[مطبخ الإقلاع]

حيّ الطيبين والطيبات
اخباركم .. ان شاء الله مبسوطين


كعادته مطبخكم يدور الي يسعدكم ويسعى الى التجديد والتغيير
وبعد فتره هالركود حبينا نرجع بموضوع تفاعلي بفكره جديده
واللي هو وليد فكر بنات مطبخنا الراقيات
وهالفكره جتنا من كذا بنت من المطبخ فحبينا نرضيكم
وننجز ولو جزء بسيط من ابداعكم


موضوعنا سهل وواضح
وراح يسهّل علينا جمع الاكلات ذات الصنف الواحد
وبيساعد كثير منااا بإذن الله

الفكره ~
في كل مره راح نختار لكم صنف من الاصناف اللي تكثر حوله الاطباق بطرق متعدده
وبخبراتكم وتجاربكم تعطوننا مجموعه من الاطباق اللي تحتوي على هالصنف ( كصنف رئيسي )

[ يعني مثلن اخترنا الباذنجان.. فتكون الاطباق المعروضه كلها عن الباذنجان كصنف رئيسي في الطبق .. صينيه الباذنجان ..مسقعه وهكذا ]

نقاط مهمه كـ أساس لنجاح الموضوع

_ الأطباق تكون حول الصنف الي نعرضه فقط
_ الموضوع لاضافة الاطباق فقط وليس للإستفسارات او ردود الشكر
_ يفضل وجود صوره مع الصنف بشرط لاتحتوي على رابط موقع اخر
_ الموضوع انطرح لاجل يخدمكم فهو لكم ومنكم فرجائن رجاااائن رجااااائن اقروا الشروط زييييين قبل اضافة اي رد << وهاللقلب للي يقرون الشروط بس


يقرون الشروط بس


*

مع ثاني صنف ~



اللي متوهقه مع الشوكولاته وعندها كميات كبيره تبشر بسعدها ان شاء الله

*



إدارة مطبخ الاقلاع

الصنف الأول
[]| الصنـف عـلينـا .. والطبـق عليـكـ |[] ~ بطاطس × بطاطس << دعوه للمتوهقات d:

[مطبخ الإقلاع]

{ أقراص الأوريو...

فيه أحد مايحب الأوريو
بالله اللي مايحبه يقول ..أحس محد مايحبه
شوكلاته بيضاء..
أوريو مفصول عن بعض..
خليط الكورن فليكس بالشوكولاته...للزينه
/..
غمسي أقراص الأوريو بالوايت شوكليت..
رتبيها في شبك وتحته ورق زبده..
أتركيها تبرد..بعدين
زينيها بخليط الكورن فليكس بالشوكولاته( يكون لسا ماجمد)


**



{ كورنو شاكلت..

المقادير تقريبيه زيادتها أونقصانها لايؤثر على الإخراج النهائي
نحتاج لـ ..
كاس تقريبا.. كورن فليكس..باللوز والعسل
ربع كاس..شوكلاته بالحليب..
../
ذوبي الشوكلاته..
حطي عليها الكورن فليكس واخلطي..
لحد ماتلاحظين انو كل حبة كورن مغطاة تماما بالشوكلاته..
حطيها بأكواب البليسيه ..أعيدي ترتيبها..
اتركيها تبرد

**



{ بانيت شاكلت..

زيادة المقادير أونقصانها لايؤثر على الإخراج النهائي
نحتاج لـ..
بسكويت أولكر حق الشاي الكبير..مطحون خشن
علبة قشطه (أي نوع)
ومثلها زبدة الفول السوداني الخشنه..يعني نفس كمية القشطه تقريبا..
ربع كاس سكر..
شاكلت بالحليب..
../
اخلطي الجميع ماعدا الشوكلاته..
أفرديهم بصينيه.... مغطاة بالنايلون( لتسهيل رفعها بعدين)
حطيهم بالثلاجه لحد ماتجمد وتتماسك..
بعدين قطعيهم مربعات او مستطيلات..
حطيهم على ورق زبده متفرقين... وعلى الفريزر..
بعد 30 دقيقه..
غمسيهم بالشوكلاته المذوبه بحمام مائي
أو تكون مذوبه بالميكروويف..


:
:
الصور تشرح..

