منتديات شبكة الاقلاع ®



الانتقال الى الصفحة الرئيسية عضويات التميز (الفضية + الذهبية + التجارية) موقع ieqla3 متخصص بجميع منتجات شركة apple أنظمة وقوانين وتعليمات الموقع   وقف شبكة الإقلاع الخيري مركز رفع الصور والملفات تابعونا على موقع تويتر بوابة الانباء
اقلاع بلاك بيري البحث السريع برامج الإقلاع المجموعة البريدية جوال الإقلاع أنظمة وقوانين وتعليمات الموقع للإعلان في شبكة الإقلاع
العودة   منتديات شبكة الاقلاع ® > المنتديات الإجتماعية > عيادة الإقلاع للاستشارات النفسية و الاجتماعية
التسجيل التقويم التأشير على جميع الاقسام بالمشاهدة


إغلاق الموضوع
 
أدوات الموضوع طريقة عرض الموضوع
قديم 17-02-2011, 02:35 AM   #1
U_bin_A
مساند عيادة الإقلاع
U_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحب

زوجية - نفسية || مشاكل لا تنتهي .



مشكلة احدى الاخوات .. امل المساعدة في حلها


لبيانات الشخصيّة :

العمر : 23 سنه

الجنس : ( أنثى )

مكان الإقامة : القصيم

هل هي مدينتك لاصلية ام منتقل لها : منتقله لها

اذا كنت منتقل لها : ( انتقالي حديث بعد زواجي

الحاله الاجتماعيه : ( متزوجة )

ان كنت متزوج مدة الزواج : 5 شهور

وجود اطفال من عدمه : لا يوجد

طبيعة العلاقه مع شريك الحياة ( غير مستقرة )

مستوى التعليم : ثانوي

نوع الوظيفـة :

الحالة المادية : ( ممتازة )

البيانات الأسريّة :

نوع السكن : فيلآ ملك

عدد الترتيب بين أفراد الأسرة : الثالثه

عدد الأخوة والأخوات: 6 بنات 3 أولاد

عمر الأب : تقريبآ فالخمسين عمر الأم .. 40

مستوى تعليم الأب والأم ؟ ابتدائي

الجو الأسري في البيت ( العلاقه بين الاب والام ) : جدآ ممتازه

هل يوجد زوجة أب أو زوج أم ؟ : لآ

هل يوجد أخ أكبر في المنزل ؟ : متوفي _الله يرحمه_

هل يوجد أعمام أو أخوال مقربين يمكن اللجوء اليهم ؟ :يوجد بس البعد عنهم غنيمه

طبيعة علاقة صاحب المشكلة مع بقية أفراد العائلة : ممتازه

الجو الاسري بشكل عام في التفاعل : ( التواصل ممتاز)



البيانات الطبيّة :

هل يوجد أمراض عضوية تعاني منها ، وماهي ؟ : فقر دم حاد و نقص كألسيوم وحديد
ومستوئ الهمبوجلين فالدم ناقص لادنئ درجه

هل يوجد أدوية تستخدمها حالياً ، وماهي ؟ حمض الفوليك و فياتمين د و فيتامين لتعويض نقص الحديد

هل يوجد أحد قريب بالعائلة يعاني من نفس مشكلتك : لا

الحالة الصحية في البيئة التي تعيش فيها من ناحية الحي ومن ناحية خدمات المستشفى في المنطقة :
( جيدة )

البيانات الدراسيّة :

العمر عند الدخول للمدرسة : 7 سنوات عدد مرات الرسوب : مره

مستواك الدراسي على مختلف المراحل الدراسة ( ممتاز )

علاقتك مع الزملاء في المدرسه / العمل : ممتازه

هل واجهتك ظروف أثّرت على أي مرحلة من مراحلك الدراسية : وفاِة اخوي و ضغط الأستاذات بدون رحمه


البيانات الإجتماعيّة :


هل هناك أي أنشطة أو ممارسات تتقنها : ....

الكتابه الأدبيه ... .... الطبخ

هل لديك قابلية للاختلاط الاجتماعي مع أبناء الحي وزملاء الدراسة والعمل
أم تفضّل الانعزال : اجتماعيه

كم عدد ساعات جلوسك مع الناس : .... وساعات جلوسك لوحدك .... ، مو محدده بس مع الناس أكثر
وكيف هو شعورك في كلاهما : ارتاح فالأجتماعات أكثر من الانعزال


؛







اخر تعديل كان بواسطة » U_bin_A في يوم » 17-02-2011 عند الساعة » 02:42 AM.
U_bin_A غير متواجد حالياً  
Facebook Twitter

قديم 17-02-2011, 02:36 AM   #2
U_bin_A
مساند عيادة الإقلاع
U_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحب

* أذكر مشكلتك الآن :





فالبدآيه أحب أن أطلب من الجميع أن يغفروآ لي بعض الأخطاء التي ارتكتبتها في بدآية زوآجي وتسببت لوصول حياتنا لحالة الصدآم تلك .. منهآ التغآضي والتنآزل والصمت عن الجروح العآبره حتى بدآ زوجي متمآدي بشكل مؤلم يعذبني , أعترف بإن مآ حصل غباء مني ! لكني كنت أحاول بقدر ما أستطع المحآفظه على حياتي و أن أجعلها فالمسار الطبيعي المتوقع ... وللأسف اكتشفت انني لوحدي احاول

سأخذكم معي من البدآيه و عذرآ لو أطلت عليكم بالتفاصيل ..


