منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الاكاديمية والثقافية > منتدى ابناؤنا في الخارج
التسجيل التقويم التأشير على جميع الاقسام بالمشاهدة




إغلاق الموضوع
 
أدوات الموضوع طريقة عرض الموضوع
قديم 12-09-2010, 05:12 AM   #1
سلطان النسيم
من كبار مميزين الاكاديمية والثقافية
 
الصورة الرمزية الخاصة بـ سلطان النسيم
سلطان النسيم فوق  هام السحبسلطان النسيم فوق  هام السحبسلطان النسيم فوق  هام السحبسلطان النسيم فوق  هام السحبسلطان النسيم فوق  هام السحبسلطان النسيم فوق  هام السحبسلطان النسيم فوق  هام السحبسلطان النسيم فوق  هام السحبسلطان النسيم فوق  هام السحبسلطان النسيم فوق  هام السحبسلطان النسيم فوق  هام السحب
Post دراسة و ممارسة الطالب المبتعث للغة الإنجليزية ، نقاش مفتوح

السلام عليكم و رحمة الله ،،، عيدكم مبارك

مع الموافقة على تمديد البعثات الخارجية لخمس سنوات أخرى ، نريد أن نتشارك في رؤيتنا حول دراستنا و ممارستنا للغة الإنجليزية في الخارج كطلبة مبتعثين حتى يكون الموضوع مرجع مهم لمن خلفنا من الطلاب و الطالبات.

الموضوع سيكون متشّعب جدًا لو أصبح بلا نقاط معينة يقوم عليها موضوعنا المتواضع هذا ، و لكن بين يديكم نقاط معيّنة أتمنى من الجميع مشاركتي الرأي حولها. نسولف بالعامي اسهل لنا و للمستمعين أقصد القارئين الكرام .


1- أحتاج لمعهد تجاري أم معهد جامعة ؟

سؤال في التسعينات الصراحة ، لأن الطالب المبتعث ما يدري هل هو يحتاج المعاهد التجارية اللي تعلمك ( اللغة الإنجليزية لكل يوم ) أو معاهد اللغة الإنجليزية في الجامعات و اللي تؤهلك لتصبح طالب جامعي قادر على القراءة و الإستماع و الكتابة في الجامعة ؟؟؟

في رأيي الشخصي أن الطالب اللي خلفيته في الإنجليزي صفر يحتاج إلى تأسيس نفسه في معهد تجاري لبضعة أشهر حتى ينطلق لسانه و يتمكن من التخاطب و الإستماع و لو بشكل بسيط ، ثم ينتقل لمعهد جامعي يقوم بفرك الطالب و عجنه و خبزه حتى يتمرجل قصدي يكون قابل للتواصل مع البيئة الجامعية بكل سلاسة و انسيابية .. احسني اوصف سيارة (1) أما الطالب اللي يملك أساسيات الإنجليزي و قادر على التواصل مع الاجانب بشكل عادي أو قريب من الصعوبة فهذا أحسن له يتلحلح و يشوف له معهد جامعة ؛ ما يؤيد كلامي في هالشئ هو أن بعض معاهد الجامعات لا توفر كورسات لتأسيس الإنجليزي لمن لا يملك أساسيتها لكن معاهد التجارية تدرسك من الصفر لين تطلع اطلق من مذيعي القناة الثانية لكن لا تضمن المعاهد التجارية لتكون مؤهل لدخول الجامعة < عنده انهم اطلق ناس يتكلمون انقليزي



2- سمعنا أن الإختلاط مع العرب يؤثر تأثير سلبي في تعلم اللغة ؟؟


و الله الكلام صح و مو صح في نفس الوقت !!

يكون صح لما تطق حنك معهم في الفصل و خلال الدوام الدراسي باللغة العربية ، و لما تسدح امها جلسة معهم كل يوم لين تالي الليل . لكن يكون الكلام غلط لما تتحاشى التكلم معهم بغير الإنجليزي خلال الدوام و لما ما تجلس مع ربعك العرب إلا فترات قصيرة مقارنة بجلستك مع الأجانب ،،،

يبقى ان البعد عن العرب ما يكون طول فترة البعثة !!! ترى العرب ما فيهم جرب عشان تبعد عنهم حتى و ان قال المثل ( العرب جرب ) و تذكر ان ما ينفعك بعد الله في وقت الأزمات إلا العرب و خصوصًا الخليجيين و السعوديين

