منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الفنية > منتدى الفن الآسيوي > Asian Music
التسجيل التقويم التأشير على جميع الاقسام بالمشاهدة




إغلاق الموضوع
 
أدوات الموضوع طريقة عرض الموضوع
قديم 11-08-2010, 09:31 PM   #1
~°AsHleE °~
من كبار شخصيات الإقلاع
~°AsHleE °~ فوق  هام السحب~°AsHleE °~ فوق  هام السحب~°AsHleE °~ فوق  هام السحب~°AsHleE °~ فوق  هام السحب~°AsHleE °~ فوق  هام السحب~°AsHleE °~ فوق  هام السحب~°AsHleE °~ فوق  هام السحب~°AsHleE °~ فوق  هام السحب~°AsHleE °~ فوق  هام السحب~°AsHleE °~ فوق  هام السحب~°AsHleE °~ فوق  هام السحب
[ لنرتقي بالنوادي ] ردودنا تعكس صورتنا ~

السلام عليكم ورحمة الله وبركاته

.
.


كثير نسمع كلمة " الرد يعكس اخلاق العضو "
والبعض أيد هالمقوله والبعض انكرها بحجة ان النت عالم كبير ولي مطلق الحريه بالتعبير ومحد يدري عني وباخذ راحتي بالكلام بدون حسيب ولا رقيب !

بس محد يقدر ينكر انها بالاول والاخير تظهر صورتي قدام الناس
واكيد كلنا نبغى نطلع بأحسن صورة

.
.

صح الكل له مطلق الحريه بالتعبير .. لكن فيه حدود !
والحدود هذي لاتعديناها تصير لنا اشياء احنا في غنى عنها

الاقلاع والاسيوي بالاخص صار له سمعه كبيره وصدى كبير وشهره واسعه بين الانديه والمواقع الي تهتم بهذا الفن
واكيد هذا الصدى كان له مردود ايجابي بكثره الاعضاء المتميزين والطرح المتميز
والردود الايجابيه الي تعود بالنفع لنا كاعضاء وايضا للزوار

لكن .. الفتره الاخيره
صرنا نشوف سهو وتساهل كبير من الاعضاء
من ناحية نوعية الردود .. وفهمهم للرد بالاقلاع بشكل خاطئ
اكيد عارفين ان اسلوب الطرح بالاقلاع مميز من حيث النقد البناء والنقاش الذي لايخلو من الذب


اللي صار باختصار /

- ردود خقه مبالغ فيها : تجيك طول الرد وهي ياربي يجنن يخقق زوجي اوبتي حبيبي وخرو عنه , ومن زود الحب ممكن تدعي وتسب على نفسها بكلمات قاسيه ! سواء كان جد ولا مزح !
نقول ماعليه برد او ردين تقول هالكلام , لكن صارت بكل رد تستفتح فيه وتقول اوبتي وزوجي .. الخ
بعد كذا لاتستغربين محد اعطاك وجه وناقشك بردك لانك من الاساس مااعطيتينا لا راي ولا فائده.
غير الصور الخادشه للحياء والتعليق عليها بشكل منفر ! يعني صار التعليق على اشكال الفرقه اكثر من اعمال الفرقه ! ماعليه نتكلم ونعبر ونخق .. مانقولكم لاتخقون !
بس بنفس الوقت نراعي الذوق العام ونراعي ان فيه ناس وزوار من مختلف الاعمار ,
حاولي قد ماتقدرين تخلين ردك فيه فايده و الخقه الاوفر خليها بالمسن مع صحباتك !
مانطالبكم بشي صعب ! .. بس امسكي نفسك احياناً وشوفي وش انتي جالسه تكتبين !
خلكم مثل ماانتم عفويين بردودكم وخذوا راحتكم وعبروا عن مشاعركم
لكن حنا هنا ننبه على ردود الخقه المبالغ فيها والي توصل لمرحلة قلة الادب !

- ردود السطر والسطرين : فيه بعضهم بغرض تزويد المشاركات فاهمين ان الترقيه بعدد الردود
مب بفائدتها للنادي , تشكر , تخق, تجدع صورة , تسأل عن شي تشوه النادي وتطلع !
احنا مانجبركم برد طويل عريض .. لا .. بالنهايه احنا نتفاوت بالقدرات , بس نحاول قد مانقدر
نناقش خبر نعلق على صوره نسولف عن برنامج , يعني ندخل جو مع اعضاء النادي ونتفاعل مع بعض

