[راعــي غـنـم]

الـســــلام عليكم ...

اقدع مسا على الناس المتنوسه


الحقيقه انا دارت بي الدونيا وتعبت من التفكير ولا لقيت أي مخرج من أزمة التفكير وبما أني أفكر تفكير كله تفكير في تفكير فأحب أني أطرح مشكلتي التفكيريه بعد تشتت ذهني وإنبطاحي العقلي في مستنقع الوحل المجتمعي اللذي تزايد بشكل مفترس لدى بقية أفراد الشعب المنجنيقي .. ولا حد يسألني عن الكلام هذا لأني ماني فاهم ولا شي منه .



المهم أنا إنسان طموح أخذت شهاده برغبة أهلي وخصوصا ً أبوي اللي دايما يعايرني بولد جارنا حمدي .. كل شوي يقول لي شوف بخيت ولد حمدي كيف متفوق في دراسته .. وشوف كيف يهتم في دروسه .. انا والله ودي اذاكر بس كلما فتحت الكتاب يكبس علي النوم فجأه وانام .

مليت زهقت من هذي الحاله ... ابوي من جهه وحمدي وعياله من جهه .. حسيت اني فاشل في الحياه .. واذا تبغون الصدق حسيت اني اكره بخيت واحقد عليه .. ودي اذبحه عشان اوري ابوي اني احسن منه .. حتى مره لقيته عند الحلاق يحلق شعره على الزيرو .. شفت راسه بيضاوي الشكل وانا راسي مربع الأطراف كنه راس احمد نصيب لاعب النصر ايام قصة الكابوريا وجبهته عريضه بعد .

بصراحه حسيت ان راسه انطعج من كثرة المعلومات وتأكدت انه راح يصير عبقري .



ما اخبي عليكم ... دخلت في التجاره ... وصرت اشتري ايام الثانويه شوكلاته بريال وابيعها على زملائي الطلاب بريالين .. بس مشروعي خسر .. لأني مدمن شوكلاته .

مره تسلفت من ابوي خمسين ريال واشتريت بها كلها مساويك نزلت السوق ابيع بس حسيت اني ماني متمكن من سوق المساويك وهواميره البنقاليه .. لا والمشكله ان ابوي يطالبني لين الحين بالأرباح ... بغيت افتح محل فول وتميس بس قالوا لي لازم يكون عندك لغة انقليزيه وخبره خمس سنوات .



دخلت سوق الأسهم بس ما فهمته ... كنت اجيب سجادتي وافرشها في الصاله وكنت انام واقول للي جنبي اذا شفت السوق قفل نسبه تحت صحني عشان اشتري واليوم الثاني انام واقول للي جنبي اذا شفته صك نسبه فوق صحني عشان ابيع .. الناس اشوفهم يشتغلون بملايين وميات الألوف وانا اشتغل بخمسه الاف بس .. عشان اسيطر على المبلغ في حال الخساره ... ومره كان فيه واحد متوتر جالس جنبي كل شوي يطلب مني دخان .. واخر شي لقيته في دورات المياه يبكي على حظه المايل ... المهم اني كرهت هذا الجو المتوتر وسحبت كامل السيوله .. بس الحمد لله ما تأثروا صغار المستثمرين .



انا الحين زهقت وطفشت وماخذ قرض بسبعين الف ريال .. ابي مشروع ناجح ماحد عمره دخل فيه ولا فكر فيه .. بس اهم شي يكون ناجح .



فكرت فكرت فكرت ... واخيرا ً لقيت المشروع



افتح مؤسسة مقاولات عامه للترصد والقتل بما ان القتل صار كثير هالأيام .. بدال ما يرح العميل يقتل ويتمرمط في القضيه حنا نقوم عنه بالمهمه نقول له تعال عندنا وعطنا معلومات كامله عن الفقيد المنتظر وحنا نتولى أمر قتله ومثل ما يحب العميل القاتل ( مسدس - سكين - صدم بسياره - عملية تفحيط فاشله - خنق بسلك مسجل أو بسلك بطاريه - تسمم ) وفيه أشخاص جاهزين للإعدام بداله في حال انحكم بالإعدام في القضيه بس يدفع نصف الديه الشرعيه وبفائدة 2.5 % .
طبعا ً راح نعمل دراسة جدوى إجتماعيه وإقتصاديه للمشروع ونحط أسعار في متناول اليد ... يكون على الراس العادي 500 ريال وعلى الراس الـ VIP ألف ريال شامله خدمات الجنازه والبكاء واللطم في العزاء ..وأكيد فيه خدمات إضافيه لما بعد الدفن من بناء ضريح وتشجير ورش مياه يوميه وحماية من النبش .. كل هذا يتم التنسيق فيها مع العميل إذا كان المقتول عزيز وغالي على القاتل .

