



 

 


اخر تعديل كان بواسطة » المدحدح في يوم » 29-04-2011 عند الساعة » 05:16 AM.
المدحدح غير متواجد حالياً
Facebook Twitter 0
قديم 29-04-2011, 05:11 AM   #2
المدحدح
من كبار شخصيات الإقلاع
المدحدح فوق  هام السحبالمدحدح فوق  هام السحبالمدحدح فوق  هام السحبالمدحدح فوق  هام السحبالمدحدح فوق  هام السحبالمدحدح فوق  هام السحبالمدحدح فوق  هام السحبالمدحدح فوق  هام السحبالمدحدح فوق  هام السحبالمدحدح فوق  هام السحبالمدحدح فوق  هام السحب
ينعن ام الحياة يا ناس امي واهي امي ماعمري خميتها ولا عمري قد سويت لها شي غير حبه الراس


ومع مرور الايام اكتشفت ان فعلاً هذولي عائلتي ياناس ابوهم عمره ما رجفني يقولي قم صل < اشتغلت الليبرالية

امهم ماعمرها ما رفعت صوتها علي تقولي ودني مشوار وحتى يوم اروح معها مشوار ماعمرها تاخرت علي حتى

كلبهم ماعمره في يوم من الايام نابح علي
نعنبو بليس هالعائله وتراني قلت كلبهم لآن هالكلب عادينه واحد منهم

عاد تخيلو بس هالكلب من يصحى من النوم واهو عايش في حنان يا بحضن الام ولا بحضن بنتهم ولا بحضن المخيس ابوهم تصدقون يا جماعه الخير اني غرت من كلبهم

اقولكم هالعائله تعلمت منهم امور طيبه ماعلموني اياها اهلي< جحيد الكلب

وفي مرة من المرارير يوم اني قلت بضبط اموري مع شايبهم كلهم ضبطتهم حتى كلبهم صرت اشيله وبعض الاحيان اطقه بغرفتي واذا طلعته عندهم قمت العبه (النجاسه لها دور)

وانا الي ادخل عليه ذاك اليوم كان جالس يتفرج على مباراة الكره الامريكية ذيك الكوره المعينه الي مافيه الى قوه ترجيف وملاعن ومماعط شوش واجلس جنبه الى ويمد لي البيره وقتها حسيت بتقبله لشخصي الكريم عاد انا سويت فيها لازم اتميلح عنده وسآلته وش هالي ماده لي يا عم ستيف


قالي : يادحيم هذا مشروب الابطال كان مالك فيه رجعه توفر

ولا تقطع علي المبارات شكلك داشر من شفتك وانا مانيب مرتاح لك بس خلني ساكت

وانا الي حطيت راسي براسه قلت لا ابد يا عم ستيف جلستنا وحده وترى البساط احمدي
" The Cloth is Free "

والله ويتهيض الابو ويروح يجيب لي ثانيه وانا الي اقولبها دفعه وحده وهو الي ينهبل وش فيك يا دحيم هذي مهيب مشروبكم الخايس الي تشربونه في السعوديه هذي تنشرب بمزاج قلي هالحين تقدر تشوف المباراة على رواقه
قلت له ماعليك


واناا الي احاول افرق بين الفريقين نعنبو بليسهم كلهم لابسين قريب من الالوان واجلس اشجع لي واحد وشوي الى مهوب الي يبيه ابو جاكلين

واحاول ابدل واعدل شويات قمت من محلي ورحت حطيت راسي في الشاشه ابي اركز يا ناس النظر معدوم جداً عندي
والتفت على الابو الى اهو يضحك علي يقولي انتهت المباراة وآجلوها عشان الهجوم تكسرو كلهم

لكن التآجيل بيكون للآسبوع الجاي وش رايك نطلع نتمشى قلت ابد شكلي جزت له وذهبنا انا والعم ستيف من بين تلك الزقاق الى حيث وصلنا

ودخلنا للقهوة حقت الشيبان الي يرتادها كبار عرابيد البيرة ولفت انتباهي ذيك العروض

العروض الخاصه للجعة الطازجة
"خذ قدحين من الجعة تحصل على شطيره تفاح "
" اقدح ابوها بخمس اقداح من البيره تحصل على فطيره ملاكي"
" بسبع اقداح جعة مشاريبك الباقية مجانية (ورئصني ياقدع) "

يازين هالفعاليات مب فعاليات العيارين

وانا الي آآشر على الاقداح ابي اقدحها احس المسآله فيها جوائز عاد زينة ابوهم رزين مهب يعصب والي قاهرني انه حليم جداً الحيوان


جلسنا وطلب لي من البيره وقالي لا تستعجل هالحين نبي نتناقش في امور تخصك الله يخسك يعني بالرفاقه ترانا اول مره نطلع لا تخليني ماعاد اكلمك ولا اطلع معك
قلت له يبو جاكلين ازهلها تراني بطل اعجبك بس اني مندفع للحياة ابي اجيبها من الاخر

لف يدينه على بعض قبل لا يظرس الشطيرة وقال الدعاء المآثور تبعهم وانا الي اشوفه ويزيد عندي الوازع الديني وحسيت اني مشتاق امارس طقوسي الدينيه واحاول اتذكر دعاء ما قبل الاكل ماش البيره لاعبه في حسبتي

احاول اتذكر اي دعاء حتى دعاء الدخول الى الخلاء ماش الدنيا عندي ما تطمئن على خير وانا الي اجيبها من الاخر واقول اعوذ بالله منك يالهيس
وافتتحنا جلستنا اهو بدعاء وانا باللعن وبنفس الوقت تمنيت ان هالجلسه تكون فاتحه خير علي

جلس يمزمز العم ابو جاكلين من البيره وحط عيونه بعيوني وصكني بذاك السؤال :

هالحين يا دحيم صار لك عندنا ابو ثلاثة اشهر :sm4: قلي وش انت تسوي من تصحى من النوم لين تنام ووشهي اهدافك يا دحيم في الحياة طيب ليش انت عايش طيب لو منتب عارف وش شاغل تفكيرك ووشهي اهتماماتك حدثني يا فتى باللهي عليك ؟

