منتديات شبكة الاقلاع ®



الانتقال الى الصفحة الرئيسية عضويات التميز (الفضية + الذهبية + التجارية) موقع ieqla3 متخصص بجميع منتجات شركة apple أنظمة وقوانين وتعليمات الموقع   وقف شبكة الإقلاع الخيري مركز رفع الصور والملفات تابعونا على موقع تويتر بوابة الانباء
اقلاع بلاك بيري البحث السريع برامج الإقلاع المجموعة البريدية جوال الإقلاع أنظمة وقوانين وتعليمات الموقع للإعلان في شبكة الإقلاع
العودة   منتديات شبكة الاقلاع ® > المنتديات الإقلاعية > منتدى العيارين
التسجيل التقويم التأشير على جميع الاقسام بالمشاهدة


إغلاق الموضوع
 
أدوات الموضوع طريقة عرض الموضوع
قديم 03-08-2009, 09:06 PM   #1
فرج تحت الدرج
مقلع وعيار
 
الصورة الرمزية الخاصة بـ فرج تحت الدرج
فرج تحت الدرج فوق  هام السحبفرج تحت الدرج فوق  هام السحبفرج تحت الدرج فوق  هام السحبفرج تحت الدرج فوق  هام السحبفرج تحت الدرج فوق  هام السحبفرج تحت الدرج فوق  هام السحبفرج تحت الدرج فوق  هام السحبفرج تحت الدرج فوق  هام السحبفرج تحت الدرج فوق  هام السحبفرج تحت الدرج فوق  هام السحبفرج تحت الدرج فوق  هام السحب

حينما تكون محط انظــار الجميـع ..



يابوي انا موب فاقع قلبي وقاهرني الا ذا الي مايتسمى مالك حق وقسم بالله لو تجي وتقول عن موضوعي ذا من جمبها وانه موضوع مكتوب فقط لاني اكتب ماراح امشيها لك لا يابوي ماهوب على كيفك انت وباقي الاعضاء تسون في اسمي الجهبذ كذا وقسم بالله انه تروح عليك مره ثانيه اشوفك كاتب كذا يابوي انت تدري عشان اكتب موضوعي السابق جلست سته ايام مواصل قدام الكي بورد واسعبل عليه من زود التعب وماخليت فلم ماشفته من الي انت خابر ..
بس بصراحه طريقتك في الرد على الموضوع الي راح كان يبي لها وقفه تهزيئه مثل ذي وقسم بالله انك من جمبها شف يا حبيبي انا لو ما شفت لك موضوع ولا كان قلت ذا حاقد على النجوميه الي انا محققها هاليومين في العيارين وجاي يخرب سوقي .. بس احب اقول لك انه اعمالك الصبيانيه ذي تراها ما تمشي علي ولا تحاول تسوقها وتقول انك عضو جهبذ على حسابي انا اصلاً مدري وش اسوي فيكم انتم يالجدد كل يوم والثاني ناقز لي واحد ومسوي فيها عيار على راسي ماهوب على كيفكم يابوي ماهوب على كيفكم ابد <<-- مسوي ذكي عشان يضمن الردود


بعد الحوار القاتل العصبي ذا قلت خلني اذكر ربي واهدي اعصابي واشوف لي شي ثاني اسويه يابوي ماهيب حاله كل يوم معصب كل يوم مطنقر وكل يوم الاوضاع في تدهور عجزت وانا اعلم هالناس لا يحارشوني وما يبون يعقلون مدري وشلون اعلمهم انه الله حق .. الاقيها منهم ولا من النمله العظيمه الي قاعده تتدبي قدامي هالحين .. شكلي ابدوس ذي النمله واعلمها انه الحياه فيها اشياء مالها حساب وعشوائيه ووليدة اللحظه



الا اشوي فتح الباب سائق السعاده وجاي وقرب وقرب الى ان ركب المفتاح فيني



يابوي وش اسوي معه ذا كل يوم والثاني داق السلف ولا كانه فيه احد المفروض يفتح رديتره ويشيك على الموتر ووضعه صحيح اني متهالك وقديم وحالتي حاله بس المفروض يستحي على دمه ماغير ياخذ هالدراهم ويحطها على قلبه على كيف كيفه ولا احد يحاسبه يابوي ذا شي مانسكت عليه لا كفرات راضي يغير ولا زيت راضي يغير الفلتر فلتر الزيت يالربع صار له الحين سنه ماغيره المخيس هذا وهو كل يوم يطق له اربعمية كيلو وعليكم الحساب المفروض يحس على دمه ويهتم في الامور الزيتيه بالموتر عاد تدرون وشو الي يفقع القلب انه الباص مليان وصاخه حتى فيه قطاوه ماخذين الباص ملهى ليلي لهم واذا مريت من قدام الباص بالليل تلاقي لك كم بسه تأشر تسذا وفيه يديها دولارين عاد مدري هي تقصد التبييت ولا الشورت تايم <<-- بتتلحط اهم شي في حياة ذا الباص المعمر تدرون انه الباب ماينسحب مع ان المفروض كل الباصات في العالم يكون الباب حقها قابل للسحب بس ذا الباص الاليم بابه من النوع اذا جاو يركبون الناس ينفك وينحط على جمب وبعد مايركبون عملاء السعاده يتركب الباب ويندق مسامير عاد وش السبب في هالحركه العجيبه ذي ماادري المهم انها دارجة عند صاحب الباص ..



مثل كل يوم وبشكل اعتيادي يركب ويدق السلف وهاتك دعستين تطلع مصارين ام امي ويعطيك اول ويزعم انه بيسمع اثنين ..؟ الي فاك مخي انه كل يوم يحاول يصيح ويل <<-- من اللهجه الام وماهوب قادر طيب على الاقل على اصرارك الاليم ذا ليش ماتسوي صيانه والله لا اطير لك موب بس اخليك تسمع اثنين بس ماااش لا حياة لمن تنادي المشكله انه شكل السواق مايـأهل انه يركب طراد انتحاري .! وش عاد لا صار سواق باص ثوبه ياعيال من قوة ماهو قديم مرقع شتوي على قماش تترون ابيض ؟ مادري اشلون رقعها اصلاً وغير مقتنع في فكرة الشماغ واذكر مره يتكلم عن هالسالفه بينه وبين نفسه قبل لا يركب احد في باص الالم ذا ويقول انه ذا الشماغ مجرد مسأله تحجب عن المخ طريقة التفكير المثاليه وهو قال ذا الكلام الاليم وكان ينغف وبرر تنغيفه بانه مساعد كبير في التفكير ويعتبر التنغيف هو المحرك الاساسي لسالفة الافكار الكبيره وافضل افكاره واحسنها استثمارياً وهي الباص طبعاً الي هو راكبه ماجات الا في لحظة تنغيف حاره جداً سبايسي كانت ذي اللحظه



المشكله الكبرى انه المنطق دائماً يتغلب على الخرافات وذا الشي مسبب لصاحب الباص او السواق في روايه اخرى نوع من الانفصامات العقليه والجسديه ومخليه مرات يتمنى ان يكون زقرت ومرات يتمنى من صميم قلبه ان يكون ماهو عليه الان .. وتبريره لمسالة التغلب على الشخصيه الاولى وهي شخصية الزقرت هو المدراسات الي يركبون في الموتر الاخ وده بل يتمنى ان يخلي وحده من هالمدرسات تحت سيطرته وتحت امرته وفي اي لحظه يقدر يتحكم فيها ويسوي الي يبيه يتمنى مرات كذا ومرات يرجح الفكره الاخرى انه يكون سلتوح ويعيش يومه ويجمع فلوس لانه مقتنع تماماً في سالفة دس العسل في السم الي يقولها وبصراحه كلمة البلاغي المأثوره ذي يبي لها قعدات وهي تعبر عن حالة السواق الاليم لانه مقتنع انه الشكل الغلط والكشخه الخايسه والشكل المبهدل تعبر عن السم والعسل المقصود عند السواق ذا هو الكلام الحلو والتلميحات والاغاني الي يحطها للمدرسات يوم يركبون الباص وهاتك ادهار امنية حياته يسيطر على وحده فيهم بس المشكله لا حياة لمن تنادي والقلوب ميته من ناحية الحريم في الباص الي مهمومه والي ماهيب حول ذا السواق والي تبي شي اقوى من السواق وطموحها اعلى من سواق بالتأكيد لانه دخلها عالي والماده كماده تغير عقول الاشخاص ومفاهيمهم وتخليهم اشخاص اخرين ويمكن يكونون اسوء مما هم عليه بالواقع عاد عقل السواق الطنجره ذا وش بيخليه يستوعب العالم الواقعي ذا