[مطبخ الإقلاع]

{ كرات...كرات

كثير من الحلويات تقدرين تسوينهم كرات..
غمسيهم بالشوكلاته السايحه...
وتمتعي بالسهوله والشكل الجميل




{ كرات كيك.. الأوريو

نحتاج لـ ...

أوريو ( الباكت اللي فيه 6 حبات) نحتاج 6.. منه
علبة قشط..
واللي مايحب لون الأوريو القاتم...مكن يخلط شوية بسكويت الجوزاء
أو اولكر...او اي بسكويت لونه فاتح.
../
نطحن الأوريو..
نخلطه مع القشطه..
نكوره ونحطه بالفريزر..
نغمسه بالشوكلاته البيضاء..
ونقدمه حسب مانبي..لو تبونه زي حلوى المصاص..
أغرسوا الأعواد قبل تغمسينها بالشوكلاته..

**




{ كرات الدايجستيف.

علبة بسكويت دايجستيف..مطحون خشن..
علبة قشطه..
شوكلاته بالحليب
../
أخلطي البسكويت مع القشطه..
كوريه ..
حطيه بالفريزر..
بعدين غمسيه بالشوكلاته..


**




{حلا بس رزه >> خلصت الأسامي

للأسف هذا خرابيطه كثيره..
كنت مصوره له كم صوره... المقادير وهي ومصفوفه
وشكله من جوا
وطااارت الصور
بس مني صابره لحد ماصوره مره ثانيه بنزله لكم احين ..
وان شاء الله ...اذا سويته مره ثانيه ..
صورته ونزلت لكم التفاصيل مصوره
...
نحتاج لـ

8حبات بسكويت برنس المدور مايكون مغمس بشوكلاته

18 قطعة أوريو

>> تطحن خشن وتخلط مع بعض..
بعدين......

نص ك جوز هند
علبة حليب نستله
1ك حليب محموس
../
أخلطي كل المقادير..
رصيهم بصينية (( ممكن تسوينهم كرات))
حطيهم بالثلاجه بعدين قطعيهم مربعات..
رجعيهم بالفريزر بعد ماتصفينهم على ورق زبده..
اتركيهم 30 دقيقه
غمسيهم بشوكلاته بالحليب مذوبه..
حطيهم على شبك..تحته ورق زبده..
وعلى الثلاجه..

[مطبخ الإقلاع]

حلا التراميسو



المقاديرر:
2قشطه
6حبات جبن كيري
3دريم ويب
2كريم كراميل
حليب
كيك امريكانه
بسكوت الاصابع ما اعرف اسمه
كاس مويه
و3ملاعق نسكافيه
وفنجال سكر
الطريقه:
اول شيء نسوي القهوه كاس مويه نغليه مع القهوه والسكر ونحركه كويس
نخليه على جنب
نسوي الخلطه اول شيء نحط علبتين القشطه مع الجبن مع شوي حليب علشان الجبن يختلط زين في خلاط الكيك بعدين نحط الدريم ويب وكريمه وحليب زياده
يكون الخليط موثقيل مره
نقطع الكيك شرايح نصفه في الصينيه ونجيب الريشه ونسقي الكيك بالقهوه ونحط الخليط الاصفر ونساوي الطبقه بعدين نصف البسكوت الاصابع ونسقيه بالقهوه وبعدين الخليط الاصفر وبعدين البسكوت ونسقيه بالقهوه ونحط الخليط الاصفر كله
بعدين نرش شوكولاته باودره و2 فليك وندخله الثلاجه وبس

وبالعافيه عليكم

[BSMAH]

حلو حار× بارد × وقت واحد ..ماشاءالله مالكوم بالطويله بسم الله وووو نبلش بالمقادير.. كيكة جاهزه 1.قيمر 1.كريمة 6.آرو الطريقــة: 1. نحط قصدي نضع الكيك بالقالب او الصحن او.. 2. نذوب الكاكاوو (بحمام مائي) على قولتهوم ..أو بالماكروويف 3.نضيف القيمر OoO والكريمه.. Then... نحط قصدي نضع الخليط فوق الكيك.. وندخله الفريزر لمدة ساعه او اكثر .. Then... الطبقه 2 والاخيره المقادير & الطريقه: نص كوب سكر 3بيضات ...بصوره حطيت بيضتين كيفي بس لازم 3 م.ص فانيلا 6.قطع جبنة كيري Or جبة فلاديفيا وكلهوم بلخلاااااط ووبعديين فوق الكيك آخر شيء ندخله الفرن ربع ساعه بس ..لما يسير لونه اشقر اللون نطلعه وونقول بسم الله و آممممممم وآآآمممم ملاحظه صغنونه..يفضل أول ما تبدون بالطبقه ( الجبن والبيض و الفانيلا ) تشغلون الفرن عشان يسير حار ووبسرعه تستوي الكع كه Bs صحّ انا مسمرته حييييل..المفروض يكون اشقر مو اسمر:s Bs جد ديرو بالكوم على الفرن لاني مره دخلته الفرن ونسيته شويه:s والنتيجه: وااااخزياااه وصحتين..