بصراحه السؤال باغتني وحسيت اني ماكنت مستعد له ولا ادري وش بجاوب عليه بس اني قلت له ان ابوي مرسلني لكم اتعلم لغه لا اكثر وباقي الاوقات اوسع صدري فيها عاد لا تسآلني وش بسوي ولا وين بروح تراني ما ادري وش السالفه الي اعرفه ان فيه وضيفه تنتضرني بعد ما تدعمون لغتي واصير شخص كويس ويعتمد عليه في اللغة

طلع عيونه ابو جاكلين وجلس يفكر ثم قالي هالحين ابوك وش دخله فيك انت حمار وش كبرك وشلون يصرف عليك وانت منتب عنده بعد مسافر لبرى بعدين انا سآلتك وش اهدافك ما جاوبتني او ليش عايش

شوي جلس يفكر وقالي ببسط لك المسآله وانا من الناس احب الي يبسط لي المسائل وقالي شف كل كائن حي له فايده يعني عندك مثلاِ الانسان " يعمر الاوطان نود لك سلامتك "

الانسان يقدر يحافظ على البيئه يحافظ على الحيوانات يقدر يعيد تشكيل هيكله الكوره الارضيه يقدر يعيش بآلف طريقه فيه فرق بينه وبين الحيوان

ثم حس اني بانجلط وهو الي يوخر عن تكمله سؤاله وقالي باختصر لك بعد مره ثانيه

شف يا دحيم هالحين البقره يادحيم احنا نستفيد منها امور كثير

البقره ناخذ منها الحليب ومشتاقتها يعني نتعب واحنا نستفيد منها وبنفس الوقت فيها لحم ناكل منه ونستفيد وبنفس الوقد بعد جلدها ناخذه ونستفيدمنه سواء كان ديكوارات او ملابس شفت البقره يا دحيم وشلون نستفيد منها

يعني استفيد من كلامي يا دحيم معاك ان البقره واهي البقره افيد منك انت جالس عندنا تاكل من اكلنا ولا حنا فاهمين انت ليش عايش

عاد انا تذكرت الكلب قلت له ينعن ابليسك وكلبكم ذا الي حاطينه عندكم وش فايدته

ضحك ابو جاكلين وحسيت انه عيار يبي يستلمني بسالفته

قالي اسمع فيه حيوانات اليفه يا دحيم احنا نعيشها معنا عشان تلاطفنا مثل الكلب الببغاء القطاوه حيوانات كثيره لا يكون يا دحيم حاط في بالك انك حيوان اليف


انا وقتها بديت احس بالاحباط وبديت احس بنفس الوقت ان كلبهم احسن مني ينعن شكله

قلت يا ستيف نقاشنا بيطول ولكن انا باختصر لك المسآله
وانا الي ابدا امزمز بسرعه كاس البيره يعني بيطلع مني فايدة

شف يا عم احنا يالعرب بشكل عام ما تهمنا وش فائدتنا او احنا مب مفكرين في فائدتنا اعطيك مثال بسيط عن ابناء شعبنا المبارك الي انا جاي من عندهم هدفهم الوحيد انه يعيش مهما كلفه الثمن المهم يكون مبسوط ولكن انا هدفي اني بعد ما ارجع لآهلي وناس الي يحبوني اتزوج واكون لي اسره واربي عيالي على دين الاسلام لا اكثر بالاضافه الي اني بعد ما اخلص اللغه فيه احتمال على حسب تساهيل الاوضاع هل انا اقدر اكمل الجامعه وهذي ترجع لمقدرتي الشخصيه او اني بانهي فكرة مشروعي العظيم

انصدم ابو جاكلين وجلست يتكلم عن شبابنا بالاول كيف عايشين ؟

وتراني فضحتكم يالزلايب قلت له عيالنا وشلون عايشين وبناتنا هالزلايب بعد هالوحده من تتم ابو ١٦ سنه تبي لها صديق عادي يلعب عليها ويلعب في خامسها المراد انها اذا تمت ٢٣ تبدا تسوي لكيعه فوق غبائها

ابو جاكلين انبسط وقالي وشهو مشروعك يا دحيم ماحسيت بنفسي الى ابو جاكلين جايبني للبيت وام جاكلين تصارخ من قالك تاخد ولد الناس معك والله لو صار له شي وش نسوي باهله هالحين ؟؟؟


صحيت الصبح ولقيت الكلب جالس يلعب حوالي رفسته وخطر على بالي مشروع على طاري الرفسه


وانقز لبو جاكلين وهو الي يضحك علي ويقولي افا يالزلابه ثاني بيرة اردتك قتيلاً قم انقلع فيذاك ولا عاد تماشيني
رح تمرن في الحواري بعدها تعال قابلني

قلت له تبي فكرة المشروع الى وابو جاكلين قالي هات

قلت له هالين يآمنون على الاوادم وموجود عندنا هالتآمين انا واحد بآمن على الحيوانات نعنبو بليسكم تعزون ذا الكلب احسن منكم

انا بطبق هالنظام عندنا في السعوديه والله لا اسحب ذا البدو على خشومهم كل واحد يجي يامن على بعارينه

وجلست احط انا وياه النقاط المشروعه في التآمين ولا شعورياً نقز ابو جاكلين وفرط لنا ابو ثنين وقفل علينا باب المقلط

وجلسنا نتشاور وصار ابو جاكلين المدير التنفيذي للشركه وانا الرئيس التنفيذي

العودة الى ارض الوطن

وبعد ما مرت السنه ونص بسلام ودعتني ام جاكلين بالقبل الحاره وجتني جاكلين تضمني تقولي ماحناب ناسينك
ونقز علي التسلب الي صار اغلى منهم كلهم وسلمت على ابو جاكلين وتقارعنا لنا كم كاس المراد انه جاب النقاله ووداني للمطار

ووصلت الى ارض الوطن وبصراحه ما لقيت احد يستقبلني بس قلت اكيد الوالد مشغول جالس يناظر مذيعات العربية ويكذب على امي مسوي فيها سياسي

المهم اني جيتهم بتكسي لين وصلت للبيت ويوم قابلت امي بادلتها الاحضان واثاريني لوح المفروض المبادرة تكون مني انا وش يفهمها الله يحفظها والله واخذلي حنان حق تسع وعشرين سنة ماضية واقابل الوالد ويسلم علي ويتفل علي وينك يالهيس لا تتصل ولا تسلم

وامسك الوالد وعلى قولة المثل دق الحديد وهو حامي
واقوله فكره مشروعي والي هو يفصخ عقاله ويموسرني بالبيت بصراحه كانت صدمة حضارية لي اغمى علي بنفس الوقت وما صحيت الى والوالد رابطني في السطح وجايب لي سطل شعير وسطل دزت يقولي هذا اكلك الطبيعي والمعتاد

ما يستفاد

* شيباننا حياتهم كانت صعبه جداً مستحيل يواكبون تفكيرنا
* عائله آل جاكلين اناس طيبين بالحيل مرتن ابد بس ينقصهم الاسلام ولا وش حليلهم ليت من يرجع يعيش عندهم
* متروكه لقلمك عزيزي القارئ

.:.