- ردود التعصب : فيه بنات فاهمين كلمة فانز خطأ , فانز لفرقه مب معناتها تمنعين اي احد غيرك يتكلم عن الفرقه الي انتي تحبينها .. اي احد له الحق يتكلم عن اي فرقه واي فنان سواء نقد سلبي او ايجابي
والكل حر برايه ولك مطلق الحريه تناقشينها , لكن تجين وتقولين مااسمح لك تتكلمين عنهم معليش يعني ! صح نزعل لاحد تكلم عن فرقتنا بس ليه مافكر بطريقة ثانيه واحاور البنت وابين الجوانب الحلوه بالفرقه .. فيه شي اسمه نقاش , لكن التعصب الهمجي والحساسيه الزايده مرفوضه عندنا !
لانكم بالنهايه انتم بالمعجبين تعكسون صورة الفنان او الفرقه الي تحبونها , فحاولوا قد ماتقدرون تخلون صورتكم حلوه بين الاعضاء
وبالنهايه تراهم ناس والله مادروا عننا .. فليه يصير بينا مشاحنات بسببهم !

- ردود الاضافات : وهذي طفرة جايتنا من المنتديات الثانيه , يحسبون الاقلاع ينحذف ردهم اذا ماحطوا اضافه ! للمره المليون نقول لكم مب شرط ردك فيه اضافه بقد ماتشاركين اعضاء النادي رايك تناقشين وتسولفين عن الحلقات والفيديوكليبات والاغاني , سولفي عن الاخبار الجديده واطرحي وجهات نظرك وارائك , مب شرط ردك يعتمد على اضافه ولا يعتبر مخالف !

- النقل من المدونات العربيه : كثرت بالنوادي بشكل رهيييب , نسخ لصق وانتهى الموضوع !
طيب ليه ماتجيبين الخبر بأسلوبك وفهمك مب لازم نصاً لا اهم شي زبدة الخبر !
كيف تبون نواديكم تتميز وانتوا اغلب اخباركم وصوركم منقوله نصصصاً من المدونات العربيه !
نحاول قد مانقدر نقلل من هالشي .. ونصير احنا نجتهد ونجيب الخبر بطريقتنا يطلع احلى


.
.


طبعاً احنا مانعمم وفيه بنات ماشاءالله كانو ومازلو متميزين بردودهم
وفيه اعضاء جدد ماشاءالله اثبتوا وجودهم بردودهم الحلوه , وفيه اعضاء جدد مايدرون وش السالفه فحبينا ننبهم

الكلام هذا للتذكير فقط .. سواء كان للاعضاء الجدد او القدامى
الكل يخطأ وجل من لا يسهو , والأهم اننا نتعلم لنحسن من انفسنا وبطريقة ردودنا للافضل


وصدقوني الموضوع جا من حرصنا وحبنا لكم وعشان يتطور مستوى الاسيوي للافضل
ولان الانديه الفنيه بالاقلاع صارت من اشهر الانديه العربيه

وحبينا نطرحه بهالوقت مع تقفيل النوادي برمضان
عشان لافتحناه على العيد نكون بادين صفحه جديده ان شاءالله


الموضوع بنخليه مفتوح
لكن لاشفنا المسار تغير عن الموضوع الاساسي بنظطر نقفله



ورمضان مبارك



 

 

~°AsHleE °~ غير متواجد حالياً
Facebook Twitter 0
قديم 11-08-2010, 09:43 PM   #2
بنت
من كبار شخصيات الإقلاع
 
الصورة الرمزية الخاصة بـ بنت
بنت فوق  هام السحببنت فوق  هام السحببنت فوق  هام السحببنت فوق  هام السحببنت فوق  هام السحببنت فوق  هام السحببنت فوق  هام السحببنت فوق  هام السحببنت فوق  هام السحببنت فوق  هام السحببنت فوق  هام السحب

\
\

يعطيك الف عافية آشلي ، وياليت تحطون ببالكم اننا حنا برضو اعضاء ونوادي
فرقنا اللي نحبها ونتابع اخبارها تقفلت قبل نواديكم ، وهذا كله عشان نطور الاقلاع
مانبي نصير نسخ مكرره من المواقع الثانيه ! نبي نكون مميزين بردودنا
وطرحنا وهالشي ابداً مو صعب ، كل وحده تحط ببالها انه هالنادي هو موضوعها
هي وموضوع فرقتها لازم تخليه احسن شي ، شافت غلط فيه تنبه العضوه وتنبه
المشرفين ويكون بأدب عشان ماننفر الأعضاء ، عندكم افكار للنوادي او اقتراحات
راسلونا وراح نسمع لكم لانها نواديكم مو نوادينا ،