[Infinito Amore]

كيك الشوكولاته بحشوة الاوريو


المقادير & الطريقه ``

خليط كيك الشوكلاطه .. وافضّل ( بيلسبيري) << وهنا صورته

طبعن في هالحلا ماانصحك ابدن ببيتي كروكر لانها خفيفه وتتفت معك << اخرة العشره

تخبزينه عادي حسب التعليمات الموجوده على الكيس
طبعن هنا عندك خيارين ..
1 - لو انتي محترفه .. اخبزي الكيك عادي واقسميه من النص بطريقه عرضيه

2 - لو انتي من جنبه ..اقسمي الخليط بين صينيتين واخبزيه عادي

واذا استوى جيبي الطبقه الاولى وحطيه في صينيه التقديم

الحشو ~

كوب قشطه خفق
تضرب في المضرب الكهربائي لين تصير غليظه ويضاف له
2 باكيت اوريو مكسر وتقلب برفق
ونحطه على الكيك
بعدين نحط طبقه الكيك الثانيه فوقه
(أسهل طريقه عشان تشيلين طبقه الكيك بدون ماتتقطع معك ..
حطي الكيك على صحن مستوي ماله اطراف ..وانتي فوق الكيك ابدي ادفعي الكيك لبرى بحيث تكون فوق الحشو )


لدهن الوجه ~

3 حبات جالكسي ساده أي اي شوكولاه مفضله


وتقدم بالعافيه ..
ومايحتاج تبريد .. او ممكن تبريد خفيف


,’





حلى الشوفان بالكرامل والنوتيلا



المقادير
1 كاس شوفان
1 كاس حليب بودرة
1 كاس جوز هند
الكل محمصين على النار لحد ماصار لونهم عسلي
بعدين نحط عليهم نص كاس سكر
ونعجنهم بكاس حليب سايل << اللي بالجيك

نبدأ نشكلهم على شكل دائري ونضغطه من النص يطلع
كنه غضارة شرب الماء حقت منول

نتركه بالثلاجة تقريباً ساعه
بعدين نطلعه ونحشيه زي مانحب
مره سويته وحشيته كرامل " توفي "
ومره لأ يقالي سويت حركة وخلطت توفي ونوتيلا والكل أعجبهم أكثر
وصحتين والف عافية



,’






Chocolate cookies


المقادير ``

ثلث كاس من الشكولاتة الداكنة

كاس دقيق

ثلث كاس كاكاو بودره

1 ملعقة صغيرة من بيكاربونات الصودا

نص ملعقة صغيرة من الملح

كاس زبد غير مملحه

نص كاس سكر بني

ثلث كاس سكر ابيض

1 ملعقة صغيرة من الفانيلا

1 بيضة

كاس شوكولاطه خام مكسره لقطع صغيره .. او ممكن تستبدلينه بحبيات هيرشي


الطريقة ``

سخني الفرن على درجة 170 درجو مئوية أو 325 فهرنهايت

نكسر الشوكولاته إلى قطع ونحطه في طبق ونحطه على قدر فيه ماء يغلي على درجة حرارة خفيفة ونقلبه على فترات لين يذوب

نحط الدقيق والكاكاو وبيكاربونات الصودا والملح في زبديه ونقلبه سوا

وفي زبديه ثانيه نضرب الزبده مع السكر الابيض والبني لين يصير الخليط خفيف بعدين نضيف الشيكولاتة الذايبة ونقلب الخليط

نضرب الفانيلا مع خليط الشوكولاته والزبده والسكر ونضيف البيض بعدين نقلبه مع المكونات الجافة
بعدين نضيف الشوكلاته المكسره او حبيبات الهيرشي
ونعجنها سوا بيطلع معنا عجينه الا شوي