وقف عند بيت اول وحده بهند بريك يزعم اني بفحط ولعلمك اصريت اني ماافحط ولا اعطيه شرف المحاوله وشرف انه قدر يقحص فيني ولعلمكم انا متفاهم مع الكفرات والجير والدفرنش وكل ماجاء في الباص من مكملات بانهم لا يتعاملون مع سائق الباص باي شكل ويخربون عليه كل شي يتمناه ويعطونه عكسه يعني يبي يمسك بريك فجاءه ينكبه البريك ولا يمسك واقوم انا كباص الف السياره بنفسي عشان ما اتعور بس تدرون من افضل اشياء لاقينها صح في ذا الباص الاسيات المراتب ياعيال يابختها ياريتني كنت مرتبه وليس باص على الي يشوفونه ويحسونه ذا المراتب صحيح انه فيه بعضهم متان ويسببون مشكله وزنيه للمراتب بس ماهيب مشكله لجل عين تكرم مدينه وكالعاده تركب المدرسه الاولى وتعلن بداية المشوار وتعلن عن بداية العمل على التوصيل المدرسي الصباحي وانا كباص الحمد الله عندي نعمه ماهيب عند غيري من الباصات اني اقدر ادخل عقول الاشخاص الي يركبون الباص واقدر اعرفه وش يفكرون فيه وايش يحسون فيه وانفعالاتهم ومن زود الاستقعاد مرات اشوف هم وش يقولون وبسرعه اروح لعقل السواق واشوف وش يفكر فيه وتطلع لي سواليف واجلس اربطها على كيفي ولو يمديني نزلت لي مجلة فضايح وقسم بالله انها تغطي على كل المجلات الشعبيه الي في المنطقه وما ان ركبت المدرسه الاولى الباص ودخلت عقل السواق على طول واسمعه يقول ( هلا بالزين هلا بالي يسوى الدنيا كلها فديتهم الي يركبون على الصبح لو بيدي كان شلتك بعيوني ووديتك لو بيدي وما احب الفلوس مااخذت منك ولا ريال ووصلتك ببلاش ولا فكرت في شي ثاني ببلاش لعيونتس لو تبين اخلي الباص لتس لحالتس ماعندي مشكله لو تبينه باص خاص واغيمه كله يزعم لموزين من حقيت امريكا واركب عليه جنوط لينكون ماعندي مشاكل فديت قليبتس وهـ بس )


ياناس بالله عليكم ذا فيه ذرة عاطفه ولا يجي منه بالله عليكم ذا اللحجي يعرف يعبر عن مشاعره ماشم ريحة الخايسه الي من قوتها ماتو كل الذبان في قمرة القياده عنده اذا شفت وجهه بالصبح انا مقتنع تماماً راح تجيك السكته القلبيه بدون مقدمات من قوة الروعه وجه كله شعر حتى اذا فتح فمه تشوف شعر





اخر تعديل كان بواسطة » فرج تحت الدرج في يوم » 03-08-2009 عند الساعة » 09:25 PM.
فرج تحت الدرج غير متواجد حالياً التبليغ عن مشاركة سيئة  
Facebook Twitter

قديم 03-08-2009, 09:07 PM   #2
فرج تحت الدرج
مقلع وعيار
 
الصورة الرمزية الخاصة بـ فرج تحت الدرج
فرج تحت الدرج فوق  هام السحبفرج تحت الدرج فوق  هام السحبفرج تحت الدرج فوق  هام السحبفرج تحت الدرج فوق  هام السحبفرج تحت الدرج فوق  هام السحبفرج تحت الدرج فوق  هام السحبفرج تحت الدرج فوق  هام السحبفرج تحت الدرج فوق  هام السحبفرج تحت الدرج فوق  هام السحبفرج تحت الدرج فوق  هام السحبفرج تحت الدرج فوق  هام السحب




وبشكل سريع وبطريقه لا اردايه دخلت عقل المدرسه وسمعتها تقول اصبحنا واصبح الملك لله وش اسوي الحين مع ذا الخايس وانا معه في الباص وخلوه غير شرعيه على الاقل لو الواحد يبي يخربها وينزل الخراب الي في راسه يختار له وجهاً سنع يخربها معه ماهوب ذا السواق الاليم الي ما من ورى وجهه اي فايده ؟ اصلاً انا ليش ارش عطر المفروض اغطس في بالوعه واسوي اني موب عارفه وشو السالفه واركب باص التعاسه ذا المفروض اني عارفه انه الباص وسائق الباص عاث عليهم الزمن واكل وشرب وسوى عمايله وبلاويه .. المفروض اني اكون مقتنعه تمام الاقتناع انه الباص وكل الي فيه مجرد حياة مؤقته راح تزول وتنتهي لو جاء زوج السعاده الفارس الي مادري عنه من يوم وانا بزره اقول بيجي وبيجي وهالحين صكيت الاربعين ولا جاء


يلعن شكل ابليسك من فارس تعال ياخي لو تكون اسود بس ارحمني وفكني من العيشه الضنكى مالقيت الا السواق الي شكلي بحوس ام الدنيا معه وبخربها بليله ظلماء وحالكة السواد كله من ابوي المخيس ليش مدقر للي يتقدمون لي مانيب عارفه يعني لو يايبى وافقت على الاطخم ذاك الي شغال بالبنك أأأه يالبى قلبه وه بس الاقيها منه ولا من شفايفه ولا من رزته وعقاله ولا ثوبه ولا من ايش ياحسره عيشه عذاب عذاب غير طبيعي يعني خايف على الراتب هالي اذا مت صار ماله اي فايده يايبى ترى راس مال الدعوه فلوس وصخ دنيا .. حرمت بنتك من انك تشوف عيالها عشان الفلوس يا الوقح <<-- خربتها مع ابوها




والله الوقحه انتي تسبحي على الاقل فاقعه خشومنا باهالريحه المخيسه وقسم بالله مدري اشلون اهلك متحملينك على الوضع الجسماني الوصخ الي انتي فيه وقسم بالله لو اني معك في البيت لا ارميك مه الشباك ولا افتكر فيك واتمنى من كل قلبي وارجو الله تعالى بانه لما ارميك تمر عليك تريله وتدهسك ونفتك من شرك الى الابد اجل انا الفتاه الرقيقه القموره العسوله الي كل المدرسات يتكلمون في جمالي ومعجبين فيني وانتي كل الناس تبي الفكه منك وقسم بالله لو يمديني عليك بس هالحين اصكك بكس موب صاحي اعلمك انه الله حق لا والاخت مسويه لي فيها انه مشغوله فكرياً يعنني قويه مدري وش بتروح تسوي في المدرسه يعني الحين ؟ الي يشوف الشغل مقطع بعضه .. بتقعد تسولف علينا وتعطينا من الرخيص وحلجها الخايس وتحشرنا حشااار موب صاحي لا ومسويه فيها راعية واجب وجايبة دلة القهوه كل يوم وقسم بالله انك ما تجيبينها الا عشان تصبين لنا بذا الفناجيل ونعطيك وجه ولا انتي كفو تداومين في مدرسه ؟ المفروض تكونين مجرد شخص يداوم طول الوقت عشان ينقل الملفات لنا بين المكاتب ويجلس بره وينطق ولا يدخل مكاتبنا ..


