تجربتي مع صيانة الناغي للسيارات نصب في نصب زرف بزرف
السلام عليكم
شباب حبيت انقل لكم تجربتي مع وكالة الناغي او السيف المهم انهم كلهم نصابين وحراميه مافرقوا
اولا عندي رانج روفر موديل 2006 ومازالت تحت الضمان لحد شهر 10 هالسنه
وماشيه 33 الف كيلو
صارت المشكله بشهر 12 ديسمبر وهو ان السياره ماعاد صارت تشتغل معي
وديتها لهم الحراميه وغيروا البطاريه ودفعت فيها 1400 ريال
طلعتها ومن ثاني يوم برضو ماشتغلت معي واتصلت على خدمة العملاء وتاسفوا وقالوا بنرسل لك سطحه تشيل السياره للوكاله
هههههههههههههههههههه ماصارت رانج صارت ددتسن
المهم ان السياره الى يومكم وهي عندهم واكتشفوا ان العطل من قطعة تشفط الكهرباء من البطاريه
والمصيبه يقولون انك انت تتحمل تكاليفها قيمتها 1500
وقلت والضمان
شوفوا ردهم وش قالوا
قالوا ماسويت لها صيانه 8 مرات لازم كل 6 شهور صيانه ولا الضمان ماراح نتقيد فيه
يعني بالله عليكم لو سويت لها صيانه كل 6 شهور بيكتشفوا العطل بهالقطعه اللي تمص الكهرب من البطاريه هههههههههههههههههههههههههههههههههههههه
وبما اننا سعودييين بهالديره ولا لنا حق ولا نقدر نطالب بحقوقنا شي طبيعي اني راح ادفع واخذ سيارتي
لان باختصار لمين راح نشتكي
وعن تجربه الرانج روفر سنه سنتين اكشخ فيها ومن عقبها ادع لها بالرحمه لانها راح تاكل عليك خرابات وصيانه ولوها تحت الضمان ولوها ماشيه حتى صفر وموقفها بالكراج ماحركتها
هذي حركات وكلائنا اذا بغيت تصلحها على الضمان ...بيقول لك ليش ماجبتها في الصيانه
وعلى فكره نظاميا مايحق لهم...دام الضمان ساري المفعول بس انت جب لهم فواتير بأنك تغير الزيت والأشياء الأستهلاكيه بأنتظام
اذكر واحد من العيال احترق كبوت سيارته "أكورد" بسبب عيب مصنعي في قطعه وضمانه منتهي
وداها لهم ورفضو يصلحونها على الضمان..يقولون ادفع 40الف.....وراسل الفرع الأقليمي في دبي ومن بكره دقو عليه وصلحوها على حسابهم
مايمشون الا بالعين الحمراء
اخر تعديل كان بواسطة » معشي ذيبين!!! في يوم » 04-01-2011 عند الساعة » 08:12 PM.
ما صبرت انا .. وكلمت الشركه الام .. وبلغوني اني اروح للاداره الاقليميه في الشرق الاوسط في دبي
رحت كتبت ايميل للاداره الاقليميه .. وردوا علي بعد يومين انوا ( القطع كلها واصله و ان اصلاح السياره جاري وان الوكاله تتصل عليك اول باول و انوا ليش انت زعلان )
علا طول ارسلت لهم الايميل اللى جاني من مركز خدمه العملاء وانوا كيف تقولون لي ذا الكلام وهو مو صحيح وانوا مين اللى ارسل لكم ذا الكلام .؟
ردوا علي انوا فيصل جوده في صيانه الرياض رد عليهم .. قلت طيب وش بتسون .. قالوا ما لنا الا بس نعطيك اب ديت بس
الى يومكم من تاريخ ادخال السياره عندهم لين الحين ما جت القطع ولا صار اي شي
واللى العن من كذا .. ان الاير باق ما بعد انطلب و هو يقعد علشان يجي السعوديه
شي يقهر صراحه لو انه في دوله ثانيه اقلها يعطونك سياره بديله لكن مانقول غير الشكوى لله لارقيب ولاحسيب
انا بقولكم سالفتي مع عبداللطيف جميل ..
قبل رمضان نزلوا اعلان استدعاءبالجريدة لملاك لكزس460 موديل 2007 بخصوص مشكله في سبرنقات المكينه
المهم انا اتصلت عليهم واخذت موعد ودخلت السياره عندهم طبعا راح تتصلح هالمشكله على حساب الوكاله المهم دخلتها وبعد3ايام استلمت السياره بعدها بكم يوم وانا بطلع ناظرت تحت السياره الا مويه الرديتر كلها نازله فتحت الكبوت واشيك على قربه الرديتر لا مافيه ولانقطه على طول اتصلت على مديرالفرع لاني كنت متواصل معاه لما كانت السياره عندهم قلت له المشكله كذا وكذا قال خلاص جبها قلت اوكي المهم عبيت الرديتر ومشيت لحد ماوصلت عندهم ....
دخلوا السياره وشيكوا حصلوا طرمبه المويه فيها كسر ولازم تتغير طبعا طرمبه المويه داخل المكينه وقليل انها تتأثر بأي شي والسياره موديل 2007 يعني سبب الكسر منهم لما كانوا يصلحون المشكله الاولى الي هي الخلل الي في السبرنقات ..
قالوا راح نطلبها لك وانت تتحمل تكاليفها قلت ليه قالوا السياره منتهي ضمانها قلت اوكي منتهي بس قبل ماجيب السياره عندكم كانت مافيها شي بعد ماستلمتها بيومين طلعت هالمشكله قالوا ممكن سوء استخدام قلت كيف سوء استخدام القطعه هذي داخل المكينه عموما قلت لهم ماراح ادفع ولاريال والسياره بخليها عندكم والا راح اخاطب الشركة الام وارسلها ايميل وطلعت عليهم فواتير الصيانه وفواتير تصليح المشكله الاولى ...
يوم شافني المدير اتكلم كذا قال خلاص بردلك اليوم المغرب
اتصل علي قال خلاص بنصلحها على حسابنا وتعال نعطيك سياره بديله طبعا عطوني هونداي الالنترا2010 بس يبي للقطعه شهر لان بنطلبها من اليابان قلت مو مشكله
بعدها بكم يوم رحت لقطع غيار تويوتا ولكزس ( النهدي) واعطيهم رقم القطعه واحصلها واشتريها واروح بها للوكاله واعطيهم القطعه والفاتوره ويعطوني قيمتها ويصلحونها لي والحمدلله السياره تمام لحد الان
انا عارف طولت عليكم
بس الي بوصله لكم لاتسكت لهم وانشب لهم حتى لو انت عارف انك ماراح توصل لشي معهم بس حسسهم انك بتفضحهم او بتشكيهم لانهم اخذوا فكره ان العميل ماراح يتكلم او يقول شي وانه راح يدفع اهم شي انه ياخذ سيارته
والله ييسر امرك اخوي حبيت اطرح عليكم سالفتي
...بيقول لك ليش ماجبتها في الصيانه
.....وراسل الفرع الأقليمي في دبي ومن بكره دقو عليه وصلحوها على حسابهم
الوضع العادي