نقسم العجينه الى قطع حسب الحجم الي تبون ( بس راعوا انها بعد الخبز راح يكبر حجمها الى الضعف تقريباً ) ونصفها بصينيه بس خلو شكلها عشوائي
يعني مو دوائر منتظمه لا حلاتها لا صارت متعرجه

ندخل الصينية في الفرن لمدة 18 دقيقة .. واختبريه بعود او منقاش ، إذا طلعت نظيفة تقريباً وبدون أي أثر للزبده تكون استوت وإن دخلت وسط الشكولاتة دخليه مره ثانيه بمكان فاضي

اتركي الكوكيز يبرد في صينيه الخبز مده 4 إلى 5 دقايق وبعدين انقليه لشبكة التبريد لو اي صحن عشان تزيد سماكته كل مابردت اكثر


قدميه بالعافيه

* تقدرين تسوين كميه و تحفظينه في علبه في الثلاجه ومتى مااشتهيتيه طلعي قبل بوقت عشان ياخذ درجه حراره الجو

[Infinito Amore]

حلى البسكويت بالشوكولاته



المقادير & الطريقه ``


الطبقه الاولى ~

باكيت بسكويت اوريو مكسر
باكيت بسكويت الجوزاء ( شوكولاطه) مكسر
باكيت بسكويت شاي عادي
باكيت بسكويت شاي مطحون

تخلط جميعها مع نصف علبة نستله
وترص في صينيه ( يفضل ذات القاعده المتحركه)

الطبقه الثانيه ~

باقي نصف علبة النستله اللي فوق
مع 8 حبات كيري في الخلاط
مع علبة قشطه
صبيه على البساكيت ودخليه الفرن لحد ماتتماسك

الطبقه الاخيره ~

جالكسي ساده مذوب
صبيه على الوجه واعملي الحركات اللي بدك



,’





Cheese oreo


المقادير & الطريقه ``


الطبقه الاولى ~

2 باكيت بسكويت مطحون ( عادي او دايجستف)
نص اصبع زبده
بياله حليب سايل

نخلطهم سوا ونرصهم في صينيه ذات قاعده متحركه

الطبقه الثانيه ~

علبه زبادي
4 بيالات حليب بودره
بيالتين سكر
باكيت بسكويت اوريو مطحون

نخلطهم بالخلاط ونصبه على البسكويت
وندخله الفرن لحد ماتجمد الطبقه وتتماسك

الطبقه الثالثه ~

بسكويت اوريو مطحون
رشيه على الوجه بكميه كبيره

دخليه الثلاجه يبرد لفتره مناسبه وقدميه مع القهوه العربيه


,’




كيكة التراميسو


سويت كيك بيتي كروكر بالشوكولاته وفتته اول ما طلعته من الفرن
وحطيت عليه فنجان شاهي ماء مغلي مع ملعقة كبيرة نسكافية
وتركته على جنب .. ( بنات مو لازم تسون الكيكة عادي جيبوا جاهز وفتتوه)

جبت الصينيه اللي تنفك وبطنتها بالكيك من تحت والأجناب
بنات الكيك بيلزق بسهوله لأننا حطينا عليه موية ونسكافية فطالع يميل للعجين شوي
وراح يمسك بسهولة بالصينية ..


سويت خلطه بالخلاط السكاكين ( محضرة الطعام )

عبارة عن ..

علبة جبن فيلادلفيا ممكن تستبدلونها ب6 الى 8 قطع جبن كيري
2ظرف دريم ويب
2ظرف كريم كراميل
4م ك نيدوأو اي حليب مجفف
1 مغلف بسكويت ساده مطحون ناعم
ربع فنجان نسكافيه محلول بماء ( الماء مغلي تقريباً فنجان شاهي )
4 ملاعق سكربودره

الخليط ثقيل نوعاً ما بنات لو حابين الحلى يتماسك أسرع
زيدوا بسكويت مطحون من ناحيتي تركته تقريباً 3 ساعات

حطوه على الكيك اللي بالصينية وغطوه بباقي الكيك اللي مفتت

غطيته بباقي الكيك وضغطت عليه بشويش عشان يمسك بالخلطة

تركته بالفريزر 3 ساعات وطلعته ..
ذوبت شوكولاته خام مع شوية قشطة بالمايكرويف وحطيتها عليه
وحطيت فوقها توفي برضو ..
زينته بحبات السكر الملونه ..
وصحتين وعافية للي بيجربونه


,’





براونيز بكريمة الجبنه



المقاديرْ ~


( 1 )


نص كوب زبده غير مملحه مذوبه بحرارة الغرفه ..
ملعقتين شوكلاته بودره
كوب وربع سكر
ملعقه صغيره فانيليا
2 بيضه
نص كوب طحين


( 2 )


6 حبات جبن كيري
ثلث كوب سكر
ملعقه فانيليا
بيضه ..


