منتديات شبكة الاقلاع ®



الانتقال الى الصفحة الرئيسية عضويات التميز (الفضية + الذهبية + التجارية) موقع ieqla3 متخصص بجميع منتجات شركة apple أنظمة وقوانين وتعليمات الموقع   وقف شبكة الإقلاع الخيري مركز رفع الصور والملفات تابعونا على موقع تويتر بوابة الانباء
اقلاع بلاك بيري البحث السريع برامج الإقلاع المجموعة البريدية جوال الإقلاع أنظمة وقوانين وتعليمات الموقع للإعلان في شبكة الإقلاع
العودة   منتديات شبكة الاقلاع ® > قسم تقنية الإتصالات الحديثة > منتدى تقنية الإتصالات الحديثة العام
التسجيل التقويم التأشير على جميع الاقسام بالمشاهدة


إضافة رد
 
أدوات الموضوع طريقة عرض الموضوع
قديم 02-08-2009, 09:07 AM   #1
Mine
من كبار شخصيات الإقلاع
 
الصورة الرمزية الخاصة بـ Mine
Mine فوق  هام السحبMine فوق  هام السحبMine فوق  هام السحبMine فوق  هام السحبMine فوق  هام السحبMine فوق  هام السحبMine فوق  هام السحبMine فوق  هام السحبMine فوق  هام السحبMine فوق  هام السحبMine فوق  هام السحب

تقـوية الوايرلس ( توضيح + تجارب )

.
.

السلام عليكم ورحمه الله وبركاته


بالبدايه .. هالموضوع راح يكون مختصر ويتكلم عن تجربه معينه وتوضيح لبعض المفاهيم وحبيت أنزله بأقرب وقت لكثره الأستفسارات عنه ... أيضا سيكون بشكل عام بدون الدخول في تفاصيل بعض الأعدادات .


من أول ما طلع الـ DSL وشغله الوايرلس والأستفسارات تروح وتجي على هالسالفه .. كيف أقوي الوايرلس وأزيد مداه لأكبر مسافه ممكنه؟!

تعددت الطرق والحلول لتقويه بث الوايرلس فبعضهم يحط له قصدير على الأنتل حق المودم والبعض يغير الأنتل كامل بواحد أقوى وفيه ناس تستخدم حلول أحترافيه وأكثر تكلفه وهي أستخدام أكسس بوينت لربط وتقويه الأرسال من المودم الرئيسي .


طبعا الأكسس بوينت Access Point يعتبر بشكل عام واجهه توزع الأشاره ( سلك + وايرلس حسب دعم الجهاز ) لباقي الأجهزة وغالبا يكون متصل بالمودم الرئيسي عن طريق سلك شبكة .. يعني مثلا عندك مودم قديم ما فيه وايرلس توصله بالأكسس بوينت وتخليها توزع الوايرلس .

الوظيفه الثانية او الـ Mode الثاني اللي يهمنا واللي تشتغل فيه أغلب أجهزة الأكسس بوينت اللي هو Repeater ريبيتر : بمعنى يستقبل أشاره الوايرلس من المودم الرئيسي ويعيد بثها من جديد بمدى أكبر بدون أي أسلاك بينه وبين المودم . ( مجرد توصيل بالكهرباء فقط ) وهذي صورة ممكن توضح فكره الأكسس بوينت والريبيتر





طبعا الشئ المهم والتوضيح اللي من أجله نزلت هالموضوع أنه إذا تكلمنا عن تقويه الوايرلس فحنا نتكلم عن تقويه الأشاره الرئيسيه من المودم
.. وليس تقويه ألتقاط الوايرلس من جهاز معين .



من ناحيه شخصيه أستخدمت أكثر من منتج لتقويه الوايرلس من المودم الرئيسي ( SpeedTouch 585 v6 ) واللي هي بأختصار :




* SpeedTouch 180 : سئ جدا جدا وغير عملي .. إشاره ضعيفه جدا لدرجه أن المودم الرئيسي نفسه وانا بعيد عنه يشبك وبثبات أكثر من هذا .. رغم أني جالس على بعد 10-15 متر من المقوي .! والقهر أني شريته بحول 300 ريال لأنه كان صعب تلقاه .! وللأسف جربته مرتين و3 وحوم تسبدي ومصيره يرجع لكرتونه .