3- أنا طالب في المستوى الثالث ، قل ماشاء الله و ابشرك اني امارس الانقليزي مع طالب في المستوى الأول .. وش رأيك مانيب احسن واحد في العالم ؟

لا و الله إلا انك خايب يالخايب ،، دائمًا مارس اللغة مع اللي احسن منك فيها ... إلا في حالة انك تبي تختبر نفسك في الانقليزي و بتصحح أخطاء اللي أقل منك ، لكن لا يكون هذا وضعك دائمًا !!! أحتك مع اللي احسن منك

4- أنا مبتعث و بأرجع للديرة ، عشان كذا ما يحتاج اتواصل معه باللغة العامية ! و أتعب نفسي بتعلم كلماتهم !!!

في نظري المتواضع ان هالكلام خطأ كبيييييير ، لأنه و ببساطة أقرب الطرق إلى قلوب الناس عامة هو التكلم بنفس ما يتكلمون ؛ أنا أشبّه اللي يتكلم مع الأجانب باللغة الاكاديمية مثل أبو الطيب المتنبي اذا تكلم مع سعوديين بلهجته الفصحى .. تحسونها غثاثة و ثقالة دم صح ؟؟ انا لو كاتب هالموضوع بلغة فصحى أفلق نفسي ببلكة ان كملتوا نص الموضوع لكن اللهجة العامية او الدارجة هي اللي يحبها الشعب غالبًا .

أنا كـ مواطن سعودي من أرض العروبة أفرح إذا لقيت لي شخص مقيم يتكلم بنفس لهجة السعوديين ،، و الله احسها اقرب لقلبي من واحد نص كلامه ايسسسس فيه ؟ و من تجربة شخصية ، لقيت التواصل شبه صعب مع الكنديين لما كان كلامي كله أكاديميك و كلمات يحك الكندي مخه لين يعرف معناها ، لكن و بفضل الله ثم بفضل بعض المواقع لقيت ان التواصل معهم و بلهجتهم و بطريقتهم الخاصة أسهل بكثيييييير من لهجة شوفة النفس .. قصدي اللغة الأكاديمية

طبعًا هذا ما يلغي أهمية اللغة الأكاديمة ، لكن اللغة الأكاديمة محصورة بين جدران الجامعة و خلال 6 ساعات كحد أقصى و باقي الوقت تبي تحتك مع الشعب أو مع السعوديين في العزب.


5- طيب سلّمنا أمرنا لله ثم لكلامك ، متى تبينا نتعلم لهجتهم لا بارك الله فيهم و لا فيك ؟؟

أول شئ لا تسب لهجتهم أفضل تعلمها خلال المراحل الاخيرة من دراسة اللغة الإنجليزية ، وقتها بيكون عندك محصول لا بأس به من الإنجليزي و في إستطاعتك تعلم أكثر كلمات من قبل .

6- نسيييييت يا ولد اهم سؤال ... كيف اتعلم اللغة ؟؟

كيف تتعلم اللغة ؟ اقرأ و استمع و تكلم .. الكلام في هالشئ يتشعب كثير لكن أنصحك و بقوة بمشاهدة هالمحاضرة اضغط هنا

(1) ... بعض المعاهد الجامعية تكون ادرى و اخس من بعض المعاهد الخاصة ، لذلك لا تعتمد على كون المعهد تابع للجامعة حتى تقول انك في معهد جامعي ،، بل أسأل من درس فيها حتى تتكون نظرة عندك حول هالمعهد و هل يكون يصلح لك أو لا ؟؟

أخيرًا و ليس آخرًا ، موضوعي لا شئ بدون أراءكم و ردودكم الممثرة ...





سلطان النسيم بعد ما ختم ام المفطح بهولستن فراولة



 

 


اخر تعديل كان بواسطة » سلطان النسيم في يوم » 12-09-2010 عند الساعة » 06:15 AM.
سلطان النسيم غير متواجد حالياً
Facebook Twitter 0
قديم 12-09-2010, 02:04 PM   #2
----ML7----
منتوف ريشه
----ML7---- فوق  هام السحب----ML7---- فوق  هام السحب----ML7---- فوق  هام السحب----ML7---- فوق  هام السحب----ML7---- فوق  هام السحب----ML7---- فوق  هام السحب----ML7---- فوق  هام السحب----ML7---- فوق  هام السحب----ML7---- فوق  هام السحب----ML7---- فوق  هام السحب----ML7---- فوق  هام السحب