 

 


اخر تعديل كان بواسطة » المدحدح في يوم » 29-04-2011 عند الساعة » 05:13 AM.
المدحدح غير متواجد حالياً
Facebook Twitter 0
قديم 29-04-2011, 09:42 AM   #3
آنتسبوآ العشآء
عضو متميز
آنتسبوآ العشآء فوق  هام السحبآنتسبوآ العشآء فوق  هام السحبآنتسبوآ العشآء فوق  هام السحبآنتسبوآ العشآء فوق  هام السحبآنتسبوآ العشآء فوق  هام السحبآنتسبوآ العشآء فوق  هام السحبآنتسبوآ العشآء فوق  هام السحبآنتسبوآ العشآء فوق  هام السحبآنتسبوآ العشآء فوق  هام السحبآنتسبوآ العشآء فوق  هام السحبآنتسبوآ العشآء فوق  هام السحب
........ يآرب أعرف أعبر ض1
على فكرة ترآ أنآ أولي..رحت أتمغط وأسولف مع أميمتي ردي وبتمنن فيه ع كيفي ..ولآتنرفزني عشآن مآأربي كلب عندي موضوعك بعد آنقطآع يوضح مدى جمآل أهلنآ بالنسبه لأهل الدشير آللي برآ
نجي لـ
7
إقتباس »
وتوه بيزيد كم كلمه الى انه شرق وغص وكح وتلطم في آآنً واحد
هذي لآقآلولك سبع صنآيع وآلبخت صآيع ..الظآهر كآن بيبدأ يغني غصبن عنه عشآن كذآ كرب عمره وتلطم

إقتباس »
لا انفع في المواد الادبية لآن كلها حفظ ولا انفع في المواد العلميه لآنها تعتمد على الفهم
جبلي شيء وـآحد تنفع فيه غير تغيير الإسم من المتعيزل للمتبيزل

إقتباس »
وبعدها انتققلت الى المعهد الملكي الي يخرج الكهربائيين والميكانيكيين والدهانيين والصباغين (الطبقه الكادحة)
مدعين عليهم دخلت بينهم بتحولهآ طبقه بآطحه وشعآرهم هدهدني وأغنيلك يالصآيع<

إقتباس »
وفي الامانه ما عطاني لا مفكات ولا شي والسلك وقتها كان بارز مافيه الي يسمونه المقبض < نيته وصخه الولد
قليل أدب بس مآفهمت آشرحهآ زين لآتلمح<

إقتباس »
وادلع نفسي وتتحقق كلمة المدحدح الي طول عمري اكافح عشانها
وآلله إني حآسه إن مآورـآك تدحدح ..أشك إن خشتك مجروره على الشوك لين مآصرت تفرق بينهآ وبين خيشة رز أبو بنت قآل مدحدح قآل

إقتباس »
ياولدي وش اسوي فيك علمني مابي منك شي بس انجح اي تقدير اي شي المهم انجح ارجوك يادحيم
مشهد مؤثر عآطفة الأبوبه

إقتباس »
وفي ذيك الليلة جانا صديق ابوي وقلط وانا اقهوية سآلني يادحيم تقدر تروح بريطانيا ؟(على اساس اني محرول يعني)
لآ وآلله من شآف وجهك مآجآه آلخير..زين مآشك بنوع جنسك وفطرتك..

إقتباس »
قالي بتقدر تجيب شهادة ولا على الاقل لغه تمام نفزعلك تتوظف ولا تيتي تيتي مثل ما رحتي جيتي
يآشين آللي يتمننون هذي وهي تذكره أجل لو معرسك بنته كل مآطق عود بحصآ بيقول رجع بنتي يالصآيع يعني مآفي شيء لله.؟شيآب قريح

إقتباس »
واستفتحت جلستي في الطياره بعصيري المفضل واين بالفاصوليا
منقوع الكوسه أحسن

إقتباس »
استقبلتني ام جاكلين وبعلها ورحبو فيني ايما ترحيب
مآهوب كثيرن عليك وأنآ أختك

إقتباس »
بس الي بان لي من الكلب ان نفسيته تآزمت ما احد قد تجرء يقفل الباب بوجهة (ينعن ام عزة النفس ياشيخ)
ترآ حتى كلآبنآ عندهم عزة نفس آللهم يفرقون بالخلآق كلآبهم كلآس وكلآبنآ ملعونن سلسفيلهم بالبرآن

إقتباس »
بس قلت مصير الوقت يمشي واوريكم ياعيال الكلب
ورهم ورهم وشوله تكتم بدآخلك

إقتباس »
ورحت اعتذرت للام ودقيتها صحبه معها حتى انها (خمتني) ذاك اليوم وبنفس الوقت جت جاكلين وخمتني
ويرزقكم من حيث لآتعلمون ثنتين يالظآلم ثنتييييييييييين

إقتباس »
بس اني حسيت باحساسة (لآنك سلوقي مثله)
ههههههههههههههههههههههههه هذآ التخآطر عن بعد أمحق تخآطر آللي مآيجيك إلآ مع كلآـآب
إقتباس »
حتى كلبهم صرت اشيله وبعض الاحيان اطقه بغرفتي واذا طلعته عندهم قمت العبه (النجاسه لها دور)
ههههههههههههههههههههههههه نظآم حونشيه ..دهن سير ع الملأ ومن ورآهم تلعن خيره

إقتباس »
ذيك الكوره المعينه الي مافيه الى قوه ترجيف وملاعن ومماعط شوش
هذآ آللي فهمته يعني من كورتهم..؟ ليش مآتقول كورة آصقعني وأطب عليك<

إقتباس »
" The Cloth is Free "
حتى حنآ كذـآ

إقتباس »
" اقدح ابوها بخمس اقداح من البيره تحصل على فطيره ملاكي"
أبي ملآكي شكلهآ حلوه

