منتديات شبكة الاقلاع ®



الانتقال الى الصفحة الرئيسية عضويات التميز (الفضية + الذهبية + التجارية) موقع ieqla3 متخصص بجميع منتجات شركة apple أنظمة وقوانين وتعليمات الموقع   وقف شبكة الإقلاع الخيري مركز رفع الصور والملفات تابعونا على موقع تويتر بوابة الانباء
اقلاع بلاك بيري البحث السريع برامج الإقلاع المجموعة البريدية جوال الإقلاع أنظمة وقوانين وتعليمات الموقع للإعلان في شبكة الإقلاع
العودة   منتديات شبكة الاقلاع ® > المنتديات الإقلاعية > قهوة الاقلاع العامة
التسجيل التقويم التأشير على جميع الاقسام بالمشاهدة


إغلاق الموضوع
 
أدوات الموضوع طريقة عرض الموضوع
قديم 27-07-2010, 08:31 AM   #1
يعنني تتغلى
من كبار العيارين
 
الصورة الرمزية الخاصة بـ يعنني تتغلى
يعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحب

العنوان : حبيبي يعشق الـ [ بلوت ] وتاعب حيل بـ آعصآبه |







ترا هالصورة مدخل .. يعني لحد يقول بعدين أني ماسويت مدخل هههه

بسم الله الرحمن الرحيم

اولاَ : حبيت أمسيكم بالخير واقولكم : تراني كبرت وأبشركم صرت أدل منتدى القهوة بدون لحد يجسّرني ( سيك بالخير أكرهك : ياغيابه ) وصراحة أنا من زمان اشوف هالقهوة عليها اقبال كبير من الأعضاء بالذات على مواضيعها اللي صايرة تقل أرانب كل ثلاث دقائق نازل موضوع وبعدين وشو صنف هالشامبو اللي تستخدمونه ويخليكم تنزلون مواضيعكم كذا ( يقاله شفّرها اللحين ) أنا بكل أمانة اهنيكم على جمعتكم الحلوة بهالمنتدى صايرين كالبنيان المرصوص ولو بنصيغها بصورة أوضح : تسنكم شريطيه متجمعين على ونيت بهبهاني <-- وأضح ان الأخ جاي يحارش من اولها خخخخخخ

ثانياً : فالبداية مثل كل بداية يعنني تتغلى ومشكلته مع المقدمات وهذا عشاني من صغري ماحب المقدمات لأنه مايجيب فيك العيد الأ المقدمات وهذا اتوقع أنه احد الأسباب اللي خلت احد اصدقائي يسميني بجواله ( خباص السهرة ) لاني اذا جيت العب بلوت أنا اللي اوزع دايم عشان ما يلف الدور ثم العب أنا بالبداية لأني انا ماحب ( البداية ) <<-- رجاء خاص لحد يدرعم علي ويصكني بتقييم احمر ويكتب فيه : انت وعععع ,, يحلمووون فيتس يالبداية وخلوا ستار اكدمي تنفعكم هههههههه .. هذا طبعاً احد المواقف اللي تخليني اكره المقدمات وأبعطيكم موقف اخر عشان تكونون على بينة وماتحقروني ثم تسكرون الصفحة وتخلوني اهش الذبان بلحالي خخخخخ ..هذا سلمكم الله وأنا صغير مثل أي طالب سعودي اشهب يستحي لا قالوا له المدرسين : ترا بكرة نبيك تطلع بالأذاعة وتقول اي شيء سواء حديث ولا حكمة ولا قصيدة .. المهم احرجوني الطلاب وقالوا يالرخمة نعنبوك ولد السورية عدنان يطلع بالأذاعة وهو لابسن برشلونه تحت الثوب ولا طق لحد خبر .! شف كيف قدحته والله انه اشجع منك واصمل منك يالزلابة .. ومن بعد هالكلام اللي سمعته من طلاب فصلنا اللي بالزاوية ولو أني كنت شاك في السالفه من اولها أن فيها غدره واكثر شيء شكيت فيه أنها : غريبة تجيك نصيحه طيبة وتشجيعيه مثل هذه ولابعد من طلاب جالسين في الزاوية هههههه .. وبعدها صملت وقررت اني اطلع بالأذاعة وأكوي شماغي وألقط لي اقرب حكمة دايم اسمعها .! المشكلة ان الحكمة ذي دايم تنقال بالأذاعة .. ويوم جاء وقت الحسم رقع صوت الطابور وأنا ارقى المنصة <<-- منوين لك منصة ومدرستك بكبرها عبارة عن بيت مستأجر وفصلك كان المطبخ ومحل الاذعة الكراج واما المدرس لا جاء يصحح الدفاتر حطهن على نميلة المطبخ ولدرجه اذا زعل عليك المدرس خلاك توقف تحت السخانة ههههههه .. المهم وصلت عند المنصة واسمع أنواع التسديد والذبات اللي تتطاير علي من كل حدب وصوب حسيت اني ممسوك من الهيئة ومحكوم علي بالرجم قدام احد المساجد خخخخخ .. لكن أنا ما أهتميت للموضوع ومعطيهم اشكل ولا كني اسمع .. وشوي وانا كنت مسوي نفسي ما أسمع الأ سمعت حاجة ليتني ماسمعتها سراحه <<-- حاطها بحرف السين عشان يكثر السينات بذا السطر ظلال ناصر الفراعنة خخخخخ .. وفجأءة ومن دون سابق انذار سمعت الطالب اللي واقف قبلي بالاذاعة قال نفس الحكمة اللي كنت ناوي اقولها .! انّكبت حزتها واعتفست ومدري وش اقول وحاولت اتذكر اي حكمة طارفة .. للأسف مالقيت شيء حافظه براسي الا كم(ن) نكته قاريها في الملاحظات بجوالي الباندا أيام القصص اللي اغلبها مثل ( سارة فتاة جميلة تعرفت على شاب عمره 23 ,, ام محمد تنجب طفل جديد بعد ممات زوجها ,, قصص فليسكو خخخخخ ) .! اييييييه عمااار وقتها كان الباندا لو اطلعه من مخباي بس تسان صاروا طلاب المدرسة كلهم اخوياي خخخخ <<-- ماتلاحظون انه شطح بعيد خخخخ .. المهم شوي الا والماكرفون صافق في حلقي ويمده لي عدنان اللي يقولون انه اشجع واصمل مني وقلت وانا مرتبك : هل تعلم . أن قلب الحوت هذا كبره .! ( يقولها وهو يمد يدينه تقل ماسك سطل تمر شارية بعد صلاة الجمعة خخخخخخ )