تزوجنا بطريقه تقليديه, زوجي اكبر مني بثلاث اشهر و عائلته كانت من (جماعتنا) من بعيد , الخطبه ماحضر الا ابوه واخوه اللي تقدم لأختي , وبطريقه سخيفه وغبيه اكره اتذكرها / كانت الخطبه لاختي الصغيره وبقدرة قادر صرنا انا واختي مخطوبات لاخوان اثنين , لان ببساطه الوالد رفض يزوج الصغيره قبل الكبيره ... ماكنت راضيه عالوضع لكن بحكم بيئتنا وعاداتنا انا مجبوره التزم الصمت , اعرف انه ضعف مني لكني كنت امني نفسي بإن يكون نصيبي اللي جاني هو الافضل لي , تم الموضوع بشكل متدرج , بطىء .... ومانسمع عنهم الا السمعه الطيبه و الكل يمدح بإخلاقهم / ماشرف خطيبي الا يوم الملكه اللي استمرت سنه ونصف وتخيلوا ماطلب يشوفني او حتى مكالمه / اهله ماكنت اعرفهم .. ولافحياتي شفتهم ولاهم شافوني / الخطبه تمت على سمعة امي والوالد ... هم يسكنوا في منطقة ثانيه , بس هذآ ما كان يمنع انهم يتصلوا يباركوا ,, مابي اطولها عليكم تم الزواج اللي كان عائلي بحت ,, اول ماكنت معه حسيت بالراحه من اول مامسك يدي وكنت اتذكر قوله تعالى (وجعل بينكم موده و رحمه) ,, كان خجول جدآ ,, وحساس ,, لدرجه انه للأن يحاسبني على تصرفاتي في ليلة زواجي من الدموع والخوف والصد مع اني اشوفه شيء طبيعي بحكم اني ماكنت اعرف عنه الا اسمه , سافرنا وكان طول وقته متضايق واحسه شايل هم , انا والحمد لله ماكان ناقصني شيء , مابي اتكلم عن نفسي بس الكل دايم يمدح في شخصيتي و اسلوبي وطلتي وذوقي فاللبس والحكي و غير هالشيء لي جاذبيه خاصه مالفتت انتباه زوجي العزيز , كنت مصدومه لسه عروس البس واكشخ و ريحة العطور تنشم على بعد , ولاكان يرفع عينه ويطالع فيني ولاحتى كلف نفسه بكلمة اعجاب , صح كيف يمدحني وهو ماشافني , كنت البس واقعد وانتظر اي ردة فعل او حركه تحسسني ان اللي جمبي آدمي مو جدآر بس (مايمي احد) يقعد فالايام ولايقرب مني ولاحتى يمسك يدي , واحيان يجيني وكأنه اول مره يشوفني من اللهفه , ماشكيت بنفسي لاني كنت مكمله نفسي من كل النواحي , اذا رحنا تمشينا يكون طول الوقت ساكت ولا تتحركي , صكي عبايتك , غطي عيونك , لاتكلمي بالجوال واحنا بمكان عام , المحل ذا ما ابيه يعني ما ادخله , ما احب اتسوق , ما احب نقابل البحر طول الوقت , واذا رجعنا الفندق كان يقلب فقنوات الافلام والا يطقطق فالايفون ... كان يصرخ بسبب او بدون حتى مره كنا فمطعم صرخ علي قدام الكل والناس تطالع مستغربه عشان بس اني قلت له ما اعرف اكل في مكان مكشوف كذا , اغلب وقته مكشر , ولو قعدنا نضحك ونسولف ما يصير نكمل 10 دقايق على بعض , كنت امسك نفسي وعيني مليانه دموع ,, يسال وشفيها عيونك ؟ وانا نفسي اقلب الطاوله فوجهه , بعد اللي قاله يسال وش فيك ؟ ليش ماتاكلين ؟ كان يعاملني كأني واحد من ربعه , همجي ولا عنده اسلوب , ولايعرف كيف يتعامل معاي غير كذا قليل يحط عينه فعيني , كنت انهار و ابكي ويحس فيني ولايسال ولايقرب يواسيني , مع اننا كنا فغربه بس مايهتم فيني بالقدر اللي كنت احتاجه / انا كنت عند اهلي وخصوصآ الوالد حيل مدلعني و مأخذه راحتي وطلباتي دايم مجابه مجرد مايطالع فيني ابوي بنظرة زعل , كنت اقلب البيت فوق تحت فما بالكم بإنسان يشخط عالطالعه والنازله , وبعد مايهدأ يقلبها سوالف ويبيني اضحك له .... وانا غبيه لابعد حد اقعد ارد عليه وشوي الا انا اضحك معه بدون ما اعاتبه ,, رجعنا على طول لشقتنا وكنا ساكنين مع اهله بنفس البيت بس لنا شقه واسعه واختي لها مكان جنبي ,, دخلت الشقه كلها غبار والمفروض كنت ادخلها الاقيها نظيفه , الاثاث مش ولابد , بس كنت ابتسم واقول حلو , روعه , اعجبني هذآ و ذآ / وانا فداخلي مقهوره على هالاثاث ,, قعدت ارتب وانظف وبديت احس بالمسئوليه من طبخ و تنظيف و غسيل وكل ماتعبت كنت اتحمل اكثر لان هذآ شيء طبيعي و غيض من فيض المسئوليه , كنا لما ننزل لاهله ماكان يحط عينه بعيني ولاحتى يناديني بإسمي بس ياهيه إنتي واذا بعدت له عشان يقعد جنبي كان يروح يقعد بعيد , لما نكون مع بعضنا قريبين حيل كان يقولي انه يحبني ويموت فيني , يقول اعرف انك تستغربين من تصرفاتي قدام اهلي بس انا ما احس انه لازم نتكلم بحب و ادلعك قدام اهلي , قلت ( ما ابي قدام اهلك ابي بيني و بينك عالاقل) قال يعني شنو ؟ قلت ابي احس بحبك ؟ قال يعني انا ما احبك , انتي ماتعرفين تتكلمين اصلآ ولق لق لق لق الى اخره , تسالون وش اخره زعل مني والغلط وكل العيب طلع فيني , مره كنا قاعدين وجاء زوج اختي وقعد جنب اختي وقعد يمسك يدهآ و يسولف عليهآ اما زوجي كان بعيد عني , ماحسيت بإي شعور لاغيره ولاشيء , جاء فالليل يقولي انا عارف انك تبين اسوي لك مثل ماكان اخوي يسوي لزوجته بس انا ما ابيك تطالعي في احد ثاني قلت له بروقان ( انا مايهمني احد ولا اطالع غيرك وكافي علي ان انت جنبي و تحبني) مع اني فالحقيقه ماكنت احس بحبه الا بعض الاحيان ونادرآ لكن انقهر ان هالشيء مايبين الا في لحضات جدآ خاصه , كنت انفذ كل طلباته و اي شيء يقوله ينزل علي سمع و طاعه حتى لو كنت ارفض هالشيء , حاولت قد ما أقدر ما اقصر معه بإي شيء , واحيانآ ارمي الخجل و ابادر بكل شيء عشان اخليه يتعود علي , طلبت منه شوية اهتمام بطرق غير مباشره , كنت ابيه يناديني بإسمي مو هيه و انتي و اكرر له دايم انا مو نكره , كنت ابيه يحكي معي , يتكلم , نسولف , نناقش اي شيء , لكنه اغلب الوقت ساكت (ياربي ماطلبت المستحيل) !..... جت فتره كنت فيها مخنوقه وصلت للحالة اللي يسمونهآ الكبت , قابلت اختي وحضنتها وقعدت اصيح واشكي لها , انصدمت كثير تقول توقعت انك مرتاحه فحياتك ومبسوطه , واستغربت ان طول فترة زواجنا القصيره كنت ابين العكس , تضايقت هي وتركتها بدون ما انبهها تحفظ السر , راحت بغباء وحكت لزوجها ولا أنكر ان هالحركه فادتني لكن بجد تضايقت منها , راح زوجها لأخوهم الكبير وحكاله بطريقه غير مباشره عشان ينصح (زوجي) لأنه يسمع له وفعلآ صار هالشيء بذكاء وبدون مايبين اني شكيت , فجأه جاني زوجي منقلب ميه وثمانين درجه , قالي كلام حلو من زواجي ماسمعته , وقعد يدلع و يتغزل ويهتم فيني وحرصه على زعلي كان جنوني , كانت على وجهي مليون علامة تعجب , حكيت لأختي مستغربه وقالت لي السر وراء هالتغيير المفاجىء كان بسبب اخوه الكبير ,, بس للأسف هالتغيير ما أستمر اكثر من ثلاث ايام وابو طبيع مايجوز عن طبعه , مع الايام تقبلته كما هو , او تعودت على طبعه ما ادري ؟ حملت في الشهر الثاني من زواجنا , طبعآ انبسط كثير فهالخبر لانه يموت بالأطفال وعلى طول يلاعب فيهم ويشيلهم وحسيته تغير بشكل بسيط , سافرت لعند اهلي وقعدت كم اسبوع , كان يقعد يومين ثلاث مايتصل , كنت خلال هالفتره تعبانه والدكتوره طلبت مني الراحه التامه , وقبل اسافر وارجع لبيتي سويت سونار وكان وضع الجنين اوكي واخذت مثبت وسمحت لي الدكتوره بالسفر , اول ما جينا من السفر كنت انزف بشكل مستمر و كل ما قلت له كان يقول ان هالشي عادي و طبيعي وفي كثير بنات يصير معهم هالشيء حتى الولاده و بحكم انه موظف في مستشفى كان طول الوقت يسال اصدقاءه الدكاتره عن وضعي الصحي ولاكان يقولي وش يردون عليه / بعد اصرار مني اخذني وعملت سونار اكتشفت ان نمو الجنين متوقف , وعطتني الدكتوره وصفه عباره عن (عشبه) عشان انزله طبيعي فالبيت بدون ما اسوي عملية ,,انصدمت حيييييل وبكيت ولما خبرته عصب و سكت وقعد عالهالحال ايام , انا تجاوزت هالمرحله وبديت اهتم بصحتي لكن هو قعد فتره زعلان مني كأني السبب , حتى كان يسافر و يقفل جواله ويجي ويروح بدون ما ادري , وانا قعدت خمس ايام انزف مع الم شديد فالبطن و الظهر , كنت ابكي و اتقلب عالفراش واحيان امشي لين اطيح عالارض واتسحب لين اوصل لدورة المياه , هو يكون نايم بس يحس فيني يقوم يطالع ويرجع ينام , كنت اتالم بشكل فضيع و لاكان يعيرني اي اهتمام , ما طلبت اروح لأهلي لاني كنت متوقعه الرفض المسبق , حاولت اهتم بنفسي وارتاح لاني كنت مهمله صحتي بشكل فضيع طول الوقت اشتغل و لا اقعد ابدآ حتى لو مالقيت شغل اطلعه من تحت الارض , بس هالفتره كان نفسي ارتاح ,,, كل ما شافني نايمه او مسترخيه وقلت له اني تعبانه يعصب (مو متعود) و احيان يقومني عشان اسوي له اكل و مره وحده بس قعد يطمني ويطبطب علي / اشياء كثيره كنت استغربها معقول اللي يحب مايحس بحبيبه , حتى لو كان قصده تسلط او فرض شخصيه معقول مافي قلبه رحمه , تعودت اشوف أبوي لو تكح أمي راح يجيب الأكل من براإ و يساعدها بترتيب البيت اللهـ لايغير عليهم ( ببساطه زوجي خذلني كثير في وقت انا كنت في امس الحاجه له ) مره عاتبته وطلعت كل شيء كابته في قلبي وبكيت قدامه بقوه وقتها لو شافني عدوي بهالحاله رحمني وهذي كانت اول مره ابكي قدامه بهالشكل , اللي قدر عليه انه تغطى بالمفرش وهو يقول حسبت عندك سالفه وراح في سابع نومه ! اذكر اني صرخت فيه وانا اتحسر لاني عاتبت شخص مستحيل يحس فيني وتركت له الغرفه ......