إقتباس »
" يعمر الاوطان نود لك سلامتك "
ترآهم كذـآبين وآلله يآهم قعدوآ فتره غآسلين مخوخنآ ولآجآء البرنآمج وسمعت مقدمته أحس ودي أخم الملك أجل يود لي سلآمتي..؟

إقتباس »
انصدم ابو جاكلين وجلست يتكلم عن شبابنا بالاول كيف عايشين ؟

وتراني فضحتكم يالزلايب
آفضحهم آفضحهم هآلدشير

إقتباس »
وصار ابو جاكلين المدير التنفيذي للشركه وانا الرئيس التنفيذي
تلعبون حريم
إقتباس »
وجتني جاكلين تضمني تقولي ماحناب ناسينك
أبوهآ من جآكلين خربت ولدنآ

إقتباس »
* شيباننا حياتهم كانت صعبه جداً مستحيل يواكبون تفكيرنا
وعلى هالأسآس نقولهم تم بس ننفذ آللي نبيه

إقتباس »
* متروكه لقلمك عزيزي القارئ
آستفدت إننآ لآزم نسلك لشيبآنآ ونعطيهم من هالرخيص وننفذ آللي نبيه<أيقونة سآدسه ج
أم جآكلين حلوه خمتهآ وكلبهم أفيد من آللي يتطوطحون عندنآ
وإن رووس شيبآنآ يبيلهآ قطع<
تم ..>



 

 


اخر تعديل كان بواسطة » آنتسبوآ العشآء في يوم » 29-04-2011 عند الساعة » 10:40 AM.
آنتسبوآ العشآء غير متواجد حالياً
Facebook Twitter 0
قديم 29-04-2011, 11:30 AM   #4
فارقني بسكآت
عضو نشيط
 
الصورة الرمزية الخاصة بـ فارقني بسكآت
فارقني بسكآت فوق  هام السحبفارقني بسكآت فوق  هام السحبفارقني بسكآت فوق  هام السحبفارقني بسكآت فوق  هام السحبفارقني بسكآت فوق  هام السحبفارقني بسكآت فوق  هام السحبفارقني بسكآت فوق  هام السحبفارقني بسكآت فوق  هام السحبفارقني بسكآت فوق  هام السحبفارقني بسكآت فوق  هام السحبفارقني بسكآت فوق  هام السحب
بصراحه من قريت موضوعك قلت ربنا لاتؤاخذناا
بس موضوعك جدا جميل وفاآني على اني ماكملتــه

وبس >>>>وش تبي



 

 

فارقني بسكآت غير متواجد حالياً
Facebook Twitter 0
قديم 29-04-2011, 01:01 PM   #5
رووزي
من كبار شخصيات الإقلاع
 
الصورة الرمزية الخاصة بـ رووزي
رووزي فوق  هام السحبرووزي فوق  هام السحبرووزي فوق  هام السحبرووزي فوق  هام السحبرووزي فوق  هام السحبرووزي فوق  هام السحبرووزي فوق  هام السحبرووزي فوق  هام السحبرووزي فوق  هام السحبرووزي فوق  هام السحبرووزي فوق  هام السحب
إقتباس »
في ليلة من الليالي السود الي كانت تحيط بي انا دحيم فتح علي الوالد باب السطح وجاب لي معه سطلين الاول فيه علف (دزت) والسطل الثاني فيه شعير وهو متلطم ما ادري ادري وشهو شام من ريحة وقالي يا ولدي يا دحيم بزبوز الماء مفتوح لك فترة الصباح بالليل بنقفله عنك وتوه بيزيد كم كلمه الى انه شرق وغص وكح وتلطم في آآنً واحدوقفل باب السطح بعد ما انهى ربط رجلي بكلبشه في عامود.


والله اني من شفتك وانا حاسه انك مو نوع من انواع البشر ولا تمت للبشر بصله وان تغذيتك تغذيه اي شي ومو مغسله بالمويه

واهديك اغنيه لسعد الصغير ( بحبك ياحمار ولعلمك ياحمار انا بزعل اوي لما حد يقولك ياحمار )



إقتباس »
السيرة الذاتية لدحيم

امرؤ القيس على غفله انت وسيرتك



إقتباس »
وقالي هالمره غيرناه لآسم الشيخ عبدالعزيز ابن باز رحمة الله عليه واسعه ولكن دون جدوى فتقاسيم المخ

واضح تاثير الاسم وانه من دون جدوى من عنوان موضوعك خخخخخخ
اتوقع ان التحميل للاسم تم في مكان خاطيء وصارت فرمته ذاتيه لجهازك العصبي فالمخ وانقلب اسم المدرسه بمخك ( لشارون لعنه الله عليه ) بدل ( الشيخ بن باز رحمه الله عليه ) والله البرمجه تالفه عندك




إقتباس »
يعني لا احفظ ولا افهم (حمار نمره واستمارة)

مااسمح لك تسب نفسك << واللي فوق وشو هههههههه


إقتباس »
وفعلاً جاء الوالد وسحب ملفي واعتذر لهم بالانابة عني
وبعدها انتققلت الى المعهد الملكي الي يخرج الكهربائيين والميكانيكيين والدهانيين والصباغين (الطبقه الكادحة)

والله من شفت الجدار اللي بصورتك وانا عارفه ان الموضوع خارب خارب

إقتباس »
وفي الاختبار طلب مني اني اركب اجزاء المروحة الكهربائية وفي الامانه ما عطاني لا مفكات ولا شي والسلك وقتها كان بارز مافيه الي يسمونه المقبض < نيته وصخه الولد

يجب ان تفصح عن عمرك لان المراوح مندثره من زمان

إقتباس »
يعني ولدك ناجح في السلوك والمواضبة ولا يهمك يا ابو دحيم ترانا نضرب فيه مثال الغباء

دليل الغباء الضاد اللي المفروض تصير ( ظ) كبر راسك علشان تعرف
هذي مواضبه يمكن على عصرك الحجري ترا في عصورنا الذهبيه اسمها مواظبه بالظاااااااااااااااااااد


إقتباس »
بعدها رحت للوكيل الاستاذ شحاته وشرحت له الوضع وقالي ما تخافش يبني انتا بس لايمني بداية كل شهر واعتبر نفسك ناجح في كول المواد
المراد انه صار مصروفي يا طويلين العمر كله يروح للآستاذ شحاته لحد ما خلصت الثانوية والحمد لله نجحت
شحات على اسمه ذا الشحاته