ثالثاً : <<-- اخلص علينا يابوي ذا موضوع لا منهج لكتاب العلوم هههههه .. المهم موضوعي اليوم يتكلم عن البلوت وما ادراك ما البلوت .. هي اللعبة الوحيدة اللي تغار منها المرأة لدرجة أنها تغار على زوجها من البلوت أكثر من طلعته لـ البحرين وأن هذه الغيرة ناتجه عن تأخر زوجها عن البيت لكثرة مكوثه بالاستراحة مع زملائه في لعبتها وأن البلوت كانت السبب الفرعي في طلاق الزوجين عن بعضهما والبعض منهن من قالن : يا أنا يا هالبنت اللي اسمها بلوت ذي .! < -- الخبلة تحسب أن البلوت اسم وحده من خوياته خخخ .. وأيضاّ الكثير منهن يتسائلن يقولن في أنفسهن : ياهل ترى ما هو الشيء الذي يحبب الرجل بالأستراحة .!؟ هل هي عبارة عن مخبىء سري لقضاء بعض حاجياته الممنوعة ( ياشباب مين قال ياسر .!؟ ) أو هل هي تعتبر الملجأ الوحيد الذي يستقبل الشباب بكل الحب .. بينما المجمعات والاسواق والملاهي الترفيهية التي كان شعارها ( للعوائل فقط ممنوع دخول الشباب ) وكل من له همة بأن يحرم الشباب من وساعه الصدر .. ولذلك هلمو يا أيها الشباب لكي نطالب سوياً .. بحقوق الرجل .. ولنبدأ حملتنا من الأن .. فكل ماعلينا فعله هو الإضراب عن الزواج .! وبهذه الطريقة نستطيع أن نمسك المجتمع مع اليد التي توجعه .. ونجعل شعار حملتنا هو ( اللحين أذا فيكم خير صيروا عوائل )


يتبع





اخر تعديل كان بواسطة » يعنني تتغلى في يوم » 27-07-2010 عند الساعة » 08:34 AM.
يعنني تتغلى غير متواجد حالياً التبليغ عن مشاركة سيئة  
Facebook Twitter

قديم 27-07-2010, 08:32 AM   #2
يعنني تتغلى
من كبار العيارين
 
الصورة الرمزية الخاصة بـ يعنني تتغلى
يعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحب




* سيناريو عائلة بلوتية .!

أبوي وهو يوزع أوراق البلوت قال : أوووول .. ثم نظر الى اخي الأصغر وأكمل حديثه : ياوليدي قم صب لي بياله شاهي قبل لا تشتري

اخوي: سم يبه .! طيب يبه معليش والله ماعاد اصبلك مرتن ثانية .. ترى هذي سابع مرة تسويها فيني وأنا ساكت .. تخليني اروح اصب لك بياله وانت تقعد تناظر بالورق حقي <<-- منتب عاقل يا أبي
امي : حكم اول .. اقول هذا ابوك ولازم تحترمه ولا تواخذه بأي شيء يسويه ..
انا : هاتيه صن يا يمه ..
ابوي : انت ماتفتهم يالسرسري .. ماتحترم امك وهي قاعدتن معك وتارتكن العشاء عشان وجهك واخر شيء بكل برود تقول صن .. قدّر واسمع كلام امك يازلابه .. طراااااااااااخ <<-- صوت البيالة اللي تو صابها اخوي وهي توقع في جبهتي .. بس هذا مهوب سيناريوا اللي انتم تقرأونه والحقيقة هي ان ابوي يوم درا أن معي اربع ميه وقال خلني اخربها معه قبل لا أسمّعه هالمشورع وتجيه جلطه في اصبع رجله

اختي : قم قم .. خلني العب عنك وعلى طريقك صب بيالة ياوخيي
رديت وانا اتحسّس جبهتي : لا يشيخه .. الا وش رايتس اجيب لتس الطفاية عشان تولعين زقارتس بعد .. اقول أنا مالي قعدة معكم خلني اطلع الشارع واشوف لي اقرب حته تستقبلني بهالكون اصرف من جلستكم اللي مغير نصب واحتيال .! وبعدين تعالي يمه ترا انا صراحة أول مرة اشوف أم تلعب اكه السبيت ثلاث مرات وين عايشين .!؟ والله لو حنا هنود مانشوفتس وانتي تسحبينها من الكسب .... دووووووب <<-- لا هذا طال عمركم صوت بوقس من يدين الوالده الله يحفظها وهي لابسه البـيّـز اليدوي وبالاحرى قفازات المطبخ