* المقادير بالاكواب المعياريه

الطريقه ~


- نخلط مقادير ( 1) ونصبها بصينيه ونترك شوي من الخليط عشان الوجه ..
- نخلط مقادير ( 2) ونصبها على ( 1 ) ونصب فوقها الجزء اللي تركناه ونحركه بالشوكه عشان يطلع شكل مموج


- ندخلها الفرن لحد ماتستوي الطبقه اللي تحت وتتماسك الطبقه اللي فوق "
- اتركوها تبرد شوي بعدين قطعوها

[Infinito Amore]

حلى الغابة السوداء

المقآدير :

1/ "1" كيك أمريكآنآ شوكلاته ..
2/ "1" ظرف دريم ويب ..
3/ بيآله حليب سآيل ..
4/ قشطه ..
5/ "4"جالكسي + ربع أصبع زبده ..
6/ "3" فلك ..

الطريقه :

يفتت الكيك ويوضع في صينيه دون الضغط عليه " ..
يخلط الدريم ويب + بيآلة الحليب [ بالخلآطه
بعدهآ توضع الخلطه ع الكيك ويرص بالصينيه ويدخل الثلاجه [ 10 دقآئق ] ..

بعدهآ يذوب الجآلكسي وتوضع عليه الزبده
ويرفع عن النآر وتوضع القشطه ويخلط جيدآ ويوضع على الكيك " ..

ويرش بالفلك للتجميل ..
ويوضع فالثلاجه ليبرد ..

وبالعآفيييه


,’





ميلك شيك بالاوريو


6ملاعق ايسكريم كبيرة
10 حبات بسكويت اوريو
1/2 1 كاس حليب بااارد
1/2 كاس ثلج مجروش.تخلط جميع المقااادير بخلاط العصير وممكن تزييين
بالهرشي مع اصاابع الاوريو..وتقدم




,’





حلى بلاك فوريست


1 ـ نخلط(جبن مسكربون..وان لم يتوفر اي جبن كريمي وعلبة قشطة،
1دريم ويب)توضع الخليط بالفريزر مدة عشر دقااائق
2ـنذوب 2جاالكسي في حمام ماائي..ثم يضاف له 2ملعقة من القشطة..ويترك جانبا
3ـ تقطع شرايح من كيك الجااهز وترتب في قااع طبق التقديم..ثم يضاف نصف مقدار
من خليط الجبن..ثم يضاف نصف مقدار الجااالكسي..ثم طبقة من صلصة التوت الازرق الجااهزة
4ـتكرر الطبقات بالتناوب وتجمل بوردات من الكريمة الجااهزة وحبات التوت وخطوط الشوكولاته
وتدخل الثلاجة حتى وقت التقديم..



,’





سوفليه شوكو


*بياض 4 بيضات +صفار
*كوب حليب
*3/4 كوب سكر
*2 ملعقه ك دقيق
*ذره ملح+ فنيلا
*ربع كوب كاكاو بودره

- نخفق البياض اذا تجمد نضيف 2 ملعقه سكر غير الكميه الي معنا على دفعات
- في زبديه نخفق الصفار +السكر 3/4+الحليب+الكاكاو +القيق+فنيلا
- نصب الخليط على الخليط الاول ونحرك بشكل دئري

- نوزعه في الاكواب الكميه تكفي 4 اكواب طبعا الكوب ندهنه بزبده ونغبره بالكاكاو

-في الفرن صينيه فيها ماء مغلي نضع الاكواب فيهاتصل لنص الكوب

- ربع او 20 دقيقه (لين ترتفع)


وبالعافيه



,’





حلــى كور الكـاكـاو



1- بالخلاط ( 2 دريم ويب + 2 قشطه + 2 كريمه كرميل + 8 حبات كيري + ملعقه صغيره نسكافيه )

2- نصف شرائح من كيك امريكانا في قاع الصينيه ثم نحط مقدار من الخلطه وثم طبقه كيك وثم الخلطه ..