U_bin_A غير متواجد حالياً  
Facebook Twitter
قديم 17-02-2011, 02:37 AM   #3
U_bin_A
مساند عيادة الإقلاع
U_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحب

حاولت اغير شوي من طريقتي صرت اطنش , اسوي له اللي يبي لكن ما احكي معه الا لضروره او سؤال و ان سالني ارد عليه بكلمتين , حتى اني كنت اتعذب في بعده بس احاول امسك نفسي و امشي حياتي , انا تعودت عليه و تعلقت فيه بشكل جنوني لكني كنت اكابر , اكتشفت ان تطنيشي يزيده عناد لو طنشت يوم يطنش عشره , وان دلعته واهتميت فيه يصير يشوف نفسه و يتغلى , طيب انا ايش اسوي ؟ وش الحل معه ؟ دايم اسال نفسي كذآ ؟ المشكله انه دايم يقولي انتي ماعمرك قصرتي معي (طيب ليه هو يقصر) مره جاء فبالي امكن يحب غيري او في غيري بقلبه لكن بعد ماعرفته زين اكتشفت ان هالشخص ماعنده علاقات لاقبل ولابعد الزواج , غير كذا مايعرف يتعامل مع الجنس الناعم ابدآ , اصلآ لو وحده تعرفه بتتركه من تصرفاته , اغلب زميلاته فالعمل يخافون منه ويمشون عالصراط المستقيم لو كان موجود بحكم انه دايم يشخط فيهن , وهالشيء اكتشفته بنفسي لما رحت معاه لموعد , اهله جدآ صريحين معي و كشفوا لي شخصيته هو قلبه طيب واللي يخرب عليه لسانه , هادىء و اذا عصب دقيقتين ويطخ ! يقولون لو عصب لاتقربين منه , قالوا تحملي وراح يتغير , مع اني ماشكيت لهم شيء بس هم فاهمين اخوهم كثير , ومن كثر مايعزوني مايبوني اتضايق ,حتى في مره (ابو زوجي) قالي وهو يضحك ترى فلان ( زوجي) بالعربي يكره الحرييييييييييم ... انا متأكده اني اول انسانه تقتحم حياته ؟ واعرف انه يموت فيني وهالشيء مو بس انا احسه حتى اهله ؟ بس مايعرف يتعامل معي و لايعرف يعبر عن مشاعره و غير كذآ هو شايف نفسه بزياده ! مزحه ثقيل لحد ماتتصورونه ! ولاتعود يتحمل مسئوليه ! ينتقد من الدرجه الاولى و تعليقاته وعتابه قاسي , احيان كثيره يجرحني ولا يحس ! والله تجي ايام احمد ربي عليه لما اشوفه انسان مايعرف سوالف الشباب و لاهو مغآزلجي و لايدخن و ملتزم ويهتم بصحته من دوامه للملعب للبيت و ان طلع مع اخوانه وقرايبه بس , ادري ممكن اغيره و في امل لكن انا تعبت وانا اتنازل بدون ما أحط حدود , اصلآ كيف احط حدود و هو مايساعدني في حاجه , كمان مآ نطلع لأي مكان لآ أسواق ولا مطاعم محبوسه فالبيت طول الوقت , يقول ما أحب الطلعات والحقيقه هو مايحبها معي بحكم ان المنطقه اللي هم فيها صغيره والناس تعرف بعضها . أحس مقصده محد يشوفني ما كاني زوجته ... قلت (ماشي , مب مشكله ) , اكره سلبيته , وتفكيره , اسوي اشياء كثير على نيتي و يفسرها بشكل سلبي , لو يزل لساني بكلمه تكون عاديه بس ماتعجبه خلاص يسكتني و لاعاد يسمع مني وينهي الموضوع اللي نتناقش فيه وكأنها فرصه جت لعنده على طبق من ذهب ... الكل انتبه لمعاملتي له و كيف هو سلبي معي ويقولوا اصبري مصيره يتغير هو والله يحبك بس ماعنده اسلوب ! يقولوا هو من بعد الدراسه والتخرج بسرعه توظف , لسه صغير ولا يعرف غير لاعبين الحواري يعني كيف تبين اسلوبه يكون , طيب انا شنو يصبر قلبي ؟ , كثير ... كثير جرحني قدام اهله ولما اجي اعاتبه يقول كنت امزح , واحيان يكون جاد بس مايعترف بغلطه يقول اهلي مثل اهلك عااادي , وبعدين مو شيء خاص عشان اخبيه ! لو اشق خيط بإبره واغلط يسوي لي قضيه و يطلع مية سالفه مدفونه ! ولما اجي اعاتبه في حاجه يقول كبري عقلك , حسبت عندك سالفه , ويستخف فيني و بتفكيري ! احسه يحاول يخليني انسانه سلبيه بدون شخصيه , كل ما مدح احد فيني من اهله قعد يتمسخر فيني وكل هذا عنده مزح , انا اطنشه ما ارد , لاني متأكده لو رديت بيحرجني خصوصآ ان هم اهله مايستحي منهم , بس انا ضروري الزم احترامي ,,, يحكي عن زوجات اخوانه بفخر و يمدح فيهم قدامي ويبيني اصير نسخه زيهم , قلت لو سمحت لاتقارني بإحد وفلانه تحديدآ , قال انا ما اقارن لان هي افضل منك , ما انكر اني انقهرت و عصبت منه بس طنشني ولاحتى اعتذر كالعاده ! الغريب انو كل فالبيت يحكون فغيابي ووجودي اني افضل بكثير من الكل _ وهالشيء الحمد لله كسبته من اخلاقي وحسن تعاملي معهم ....... بس هو دايم يشوفني انسانه عاديه , كثير يوصلني كلام من اختي و زوجها ان اهله دايم يمدحوا بطيبي واخلاقي ومظهري قدامه بس هو مايوصلي كلامهم , اقول امكن مايبي راسي يكبر او يخاف اشوف نفسي واتغير , يعاملني ببرود و انا اعامله بلهفه و احاول اكسبه قد ما اقدر ,, يطنشني و يعاملني بثقل واحيان بخجل يبتعد عني ,, ما اذكر اني عشت معه بحب وحسيت اني طايره فالسمآ الآ خمس ايام تقريبآ تخيلوا خلال اربع شهور ونص من زواجنا ,, فالفتره الأخيره ادمن كثير دخوله عالأنترنت مع اني اثق فيه بس يضايقني كثير هالشيء , نفسي اشوف وش يسوي بس هو مايحب حركات التطفل والتفتيش وهذي مو من طبعي ابدآ , خصوصآ من بعد سجل فالفيس بوك وصار طول الوقت عليه لين نص الليل يتعب بعدهآ ويطيح ينام بدون مايعبرني بحرف ..
يقولي عادي تكلمي , قولي اي شيء انا اسمعك , بس مو باين عليه انه راح يسمع خصوصآ انه مرهق وتعبان بينام ,, فجأه اسكت الآ اسمعه راح في سابع نومه ! اضحك احيان على نفسي و احيان ابكي قهر واحيان ارحمه واغطيه واسمي عليه !