هلا بعد حيي ,
كل عام وانت طيب وعيدك مبارك
انا معك ان المعاهد التجاريه ازين للي مايعرف شين بـ اللغه .. اقل شئ يقعد 8 شهور وعقبه يطلع لـ حدا الجامعات ,
اول شين تبي تقابل جميع الجنسيات وغصب تحتسي وتدخل معهم وينطلق لسانك
ومافيه سالفه خايف ان الكلاس حقي مليان سعوديين واحتسي سعودي ,
لان كلاسات الجامعه بالعادة مليانه سعوديين .. فـ ادخل معهد تجاري وعقبه معهد الجامعه مثل ماقلت ,
الشين الثاني عليكم بـ القرايه ثم القرايه ثم القرايه .. ايه ماندانيه ولا نحبه بس قسم انه تطور اللغه ازين من اي شين ثاني ,
الوكاد لي رجعه ان شاء الله لاطرى لي شين ,
شكراً ياقميل



 

 

----ML7---- غير متواجد حالياً
Facebook Twitter 0
قديم 12-09-2010, 02:22 PM   #3
Abo-Jariah
من كبار مميزين الاكاديمية والثقافية
 
الصورة الرمزية الخاصة بـ Abo-Jariah
Abo-Jariah فوق  هام السحبAbo-Jariah فوق  هام السحبAbo-Jariah فوق  هام السحبAbo-Jariah فوق  هام السحبAbo-Jariah فوق  هام السحبAbo-Jariah فوق  هام السحبAbo-Jariah فوق  هام السحبAbo-Jariah فوق  هام السحبAbo-Jariah فوق  هام السحبAbo-Jariah فوق  هام السحبAbo-Jariah فوق  هام السحب
\\

مشكلة الاغلبيه يحسب المعهد لازم يعلمه الانقليزي مثل اوباما
في ست شهور وهو جاي مايعرف الا يس و نو ...

اللغه يبيلها سعة بال وصبر وممارسه وجرأه
ولا راح تجي الا بالممارسه مع امريكان ..
فيه شباب الله يذكرهم بالخير مجتهدين مرره لدرجة
انهم يدفعون فلوس بالساعه عشان يجيهم احد يتكلم
معاهم بشكل يومي وهذي الحركه مررره حلوه ...

على فكره فيه ناس متخرجين هندسه من امريكا ولا يعرفون يطلبون
بيتزا بالتلفون ... و السبب كله اعتمادهم على الغير في كل شي
وعدم الاختلاط والممارسه بالامريكان ... جى امريكا و راح نفس المخ
والتفكير و اللغه .. اللهم شهاده جت ..



 

 

Abo-Jariah غير متواجد حالياً
Facebook Twitter 0
قديم 12-09-2010, 03:27 PM   #4
قرم
من كبار مميزين الإقلاعية
 
الصورة الرمزية الخاصة بـ قرم
قرم فوق  هام السحبقرم فوق  هام السحبقرم فوق  هام السحبقرم فوق  هام السحبقرم فوق  هام السحبقرم فوق  هام السحبقرم فوق  هام السحبقرم فوق  هام السحبقرم فوق  هام السحبقرم فوق  هام السحبقرم فوق  هام السحب
كراي شخصي بالنسبه لي اشوف ان المعهد ما يعطيك
الا ٣٠٪ من اللغه والباقي عليك .. انا درست في معهد جامعي وفي ڈاك الوقت
ما كان فيه ڈاك الكم الهائل من السعوديين اللي اشوفه الحين
كان نظامي اطلع من المعهد احل واجباتي واروح اخالط العالم وسكنت مع شباب امريكان
والحمد لله خلصت من المعهد وانا مرتاح .. لكن اللي اشوفه الحين
السعوديين في المعهد صايرين شلل يداومون سوا وساكنين سوا
و٢٤ ساعه سوا طيب يا حبيبي يا شاطر كيف تبي تخلص اللغه؟؟

لكن المشكله مب منهم .. المشكله من الوزاره نفسها .. المفترض انه يكون
فيه برنامج مكثف مدته سنه لطلاب البكالريوس في السعوديه
قبل ما يطلعون للبعثه عشان نعرف من اللي يبي الدراسه ومن يبي اللعب

والله يوفق الجميع



 

 

قرم غير متواجد حالياً
Facebook Twitter 0
قديم 12-09-2010, 03:39 PM   #5
أبوغميزة
عضو مقلع
 