* من اخترع البلوت .!؟

من بعد هالسيناريو المعتاد اللي سدحته لكم قبل شوي وهو الذي دائماً ما ينتهي بالترجيم المباشر .. المهم أني طلعت الشارع ووقفت على الطريق لكي أوقف أقرب تكسي وفجأة لقيت جنبي صيني ولما شاف وجهي متفقع ثم سألني عن الحاصل وقلت له : ابد هوشه على بلوت .. عطاني نظرة بعيونه الصغار وقال : أييييييه .. البلوت يقولون والعهده على الراوي ان اول من اخترعها حنا الصينيين للترفيه والتخفيف عن زوجات الامبراطور الصيني في القرن الثاني عشر ميلادي .. ثم خطم عليه هندي كان واقف جنبه وقال : والله انها مهيب لهم وتراهم مختلين عقلياً من بعد ما ضرب عليهم النووي اختلت عقولهم وقاموا ينسبون اي شيء لهم مثل بعض الناس اللي تقول ان الرسول صلى الله عليه وسلم سعودي .. وقال ان البلوت اللي اخترتها : زوجة مهراجا الحاكم السابع للهند وهي اول من اخترعت الورق عشان تشغله عن لحيته لانه ماغير ينتف منها لين غدى خده تقل ساق اليسا مافيه ولا شعره .. ثم جوا الايطاليين ومعهم جيب الجوازات ونحاشوا الهندي والصيني ووقفوا عندي وقالوا اركب الله يصلحك المهم ركبت معهم وحنا ماشين على خط الملك فيصل نقز لي واحدن اطخم ويقول : وش كانوا يهرجون به ذا الزلايب اللي معك قبل شوي قلت : قولون حنا اللي اخترعنا البلوت .! ثم قط السواق علي شماغه وهو يصارخ علي وسعابيله تتطاشر من فمه لما خلاني اشك ان سيارات الحكومه مركبين مساحاتهم داخل السيارة بحكمة : الاخلاص والسرية في العمل وقال : وانت خبل تصدقهم يالاثول .. هذولا زلايب والله محد يصدقهم .. بعدين اللي اخترع البلوت واحدن ايطالي يقاله من عايلة الـ " جونسيلر "

المهم نطلوني البيت وانا فوق راسي علامات استفهام كثييييرة .. واللي مستغرب منه مهوب من كلامهم المتناقض ولا من تعدد المخترعين لـ هاللعبه .. الا مستغرب كيف ايطاليين ومتوظفين عسكر ومعهم جيب جوازات وحنا سعوديين جالسين بالمقلط وقالبين الملف العلاقي سفره طعام ونصنع من شهاداتنا طيارات ونلعب فيها من زود العطاله والقهرر .!؟


* تعريف البلوت .!؟

البلوت لعبه مشهورة جداً وخصوصاً في منطقه الخليج العربي مع ان اصلها اجنبي , وهي لعبة ذكاء وفطنة وفيها فن وحرافة وفرنكة وسريعة اي تحتاج تفكير بأسرع من الثانية لانها لعبه تعتمد على سرعه البديهة وياويلك اذا لعبت قدام شايب وانت افدغ شرط ان يصكك بكاسه الشاهي اللي بيده .! واذا منتب مصدق اقرب اقرب شف جبهتي ههههههههه ومن وجهة نظري أنها لا تعتمد على الحظ بل على إتقان اللعبة والتفنن بها ، وإن كان البعض يرى أنها لعبة حظ .. ايضاً تقوم على التكافل والتفاهم والإنسجام بين عضوي الفريق الواحد. وعندكم اقرب مثال والدي اللي كان يلعب البلوت مع احد اخوياه حوالي خمس طعش سنه ويوم توفى خويه الله يرحمه بطل البلوت وحرّم ان يلعب بلوت مره ثانيه .. لكن هذا مايمنع انه يتفرج عليها ويغشش عيال اخوه السواريا

* مكونات اللعبة .!؟

اللعبة لابد أن تتكون من أربع لاعبين كل اثنان متقابلان هما فريق واحد ويحيطهم الجمهور الذي غالباً ماتكون نتيجه الفوز بيده وهي انه يقعد يغشش للي يقرب له


* كيف تعلمت البلوت .!؟

في البداية ما أخفيكم اني كنت شاك في والدي أنه يلعب القمار .. ولا بعد في بيتنا يسلااااام .! وكنت دئماً استغرب واتخوف من حركاته ومن الاغراض اللي كان يحملها بكيسه اذا جاء يلعب القمار وفيها أبر وشغلات وبلاوي تشيّب الرأس وكان كل ما حاول انه يتقرب مني ابتعد عنه وفي خاطري سؤال ودي اقول له : متى يايبه ناوي تدرب الارجنتين أن شاء الله ( وشو مردوناه .!؟ ) لكن في النهاية بعد شكوك وترقب علمت اني انا كنت كثير المتابعة للـ افلام المدبلجة .! والقمار الذي كنت أتحدث عنه هو مجرد لعبة اسمها ( البلوت ) اما الذي كان بداخل الكيس فهي لم تكن سوا أبر لحقن الأنسولين خخخخخ
والدافع الذي عطاني الأصرار لتعلم البلوت هو انني مترعرع في عائلة مدمنة البلوت
وأذا مرة عليهم يوم ومالعبوا البلوت يعتفس وضعهم وتكشر انيابهم وتكبر وجيهم وبالغالب ما يكون شعورهم مثل شعور اي عضو قهوجي قام من نومته ولقى الهيل قاضي


* اضرار لعبة البلوت .!؟

1/ اعتقد انها لاتخفى عليكم وهي اضاعة أوقات طويله فيها وفي اغلب الاحيان
تُنسى الواجبات اليوميه والأسريه مع الحماس وتنسى كل اشغالك ويتبدل شغال الشاغل هو كيف تخسرها على اللي ضدك

2/ ضياع بعض أوقات الصلوات وبالاخص صلاة الفجر .. بالاضافه الى انها تلهينا عن طاعة الرحمن والدعاء في هذا الوقت الذي يكون فيه الرب قريب من عبده
3/ ايضــاً ومن دون مبالغه هي احدى اسباب التفرقه بين الشباب .. وايضاً قد تسبب بعضاً من
العداوه والبغضاء فيما بينهم وكل هذا بسبب خطأ او اختلاف في أمرٍ ما يخص اللعبه
4/ خروج البعض عن صوابه وبذلك تعلوا الاصوات والشتائم ولو انها نادره في مجتمعنا السعودي ولله الحمد ( ايه هين .! )


* الفوائد التي نجنيها من لعبة البلوت .!

