منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الفنية > Western Art TV
التسجيل التقويم التأشير على جميع الاقسام بالمشاهدة




إغلاق الموضوع
 
أدوات الموضوع طريقة عرض الموضوع
قديم 23-04-2011, 06:19 AM   #1
Hedonist Ogre
من كبار مميزين الفني
 
الصورة الرمزية الخاصة بـ Hedonist Ogre
Hedonist Ogre فوق  هام السحبHedonist Ogre فوق  هام السحبHedonist Ogre فوق  هام السحبHedonist Ogre فوق  هام السحبHedonist Ogre فوق  هام السحبHedonist Ogre فوق  هام السحبHedonist Ogre فوق  هام السحبHedonist Ogre فوق  هام السحبHedonist Ogre فوق  هام السحبHedonist Ogre فوق  هام السحبHedonist Ogre فوق  هام السحب
Doctor Who | S06

اذا ماتعرف اي شي عن دكتور هو وأول مرة تسمع فيه .. هذي كم نقطة رئيسية .. /

- المسلسل خيال علمي .. لحد يجي مدرعم يشوف كلمة دكتور يحسبه مثل غريز
- المسلسل واقعي أكثر من غريز
- المسلسل بريطاني ، اذا بينك وبين اللهجة مشكلة الاكس الاحمر فوق الله لا يهينك
- المسلسل كويس









6th Series Cast



Matt Smith
as The Doctor





Karen Gillan
as Amy Pond





Arthur Darvill
as Rory Williams





Alex Kingston
as River Song




وش يطلع Doctor Who ذا ؟

الدكتور الله يحفظني وإياكم كائن يقاله Time Lord من كوكب اسمه Gallifrey

التايم لوردز تسمّوا بهالاسم لأن مفهوم الوقت مختلف عندهم ..
يعني حنا يالبشر الوقت عندنا يمشي بخط أو اتجاه واحد .. مانقدر نرجع ولا نقدم بالزمن بينما ربعنا يمشون فيه زي مايبغون

الدكتور طالت اعماركم هو آخر التايم لوردز ، هو اللي قتلهم كلهم
دخل التايم لوردز حرب مع كائنات يقال لهم Daleks وانلعن أبو الطيب فيهم
توهق دكتورنا العزيز ، لو خسروا التايم لوردز وانتصر الداليكس راح الكون فيها .. فمالقي حل غير انه ينسف أبوهم كلهم مع بعض وهذا اللي صار

( ماني متأكد من القصة 100% بس هذا اللي اذكره .. مالي خلق اشيك << امحق تغطية )

سالفة الوقت لوردز والداليكس ماتنتهي هنا لكن مابتعمق فيها لأن الاحداث اللي تحصل كلها بتكون بالمسلسل فـ مابنخرب على اللي باقي ماتابعوه ..
اما اللي تابعوه يعرفون وش السالفة فليش ارجع اعيدها ؟


التايم لوردز اعمارهم طويلة (من جد ، ماهو بس شي نقوله خخخ ) ، يعني اللي عمره ألف سنة عندهم مثل ابو الاربعين عندنا
كل تايم لورد عنده القدرة على انه يرجع للحياة مرة ثانية أو " Regenerates / يتجدد " 12 مرة في حال موته .. يعني عنده 13 بالتوتل


طيب وش شغلته بالضبط ؟

أبد ، انسان ( تايم لورد ) فاضي ماعنده شغلة ولا مشغلة .. عنده آلة زمن (تارديس) يطامر فيها من وقت ومكان
يحاول بتجوله انه يوقف المصايب والمشاكل اللي بتحصل - إلا اذا كانت نقطة ثابتة بالزمن فمايتدخل فيها عشان مايغير التاريخ -



يسافر بالتارديس زي ما اتفقنا ، التارديس ذي آلة زمن يتغير مظهرها الخارجي عشان يتوافق مع المكان والزمان اللي هم فيه
لكن آلة خوينا هنّقت واستقرت على الشكل اللي تشوفونه بالصورة فوق

مثله مثل أي كائن غيره ، مايحب يقعد لوحده .. يطفش فيختار " مرافق " يمشيه ويوريه الدنيا
ولأنه يحب البشر ( من الثوارة اللي فيه والله ) دائماً مايكون مرافقه بشري ، وغالباً مايكون المرافق أنثى طبعاً



 

 

Hedonist Ogre غير متواجد حالياً
Facebook Twitter 0
قديم 23-04-2011, 06:19 AM   #2
Hedonist Ogre
من كبار مميزين الفني
 