لاحظت بالفترة الاخيره اغلب الردود عن الشكل والجمآل فقط ! اذا الناس بتتابع
عشان المغني حلو ولا جسمه سيكسي او شي من هالقبيل ليه الشركه تدربهم
وتسوي لهم اختبارات ؟ كان جمعت كل اربعه شباب وسيمين وحطتهم بفرقه

ياليت ردودكم تكون عن الاغنيه \ الكلمات \ الالحان \ الديكور \ الاخراج .... الخ
وطبعاً الشكل والرقص وهكذا بس مايكون هذا اهم شي بردك ! هالاشياء
مو ممنوعه ولا راح نحذف الرد بس صدقيني تميزك بردك بيفيدك ويخليك عضوه
مميزة .. لكن رد طويل عريض تقولين فيه " حلوو ... الله .. جميييييل يخقق " !!
فيه احد استفاد؟ تعب ليدك بالكتابه وبس

ان شاء الله نفتح صفحه جديدة برمضان ، ونحاول نغير بردودنا ونطور نفسنا
للأفضل عشان نصير نمبر 1 بالعالم العربي

اللي بيستغل هالموضوع عشان يدق بالحكي ولا ينقص من جهود المشرفات ولو
بباطن الحكي راح يكون لنا تصرف ثاني معه ، للكل حرية الاعتراض وإبداء الرأي
بس بحدود الادب والقوانين ..





 

 


اخر تعديل كان بواسطة » بنت في يوم » 11-08-2010 عند الساعة » 09:50 PM.
بنت غير متواجد حالياً
Facebook Twitter 0
قديم 11-08-2010, 10:29 PM   #3
Maria Ali
من كبار مميزين الإقلاعية
Maria Ali فوق  هام السحبMaria Ali فوق  هام السحبMaria Ali فوق  هام السحبMaria Ali فوق  هام السحبMaria Ali فوق  هام السحبMaria Ali فوق  هام السحبMaria Ali فوق  هام السحبMaria Ali فوق  هام السحبMaria Ali فوق  هام السحبMaria Ali فوق  هام السحبMaria Ali فوق  هام السحب
وعليكم السلام ورحمة الله وبركآته
من جد كنآ محتآجين مثل هالموضوع
أشلي لبى قلبك جا بوقته
بصرآحه آنآ مو من النوع اللي يحب يدوج بين الأنديه
حدي نادي الدبل أس ولا ابعد
لكن ذاك اليوم طرا ع بالي اتمشا هون وهونيك
بصرآحه خيشت على نآدي ومسرع ماانحشت
قالبنها مصآرعه
مدري هم يمزحون ولا من جد
الوكاد اني خفت وانحشت << لا يارقيقه
ردود الاضافات :
هآذي عآد آنآ أسويهآ وأعترف وأقر بذلك
بصرآحه ماكنت أسوي كذآ
لين تسلطوآ علي عآلم بالتقييم يقولون آنتي مآتظيفين شي
قلت ممكن لأني جديده ولا أدري وش الطبخه
لذلك ومع كل رد قمت أضيف شي
وأمط الصفحآت وألخ ألخ
وبعد ذلك << سالفة مآهوب رد
شفت رد لأمبر تقول مو لازم الإضآفآت وكذآ
فسحبت سحبه محترمه
وصرت أعلق ع الصور والأخبآر
ومتى مالقيت موضوع أو خبر يستآهل حطيته
النقل من المدونات العربيه :
برضو كنت أسويهآ
بس بعدين آنآ حسيت جوي غلط
وهدآني الله وأقلعت عن هالعاده << والله لو هو تدخين
مشرفآتنآ العزيزآت
أعيد وأزيد
من جد أنتم شي مآيتكرر
مهتمين بكل كبيره وصغيره بالأسيوي
ربي يوفقكم ويقويكم
كل الود والأحترآم لكم



 

 

Maria Ali غير متواجد حالياً
Facebook Twitter 0
قديم 11-08-2010, 10:32 PM   #4
Udadaa
من كبار شخصيات الإقلاع
 
الصورة الرمزية الخاصة بـ Udadaa
Udadaa فوق  هام السحبUdadaa فوق  هام السحبUdadaa فوق  هام السحبUdadaa فوق  هام السحبUdadaa فوق  هام السحبUdadaa فوق  هام السحبUdadaa فوق  هام السحبUdadaa فوق  هام السحبUdadaa فوق  هام السحبUdadaa فوق  هام السحبUdadaa فوق  هام السحب
*فيس يهز راسه مؤيد بكل مالديه من قوه*

