منتديات شبكة الاقلاع ®

الانتقال الى الصفحة الرئيسية عضويات التميز (الفضية + الذهبية + التجارية) موقع ieqla3 متخصص بجميع منتجات شركة apple أنظمة وقوانين وتعليمات الموقع   وقف شبكة الإقلاع الخيري مركز رفع الصور والملفات تابعونا على موقع تويتر بوابة الانباء
اقلاع بلاك بيري البحث السريع برامج الإقلاع المجموعة البريدية جوال الإقلاع أنظمة وقوانين وتعليمات الموقع للإعلان في شبكة الإقلاع
العودة   منتديات شبكة الاقلاع ® > المنتديات الإقلاعية > منتدى العيارين
التسجيل التقويم التأشير على جميع الاقسام بالمشاهدة


إغلاق الموضوع
 
أدوات الموضوع طريقة عرض الموضوع
قديم 21-05-2010, 04:05 AM   #1
فرآإشة المنتدى
خبير إقلاعي مميز
 
الصورة الرمزية الخاصة بـ فرآإشة المنتدى
فرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحب

Talking البنت اللتي نشبه .. عندما يلازمك حظك الشين اينما ذهبت




السلام عليكم ورحمة الله وبركاته

ســ آالخير ... صــ آالنور


كيفكم يا الاقلاعين والاقلاعيات


هذا الموضوع الفيرست لي
وان شاء الله مايكون اللاست < توني متعلمه هالكلمتني تراني مو يعنني
وان شاء الله اكون فال خير عليكم
ومولود بركه


^
مشو مشو



مو هنا القضيه

بموضوعي هذا بتعرفون الحظ كيف ماشي معي وكيف هو يفلق الصخر



هذا الله يسلمكم من وانا علقه ببطن امي ..الـــَمره كان ودها تتخلص مني بأي طريقه ..
واحس انه مابقى سرير ماتدحرجت من فوقه ولا بقى مرتفع الا وتسلقته وانا ناشبه فيها
في مكاني ماتزحزحت


قدر الله وكبرني لين صرت مضغه ومازلت ناشبه في مكاني ولا حياة لمن تنادي
مرت الايام والايام والايام واصبحت طفلا بريئا يكسوني لحما وعظاما وارطالن من الشحم


وجا اليوم الطبيعي اللي فيه تفرح الام بمولودها على سنه الله ورسوله

بس امي تسنها مالها مزاج تطلعني انا حز بخاطري وحسيت بانه يكسوني الحزن وبدت عيوني تتراقص وينزل ميزان شفتاي
عاد كيف جتني هالمشاعر لحد يسأل المهم اني بديت ارافس ببطن امي لعل وعسى ترميني بأي زاويه ..

والمره صامله مافي راسها تطلعني خفت اني اقعد ببطنها لين اوصل مرحله الشيخوخه وانا ماحسيت بهالدنيا اللي يتكلمون عنها

سمعت صوت من بعيد كلام مافهمته ... احد يقول ماتخفيش ماتخفيش .. عرفت انها الدكتوره وكانت اول كلمه اتعلمها وحسيت انها كلمه السر . . ومن بعدها اخيرا طلعت للدنيا
ووقتها عرفت معنى الغثاثه


و حسيت اني البنت اللتي نشبه



دخلت البيت وعديت الموجودين لقيت المكان مكون من 15 بنت و ولد واحد
ومن سوء حظي اني طلعت البنت الاخيره .. وعرفت لحظتها وش سالفة الحقد علي من وانا علقه

جو يبون يسموني وتعبو من التفتيش في الاسماء الجديده وكل مايلاقون اسم يكتشفون انهم مسمينه اختي اللي قبل وهكذا لين
بلغت السنه العاشره وكتب المدرسه بيدي والكل يناديني ياهيه ياهيه



في الاخير مدري من اعتقني وشاورهم انه يسميني ( نهايه ) تيمناً بجدتي اللي جت بعد 14 بنت < طلعت السالفه وراثه



مرت الايام والسنون والاعوام والقرون وانا عايشه بهالدنيا اقابل بنت عمي واروح لبنت خالي

و ادرس عند صديقتي وانام عند جدتي واعيش حياتي مثل اي بنت تحس انها ماهي نشبه


يوم من الايام كنت جالسه مع بنات خالي ماسكه الجوال بيدي واحاول افكك رموزه بما اني دلخه

منذو الصغر بسبب الرتفيسات اللي جت براسي من كثر ما أمي تهابد في كل مكان عشان تتخلص

مني وانا ناشبه لها < اخلصي علينا

المهم اني حست بالجوال الا فجأه بالغلط رديت على رقم بطريقه فووجائيه ..