1/ انشغال من يلعب البلوت عن الغيبه (والحش في خلق الله والعادة هذي طبعاً موجودة في كل مجلس سعودي ) لانه يكون منشغلاً بالتفكير في لعبتها
2/ الحفاظ على الشباب من الخروج والتسكع في الشوارع والاسواق وتحت الكباري
3/ اشغال الشباب عن بعض الالعاب المحرمه كالقمار وغيرها
4/ احياء روح التنافس الشريف بين الشباب في اللعبه ( من وين يجينيا روح التنافس ومنتخبنا ما لعب كأس العالم .!؟ )

يتبع





اخر تعديل كان بواسطة » يعنني تتغلى في يوم » 27-07-2010 عند الساعة » 08:38 AM.
يعنني تتغلى غير متواجد حالياً التبليغ عن مشاركة سيئة  
Facebook Twitter
قديم 27-07-2010, 08:32 AM   #3
يعنني تتغلى
من كبار العيارين
 
الصورة الرمزية الخاصة بـ يعنني تتغلى
يعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحب




وهنا جبت لكم شويت صور تعبر عن ادمان البلوت لكي تكونوا ايضاً على بينة وبرواية اخرى عشان ما تقولون : اني أهلس عليكم من اليوم .. لا بالعكس الكلام اللي اقوله حقيقة لا خيال او مبالغ فيه وهذي الأدلة لأنتشارها بين العالم

ملاحظة : اضغط على الصورة لترى حجمها الحقيقي .!


هذي صورة لاعبين البرتغال وهم متحمسين مع البلوت ويلحفون انه من زوود الحماس رونالدو نسى سرااه


وهنا يتضح لنا أن لاعبين الهلال مايعرفون لـ البلوت .. من صفتهم للورق تدري ان حدهم اونو ويخب عليهم لكن وش يسوّون تاركين البلوت ومتسلطين على خلق الله بـ كورة القدم وماتركوا فريق ألا وطبعوا في تاريخه نتيجة وقدرها : صفر بالأنجليزي ( نصرواي مايبي يقول خمسه خخخخخخخ )


أما هنا معنا المنتخب الكويتي واللي أكيد هذي رحلة قادمة من احد المدن الخليجية بعد خوضهم لمبارة أكيد كانوا خسرانين فيها الزلايب وخصوصاً ذا اللي يلعب ( جنجفه ) ابو ثوب شتوي لابسه بالصيف .. وهذي مهوب اول مره يقولون له :تعال بثوب ابيض يرحم امك .. وكانوا يلحون عليه دايم وأكبر دليل عندكم حركة الجامة ( الدريشة ) فاتحينها وهي حقت طيارة يقالهم أن قصدهم : ترى الدنيا حر .. افهمها و روووح غيّر ثوبك اللي تقل ستارة في بيت شعبي خخخخخخ



وهنا أيضاً يظهر لنا خالد البلطان رئيس نادي الشباب فال(ن) حجاجه وقاط الشماغ وصاكها بلوت مع العيال ولسان حاله يقول : لا بوه لا بو دوري يخلص من قبل لاينتهي بثلاث جولات .. المشكلة ماجتنا ولا خمشه قصدي خمسه تزلزل مسيرتنا التاريخية ويصير فريقينا تقل جسر البحرين بيوم الأربعاء من كثر الأهداف .. لكن عزيز القارئ : دع عنك الصورة ولا تهتم بما داخل الصورة من تعابير الحدث بل سلّط عيناك على إطار الصورة .. وسترى شكل مغاير وهي حركة الصورة التي طلبها البلطان من المصور ان يصوره ويترك الطرف الاخر باللعبة وهما ( عيال عطيف ) قاصداً بقوله : أذا تبون صورتهم تلقونها بالبلاي ستشين <<-- خخخخخخخخخ أمزح والله أمزح



قبل ان اعلّق .. ما تلاحظون أن رجلين المنتشري وسخه ولا غسلّها ( طراله ان الكتكات الأبيض يوسخهم ) بس يالربع لا يروح فكركم على انهم يلعبون بلوت أو ان لهم صله بموضوعي هذا .. لا لا اقلوها بالفم المليان تراني حبيت استدل بأن لعبة البلوت لها شعبية كبيرة وبس لا أقل ولا اكثر لأني صراحه مانيب فاضي ينبرش علي كابتشينــو وينطل موضوعي للـ الماصلة وهو يردد : اعمل نفسك مييّيت يازلابه ههههه




صحيح أن نسبة الشباب اكثر من الشيبان لعباً لـ البلوت لكن هذا مايمنع من عشق شيباننا لـ البلوت لدرجة جنونية وكانوا يشبّهون لعبة البلوت بالمعركة من حيث التركيز والفرنكة والحنكة والذكاء في أدائها وياويلك وياسواد ليلك تلعب مع شيبان وانت غافل عنهم أو انك تسلك لهم وتشتري مشتريات بايخه كان تشوف البيالة تتربع في جبهتك واذا منتب مصدق تعال اقرب وشف جبهتي .! وأذا ماشفتها زين ترى عادي أنا مستعد اشغل لك الكام وأعرضلك عشان تشوف أثار البيالة اوضح <<-- اسفهوووه ذا المارج تكفون


^
^^
هذا مقطع صراحة ما أقدر اعلق عليه لانه هو بحد بذاته معبر عن نفسه .. ولا تهون كلمة ( مع الأسف اني العب معك أنا ) والظاهر ان هالشايب شهادته كفاءة وقد مرت عليه قصة ( البنت والنخلة المعوّجة ) اللي بكتاب القراءة أول متوسط يوم تقول البنت لأبن جارها محمد : اذهب لوحدك يامحمد ويحيك يا فتى .! أهل تريدني اذهب معك الى المزرعة لنلعب بعيداَ من ثم تستفرد فيني وتفلها على حسابي يا أهيا السرسري المتعجرف .. مع الأسف أني العب أنا <-- الظاهر ان محمد كان يعاسكها بالقصة وحنا مادرينا ههههههه بلاك ما ننلاّم لأننا نسينا القصة وركزنا على التهجي بالقصة قبل لا يخصم علينا المدرس بسبت مغازلة ماصلين بـ لغة مدبلجة .. ولا من وين جاب هالشايب الكلمة ياترى .!؟ <<-- الله يذكر زمان اول أيام ما كنت تحسب أن كلمة ( ترى ) اللي بالجملة السابقة أنها : اسم بنت مثل هند وزيد ومهند وبقيه الاسماء اللي دايم نلقاهن بكتاب النحو خخخخخخخ




