[دعدعيه]

بسم الله الرحمن الرحيم
.
.

خطمت علي أمس وأنا اتفرج على التلفزيون موسيقى وذكرتني في الموسيقى حقت البطريق ابو كريشه اللي كنا نلعبه في كمبيوتر "صخر" أيام زمان , و"مسكت" معي فجأه..!! إني أسمعها نوبتن ثانيه

والجدير بالذكر بأنه خلال بحثي حصلت ألعاب قديمة جداً الواحد الصدق مايدري وش يقول .. هو يقول "ييععع" ..؟؟ من باب (كنا مظلومين ياخي) ولا أقول الله يالدنيا , فعلاً كانت ألعاب حلوه.
يعني بطبيعة الحال ماراح أقول أنها أحلى من الموجودة حالياً .. < أصلن تخسي
بس أنه من باب ذكريات , وكانت شي كبير علينا بوقتها كون مافيه بديل يعني زمان كنا أنواع الإصابات من السياكل, والنبيطات, والتفحيط بالزبيريات , والمصاقيل.. إلخ
.
الموضوع هذا (وليد لحظه) وفيه أشهر الألعاب القديمة , ألعاب الأتاري , وألعاب كمبيوتر صخر (MSX) , والسيقا Nintendo .. وترا فيه ألعاب مشتركة , يعني كانت بالأتاري , بعدين طوروها وجابوها للصخر , وبعدها جابوها بالنيتندو, فهي كلها تشترك بكونها قديمه . طبعاً أحب أذكر بأنه الأتاري أول شي نزل وبأنواع , بعده نزل الصخر , وبعده نزل السيقا



الأتاري







هـ الخشه تمثل "بالضبط" وجيهنا لمن يشترون لنا أتاري




نوع ثاني أحدث من اللي فوق


كذا يجي شكل الأشرطه



نوع من أنواع القيور (اليدين) اللي نزلت



نوع ثاني كان أقل إصابات (تزلغ) لراحة اليد من العصا التقليدية



بعض ألعاب الأتاري المقطنه

الدبابات combat



تبنط ولا ما تبنط صاكك صاكك ...
فيه مرحله من المراحل تكون هليكوبترات , أحسن ما باللعبه أن القذيفه تلف معك
فيديو

http://www.youtube.com/watch?v=3m86ftny1uY

وهل يخفى القمر ..؟؟
frogger
الضفدع اللي مالوه شغله إلا يقطع السكه (الله لا يشغلنا إلا بطاعتوه) والمشكله دايم يندعس



فيديو

http://www.youtube.com/watch?v=krko0t-VyfY

تقدر تلعب من هنا بس نسخه تختلف عن القديمة , قريبه لنسخة صخر

http://www.freefrogger.org/

لعبة اللفت (الأصنصير) elevator action



فيديو

http://www.youtube.com/watch?v=DG8OlYRbybE

تقدر تلعبها من هنا

http://www.flash-mania.com/en/php/nintendo/divers/012.php

السعلو (النم نم) pacman



فيديو

http://www.youtube.com/watch?v=9srvn09IXNk

صياد السمك .. BiBi




فيديو

http://www.youtube.com/watch?v=GTN2oBgz7tw

الملاكمة Boxing
(لحد يقول أنه مادزد لعبها)



فيديو

http://www.youtube.com/watch?v=j_IobzCL4sc

لعبة مدفع رمضان Human Cannonball
(الحقيقه اني ماعمري سلقطتوه بالسله أبد دايم متكعفس وسيقانوه برا)



فيديو

http://www.youtube.com/watch?v=-8G0XOtXzU8

العسكري المستلج Keystone Kapers
خخخخ أحسن شي لا بوبز



فيديو

http://www.youtube.com/watch?v=jeY1ML0d3CI

الطياره river raid
لسبب ما في نفسي أحب هاللعبه (مادري ليش)



فيديو

http://www.youtube.com/watch?v=zYLA_uO-XH0

.
.
.

[دعدعيه]

كمبيوتر صخر "MSX"

نزل له أشكال متعدده بسرعات مختلفه , فلكن انه ما تغير من ناحية الألعاب والحقيقة أنه رحمه عن الأتاري