للامانه ناااااااااادراً ماادخل بنادي غير الإيتو لكن بقول الأشياء اللي تضايقني فيه جت فتره باسك مي الاقلاع ادهروا العالم على نادينا ويبون يقفلونه بصراحه ماطقيت لهم خبر لأن واثقه بالمشرفات وماراح يطلعون قرارات بدون أي دراسه لكن هاللي كتبوا هالمطالبه ليش يعني نقاشاتنا ماتعجبكم ؟ أو لأنها مابهرناها بالخقه المبالغه فيها ؟ أو لأننا شويين ؟ أبي أأكد للكل قبل لايفهمون غلط واتمنى إن المشرفات مايتضايقون من كلامي النادي جماله بالردود وليس بكثرة مرتاديه. اذا كان فيه تواصل بين أعضاء النادي ويكون فيه نقاش بينهم لو كانوا شويين أفضل بمليون مره إن يكون مرتادي النادي كثار لكن كل رد بوادي

ونقطه ثانيه واللي هي بدون مصادر رجاءً لاتفشلوننا وتنقلون نسخ ولصق من الفانز الأجنبي تراهم هم الشريان لفادندوم الجونيز العربي ولو انقطع قعدنا فيها ياشاطرين يعني بيضر مثلاً إنك تقولين المصدر من فلان أو فلانه؟ وإذا كنتي خايفه إننا نشوف مصدرك السوبر السري الحصري فاكتفي فقط بوضع اسم الشخص ومهوب لازم تحطين موقعه ترى مثل ماحنا نتضايق إذا شفنا مواضيعنا وتصاميمنا منقوله لمكان ثاني بدون مايحطون المصدر,, هم بعد يتضايقون ولا تقولين ماراح يدرون أو من هالكلام لأنه بالأول والأخير هذي ذمتك

ونقطه ثالثه, اللي يطبحون فجأه معليش يايترز الكواليس لكن بقول اللي بخاطري تلقين نفسك قاعده تناقشين برنامج ومتحمسه وفجأه يجي الرد اللي بعده شخص ماقد شفتيه لكن أضاف رد يقول أنا اتابعكم من زمان ويسأل من وين أحمل البرنامج والمشكله إن الروابط تكون بنفس الصفحه ! قمـــة الاحباط

ونقطه رابعه <--- ياليــــــل
النادي أياً كان تراه نادي لـ فريق ومو لشخص واحد ! هذي النقطه قد حكيت عنها بنادي الايتو بعد ماصار في أعضاء يحسبون إن النادي اسمه نادي ريو ومو نادي الايتو الله يسلمكم عارفه إن كل وحده لها ايتشيبان وهيك وودها تحكي وتعلق عنه لكن تخلي جميع ردودها في النادي عن شخص واحد فقط لاغير ولا تجيب طاري للثانين !! شافت برنامج/مسابقات/مقابله/كونسرت وكل الحكي ينفرد عن شخص واحد معقوله باقي الاعضاء ماملوا عينك أو على الاقل أعجبك شي !

يمكن عندي نقطه خامسه لكن مستعجله وبطلع



 

 

Udadaa غير متواجد حالياً
Facebook Twitter 0
قديم 12-08-2010, 12:17 AM   #5
S P Y ~
مقلع فني مميز
 
الصورة الرمزية الخاصة بـ S P Y ~
S P Y ~ فوق  هام السحبS P Y ~ فوق  هام السحبS P Y ~ فوق  هام السحبS P Y ~ فوق  هام السحبS P Y ~ فوق  هام السحبS P Y ~ فوق  هام السحبS P Y ~ فوق  هام السحبS P Y ~ فوق  هام السحبS P Y ~ فوق  هام السحبS P Y ~ فوق  هام السحبS P Y ~ فوق  هام السحب




كلام سليم ميه ميه
ردود التعصب تنرفزني اكثر من غيرها وبعضها يمكن تكرهني بالفرقه نفسها
ومازلت لحد الآن مالقيت إجابه على وشو كل هالتعصب =_=

غير كذا الاحظ كثييير ما تتقبل شي اسمه النقد ولا حد يغلط على فرقتي وفرقتي مافيها عيوب ومدري وشو
فيه فرق كبير بين شي اسمه نقد وشي اسمه سب , اذا الشخص انتقد بطريقه صحيحه ليه نقوله اذا ما تحبهم لا تتكلم عنهم : / !
الكل يشوف فرقته احسن شي بس مع نفسه مو مع كل من هب ودب


إقتباس »
- ردود الاضافات : وهذي طفرة جايتنا من المنتديات الثانيه , يحسبون الاقلاع ينحذف ردهم اذا ماحطوا اضافه !

