[ .. وينهـا عيونك ؟ تعبت من الولـه .. ] s7abt / مضاربه

s7abt wlh · 28-01-2009, 07:42 AM

.

يقولون .. " ماراح تعرف قيمة الشي الا اذا فقدته " ..
وقالوا .. " كل من غاب .. عذره معه " ..
وكملوا .. " أسهل حلول راحتك .. تنسى اللي راح " !
انا ومضاربة عندنا كـلام غير هذا ..

كل هاللي انقـال .. ممكن يكون صحيح .. بس بنظر كثيير منا " ناقص " .. لأنه بكل بسااطه ماوصف او فهم شعور بـ وسط هالحروف .
صعب انه ينقرا اذا ماكان مستحيل .. !
ماراح اضيّعكم أكثر ..

" الولـَه "
أي احد بالدنيا نادرا ً مايكون حس بهالشعور ..
طبيعي جدا ً .. مثله مثل أي احساس يوصف معنى شخصيتك ..
الوله شعور مايفهمه الا اللي حس فيه ..
مو بعيد عن الشوق .. ولا قريب من " الفقدان " ..
يكون تقريبا ً بينهم ..

شخص له مكانه غاليه وعاليه بحياتك .. راح !
سافر .. غاب .. صار بينكم فراق ..عتب .. توفى .. أي سبب من هالاسباب
راح يبني بداخلك أساسات قويّه للي نبي نتكلم عنه ..

وبما إن الهدف من الموضوع فني ..
راح يكون موضوعنا مختلف شوي عن مواضيع الالبومات والاغاني والجلسات ..

راح نلتفت أكثر شي لأغاني " الولـه " .. و " السفـر " ..
اللي أشوف انهم مرتبطين في بعض ..

ولان الوله والبعد والحنين والاشواق الي ماتنتهي جزء من لوعات السفر فربطناهم لكم ببعض ..

فينا من سافر حبيبه و ودع قلبه معه وشرب من الوله لين ما ارتوى واكثر بعد ..
وفينا من جرب الغربه ومارجعه الا الوله .. محاصره من اوله لآخره ..

فـ ربطنا هالشيّين مع بعض ..
وطلعنا بـ فكرة نتمنى انها تلتفت لـ شوي من اروع الاغاني اللي تغنت بهالشعور الاليم ..
ونخليكم تفضفضون < هذا هدف مضاربه انا مالي شغل : p

s7abt wlh · 28-01-2009, 07:42 AM

مضاربه : مسيو سحابه القى عندك اغاني تعبر عن الوله ؟
سحابه :أكيد .. فيه كثير ،
مضاربه :أبي أحـلاهم ،
سحابه : ما اقدر احدد لك احلاهم .. بس بتكلم عن اغلبها واقواها وبترك المجال للاعضاء
يـعطونك على ذوقهم ،

أغااني كثير تتكلم عن الوله .. وتبكّي من قوّة كلمااتها ..
لـ درجة انها توصلك لمرحله لو إنك مو فاقد أحد و ولهان عليه .. ودك تجرب هالشعور
لحظة ما إنت تسمع الاغنيه .. او تلقى نفسك داخل جو الاغنيه وتحس انك ولهاان على احد من
قوّة الكلمات وحلاوتها ..

شعراء كثير قدروا يصفون الكلام عن الوله بـ أحلى صوره ..
وألحان كثير عطتها جو موسيقي ولا اروع .. وأصوات جباره توّجتها بـ عمل يدخل صماصيم
الفؤاد بسرعه ..

الفكره هنا .. أي أغنيه .. أي كوبليه .. أي مقطع ..
يجيب طااري " الولـه " راح نصيده .. ونتكلم عنه وعن قوّة الوصف اللي فيه
لـ معنى الوله وشعوره ،

سعود بن عبدالله قدم لنا كلمات من ذهب .. بصوت عبااس ابراهيم ..
صاحب الصوت اللي مايستحي ..

وينهـا عيونك ؟ تعبت من الـوله ..
يا حكاايات الليـالي في غـلااي ..
كل شـي اشتااق لك واشتقت لـه .. وينك ؟ اشتقت لعيونك يـاهواي ..
ليـه نتعب في لقاانا الاسئلـه ؟
وين رحت ؟ / وكيـف ؟ / مادامك مـعااي ..
جبت لك كل السنين الاوّلـه .. اللي تسأل عن لقاكـ وقـلت جااي ..

أغنيـه مو طبيعيه ..