يحب يعيش لوحده , له عالم مايحب احد يقتحمه ... يعني مثلآ يكون قاعد عاللاب توب , اجي على نيتي واقعد جنبه او وراه , على طول يغير وضعيته بحيث مايتبين لي شنو يتصفح , مدري هو يتعمد يثير فضولي ! والآ شنو قصته ,,,, ؟؟؟ قالت لي صديقتي الثقه العمياء بتحرق قلبك فالأخير , ثقي فيه بس بحدود .. يعني مو صعبه تسالي وش تتصفح , كم عندك أضافه وهيك ؟ ياربي شنو أسوي هو مآ يحب أحد يتدخل في خصوصيآته و يزعل , يعني مره كان يتصفح عالايفون وانا قاعده جنبه واشوف مقطع فكاهي كان بيخليني اشوفه , تميت قاعده وشفت المقطع وخلص وانا لسه جنبه ,, فجأه طالع فيني وعطاني الجوال قال وش رايك تجين تكتبين بدآلي ,, قلت لا ليش خلاص آسفه وقمت عنه ....


وقبل فتره قريبه , جاه تنبيه من الفيس بوك عالايفون / ومكتوب فلان و فلان وفلانه و كذآ اسم بالأنجلش المعرب قاموا بالتعليق على صوره لك , شفته بالصدفه لما كان الجوال جنبي ,,, لما جاء عندي سالته منو فلانه ؟ قال من ....
قلت دوبه طلع الاسم مع تنبيه وقاموا بالتعليق على صوره لك
قال اي هذا منتدى و تطلع لي تنبيهات الناس اللي يردون بعدي / يعني ما اعرفهم !
انقهرت انه رد علي بطريقه غبيه يعني ما كأني اعرف اقراء ان هالتنبيه من الفيس بوك ,,,,,,,, وقعد يعلق على سؤالي يقول ماله داعي هاللقافه ؟ قلت اسم بنت طلع على شاشة جوالك ماتبي أسأل يعني !


انآ اكره هالوضع وابي اغيره بطريقه يكون لمصلحتنآ كلنآ , يعني اذا هالبرود و الصمت الكامل و هالعصبيه على اتفه شيء فبدآية حياتنا وش خلينا لبكرآ ؟ نفسي يعآملني كأنسآنه لي رغبه و احتياجات مثل ماله ويمكن اكثر ,, نفسي لما احكي فموضوع يرد علي مو يكتفي بالابتسامه او يشد على يدي ,, اي واحد فينا يحب لما يتكلم يلقى احد يناقشه , يفهم , يسال , يأخذ و يعطي مو كلش سايلنت ،, جربت طريقة القاء الاسئله حتى لو اشياء انا متأكده منها مليون فالميه , بس مقصدي ابيه يحكي ! لكن يرد بأقصر الاجابات و بعدها يعمم الصمت علينا ,، مدري انتوا فهمتوا شنو الشيء اللي مضايقني والا لا ! كل بنت تتمنى أن زوجهآ يتغزل فيهآ لو مره بين كل فتره و فتره .. تتمنى انها تحس بإهتمامه و يحتويهآ بكل الطرق / هو يشوف تعامله طبيعي و مافي منه , ومن زود الثقه يحس انه احسن زوج بالدنيا / طالما انتي قاعده فبيتك و الثلاجه مليانه و الفلوس بيدك وعندك شباك يدخل منه هواء و شمس (وش ينقصك) <<< تفكير واحد جاهل و متخلف للأسف مع انه انسان جامعي بس فعلآ الشهاده مو مقياس للثقافه ,,, قلت له بكمل دراستي او اخذ دورات او اسجل بنادي (ايمآنآ بنصيحة العضوه الجميله اتز مي لشغل وقت فراغي) لكنه رفض وقال وش له اتخسر عليك وادري ما انتي فالحه << ادري تحطيممم

انا غيرت كثير أشياء عشان اعرف انهآ تضايقه و تحرق دمه , مثل حساسيتي الزايده خففت منهآ بشكل كثير , لو جاء يناقشني في شيء كنت اسمعه للأخر بدون ماتنزل دمعه رغم عتابه اللي مثل السم , الدلع و القعده رميتهآ فبيت اهلي قبل اطلع بالعكس قاعده اقوم بكل وآجباته فالبيت و حتى عند اهله اطبخ و اساعد و اقدم وعلى قلبي مثل العسل , ماعمري تذمرت او شكيت وهم يقولوا ماشاء الله عليك مافي منك واحلى مافيك من دخلتي هالبيت عمرهآ أبتسامتك مافارقت وجهك .. استقبل اهله و كثير اعزمهم و اقدم الوآجب لخواته و ازواجهم لو جونآ البيت , وكثير طلعت سوآلف من اخوه (زوج اختي) و اهله وسببت مشاكل بينا بس كنت اناقشه بالمشكله بغض النظر عن ناقلهآ , واحترمهم بصرآإحه اكثر من اللآزم .... منع أختي تدخل لشقتنا ووافقته رغم جرحي الكبير ولاحتى خليت اهله او اهلي يحسوآ بهالشيء , والسبب في مشاكل بينه و بين اخوه ( زوج اختي) قال انتي روحي بس هي لاتجي عشآن مايصير شيء بكرآ تندمين عليه عمرك كله ,, اللي يقهرني اهانته لي اذا كان معصب , ينسى شيء اسمه الأحترآم .. قلت كلنا نعصب بس في حدود .. مين ماكان المفروض مايتجاوزهآ ..... ياربي منه
تعبني