كثير يحسبونها شي اساسي يكون بالرد وهاتك صياح " نسيت ترا احط اضافه " ,
الاضافه هي اللي تميزك وتميز ردودك من بين الاعضاء وهي اللي تخليك تفتحين مجال للنقاش بينك وبين الاعضاء وتثبتين وجودك
لكنها تبقى شي مو اساسي وللاسف كثير يفهم إن الاضافه = مجرد عرض صور اكره ماعندي يجيك رد كله صور


إقتباس »
ونقطه ثالثه, اللي يطبحون فجأه معليش يايترز الكواليس لكن بقول اللي بخاطري تلقين نفسك قاعده تناقشين برنامج ومتحمسه وفجأه يجي الرد اللي بعده شخص ماقد شفتيه لكن أضاف رد يقول أنا اتابعكم من زمان ويسأل من وين أحمل البرنامج والمشكله إن الروابط تكون بنفس الصفحه ! قمـــة الاحباط

ههههههههههههههههههههههههه +1
يا كثر ما يصير هالشي , ابفهم هذا عجز ولا ايش بالضبط : /


يعطيكم العافيه وعساكم ع القوه , كلام يبرد القلب




 

 

S P Y ~ غير متواجد حالياً
Facebook Twitter 0
قديم 12-08-2010, 02:20 AM   #6
Renoa Heartilly
من كبار مميزين الفني
Renoa Heartilly فوق  هام السحبRenoa Heartilly فوق  هام السحبRenoa Heartilly فوق  هام السحبRenoa Heartilly فوق  هام السحبRenoa Heartilly فوق  هام السحبRenoa Heartilly فوق  هام السحبRenoa Heartilly فوق  هام السحبRenoa Heartilly فوق  هام السحبRenoa Heartilly فوق  هام السحبRenoa Heartilly فوق  هام السحبRenoa Heartilly فوق  هام السحب
فكرت ملياً قبل ان ارز فيسي في هالموضوع و ارد <- تأكدت مرتين ان بنت شالت ردي الماصل من التوقيع عشان أتأكد ان ما احد بيبتزني فيه

ترا نادي الجي ميوزك مو حقي و مو حصري حق قاكت <- لاني مؤخراً اكتشفت ان فيه اعضاء ما يردون هناك اعتقاداً اني راعية البيت و ان الردود لازم فيها قاكت
ايه و شسمه ترا نادي الميوزك للحين ما تقفل حق رمضان <- طيب ليش تقولين؟

اوافقكم الرأي في التعليمات الوارده اعلاه خصوصاً فقرة ردود الفصله الي ما نستفيد منها شي و التعصب الزايد عن حده <- يحلفون كرهت اراشي و هي سي جامب من بعض الفانز
<- اتوقع انتي كرّهتي الناس في قاكت من كثر ما تزنين عليهم بعد

فيه حركه مو ممنوعه بس انها تحرق اعصابي ان تجي وحده و تصف لنا مليون الف صورة بتعليق او بدون, و تجي الي وراها و تحط اقتباس لكلللللللل الرد بكل الصور الي فيه عشان تقول: "واااو يجنن الله يعافيك " طيب ليش مقتبسه كل ابو الرد و ما بينك و بينها إلا ردين او ثلاثه؟

إقتباس »
بصرآحه ماكنت أسوي كذآ
لين تسلطوآ علي عآلم بالتقييم يقولون آنتي مآتظيفين شي
من جد؟ طيب فيه موضوع رسمي اسمه قوانين مدري دستور الآسيوي, انتبهي له و لا عليك من التقييمات

عندي نقطة مهمه ابي اقولها بس بغيت ارسل الرد بدون ما اكتبها من الطفاقه
عندي صديقات كثير في المسن يقولون انهم ما يردون في النوادي لانهم "ما يعرفون يعبرون" او انهم ما لهم خلق ينسقون رد طويل او يفصفصون الحكي

مو لازم يكون الرد طويل و دقيق و مفصفص و بالصور و الابتسامات و كل شي حتى ما يحتاج الوان ولا تنسيق, احس الرد يصير حلو اذا كان عفوي و من القلب و في الصميم
بس كتبي رد فيه وش رايك في الموضوع الي جالسين نتكلم فيه حالياً, حتى لو سحبوا عليك في الردود بتعرفين ان فيه ناس قرأوه لانه رايك و لو كانت عندك وجهة نظر حلوه بيصير فيه حد يقراها حتى لو ما كتب تعليق
احياناً تمر علي ردود وش زينها كلها لون اسود و ثلاث سطور ورا بعض فيها زبدة نادي بكبره لين صرت على قولة كولين افتح النادي و ادور اسماء الي اعرفهم بس و اقرا ردودهم, الاسم الي ما اعرفه اطمره و لا كأنه موجود