يالليل الليل وش ذا مجتمعين الثنين كم مره قلت لها السواق المخيس ابو راس مثلث انه ينتبه ويقدر وضعي كفتاه كول وجميله وحساسه ومرهفة بانه يجي يمرني انا اول وحده هالحين اشلون اتحمل هالاشكال وقسم بالله لو عندي اخو عليه الكلام كان ما عرضني للموقف التافه ذا كان زبطت الامور ولا اشوفهم الا بالدوام وبالدوام اشوفهم اشوي لانه عندي حصص وكرف وشغل وردي الا هالحين بسألكم وش تبي ذي مع ريحتها الخايسه مسويه انها عايشه في جو ثاني وخاقه مع الوضع مدري من كفائة وجودة الباص ولا من ايش ياحسره وضعنا النفسي دمار وحرانين وهي مشغول بالها اكيد بنفس الموضوع الي دايم تتكلم عنه انها تبي زوج ولا ادري وش تبي في النصاب ذا الي بينهب فلوسها كلها وقسم بالله لو ابوي يرضى لي اخذ واحد مسيار يتهنى فيني تصير الحياه ولا اطلز من تسذا .. اصير حره وبكيفي وفي ذمة واحد يدحر رغباتي ووساوسي كلها وبالمره مايشوفني الا بالوقت الي انا جاهزه له اجل لو اتزوج واحد يتكي عندي اربعه وعشرين تبن فاضيه انا اتزين له كل اشوي واقعد ارتب اموره معاه وانتبه عليه واسوي له الي يبي وقت ما ابي والمصيبه لو بغيته انا ماعطاني وجه ابن الكلب



كملت ام ريحة والكئيبه والمياسه وش باص التعاسه وقسم بالله انه ماهوب وسيلة نقل على القرف الي فيه مدري الاقيها من الاسيات الوصخه ولا من الباص المتهالك ولا من السواق البثر ابو عيون زايغه ولا الاقيها من الحر الي في الباص ولا من هالي يمرون على باص مكسر زي ذا الي راكبينه ويطنبون ويأشرون ؟ المفروض يعرفون مقولة كل اناء بما فيه ينضح المفروض يقدرون ذي المقوله تقدير بن لذينا اشلون يحاولون يشبكون ناس راكبين في باص متهالك ومهتريئ زي ذا هل الشباب السعودي يبي يثبت انه تعبان لذي الدرجه ؟ وقسم بالله قمة التخلف ذا الشباب اصلاً ذا المجتمع بكبره قمة التخلف اأه بس لو يخلوني اسوق واسوي الي ابي وقسم بالله لا اعلق نص عيال منفوحه واخليهم يقوطرون كياته ورقه عيال الابالسه كل واحد وجهه تبن ولا يجي منه ولا فيه امل تعطيه البنت وجه لانه وجهه مركب غلط ويجي يسوي فيها عربجي ؟ شي طبيعي تكون عربجي لانك موب قادر تمثل اي دور في الحياه غير انك تكون عربجي اجل لو تصير راعي بنات وانت ذا وجهك وقسم بالله مافيه داعي تتروش لانه من كثير ما يتفلون بوجهك ما بينقصك الا صابون وتصير امورك تمام التمام



يابوي مدري العيب فيهم ولا فيني وقسم بالله ماهيب حاله اركب كل ذولي معاي رؤس اموال متحركه مثل ذولي يركبون معي كل يوم في الباص ولا عارف القط وحده منهم اخليها زوجتي وقسم بالله ما المسها ولا اسوي لها اي شي والله ما اقربها ولا افكر الا اني اخدمها اأأخ بس ياني ميت قهر على سالفة سواق الباص ذاك الي رتب له اربعة زوجات مدرسات مره وحده وقسم بالله مافيه شي زود عني اذا هو زين ترااني اقوطر وسامه انا بعد ولا هوب ناقصني الا انه وحده تهتم فيني بس <<--كل ابوك يبي له ترهيم يالوقح تقول لي تقوطر وسامه اجل مدري اخربها وامسك اي وحده فيهم واصارحها واسوي نفسي الحبيب الي خاق معها خقه بنت كلب عشان تصدق اني ما ابي اتصملح ولا ابي فلوسها وقسم بالله لو توافق علي لا اصين الباص واخليه يلمع ولا شي بغير بريكاته وبغير كل شي فيه وحتى الزيت والرديتر بهتم فيهم بس عشان اعطيها انطباع انه فلوسها قاعده تساهم في التجاره الحره لزوجها وانها تساهم في العجله التنمويه للاقتصاد السعودي وانها عضو مؤثر دبل .. مرتين لانها تخرج اجيال وتساعد في دفع عجلة النمو الاقتصادي بيدينها الي تجنن أأه على يدينها أأأه بس لو امسكهم الحين ...



ومسك السائق الحمار يد المدرسه وصكته كف مما ادى الى انقلاب الباص وانلعن ثوى الباص وصار مايسوى ريال وهذا انا يا الباص الاليم قاعد اكافح اني ابقى على قيد الحياه اشلون اودع عقول الناس الحين اشلون روحي تفارق الحياه وهي عندها كل ذا الخبره هذا هو السواق تعال يا المخيس تعااال وخليت روحي تنقل من الباص الى سواق الباص وصار سائق الباص شايل في قلبه وداخله باص مع اني مدري وش ذا الصدر الي بيشيل باص مستوبيشي داخله بس عاد مشوها





اخر تعديل كان بواسطة » فرج تحت الدرج في يوم » 03-08-2009 عند الساعة » 09:12 PM.
فرج تحت الدرج غير متواجد حالياً التبليغ عن مشاركة سيئة  
Facebook Twitter
قديم 03-08-2009, 09:08 PM   #3
فرج تحت الدرج
مقلع وعيار
 
الصورة الرمزية الخاصة بـ فرج تحت الدرج
فرج تحت الدرج فوق  هام السحبفرج تحت الدرج فوق  هام السحبفرج تحت الدرج فوق  هام السحبفرج تحت الدرج فوق  هام السحبفرج تحت الدرج فوق  هام السحبفرج تحت الدرج فوق  هام السحبفرج تحت الدرج فوق  هام السحبفرج تحت الدرج فوق  هام السحبفرج تحت الدرج فوق  هام السحبفرج تحت الدرج فوق  هام السحبفرج تحت الدرج فوق  هام السحب




ومن يوم ما صرت داخله خليته يحترم باصه الجديد ويحطه بعيونه من زود الاهتمام لاني كنت ارسل لعقله الباطن انه يهتم في مظهره الخارجي ويهتم في اسلوبه وتعامله مع المدرسه الي حاط العين عليها وانه يحط العين عليها وهو مصفي النيه وعاقد العزم على الزواج ماهوب خنابيدز وكلام جرايد واماني فقط انا كنت ادخل في دواخل هالحريم وشايفهم وشايف نفسيتاهم من الداخل ومتأكد منها وعارف وش فيها وايش مافيها من همجيه وعنجهيه وقادر بالتأكيد السيطره على نفسياتهم وقادر بالطبع على تسيير سائق الباص الى بر الامان وانه يسلك مع وحده ذولي المدرسات ويسوي الي في باله وشلت من قلبه البخل وحب الماده واصبح السائق انسان اخر رجال نظيف ويلمع ويخاف ربه ومهتم في شكله الخارجي ومهتم في وجهة نظر الناس له ويهمه بالتحديد ايش انطباعهم عنه ..واصبح السائق يملك موهبتي لاني صرت داخله واسمع مافي عقول الناس بس هو مايحس لاني انا الي اسمع كيفي <<<-- قام يستبزر



وركبت الاولى .. يابوي وش ذا الصباح الكبيس الله يستر علي ولا اتهور مع ذا المغازلجي الحين مدري ليش متعطر كذا ومسوي فيها الحلو الي وخر عنه يابوي ترى راس مالك شماغ وثوب نضيف بس اما غير كذا ولا فيك اي شي يدعوه للجاذبيه ؟ لا والاخ مسوي فيها انه مايطالع باين عليك ولهان وشفقان تبي تطالع وتسرق لك نظره وتشوف وش عندي بس هيهيات اعطيك وجه يالخايس وقسم بالله على ذي الخلوه الي بينا ما راح تذوق طعم اي شي مني والله ما تشوف خير لو تفكر تقرب لي ولا ترقمني وقسم تشوف نجوم القايله مابقى الا سواويق اخر عمري وييييع بس



ياليل الليل ذا المشخص الحين مدري وش مفكر نفسه ولا الي جمبي ذي ميته عليه ومسويه فيها موب خاقه معه مدري عشان يلمح لي انه يبيني ولا وشو هي لو تشم ريحتها الخايسه بس وتتوب من حركات الورعات حقتها ذي وتفكر انه الناس كلهم ميتين عليها كانت الدنيا بخير اصلاً لو تصير الحياه واحلا بدون ذي الاشكال وتروح روحهم وقسم بالله ناخذ راحتنا احنا يامعشر الحلوات .. ونصير من اكثر نساء العالم راحه .. ناخذ الي نبيه واحنا نستحق موب ناخذه بطريقه حرب ومين يقدر ومين مايقدر



وش هالثنتين الي كل ما اقوم الصبح وابي اكون نشيطه القاهم في وجهي واتحطم وينعدم نشاطي واروح فيها وقسم بالله ماهيب حاله اصلاً ماغير يقزون في ذا السواق ويطالعون فيه وكانهم يتمنون يصير لهم في لحظه من لحظات احلام السعاده حقتهم ذي عاد تدرون لو انه عندي سياره الحين ماكان شفت هالمشاهد العجيبه ذي كان سقت واخترت الي ابيه ولا احد يكلمني بس وش اسوي انا في جمتمع متخلف حريمه يطالعون سواق الباص وعادي ياحماده



لا ابوكم لا ابو من جمعكم يمركم كلكم قبلي مدري وش ناقصني انا فيني زين وحلا يحلم يلاقي مثله ذا المخيس فلوس وادفع مثلكم عشان انه نظيف يشوف نفسه علينا ما يدري انه الف واحد يتمناني ذا التبن يعني عشانه يملك باص وكم ريال قال اقدر اسوي في قلوبهم الي ابي ولا علي في اطلق وحده فيهم .....