يعنني تتغلى غير متواجد حالياً التبليغ عن مشاركة سيئة  
Facebook Twitter
قديم 27-07-2010, 08:33 AM   #4
يعنني تتغلى
من كبار العيارين
 
الصورة الرمزية الخاصة بـ يعنني تتغلى
يعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحب



أما في لحظة الختام وقبل أن نقول لكم سلام .. قررت أني انشب للمشرفين وكبار الشخصيات في الاقلاع بالمشاركة في الموضوع لكي يزيدوا للموضوع طعماً ورونقاً خلاب <<-- برايفت عمش : لا أشوفك تتميصل عندي ولاتقول : وشو رونقاً ذا عصير طازج ولا وصف تمريرة للاعب خالد مسعد هههههه .. الحمد لله نشبت لهم وقدرت اطلع بنتيجة ولو اني كنت ( حنقةً ) بعض الشيء .. لكن هذا ما يمنع أني أخاف على موضوعي وعلى مصيره خخخخخ


ضيفنا الاول هو مشرف العيارين : مربوش المربوش .. الأب الروحي للعيّارين ولا يهونون مشرفينا ( الوسيم قلعة إقلاع والزكرت جداويا يابويا ) ولانهضم حق المشرف جني العيارين اللي تصدقون الى يومكم ذا ماشفناها مدري هو الظاهر اخذ مقلب في نفسه أنه جني : وقال خلني اندس عنهم ولا مدري وش اللي يبي يوصل له صراحه والشكر موصول لكل من كانت له يد بالأمساك في راية العيارين ارتكازها في أعلى المقمات .. ولذلك نحرص على تقدير وتبجيل عملهم الشاق ونقول لكم : بعد ارتكازكم لراية العيارين عالياً .. سنوعدكم بحمايتها من المصول والسماجة وهذا يعود لوجود الاعضاء المتمييزين وهذا ما نتمنى أن نسعى اليه .. في الأيام القدامة

مربوش دارت بيني وبينه رسائل وخرائط حربية قبل اللقاء لكي نتشاور في مخططنا لـ العملية رقم "باء 3 زلف" <<-- نعنبوهم هالعيارين .! حتى رقم عمليتهم بوسطها ذبه هههههههه .. تتخلص بوضع أحد مواضيعنا بالقهوة ونغمسها من ثم نأكلها خخخخخخ

إقتباس »
الرسالة الأصلية كتبت بواسطة مربوش المربوش »
البلوت عندي مثل الدم بالعروق .. خدمت في مجال البلوت اكثر من 15 سنة ومازال للمجد بقية لان الواحد لامنه بغى يهايط وخصوصا من شعبنا الكريم ماله الا ثنيتين الكورة والبلوت وكلن له اتجاهه من عرفنا البلوت تركنا شي اسمه كورة الا بالمناظر ع الشاشات وياما تعشينا على ظهور عالم .. وياما عشينا اوادم وامم .. عرفت البلوت من سن 14 تقريبا بداية من الوالد الله يطول بعمره يومها كان معه اثنين من ربعه ويبون يلعبون باللي هيبه وانا اقهويهم والعالم محد لمهم والجوالات يومها معدومة يعني ياتلقاه بالبيت والا مش بوزك الا خوي الوالد يقول مربوش تعرف تلعب بلوت قلت لا بس افهم قال اجل قابل ابوك وخلنا نكمخكم هذي فرصتنا ابوك كل يوم وهو لاعن جدفنا بنهاية اللعب والهزايم ابوي طنقر ومالقيت الا اربع اوراق متوزعة على ملامحي << نطلها بوجهه .. ومن يومها وانا اهتميت بالبلوت وبدى يتطور مستوانا ليما صرنا نهايط بالعشيات .. بس اللي يقهرك لاجاك واحد يهايط وهو يقطع بفهاوة .. تحس ودك تجرم فيه عاد بيوم من الايام كنا ثلاثة بالاستراحة وجانا رابع ويقاله يلعب طلع بالاخير يسأل وشلون الاشكل .. والله ياهي ميانة طاحت معه تحس ندم على معرفتنا .. بس الزين في ايام المراهقة الواحد كانت الورقة بجيبه والا بالسيارة واذا اربعه تجمعوا بموتر !! ماعندهم اي مشكلة يصفقطون لو بالتفتيش يصقون وحدة تطفي اللي فيهم .. عذراً على الرد العادي ولأني كتبته وأنا على عجلة في أمري
ههههههههههههههههههههههههههههههههههه
من بعد هالأقتباس هذا أنا اعتذر منك وسوف أتجاهل الماضي وسأسنى أني كنت في يوم أحد طلابك أو من العيارين الذين تخرجوا من مدرستك بفن العيارة .. لأني صراحة مابي أهلي يشوفوني وانا أقراء أقتابسك ذا ثم يحجزون لي أقرب مقعد في مستشفى أشهار من زوود ما فجّرت من مصاريني يا أهبلنا الكبيييير .. صاحب التقييمات الجمة واللي ابن أمه يجيب مثل عدد نقاطها حتى نقاط لعبة الثعبان اللي بجوال فليكسو ماتصف جنبها ياشييخ ( طراه انك من حقبته الزمنية خخخخ )

أجل يامربوش تقول : ( على عجله من أمري ) هاه .!؟ مهما كان تبقى أنت كما عهدناك مربوش الأسطورة .. مهما كان ردك قصيراً ألا وأن بهً من ألاعجاز مالا يوفيه حقه والدليل هو كما ذكرته مابين القوسين اعلاه .. وهو أنك كتبت الرد وأنت على عجله من أمرك وهنا تقطن الحركة الأعجازية فكيف فعلتها يا مربوش .!؟ أخبرني كييييف .!؟ كيف كتبت الرد وأنت جاعلاً أمرك يسير على عجله واحده فقط خخخخخخخخ