الصورة الرمزية الخاصة بـ Hedonist Ogre
Hedonist Ogre فوق  هام السحبHedonist Ogre فوق  هام السحبHedonist Ogre فوق  هام السحبHedonist Ogre فوق  هام السحبHedonist Ogre فوق  هام السحبHedonist Ogre فوق  هام السحبHedonist Ogre فوق  هام السحبHedonist Ogre فوق  هام السحبHedonist Ogre فوق  هام السحبHedonist Ogre فوق  هام السحبHedonist Ogre فوق  هام السحب
وين واصلين الحين ؟ ولو ابغى اشوفه من وين ابدا ؟


الدكاترة من البداية إلى الآن ، مالنا إلا بآخر ثلاثة

دكتور مين ( وفي رواية " طبيب منو " ) بدا عرضه عام 63 .. بنفس السنة اللي طلعوا البيتلز فيها يعني << وش دخّل طيب ؟
استمر العرض الأول لمدة 25 سنة قبل لا يتوقف ويرجع لنا بصورته الحالية عام 2005

مايحتاج تشوف المسلسل القديم ، على ان القصة تستكمل من نفس المكان اللي توقف فيها المسلسل القديم لكن بشكل عام هالشي ماله تأثير
ولا راح تحس انك مفتقد شي بالقصة أو فيه شي منت بفاهمه


تبدا قصتنا مع صقيقي الدكتور التاسع ومرافقته روز اللي بتستمر معنا إلى الدكتور العاشر " الكويس جداً ديفد تينانت "
وتستمر إلى يومكم مع الدكتور 11 (مات سميث ( جونز )) ومرافقينه إيمي وخطيبها الدلخ روري


ماراح اخش بتفاصيل كيف تغير الدكتور نفسه لأن ممكن يكون فيها سبويلر والشعب هنا مايصدق يلقى شي يصيح عليه .. فـ تابع بنفسك وتعرف وش السالفة
الزبدة اننا وصلنا للدكتور 11 والـ incarnation العاشر ، يعني باقي 3 ويصير قيم أوفر بعدين

قد يسأل سائل : مابغى ابدا من الدكتور التاسع لأن خشمه غبي .. هل بإمكاني ابدا من العاشر " تينانت " والا لا ؟
ايه تقدر .. وتقدر تبدا من الدكتور الحالي ( الموسم الخامس ) لو تبغى بعد لكن الأفضل تبدا مع الدكتور التاسع اللي هو بداية السلسلة الجديدة وتمشي للـ incarnation الحالي



التغيير اللي يحصل مع كل incarnation أكثر من جسدي بس .. صح ان الدكتور هو نفسه لكن بنفس الوقت كل دكتور يختلف عن الثاني
كثيرين يعتبرون الدكتور العاشر ( تينانت ) هو الأفضل ، وكثيرين حبوا المسلسل منه وهذا اللي خلى ناس كثير مايقدرون يتقبلون الدكتور الحالي في البداية

مات سميث عانى كثير بالبداية من هالشي ، خاصة انه ماقدر يلقى نفسه ويكوّن شخصيته مستقلة بالسرعة اللي قدر تينانت يسوي هالشي فيها
لما جا تينانت ( العاشر ) قدر على طول يكسب المشاهد ، أسلوبه وغرابته -واختلافه الكلي عن سابقه- فرضته على المتابعين ودخلته قلوبهم بسرعة
التغيير وقتها كان سلس ، حتى اللي حبوا الدكتور التاسع قدروا يتأقلمون مع التغيير ويخشون جو مع تينانت بسرعة

بينما الدكتور الحالي كان دخوله أصعب بشوي وتحسه " مفروض " عليك كمشاهد بالقوة ..
بعض المشاهد لما تشوفها تحس الكتاب يقولون " أقسم بالله ان الدكتور تغير ياخي ! "

" وجهي جديد " ، " ماحب التفاح " ، " ليش ماني ريد هيد ؟! "
ماني عارف هل كان هالشي عدم ثقة من الكتاب في قدرة سميث انه يتجاوز المرحلة الانتقالية بالسلاسة اللي عدّى فيها تينانت أو انها مجرد دلاخة
اللي اعرفه ان هالاشياء والأسلوب اللي انفرض فيه سميث علي كمشاهد خلاني ما اتقبله بالبداية