اخر تعديل كان بواسطة » U_bin_A في يوم » 17-02-2011 عند الساعة » 02:51 AM.
U_bin_A غير متواجد حالياً  
Facebook Twitter
قديم 17-02-2011, 02:39 AM   #4
U_bin_A
مساند عيادة الإقلاع
U_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحبU_bin_A فوق  هام السحب

كل هذا كتبتهآ قبل فتره قصيره لاني كنت أفكر انزله و أخذ ارآئكم بس أنصدمت أني مخدوعه بزوجي ولسه في اشياء كثيره غير طبعه الجاف ما أعرفها ,, قالي يوم الأحد بيسافر للدمآم و سالته ليه بهدوء قال مالك دخل و بدأ يلف ويدور و يحاول يمزح قالي : عندي شغل
مادخلت السالفه راسي و شكيت فالموضوع ، فعلآ كان بأين عليه مو طبيعي ، طنشت وقلت يابنت أكيد بيتمشى مع أصحآبه / تركته برآحته وجهزت معه شنطته وكنآ نضحك و نسولف وعاااادي ... سافر اليوم الثاني و كنت أتصل ابطمن اذا وصل والآ لآ ؟ مايرد ,, قعدت سهرانه أحاتيه و لمآ طفشت بروحي فتحت اللآب توب حقه .. فتحته و لقيت مجلد خاص فيه (بإسمه) لما فتحت الصور , لقيت صوره و صور عاديه ,,, تفرجت عالملفات لقيت أغاني و انا ادور بينهم لقيت مقاطع مكتوبه بإسماء مشبوهه وهذا اللي خلاني أفتحهآ ،، كانت اباحيه ( أنصدمت حيييييل) أخر ماتوقعته من زوجي الخجول .... من كثر ما أنقهرت قعدت أفتح بملفاته وفتحت سجل المحادثات كانت اسماء ايميلات عادية الآ ايميل بإسم بنت فتحته و هنآ كآنت المصيبه لمآ لقيت له محادثه بينه و بين هالبنت اللي تبين لي من المحادثه انها لسه طالبه بالمدرسه و اسمها كمان عرفته و هي تعرف عنه اسمه و تدلعه و بينهم كلام حب و شوق , مت مليون مره و انا اقراه ,, هالزوج اللي ماكان ينطق لي بكلمة حب , عرفت أنه كان يوفره لغيري ! انا حيل مصدومه و مجروحه منه ،وبعد مابحثت زين في جهازه .. عرفت انه لسه على علاقه به ولاكان له. علاقات قبل الزواج
قعدت بروحي في شقتي طول فترة سفره بس ماسكه سجادتي ادعي و أبكي // اكتشفت انه ماراح للدمام وكان طالع البحرين ( تعرفون كيف تصير نغمة الدولي) كنت طول الوقت اتصل ولا يرد و لاحتى بمسج
احترقت بروحي ،، بعد يومين أرسل لي مسج يقولي أنا مع خويائ واحتمال نطلع البحرين بعد شوي .. كتبت له قول أنا اساسآ فالبحرين ،،، ارسل لايكثر والشره على اللي قايلك
المهم بعدها ما اتصل ولا رد لحد ماجاء من السفر ، ما استقبلته كالعاده ، دخل عندي وقال دريتي اني جيت قلت ايه ، قال قومي رتبي إغراضي
انقهرت انه ما سأل ولاشيء ،، رحت اتصلت في أبوه وقلت له يجيني وفعلآ جاء قلت أنا متضايقه منه وأبي أروح لاهلي بس بدون مايحس أحد بشيء وياريت تكلمه ياعمي ، أنا معه ف بيت واحد ما اقعد خصوصآ بعد اللي صار .. قال شنو اللي صار يا بنيتي قلت ما أقدر أقول هدي أسرار بينا ، وفعلآ راح كلمه .. جاني وحسيته مرتبك و كان مواصل و تعبان من السفر ،، قعد يلح علي ويسأل لين قلت له كل شيء و كنت اعاتبه بشده .. ساعه أهدأ و ساعه أبكي و هو ساكت ويتأفف وقعد يضحك لما فتحت له المحادثه
وقعد يلف و يدور و يحاول فيني مارضيت قلت له أنا أبي أروح لأهلي بس ، لما شفته بيهدي الموضوع .. لبست عباتي ورحت عند أهله وقعدت للصبح اليوم الثاني ، كلهم حسوا ان فيني شيء بس مايعرفوا شنو ؟. لما طلع لدوامه صعدت فوق ورتبت باقي أغراضي وأرسلت له مسج أبي أروح مارد ، رجعت نزلت تحت بعد ما انتهيت من شغلي يومين لا أكلت ولا غمض لي جفن ، جاء عندي تحت وسألني انت متى تبين قلت اللحين قال يعني كل مشكله بينا ب تسوين كذا ! قلت لا أنا أبي ارتاح ولو بسويها مشكله وصلتها لابوي

سافرنا ورحت لأهلي وفالطريق حسيته يحاول يرضيني بإي طريقه عشان ما يبين علي قدام أهلي. ..... مرت أيام وبعدها لما هديت رجعت اتصل فيه عشان نتفاهم شفته مطنش لايرسل ولايتصل قلت أبادر أنا ... وكل قصدي نتفاهم
كلمته بالطيب و حاولت أخذه معي وأبين غلطه بطريقه مهذبه .. لكن ماكو فايده
قعد يصارخ أنا ما غلطت بشيء !
وأنا برجعك عشان أبوي و أبوك وإلا على تصرفك لما تخليني أوديك لأهلك وأنا عندي دوام وجائ من سفر مالها داعي
بس خلاص أنا عرفت ان عقلك صغير ؤالمفروض ترضين وتحمدين ربك اني ع الأقل اقابلك فالبيت وأجي أكل عندك ، غيري مايرد على حرمته
قلت ليه تطالع النماذج السلبيه ، ليه أرضئ بالقليل والاهانه و الخيانه !
لقيته معند وكان أحد قلب تفكيره بعد ما كان يراضيني صار عايفني ،، انا بجيبك عشان تقعدين في شقتك وبس. ... وقدام الناس وإلا خلاص بعد حركتك ماعاد تهميني ( ياناس منو الغلط فينا) ! بس اني طلبت ارتاح و ابعد شوي صرت غلط
فتحنا مواضيع كثيره و منها البنت سألته : قال بطريقه استفزازيه أحبها أموووت فيها و أبي اتزوجها ؤش عندك / أنا رجال مايعيبني شيء ؤانتي لو تكلمتي الناس بيضحكون عليك
أنا أقدر أصلح غلطي منها بالزواج ! (صدق خاطب العاقل بما يعقل )
قلت تيب بالعافيه عليك .. أنا ؤش موقعي من الاعراب خدامه أو لحاجتك بس !
ليه تقول إذا جاء اخوك ياخذ اختي تعالي معه (ليه)
أنا ف بيت أهلي ومرتاحه و إذا بتروح ماراح تفرق .. خلاص منك النفس طابت
صح أحبببك صح أبيك بس الاهانه والخيانه ما أرضاها ومدام انت عايفني وماني ماليه عينك اللهـ يستر عليك ! انت تبي تستفزني و تحرق دمي أبشرك وصلت للي تبيه و قدرت !
وقفلت منه رجع يتصل مارديت
أرسل لي اخوي بيجي يأخذ اختك تعالي معهم
ولارديت ولارحت