ممكن اذا اشتغل المشروع بشكل ممتاز نحط اسهم المؤسسة للإكتتاب ونزيد الفروع

هـــابي ويـك إنــد تو يو ... ... وصــبــاح الخــيــر

[Hayo0on]

صبــــــــــــــــــاح النـــــور ...

أقسم إنك منت صآحي اصلا اكيد استجنيت مالومكـ من بخيت وعياله ...

اخرتها هذا مشرووعكـ ... تعال اقضب البآب ... ..

وروح اقرب قسم شرطة ... واعترف بالجريمة لاحد يسرق الفكرة ..ويطيح الفآس بالراس ...

انا بعطيكـ مشروع بما انه الصيف على الابواب اخوي بالابتدائي سواه وربح بس ربح بسيطبنسبة لطالب ابتدائي ...

اشترى كرتون دندرمة .. العصير الملون الضعيف الي الكيسة 5 ريال ... اوكي ...

الكرتون من 20 ريآل .. اول خمسين مااذكر ...

في 100 حبة ...

وكان يثلجة ويبيعه على الطلآب في المدرسة .. ويربح يوميا 100 ريآل .. لا تقول نصآب هذا رزقة ..

شرايك تشتري فريزر كبير ... وتحط لك .. كم بزر في مدارس مختلفة .. وتقط عليهم كم كرتون وعطهم مايميليه عليكـ .. ضميرك .. لو قلنآ اخترت خمس مدارس .. حلوه مب شينة صح 500 باليوم ...


شرآيك ...


لا عآد تتكلمين مره ثانية ....

واذا طبقتها .. لا تنسى تدعي لي بالتوفيق ..

[~[ غ ـرور ـآنثـ]

والله فكرتك مهيب شينه ..
المهم لافتحتوا عطنى رقم الشركة وكاد نحتاجها بيوم ..
بس ان بغيت شوري حط لك غنمتين وأجلس طارد وراهم وأكلهم وغديهم وعشيهم ..
منها تنسى همك .. وتطلع لك كم قرش من وراهم خصوصا لاتكاثروا ..
وموب شين تحط كم دجاجه وديك ويبيضون لك وروح بيع في بيضهم

[.. [ حُـرّه ] ..]

مشروعك ناجح ...
بس عدل القائمه .. لان فيه اشكال ماتستاهل ندفع فيها ولا ريال ... خلوها اعمال خيريه ...


ومرسي لإلك ...

[نسمات المطر]

صراحه المفروض يعطونك شهادة براءة اكتشاف مشاريع..

اجل خسرت بسوق الشوكلاته ههههه

اوما اخر مشروع خطير بصراحه ..
اهنيك عليه

يا هيك مشاريع يابلا

[فجـــر العيد]

الله يوفقك في هالمشروع ويكثر زباينك >> تسمع بالدعم المعنوي

[سراب المحبه]

وشوله الخساير والتضحيه بالارواح وليش تخش مع الحكومه في مهاترات وكل
يوم تحقيقات ووجع راس على شي مايسوى


خذ مني المشروع .... وش رايك دام معك سبعين الف خل نروح نشتري ناقه زين
ونحملها بديان ونروح الحاير هناك انا وياك ونصير مثل الزوله نقعد نرعى بذي الناقه
ونبيع حليبها للرايح الجاي ..... ومنها ابد ماحرنا بعيد عنك دام ان شغلت راعي خخخخخ
ومنها ياخي نعزز من الاقتصاد السعودي


رح نم اصلحك الباري .... والله الحبوب ياراعي لاعبه فيك لعب بطل تراها مضره

[مِستغْربَه]

.


يلآ وانا اول زبون
آبي سكين 2 راس عاادي
وشسمه قبل لا تبدا الاختبارات عجل تكفه
وحاضرين للطيبين
يمه



فديت اسمي
ذكرتيني بالدندرمه آحبها

راعي غنم
والله منت هين مقولب الفكره براسك عدل ومحدد فوائد بعد
لا يحوشك



.

[راعــي غـنـم]

على فكرة العملاء اللي يحبون يستهدفون الـ vip كثيرين
واللي يحب يقتل وزير مسوي له أزمه أو دكتور غثيث عنده في الجامعه ترى ممكن السعر يكون قابل للزياده

عسانا بس نتجمل ونبيض الوجه

[كتكوته واموره]

هيا ان كان معك فقعه قروش هب لي منها




وتيه نيه لك