قد يسأل سائل ( نفس السائل اللي اول بالمناسبة ) : طيب تينانت وراح ، ماخليت كلمة شينة ماقلتها في الدكتور الحالي .. ليش اتابع المسلسل طيب ؟
انا ماقلت ان سميث شين الله يحفظك ، ركز وفتح مخك اللي اقصده ، انه بداية الموسم الماضي لما قدموا لنا الدكتور الحالي لأول مرة كان صعب اتقبله للأسباب اللي ذكرتها فوق
لكن مع الوقت اشوف انه سميث قدر أخيراً يلقى نفسه ، وعلى الرغم من أن تينانت مازال الأفضل برايي لكن قيمة المسلسل بشكل عام ما انخفضت بروحته


المسألة شخصية بالنهاية ، مثل مافيه ناس ماتفوت فرصة للتسفيل بالدكتور الحالي مثل مشرفنا العزيز هاوس
انا شخصياً من الناس اللي تقدر سميث واشوف انه وعلى الرغم من انه ماقدّم نفس الإضافة اللي قدمها تينانت لكني شخصياً مستمتع مع الدكتور الحالي
هي مسألة " moving on " قبل كل شي .. لازم تحط براسك انه تينانت مشى ، زي مابيجي يوم ويتوكل سميث !



تحميل :
Doctor Who 6th Series | Downloads
الموضوع فيه روابط للمواسم السابقة مع ترتيب المشاهدة




خلاص ، خلصنا .. !



 

 


اخر تعديل كان بواسطة » Hedonist Ogre في يوم » 23-04-2011 عند الساعة » 07:36 AM.
Hedonist Ogre غير متواجد حالياً
Facebook Twitter 0
قديم 23-04-2011, 06:39 AM   #3
DOCTOR.WHO
Emmy Awards Winner
 
الصورة الرمزية الخاصة بـ DOCTOR.WHO
DOCTOR.WHO فوق  هام السحبDOCTOR.WHO فوق  هام السحبDOCTOR.WHO فوق  هام السحبDOCTOR.WHO فوق  هام السحبDOCTOR.WHO فوق  هام السحبDOCTOR.WHO فوق  هام السحبDOCTOR.WHO فوق  هام السحبDOCTOR.WHO فوق  هام السحبDOCTOR.WHO فوق  هام السحبDOCTOR.WHO فوق  هام السحبDOCTOR.WHO فوق  هام السحب
تقديـــــــــم روعــــــــــه
وأخيــراً أحد قـدم المسلسل الأحلى على الإطلاق
................................
أنــا ترجمـــت كذا حلقـــة من الموســـــــــم الخامـــس
وإن شاء الله إن كان السادس روعــــــــة........والبدايــة قويــة فسأترجمــــــــه
....................................
بدايــة عالمــــــي في الترجمــــــــة مع هذا المسلسل
doctor.who
واو بإنتظار الحلقة الأولى على أحر من الجمــر



 

 

DOCTOR.WHO غير متواجد حالياً
Facebook Twitter 0
قديم 23-04-2011, 06:44 AM   #4
ذوق واذواق
من كبار شخصيات الإقلاع
 
الصورة الرمزية الخاصة بـ ذوق واذواق
ذوق واذواق فوق  هام السحبذوق واذواق فوق  هام السحبذوق واذواق فوق  هام السحبذوق واذواق فوق  هام السحبذوق واذواق فوق  هام السحبذوق واذواق فوق  هام السحبذوق واذواق فوق  هام السحبذوق واذواق فوق  هام السحبذوق واذواق فوق  هام السحبذوق واذواق فوق  هام السحبذوق واذواق فوق  هام السحب
شرح سهل وواضح
جد ماحسيت نفسي يتغطيه
لاتأخذها بمحمل شخصي

المهم

من كثر ماتتكلموا عنه بالصاله
وأس فور كي رازه بتوقيعه
لو هو يوم زواجه ماحطاه

حملت السيزون الخامس لكن ماجاني خلق له
شفت حلقه وحده اللي هي الكريسمس
بس بقول حاجه
ماتحسون شكله غبي
ماينفع لورد ومدري أيش..؟

تيب ليه ما أنطروا لما عرس كيت وتشارلز
أحسن تصير الفرحه فرحتين,,.؟

بدرعم وأبدأ معكم
وأي شيء تشرحونه لي بعدين مشكورين


يسلموآآآ

::



 

 

ذوق واذواق غير متواجد حالياً
Facebook Twitter 0
قديم 23-04-2011, 07:40 AM   #5
Hedonist Ogre
من كبار مميزين الفني
 