و احياناً تمر علي ردود وش طولها بس لما اقراها اكتشف انها كلها الوان و مدِاُاآأإأت و زخٌرِفُـْاإآأت و في الاخير الرد كله مكتوب عشان تقول: وه اني متحمسه <- الاعضاء يقولون: تقصدين ردك الكمبودي؟
هذي حتى لو نبي نرد عليها ما ندري وش نقول يعني متحمسه و شايفه ان الفرقه جميله و رائعه و ممتازه, طيب و بعدين؟ نقتبس ردك بس وش نقول لك؟ شكراً على انك حبيتيهم؟ اوافقك الرأي انا بعد فان لهم؟ <- طبيعي انا فان و لا ليش ادخل النادي و افتح رد جديد

يمكن بسبب كذا طلعت حركة الاضافات, لانك لو حطيت صورة الناس بتنتبه للرد و تقتبسه و تحط تعليق عليك <- و يمكن ما يتذكرون من انت اصلاً بس يقتبسون عشان يقولون وه فلان يخقق

فيه بعد شي ثاني تذكرته قبل ارسل <- تعرفين تنطمين؟
حركة الانتقاد الناعم
تجيك وحده حايمه كبدها من ملابس فلان, بس تخاف تقول ان ملابسه شينه تقوم ترقع و تقول: ملابسه مو حلوه بس عليه تطلع تجنن
مدري من ايش يخافون تقييم احمر مثلاُ؟ الحركة موجوده من قبل حركة التقييمات
يخافون من سخط الفان الجماعي؟ من هم الفانز الي ما يتحملون حد يعطي رأيه في ملابس ولدهم؟

بالنسبة لي ( و هذا رأيي الشخصي) ان الفان هو الشخص الي يدعم الشخص الي يحبه في قوته و في ضعفه. لما قاكت يغني اغنية جميله, احط فيسات و دموع و قلوب و اصفق له على الاغنية الرائعة و انه انسان نابغه و احسن شي في عالم الموسيقى على الاطلاق بس لما يلبس لي خيشة رز و يطمر في وسط الصحرا ما عندي مانع اشرشحه و اشرشح الشبشب الي اختار له الملابس و سوا له تسريحه شعره الغبية.
من بكره قاكت يغني اغنية ثانيه حلوه بس لابس كيس زباله مفصل على شكل جاكيت ما عندي مانع اشجع الاغنية و اقول حق الناس عنها لانها فيها شي جديد و مثير للشجن, بس برضو اعطيهم فرصة يشرشحون ملابسه الي مدري وش تبي و على غروره الي دايماً ينقز في المقابلات و حبه ان كل شي يصير بيرفكت لدرجة ان كاشف الكذب في مخي يصيد نصباته على طول

اتخيل نفسي اقول حق البنات ان برامج الجونيز كلها يسوون لها بروفات و يجهزون الحوارات قبل يطلعون على الستيج و نادر نلقى فيها ردة فعل عفوية
و انهم يعارضون نفسهم لما يسمحون للآنسه ثلجه و ماسامي انهم يتعرضون للسب و الطعن بس ما يرضون حد ينتقد تمثيل واحد اطخم ووسيم او واحد تبع فرقتهم المفضله

احس ارتحت لما تقسمت النوادي و صار كل فريق لهم مساحتهم الخاصه في السوالف و كلن خذ حقه في المساحه, بس اشتقت لسوالفنا العفوية يوم كنا نحش في الفريق و نضحك على حركاتهم العبيطة و نقارن بين ذا الفريق و ذاك لما يطلعون على نفس الستيج بدون ما نضطر نرقع و نطالع يمين و يسار قبل نضغط ارسال

كأني هذرت واجد و خذت راحتي و خليتها جلسة فضفضة؟ تراني اتقبل النقد على ردودي تماماً زي ما اتقبل النقد في الدراما و الميوزك



 

 


اخر تعديل كان بواسطة » Renoa Heartilly في يوم » 12-08-2010 عند الساعة » 03:46 AM. السبب: غمضوا غمضوا XD
Renoa Heartilly غير متواجد حالياً
Facebook Twitter 0
قديم 12-08-2010, 03:15 AM   #7
*.. mesho
من كبار مميزين كتاب المدونات
 
الصورة الرمزية الخاصة بـ *.. mesho
*.. mesho فوق  هام السحب*.. mesho فوق  هام السحب*.. mesho فوق  هام السحب*.. mesho فوق  هام السحب*.. mesho فوق  هام السحب*.. mesho فوق  هام السحب*.. mesho فوق  هام السحب*.. mesho فوق  هام السحب*.. mesho فوق  هام السحب*.. mesho فوق  هام السحب*.. mesho فوق  هام السحب