طلعلي صوت كأنه صوت رجال وانا بهالامور كنت من جنبها ما اعرف افرق بين صوت البنت
والرجال من دلاختي < بس مالكم بالطويله..


بنت خالي نغزتني وقالت تكلمي وشوفي وش سالفته


طبعا خلوني اقولكم نبذه مختصره عن بنت خالتي ..


اسمها منيره بعض الاحيان تكون في قمة الروقان القاها تضحك وماتمر دقيقه الا واحس بنيران
تشلع وجهي ابي اعرف مصدر هالحراره الا خنافرها فاتحتها والشراره تطلع من عيونها

ولا احد غلط عليها بس مزاجيتها تذبحها ..

دايم تردد لي كلمه ... ازحف تنحف < اذكر جدي اللي مات كان يقول هالكلمه ومرت اجيال
ونسيناها بس هي مازالت متمسكه فيها ابا عن جد


طبعا انا بما ان نسبه الشحم بجسمي تطغى علي قلت خلني اطبق هالكلمه يمكن صدق
انحف ... وكان ابو رقم جاي بوقته ..



انطويت عن الشله واخذت جلسة القرفصاء وحاولت احط مناديل على الجوال لعل وعسى يهجد
صوتي ويصير انثوي


قلت الو
.. قال لي الو اخبارك ..
طبعا احسه يسأل وهو متردد مو فاهم قصة صوتي بنت والا ولد والا فضائي
قمت اخذ بقايا المنديل لعل وعسى يبعد صوتي وماعاد يقدر يميز


كانت منيـّر دايم تطلبني اخدمها وقت الازعاجات وانحّش كل المتطفلين وطبعا بجداره ينجح صوتي
بتفريج كربها



المهم .... حاولت اعدل بجلستي يمكن هي السبب في خشونه صوتي وكدست كل المناديل
وغطيتها بالجوال وحاولت ازحف لعل وعسى انحف وطول الوقت وانا اضحك ع المالي
والبطال ...

ومابقى سالفه الا وقلتها ولا عطيت اللي قدامي فرصه انه يتكلم او يعلق على اي شي واستمريت
حول الثلاث ساعات وفي الدقيقه الاخيره استغربت الوضع وش فيني ما اسمع نفس



وجيت اشيك ع الجوال الا المكالمه قافله من الخمس الدقايق الاولى وطول الوقت اسولف على
نفسي واعيد ذكرياتي يالله ع الاقل كنت محتاجه اعيش وقت تجديد للذاكره < ماترقع لنفسها ابد





فرآإشة المنتدى غير متواجد حالياً  
Facebook Twitter

قديم 21-05-2010, 04:06 AM   #2
فرآإشة المنتدى
خبير إقلاعي مميز
 
الصورة الرمزية الخاصة بـ فرآإشة المنتدى
فرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحب


مرت الايام والايام والايام < ياطول عمري صدق لاقالو نشبه

وانا مازلت شابه ازقح بين الفينه والفينه ...

كنت اتجول بين اسياب بيتنا العتيق واتصاقع مع اخواتي ( بالعربي اتصادم )

بما ان بيتنا كله غرفتين وسيب ومطبخ وهالسيب انت وحضك ...

واذ فجأه شفت بنت خالي رازه خشتها عندنا ..
وقالت بسرعه خلنا نروح نفرج عن نفسنا ... قلت لها قدام

انا كالعاده البنت المطيعه اللي يقولون لها امشي يمين تمشي يمين .. طيحي من جبل ارمي نفسي

خصوصا مع بنت خالي ماودي انشوي من خنافرها فأي شي تطريه اقول تم

مشينا للمجمع المعروف بكثرة زواره خصوصا من فئه الشباب بالرغم من ان المجمع مافيه محل
رجالي واحد بس شكلهم يحبون اهاليهم واجد وماخذينهم يتسوقون كل نهاية اسبوع



كالعاده نمشي بالسوق وانا زي الشغاله امشي وراسي ع الارض ما احب اروح مجمعات لاني ملياااانه والقى تعليقات ترويحيه دعائيه ..