بعض الألعاب اللي أدمنا عليها
.
Penguin Adventure
مغامرات البطريق





ومن هالصوره واضح إنه مبسوط أبو كريشه , طبعاً هالصوره تجيك لمن تخلص من المراحل كلها وتوصل لحبيبتك البطريقة الحمراء
فيديو يوضح لك المعاناة اللي مرينا فيها على فكره الموسيقى اللي اتكلم عنها تجيك بالدقيقه رقم 4:59 لمن تشيل البطريق العصافير للسماء

http://www.youtube.com/watch?v=5T3woiAcaE0

وصف اللعبه:
التحريك يكون بالأسهم , وتنط (تقفز, تقمز) بالمسافه , وطبعاً فيه حفر سرية توديك لواحد تشتري منه , وتقدر تلعب قامبلنق يعني (تقامر) ويغديك تجيك ثلاث سوا عشان يعطونك فلوس زياده تقدر تشتري أغراض تفيدك, القلوب الخضر تخلي البطريق خارق (اي هين) والحمراء تزيد القوه , الزرقاء تخليك تطير بسحابه . كل ما أكلت من السمك يزيدك درجات. المراحل كانت تنتهي نهاية حلوه عند التمثالين , وبعض الأحيان يجيك التمساح ولازم يكون يا معك مددس , لو مامعك مددس الله يعينك تقامز على العلامات لين تخسف بوه الأرض ويطيح.
.

The Castle
لعبة القلعه , أو مثل ماكنا نسميها (الأميرة)



الفيديو

http://www.youtube.com/watch?v=l-3bWklrINI

هذي الحلقة الأخيرة

http://www.youtube.com/watch?v=_SYe8HIRc-w

وصف اللعبه:
اللعبه هذي ممتعه بكل ماتحويه الكلمه من معنى , ويابثري ياللي يبي يقعد يلعبها , نقعد ساعه نحتريه , تدور أحداث هاللعبه حوالين هالأمير المخفه اللي وظيفته ينقذ الأميرة وطبعاً لازم يجمع هالمفاتيح عشان ينقذ الأميرة , ويدور بهالقصر يشوف هي بأي غرفه طبعاً عندك الخريطه فوق لازم تاخذها عشان تسهل لك وين ممكن تحصل الأميرة وتحدد موقعك إضافةً على أنه فيه مفاتيح خاصه لازم تدور عليها عشان تفتح لك الأبواب , ويعني مفتاح أزرق يفتح لك باب أزرق , مفاتح أصفر يفتح لك باب أصفر ... وعلى هالحكايه.
على فكره ياجماعه : ترا هالألعاب مافيها تخزين
يعني لو أخطيت , كود ترجع من جديد

الملاكمة boxing
وأدييلووو لو غطى وجهه عطوه مع بطنه لين ينبطح



فيديو

http://www.youtube.com/watch?v=9jIWrCplx9E

القدم soccer
(الإدمان) ياما وياما تزلغت يديني منها


فيديو

http://www.youtube.com/watch?v=iPIWFD6h4I0

رامبو contra
بس واحد ثاني ماهوب الأصلي , طلع اسمه كونترا بالأخير ولا كنا نسميه رامبو عندنا هآك الحين أن أي واحد معه رشاش رامبو


فيديو

http://www.youtube.com/watch?v=76yq9WfhoTM

الكراتيه Yie Ar Kung-Fu
... طلع كونغ فو , وانا توني أدري
النكته , لو انا ألعب ضد أحد , وفزت عليه أقعد اسوي مثله لا فاز نياااع
أأأخيس واحد ممكن يجي أبو جدايل , اللي جدايله سلاسل , وابو رعد



فيديو

http://www.youtube.com/watch?v=7B71UYhe6YU

إلعبها من هنا (إمش على نفس الخطوات اللي مكتوبه على اليمين)

http://www.1980-games.com/us/old-games/java-games/kungfu.php

السيارات road fighter
نييييييييييياااه ه ه (صوت واحد شاطف)


فيديو

http://www.youtube.com/watch?v=NYeJIpZ8Kx0

إلعبها من هنا

http://www.1980-games.com/us/old-games/nintendo/r/Road_Fighter/game.php

رامبو RAMBO
الصدقي

وصف اللعبه
بالبداية يصير معك بس اللهم خنجر وبالمسافه تذبحهم , وعلى اليمين يصير معك أسلحه تقدر تجمعها من الهدوره ذولا والبيوت تفجرها ويطلع لك منها مفاتيح ولا اسلحه وخبز وكذا , لا بغيت تعبي قوه تروح لعلامة المستشفى وتوقف ابو خمس دقايق وتضبط الأمور , الكويس في رامبو انه يقدر يركب سفينه ويسوق سياره ويسوق هليكوبتر طبعاً ماتركب الهليكوبتر إلا اذا انقذت الرهينه ولازم يصير معك قاز عشان تعطيها

فيديو

http://www.youtube.com/watch?v=eLKRa1pL_9Y

المحارب ابو قرون knightmare
أطلق شي موسيقته

حرف البي هذا , يعطيك درع , ولا يخليك مخفي , ولا يزود ضرب السيوف وعلى هالحكايه
فيديو

http://www.youtube.com/watch?v=-d3v-9fopC4

وبكذا نكون خلصنا ..
هذولي أكثر الأشياء المميزة اللي كنا نلعبها بوقتها , أكيد أنه فيه ألعاب غيرهم , بس هذولي كانوا الأفضل وعلى فكره , ترا الموضوع وليد لحظه , فـ معليش لو صار فيه نقص أو خطأ


باقي فيه لعبه نسيت اوريكم اياها


هاه ..؟؟ كيف النحم..!!!