بداية سعود في سؤاله عن العيون اللي أتعبه الوله من غياابها ..
بعدها يسترسل بالتعبير ويشبه راعي العيون بـ " حكايات ليالي الغلا واحداثها " ..
وياخذ راحته أكثر ويقول خلااص يابن الناس .. ترا كل شي بحيااتي اشتاق لك .. وانا اشتقت له
بـ وجودك .. ويسأله وينك ؟

بعدها يحس إن كثرة الاسئله تضيّع الوقت .. وراح تتعب لحظة اللقا بينهم !

ماوده يقول وين رحت ولا كيف مادامهم سوا ..
باختصـار قال ( جبت لك كل السنين الاوله ) اللي كانت تسأل عنك وعن لقاك وجاوبتهم بـ إنك جاي !

في أحلى من كذا ؟

وينها عيونـك

وبـ دوره .. محمد عبده ..
مارضى على نفسه مايجرب هـ الشعور حتى لو بـ صوته ..
وبـ صرخته العاااليه في كلمة

( ولهــااان ) ..
أنا بالحيـل ولهان ..
خليت وقتي " انتظار " .. الليل ماهو ليل .. ونهاري ماهو نهار !
اشتري عمري اشتريـه .. يا أمل أولـه عليـه ..
من عرفتك .. وانا ماعنـدي سوالف الا إنتي ..
من عرفتك .. شوقـي واحساسي سكن وين ماسكنتـي !

من روائع أبو نوره .. كلك نظر ..
كلمـات بدر بورسلي ..

عن نفسي .. كل ماسمعت هالاغنيه بـ أي حفله .. يطقني حمااس غريب ..
ابي يوصل لـ هالكوبليه بسرعه .. ابي اسمع كلمة ولهاان وهو يطوّل فيها ويصرخ ..
احسّ في صرخته بهالكلمه .. أوضح وصف لـ معنى " ولهـاان " ،

كلك نظر

انا مو ولهـان .. انا دنيـا من الوله ..
انا مو تعبـان .. انا دنيـا من التعب راحتها يديك ..

أغنيـه ، من اسمها ..
فيها كل دنيـا الوله .. والوله نتج بسبب فراق حصل بـ سوء تفااهم ..
اغنيه على وقتها سوّت بلاااوي متلتله ..

من ابداعات شنبو ..

دنيا الوله

ماقلت له يا حلوتي ..
المشكله اني اختلف لا طرّوا اسمك من ( الولـه ) ..
وجهي تغير .. نظرتي .. تضحك في عيني عبرتي ..
بعـض الحكي ما أتحمله ..

وحده من خيالات البدر البعيـده .. تغنى بها أبو نوره ..

ما اكذب عليك ..
البارحه شافوك ..رعشـة هـدب .. لفته .. !
البارحـه شافوك بالنوم الـذي عفته .. !

قوّة الوله اللي يقصده البدر ..
وصّله لـ مرحلة انه يختلف ويتلعثم ويتبعثر بكبره
من كثـر ماهو ولهـان على المعني .. يا الله بس ..

وماقصّر ابو نوره في لحنها .. وابداعه في غنائها ،

ماقلت له / رعشة هدب

وعباادي .. ماقصّر ..
أغااني كثير تغنى بها عن الشـوق والوله .. والفقـدان ..
وهـذي وحده منها .. تعتبر شي ثقيـل مره من أرشيف هالفنان الراقي ..

اشتقت لك / Mp3

الى من جيت صحت لكـ ولهاان .. وزلزل صوتـي الجـدران .. طلبتك لا تطاوعني ،
تركـي .. يترجى طرفه الثااني مايطاوع الولـه اللي بيشوفه بـ احساسه اذا جاه !
شعور الوله طااغي .. ومو بـ يد أي أحد يحكمه .. اذا جااك .. بيملكك .. حتى لو إنك ماتبيه !
بـ نفس حاالة تركي بهالاغنيه ،

قصة هالاغنيه طويله .. وممتعه ..
بـ صوت ذكرى الله يرحمها ،

أجي لك شـوق

ولهـان ولهـان .. ويحق لي اولـه ،
الله يصبرنـي على الغيـبة وعليكـ
يا زينة عيوني اللي يسألونـي ،
ما نامت ايديهم ثواني بين يديـكـ ..

ابو خالد .. الرويشـد .. وبراوية ابلغ .. شنبو ..

بهالاغنيـه يوصف حالة الوله اللي فيه .. ويعطي نفسه الحق بهالاحساس ،
وبنفس الوقت رااضي ومسلم نفسه لـ حكم الغيبه .. والغاايب ..