أشلي كلامك جميل وفي الصميم كل الأِشياء اللي ذكرتيها موجوده ب أغلب النوادي ..
التعصب ومأدرائك مالتعصب مو مشكله ان كل شخص يشوف عياله الأفضل شيء طبيعي
ومو مشكله اذا أحد قال رايه في فرقه معينه وانتقده ب أسلوب ، لأن معلييش
كل فرقه فيها عيب ومافي أحد كامل
أذكر وحده ردت بنادينا وقسم بالله قدرتها جدن عقب مانتقدت عيالي
انتقادها كان جمييل ، البنت صريحه وتحب الفرقه بس تكره شخص معين
ذبت عليه كم ذبه وطلعت بس والله كان ب أحترام وأسلوب بعيد كلي عن النرفزه
بس المشكله في اللي يقلل من فرقه معينه ع حساب فرقته .. لسني أحي هالأسلوب بالمره ، منرفز جدن

ردود الأضافات و النقل من المدونات عن نفسي أكثر شيء ينرفزني
قسم بالله شيء يرفع الضغط نسخ لزق بشكل فضيع
أحس وبعدين وش أستفدنا ؟ كلنا نقراء من المواقع ومن المدونات العربيه
والأنجليزيه يعني شايفين الخبر وقسم بالله
حلو لو من نفسها رتبت افكارها وكتبت الخبر بأسلوبها وبطريقتها
وتكتب رايها ب الخبر بيكون أفضل وقسم

وفيه بعد أشياء زياده عن اللي قلتيه
- اللي هو يقتبسون رد وشكبررره عشان وشو ؟ عشان رد ابو ربع سطر
ليش طيب اقتبسو الشيء اللي تبونه وردو عليه بيكون ارتب لنادي
- الشيء الثاني الصور أحيانا تنحط صور وش كبرها وتمد الصفحه ع الفاضي
لو بس انهم يصغرونها ويحطون الباقي في روابط ارتب وأجمل

وان شالله نرتقي جميعنا ب الردود .. يعطيكم العافيه يارب





 

 

*.. mesho غير متواجد حالياً
Facebook Twitter 0
قديم 12-08-2010, 03:31 AM   #8
JOLYIE
عضو مقلع
 
الصورة الرمزية الخاصة بـ JOLYIE
JOLYIE فوق  هام السحبJOLYIE فوق  هام السحبJOLYIE فوق  هام السحبJOLYIE فوق  هام السحبJOLYIE فوق  هام السحبJOLYIE فوق  هام السحبJOLYIE فوق  هام السحبJOLYIE فوق  هام السحبJOLYIE فوق  هام السحبJOLYIE فوق  هام السحبJOLYIE فوق  هام السحب
الله يعطيكم العافيه على الموضوع انا بس بزيد نقطه وحده على كل المذكور سابقا اللي هي حركه السب من شدة الخقه على احد
يعني دام انه جايز لك هالشخص ليش تقعدين تقولين ياحقير ياحمار ياكلب مررره انا انقر اذا قريت احد يكتب كيذا عن احد



 

 

JOLYIE متواجد حالياً
Facebook Twitter 0
قديم 12-08-2010, 03:56 AM   #9
April103
مميز تقنية الاتصالات الحديثة
 
الصورة الرمزية الخاصة بـ April103
April103 فوق  هام السحبApril103 فوق  هام السحبApril103 فوق  هام السحبApril103 فوق  هام السحبApril103 فوق  هام السحبApril103 فوق  هام السحبApril103 فوق  هام السحبApril103 فوق  هام السحبApril103 فوق  هام السحبApril103 فوق  هام السحبApril103 فوق  هام السحب
-


معاكم حق بكل كلمه قلتوها ,
أنا ماعندي شي أضيفه بس حبيت أرد وأقول كم كلمه بخاطري

بالنسبه للأعضاء الجدد " مو شرط الجدد بس لاحظتها عليهم "
يجون فاهمين فكرة النادي غلط
من أي ناحيه ! من نواحي كثيييييره
يعني مادري هل مايقرون القوانين والشروط ولا كيف !

- تجي الوحده معاها إضافة تدرعم لييين نهاية الصفحه وتحط إضافتها وتطلع !
طيب ليه ماتكلفين نفسك وتحاوليت تقرين أخر الإضافات !
وربي إضافات وصور تتكرر بالهببل
يعني صفحات تطير ع الفاضي مافيها شي غير التكرار

- ونقطه ثانيه ! التعليق ع الإضافات
وربي حرام رد طول بعرض بس فيه تعليق على صوره ولا كلمه ولا خبر واحد !
جمعي تعليقاتك وتعالي نزليها مرا وحده ! مو كل شوي منزله رد تعلقين على كلمه ولا كلمتين !