3- نصف على الوجه حبات الشيكولاته ( المالتيزر ) وثم نرش الوجه بالكاكاو الباودر ..

_ يقدم بارد

[Infinito Amore]

حلا الطبقات


الطبقه الاولى : عبآره عن سويس رول شوكولآ مقطع لـ شرآئح
تصفينه في آخر الكآس

الطبقه الثانيه : عبآره عن ( كآس بسكويت مطحون + نصف علبة حليب مركز + 2 ملعقه قشطه ) نخلطهم مع بعض و نصبهم فوق الكيك

الطبقه الثآلثه : شوكولآ نوتيلآ و نتوصى شويه

الطبقه الرآبعه : في الخلآط ( بآقي الحليب المركز اللي هو نصف العلبة + من 3 - 4 حبآت جبن كيري )

المفروض يتزين بـ الشوكلآته الآعوآد بس مآكآن عندي و جنقل مآيشكي من شي


,’





اصابع السويتز



هذا اصابع سويتز محشيه جبن
اذا قليتيها
جيبي ملعقة قرفه و ملعقتين مليانه شوكولاته بودره حركيهم مع بعض
وابدي غمسي اصابع السويتز فيها
وبعدين صفيها في الصحن وصبي عليها هيرشي ونستله



,’





بسكوت مطحون + زبده ,, ترصينهم كطبقه اولى في اوراق البيليسيه في صينيه الكوب كيك
الطبقه الثانيه : كاس ونص جوز هند مع نستله تخلطينهم لحد ما تصير متماسكه شوي وتحطينه فوق البسكوت تدخلينه الفرن من فوق شوي بس عشان تتماسك زين بس لا تخلينها تتحمر ..
الطبقه الثالثه : تذوبين جالكسي بحمام مائي وتصبينه فوقهم ..
بعدين تدخلينه الثلاجه لحد مايتماسك وتقدمينه ..

وبالعافيه



,’








حلى كرات الكيسيز

المقـآدير :

( العجينه )

2 كـآس دقيق
1 م سكر
نصف ملعقه خميرهـ
رشة ملح
1 بيضه
ربع كـآس زيت
نصف كـآس مـآء

( الحشوهـ )

شوكلآته هيرشي kisses اللي بـ اللوز

( للتغطيه )

نصف كـآس سكر بني
3 ملآعق قرفه مطحونه
ربع آصبع زبدهـ

( للتزيين )

نصف علبة حليب نستله
4 حبـآت جبن كيري
شوكولآته مـآلتزرز

الطريقه :

- نخلط العجينه و نخليهـآ لـ حد مـآتخمر
_ نشكل العجينه على شكل كور صغيرهـ بعد مـآ نحشي كل وحده حبة شوكلآته هيرشي
- نغمسهم في خليط الزبدهـ المذوبه + السكر البني + القرفه
_ نصفهم في صينيه الكب كيك بعد مـآنحط ورق البليسيه
_ ندخلهم للفرن لـ حد مـآيستوون
_ بعد مـآيطلعون نتركهم يبردون شوي بعدين نصب عليهم خليط الحليب المركز + الكيري
و احنا نصبه نحاول نحطه في النص عشـآن ينزل من جميع الاطراف
_ نزينه بـ حبـآت المـآلتزرز
و بس



,’






كيكه الطبقات


كرتونه كيك شوكلاه العلايلي او بيتي كروكر
ومثلها بالفانيليا
1- تفتحين الفرن من تحت
2- تسوينهم مثل ما مكتوب في الكرتونه او اذا الكميه شويه وتبين الطبقات شوي
تسوين كيكة الفانيليا بعدين تقسمينها قسمين القسم الثاني تضيفين له بودرة شوكليت
3- تجيبين الصينيه ( ذات قاعده متحركه ) وتصبين مقدار مغرفه ( على حسب كبر صينيتكم )
من الخلطه البيضا وتدخلينها الفرن دقيقتين او 3 بالكثير بتكون استوت , تطفين الفرن من تحت
وتفتحين الي فوق بعدها تصبين الخلطه البني وهكذا ....... كل هذا وانتي جنب الفرن لا تروحين لانه
تستوي بسرعه
4- تجيبين 4 جالكسي ريبل فيه صورته فوق وتذوبينه في حمام مائي بعد ما يذوب تحطين عليه
واحد قشطه وتخلطينهم بسرعه وتصبينه فوق الكيكه وبس
عاد قبل هالمره سويت شكل فوق شخطت على الشوكلاه بالشوكه طلع وجه الكيكه كأنه خشب