الصورة الرمزية الخاصة بـ Hedonist Ogre
Hedonist Ogre فوق  هام السحبHedonist Ogre فوق  هام السحبHedonist Ogre فوق  هام السحبHedonist Ogre فوق  هام السحبHedonist Ogre فوق  هام السحبHedonist Ogre فوق  هام السحبHedonist Ogre فوق  هام السحبHedonist Ogre فوق  هام السحبHedonist Ogre فوق  هام السحبHedonist Ogre فوق  هام السحبHedonist Ogre فوق  هام السحب
إقتباس »
شرح سهل وواضح
جد ماحسيت نفسي يتغطيه
لاتأخذها بمحمل شخصي
هذي الخطة لسني أحب الحشو بدون فايدة << الله يستر لا يجيني الصيوحة من العالمية الين هنا يمتحن أهلي ليش اقول ماحب التصاميم هههههههههه

إقتباس »
ماتحسون شكله غبي
لأ

حياك



فيصل الحجاج .. حياك ياسيدي ، ان شاء الله يعجبك وتترجمه ياكويس



 

 

Hedonist Ogre غير متواجد حالياً
Facebook Twitter 0
قديم 23-04-2011, 08:05 AM   #6
HousE
من كبار شخصيات الإقلاع
 
الصورة الرمزية الخاصة بـ HousE
HousE فوق  هام السحبHousE فوق  هام السحبHousE فوق  هام السحبHousE فوق  هام السحبHousE فوق  هام السحبHousE فوق  هام السحبHousE فوق  هام السحبHousE فوق  هام السحبHousE فوق  هام السحبHousE فوق  هام السحبHousE فوق  هام السحب



أقوى تثبيت

إقتباس »
الرسالة الأصلية كتبت بواسطة Hedonist Ogre »
اذا ماتعرف اي شي عن دكتور هو وأول مرة تسمع فيه .. هذي كم نقطة رئيسية .. /

- المسلسل خيال علمي .. لحد يجي مدرعم يشوف كلمة دكتور يحسبه مثل غريز
- المسلسل واقعي أكثر من غريز
- المسلسل بريطاني ، اذا بينك وبين اللهجة مشكلة الاكس الاحمر فوق الله لا يهينك
- المسلسل كويس
خخخخخخخخ خيال علمي مهوب جريز و أكثر واقعيه من جريز بريطاني و كويس، أطلق وصف ممكن يطلعه أي عقل بشري لدكتور هو

إقتباس »
الرسالة الأصلية كتبت بواسطة Hedonist Ogre »
المسألة شخصية بالنهاية ، مثل مافيه ناس ماتفوت فرصة للتسفيل بالدكتور الحالي مثل مشرفنا العزيز هاوس
انا شخصياً من الناس اللي تقدر سميث واشوف انه وعلى الرغم من انه ماقدّم نفس الإضافة اللي قدمها تينانت لكني شخصياً مستمتع مع الدكتور الحالي
هي مسألة " moving on " قبل كل شي .. لازم تحط براسك انه تينانت مشى ، زي مابيجي يوم ويتوكل سميث !
أيام التسفيل بتنتهي قريباً، في الموسم الأول حسيت بمحاولة فرض الكتاب له و كرهته لأنه جا بعد ديفيد

بآخر السيريس و بسبشل الكرسمس لقى الوزنيه المناسبه له و فرض نفسه على الدور

أتوقع بعد هالسيريس بيتوقف السب له و بيكون السب كله موجه للزلابه روري

إقتباس »
الرسالة الأصلية كتبت بواسطة Hedonist Ogre »
هذي الخطة لسني أحب الحشو بدون فايدة << الله يستر لا يجيني الصيوحة من العالمية الين هنا يمتحن أهلي ليش اقول ماحب التصاميم هههههههههه
ههههههههههههههه لا يهمونك حتى أنا منيب أحب التصاميم و بأفرض رايي عليهم هنا

العالم لازم تتذكر إننا بالإقلاع و الأسلوب الإقلاعي شي مطلوب بمثل هالمواضيع "هنا و بالعالميه"

وش الفايده من التصاميم و الحياد ؟ إعتمد على لسانك بس و سفل بالأعداء خخخخخخخ

لو تلاحظون أيها القراء الكرام حتى الصور زرفها من النت و ما حاول يخليها بحجم واحد أو حتى يرفعها على موقع واحد خخخخخ، خذاها مثل ما هي

الأوجر، i wuv you style خخخخخخخ

،،

ننتظر الحلقة !