رحت اتصلت على عمي بحكم انه حكيم و عنده أسلوب ب إقناع عياله
وقلت له كل شيء ، السالفه كيت و كيت
وأنا بحط خبر عندك اني بكلم أبوي
وفعلآ كلمت أبوي اللي طمني وقأل لاتردين وخلاص أنا اتصرف معاه ، مازوجته عشان يهينك ، ويقطك فالبيت ويسافر و يجي عايش عزوبي






الخلاصه ابيكم تساعدوني بإرآئكم و تزودوني بإفضل الطرق الممكنه عشان اتعامل معه و اخليه يتجاوب معي ويتخلى عن برجه اللي عايش فيه , انا وصلت لمرحله ماعدت اتحمل , بس قلت أكتب لكم ابي حل مو بس للفضفضه .. ولان في هنا ناس كثير أثق بإرآئهم اتمنى يفيدوني .. وارجوكم ماتنسوني من دعائكم ! صدقوني على كثر ماقريت و طبقت افضل الطرق و اجمل التعابير في حياتي لكن مافي فايده !


ؤهل رجوعي له بيخليه يتمادئ ، مدري أرجع إذا جاء يراضيني وإلا كيف
لأن عندي احساس انه بيجي عشان ضغط أبوه عليه. ، مو لأنه ندمان أو يبي يتغير


انتهيت ..















بعد ذكر المشكلة :

مدة المشكله من بدايتها الى الآن : ثلاث اسابيع

تأثير المشكلة هل يمتدّ للمحيطين بك أم أنّ أثرها لا يتعلّق إلا بك : يمتد و يأثر كثير ،، خصوصآ أهلي و أهله هم متضايقين عشانا


هل سبق وراجعت مختص أم لأ : لا

إذا كان هذا حديثك الأول عن المشكلة ، فما هو سبب لجوؤك لطرحها هنا : أسمع الحلول و أقرئ كثير من تجارب الأخرين

مدى شدة المشكلة : ( تعيقك عن أنشطة الحياة )


* اكبر عائق يعيقك عن النجاح ؟

زوجي لأنه أكثر شخص يهبطني و ينتقدني بدون سبب .


* أبرز الأشياء التي تسبب لك الخوف ؟

خيانته و قسوته و عصبيته


* أبرز الأشياء التي تساعدك على التفاؤل وتدفعك الى المحاولة وعدم الفشل ؟

التجارب اللي نجحت بعد محاولات عده فالتغيير
والأيام الحلوه اللي كانت بينا


* هل هناك مواقف سلبية .. عالقه في ذاكرتك وتؤثر على عطاءك ؟

اهانته لي قدام أهله. و الناس


* نقطة قوّة لديك ونقطة ضعف ؟

قوتي / أبوي ووقفته معي

ضعفي / أحبه ؤ بجنون بعد



U_bin_A غير متواجد حالياً  
Facebook Twitter
قديم 17-02-2011, 03:06 AM   #5
جوهرة
من كبار مميزين الأسرة
 
الصورة الرمزية الخاصة بـ جوهرة
جوهرة فوق  هام السحبجوهرة فوق  هام السحبجوهرة فوق  هام السحبجوهرة فوق  هام السحبجوهرة فوق  هام السحبجوهرة فوق  هام السحبجوهرة فوق  هام السحبجوهرة فوق  هام السحبجوهرة فوق  هام السحبجوهرة فوق  هام السحبجوهرة فوق  هام السحب

لاحول ولا قوة إلا بالله

الي شدني لقراءة القصة -رغم طولها- انك في النص كتبتي الجزء السابق كان قبل لا أكتشف الجزء التالي .. وفيه يتضح انك كنتي فاهمته غلط و(محسنة) الظن فيه بعد !

كنتي تقولين انك متأكدة انك أول حرمة بحياته ومايعرف بنات -من رداة أسلوبه معك - وان إذا بنت تعرفه بتتركه لآن أسلوبه مخيس

وهذا انتي اكتشفتي انه مخبي الأسلوب واللسان الي يقوطر عسل لحبيبات القلب !

وواضح جــدا انه من نمونة : لا تعطي حرمتك ريق حلو ولا تعطيها وجه بعدين تشيخ عليك و معد تقدر عليها !

ويتضح هالشي في نظرته للحرمة :
إقتباس »
المفروض ترضين وتحمدين ربك اني ع الأقل اقابلك فالبيت وأجي أكل عندك ، غيري مايرد على حرمته
إقتباس »
أبي اتزوجها ؤش عندك / أنا رجال مايعيبني شيء ؤانتي لو تكلمتي الناس بيضحكون عليك
شفتي التخلف ؟ هذي نظرة بعض المتخلفين للزواج : أقدر أسوي أي شي مقابل سكوت و خضوع من زوجتي ، لأنها حرمة مضطهدة بمجتمعنا ، ومحتاجتني ، وبتموت إذا طلقتها ، ماتقدر تسوي شي ..

تدرين هذي الأشكال مين يكسر راسهم ؟.. حرمة قوية راعية كيد و ما تخاف .. تخليه ينضبط على الطريق المستقيم .. ويعرف انها بايعة إذا هو باع .. و شاريته إذا هو انضبط ..

وياما بمجتمعنا من هالأشكال المنفوخة عالفاضي ، و الكل استغرب منهم بعد الزواج .. و السبب مثل ما قلت لك ، صارت حظوظهم على حريم أقوى منهم .. ما يخافون من طلاق ولا غيره بالعكس مستعدين يبيعونها بتبن .. وبهالشكل يحس انها ممكن تضيع من يده إذا خربها ، ما تعطيه مجال يحس بضعفها و رعبها من الطلاق - لأنه مريض وممكن يستغل هالشي بأبشع صورة-

أنا لما وصلت لجملتك هذي فرحت :
إقتباس »
كتبت له قول أنا اساسآ فالبحرين ،،، ارسل لايكثر والشره على اللي قايلك
أحسبك قلتي له لا يكثر و الشرهة علي بس للأسف طلع هو الي قايلها

لو انتي خوفتيه بكلمتين مثل هذي ما تعودها منك ، صدقيني بيعرف انك طلعتي الوجه الآخر .. يدري عالأقل انك بتاخذين موقف .. و تورينه غضبك من البداية كيف يكون ، وشي حلو انك طلبتي تروحين لأهلك ، لأن بصراحة سفرته هذي ما ينسكت عليها

إقتباس »
وقفلت منه رجع يتصل مارديت
أرسل لي اخوي بيجي يأخذ اختك تعالي معهم
ولارديت ولارحت
أحسن
الحين حلو تلوعينه شوي .. ويبدأ يحس انك مب خايفة .. وان الأمور بيدك .. ممكن مثلا ً تقترحين عليه تقعدون شهر بدون مسجات ، قولي بالله يا فلان أنا محتاجة وقت أفكر في استمرارنا مع بعض

علشان يعرف ان حتى انتي بيدك تقررين .. وانك ممكن ترضين وممكن لأ طبعا ً ...