إقتباس »
وفي ذيك الليلة جانا صديق ابوي وقلط وانا اقهوية سآلني يادحيم تقدر تروح بريطانيا ؟(على اساس اني محرول يعني)
على طاري بريطانيا وش رايك بعرس وليام << برا




إقتباس »
ومن بكره اخذت شهاداتي كاملة كامله ورحت انهيت الاجراءات وبعد فتره اخذت الفيزا (فيس بنقالي)

مااخذت اوراق التطعيم << على اساس انك المخلوق اللي فوق



إقتباس »
المهم انه وصلني الوالد للمطار ولا سلم علي ما سمعت الى فحطه البيوك (الباخرة حقتنا)
اقولك افصح عن عمرك يالشايب



إقتباس »
ودخلت وعرفتني اول شي على الكلب حقهم الله لا يقدرها بس من معزته عندهم وبحكم اني دخييل عليهم وبعدها
هما الكلب ولد عم الخلوق اللي فوق بس الفرق انه ماياكل علف

إقتباس »

اقولكم هالعائله تعلمت منهم امور طيبه ماعلموني اياها اهلي< جحيد الكلب
رحم الله امريء عرف قدر نفسه


إقتباس »
وانا الي حطيت راسي براسه قلت لا ابد يا عم ستيف جلستنا وحده وترى البساط احمدي
" The Cloth is Free "



اما ترجمتك بطططططططططططله ياشيخ
علمها محمد عبده الله يقومه بالسلامه كود ينزل اغنيه ( خل البساط احمدي ) نسخه انجليزيه



إقتباس »

لف يدينه على بعض قبل لا يظرس الشطيرة وقال الدعاء المآثور تبعهم وانا الي اشوفه ويزيد عندي الوازع الديني وحسيت اني مشتاق امارس طقوسي الدينيه واحاول اتذكر دعاء ما قبل الاكل ماش البيره لاعبه في حسبتي
اقولك مب البيره اللي لاعبه في حسبتك الا مخك المفرمت خخخخخخخخ
الا على الطاري دامك مصحصح الحين وش الدعاء << توهقه
بدون ماتقووقل يالغشاش

إقتباس »
شوي جلس يفكر وقالي ببسط لك المسآله وانا من الناس احب الي يبسط لي المسائل وقالي شف كل كائن حي له فايده يعني عندك مثلاِ الانسان " يعمر الاوطان نود لك سلامتك "



جاب لك مثال للانسان بما انك مب منهم وهذا بل يوكد اللي قلته فوق ياابو علف



إقتباس »
البقره ناخذ منها الحليب ومشتاقتها يعني نتعب واحنا نستفيد منها وبنفس الوقت فيها لحم ناكل منه ونستفيد وبنفس الوقد بعد جلدها ناخذه ونستفيدمنه سواء كان ديكوارات او ملابس شفت البقره يا دحيم وشلون نستفيد منها



ايه والله انه صادز الحين البقره هي ام اطفالنا جميعهم بالرضاعه
يجب لها الاحترام والتقدير وندلعها زي بقره زبده لورباك


إقتباس »
قالي اسمع فيه حيوانات اليفه يا دحيم احنا نعيشها معنا عشان تلاطفنا مثل الكلب الببغاء القطاوه حيوانات كثيره لا يكون يا دحيم حاط في بالك انك حيوان اليف


وخرو عنه شيريخان صديق حبيبنا ماوكلي


إقتباس »
المهم اني جيتهم بتكسي لين وصلت للبيت ويوم قابلت امي بادلتها الاحضان واثاريني لوح المفروض المبادرة تكون مني انا وش يفهمها الله يحفظها والله واخذلي حنان حق تسع وعشرين سنة ماضية واقابل الوالد ويسلم علي ويتفل علي وينك يالهيس لا تتصل ولا تسلم
من عاشر الكلب 40 يوما صار منهم ههههههههههههههه

إقتباس »
وامسك الوالد وعلى قولة المثل دق الحديد وهو حامي
واقوله فكره مشروعي والي هو يفصخ عقاله ويموسرني بالبيت بصراحه كانت صدمة حضارية لي اغمى علي بنفس الوقت وما صحيت الى والوالد رابطني في السطح وجايب لي سطل شعير وسطل دزت يقولي هذا اكلك الطبيعي والمعتاد

انا اخبر انكم ماتمشون الا بالضرب والتكفيخ
بس انت ماش البيره خربتك


إقتباس »
* شيباننا حياتهم كانت صعبه جداً مستحيل يواكبون تفكيرنا
على اساس انك شباب ترا بين الجيل والجيل الذي يتليه 30 سنه


إقتباس »
* عائله آل جاكلين اناس طيبين بالحيل مرتن ابد بس ينقصهم الاسلام ولا وش حليلهم ليت من يرجع يعيش عندهم
انت بس لو جلست زياده كان رجعت مسيحي ههههههههههه
مب العكس

إقتباس »
* متروكه لقلمك عزيزي القارئ

والله اني مااستخدم الا اصباعي المطلي بالمناكير الجميل << على اساس انها من مملكه المرأه



والله ان مذكراتك هذي جميله يعني تعبر عن مدى فضاوة مخك الفاضي
الحين رايح جاي ومضيعن قريشات ابوك اقلها تنزل الموضوع بالانجليزي

بالمناسبه ماجتك دعوه لعرس وليام << ياذا العرس



دايم يادحدوج الاشهب الالهب زورونا فالخيمتنا مب خيمه مملكه المرأه لا خلك هنا ويخب عليك بعد



 

 

رووزي غير متواجد حالياً
Facebook Twitter 0
قديم 29-04-2011, 06:28 PM   #6
سعدون
من كبار شخصيات الإقلاع

 
الصورة الرمزية الخاصة بـ سعدون
هلا بدحيم المدحدح والمتسدح والمنبطح
اممم وش بقى بعد ؟؟

المهم والله موضوعك بطل وودي
ارد رد طويل وأعطيه حقه بس
مامن لياقه توي كاتبن رد
وش طوله في موضوع ثاني

المهم أحببت أن أخبرك بإعجابي
بما خطت يداك جعل ما تمسها النار<<طيب كملها بالفصحى

وتعليق سريع ع حياة الشيبان
يا شيخ زين انهم سمحولك
تطلع وتدرس برى

واذا الله كاتب اني ارجع رجعنا
مره ثانيه شكراً ع الموضوع



 