 

 

HousE غير متواجد حالياً
Facebook Twitter 0
قديم 23-04-2011, 08:49 AM   #7
إنيو موريكوني
Emmy Awards Winner
 
الصورة الرمزية الخاصة بـ إنيو موريكوني
إنيو موريكوني فوق  هام السحبإنيو موريكوني فوق  هام السحبإنيو موريكوني فوق  هام السحبإنيو موريكوني فوق  هام السحبإنيو موريكوني فوق  هام السحبإنيو موريكوني فوق  هام السحبإنيو موريكوني فوق  هام السحبإنيو موريكوني فوق  هام السحبإنيو موريكوني فوق  هام السحبإنيو موريكوني فوق  هام السحبإنيو موريكوني فوق  هام السحب
حتى الي ماله في دكتور هو راح يحبه بعد الشرح المبسط والوافي هذا !!
كل الاسئله الشائعه تمت الاجابه عليها !!



إقتباس »
الرسالة الأصلية كتبت بواسطة hedonist ogre »
دائماً مايكون مرافقه بشري ، وغالباً مايكون المرافق أنثى طبعاً
ما ياخذ الا اطلق اناثي بريطانيا .. قاتلهم الله !!



عوفيت يا زين على التغطيه



 

 

إنيو موريكوني غير متواجد حالياً
Facebook Twitter 0
قديم 23-04-2011, 09:18 AM   #8
DOCTOR.WHO
Emmy Awards Winner
 
الصورة الرمزية الخاصة بـ DOCTOR.WHO
DOCTOR.WHO فوق  هام السحبDOCTOR.WHO فوق  هام السحبDOCTOR.WHO فوق  هام السحبDOCTOR.WHO فوق  هام السحبDOCTOR.WHO فوق  هام السحبDOCTOR.WHO فوق  هام السحبDOCTOR.WHO فوق  هام السحبDOCTOR.WHO فوق  هام السحبDOCTOR.WHO فوق  هام السحبDOCTOR.WHO فوق  هام السحبDOCTOR.WHO فوق  هام السحب
متــى عرض الحلقــــــة الأولى للمسلسل
لأن كنــت أتوقعها هذا الأسبــوع....بحسب العد التنازلي للمسلسلات.......؟



 

 

DOCTOR.WHO غير متواجد حالياً
Facebook Twitter 0
قديم 23-04-2011, 09:23 AM   #9
HousE
من كبار شخصيات الإقلاع
 
الصورة الرمزية الخاصة بـ HousE
HousE فوق  هام السحبHousE فوق  هام السحبHousE فوق  هام السحبHousE فوق  هام السحبHousE فوق  هام السحبHousE فوق  هام السحبHousE فوق  هام السحبHousE فوق  هام السحبHousE فوق  هام السحبHousE فوق  هام السحبHousE فوق  هام السحب
إقتباس »
الرسالة الأصلية كتبت بواسطة فيصل الحجاج »
متــى عرض الحلقــــــة الأولى للمسلسل
لأن كنــت أتوقعها هذا الأسبــوع....بحسب العد التنازلي للمسلسلات.......؟
اليوم الساعه 6 مساءً بتوقيت بريطانيا، بحاول أشوفها على bbc hd اللي عندي

إذا ما عرضوها ما لي إلا النت، غالباً بتنزل حول 11 12



 

 

HousE غير متواجد حالياً
Facebook Twitter 0
قديم 23-04-2011, 09:27 AM   #10
DOCTOR.WHO
Emmy Awards Winner
 
الصورة الرمزية الخاصة بـ DOCTOR.WHO
DOCTOR.WHO فوق  هام السحبDOCTOR.WHO فوق  هام السحبDOCTOR.WHO فوق  هام السحبDOCTOR.WHO فوق  هام السحبDOCTOR.WHO فوق  هام السحبDOCTOR.WHO فوق  هام السحبDOCTOR.WHO فوق  هام السحبDOCTOR.WHO فوق  هام السحبDOCTOR.WHO فوق  هام السحبDOCTOR.WHO فوق  هام السحبDOCTOR.WHO فوق  هام السحب

إن شاء الله
أحاول ترجمتها قبل عرض الحلقة 7 من ملوك الهروب




 

 


اخر تعديل كان بواسطة » DOCTOR.WHO في يوم » 23-04-2011 عند الساعة » 09:29 AM.
DOCTOR.WHO غير متواجد حالياً
Facebook Twitter 0
إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 11:29 PM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2020, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017