مشيت كم خطوه ورفعت راسي بالصدفه الا القى احد كأنه معجب فيني .. في تلك اللحظه لوهله حسيت اني هيفاء وهبي سويت نفسي ثقيله وماتحركت من مكاني


ولا حاولت اطالع ... اسمع صوت من بعيد بس ماقدرت اركز على الكلمات .. حاولت اجمع الحروف
وتصفحت قاموس كلمات مخي بس ماطلع لي الا كلمة ماتخفيش
ماتخفيش

بس لاحظت انها ماتناسب الحروف اللي اسمعها من بعيد


الصوت بدى يقرب مني وانا بديت اصبصب عرق وافكر انه مايصير اللي اسويه وجا ببالي امي واهلي ومدرستي < وش دخل
الا اشوفه جاي عندي وانا قررت اني ما اعطيه وجه ..

قرب مني وقالي

ياحائط الصد وخري مناك شوي غطيتي علينا نبي نشوف العالم ..


لا من جد لا
ماتفنقا على كذا


انا حسيت ان الدنيا تدور فيني وبديت ارقص الهيب هوب وطلعت كل انواع النجوم بعيني

ونشبت دموعي مو راضيه تنزل من الجبال اللي مرتزه بخشتي وركضت ركضت ركضت ركضت

و اشوف باب الخروج قريب مني ما اصدق واخيرا بطلع من هالعالم
ومازلت اركض وانا محطمه الا

و ..... طاااااااااااخ

عذرا اخي الزائرالمخرج من الباب الثاني < ورقه مصمغه ومصفوقه على الباب

ارتطم جسمي على الباب وسببت هزه ارضيه بسيطه ادت لتحطيم ما تبقى مني

يالله لك الحمد على نعمه الغطا و سويت نفسي ما انحرجت واستمريت اركض واركض واركض لين وصلت بيتنا < اسمع بالخيال


ارتميت على اقرب مخده وقمت ابكي بكل ما اوتيت من قوه طلعت سعابيلي من حنجرتي
وقمت اعضعض المخده من القهر وبعد ماهديت ونسيت السالفه رفعت راسي الا القاني ماسكه مخده الشغاله ورجعت كل مافي بطني من طعام

وبعدها تأكدت ان حظي يفلق الصخر

نسيت بنت خالي هناك وخفت اني ارجع واكسر الباب الثاني .. فقبعت في مكاني

مرت الايام والايام والايام < ياليل مطولك

وقررت اسوي ريجيم قارص يحببني في نفسي واشوف وش مشكلتي مع الناس هل السبب اني نشبت ببطن امي لين تسببت لي بالدلاخه او عشان منظري الجميل الغني بالدهون واللحوم

قمت اليوم الثاني وكان اول يوم في الريجيم وصحيت وانا احس ان امعائي ومعدتي قاعدين يتهاوشون .. وكأن اللي فهمته من السالفه ان معدتي مو عاجبها الوضع

طبعا كالعاده كان علي الغدا مثل اي يوم ... ودايم الطفل النشبه اللي يجي غصب عن اهله يكون ابر العيال والطفهم

غديت اهلي المصونين اللي ماكانو يبوني < حاقده
وسويت لهم جميع سبل الترفيه ..
مرت ايام وايام وايام < نهايتي بتسطر

ووصلت للجسم المطلوب ..

بدو يتهافتون الي الخطاب من كل حدب وصوب ( ارحمينا ياباسكال ) < ياقدمي

وتزوجت وخيطت ثوب زوجي وجرحت اصبعي وتمنيت بنت خدودها مثل خدود دمي <
ورزقنا ربي بالعيال والبنات

وتوفى ابوي ... وامي تشردت بين خواتي وما اهتم فيها الا انا


ويوما بعد يوم اصبحت احس بأني البنت اللتي ليست نشبه


الخلاصه

لحد يكره شي كان يبيه الله < ابو التعبير ياشيخه
لحد يسمع كلام بنت خاله القشرا و تراني لسني احب اللسلسه
حاولو تقللون شحوم يقولون انها تغطي على القلب وتقطع الرزق



...