الصورة الرمزية الخاصة بـ أبوغميزة
أبوغميزة فوق  هام السحبأبوغميزة فوق  هام السحبأبوغميزة فوق  هام السحبأبوغميزة فوق  هام السحبأبوغميزة فوق  هام السحبأبوغميزة فوق  هام السحبأبوغميزة فوق  هام السحبأبوغميزة فوق  هام السحبأبوغميزة فوق  هام السحبأبوغميزة فوق  هام السحبأبوغميزة فوق  هام السحب
موضوع ممتاز الله يجزاك خير
طيب السكن ،، أيهم أزين أسكن مع هومستي أو روميت ؟



 

 

أبوغميزة غير متواجد حالياً
Facebook Twitter 0
قديم 12-09-2010, 08:48 PM   #6
Abdul'elah
خبير اقلاعي
 
الصورة الرمزية الخاصة بـ Abdul'elah
Abdul'elah فوق  هام السحبAbdul'elah فوق  هام السحبAbdul'elah فوق  هام السحبAbdul'elah فوق  هام السحبAbdul'elah فوق  هام السحبAbdul'elah فوق  هام السحبAbdul'elah فوق  هام السحبAbdul'elah فوق  هام السحبAbdul'elah فوق  هام السحبAbdul'elah فوق  هام السحبAbdul'elah فوق  هام السحب
إقتباس »
الرسالة الأصلية كتبت بواسطة أبوغميزة »
موضوع ممتاز الله يجزاك خير
طيب السكن ،، أيهم أزين أسكن مع هومستي أو روميت ؟

كنت اسأل هالسؤال قبلك ,

اللي اشوفه انا واستفدت منه كثير لمدة تقارب الـ٦ شهور هو الهومستي ..
لأن كل الوقت لازم تلقى احد بالبيت تخرط معه لو ابو ٥ دقايق

اما الروميت احياناً او اغلب الوقت بيكون موب فاضي او مشغول بدراسته


..


يامال العافيه يا سلطان



 

 

Abdul'elah غير متواجد حالياً
Facebook Twitter 0
قديم 12-09-2010, 09:06 PM   #7
xXBAROXx
من كبار شخصيات الإقلاع
 
الصورة الرمزية الخاصة بـ xXBAROXx
xXBAROXx فوق  هام السحبxXBAROXx فوق  هام السحبxXBAROXx فوق  هام السحبxXBAROXx فوق  هام السحبxXBAROXx فوق  هام السحبxXBAROXx فوق  هام السحبxXBAROXx فوق  هام السحبxXBAROXx فوق  هام السحبxXBAROXx فوق  هام السحبxXBAROXx فوق  هام السحبxXBAROXx فوق  هام السحب
موضوع مهم، ،
طرح مرتب ، ،


يستآهل الــ تثبيت



 

 

xXBAROXx غير متواجد حالياً
Facebook Twitter 0
قديم 12-09-2010, 11:09 PM   #8
قرم
من كبار مميزين الإقلاعية
 
الصورة الرمزية الخاصة بـ قرم
قرم فوق  هام السحبقرم فوق  هام السحبقرم فوق  هام السحبقرم فوق  هام السحبقرم فوق  هام السحبقرم فوق  هام السحبقرم فوق  هام السحبقرم فوق  هام السحبقرم فوق  هام السحبقرم فوق  هام السحبقرم فوق  هام السحب
إقتباس »
الرسالة الأصلية كتبت بواسطة أبوغميزة »
موضوع ممتاز الله يجزاك خير
طيب السكن ،، أيهم أزين أسكن مع هومستي أو روميت ؟
كواقع خبره .. سكنت مع هومستي و وروميت امريكي
مشكله العوائل انهم دجاج ينامون بدري وما كنت احتك معهم كثير
بعد فتره سكنت مع امريكي اطلع واتمشى معه والا الان علاقتي معه متواصله
بس يبيلك تطيح بروميت زقرت على قولتهم



 

 

قرم غير متواجد حالياً
Facebook Twitter 0
قديم 12-09-2010, 11:24 PM   #9
R.DE NIRO
مبتعث مميز
 