وفجاءه تكلم السائق ونطق الحجر وبيني وبينكم انا روح الباص السابق خليته ينطق ولا هو كان ساكت الاخ اللطيف ولا يبي يتكلم مسوي فيها ابو الشرف والمستحي علينا ذا الوصخ يابوي لو انا مادخلته ورتبت اموره كانت حياته بائسه مثل هي .. وقال بصوت رخيم يا بنات اللذينا انا افكر اتزوج وابحث لي عن وحده تستر علي وتخاف ربها فيني الفلوس وموجوده والبيت وموجود والراحه النفسيه موجوده والجيب تراه عامر <<-- درينا معك كم ريال



ونطق جميع من في الباص بصوت جهوري وااااحد

وانــــــــــا


الجدير بالذكر انه بعد اكتشاف الحقيقه المره وانه الاربعه الي في الباص يبونه من اول بس طبعهم يتكلمون فيه على الفاضي مدو هالمره جميعهم الايادي وحجبو الرؤيه عن السائق وقربع في الجدار الامامي والان يرقدون كلهم على الاسره البيضاء مكسورين الايدي والارجل ولا راح يطلعون من المستشفى لاني انا الحين السرير الي جمبهم اتكلم واقشم حب مع روح الباص المستبيشي



المايستفاد :

1- رضى الحريم غايه لا تدرك
2- ماهوب كل مدرسه مثل ذولي ولا كل سواق مثل ذا
3- الزواج باربعه مره وحده صفقه خياليه احرص عليها
4- انتبه من ايادي النساء ممكن توديك في داهيه




إقتباس »
الرسالة الأصلية كتبت بواسطة عـمـش »

^
^


انت من جدك تطلب رتبة بكامل قواك العقلية يوم تقول ابي رتبة

انت اقل مايقال عنه زلابة في التاريخ الحديث المتواصل اقلب وجهك ولا عمري اشوفك تصايح قال ايش قال ابي رتبة ههههههههههه تقلع يالمروحوالحين من زين ردودك يوم تقعد تشاهق علشانهن كل ردودك سعابيل وهواش يابو سعبول

على فكره ترى الموضوع تسكيتاً لك




اخر تعديل كان بواسطة » فرج تحت الدرج في يوم » 03-08-2009 عند الساعة » 09:14 PM.
فرج تحت الدرج غير متواجد حالياً التبليغ عن مشاركة سيئة  
Facebook Twitter
قديم 03-08-2009, 09:25 PM   #4
عـمـش
من كبار العيارين
 
الصورة الرمزية الخاصة بـ عـمـش
عـمـش فوق  هام السحبعـمـش فوق  هام السحبعـمـش فوق  هام السحبعـمـش فوق  هام السحبعـمـش فوق  هام السحبعـمـش فوق  هام السحبعـمـش فوق  هام السحبعـمـش فوق  هام السحبعـمـش فوق  هام السحبعـمـش فوق  هام السحبعـمـش فوق  هام السحب

إقتباس »
على فكره ترى الموضوع تسكيتاً لك
هههههههههههههههههههههههههههههههههههههههههه
هههههههههههههههههههههههههههههههههههههههههههه

بالله ياوجه العنز تسمي هذا موضوع ؟؟ انا حسبته مقابلة بمجلة اليمامة مع باص راعيه مصري كارف به كرف لين عض الأرض بعدين يافرج (ياخي وانا اكتب اسمك احس اني بموقع إباحي) لا اخفيك سرا اكبر من سر قلعة اقلاع اللي مليان شعر اني يوم شفت موضوعك اختقى قبل كم فترة حسيت ان حقت الملك عبدالعزيز للعلوم والتقنية حجبوا موضوعك من خنابيزك لابارك الله باليوم اللي عرفتك فيه --> ويلومنك يالعمش بقرطاج ,, المهم يافرجي يابعد مصارينيرسالتي لك اللي ماحطه بآخر موضوعك وسام عزيز وغالي تحطه انت على صدرك (بغيت انسى واقول حطه باللي انت خابر ) وحبيت اسجل اعجابي فيك وفي أسلوبك الفريد (بس باص يافرج باص ؟؟على الأقل خلك على المراكي مثل جداوية نمشيها لك بس باص ) الوكاد يافرجي (حسيت اني احتسي على حقي يالتبن ) لي رجعة بالأقتباسات يازعيم السعابيل بس حبيت نتراشق انا وإياك بالنعال قبل لانتراشق بالعصى






عـمـش غير متواجد حالياً التبليغ عن مشاركة سيئة  
Facebook Twitter
قديم 03-08-2009, 09:32 PM   #5
مالك حق
مقلع وعيار
 
الصورة الرمزية الخاصة بـ مالك حق
مالك حق فوق  هام السحبمالك حق فوق  هام السحبمالك حق فوق  هام السحبمالك حق فوق  هام السحبمالك حق فوق  هام السحبمالك حق فوق  هام السحبمالك حق فوق  هام السحبمالك حق فوق  هام السحبمالك حق فوق  هام السحبمالك حق فوق  هام السحبمالك حق فوق  هام السحب

ياخي قسم بالله مب حالة .. أنا تعبت من اللي يبون الشهرة و لا يلقون الا التهجم على شخصي الكريم ، انا كنت اقول اللهم ارزقني و ارزق مني ، مساكين هالضعوف يحتاجون الشهرة .. لكن يبوي انت زودتها .. انت و موضوعك ذا اللي قعدت سنة تعدل فيه ..يا عمي لو هو نظام الحكم الأساسي ما خذا منك الوقت ذا كله .. بعدين ياخي اعرف انك هطف و على الريحة .. لكن موب إلى درجة ان ولد المصرية ذا يقدر يستفزك و يخليك تكتب موضوع عشان ترد عليه ..

لي باك مع الرد الصدقي يا حيوان



مالك حق غير متواجد حالياً التبليغ عن مشاركة سيئة  
Facebook Twitter
قديم 03-08-2009, 09:55 PM   #6
مربوش المربوش
من كبار شخصيات الإقلاع
 
الصورة الرمزية الخاصة بـ مربوش المربوش
مربوش المربوش فوق  هام السحبمربوش المربوش فوق  هام السحبمربوش المربوش فوق  هام السحبمربوش المربوش فوق  هام السحبمربوش المربوش فوق  هام السحبمربوش المربوش فوق  هام السحبمربوش المربوش فوق  هام السحبمربوش المربوش فوق  هام السحبمربوش المربوش فوق  هام السحبمربوش المربوش فوق  هام السحبمربوش المربوش فوق  هام السحب


حيالله فريج الهيس
<< يقول الله يستر من رد هالعصبي

الحين بدون مقدمات وبدون اي مجاملات وبدون اي شي يعكرك (يضحكك ) انت وراك معصب وشايل هموم الدنيا انت ووجهك ياخي اتوقع انت اذا دخل عليك ابوك وقال مسيك بالخير وقفت على رجولك وقلت .. لاتقول مسيك بالخير ترا والله اشق ثوبي .. انت امك الله يخليها لك وش متوحمة عليه ؟! الرجل الاخضر ؟ ياخي هدي اعصابك وامسك نفسك والا لاتقابل العالم وتبلشهم بصوايحك وعصبيتك وبعدين مالك حق ماغلط فيك انت اللي تبي الهواش على قل سنع وانت اللي تسعى للي يذب عليك وانت اللي يقالك تضارب ذبان وجهك .. انت مع راسك اتوقع لو اشوفك بمكان بعرفك على طول الشقيقه وفوقها عيون وشهادة ميلادك العلامة الفارقة اللي (العرق) ..(من كبر الشقيقه) .. اتوقع لو اضيفك مسن مالك الا خشه وحدة تعرف وشهي >>> :@ .. اوه انا عرفت الحين انت وشتبي الموت البطئ على هيئة الديمومة العصبية .. والا مهوب معقول واحد يدخل محل نعل يقول ابشري هالنعلة بـ30 تبي والا باخذها غصبن عنك وعن اللي مشغلك يبوفسية يالمخيس ..
اذكر الله ترى الدنيا ماتسوى انت ودمجتك الذهبية ترى عليك مواضيع حلوة ولاتخربها باخلاقك اللي مثل وجهك والا يقالك شخصية الحين ياشيخ رووح عني انت وشخصيتك بوز البطة ذي ههههههههههههه ..