ملاحظه
القصه هذي لاتمت لي بصله والدليل ان ماعندي بنات خاله < احلفي بس



سي يو في موسم اخر




فرآإشة المنتدى غير متواجد حالياً  
Facebook Twitter
قديم 21-05-2010, 04:13 AM   #3
بدويه نقووود
من كبار خبراء الديكور
 
الصورة الرمزية الخاصة بـ بدويه نقووود
بدويه نقووود فوق  هام السحببدويه نقووود فوق  هام السحببدويه نقووود فوق  هام السحببدويه نقووود فوق  هام السحببدويه نقووود فوق  هام السحببدويه نقووود فوق  هام السحببدويه نقووود فوق  هام السحببدويه نقووود فوق  هام السحببدويه نقووود فوق  هام السحببدويه نقووود فوق  هام السحببدويه نقووود فوق  هام السحب

اولي

برب

88

باك

اسمها صلخير لاننا صباح

إقتباس »
وان شاء الله اكون فال خير عليكم
ومولود بركه
ياااارب تكونين يدايه خير وبركه و يعم بنفعك ارجاء البلاد وعايلتك والاقلاع بعد

إقتباس »
في الاخير مدري من اعتقني وشاورهم انه يسميني ( نهايه ) تيمناً بجدتي اللي جت بعد 14 بنت < طلعت السالفه وراثه
ذكرتيني بوحده سموها اهلها فاطمه عشان تفطم البنات يعني ماعاد يجن البنات عقبها

إقتباس »
الا واحس بنيران
تشلع وجهي ابي اعرف مصدر هالحراره الا خنافرها فاتحتها والشراره تطلع من عيونها
يعني هي من فصيله البني ادميين ووقت الزعل تقلب تنين

إقتباس »
الصوت بدى يقرب مني وانا بديت اصبصب عرق وافكر انه مايصير اللي اسويه وجا ببالي امي واهلي ومدرستي < وش دخل
والله حنا مساكين يالبنات لامن غازل الولد حنا اللي نخاف تحسين انك مخزيه لأن العالم بيلبسونك انتي التهمه

إقتباس »
الا اشوفه جاي عندي وانا قررت اني ما اعطيه وجه ..
يااااااالبيه امووووووووت بالثقه يانااااس

إقتباس »
وبديت ارقص الهيب هوب
هنا انا مت من الضحك وزحفت من الضحك وتسدحت وقمت ونطيت وكل ابو شي من الضحك
بس تخيلت المنظر وقسم
اضحك الله سنك ,,, مخ رجك مخا مبرحا <~ رج مخك

إقتباس »
ادت لتحطيم ما تبقى مني
بالأحضاااان ياختي بالأحضااااااااان ماتعيطيش <~ بالمصري اقريها

إقتباس »
اركض واركض واركض لين وصلت بيتنا < اسمع بالخيال
ذكرتيني بلينا اللي مع عدنان

يااااالبى البنت الباره بس
ولبى المواضيع اللي تسذا بس
وخليك كل ابو يوم نشبه




اخر تعديل كان بواسطة » بدويه نقووود في يوم » 21-05-2010 عند الساعة » 04:41 AM.
بدويه نقووود غير متواجد حالياً  
Facebook Twitter
قديم 21-05-2010, 05:01 AM   #4
*الشريب بزه*
عضو مهوب جديد
 
الصورة الرمزية الخاصة بـ *الشريب بزه*
*الشريب بزه* فوق  هام السحب*الشريب بزه* فوق  هام السحب*الشريب بزه* فوق  هام السحب*الشريب بزه* فوق  هام السحب*الشريب بزه* فوق  هام السحب*الشريب بزه* فوق  هام السحب*الشريب بزه* فوق  هام السحب*الشريب بزه* فوق  هام السحب*الشريب بزه* فوق  هام السحب*الشريب بزه* فوق  هام السحب*الشريب بزه* فوق  هام السحب

فراشه المنتدى البنت النشبه

إقتباس »