ياح يحححح ياااااح سدااح يح يح ايييييييييه حو حو حو يح يح سداااااااااااااااااااااااااااح



أخيس شي بالدنيا لا قام يضحك عليك كذا ههههههه والله ياهو يقهر

بالنهاية : هالموضوع جمعته والغرض منه (أبي وناستكم) لا أكثر

للإستزاده اللي يبي زود ألعاب ومعلومات

http://www.atariage.com/index.html

http://www.mobygames.com/company/atari-inc

http://amog.com/tech/gaming/oldschool-videogames/

تقدر تبحث بالقوقل أو اليوتيوب
اذا تبي اتاري تكتب atari
أو لو تبي صخر تكتب MSX

ودكم تطلع على الأتاري اشاعه مثل مكاين سنجر وتغلى اقيامها <- ناوي يبيع عشان السفره

تحياتي

[Per Te]

يالله على هاللعبه
كنا نروح لجيرانا أنا واخواني عشان نلعبها
ماعندنا مسدس وهم عندهم
قلبت المواجع
فيه لعبه بعد البطريق بس غير هذي
تجي أدوار وهو يصقع لفوق ويفتحله بلكه ويرقا وهكذا الى آخر دور ومادري يتزوج او ياكل فوق نسيت
بس كانت مشهوره مثل هذي

وماريو

[عبدالله..!]

يالبيه يا رامبو

ياحبي للعبه

كنت مسبب قلق لعيال عمي 24 مرابط عندهم من الساعه 6 الصبح اصحى عشان احجز دور


يعطيك العافيه على موضوعك

[T•BaG]

يااه
كانت ايام حلوة ، لعب وحماس

يعطيك العافية ع الموضوع

[w7dah]

يوووووووووووه من وين جبت كل الألعاب ذكرتني بالذي مضى
أتاري وكل الألعاب القديمه سبو ماريو وأشاء ثانيه


هذي أذكره بس لما تلف تصد وتخلص اللعبه

إقتباس »

هاه ..؟؟ كيف النحم..!!!

هذي اللعبه أتذكرها مرره حلوه


يعطيك ألف عافيه

[دعدعيه]

إقتباس »

يالله على هاللعبه
كنا نروح لجيرانا أنا واخواني عشان نلعبها
ماعندنا مسدس وهم عندهم
قلبت المواجع
فيه لعبه بعد البطريق بس غير هذي
تجي أدوار وهو يصقع لفوق ويفتحله بلكه ويرقا وهكذا الى آخر دور ومادري يتزوج او ياكل فوق نسيت
بس كانت مشهوره مثل هذي

وماريو

وهذا هو المددس
على فكره , انا الألعاب اللي عشت لحظتها كانت الأتاري , صخر , السيقا النيتندو , بعده عاد جاء العائله , بس مالعبت فيه كثير , بعده قدمت اعتزالي من جميع الألعاب وتفرغت للقدم في النيتندو الجديد اللي نزل بوقتها هذي صورته



بعده البلاي ستيشن.. ومحنب نلعب إلا قدم , وصلى الله وبارك
اللعبه اللي قلتي عليها , عادي عطيني وصفها بالضبط . احاول قدر المستطاع أجيبها لك
تامرين أمر
بالنسبه لماريو كنا نسميه الرجل
.. مالعبته كثير بس أذكر إني لعبته على ايام زمان وهذي النسخه اللي لعبتها وكانت بالصخر وكنت حافظ كل الدعاويس اللي فيه
اسمه
Super Boy

فيديو

http://www.youtube.com/watch?v=fHbZdczvl7Y

[دعدعيه]

إقتباس »

يالبيه يا رامبو

ياحبي للعبه

كنت مسبب قلق لعيال عمي 24 مرابط عندهم من الساعه 6 الصبح اصحى عشان احجز دور


يعطيك العافيه على موضوعك

كويس طلع واحد مثلي يسميه رامبو

الله يعافيك ويفك أسرك < مهب يتشمت ترا

[دعدعيه]

T•BaG
أيام حلوه وبس ..!!
يعافيك يارب
.
.
w7dah
لعبت السيارات هذي .. أنا كنت أحسن واحد في تعديل السياره لا صدمت خخخ مسافه مسافه وسهم وراء
يعطيك مليون عافيه
.

[Silence of Fire]

اما كومبيوتر صخر ماكنت العب فيه الا ذيك اللعبه الي اغير الوجيه واحط خشم كبير ولا فم صغير
الاتاري ماجابوه لنا على طول خشينا بالعائله