 

سعدون متواجد حالياً
Facebook Twitter 0
قديم 29-04-2011, 06:36 PM   #7
صــوت
مقلع وعيار
صــوت فوق  هام السحبصــوت فوق  هام السحبصــوت فوق  هام السحبصــوت فوق  هام السحبصــوت فوق  هام السحبصــوت فوق  هام السحبصــوت فوق  هام السحبصــوت فوق  هام السحبصــوت فوق  هام السحبصــوت فوق  هام السحبصــوت فوق  هام السحب
وعليكم السلام ورحمة الله هلا بالمدحدح
واخيرا نزلت المذكرات مابغيت تنزلها انت ودعاياتك كل شوي قريبا ع العيارين تابعونا قريبا ولا اعلانات ام بي سي الي تطول
بس ماشاءالله هالمده والتشويق والحماس ماراح ع الفاضي انت ومذكراتك الي لو يخلونها مسلسل كوميدي من بطولتك صدقني راح يربح جوائز عن افضل مذكرات لهاذا العام ههههههههه
خلنا نبحر معك في مذكراتك وحدك (*_^)


إقتباس »
في ليلة من الليالي السود الي كانت تحيط بي
يانهارك اسود هههههههههه من بدايتها ترفيس في ترفيس وين الناس الرايقه الي يقومون الواحد من النوم ع روقان مهوب زينا اعوذبالله ترى لاتستغربون اذا زادت نسبة الازمات والامراض القلبيه والنفسيه عندنا كله من الاساليب الرهيبه في تقويم النايم م نومه يصحى مرتاع اما يجيه رفس ولا سطل مويه مع انها صارت قديمه سطل المويه ولا يحطون صاروخ صغير من الصواريخ حقت العيد ويفجرون طبلته وهو نايم هههههههه = ادفش من كذا مافي = قامت تبالغ
انا السبب في معظم غياب اختي اجل تقول ليش ماصحيتني للنوم اقولها الا قومتس بس انتي ماتشبعين عاد هي تقول يوه انتي وتقويمك ماحسيت فيه لاني اجي واهزها شوي مع كتفها واقول يابنت قومي واروح اقولها وش تبين اصارخ ولا اكفخس وانتي نايمه هههههههههههه ولا اطفي المكيف عشان تفزين من نومك
ودك انهم يقومونا بانهم ينثرون ورد علينا ولا يجون عند اذانينا ويهمسون فيها يلا اصحى ي حلو صح النوم ( ويغنون اغ ماجدالمهندس حبيبي صباح الخير الشمس طلعت ي زين وانتا مغمض العينين هههههههههههه) بركه وكثرالله خيرهم لو قومونا بدون صياح وازعاج ولا ادعيه قم ي فلان قامت عصبك ههههههههه
إقتباس »
قفل باب السطح بعد ماانهى ربط رجلي بكلبشه في عامود
ههههههههههههههه وين هيومن رايتس ووتش
عنك ليش علف ودزت الا وشهو الدزت ؟
لا ويربطونك في عامود ويوكلونك علف وانت ساكت لهم ي التيس كخخخخ = امزح عاد هاذا ابوك مهما يسوي لك ماتقدر تقوله شي هههههههههههه يبيك تصير رجال هههههههههه= عاد بالتربيط
إقتباس »
ويجيكم دحيم ويغز الاسلاك وتقب حريقه
خاب معطي صنعة غير سيدها ههههههههه
دامك منت فالح لا فالعلوم الادبيه ولا العلميه ولا الكهرباء تروح وتتلقف وتشبك الاسلاك ليش ههههههههههههه اكيد شعرك شبص ووجهك فحم من الكهرب كخخخ
إقتباس »
انه اساسا الفصل مافيه غير ست طلاب
هههههههههههههههههههه يقطع ابليسك وفرحت ابوك وخليته يفخر في شبله المدحدح
إقتباس »
ولدك ناجح في السلوك والمواضبه
المواظبه هههههههههههه شي احسن من لاشيء

إقتباس »
صار مصروفي ياطويلين العمر يروح للاستاذ شحاته
( لعن الله الراشي والمرتشي والرائش)

رشوه عيني عينك لا ي مدحدح كخخ
إقتباس »
اخذت الفيزا ‏(فيس بنقالي)‏
ههههههههههه ولا شغاله سيرلانكيه مغصوبه ع الشغل


إقتباس »
دخلت وعرفتني اول شي على الكلب حقهم
بجد تراهم يعزون الحيوانات اكثر من الاوادم يعني لويشوفون مشرد من الهوم ليس الي مالهم بيوت ماغير عايشين بالشوارع يرحمون الكلب الطايح ولا يرحمون المشرد ( الحمدلله ع نعمة الاسلام)
إقتباس »
واسكر على راسه الباب
زين تسوي فيه هالكلب ابن الكلب الي مايستحي داخلن معك وش بيشوف كائن غريب فالتواليت هههههههههههههه
إقتباس »
وان لك جدول يومي افضل من كلبهم (ينعن ام المقارنه ياشيخ)‏
ههههههههههههههههههه
هههههههههههههههههههههههههه
ههههههههههههههههههههههههههههه = طايحه ضاحكه
إقتباس »
ينعن ام الحياه ياناس امي واهي امي ماعمري خميتها ولاعمري قد سويت لها شي غير حبة الراس
>_<
عيونها تتلامع