ويعطيك الف عافية انك تحملتني طوال هالمدة وكسبت فيني الأجر خلال مشاركتك بموضوعي ولو أني كنت حنقة شهر يوليو بس معليه .. اهم شيء الأخلاق




طبعاً لابد ونحن نرتشف القهوة سوياً في منتدى القهوة <-- مصدق أنكم للحين تقرون معه الموضوع والله تراه مهوب مصدق خخخخ .. أكيد بنشتاق لردود مضطهد اللي لي مدة ما شفتها .. بس ابشركم انا نشبت له اليين رد علي

إقتباس »
الرسالة الأصلية كتبت بواسطة مضطهد »
البلوت علاقتي معها تتلخص في لعبة السحر الي تختار ورقة ثم تدسها بين الخبصة ثم أطلعها لك وأنت منبهر من عبقريتي وسحري و السالفة وما فيها إني قالب الورق و ورقتك بتصير لحالها عكسهم.. هذي علاقتي باختصار مع البلوت شغل بنت السيريا الداشرة و ولد الهاص وغيرهم مالي فيها ولا أعرف لها.. لو موضوعك عن الأونو كان كتبت لك ثلاثين سطر
^
لاياشيييخ تصرفني أنت .!
خخخخخخخخخخخخخخ أمزح أمزح .. ياهلا والله بالزين ياهلا والله بريحة الهيل والزعفران .. هلا بـ قرّة القهوة ( حطيت فراغ لحرف ( الباء ) في الجملة السابقة وهذا يعود لسوء الفهم عند بعض الأعضاء ثم يٌـفهم المعنى خطأ واللي ياكلها أنا خخخخخخ ) هلا بالزيدي صاحب الخد المنتفخ .. بصراحة يا خالي أقولك : شكراً من أعماق قلبي على قبولك لدعوتي .. عاد تصدق أنك اللحين أكدت نظرية مربوش التي عاقدتها تنص على : أني شخصٌ حقنة .. من خلال ردك اللي كاتبه وقافي ههههههه

يتبع .. ايه مطولين هههههه





يعنني تتغلى غير متواجد حالياً التبليغ عن مشاركة سيئة  
Facebook Twitter
قديم 27-07-2010, 08:33 AM   #5
يعنني تتغلى
من كبار العيارين
 
الصورة الرمزية الخاصة بـ يعنني تتغلى
يعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحبيعنني تتغلى فوق  هام السحب



هذا طبعاً اقتباس لـ المزيون كبيرنا : هرول على البراد

إقتباس »
الرسالة الأصلية كتبت بواسطة هرول على البراد »
,,, اول طيحتي بالبلوت
مجموعه من الشباب وانا واحد منهم تعلمنا البلوت على يد واحد زكرت بالحاره.
وبعد ان تعلمناها تعلقنا فيها وادمنا عليها
وكان جيب الواحد محتواه بوك ومفتاح
بعد ادمان البلوت تغير محتوى الجيب الى ( بوك ومفتاح وورقة بلوت وورق نشرات البلوت )
بعد اسبوع من هالادمان مات خال واحد من الشباب ...
البايخ في الموضوع ان هالواحد بالنهار ماله خلق يتكلم وضايقن صدره على الميت
ولا جا الليل طلع الورقه وقال بلوت بلوت وهو فاردن كشرته .
وصل فينا الادمان اننا ربعنا بلوت في عزا ميت ( يلعن ام الادمان يشيخ )
وكان مكان اللعب وقتها بالمطبخ الخارجي الي يصلحون فيه القهوه والشاهي للمعزين ..
موقف ثاني لواحد الله يستر علينا وعليه ...( ياااباااااااي يااابااااي يرفع الضغط باللعب )
لاجا يلعب بلوت وخاصه لاكان قدامك وصار معك بفريق واحد .. يذيك يغربل فيك يبهذل فيك.
هو الوحيد الي في العالم الي لاجت له اربع ميه ينساها
بالله فيه احد ينسا اربع ميه؟
ايه
هذا ينساها
مهوب مره ولا مرتين ولا عشر ولا عشرين
واجد والله
والقهر اكثر انسان تجيه اربع ميه هو
والقهر ينساها
والسبب ( انه مايعد البلوت لعبه .. بل يعدها شيء يمس كرامته .. وارتباكه الزايد باللعب يخليه ينسا حتى اسمه واسم امه مهوب بس الاربع ميه )
والي يقهر انه لاجت له اربع ميه
صرخ وقال لي كفك تمن يالخوي جت لك ...

اااااااارررررررررررررررررررررررربببببببببببببببببب ببببببببعععععععععععععععععععععع ميييييييييييييييييييييييييييييه
لدرجة حتى البنقاليه الي بالقهوه من خوفهم من صرخة هالانسان يجون ويهنوني ويقولون تعيش ليه تعيش ليه
عتيد عتيد ( اقوى انسان يقول اربع ميه هو )

ويخليني اعيش جو مهوب صاحي
وبالاخير ينسا ينزلها
( يعطيك الامل بالحياة وبعدها ينهيك بلحضه )
والي يقهر ويقهر انه مايحب يلعب الا مع اثنين ,,, انا وواحد يقال له عبدالله .. يقول باقي العيال غشم بالبلوت
تكفىىىى هههههههه

والاخير واحد ثاني من الشباب , هذا اعده اكبر منحوس في البلوت في العالم كله
لي سبع سنين العب معه بلوت
والى يومك ماسمعته يقول خمسين ولا ميه ولا اربع ميه
اكبر مشروع جاه
سرى مكون من ولد وعشره وتسعه .
حتى مره رصينا وقلنا خل تجيه اربع ميه خل تجيه ميه خل يجيه خمسين .. يشيخ سرا يردفه سرا نعمه
جت له ثلاث اكك والباقي تسعات وثمانيات وبنت وحده
والى يومك علاقته بالخمسين انه يقول للي قدامه تعيش سنين
وعلاقه بالمية يقول تعيش ليه
وعلاقه بالاربع ميه يقول تعيش ليه
وعلاقه بالسرا يقول