الصورة الرمزية الخاصة بـ R.DE NIRO
R.DE NIRO فوق  هام السحبR.DE NIRO فوق  هام السحبR.DE NIRO فوق  هام السحبR.DE NIRO فوق  هام السحبR.DE NIRO فوق  هام السحبR.DE NIRO فوق  هام السحبR.DE NIRO فوق  هام السحبR.DE NIRO فوق  هام السحبR.DE NIRO فوق  هام السحبR.DE NIRO فوق  هام السحبR.DE NIRO فوق  هام السحب
إقتباس »
الرسالة الأصلية كتبت بواسطة Abdul'elah »



كنت اسأل هالسؤال قبلك ,

اللي اشوفه انا واستفدت منه كثير لمدة تقارب الـ٦ شهور هو الهومستي ..
لأن كل الوقت لازم تلقى احد بالبيت تخرط معه لو ابو ٥ دقايق

اما الروميت احياناً او اغلب الوقت بيكون موب فاضي او مشغول بدراسته


..


يامال العافيه يا سلطان
اللي مايحب الهومستي ومو محصل روميت . الله الله بالأفلام و المسلسلات !!

الأستماع للكلام اللي بالأفلام مفيد جداً . غير انه يعلم النطق و يخليك تفهم كيف تُقال الجمل العاميه .. ينفعك من ناحية ان الكلمات تصير متداوله على لسانك بعد فتره !!
انا ماكنت اعرف ان لغتي كويسه إلا لما مارستها او لما اجلس بين اجانب واسمعهم يتكلمون واتعجب اني فاهم وش الطبخه <- الكلام هنا بالسعودية !

اللي مايبي هومستي ويحب الوحده مثلي . ابد الأفلام حل قوي و ممتاز وعن تجربه اقول هالشي




موضوع بطل ياسلطان ومفيد



 

 

R.DE NIRO غير متواجد حالياً
Facebook Twitter 0
قديم 13-09-2010, 02:47 AM   #10
ريكاردو
من كبار شخصيات الإقلاع
 
الصورة الرمزية الخاصة بـ ريكاردو
ريكاردو فوق  هام السحبريكاردو فوق  هام السحبريكاردو فوق  هام السحبريكاردو فوق  هام السحبريكاردو فوق  هام السحبريكاردو فوق  هام السحبريكاردو فوق  هام السحبريكاردو فوق  هام السحبريكاردو فوق  هام السحبريكاردو فوق  هام السحبريكاردو فوق  هام السحب
الافضل ..
تدخل معهد تابع لجامعه لانه راح يعطيك القرامر والتدريس بالطريقة الاكاديمية .. بعد سنه راح تحس فرق كبير بالمستوى.
تبدا تشتغل على اختبارات التوفل والايلتس اختبر مره مرتين ثلاث لحد ماتجيب الدرجه المطلوبه ( على الدوله)
بعدها راح يبقى لك 6 شهور لأنهاء البرنامج اللغه بدون تمديد .. وتدخل الجامعه اونت مرتاح..
طبعا اذا لغتك اقل من المتوسطه مناسبه لك .. يعني عندك كمية فوكاب وتعرف وين الله حاطك ...

على فكره دراستة اللغه وانهائها بشكل سريع وبطلاقة .. تعتمد على الحاله النفسية والعوامل المحيطه ..
السكن + جوده المعهد + الولايه +المدينه + الجرأه +متزوج او لا .. الخخ
اعرف شخص ممتاز في دراسته الجامعيه .. لكن درس بالمعهد وجلس سنتين !
شخص اخر داشر وزاحف .. لكن يخالط الامريكان وكل وقته طلعات معهم .. وخلصها بسنه وكم شهر..
وقت اللغه .. ممكن تستفيد وتبحث لك .. توتر مع طالب أمريكي تحددون كل يوم ساعه .. وتدفع سعر رمزي جدآ.
وبعضهم مجاني تجتمع انت وياه .. لانه اذا تخصصه linguistics ..مطلوب عليهم ياخذون كم ساعه مع انترناشونال ستيودنت..

الروميت .. بعض الاحيان يكونون قلق الا اذا طحت لك بواحد كويس ومهب ريدنك
الهوم ستي .. لاتروح لعجوز لحالها ولا البيت كله مافي الاثنين ..
شف لك عائله الوالدين + 4 اولاد بمتخلف مراحل عمريه



 

 


اخر تعديل كان بواسطة » ريكاردو في يوم » 13-09-2010 عند الساعة » 02:50 AM.
ريكاردو غير متواجد حالياً
Facebook Twitter 0
إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 01:59 AM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2020, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017