إقتباس »
بس بصراحه طريقتك في الرد على الموضوع الي راح كان يبي لها وقفه تهزيئه مثل ذي وقسم بالله انك من جمبها شف يا حبيبي انا لو ما شفت لك موضوع ولا كان قلت ذا حاقد على النجوميه الي انا محققها هاليومين في العيارين وجاي يخرب سوقي .. بس احب اقول لك انه اعمالك الصبيانيه ذي تراها ما تمشي علي ولا تحاول تسوقها وتقول انك عضو جهبذ على حسابي
قايلك انت جالد سبعة بالمركزي الحين وانت تكتب هالموضوع يقالك ماعندك لعب او انك كنت ترضع شطة وحبحر بمهادك وش النفس الشينة ذي يابن الحلال انت وهالفيش اللي بوجهك يقالك خشم ؟؟

إقتباس »
حتى فيه قطاوه ماخذين الباص ملهى ليلي لهم واذا مريت من قدام الباص بالليل تلاقي لك كم بسه تأشر تسذا وفيه يديها دولارين عاد مدري هي تقصد التبييت ولا الشورت تايم
ههههههههههههههههههههههههههههه
يمكن يرقصون استبتيز ومالهم بالدخول والخروج هذيلا من النوع الشريف اللي تلقى بحلوقهن كمن قطيوة صغيرة يبون يصرفون عليهم بالحلال والا انهم مثل ماقلت العم شنبو مدهر داخل ووحدة داخلة والثانية طالعة

إقتباس »
وبرر تنغيفه بانه مساعد كبير في التفكير ويعتبر التنغيف هو المحرك الاساسي لسالفة الافكار الكبيره وافضل افكاره واحسنها استثمارياً وهي الباص طبعاً الي هو راكبه ماجات الا في لحظة تنغيف حاره جداً سبايسي كانت ذي اللحظه
هههههههههههههههههههههههههه
ماتشوف نسبة كبيرة من الناس وهي تسوق مغير تنغيف واذا الاول دخل ام ام الثاني ترى نوع دخول الافكار الرهيبة والغير متوقعه ولو تشوف نفسك وكيبوردك تلقاهن ملزقات باطرافه حتى شوف حرف ظ اكيد لازقه فيه وحدة من قل استخدامه

إقتباس »
افضل اشياء لاقينها صح في ذا الباص الاسيات المراتب ياعيال يابختها ياريتني كنت مرتبه وليس باص على الي يشوفونه ويحسونه ذا المراتب صحيح انه فيه بعضهم متان ويسببون مشكله وزنيه للمراتب بس ماهيب مشكله لجل عين تكرم مدينه
هههههههههههههههههههههه
ياليتني سيت اجل الا ياليتني سنادة الراس الا << تعبااان اي شي تلمسه السحلية موافق اشيل شخصيته لو صحن الرز عادي ماعندي مشكلة .. عاد اذا كانت دبة وانا السيت انواع الوجه الاحمر والعرق يصب من الثقل والشحوم

إقتباس »
وخلوه غير شرعيه على الاقل لو الواحد يبي يخربها وينزل الخراب الي في راسه يختار له وجهاً سنع يخربها معه ماهوب ذا السواق الاليم الي ما من ورى وجهه اي فايده ؟ اصلاً انا ليش ارش عطر المفروض اغطس في بالوعه واسوي اني موب عارفه وشو السالفه
هههههههههههههههههههههه
هههههههههههههههههههههه
يلعن ام النفس الخايسة ياخي انت خبل اجل بالوعه واسوي نفسي مادري وش السالفة ههههههههههههه شيانة الصبح اعوذ بالله ..

إقتباس »
ومسك السائق الحمار يد المدرسه وصكته كف مما ادى الى انقلاب الباص وانلعن ثوى الباص وصار مايسوى ريال وهذا انا يا الباص الاليم قاعد اكافح اني ابقى على قيد الحياه اشلون اودع عقول الناس الحين اشلون روحي تفارق الحياه وهي عندها كل ذا الخبره هذا هو السواق تعال يا المخيس تعااال وخليت روحي تنقل من الباص الى سواق الباص وصار سائق الباص شايل في قلبه وداخله باص مع اني مدري وش ذا الصدر الي بيشيل باص مستوبيشي داخله بس عاد مشوها
هههههههههههههههههههههههههههه
راح الباص غلطت شفقة السواق ولعت اللمبة الحمرا عند السواق ووصل حده بالتعب النفسي وراح المتسوبيشي غلطة ماله اي ذنب فيه لاخوووول والله مسكين هالباص بيفقد احساس الاسيات وراحت متعه النفسيات .. والله ودك بالنفسيات تعرف وش يقولون الناس عنك خخخخخ انت يافرج انواع السب والملاعن على ظهرك خخخخخخخخخخ

إقتباس »
وفجاءه تكلم السائق ونطق الحجر وبيني وبينكم انا روح الباص السابق خليته ينطق ولا هو كان ساكت الاخ اللطيف ولا يبي يتكلم مسوي فيها ابو الشرف والمستحي علينا ذا الوصخ يابوي لو انا مادخلته ورتبت اموره كانت حياته بائسه مثل هي .. وقال بصوت رخيم يا بنات اللذينا انا افكر اتزوج وابحث لي عن وحده تستر علي وتخاف ربها فيني الفلوس وموجوده والبيت وموجود والراحه النفسيه موجوده والجيب تراه عامر
هههههههههههههههههههههه
مسكين اللي مايعرفه انهم كلهم مثله قبل الكلام والا كان صارح اللي يبي من اول .. الرجال يبي الستر بوحدة منهم واذا انه جيزاني يبيهم الاربع تعرفون الجيزاني مايبي الا الدفا والا الفلوس ماعنده مشكلة بالصدقات ودور الخير


موضوعك خطير يافرج بدون نفسيات وصراحة مبدع يالخبل وفكرته حلوة واسلوبك رائع بس للاسف الاخطاء الاملائية كثيرة مادري يقالك سريع بالكتابة ع الاقل نقح الاخطاء ياخوي انت ووجهك ذا ..
جاي من برا قافلة قلت اوسع صدري بالعيارين يوم شفت شين الحلايا قلت لا هذا اللي بضحك على نرفزته وماخيبت ظني بس احس اكلتك المفضلة الفول مادري ليه يمكن عشان السلطة الحارة لاعبه باخلاقك والله مادري بس الهام على قولتهم ..

برايفت عمش ..
الله يعينك اذا رديت عليه والله ياهو ناويك ع الاقتباس ذا وانا بعد الله يعيني على رده علي والله ياهو بينفخ بوجهي بس من الحين بشتري قطن بلزقه باذاني ليما يخلص هواشه ..

لبى قلبك ياتحت الدرج مبدع




اخر تعديل كان بواسطة » مربوش المربوش في يوم » 03-08-2009 عند الساعة » 10:03 PM.
مربوش المربوش غير متواجد حالياً التبليغ عن مشاركة سيئة  
Facebook Twitter
قديم 03-08-2009, 11:09 PM   #7
ql3t_eqla3
من كبار شخصيات الإقلاع
 
الصورة الرمزية الخاصة بـ ql3t_eqla3
ql3t_eqla3 فوق  هام السحبql3t_eqla3 فوق  هام السحبql3t_eqla3 فوق  هام السحبql3t_eqla3 فوق  هام السحبql3t_eqla3 فوق  هام السحبql3t_eqla3 فوق  هام السحبql3t_eqla3 فوق  هام السحبql3t_eqla3 فوق  هام السحبql3t_eqla3 فوق  هام السحبql3t_eqla3 فوق  هام السحبql3t_eqla3 فوق  هام السحب

انا بقتبس اقتباس قبل العنوان وبحكم اني مشرف اسوي اللي ابي لو اقتبس القفلة واخليها اول شي ما لك شغل فاااااااااهم
إقتباس »
بعد الحوار القاتل العصبي ذا قلت خلني اذكر ربي واهدي اعصابي واشوف لي شي ثاني اسويه يابوي ماهيب حاله كل يوم معصب كل يوم مطنقر وكل يوم الاوضاع في تدهور عجزت وانا اعلم هالناس لا يحارشوني وما يبون يعقلون مدري وشلون اعلمهم انه الله حق
حيا الله الشق الثاني والتكملة من (الصبر مفتاح)
احسكم احيان تكملون بعض انت وياه عليكم اخلاق شينة وتشيشون بسرعه نعنبو ابليسك انت وياه على وشو مأتشين !! يعني ما تحلو الحياة في خششكم الا اذا شانت اخلاقكم وقمتم تخنبقون بالكلام وتزبدون كنكم بعير هايج !