,’





كيكـة الكريم كراميـل



أحلا لو كان عندك القوالب اللي مثل هيك أشكال وردة وقصر وقلوب وحركات خخخخ تطلـع احلا ,
مقادير الكريم كراميل :
2 باكيت كريم كراميل .
2 ملعقـه كبيره بودرة كاكاو .
2 فنجال سكـر .
5 ملعقـة كبيره حليب بودره .
كاس ونص مـآء .
_ تحطينهم على النـآر لحد مايغلـي صبيه بالقالب على طول لأنـه يجمد بسرعـه
وحاولي وأنتـي تصبين تخلين الكريمـه تاخذ شكل القالب ككل مو من فوق بس لأنـه يجمد بسرعـه
وهذا اللي أختـي ماسوتـه هوني .
ودخليها بالثلاجـه لحد ماتبرد أكثر شي بالدنيا =) /
مقادير الكيكـه :
الكيك الجاهز ( بيتي كوكر ) تخلطينها مع المقادير المكتوبـه على الكرتـون
لما نعملهـا نصب الخلطـه على الكريما بعد ماتكون بارده حيــل
نحط القالب في حمام مائي في الفرن من تحت بس على نار هاديــه .. ياخذ لـه ساعـه تقريبا
بعد ماتستوي الكيكـه ندخل القالب للثلاجـه يبرد ويتماسك
ولما يجي وقت التقديم
نحط القالب بمويـه حاره وشوي شوي ليـن ماتطلـع .
وبالهنا والعافيه

[حلا بنت خالد]

يعطيكم الف عافيه

حلى السنكرس


المقادير :
باكيت بسكويت الشاي
9 حبات جبن كيري
علبة قشطة
3 بيضات
ملعقة صغيرة فانيليا
فنجانين سكر
6 حبات سنيكرز الحجم العادي ( 60 غرام)


الطريقة:
. نكسر البسكويت باليد كسر صغيرة بس ماا يصيير مطحووون لا بس تكسير خفيف \ والأأفضل يكون بصينية التقديم البايركس
. نحط باقي المقادير في الخلاط ( الجبن + القشطة + السكر + البيض + الفانيليا) ونصب الخلطة فوق البسكويت المكسر
ممكن يتلخبط معك البسكويت رتبيه وضبطيه شوي بالملعقة
. دخلي الصينية الفرن 45 دقيقة على حرارة 350 فهرنهايت
. حطي السنيكرز بحمام مائي علشان يذوب بعدين صبية فوق الكيكة بعد ماتستوي ( السنيكرز مارح يطلح كويس لو صار اقل من 6 حبات وكل مازاد كل ماصار احسن فـ انتي ورغبتك تحطي 6 او 7 او 8 على راحتك )
. حطيه بالثلاجه حتى وقت التقديم



حلى حلو
المقادير:
بسكوت شاهي مطحون
شوكلاته بودره
قشطه
7 حبات جبن
نص علبه نستله كبيره
8 باكيتات كتكات
اوريو


الطريقه:
1-تحطين بسكوت الشاهي والقشطه وملعقتين شوكولاته في اناء وتعجينينها
2-بعدين تجيبين قوالب الكب كيك وتدهنينها وتحطين فوقها النايلو ((عشان تقدرين تطلعين الحلى بعدين))
3-بعدين تفردين عجينه البسكوت جوا القوالب
4-تكسرين الكتكات وتحطينه جوا القوالب
5-تحطين بالخلاط:
النستله+الجبن ثم تصبينها جوا القوالب
6-بعدين تاخذين حبة الاوريو وتفصلينيها عن بعض وتطلعين الحشوه وتغطين فيها القالب وتدخلينها الثلاجه مده مو قصيره عشان تجمد وماتتفكك عليك
7-بعدها طلعيها من القوالب وغمسيها بهيرشي وزينيها بأي شي انتي حابته

وبالعافيه ..