* Wireless-G Range Expander : مثل خويه اللي فوق .. سعر مرتفع + أداء سئ جدا وأعداداته لحسه ( ممكن مشكله توافق مع السبيد تتش ) وبثه ضعيف .. يعني لازم احطه بجنب المودم ولا ما استفيد إذا صرت بجنب المودم ما أبيك تعطيني شئ


بعد هالجهازين ركدت شوي وما حبيت استعجل على شئ خاصه ان اغلب الحلول اللي اقترحت علي كانت مكلفه شوي .. لين سمعت عن الجهاز هذا واللي أحب أني افصل فيه أكثر .




Buffalo WHR-HP-G54


صفحة الجهاز

كود:
http://www.buffalotech.com/products/wireless/wireless-g-high-power/wireless-g-high-power-router-and-access-point-whr-hp-g54/
جميع الخصائص والأعدادات طبقتها من هالموقع والحقوق محفوظه لأصحابها .. مع كل الشكر لكاتب الموضوع ( خالد خليفه )

كود:
http://www.wifiarab.com/content.php?id=144&catid=5
والشئ المهم اللي يفضل انك تسويه ( او تخلي راعي المحل يسويه لو يعرف ) هو رفع فريم وير dd-wrt للجهاز عشان تستفيد منه بالشكل الأمثل وبرضه عشان تطبق الشرح والأعدادات الموجوده بالرابط .

كود:
http://www.wifiarab.com/content.php?id=30&catid=5
المميزات : من واقع تجربه أكثر من شخصيه ( لأني بعد ما جربته وصيت عليه 5 أشخاص وكلهم يمدحونه ) مع العلم أن طبيعه أستخدامي له كـ ريبيتر يعني بعد ما ضبطت أعداداته أشيله لأي مكان يوصله بث المودم وأشبكه بأقرب منفذ كهرباء وهو يلقط الأشاره ويعيد بثها .

* سعر مناسب : أذكر اشتريته وقت ما نزل بسعر 280 ريال وسعره اعتقد للحين بهالحدود 260-280 ريال .

* أداء قوي : أداءه مقنع جدا جدا يعني يبرد التسبد على قولتهم من ناحيه المسافه غطى لي مسافه كبيره وتقريبا ضعفين تغطيه المودم العاديه مع فرق المسافه بينهم .. وكل ما رفعت قوه الأشاره راح تزيد لك التغطيه لكن لحد معين .

* أعتماديه وعمليه رهيبه : طبعا عشان أحصل على أحسن نتيجه وأكبر مسافه ( لأني أبغى أنقل الأشاره لبيت أخوي ) كان لازم أحط الأكسس بوينت برا .. يعني معرض للشمس الرقيقه والهواء العليل الخالي من الغبار والحمد لله شغال بدون مشاكل وتقطيع وقله حيا .. وأزيدكم من الشعر ملحق بالعواصف الأخيره جاه رش مطر وتنقع شوي لكن فكيته ونشفته ورجع زي الحلاوه


* خيارات عديده : الجهاز يشتغل كرواتر وأكسس بوينت وريبيتر وسويتش .. وبلوحه التحكم عندك الخيار أنك تعدل على أشياء كثيره منها قوة الأشارة , التشفير ( يدعم أغلب أنواع التشفير الموجوده وبأمكانك تفصل تشفيره عن المودم الرئيسي يعني لكل واحد منهم كلمه سر ) وحظر المواقع والتحكم وغيرها وأغلبها مشروحه بالرابط اللي فوق .



العيوب : شكلكم تقولون كل هالمدح وعيوب ؟! من ناحيتي ما واجهت معه أي مشكله ولله الحمد لكنها مشاكل وتنبيهات بسيطه لازم نحطها بالبال .

* الأكسس بوينت لا يدعم المعيار الجديد للوايرلس N .. مع أني اشوف بموقعهم موديلات جديده تدعمه لكن من ناحيتي وبما ان المودم الرئيسي أصلا ما يدعمه فما همني هالشئ .

* برنامج الـ TFTP Clint والمستخدم لرفع الفريم وير ما يشتغل ولا يضبط إلا على الأكس بي .. يعني وقت ما تسوي هالخطوه سوها على جهاز يشتغل بنظام XP .. مع العلم أنه بالأمكان أستخدام أي برنامج ثاني لنفس الغرض لكن ما جربتها . ( طبعا هذا موب عيب بالجهاز لأن البرنامج منفصل عنه )





نقطه على السريع :

- يوجد أجهزة ثانيه من شركات أخرى بأسعار مختلفه وبعضها سعره رخيص ويقدم أداء قوي مثل بعض موديلات الـ PheeNet .. لكني ما جربتها عشان أحط رأيي عنها وأتمنى لو فيه أحد جربها او موديل غيرها يحط تجربته .



