تجاربي:
حبيت اتكلم عن تجاربي بمنتجات العنايه للبشره الخاصه بالبشره الدهنيه او اللي تعاني من الحبوب..راح ارتب المنتجات علي حسب جودتها من الافضل الي الاسوء..
Clinuiqe three steps system
البرنامج مرره حلو اعطي نتائج حلوه مع مداومه الاستعمال ..فيه كل الخطوات الاساسيه من تنظيف بعده تونر وترطيب ..
بس اللي ماعجبني فيه التونر ..وراح تلاحظون ان اللي عندي التونر رقم 2 اللي للبشره العاديه ..والسبب ان بشرتي ما تتحمل أي شي فيه كحول ورقم 4 اكثر تونر فيه كحول فاخذت رقم 2 ..بس برضو رقم 2 فيه كحول والصراحه ما ناسبني ..هيج بشرتي ..والتونر المفروض يكون ph حقه نفس البشره يعني المفروض ما يكون قوي ع البشره ..عكس تونر هورميتا اللي كان بارد ومريح ع البشره ..ولا تقولون بشرتي دهنيه تحتاج شي زي الكحول عشان يخلصها من الدهون بالعكس كذا جردتي بشرتك من الدهون الزائده والدهون اللي محتاجتها لحميتها من العوامل الخارجيه وبكذا كرد فعل علي تجريد البشره من الدهون راح تفرز دهون اكثر تسببلنا الحبوب ونرجع لتفس الحلقه >>>يارب فهمتوا شي
السبب الثاني اللي خلاني اترك استعمال كلينيك لان الفتره اللي استعملته فيها صح تحسنت بشرتي بس بعدين صارت تطلعلي حبوب مره كبيره وما صار يفيد برنامج كلينك معايه !!(بسبب سوء بشرتي مو كلينك ..تابعوا القراءه)
Proactive
استعملته من زمان لما كنت بالمتوسط ..بالاول ع طول لقيت نتائجه من ثالث يوم ..وحلو ..احلي شي فيه الماسك حقه اللي بالكبريت
..بس لما صارت بشرتي اسواء زي حكايه كلينك ما صار ينفع معي..
Clean &clear
افضله كثير علي نتروجينا والسبب انو لطيف اكثر ع البشره ..بس اللي بالوسط في الصوره ..هذا اسواء شي استخدمته بحياتي لحب الشباب مرره قوي كأنه منظف زجاج
...وريحته قويه ..ولا له أي نتيجه بالعكس يهيج البشره ويخليها اسواء!!
Skin food tea tree for trouble skin
المجموعه هذي جابتها ليه امي الله حفظها
من دبي برضو غسول وتونرومرطب ..الشركه كوريه ومعروفه بمنتجاتها الطبيعيه ..للاسف استخدمت المجموعه بوقت كانت بشرتي فيه بحاله مستعصيه ..ولا اثرت فيه ..كاني استخدم مويه ع وجهي ..بس ما اقدر احكم عليه يمكن ينفع اذا كانت بشرتك فيها حبوب درجه متوسطه او خفيفه ..كان نفسي لو نفعت معايه ..خصوصا انها طبيعيه واسعارها مقبوله (ع فكره انتبهوا لتاريخ الانتهاء المنتجات مده صلاحيتها قصيره)
Seba med
شركه المانيه ..ما اقدر احكم عليها ..لاني ما استخدمت غير علاج موضعي للحبوب وكان حلو ويعطي النتايج المطلوبه!!
Neutrogena
ما يعجبني كثير ..اغلب منتجاته مره قويه وقاسيه ع البشره ..وتسبب جفاف..ما ناسبني خصوصا ان بشرتي غير انها دهنيه كمان جدا حساسه !!
فيه عنده مرطب للبشره الدهنيه مو موجود صورته ..كان حلو ..وكمان واقي الشمس حلو انه للاشعه uvb وuva بس عيبه انه مره ثقيل و دهني..
Babyface
هذا الشي سمعت عنه بالمنتديات ودورته بالمدينه وما لقيته غير بسوبرماركت بسكن المستشفي ..عند الفلبنيات يعني
<<<وانتي ايش وداك هناك
المهم اتذكر دخلت السوبرماركت ولما شفته مررا انبسطت ولا اسمه بيبي فيس قلت خلاص هذا هوه المطلوب ..اخدته وما فهمت شي رحت سألت ممرضه فلبينيه كيف استخدمه وقالتلي انه مره قوي احسلي استخدم شي طبيعي طبعا انا ما سمعت نصيحتها ويا ريتني سمعتلها !!
ما تذكر انه سوالي شي غير خلا جلدي ينسلخ ويطيح <<<فلم مرعب
بس من جد كانت قطع كبيره من جلدي تتقشر منظرها مقرف وفضيع ومأساه اذا كنتي تداومين وتقابلين ناس!!