طي رااا

( المواقف كثيره ولكن الي على البال والي مستحيل انساهم هالمواقف بالذات )
شكرا لكم وشكرا لاستضافت يعنني اتغلى لي بموضوع لعبة البلوت ( العزيزه جدا على قلوب اكثر السعوديين )

وبصراحة استضافته جدا متعوب عليها
واهنيه على الصباب الهندي الي جايبه ... اول مره اشوف فناجيل قهوه تتقدم بصينيه ..
فيها حق ذي
ااااااهيييب ياوووجهه
ههههههههههههههههههههههههههههههههههههههههه
ااااه ياهرول والله انا مدري وش اقول ووش اخلي .! ولو ما اقول ولا أخلي اصرف لي <<-- ههههههه توه يحس ان موضوعه طويل وقال خلني اختصر ههههههه .! أمزح أمزح .. طبعأ ياهرول مايخفاك مدى حبي تقديري الذي أكنّه نحوك .. وأكبر دليل على حبي لك ياصاحبي أني نزلت موضوع بالعيارين أحاول من خلاله اني أقتبس أسلوبك بالكتابة يابو برد .. لأنك كنت واحشنا


تمت

سؤال الموضوع : بكل بأمانة .. وش رايكم بالمدخل والمخرج .!؟










اخر تعديل كان بواسطة » يعنني تتغلى في يوم » 27-07-2010 عند الساعة » 08:39 AM.
يعنني تتغلى غير متواجد حالياً التبليغ عن مشاركة سيئة  
Facebook Twitter
قديم 27-07-2010, 08:45 AM   #6
البسمة الخجولة
من كبار مقلعين القهوة
 
الصورة الرمزية الخاصة بـ البسمة الخجولة
البسمة الخجولة فوق  هام السحبالبسمة الخجولة فوق  هام السحبالبسمة الخجولة فوق  هام السحبالبسمة الخجولة فوق  هام السحبالبسمة الخجولة فوق  هام السحبالبسمة الخجولة فوق  هام السحبالبسمة الخجولة فوق  هام السحبالبسمة الخجولة فوق  هام السحبالبسمة الخجولة فوق  هام السحبالبسمة الخجولة فوق  هام السحبالبسمة الخجولة فوق  هام السحب


موضوع رجالي بحت بس عندي لكم هدية سمّوا
هنا
وأعرف بلوت ترى
اعرف وزع وقص واشكل وصن وحكم وسرى وخمسين ودبل وش بعد ياربي ايه قامت
وبس هذا أقصى معرفتي بالبلوت
( ماقصرتي )
بس فيه علاقة طردية بين البلوت والاستراحات ( فيس ناوي يرجع يفتح ملفات حمله قديمة خخخخـ )
كل مازاد حب الشخص للبلوت كل ما زاد تكاثره بالاستراحات
فأنا من هالمنبر أدعوا إلى تكوين حملة ضد البلوت عشان مايكثر التبطح بالاستراحات
تحت شعار لعب البلوت في البيت مفيد للصحة أكثر

( ناوية تحشر كل خلق الله في بيوتهم مايطلعون )..



يعطيك العافية ..



البسمة الخجولة غير متواجد حالياً التبليغ عن مشاركة سيئة  
Facebook Twitter
قديم 27-07-2010, 09:30 AM   #7
S 3 d o n a
موقف بحجز الناصريه
S 3 d o n a فوق  هام السحبS 3 d o n a فوق  هام السحبS 3 d o n a فوق  هام السحبS 3 d o n a فوق  هام السحبS 3 d o n a فوق  هام السحبS 3 d o n a فوق  هام السحبS 3 d o n a فوق  هام السحبS 3 d o n a فوق  هام السحبS 3 d o n a فوق  هام السحبS 3 d o n a فوق  هام السحبS 3 d o n a فوق  هام السحب





| |



إقتباس »
سؤال الموضوع : بكل بأمانة .. وش رايكم بالمدخل والمخرج .!؟
آلمدخل وآلمخرج = منآسبين للموضوع ، الزبده إنهم حلوين

بخصوص إدمان البلوت .. حقيقه فيه كثير أدمنوا البلوت ،
أعرف واحد شنطة البلوت ما تفآرق سيآرته
وفيها مجهّز آلعزبه كلهآ من " قلم + ورق تسجيل + ورق البلوت " .. يعني عزبه متنقله !


خصوصاً في الطلعات البريّه و الإستراحات والتجمّعات الشبابيه .. مع بيالة الشاهِي !
يصكصكون بلوت لين ينفجر دماغهم !
موضوعك بالصميم صراحه .. الآن هناك من يعاني من إدمان البلوووت !

تقبل مروري / .. سعدونـاا ،




S 3 d o n a غير متواجد حالياً التبليغ عن مشاركة سيئة  
Facebook Twitter
قديم 27-07-2010, 09:36 AM   #8
شـآهـي منعنع
مقلع قهوة مميز
 
الصورة الرمزية الخاصة بـ شـآهـي منعنع
شـآهـي منعنع فوق  هام السحبشـآهـي منعنع فوق  هام السحبشـآهـي منعنع فوق  هام السحبشـآهـي منعنع فوق  هام السحبشـآهـي منعنع فوق  هام السحبشـآهـي منعنع فوق  هام السحبشـآهـي منعنع فوق  هام السحبشـآهـي منعنع فوق  هام السحبشـآهـي منعنع فوق  هام السحبشـآهـي منعنع فوق  هام السحبشـآهـي منعنع فوق  هام السحب