---------------------------------------------------


* نجي للنقطه الأهم بالموضوع .. لما يجي شخص يسأل ويستفسر وش أحسن حل لتقويه الوايرلس
؟! الوايرلس ضعيف ؟! كيف أوصل الأشاره للدور الثاني ؟! طيب الملحق ما فيه وايرلس <<


هل من المنطق أني أقول رح أشتر لك لاقط أشاره ( ألفا أو غيره ) بـ ( 120-150 ريال ) مع العلم أنه ما راح يستفيد منه إلا جهاز واحد بس ؟! طيب اذا صار عنده أكثر من جهاز يعني يروح يشتري جهاز لكل واحد ؟!

او الأفضل أنه يشتري أكسس بوينت ( 180 - 300 ريال ) ويوزع الأشاره لكل المنطقه اللي هو فيها ويريح عمره من الأسلاك والبهذله والتعاريف ؟!




يعني بأختصار .. الألفا Alfa USB أو G-SKY أو ما شابهها هذي ليست أجهزة لتقويه الوايرلس ( مع أن هناك طرق لتمكين المشاركه عن طريقها لكن ما أشوفها فعاله ) .. مجرد محول عادي للوايرلس زيه زي الموجود باللابتوب لكن غالبا يكون أقوى بالألتقاط بسبب نوع الشريحه(التشيب) المستخدمه والأنتينا المرفق معها .




بالتأكيد ما نلزم أحد بشئ أو أختيار معين .. وكل واحد وأستخدامه وميزانيته واللي يريحه لكنها تجارب وحقائق لازم نذكرها وتكون بالبال .. وأن شاء الله تكون وصلت الفائده من الموضوع .


الموضوع كتبته على السريع بعد تأجيل وتسويف لين أستحيت على وجهي اللي عنده أستفسار -معلومه - تصحيح - تعليق أو تجربه يتفضل وحياه ربي .


والله أعلم .. وفق الله الجميع



Mine غير متواجد حالياً  
Facebook Twitter اضافة رد مع اقتباس

قديم 02-08-2009, 09:21 AM   #2
O D
Emmy Awards Winner
 
الصورة الرمزية الخاصة بـ O D
O D O D O D O D O D O D O D O D O D O D O D

حيا الله ماين

الرمزية الجديدة رهيبة اهنيك على الذوق

نجي لموضوعك الي انت كاتبه عالسريع
اذكر من قبل ما ندخل الدي اس ال لبيتنا كان همنا هو هالوايرلس و هل هو يغطي ولا لا
يا فيه ناس ماتعوق معها ,, اجل واحد يقول لو تحط الموديوم في غرفة و تروح للغرفة الي جنبها ما توصل لك الاشارة الا لو فتحت الباب حشا صار مكيف

عموما شرينا الموديم ولا حسيت بمشكلة الوايرلس لان كلنا نستخدم اجهزتنا فوق
عاد يوم شرينا البلاي ستيشن حسيت بالمشكلة,, لان الجهاز حاطينه بالمجلس الي تحت علشان الازعاج و الزعاق و الاشارة ما توصل ابد حتى ان اخواني العباقرة كانوا يمدون السوني برا الغرفة و يحطونه بالسيب ( يسمعون بالاستفادة من اليد اللاسلكية)

فقررت اشتري اكسس بوينت, نقزت للحراج ولا القى نوعيات حلوة الا لموديمات لينكسس وانا من ردى حظي سبيد زفت

جبت لنا واحد و طقاق و مصارعه علشان اسوي له سيت اب ان كانك تذكر السالفة
و يوم ركبته و جربت الا ولله و ضبط و انبسطت ولله
شوي الا البتاعه خربت!!! سويت سيت اب و ضبط الوضع الا نص ساعه و خرب!! و هكذا كل شوي يخرب مدري ليه الظاهر كل مااحد سوى ريستارت للموديم و تغير الاي بي الاكسس بوينت لازم تتعرف عليه من جديد

المهم ان البتاعة مرمية في درج جالسة تجمع غبار و السوني طلعناه فوق و انحلت المشاكل

و عشنا بهناء و وفرح


إقتباس »
* لا أحد يرسل خاص رجاء .. اللي عنده مشكله أو أستفسار ينزل موضوعه بالمكان المخصص وأن شاء الله محد يقصر معه .
خخخخخخخخخخخخخخخ تسمع بالاسلوب اللطيف لحد يرسل خاص ولا بلعن والدينه :sm4:

احس ان العالم جابت لك الهم بالاستفسارات

على فكرة فيه مشكلة عندي لاب توبي اذا استخدمته لمدة ساعه او اكثر البطارية تفضى ليه؟



O D غير متواجد حالياً  
Facebook Twitter اضافة رد مع اقتباس
قديم 02-08-2009, 12:59 PM   #3
يؤ .. !!
دكتور كمبيوتر
 
الصورة الرمزية الخاصة بـ يؤ .. !!
يؤ .. !! فوق  هام السحبيؤ .. !! فوق  هام السحبيؤ .. !! فوق  هام السحبيؤ .. !! فوق  هام السحبيؤ .. !! فوق  هام السحبيؤ .. !! فوق  هام السحبيؤ .. !! فوق  هام السحبيؤ .. !! فوق  هام السحبيؤ .. !! فوق  هام السحبيؤ .. !! فوق  هام السحبيؤ .. !! فوق  هام السحب

يعطيك العآفيه مآين ... معلومآت جديده ... صححت الي ببآلي
وان شاء الله الكثير رآح يستفيدو من موضوعك ويدعولك

الف شكر


إقتباس »
على فكرة فيه مشكلة عندي لاب توبي اذا استخدمته لمدة ساعه او اكثر البطارية تفضى ليه؟
^
سير على موضوع "رآيحه جآيه" اذا انك مآسيرت عليه < وسوري عاللقآفه
هل تعاني من بطارية جهازك؟! .. إذن إقلط هنا



يؤ .. !! غير متواجد حالياً  
Facebook Twitter اضافة رد مع اقتباس
قديم 02-08-2009, 01:30 PM   #4
Mine
من كبار شخصيات الإقلاع
 
الصورة الرمزية الخاصة بـ Mine
Mine فوق  هام السحبMine فوق  هام السحبMine فوق  هام السحبMine فوق  هام السحبMine فوق  هام السحبMine فوق  هام السحبMine فوق  هام السحبMine فوق  هام السحبMine فوق  هام السحبMine فوق  هام السحبMine فوق  هام السحب

.
.

O D

الله يحييك ويبقيك .. عسى ما أخجلنا تواضعك طال عمرك والرمزيه من ذوقك يالشين بس متى تدخل من الديسكتوب ؟!

من ناحيه نقطه فتح الباب صح أنها قويه شوي لكن فعلا بث الوايرلس يتأثر بالعوازل والعوائق اللي قدامه سواء كانت جدران أو غيرها وتختلف طبعا حسب سمك ونوع الماده .

إقتباس »
حتى ان اخواني العباقرة كانوا يمدون السوني برا الغرفة و يحطونه بالسيب ( يسمعون بالاستفادة من اليد اللاسلكية)
حطها بأخوانك الضعوف بس لا تخليني أحلف انه انت

بالنسبه لقضيه التوافق غريبه والمشكله انه حتى راعين المحلات ما يعطيك علم أكيد .. يعني لازم تسأل واحد مجربه او أنك تقول لراعي المحل لو ما ضبط وخربط مع المودم اللي عندي ترا برجعه :sm4:

أهم شئ سلكت أموركم ولو أني اقترح عليك تجرب البتاع اللي ذكرته بالموضوع لو كنت ناوي على شئ جديد .. لكن دامكم عشتوا بهناء وسرور فالله يتمم عليكم

إقتباس »
خخخخخخخخخخخخخخخ تسمع بالاسلوب اللطيف لحد يرسل خاص ولا بلعن والدينه :sm4:

احس ان العالم جابت لك الهم بالاستفسارات
يا رجل ما هنا سلامه خلها على ربك بس .. ناس مدرعمه وناس ما تنعطى وجه وناس تبي الحل يجيها مغلف وفوقه ورده :/


إقتباس »
على فكرة فيه مشكلة عندي لاب توبي اذا استخدمته لمدة ساعه او اكثر البطارية تفضى ليه؟
بالنسبه لهذا الأستفسار المحير والمشكله العويصه واللي واضح انك متورط فيها ومنتب راعي خبره فـ أنصحك أنك تسوي أستعاده نظام


منور الموضوع وحياك ربي



Mine غير متواجد حالياً  
Facebook Twitter اضافة رد مع اقتباس
قديم 02-08-2009, 10:26 PM   #5
ثقيل الدم
من كبار شخصيات الإقلاع
 