قدر الله وكبرني لين صرت مضغه ومازلت ناشبه في مكاني ولا حياة لمن تنادي
مرت الايام والايام والايام واصبحت طفلا بريئا يكسوني لحما وعظاما وارطالن من الشحم
سبحان اللي خلقتتس <<مسويه تاثرررت بالموقف

إقتباس »
دخلت البيت وعديت الموجودين لقيت المكان مكون من 15 بنت و ولد واحد
ومن سوء حظي اني طلعت البنت الاخيره .. وعرفت لحظتها وش سالفة الحقد علي من وانا علقه
لو اني من امتس طبعت عليتس بالختم العائلي علشان ماتضيعين ونااااسه 15 بنت مدرسه داخليه مهب عايله

إقتباس »

ارتميت على اقرب مخده وقمت ابكي بكل ما اوتيت من قوه طلعت سعابيلي من حنجرتي
الحمــدلله اني منب مخده
إقتباس »
ياحائط الصد وخري مناك شوي غطيتي علينا نبي نشوف العالم ..
هههههههههههههههههههههههههههههههههههههههه قويه

إقتباس »
و اشوف باب الخروج قريب مني ما اصدق واخيرا بطلع من هالعالم
ومازلت اركض وانا محطمه
قوووي قلبتس واناااا ختتس خلي بايمانتس بالله قوي ياضعيفة الايمان اجل كلش يهزتتس

إقتباس »
عذرا اخي الزائرالمخرج من الباب الثاني < ورقه مصمغه ومصفوقه على الباب
بهاللحظه تمنيتس قعدتي ببطن امتي وشيبتي ازين من هالصبخه

إقتباس »
ارتطم جسمي على الباب وسببت هزه ارضيه بسيطه ادت لتحطيم ما تبقى مني
يامصااااريني انتي ابوتس ماخليتي شي ماتكسر وماتبين تتحطمين


فرآآشه انتي البنت اللي موب نشبه



*الشريب بزه* غير متواجد حالياً  
Facebook Twitter
قديم 21-05-2010, 05:53 AM   #5
فرآإشة المنتدى
خبير إقلاعي مميز
 
الصورة الرمزية الخاصة بـ فرآإشة المنتدى
فرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحب

إقتباس »
ذكرتيني بوحده سموها اهلها فاطمه عشان تفطم البنات يعني ماعاد يجن البنات عقبها


كني حاسه فيها هالبنت طبطبو عليها بس لاتوصل فيها الحاله ثم تاخذ منحى ثاني

إقتباس »
يعني هي من فصيله البني ادميين ووقت الزعل تقلب تنين



وهو فيه وقت غضب البنت قالبه تنين الله لايعوق بشر في جميع الاوقات

إقتباس »

يااااااالبيه امووووووووت بالثقه يانااااس
شفتي كيف وقت الجد مافيه مزح


إقتباس »
هنا انا مت من الضحك وزحفت من الضحك وتسدحت وقمت ونطيت وكل ابو شي من الضحك
بس تخيلت المنظر وقسم

اضحك الله سنك ,,, مخ رجك مخا مبرحا <~ رج مخك




ياليل ابو دلاخه لاتنكبينا ماصدقنا فكينا من الجو وعالجنا بقايا المخ


إقتباس »
يااااالبى البنت الباره بس
ولبى المواضيع اللي تسذا بس

وخليك كل ابو يوم نشبه

كاني اشم ريحة سبه
ان شاء الله بنشب لكم كل ابو يوم
يسلمووشن ع المرور القدع



فرآإشة المنتدى غير متواجد حالياً  
Facebook Twitter
قديم 21-05-2010, 05:54 AM   #6
سمو انسانه
عضو قاضي
 
الصورة الرمزية الخاصة بـ سمو انسانه
سمو انسانه فوق  هام السحبسمو انسانه فوق  هام السحبسمو انسانه فوق  هام السحبسمو انسانه فوق  هام السحبسمو انسانه فوق  هام السحبسمو انسانه فوق  هام السحبسمو انسانه فوق  هام السحبسمو انسانه فوق  هام السحبسمو انسانه فوق  هام السحبسمو انسانه فوق  هام السحبسمو انسانه فوق  هام السحب