يا شيخ اقص كراعي وقولوني ان استمريت انت على هالحال يا خوفتي بكرة يجينا خبر (استئصال جميع احشاء العضو فرج تحت شسمه لان قولونه العصبي هاض وصار يعصب على احشائه وثم انفجر) خف على عمرك شوي ترى الحلم زين خخخخخخخخخخخ كني بك تقول اي والله الحلم ولا احلى منه لان تفكيرك يا اما عصبية ولا خراب والله يعين عليك لكن خلنا نقتبس معك كم اقتباس والله يفكنا شر اخلاقك المخيسة

إقتباس »
حينما تكون محط انظــار الجميـع ..
من العنوان استنجت ان السالفة فيها إن <-- يقالك كافش الذيب من ذيله انت وخشتك
ابيك تسألني ليه السالفة فيها إن آخر الموضوع ان قاله الله
إقتباس »
الا اشوي فتح الباب سائق السعاده وجاي وقرب وقرب الى ان ركب المفتاح فيني
انا ما قلت لك ان بينك وبين الصبر مفتاح 14 علاقة حتى لو انها مشبوهة ما يهمني اللي يهم ان به علاقه <-- اجل ركب المفتاح فيني
إقتباس »
يابوي ذا شي مانسكت عليه لا كفرات راضي يغير ولا زيت راضي يغير الفلتر فلتر الزيت يالربع صار له الحين سنه ماغيره المخيس هذا وهو كل يوم يطق له اربعمية كيلو وعليكم الحساب المفروض يحس على دمه ويهتم في الامور الزيتيه بالموتر
خل كلامك ذا على جنب واسمع للكلام بس (شانت اخلاقي والسبب انت )
يا رجال جاء في بالي الفلبن يلعن ابليسهم يا هم يهتمون بالسيارات حتى يمكن يورثونها ولا تلقاهم ضامينها في كرت العائلة <-- الاقامة يا الفاهي
تلقاه يسوق سيارة من سنة كحينا وابن اللذينا كنها وكالة حتى التلبيسة اللي على السيت ما قشعها واحنا يا شيخ السيارة ما تتم شهر إلا وهي مقشوعة
إقتباس »
حتى فيه قطاوه ماخذين الباص ملهى ليلي لهم واذا مريت من قدام الباص بالليل تلاقي لك كم بسه تأشر تسذا وفيه يديها دولارين
خخخخخخخخخخخخخخ تفكيرك شين يا الشين مثل اخلاقك شين
هي تأشر لان الباص ما يشتغل تبي اي شخص يوصلها مشوار وش عرفك انت <- اها بس
إقتباس »
اهم شي في حياة ذا الباص المعمر تدرون انه الباب ماينسحب مع ان المفروض كل الباصات في العالم يكون الباب حقها قابل للسحب بس ذا الباص الاليم بابه من النوع اذا جاو يركبون الناس ينفك وينحط على جمب وبعد مايركبون عملاء السعاده يتركب الباب ويندق مسامير
خخخخخخخخخخخخخ المفروض يصكه بأقفل اكبر مقاس اللي تجيك من مسكتها فضية والقفل أسود منقوش عليه نقش مثل محلات الذهب اللي كانت بمكة الله يشرفها غير كذا يصك الباب بالليل عشان ما ينقلب الباص مثل ماقلت ملهى ليلي ولا ترى فيه احتمالية ينقشع الباص واللي قاشعه هم الهيئة لأنه وكر للخنبقة خخخخخخخخخخخ
إقتباس »
وش عاد لا صار سواق باص ثوبه ياعيال من قوة ماهو قديم مرقع شتوي على قماش تترون ابيض ؟
كل سواويق هالباصات من ذا الحال واخيس واللي يغبنك ان هالمقاشع لاقين لهم عينات ينضحك عليهم
إقتباس »
المشكله الكبرى انه المنطق دائماً يتغلب على الخرافات وذا الشي مسبب لصاحب الباص او السواق في روايه اخرى نوع من الانفصامات العقليه والجسديه ومخليه مرات يتمنى ان يكون زقرت ومرات يتمنى من صميم قلبه ان يكون ماهو عليه الان
خخخخخخخخخخخخخخخخخخخخخخخ اثر عينات ابو زنكل كاثره هالايام
إقتباس »
كل ماجاء في الباص من مكملات بانهم لا يتعاملون مع سائق الباص باي شكل ويخربون عليه كل شي يتمناه ويعطونه عكسه يعني يبي يمسك بريك فجاءه ينكبه البريك ولا يمسك واقوم انا كباص الف السياره بنفسي عشان ما اتعور
اهم شي محد يتعور خخخخخخخخخخخخخخ بس خل عنك تخيلت شكله وهو يسحب بالبريك ويسحبه الين يوصله شنق وتصك ذراعه بالسقف وانت اعني الباص ماشي ولا يعبره يا شينها هالحركة <-- ماصارت له قبل ما يحلفون ان رجله خرجت من جنب المكينة وهو مفرمل ولكن السيارة رايييييييحة للمجهول
إقتباس »
اذا شفت وجهه بالصبح انا مقتنع تماماً راح تجيك السكته القلبيه بدون مقدمات من قوة الروعه وجه كله شعر حتى اذا فتح فمه تشوف شعر
خخخخخخخخخخخخخخخخخخخخخخخ هذا اللي ينعم (لسانه) على قولتهم كل يوم كني به الحين حنا نأخذ مخلال ولا عود عشان ننظف الاسنان وهو بالمكينة على لسانه ولثته وشفرة الموس بين اسنانه
إقتباس »
يلعن شكل ابليسك من فارس تعال ياخي لو تكون اسود بس ارحمني وفكني من العيشه الضنكى مالقيت الا السواق الي شكلي بحوس ام الدنيا معه وبخربها بليله ظلماء وحالكة السواد
خخخخخخخخخخخخخ ما كن فيها نفس شينة النفس اللي فيك اجل تسب فارس احلامها تبيه يجي لها الله ياخذك لا حلا لا اخلاق لا جسم لا عمر حتى اجل صاكة الاربعين ومع هذا تفكر بالسواق وهي قبل مسفلتن به
إقتباس »
اصير حره وبكيفي وفي ذمة واحد يدحر رغباتي ووساوسي كلها وبالمره مايشوفني الا بالوقت الي انا جاهزه له اجل لو اتزوج واحد يتكي عندي اربعه وعشرين تبن فاضيه انا اتزين له كل اشوي واقعد ارتب اموره معاه وانتبه عليه واسوي له الي يبي وقت ما ابي والمصيبه لو بغيته انا ماعطاني وجه ابن الكلب
خخخخخخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخخخخخخخ

أول مرة اشوف انثى تفكر بالمسيار خخخخخخ لكن مع هذا ما تبيه إلا عشان فضاوتها
وش اللي حشرها على المر إلا اللي امر منه
إقتباس »
ولا من هالي يمرون على باص مكسر زي ذا الي راكبينه ويطنبون ويأشرون ؟ المفروض يعرفون مقولة كل اناء بما فيه ينضح المفروض يقدرون ذي المقوله تقدير بن لذينا اشلون يحاولون يشبكون ناس راكبين في باص متهالك ومهتريئ زي ذا
خخخخخخخخخخخخ الفاهية نسيت انها في نفس (الإناء) اللي تتريق عليه كنها ما تعرف ان شبابنا لو شاف كيس اسود اسفهلوا
إقتباس »
هذا هو السواق تعال يا المخيس تعااال وخليت روحي تنقل من الباص الى سواق الباص وصار سائق الباص شايل في قلبه وداخله باص مع اني مدري وش ذا الصدر الي بيشيل باص مستوبيشي داخله بس عاد مشوها
خخخخخخخخخخخخخخخخخخخخخخخخخخخخخ بنمشيها بنمشيها ما سمعت باللي قلبه شقق هذا مثله
إقتباس »
جدير بالذكر انه بعد اكتشاف الحقيقه المره وانه الاربعه الي في الباص يبونه من اول بس طبعهم يتكلمون فيه على الفاضي مدو هالمره جميعهم الايادي وحجبو الرؤيه عن السائق وقربع في الجدار الامامي والان يرقدون كلهم على الاسره البيضاء مكسورين الايدي والارجل
خخخخخخخخخخخخخخخخخخخخ هذا هم المعلمات متبريه منهم السنتهم ما غير حش ذب سب خنبقة حتى لا جاء وقت الصملي تلقاهم نصابين اجل كلهم يبونه بس يتمنعن وهن راغبات المصيبة على وشو يبونه <-- ما كنه تحمس مع السالفة
إقتباس »
ولا راح يطلعون من المستشفى لاني انا الحين السرير الي جمبهم اتكلم واقشم حب مع روح الباص المستبيشي
خخخخخخخخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخخخخخخخخخ

هذا انت تمنيت نفسك سيت وصرت سرير بكبره وهم مشنقلين اهم شي بلغ تحياتي لروح الباص وقو له يرتب أموره لأنه :

هو اللي بيشقل الموضوع للتثبيت والمميزة


افكار الشخصيات ما يجيبها الا شخص مثلك جلس تحت الدرج الين خاست اخلاقه مع ريحته <-- طراه ان الباص مخيس واخلاق اللي فيه مخيسة لا سواق ولا معلمات
عجبني التسلسل كان سهل وتنوع الشخصيات نقلت لنا الموقف صح يا فرج لكن ياليتك تكثر العيارة أكثر بالمرات الجاية


السالفة فيها إن لأن اللي يقرا هالهبال اللي انت مهبهبة هنا يقول لك ان العنوان اللي كذا احسن :
حينما تكون محطة انتظــار الجميـع ..<-- طراه انك باص خخخخخخخخخخخخخخ







اخر تعديل كان بواسطة » ql3t_eqla3 في يوم » 04-08-2009 عند الساعة » 12:43 AM.
ql3t_eqla3 غير متواجد حالياً التبليغ عن مشاركة سيئة  
Facebook Twitter
قديم 04-08-2009, 07:59 AM   #8
أبوحنفي
ملحط بسجن الحاير
أبوحنفي فوق  هام السحبأبوحنفي فوق  هام السحبأبوحنفي فوق  هام السحبأبوحنفي فوق  هام السحبأبوحنفي فوق  هام السحبأبوحنفي فوق  هام السحبأبوحنفي فوق  هام السحبأبوحنفي فوق  هام السحبأبوحنفي فوق  هام السحبأبوحنفي فوق  هام السحبأبوحنفي فوق  هام السحب

فرج ودي ارد عليك الصدز بس خايف تمهزل بي

عطني الآمان وارد عليك

يؤ يؤ اول مره اخاف تصدق



أبوحنفي غير متواجد حالياً التبليغ عن مشاركة سيئة  
Facebook Twitter
قديم 04-08-2009, 01:54 PM   #9
بـلآإْتـيـنُ
عالمي يفت كورة
 
الصورة الرمزية الخاصة بـ بـلآإْتـيـنُ
بـلآإْتـيـنُ فوق  هام السحببـلآإْتـيـنُ فوق  هام السحببـلآإْتـيـنُ فوق  هام السحببـلآإْتـيـنُ فوق  هام السحببـلآإْتـيـنُ فوق  هام السحببـلآإْتـيـنُ فوق  هام السحببـلآإْتـيـنُ فوق  هام السحببـلآإْتـيـنُ فوق  هام السحببـلآإْتـيـنُ فوق  هام السحببـلآإْتـيـنُ فوق  هام السحببـلآإْتـيـنُ فوق  هام السحب

يـآللـه إنـك تحـييُ فـرٍج هلآ بـآللـيٌ تـحتُ الـدرٍجٌ مـدرٍي ليـه إسمـًك لمـن أقرآهـ مـآ تجـيٌ فـيٌ بـآليٌ إلأآ حـآجتيـنٍ وٍحـدهـ مـآهيبٌ زٍينـه وٍالثـآنيـه يبيعـوٍنهـآ بـآلطـآزٍج وٍلآ آحبهـآ

إقتباس »
ياريتني كنت مرتبه وليس باص على الي يشوفونه ويحسونه ذا المراتب صحيح انه فيه بعضهم متان ويسببون مشكله وزنيه للمراتب بس ماهيب مشكله لجل عين تكرم مدينه
إنـت مشـكلتـًك خـرٍوٍفٌ لآ تـخليٌ تفـكيرًٍك سطـحيٌ ومـرٍتكزس وٍيدوٍرٍ حـوًٍل شسمـه يعـنيٌ مـآ جـآءْ فـيّ بـآلكُ إْنّ وٍحـدهـ وٍمـآحـد حـوٍلهـآ من الجـآلسسّـآت فـيُ البـآصُ آعطـتًك فـآرٍت ( للقـرٍآوٍهـ هـذآ غـآزٍ لـوٍنـه آخـضرٍ ) وٍش بيكـوٍن مـوٍقفـكٍ فـيُ هـآلحـآلة ,.؟؟ آجـًل لـجلُ عـينٌ تـكرٍم مـدينـهٌ

إقتباس »
هلا بالزين هلا بالي يسوى الدنيا كلها فديتهم الي يركبون على الصبح لو بيدي كان شلتك بعيوني ...آلخ...
قـآيًل لكمُ شعـبٌ خـرٍفـآن اللـه لآ يبلآنـآ مـآ يشوٍفـوٍن شـيُ أسـوٍد وٍيتحـرًٍك إلأ خقـوٍآ معـآهـ ( يأآحظـًك يـآ طـرٍشُ بحـرٍ)

إقتباس »
يلعن شكل ابليسك من فارس تعال ياخي لو تكون اسود بس ارحمني وفكني من العيشه الضنكى مالقيت الا السواق الي شكلي بحوس ام الدنيا معه وبخربها بليله ظلماء وحالكة السواد
فـآرٍسُ + آسـوٍد = هـّذآًك الـمغـنيُ ،، ليـه البنـآت فكـيرٍهـمٌ كلـه فـيٌ الـزٍوٍآج وٍهـمُ مـن جنبهـآ تبـوٍن تتزٍوجـوٍن خـلكمُ سنعـآت تعلمـوٍآ الطبـخ إلبسـوٍآ تعـدلوٍآ إكشـخٍوآ وٍآهـمُ شـي تتمـيلحـوٍآ عن الحـرٍيمُ الكبـآرٍ كـآن ٍوٍحـدهـ منهـمُ تـآخذًك لـوٍلدهـآ ..... دآُم إنّ البنـآتُ يـرٍضـوٍن بآيٌ شـيٌ (حتـىآ لـوٍ الشـخصُ كـآن أسـوٍد) فلآ تشـيًل هـمُ يأآ طـرٍشٌ قـآمُ سـوٍقًك من قـدًك .... آحـس بـآن هـذيُ من الكـآتب وٍلآ البنـآت مـآ آظـن يرضـوٍنهـآ فـآلـظآهـرٍ إنّ فـرٍج مغيـمُ 0.3 وٍشيـن فـقـآمُ يعـطي آمـآًل لـنفسـه وٍيرٍفـعَ مـنِ معـنوٍيـآته

إقتباس »
كم مره قلت لها السواق المخيس ابو راس مثلث انه ينتبه ويقدر وضعي كفتاه كول وجميله
آفـآ يـآمسسّـترٍ إيـه طـًلـعت سـوٍآقٌ وٍتقـوًٍل عـن نفسسّـًك دكتوٍرٍ وٍمدرٍي إْيـشٍ < يقـوٍل وٍآحـد رٍآسـه مثـلث وٍلأآ آعـرٍف غـيرًٍك

إقتباس »
وقسم بالله لو ابوي يرضى لي اخذ واحد مسيار يتهنى فيني تصير الحياه ولا اطلز من تسذا
آفـآ عـليًك بـس قـوٍليٌ لـيٌ وٍيـن آبـوًٍك وٍلأآ عـليًك آخليـه يوٍآفـق وآخـذًك إنـآ مسسّيـآرٍ يـآلبىآ قـلبـًك ( فيـس خـرٍوٍفٌ )