الصورة الرمزية الخاصة بـ ثقيل الدم
ثقيل الدم فوق  هام السحبثقيل الدم فوق  هام السحبثقيل الدم فوق  هام السحبثقيل الدم فوق  هام السحبثقيل الدم فوق  هام السحبثقيل الدم فوق  هام السحبثقيل الدم فوق  هام السحبثقيل الدم فوق  هام السحبثقيل الدم فوق  هام السحبثقيل الدم فوق  هام السحبثقيل الدم فوق  هام السحب

وعليكم السلام يازعيم

مشاالله موضوع متكتك

تصدق من كثر مشاكل الوايرلس بغيت اقول انها مشكله عامه وجاري حلها (سامع بسالفه الكيبل البحري)

لاهنت يازعيم ونتطلع لخدمتك لاحقاً



ثقيل الدم غير متواجد حالياً  
Facebook Twitter اضافة رد مع اقتباس
قديم 03-08-2009, 06:42 AM   #6
ملك بدون مملكة
من كبار شخصيات الإقلاع
 
الصورة الرمزية الخاصة بـ ملك بدون مملكة
ملك بدون مملكة فوق  هام السحبملك بدون مملكة فوق  هام السحبملك بدون مملكة فوق  هام السحبملك بدون مملكة فوق  هام السحبملك بدون مملكة فوق  هام السحبملك بدون مملكة فوق  هام السحبملك بدون مملكة فوق  هام السحبملك بدون مملكة فوق  هام السحبملك بدون مملكة فوق  هام السحبملك بدون مملكة فوق  هام السحبملك بدون مملكة فوق  هام السحب

.
.

هلا وغلا ماين
اخيراً نزل هالموضوع

سؤال كيف اقوي الوايرلس ؟
ياما انطرح في المنتدى عدة مرات

بالموضوع السهل هذا جاوبت على السؤال بشكل ممتاز
يعني هي طريقتين اما عن طريق جهاز يقوي الاشارة او وصلة استقبال قوية
ومثل ما تفضلت اجهزة الـ Range expander افضل لانها تخدم عدة اجهزة

البفالو واضح انه جهاز ممتاز
واتوقع يجي احد يسألك وين يباع مثل ماسألتك ذاك اليوم
موجود عند " الشبكات السلكية واللاسلكية " سوق الكمبيوتر العليّا

نصيحة اخيرة للي عنده مودم وايرلس او نقطة ارسال من اي نوع
لا بد يكون الجهاز بمكان عالي وبعيد عن العوازل قدر الامكان
لان الموجات تنتقل بشكل افضل من اعلى الى اسفل وليس العكس

للحين ما احتجت مقوي لان اغلب استخدامي في مدى 100م2 تقريباً
واستخدم مودم Thomson TG585 v7 واشارته وثباته ممتاز




يعطيك العافية على الموضوع ماي فريند






اخر تعديل كان بواسطة » ملك بدون مملكة في يوم » 03-08-2009 عند الساعة » 06:49 AM.
ملك بدون مملكة غير متواجد حالياً  
Facebook Twitter اضافة رد مع اقتباس
قديم 03-08-2009, 06:42 PM   #7
أبــو صـالح
دكتور كمبيوتر
 
الصورة الرمزية الخاصة بـ أبــو صـالح
أبــو صـالح فوق  هام السحبأبــو صـالح فوق  هام السحبأبــو صـالح فوق  هام السحبأبــو صـالح فوق  هام السحبأبــو صـالح فوق  هام السحبأبــو صـالح فوق  هام السحبأبــو صـالح فوق  هام السحبأبــو صـالح فوق  هام السحبأبــو صـالح فوق  هام السحبأبــو صـالح فوق  هام السحبأبــو صـالح فوق  هام السحب

.
.
ماشاء الله عليك ماين

أغلـب مواضيعك تكون من تجربه شخصيه

موضوع استفدت منه الصراحه يعطيك الف عافيه



أبــو صـالح غير متواجد حالياً  
Facebook Twitter اضافة رد مع اقتباس
قديم 03-08-2009, 11:08 PM   #8
سوسوالحبوبه
من كبار مقلعين القهوة
 
الصورة الرمزية الخاصة بـ سوسوالحبوبه
سوسوالحبوبه فوق  هام السحبسوسوالحبوبه فوق  هام السحبسوسوالحبوبه فوق  هام السحبسوسوالحبوبه فوق  هام السحبسوسوالحبوبه فوق  هام السحبسوسوالحبوبه فوق  هام السحبسوسوالحبوبه فوق  هام السحبسوسوالحبوبه فوق  هام السحبسوسوالحبوبه فوق  هام السحبسوسوالحبوبه فوق  هام السحبسوسوالحبوبه فوق  هام السحب