ماتخفيش , ماتخفيش

ودي اعرف وشو ذا المجمع << هذي الي بتتسطر صدز



سمو انسانه غير متواجد حالياً  
Facebook Twitter
قديم 21-05-2010, 06:03 AM   #7
فرآإشة المنتدى
خبير إقلاعي مميز
 
الصورة الرمزية الخاصة بـ فرآإشة المنتدى
فرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحب

إقتباس »
لو اني من امتس طبعت عليتس بالختم العائلي علشان ماتضيعين ونااااسه 15 بنت مدرسه داخليه مهب عايله

ومن قالك مافيه ختم عائلي
عضه ع الكتف تخلي اللي مايشتري يتفرق < بالمصري على قولت بعض الناس


إقتباس »

الحمــدلله اني منب مخده
< فيس فآإآإتس ضحك اقوى شي
يختي المخده كان يحتاج لها تنظيف بالمره


إقتباس »
يامصااااريني انتي ابوتس ماخليتي شي ماتكسر وماتبين تتحطمين


ازمه في كل حته
يازين اللي يسوي بصمته في كل مكان

إقتباس »

انتي البنت اللي موب نشبه
وهـ وهـ تسلم هالطله



فرآإشة المنتدى غير متواجد حالياً  
Facebook Twitter
قديم 21-05-2010, 06:03 AM   #8
فرآإشة المنتدى
خبير إقلاعي مميز
 
الصورة الرمزية الخاصة بـ فرآإشة المنتدى
فرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحبفرآإشة المنتدى فوق  هام السحب

إقتباس »
ماتخفيش , ماتخفيش

ودي اعرف وشو ذا المجمع << هذي الي بتتسطر صدز

^
قصه من نسج الخيال




فرآإشة المنتدى غير متواجد حالياً  
Facebook Twitter
قديم 21-05-2010, 11:34 AM   #9
بآيـسُــن
عضو قاضي
بآيـسُــن له مستقبل يوسع الصدربآيـسُــن له مستقبل يوسع الصدربآيـسُــن له مستقبل يوسع الصدربآيـسُــن له مستقبل يوسع الصدربآيـسُــن له مستقبل يوسع الصدربآيـسُــن له مستقبل يوسع الصدربآيـسُــن له مستقبل يوسع الصدربآيـسُــن له مستقبل يوسع الصدربآيـسُــن له مستقبل يوسع الصدربآيـسُــن له مستقبل يوسع الصدربآيـسُــن له مستقبل يوسع الصدر

هههههههه , الله في خقله شؤن
دى أنتِ , مشكككله على المجتمع وأنحلتَ ليه تعيدين المآضي . . ,
تصدزينْ أول مآره أقرى موضُوع بَ القسم هذآ على كثر مَ أدخله
الا أحسَ الموضوع الوآحد دبل عن كتآب | لآتحزنْ | <

مآعليش مآلقيت الا بمَخي هَ الكتآب > من العلم والثقافه للخشم عندي
أوب شينْ حظتس , قريت موضوعك طآمري بين الزهور يَ بنتي , بَ الله مهيب مشكله الواثقين
,

بعدينْ وشهوله تموتين أبوتس وتشردينْ أمتس . . ؟ حتى بخيالك عذرآ عآٌقه ,
> . . دوتس . .
::

( كنت أبكتب شي هنآ بس نسيت )



بآيـسُــن غير متواجد حالياً  
Facebook Twitter
قديم 21-05-2010, 11:48 AM   #10
ياصبري
عضو توه جديد
ياصبري ترا التقييم على جريف

اذا كذا نشبه اجل ياليتك تنشبين لي



ياصبري غير متواجد حالياً  
Facebook Twitter
إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 06:59 PM.

 

هام: لجميع مستخدمي ايميلات شركة مايكروسوفت (hotmail,msn,outlook......الخ)
 

في حال تاخر التفعيل او اي مشكلة طارئة او ما يخص العضوية الذهبية او التجارية من استفسارات يمكنك ابلاغي هنا وتسعدني متابعتك   

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.7
Copyright ©1999 - 2014, Jelsoft Enterprises Ltd.
جميع الحقوق محفوظة منتديات الاقلاع - شبكة الاقلاع