حنا ليش كذا ماعندنا عاطفه ابد مانضم بعض وحنا في بيت واحد يعني البنت ماتروح لامها وتضمها والولد مايضم امه ماادري تبلد شعور فينا ولا طبيعتنا قستنا
انا اجي في حضن امي مره لا طنت في راسي اروح واضمها بس حبة الراس مالنا غنى عنها ابد
الله يحفظ الامهات والاباء
إقتباس »
تصدقون ياجماعة الخير اني غرت من كلبهم
هههههههههههه الي مايغار حمار = هاذا المثل مالي شغل كخخ
إقتباس »
ترى البساط احمدي
The choth is free
تصدق اني ماعرفت معناها الا بالترجمه حقتك من زمان وانا اقول للي حولي وش معنها البساط احمدي محد شرحها لي يحسبوني استعبط وانا جاده كخخ
إقتباس »
البقره ناخذ منها الحليب ومشتاقاتها
مشتقاتها = جبن لبن لبنه قشطه عسل
إقتباس »
متروكه لقلمك عزيزي القاريء
شوف مع انك ماقلت عزيزتي القارئه بس بقول وش استفدت من موضوعك ههههههههه
اكيد كل جيل يفرق عن الي قبله وتبعا لذلك بتفرق طرق التربيه ووسائل الترفيه خذ ع سبيل المثال ماكان عندهم بيبي وايفون ماكان عندهم نت ماكان عندهم جوالاات يعني وسيلتهم الترفيهيه ع حسب ماسمعت كانو يلعبون عظام سرى اليل والكيرم ويتسمعون للراديو ويزورون بعض مهوب هالحين مع سهولة وسائل الاتصال والتقنيه الا انه كثر قطع الرحم وعموما مابي اطلع من الموضوع كل جيل وله حياته وله ايجابياته وسلبياته
والله يكفينا شر هالتطور لان حتى التطور سلاح ذو حدين ومو بالضروره ان كل شخص بيستخدم هالتقنيه في مضرة الغير او حتى مضرة نفسه والله يستر ع بناتنا ويهدي شبابنا = المتحدثه تتحدث وكنها عجوز مرت عليها عقود وهي لم يمر عليها سوى عقدين فقط لاغير كخخخ
امتعتنا ي مدحدح ونتشوق لمذكراتك وهبالك ومعاناتك ان كان فيه جزء ثاني
تسلم يدك خيو خذ بوكيه ورد بدال العلف الي غثوك فيه كخخ
^_*



 

 

صــوت غير متواجد حالياً
Facebook Twitter 0
قديم 30-04-2011, 02:48 AM   #8
المدحدح
من كبار شخصيات الإقلاع
المدحدح فوق  هام السحبالمدحدح فوق  هام السحبالمدحدح فوق  هام السحبالمدحدح فوق  هام السحبالمدحدح فوق  هام السحبالمدحدح فوق  هام السحبالمدحدح فوق  هام السحبالمدحدح فوق  هام السحبالمدحدح فوق  هام السحبالمدحدح فوق  هام السحبالمدحدح فوق  هام السحب
في البداية اشكر الفرصه حقيقت(ن) والحظ والجمهور الغفير واشكر نفسي ايضاً واناملي الذهبية ياجعلني ما اخلى منهم لطرحي لهالموضوع وبعد ما عرفتكم بنفسي انا يا دحيم المدحدح جاء وقت الاقتباس وكنكم دارين اني ابيها من الله جيتكم ههههههه

آنتسبوآ العشآء
هلا بالكاتبة كل ما شفت اسمك اتخيل واحد من هالمجلات موقعين معك عقد احترافي عشان تفرزين لهم بعض كتاباتك
من جد يا اشواق لنا فتره ما قرينا موضوع لك ما ادري ردود زرنيخ لها تاثير يمكن (ماخذ مقلب) المهم وريني شوشتك وخل نناقز معك في ردك

إقتباس »
........ يآرب أعرف أعبر ض1
على فكرة ترآ أنآ أولي..رحت أتمغط وأسولف مع أميمتي ردي وبتمنن فيه ع كيفي ..ولآتنرفزني عشآن مآأربي كلب عندي موضوعك بعد آنقطآع يوضح مدى جمآل أهلنآ بالنسبه لأهل الدشير آللي برآ
خخخخخخخخخ هذي اخرتك يا انتسبو تربين تسلاب شكلك عجزتي عن الاوادم هههههههه
ولا يهون الكاتب الي هو محاتسيك تراه شاد حيلة وما يبيلكم الى الزين

إقتباس »
جبلي شيء وـآحد تنفع فيه غير تغيير الإسم من المتعيزل للمتبيزل
ههههههههههههههههههههههههههههههه بعد عندي شغلانة وارثها من جدي هي التجميع جدي رحمة الله عليه كان يجمع اي شي قدمة قراطيس جرايد اي شي يخطر في بالك بس انا ارتقيت بهالفكره وصرت اجمع اوسمه وبشوت تعرفين لزم الرزة

إقتباس »
مدعين عليهم دخلت بينهم بتحولهآ طبقه بآطحه وشعآرهم هدهدني وأغنيلك يالصآيع<
وش هالي توها خالصه الثانوي ويعني تراني احسن من غيري ههههههه وكلمه باطحة ذي مهيب لنا يا مال اللي الي يموسرك هذي مرحلة التكوين (شرنقه مهوب دحيم ) بس ما اقول الى عنت الله عليك يا بخش الحمير وبنفس الوقت اشكره انه وجهني بحكم اني تجاري حالياً (مهوب اصلي )

إقتباس »
وآلله إني حآسه إن مآورـآك تدحدح ..أشك إن خشتك مجروره على الشوك لين مآصرت تفرق بينهآ وبين خيشة رز أبو بنت قآل مدحدح قآل
هههههههههههههههه ولله الحمد الخشه والراس والامور كلها سليمه العطب فوق ولا المنظر سليم ولله الحمد

إقتباس »
لآ وآلله من شآف وجهك مآجآه آلخير..زين مآشك بنوع جنسك وفطرتك..
ههههههههههههههههههههههههههه انتسبو مانيب راد عليها عشان لا نتعلق اثنينا عاد مربوش يبيها من الله (في موضوعك الجاي تحصلين الرد خخخخ )

إقتباس »
ترآ حتى كلآبنآ عندهم عزة نفس آللهم يفرقون بالخلآق كلآبهم كلآس وكلآبنآ ملعونن سلسفيلهم بالبرآن
ههههههههههه هذي تبين علاقتك يا انتسبو بالسلق بالعكس فيه كلاب محترمه عيال حمايل ما يعيشون الى بالبيوت ولها تقديرها واحترامها هالحين تاركه الموضوع راده على جزئيه التسلاب ماخاب ضني فيك بموضوعك الي راح ههههههههه


إقتباس »
آستفدت إننآ لآزم نسلك لشيبآنآ ونعطيهم من هالرخيص وننفذ آللي نبيه<أيقونة سآدسه ج
أم جآكلين حلوه خمتهآ وكلبهم أفيد من آللي يتطوطحون عندنآ
وإن رووس شيبآنآ يبيلهآ قطع<
تم ..>
جالس ادور لك مثل من قبل لا ارد عليك ما لقيت ضنتك ما فيه امثال لردك الجميل بعدين نعنبو بليسك شيباننا هم الخير والبركه تبين تقطعين روسهم وتهتمين في التسلاب مير قومي فيذاك