الف شكر اخوي

كفيت ووفيت وبيّض الله وجهك



سوسوالحبوبه غير متواجد حالياً  
Facebook Twitter اضافة رد مع اقتباس
قديم 07-08-2009, 08:47 PM   #9
Mine
من كبار شخصيات الإقلاع
 
الصورة الرمزية الخاصة بـ Mine
Mine فوق  هام السحبMine فوق  هام السحبMine فوق  هام السحبMine فوق  هام السحبMine فوق  هام السحبMine فوق  هام السحبMine فوق  هام السحبMine فوق  هام السحبMine فوق  هام السحبMine فوق  هام السحبMine فوق  هام السحب

.
.

يؤ .. !!

هلا والله حياك ربي .. الحمد لله عجبك الموضوع واستفدت ومن ناحيه اللي راد قبلك لا يهمك علاجه عندي



ثقيل الدم

تهون سالفه الكيبل على الأقل ما بيدنا شئ نسويه منور ثقيل وما تقصر يا طيب




ملك بدون مملكة

أهلا عزيزي .. تسلم لي على الأضافات المهمه واللي استفدت منها بالنسبه لنقل الموجات . بالنسبه للجهاز زي ما تفضلت موجود بسوق العليا للكمبيوتر .. مع اني آخر مره دورته كان مخلص بس ان شاء الله متوفر الحين ( شخصيا محتاج واحد منه الحين بس ما فضيت أجي أخذه )

السبيد تتش او الثومسون ماشي مع اغلب العالم وراعي كرف بصراحه خاصه مع تحديثاته المتوفره واللي عندنا أشهد انه ما قصر ابد .

يعافيك ربي



Mine غير متواجد حالياً  
Facebook Twitter اضافة رد مع اقتباس
قديم 07-08-2009, 10:27 PM   #10
حـور
عضو مقلع بقوة وحول ترقية
حـور فوق  هام السحبحـور فوق  هام السحبحـور فوق  هام السحبحـور فوق  هام السحبحـور فوق  هام السحبحـور فوق  هام السحبحـور فوق  هام السحبحـور فوق  هام السحبحـور فوق  هام السحبحـور فوق  هام السحبحـور فوق  هام السحب



.
.

7 مرات ادخل الموضوع واعجزز ارد
ولما جززمت وكتبت الرد علق الجهاز / ابد مو وقته ذا الغبي


مـاين
الجهاز كله اول مره اشوفه واسمع عنه
والحلوو فيه انو تحت تجرربتك
اعجبني انو كل مارفعت قوة الاشاره كل مازادت مساحة التغطيه
وبإذن الله اذا فضيت بشتريه

اللي استصعبته ودوخ راسي من جد ( رفع فريم وير dd-wrt )
ابي اعتمد على نفسي ما ابي المحل يصلحه
بس اذا جبته بروق عليه .. واحتمال كبير ابثررك

إقتباس »
نصيحة اخيرة للي عنده مودم وايرلس او نقطة ارسال من اي نوع
لا بد يكون الجهاز بمكان عالي وبعيد عن العوازل قدر الامكان
لان الموجات تنتقل بشكل افضل من اعلى الى اسفل وليس العكس
استفدت


إقتباس »
* لا أحد يرسل خاص رجاء .. اللي عنده مشكله أو أستفسار ينزل موضوعه بالمكان المخصص وأن شاء الله محد يقصر معه .
من نزلت هـ السطر بـ توقيعك .. وهم يدرعمون ع الخاص
واكيد كل من معاه رتبه بـ التقنيه درعموا عنده

يعطيك ألف عاافيه مشرفنـا .. من جد استفدت َ



حـور غير متواجد حالياً  
Facebook Twitter اضافة رد مع اقتباس
إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 01:18 PM.

الأن حمل تطبيق منتديات الإقلاع

 

هام: لجميع مستخدمي ايميلات شركة مايكروسوفت (hotmail,msn,outlook......الخ)
 

في حال تاخر التفعيل او اي مشكلة طارئة او ما يخص العضوية الذهبية او التجارية من استفسارات يمكنك ابلاغي هنا وتسعدني متابعتك   

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.7
Copyright ©1999 - 2014, Jelsoft Enterprises Ltd.
جميع الحقوق محفوظة منتديات الاقلاع - شبكة الاقلاع