وحتى إذا بترجعين ، قولي الموضوع كبر ، و الحين صار بيد أبوي ، بشوف وش يقول ..

ويسوون جلسة كبار أبوك و عمك ، وكلهم ضده طبعا ً .. خلي وجهه يصير قد السمسمة .. ويدري ان وراك رجال

و رضاوة معتبرة .. وسفرة مثل البحرين .. جد والله ، كنت أستسخف هالأمور لكن فيه أشكال تفكيرها قروي جدن تنفع معها هالأشيـاء ! أجل مابي أتخسـر عليـك دورات و نـادي ؟!!

خليه الحين يتخسر صدق

وعليك بالاستخارة طول ما انتي عند أهلك .. بتعرفين من تسهيل الأمور ان ربي مختاار لك الخيرة

الله يهديه ويصلحه و يوفقك للخير ومافيـه



جوهرة غير متواجد حالياً  
Facebook Twitter
قديم 17-02-2011, 03:55 AM   #6
حنا111ن
Emmy Awards Nominee
 
الصورة الرمزية الخاصة بـ حنا111ن
حنا111ن فوق  هام السحبحنا111ن فوق  هام السحبحنا111ن فوق  هام السحبحنا111ن فوق  هام السحبحنا111ن فوق  هام السحبحنا111ن فوق  هام السحبحنا111ن فوق  هام السحبحنا111ن فوق  هام السحبحنا111ن فوق  هام السحبحنا111ن فوق  هام السحبحنا111ن فوق  هام السحب

خمس شهور وهالحوسه كلها فيها
شبت كبدي وانا اقرا
رايي انتي صبرتي وماقصرتي وجربتي كل الحلول معاه
الرجل توه 23 طايش ويبي له من يركده
دام وصلتي السالفه لابوك وابوه
اجلسي ببيت اهلك وخلي ابوك يفهم ابوه ولدك بيجي عاقل وفاهم اش معنى زواج والا بيجي عشان يرضيك الله يستر علينا وعليكم لاترجعين بسهوله عشان مايحس السالفه هينه وضروري ابوه يفهم كل تصرفات ولده وحجرتك في البيت وسوء اسلوبه وتعامله معك حتى يفهم ولده وين المشكله
خل الكل يوقف بوجهه ويأدبه خليه يحس بعظم الزواج والمسئوليه خليه يحس ان المزح له اوقات
خليه يحترم وجودك قدام اهله وغيرهم
وانتي خلال هالفتره لاتتصلين عليه استخيري وشوفي ربك اش يكتب لك



حنا111ن غير متواجد حالياً  
Facebook Twitter
قديم 17-02-2011, 04:03 AM   #7
خيآلية
Bollywood Rival
خيآلية فوق  هام السحبخيآلية فوق  هام السحبخيآلية فوق  هام السحبخيآلية فوق  هام السحبخيآلية فوق  هام السحبخيآلية فوق  هام السحبخيآلية فوق  هام السحبخيآلية فوق  هام السحبخيآلية فوق  هام السحبخيآلية فوق  هام السحبخيآلية فوق  هام السحب


.

لا حوال ولا قوه إلا بالله =/
زوجك يغثّ بصراحه !
حسبت هالنوعيه من الرجال انقرضوا ! حركات انه يمن عليك بزواجه ولولاه انت بتكونين ضايعه
هالحركات اكل عليها الدهر وشرب !
شوفي انت الحين ماشيه تمام ولو اني اشوف روحتك لاهلك جت متاخره جداً
اسلوبه الاستفزازي المفروض انك ماسكتي عليه ابد ! في البدايه لمحي له وبعدين صارحيه
اذا مانفع دخلي اهلك بالسالفه ! لان وضعك ماتأزم الا بسكوتك وتغاضيك

والاحظك ماتستخدمين اسلوب الزعل إطلاقاً
عندك هالاشياء المفروض انك تزعلين عليها وبشده :

* شكواك له وعتابك والنتيجه " حسبت عندك سالفه " ! ياحسافه هالدموع بس
المفروض من بكرا تزعلين ولا تطالعين فيه خير وينا فيه يسفهك بهالشكل المقيت !!

* جلستك جنبه وتعصبيته الي اشوف مالها اي مبرر !!
نفس الشي المفروض انك زعلتي والله ترا من اقل حقوقك تجلسين جنبه !

* كلامه القاسي وانتقاده الامنقطع وقفيه عند حده وقولي ما اسمح لك تعاملني بهالاسلوب
الهمجي !

مشكلتك تسكتين تسكتين فجاة تنفجرين وذيك الساعه موب فاديك الكبت
اشياء كثيره المفروض انك تزعلين وموب بالساهل ترضين عشان يحس بقيمتك
وانك موب جماد !
و دموعك غاليه لا تظهرينها في كل وقت عشان ماتفقد هيبتها !

الحل انك تغيرين من شخصيتك بالكااااامل اذا قالك كلمه ردي عليه بعشر
ارجعي له بشخصيه مختلفه , شخصيه قويه متمكنه خليه هو الي يدورك
مثلا يوم سافر اتصلتي عليه مره خلاص يكفي
يوم رد لك انه بالبحرين المفروض ماردتي عليه ولا عبرتيه !

زوجك يبي له وحده توقفه عن حده

والله يسخره لك و ييسر امورك



خيآلية غير متواجد حالياً  
Facebook Twitter
قديم 17-02-2011, 06:41 AM   #8
eau parfum
خبير إقلاعي مميز
 
الصورة الرمزية الخاصة بـ eau parfum
eau parfum فوق  هام السحبeau parfum فوق  هام السحبeau parfum فوق  هام السحبeau parfum فوق  هام السحبeau parfum فوق  هام السحبeau parfum فوق  هام السحبeau parfum فوق  هام السحبeau parfum فوق  هام السحبeau parfum فوق  هام السحبeau parfum فوق  هام السحبeau parfum فوق  هام السحب