صن<<<<<<<<<<<<خير؟

ههههههههههههههههههههههههه ررررررهيب موظوعك قسم بالله اهنيك عليه صرااااااااااحه
المدخل والمخرج حقاتك ذكروني بحق مجلة باسم نفس البوهه قسم بالله

خخخخخخخخخخخخخخخخخ هذاك اليوم نشبت لابوي الاااااااااااااا علمني بلووووووووت..
امي عصبت تقول بدل ماتقولين اتعلم الطبخ شي يفيدتس وانا امك بذا الاجازه تقولين علموني بلوت؟؟؟ .. ياايمه بتعلمنا الدنيا غصب
امنيتي اسطر بدفتر كذا : لنا | لهم تعبت اسطر: انسان| حيوان | جماد |بلاد خخخخخخخخخخخخخخخخخ

المهم خل اعلمك <<< من تعلمين؟
للي مايعرف يعني ومستحي يقول علموني<<

الورقه تتكون من 32 ورقه هماه؟ ومن اربع زاتات مدري زاتاث اللي هي :
الديمن <1
الهاص <2
الشريه <3
والسبيت <4

و الحكم>>>> اكبر شي فيه الولد همين التسعه والاكه والعشره والشيبه والبنت والثمانية والسبعه

اما الصن>>>> اكبر شي فيه الاكه همين العشر و الشايب والبنت والولد والتسعه والثامنية والسبعه


هذا دفتر البلوت حق ابوي وعماني :



ترى انا مابعد طبقت عملي بس قاعده احفظهم اللحين
ومتى ماتعلمتها صح ابصير اروح مع ابوي والعب البلوت مع عماني<<<<<<<<<<<<<<<مااااااااااااااااابقى الاهي؟؟؟؟؟؟

يعطيك العافيه
كل يوم نزل موضوع مثل ذا




اخر تعديل كان بواسطة » شـآهـي منعنع في يوم » 27-07-2010 عند الساعة » 09:55 AM.
شـآهـي منعنع غير متواجد حالياً التبليغ عن مشاركة سيئة  
Facebook Twitter
قديم 27-07-2010, 09:56 AM   #9
همَّآني
من كبار اتحاديي الإقلاع
 
الصورة الرمزية الخاصة بـ همَّآني
همَّآني فوق  هام السحبهمَّآني فوق  هام السحبهمَّآني فوق  هام السحبهمَّآني فوق  هام السحبهمَّآني فوق  هام السحبهمَّآني فوق  هام السحبهمَّآني فوق  هام السحبهمَّآني فوق  هام السحبهمَّآني فوق  هام السحبهمَّآني فوق  هام السحبهمَّآني فوق  هام السحب

ياهلا والله بيعنني من قريت يوزرك قلت بس اكيد موضوع يستاهل

ماشاء الله عليك متميز وماقد قريت لك شي الا يستاهل التقدير

نجي لموضوعك البلوت ياحبي له

بعد خدمه اربع شهور حن علي خالي وعلمني اللعبه ياهي لعبه ماعاد اشره على ابوي وخوالي لاشفت واحد منهم ماعط شوشة الثاني وطايح فيه

معاهم حق ياولد اجل تخطيط وتعب واخرتها يخربها عليك واحد منسم

وتكمل القعده ببرادي شاهي اصفر الي رايحن فيها من القديم مو ثلاجة لجل الكيف

وتكييف على اعلى شي لجل السهره بتطول

واهم شي كم درزن بيالة شاهي لجل الاغراض الجانبيه للعب

وكم عمه يمانيه لجل الصداع المرافق للعب

ايه ادمان الله يعطينا الصحة ونكمل هالادمان >>>>>>مابه امل تفك

يعنني موضوع واسلوب ومدخل والمخرج والفكره

وفوق هذا كله شخصيتك الي بجد تعطي للموضوع حلاة روح ربي يسعدك دوم وفالك التمييز



همَّآني غير متواجد حالياً التبليغ عن مشاركة سيئة  
Facebook Twitter
قديم 27-07-2010, 10:24 AM   #10
تِساهيلْ
Sparkling in fashion
 
الصورة الرمزية الخاصة بـ تِساهيلْ
تِساهيلْ فوق  هام السحبتِساهيلْ فوق  هام السحبتِساهيلْ فوق  هام السحبتِساهيلْ فوق  هام السحبتِساهيلْ فوق  هام السحبتِساهيلْ فوق  هام السحبتِساهيلْ فوق  هام السحبتِساهيلْ فوق  هام السحبتِساهيلْ فوق  هام السحبتِساهيلْ فوق  هام السحبتِساهيلْ فوق  هام السحب

هلا بالعيارين واهلها ..
الموضوع كوم وهالرد كوم
إقتباس »
الرسالة الأصلية كتبت بواسطة شـآهـي منعنع »
صن<<<<<<<<<<<<خير؟

ههههههههههههههههههههههههه ررررررهيب موظوعك قسم بالله اهنيك عليه صرااااااااااحه
المدخل والمخرج حقاتك ذكروني بحق مجلة باسم نفس البوهه قسم بالله
انا دايم استملحك بس هالمره بغيت اكلك انتبهي لاتذبين مره ثانيه عشان ماانقلب مصاص دماء

نرجع لديمن وربعه ..
الموضوع مريت عليه شوي بس ماقريته لكن لي له رجعه ان قدر الله باين انه رررهيب ..



تِساهيلْ غير متواجد حالياً التبليغ عن مشاركة سيئة  
Facebook Twitter
إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 08:39 AM.

الأن حمل تطبيق منتديات الإقلاع

 

هام: لجميع مستخدمي ايميلات شركة مايكروسوفت (hotmail,msn,outlook......الخ)
 

في حال تاخر التفعيل او اي مشكلة طارئة او ما يخص العضوية الذهبية او التجارية من استفسارات يمكنك ابلاغي هنا وتسعدني متابعتك   

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.7
Copyright ©1999 - 2014, Jelsoft Enterprises Ltd.
جميع الحقوق محفوظة منتديات الاقلاع - شبكة الاقلاع