Roaccutane
طبعا مرره مشهور ومعروف لعلاج حب الشباب ..ويستعمل للحالات المستعصيه !!
استخدمته قبل ثلاث سنين بوصفه من طبيب جلديه وكان وقتها الحبوب متوسطه الشده ..وبشرتي ما تطلع فيها الحبوب غير بال t-zone بس ..المهم الطبيب سألني اذا متزوجه وقلتله لاء واقترح عليه هذا العلاج لانه ما ينفع للمتزوجات يسبب تشوهات جنين ..وقال انه اقوي شي لمعالجه الحبوب ومدته 4 اشهر بس نتائجه فعاله ..ولازم متابعه شهريه لانزيمات الكبد ومن هذا الكلام ..انا وافقت بس ابغا الفكه باي طريقه من الحبوب رغم اني عارفه كل الاثار الجانبيه للعلاج ..استخدمته 3 اشهر وطبعا اللي استعمله عارف القرف والجفاف الفضيع ..الحمدلله مره اتحسنت بشرتي وما صارت تطلع حبوب الا نادرا ..بس رجعت الحبوب بالتدريج بعد ثلاث سنوات من العلاج وبشكل اسواء !! حتي صارت مره كثيره وكبيره وصارت تظهر حتي بخدودي!! ..مره اكتئبت وقتها وسويت بحث عن احتماليه رجوع الحبوب بعد الرؤكتان ..واللي لقيت هوه ان اغلب العناصر اللي تخلي احتمال ظهور الحبوب مره ثانيه بعد العلاج موجوده عندي اللي هيه:
1-استعماله بسن صغير يعني المراهقه وبدايه العشرينات ..
2-استعمال جرعه اقل من المخصصه يعني وزنك 45 وتستعملين جرعه 40 و المطلوبه 45!!
3-استعماله لحاله متوسطه او خفيفه من حب الشباب.
4-عدم اكمال مده العلاج..
للاسف اغلبها موجوده عندي ..ما ابغا اخوف اللي استخدمه لان احتمال ظهور حب الشباب مره ثانيه بعد العلاج تقريبا 15% او اقل ماني متذكره !!
والصراحه جدا ندمانه اني استعملته
اولا انه خطير ..وسببلي تساقط شعر مو طبيعي كاني اخذ كيموثيربي لا قدر الله
!!وثاني شي ان بشرتي صارت اسواء بعد رجوع الحبوب من خفيف لمتوسط ل حاله حاده !!وثالث شي كان ممكن استخدم علاج موضعي زي الكريمات وتتحسن بشرتي خصوصا انها ما كانت بحاله سيئه!!
الان بشرتي بحاله جيده جدا ما تطلع حبوب نهائي بس للاسف فيه اثار وبقع من الحبوب بس تتحسن شوي مع الروتين اليومي ...
وفيه كم نصيحه :
-اشربي مويه كثير وحاولي تقليلي من القهوه لانها مدره للبول وتسبب جفاف وتسلبك المياه من بشرتك..
-الشاي الاخضر,فوائده كثيره منها صفاء البشره ..استبدلي الشاي العادي بالشاي الاخضر عشان تكون عاده لكي وراح تدعيلي ..
-حاولي انك ما تلمسين وجهك كثير..لان البكتيريا اللي باليد ممكن تنتقل للوجه و الدهون اللي بالوجه وسط جيد للبكتريا وراح تسببلك حبوب .
-حاولي بعد كل فتره تغيري لبس المخده (ما اعرف اسمه) برضو عشان البكتريا وكمان ياريت تحاولي يكون لونها ابيض او فاتح عشان اول ما تحسينها توسخت تغيرينها.
اخيرا
هذي تجربتي الخاصه مع حب الشباب وهذي بشرتي اللي تعتبر مختلطه وحساسه (واكيد استعمالي لاكثر من منتج كان سبب بالحساسيه
)..وهذي ارائي الخاصه اللي ناسبني ممكن ما يناسبكم والعكس صحيح ..اتمني اني قدرت افيد بنات كثير محتارين كيف يعتنوا ببشرتهم بدون ما يجردونها من الدهون اللي تعتبر حاميه للبشره نفسها ونفس الوقت للتخلص من الحبوب بطريقه فعاله ونهائيه..
الموضوع اخذ مني وقت وجهد كبير ..اتمني من اللي تنقله تنسب الجهود لصاحبتها !!!
وحابه اعرف ارائكم عن المنتجات المذكوره وتجاربكم الشخصيه
موضوع مميز: ~*~my skin care and acne products review~*~
...لما يكون الوجه مبلول و فيه رغوة المنظف ابداء اسوي مساج خفيف بحركه دائريه بالفرشه علي كامل الوجه ..
الوضع العادي