إقتباس »
يابوي وش ذا الصباح الكبيس الله يستر علي ولا اتهور مع ذا المغازلجي الحين مدري ليش متعطر كذا ومسوي فيها الحلو الي وخر عنه يابوي ترى راس مالك شماغ وثوب نضيف
لآ حـوًٍل حنـآ مـعٌ الحـرٍيمُ قسسّـم بـآللـه الـوٍآحـد مـآيدرٍيٌ كـيف يفـكرٍوٍن إن الـوٍآحـد ًلبـس وٍتعـدًل قـآلوٍآ هذآ مغـآزٍلجـي وٍقليـًل حيآ (جـليًل حيـآ عـلىآ قـوٍلة فرٍج ) وٍإن لآ قـآلوٍآ هـذآ قـرٍوٍيُ وٍعـرٍبجـي وٍحـآلتـه حـآلـه ,,, صـحيح إنـكمٌ نـآقصـآتُ عـقًل ، تـآليُ يقـوٍلوٍآ ليـش عنسسّـنـآإ ليـه مآ آحـد يجـي ٍ وٍيتـزٍوٍجنـآ ، بسبـبٌ تفكـيرٍكمُ إلليُ مـدرٍيُ وٍش يبـيٌ


مـوٍضـوٍعـًك فـآنتـآستـيًك يـآ فرٍج بيـًك وٍتعـدد الشخـصيـآت وٍطـرٍيقـة تفـكيرٍ الحـرٍيم إللي تبتـسًم لـزٍميلتهـآوٍمن دآخـل وٍدهـآ إنهـآ تحـرٍقهـآ حـآكـت الوـآقـعُ بصـوٍرٍهـ دآزٍليـنق < غـصبُ آبـيٌ آعـلمكُمٌ إنـي لغـآت

For you nigga Black flower with weeds



بـلآإْتـيـنُ غير متواجد حالياً التبليغ عن مشاركة سيئة  
Facebook Twitter
قديم 04-08-2009, 02:54 PM   #10
داشر ولكن
مقلع وعيار
 
الصورة الرمزية الخاصة بـ داشر ولكن
داشر ولكن سمعته تلعلع في السماءداشر ولكن سمعته تلعلع في السماءداشر ولكن سمعته تلعلع في السماءداشر ولكن سمعته تلعلع في السماءداشر ولكن سمعته تلعلع في السماءداشر ولكن سمعته تلعلع في السماءداشر ولكن سمعته تلعلع في السماءداشر ولكن سمعته تلعلع في السماءداشر ولكن سمعته تلعلع في السماءداشر ولكن سمعته تلعلع في السماءداشر ولكن سمعته تلعلع في السماء

حي فرج وما جاب



ياخي وش ذا المسلسل المكسيكي الي انت كاتبه ؟
إقتباس »
انت تدري عشان اكتب موضوعي السابق جلست سته ايام مواصل قدام الكي بورد واسعبل عليه من زود التعب وماخليت فلم ماشفته من الي انت خابر ..
اذا هذاك وجلست عليه 6 ايام وقمت تسعبل وتناظر افلام اباحيه هذا اكيد انك جلست تقضم و تقيّت ولا بقى شيء يقاله منبه ما استخدمته عشان يخليك تواصل تخيّلت وجهك وانت تكتب المشهد الأخير بالمسلسل وعروق عينك طالعه ومتحاذفه في جميع الإتجاهات وحتى يوم ارسلت الموضوع احسك ما رقدت ولا ارتاحت نفسيتك الين شفت اول رد وعقبها صكيت جبهتك بالطاوله ورقدت بسلام و عليها الين الحين والدليل انك من البارح مزلب الي ردوا ولا جبت خبر ويوزرك منتفخ ووارم من السهر

إقتباس »
حتى فيه قطاوه ماخذين الباص ملهى ليلي لهم واذا مريت من قدام الباص بالليل تلاقي لك كم بسه تأشر تسذا وفيه يديها دولارين عاد مدري هي تقصد التبييت ولا الشورت تايم
خخخخخخخخخخخخخخخخخخخخخخخخخخخخخخ عزتي لك أجل ما ترقد من الأصوات والأزعااج ياخي انا كل شيء ممكن اني استحمله واقاومه الا أصوات مضاجعة ذا القطاوه تحت دريشه غرفتي <ساكن جنب الزباله .. تحس ان القطو من قو الطرب جالس يموّل ويدندن يلعن صوته الغثيث عاد المشكله ان نهاية الموضوع ما تنتهي بالتفاهم خخخ يعني عقب ذا التكيه والتواصل الجسدي والتناغم الموسيقي بالأصوات يقلبونها هواش ويتحول الصوت الغثيث الى صوت اغث وملاعن وملاحق وعشان كذا انا اقدر الكلب لانه الحيوان الوحيد الي عارف لهم ومقدي فيهم لذلك اغلب ربعي ومعارفي كلاب الله لا يخلينا منهم

إقتباس »
وبرر تنغيفه بانه مساعد كبير في التفكير ويعتبر التنغيف هو المحرك الاساسي لسالفة الافكار الكبيره وافضل افكاره واحسنها استثمارياً وهي الباص طبعاً الي هو راكبه ماجات الا في لحظة تنغيف حاره جداً سبايسي كانت ذي اللحظه
خخخخخخخ ياخي التنغيف صار من طقوس السواقه بالسعوديه ومستحيل توقف عند اشاره ما تشوف واحد على يمينك ولا يسارك ما ينغف ويدور والمشكله يجيك مركز بالبحث وتحس ان يده استقرت في راسه وهو يدور وين المكااان الي يجي منه الوصاخه ؟ واحيان تفتح الإشاره وتصكر والعالم وراه يطنبون وزاقه معهم وخوينا لين الحين ينغف عاد الي يفقع الكبد من جد لا جاك الواحد خشمه كبير ويمديه يدخل يده كلها مهوب اصابعه هذا الي تدري انه راعي طويله وحاول انك تتجنب توقف موترك وراه لان احتمال يده تضيع في خشمه عاد انتظر انت لين يحصلها وبيروح مشوارك ضحية تنغيف

إقتباس »
افضل اشياء لاقينها صح في ذا الباص الاسيات المراتب ياعيال يابختها ياريتني كنت مرتبه وليس باص على الي يشوفونه ويحسونه ذا المراتب صحيح انه فيه بعضهم متان ويسببون مشكله وزنيه للمراتب بس ماهيب مشكله لجل عين تكرم مدينه
خخخخخخخخخخخخخخخخخخخخخ الله ينسخ تالي عقلك يالمريض اجل مرتبه ياخي راع شعور المراهقين الي يتخاطمون على العيارين بحثا عن هالنوع من العياره الوصخه والي احتمال يقوم الواحد فيهم بتخيلها بطريقة ما و يخليها تصب في صالح شهواته عاد انت الي بتستاثم بكيفك .. عاد تخيل انك مرتبه وتقوم وحده من ذا المتاان الي يسحبون مقطوراتهم وتلقي بحمولتها الثقيله عليك وتبرك على صدرك يعاوك والله من الكتمه < انخنق وهو يتخيل

إقتباس »
ولا راح يطلعون من المستشفى لاني انا الحين السرير الي جمبهم اتكلم واقشم حب مع روح الباص المستبيشي
خخخخخخخخخخخخخخخخخخخخخخخخخخخخخخخخخخخخ
ايه ياخي ذا اشوى من المرتبه يعني حتى لو ترقاك متينه يمديك تستحمل وفيه مسااحه وبعدين الاجزاء تتوزع بهالطريقه وكل شيء يصير له محل


فرج انت يبيلك استجمار عشان تطلع كمية الوصاخه والملعنه الي بمخك قسم بالله يا موضوعك ذا جااز لي وجلست اضحك على اغلب جزئياته لانه واضح انه طالع من عقلية شخص مريض وعنده انفصام وتوحد وامراض كثيره لا يسعني ذكرها اجل باص خخخخخ
موضوعك بن كلب وواتعب وانا اقول ممتع الله يوسع صدرك بالعافيه ولا هنت



داشر ولكن غير متواجد حالياً التبليغ عن مشاركة سيئة  
Facebook Twitter
إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 12:29 PM.

الأن حمل تطبيق منتديات الإقلاع

 

هام: لجميع مستخدمي ايميلات شركة مايكروسوفت (hotmail,msn,outlook......الخ)
 

في حال تاخر التفعيل او اي مشكلة طارئة او ما يخص العضوية الذهبية او التجارية من استفسارات يمكنك ابلاغي هنا وتسعدني متابعتك   

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.7
Copyright ©1999 - 2014, Jelsoft Enterprises Ltd.
جميع الحقوق محفوظة منتديات الاقلاع - شبكة الاقلاع