أوراقك مكشوفه يا الغاليه
بغض النظر عن " دفاشته وعدم مبالاته ، وتبلده لك "
عارف ومتمطن ومتأكد انه لو يكون " وحش " راح تحبينه وتموتين فيه ،
هذا اللي مخليه يتلاعب بدموعك وعتابك واحاسيسك تقريبا ً مثل المكتفي منّك و اللي " عنده" ما يرضيه
يمكن يعتبرك الزوجه الكئيبَه من كثر ما تشرهين وتعاتبينه .. احرميه حتى من العتاب ،
* اذا استهلكتي مشاعرك كلها ودموعك بشكل متكرر قدام نفس التجاهل ، ترى بتخسرين الأحساس بالضعف وان دمعتك غاليه وبالمقابل هو يتبّلد اكثر .. مراح يحّس بدموعك ويمكن يفهمها اصطناع .. خليك قويّه حاولي قدر الامكان ،
لو بتبكين اطلعي من المكان اللي هو فيه ، عطيه شعور ان دمعتي اغلى من انك تشوفها او تنزل عشانك وانت ما تستحق !
* اضافه الى انه ماعاش مراهقته بشكل "سلبي " ، والآن جالس يطلق العنان لها ـ وانتي الضحيّه
ما اخفيك ولا لأجل اطمنك " الزوج الصامت " الناقد بتجريح " اللي مايبيّن بعينه شيء " اللي يخش فالوجه حتى وهو غلطان " متواجد بأغلب الحياة الزوجيه
من جهتك انتي لا تلاحقينه ولا بأي اهتمام ولا تقولين بنتفاهم
كان غلط عليك لما رحّتي لبيت اهلك تدّقين مو بس غلط " الصراحه غلط ينافي طلعتك من البيت "
لو كنتي بطلعتك راح تكوّنين لك شخصية ويبدأ يحترمك .. فهو تأكد انك ما بتستغنين عنه
وانك رحتي و" محروقه " على الرجعه
شخصّيتك قريبه من شخصّيتي .. اذا كنت ترسلين له او ترّدين على رسايله وانتي بيت اهلك فـ أرجوك توّقفي / خليك حازمه وابدي له القوّه والتغييّر لو من ورى قلبك ، لان اي تجاوب يحسّسه بانك متمسّكه فيه ويعطيه احساس انه مسيطر على قلبك ويحّس بحبك له ، بالتالي ما هو فاقد شيء !
ساعتها بيخاف يفقد كل الاهتمام والاحساس منك .. والطريق الثاني اللي هو فيه " المغازلات " بيعرف ان البنت للّكل وما تقارن باستقرار وزوجه غاليه .. مصيره يترّفع بإذن الله
* كثر الدّق يفكّ اللحام .. زوجك يسمع ويتقبّل مثل ما تفضلّتي من اخوه ،، ممكن من ابوه ممكن ابوك
لكن الان وصل الموضوع لأبوك / رايتك بيضا عند " نفسك " وعند اهلك واهله ان شاء الله
لا تحسّسينه ان الشّور عند أبوك .. حسّييه ان الشور من " راسك " اذا تأكد من مشاعره وانه قّد بيت ومسؤوليه بنت عاطفيّه " بيحتاجك "
وهذاك الوقت الرّجال يأدب الرّجال ،
* انا ما احبذ تدّخل الاهل واستقواء البنات بأبآئهم في كل المشاكل .. لكن احيانا ًماينفع مع الزوج الا انه يعرف ان ورى البنت اهل ما هُم عجزانين عنها .. / الله يصّبرك




اخر تعديل كان بواسطة » eau parfum في يوم » 17-02-2011 عند الساعة » 07:00 AM.
eau parfum غير متواجد حالياً  
Facebook Twitter
قديم 17-02-2011, 06:57 AM   #9
‏crazy princess
حكيم عيادة الإقلاع
 
الصورة الرمزية الخاصة بـ ‏crazy princess
‏crazy princess فوق  هام السحب‏crazy princess فوق  هام السحب‏crazy princess فوق  هام السحب‏crazy princess فوق  هام السحب‏crazy princess فوق  هام السحب‏crazy princess فوق  هام السحب‏crazy princess فوق  هام السحب‏crazy princess فوق  هام السحب‏crazy princess فوق  هام السحب‏crazy princess فوق  هام السحب‏crazy princess فوق  هام السحب

ياالله

5 شهور بس..!

انا وانا اقرى مشكلتك ع بالي لك سنه

5 شهور وكل هالمعامله السيئه...!؟

ماقول الا ياااصبرك بس
إقتباس »
الخلاصه ابيكم تساعدوني بإرآئكم و تزودوني بإفضل الطرق الممكنه عشان اتعامل معه و اخليه يتجاوب معي ويتخلى عن برجه اللي عايش فيه , انا وصلت لمرحله ماعدت اتحمل , بس قلت أكتب لكم ابي حل مو بس للفضفضه .. ولان في هنا ناس كثير أثق بإرآئهم اتمنى يفيدوني .. وارجوكم ماتنسوني من دعائكم ! صدقوني على كثر ماقريت و طبقت افضل الطرق و اجمل التعابير في حياتي لكن مافي فايده !


ؤهل رجوعي له بيخليه يتمادئ ، مدري أرجع إذا جاء يراضيني وإلا كيف
لأن عندي احساس انه بيجي عشان ضغط أبوه عليه. ، مو لأنه ندمان أو يبي يتغير
اكثر شي استغربته منك كلمتك له انا احبك والله استغربت ع ايش حبيتيه

ماذكرتي ولا شي يشفعله

خليك من كلام اهله هو حنون ومدري ايش ...معاملة الولد لاخواته وامه غير معاملته لزوجته

اذا بترجعين له وانا اقول اذا..............لان بصراحه لو بمكانك ماراح افكر الا بالانفصال اهم مابالحياه الاحترام وهذا شي ماعلموه اياه اهله............

انتبهي من الحمل بالايام الجايه

عشان اذا ماقدرتي عليه تنفصلين باقل الاضرار

.....................

شخصيتك غيريها شوي

خلك قويه شوي

يعني وشو يمنع اختك تدخل شقتك وهو يقابل اهله يوميا

مو من حقه يامرك تقطعين باختك

لا رمى عليك كلمه قدام اهله رديها له باسلوب مزح برزح

جربي حياتك معاه ليما تكملين سنه

ذيك الساعه اذا مافاد

نصيحه بيت ابوك عزك



‏crazy princess غير متواجد حالياً  
Facebook Twitter
قديم 17-02-2011, 06:29 PM   #10
آوقآتِ
عضو مهوب جديد
آوقآتِ فوق  هام السحبآوقآتِ فوق  هام السحبآوقآتِ فوق  هام السحبآوقآتِ فوق  هام السحبآوقآتِ فوق  هام السحبآوقآتِ فوق  هام السحبآوقآتِ فوق  هام السحبآوقآتِ فوق  هام السحبآوقآتِ فوق  هام السحبآوقآتِ فوق  هام السحبآوقآتِ فوق  هام السحب




مآبي آعآتب ع السلوك و بشكل عآم لأن مآ فآت فآت ~

و آلحل الوحيد إللي آشوفه اذا حآبه ترجعين و تحآولي من جديد
آنك في آغلب طلبآته تقولين لأ .. آرفضي مثل مآهو يرفض
عآمليه مثل مآ يعآملك ~ عشآن يحس بآلي تحسين فيه

و وقتهآ بس رإآح يحس بآلغلط و يعتذر ..


آلله يصلح آلحآل ~





اخر تعديل كان بواسطة » آوقآتِ في يوم » 17-02-2011 عند الساعة » 06:45 PM.
آوقآتِ غير متواجد حالياً  
Facebook Twitter
إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 11:00 AM.

الأن حمل تطبيق منتديات الإقلاع

 

هام: لجميع مستخدمي ايميلات شركة مايكروسوفت (hotmail,msn,outlook......الخ)
 

في حال تاخر التفعيل او اي مشكلة طارئة او ما يخص العضوية الذهبية او التجارية من استفسارات يمكنك ابلاغي هنا وتسعدني متابعتك   

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.7
Copyright ©1999 - 2014, Jelsoft Enterprises Ltd.
جميع الحقوق محفوظة منتديات الاقلاع - شبكة الاقلاع