حياك الله انتسبو في هالجولة ولا تنسين نبي موضوع خنفشاري من مواضيعك الي تعودنا عليها




فارقني بسكآت

يبي لكم تقنين انتم عشان لي رديتو ما يحسب لكم العداد بس نصيحة مني لك كثف زياراتك لمنتدى اخبار الاقلاع مواضيعهم بتجوز لك وكلها من ابو طقه ٣ اسطر

جايكم يالي رديتو وعلى قولة المثل المصري ( كولو حياكل )


دحيم المدحدح الي دايمن يتسدح و الداعم اللوجستي



 

 


اخر تعديل كان بواسطة » المدحدح في يوم » 30-04-2011 عند الساعة » 02:49 AM.
المدحدح غير متواجد حالياً
Facebook Twitter 0
قديم 30-04-2011, 04:09 AM   #9
نونا بدليه
مقلع وعيار
نونا بدليه فوق  هام السحبنونا بدليه فوق  هام السحبنونا بدليه فوق  هام السحبنونا بدليه فوق  هام السحبنونا بدليه فوق  هام السحبنونا بدليه فوق  هام السحبنونا بدليه فوق  هام السحبنونا بدليه فوق  هام السحبنونا بدليه فوق  هام السحبنونا بدليه فوق  هام السحبنونا بدليه فوق  هام السحب
إقتباس »
مكاني يالمنسدح
يا ان لياقة الردود عندي صارت منعدمه

إقتباس »
وفي ذيك الليلة جانا صديق ابوي وقلط وانا اقهوية سآلني يادحيم تقدر تروح بريطانيا ؟(على اساس اني محرول يعني)
بصراحة هالسؤال فيه استخفاف بعقلييتي قلت له بس انت عطني التذكره وازهل الباقي
الرجال له نظره يوم سألك داري ان ما وراك غير التبطح بالهايد بارك

إقتباس »
وجلست اتفرج على المناضر الخلابه
ايييييه
لا شفت هالارض كلها خضرا تقول عز الله صدقوا يوم قالو الخضره والماي والوجه الحسن
اما عندنا لا طليت من دريشة الطياره ماتشوف غير كومة غبار يالله لك الحمد وان لقطت لك عشبه تطلع عرفج وصفرا بعد ومهنا ماي ولا وجه حسن ماغير وجيه ماتفرق بينها وبين القشعه الصفرا

إقتباس »
وبما اني مستجد لا افهم لهم كثير ولا اهم يفهمون لي ما غير اذا شميت ريحة الاكل نزلت لهم (عري)
خخخخخخخخخخخ عري هذا لي قالوا عمره ماتبخر تبخر واحترق
عيب تفشلنا بهالمنظر احترم الكلب يا شيخ

إقتباس »
حتى كلبهم صرت اشيله وبعض الاحيان اطقه بغرفتي واذا طلعته عندهم قمت العبه
ههههههههههههههههههههههههههههههههه الحمدلله لا تزال معقد نفسيا
خفت احساس الحب والحناان اللي حسيته عندهم يخربك وينسيك عقدك

إقتباس »
" بسبع اقداح جعة مشاريبك الباقية مجانية (ورئصني ياقدع)
خخخخخخخخخخ دارين عقب هالسبع اقداح منت شايف الدرب ولا انت طالب شي زياده وبياخذونك ويجدعونك عند اقرب زباله لاقينكم يالدلوخ

إقتباس »
واقوله فكره مشروعي والي هو يفصخ عقاله ويموسرني بالبيت بصراحه كانت صدمة حضارية
هههههههههههههههههههههههههههههههههههههههههههههههههه
قسما بالله انه برد حرتي

إقتباس »
الوالد رابطني في السطح وجايب لي سطل شعير وسطل دزت يقولي هذا اكلك الطبيعي والمعتاد
هههههههههههههههه اجل امن على نفسك :P اخرتك شعير ياسفابك وتقول دحيم المدحدح بعد
الا دحيم اللي ملعون خيره ويخب عليك

بس الحين عرفت وراك ترفع بعمرك بالالقاب اثاريك خريج ثانوية تجاريه وللامانه للحين مدري وش تعني
واهم شي العيون الخضر تبي تقنع نفسك انك ولد جاكلين مير مش بوزك

وعرفت وراك تغير يوزرك مليون ولك مليون اسم مره اثاريك للآن تبحث عن ناس يحتوونك
>> طلعت فيك عقد الدنيا خخخخخخخخ


لابوها من مذكرات كلها عقد لاعاد تكتب مذكراتك من زين حياتك
والله لو كاتب مذكرات الكلب المدحدح ( هو اللي لايقن عليه اللقب موب انت ) لتطلع اطلق من عيشتك عالاقل كلها دلع ودلال وحنان وخمخمه


لا خلا ولا عدم يالمعقد



 

 


اخر تعديل كان بواسطة » نونا بدليه في يوم » 30-04-2011 عند الساعة » 05:10 AM.
نونا بدليه غير متواجد حالياً
Facebook Twitter 0
قديم 30-04-2011, 04:15 AM   #10
Roo00ooby
خبير اقلاعي
 
الصورة الرمزية الخاصة بـ Roo00ooby
Roo00ooby فوق  هام السحبRoo00ooby فوق  هام السحبRoo00ooby فوق  هام السحبRoo00ooby فوق  هام السحبRoo00ooby فوق  هام السحبRoo00ooby فوق  هام السحبRoo00ooby فوق  هام السحبRoo00ooby فوق  هام السحبRoo00ooby فوق  هام السحبRoo00ooby فوق  هام السحبRoo00ooby فوق  هام السحب
هولآ وننه بالدحمنه ‏
واخيرآ نزلت ذا المذاكرتداني ماائصدش عوينآتي 
بس ياعليك عنوان جلست استغفر عنك وعن والدايك
المشكله ماقريت موضوعك كله لأني داخله من الجوال
وعجزتن افتح الاب صراحتن يعني

لي بآك ان شاءالله وموضوعك يحمسني اقراه بعز القوايل بعد ‏<‏< ينعن ام الجو الخايس



 

 

Roo00ooby غير متواجد حالياً
Facebook Twitter 0
إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 11:12 AM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2018, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017