أنا مب أمدح نفسي وولا شي
بس تعرفون وش معناة كلمة ذروقه !
اي وربي كنت أخاف أرد أو أعلق أو أضيف شي ويطلع مخالف
كنت وربي أشوف برامج وفيديوهات وأقرا الأخبار اللي ينزلونها الأعضاء وأقعد أعلق مع نفسي
مدري ليه ماكنت أتجرأ أرد
لين ربي أفرجها يعني وعرفت إن الدعوة حلوه ومب صعبه لهالدرجه بس يبغالها الواحد ينتبه ويعرف وشلون وكيف يرد





إن شالله تتعدل أوضاع النوادي ,
وهذا رمضان جا وتقفلت النوادي وإن شالله بعده تتغير للأفضل
وربي أحياناً تجيني غبنه وتنسد نفسي !
أجي ومعي تعليق أو إضافه وأدخل أشوف أوضاع النادي وأنغبن وأطلع
بس إن شالله تتحسن الأوضاع ..



بنت , آمبر , آشلي

مدري وش أقولكم , بجد جهودكم وتعبكم مايكفيها شكر
الله يوفقكم ويكون بعونكم





-



 

 

April103 غير متواجد حالياً
Facebook Twitter 0
قديم 13-08-2010, 12:02 AM   #10
E R O N
خبير اقلاعي
E R O N فوق  هام السحبE R O N فوق  هام السحبE R O N فوق  هام السحبE R O N فوق  هام السحبE R O N فوق  هام السحبE R O N فوق  هام السحبE R O N فوق  هام السحبE R O N فوق  هام السحبE R O N فوق  هام السحبE R O N فوق  هام السحبE R O N فوق  هام السحب
اششلي
معاااك حق والحمدالله انكم وضحتو السالفه

الاعضاء الجدد انا اعتبر نفسي منهم لاني مالي في الاقلاع الا سنه
الاسيوي كنت اشوف بس ماكنت اتحمس واعلق .. الا اللحين
والله اني اذكر شي في نادي نيوز صارلي ومن عقبها كرهت نفسسي خخخخخخخخخخ
المهم اني الحمدالله ماكنت وش ابي من الحياه ! ردي سقيم ومدري كم سطر
نشرت الخقه وطلعت ووجت وحده قيمتني وقالت ان ردك صغير ومايستاهل ومدري وش
من عقبها خخخخخ حسيت اني مدري وش ابي من الحيااه ! ..من جد مدري وش كنت احس به استغفرالله اشوا انه رد واحد بس تسنعت اللحين
\\
اماا الاعضاء الجدد غيري .. للاسف هم يحسبون الاقلاع زي اي منتدى ثاني في النت
يعني انا اشوف النوادي الثانيه اللي في غير الاقلاع حوسه
وكلها ردود ام سطرين وثلاثه ! وكلها شكر ! وماحطو قوانين !
فيمكن عشان كذا يجون ويحسبون ان الوضع عايدي هنا
وانا عن نفسي ان شفت وحده مخالفه انبها في التقييم وان شاء الله عن قريب يختفي ذا الشي

\\
النقل من المدونات
من جد هذا الششي مب ينرفزني وبس ! على قوله ميشو نسخ ولزق
وهذا الشي عانيناه في نادينا بس نبهنا البنات وان شاء الله مايعيدونها
يعني اوكي اقري الخبر من المدونه , وتعالي واكتبيه با اسلوبك
كذا بيصير ردك حلو وكلشش
\\
الصور الكبيره والكثيره
هذا الشي بعد تجيك وحده تحططط 6 صور تحت بعض وحجمها كبير خربت الصفحه
بس الحمدالله في نادينا دبل اس تجاوزنا ذا المشكله وصرنا نحط الصور في روابط مستقله
اوكي احط صوره وحده واعلق عليها بس راعو الحجم يعني اللي تقدر تصغرها
واللي ماتقدر تحطها جوا رابط واحنا نشوفها
بس الحمد الله قلتها احنا في نادينا نحط الصور في روابط
والله من جد لو كل بنات النوادي يسوون كذا بيصير النادي مرتب وحلو وتقرين الردود براحه
موب حوسسه وخرابيط واجده مالها سنع





 

 

E R O N غير متواجد حالياً
Facebook Twitter 0
إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 11:27 PM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2019, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017