كلمااتها وجوّها خااثر ..

ولهـان

،،

المايك لكـ يا خاله

مـا تهـاب · 28-01-2009, 07:43 AM

تدري ياسحابة ان طاري السفر له غصة تخنق العشاق
وان الوله في السفر غير ... وربي غير
والغربة الم .. اشواق ... وحنين ومع هذا كله مالها وطن غير رجفة ظلوع وبرقة عين

اذا جا طاري السفر وما باليد حيلة تتمنى تقول للزمان وقف

تتمنى تمحي الكلمة من شفاهه قبل ينطق
يلبسك كل الحزن كل الوله وانت للحين يديك محتظنه يده
اجل وشلون يوم الوداع ؟؟؟!! وبعد الوداع
يمكن ضياع
يمكن مع زحمة الاشواق تضيع وتختفي الافراح
وابقى وحيده هنااااااااااااك وحتى لو حولي الكثير
يسألوني كيف حالك وبكل بساطة :انا بخير
والله اكذب والله اكذب والله احتاجه كثير

والله ياسحابة هالقلب يذوب بس لمسمع بحته وهو يقول ((( اهلين ))
وين اهلين ؟؟ وين لمحة عيوني في لهفة نظرته اهلين ؟؟!!
ودفا عطره وخصلة شعري بين اصابعه اهلين

سافر وخلاني هنا كلي عنا
سافر وسقاني المر بيده ياقسوته
سافر وقال الصبر
وين الصبر ؟؟
وكيف الصبر ؟!!
وهذا انا يا اخوي مختلف جداااا شعوري ماهو لهفة ولا حنين ولا اشواق وانين
يمكن وجع يحرق بصدري ويصرخ سافر حبيبي سافر ووينها عيونه تعبت من الوله ..

انا اول اغنية جت على بالي تحكي عن السفر
المسافر راح
واكيد توافقني ياسحابه على هالاختيار
اغنية فيها من العجز والقهر مايكفي وقت الموادع
واحلا مقطع وصف ابدع فيه البدر في هالاغنية كيف العيون ودعت صاحبها وراحت ..سافرت
يمكن لانها ماراح تشوف غيره

هذا وجهك يالمسافر لما كانت لي عيون
وينها عيوني حبيبي سافرت مثلك حبي ،

المسـافر

حتى خالد الفيصل ماسلم من هالالم من هالشعور
وطوَل الغالي في السفر
والمنتظر مل صبره ..
كل ماجيت اعلق على بيت شدني الثاني
قصيدة رائعة والي اروع احساس ابو نورة اكييييد

طال السفر.. والمنتظر ملّ صبره
والشوق يا محبوبي في ناظري شاب
رد النظر..خليت في الكف جمره
سعيرها في داخل القلب شباب

طال السـفر

ذكرى السفر وقسوته امتزج مع صوت الحزن العميق
صوت الاحساس الصادق
وكعادتهم ثنائي مايجتمعون الا ليطربونها بشي مختلف
الناصر .. و ابو ساره في رائعتهم ..

3\ وقف لاتذكرني السفر

وقف لاتذكرني السفر
وقف ياحبيبي الزمن
وأطلب تمن
مايغلى الثمن
أنا لمن ؟
لولاكي ماعشت الزمن
خلك معي نون ونظر

وقـف لا تذكرنـي السـفر

في هالاغنية اللوعة اكبر
سفر وميعاده جفا
سفر بس الاشواق اكبر واقدر
سعود بن عبدالله كان حالم .. مشتاق
نبرة الفرح في القصيدة كلها مستمدها من خيال فرحته يوم اللقا
وغناها رابح باحساس ماراح يتكرر
يمكن عشان كذا غناها مرة وحدة بس (((لا عاد تحللين على كيف كيفك )))

4\سافر حبيبي
سـافر مادام الشوق بـ الصدر يزداد
أبمتلي لك " شوق " ليلة لقانا
أهواك هجر ووصل ولين وعناد
وان غبـت يومٍ قلت يوم فدانا

سافـر حبيبي

نجي هنا لجنون تركي الي بنظري اشوف انه من افضل من كتب بلغه سهله
بس صعب نستوعبها من كثر ماهي تمسنا و تجرح قلوبنا بقوتها ..
وكن كل حرف يكتبه يعنينا شخصيا
والاحلا من كذا الخيال المجنون الي يملكه
في هالاغنية يصور لنا كيف استصعب غياب الحبيب وهو ماله الا يومين غايب
وفترة بعاده شهر
وبالانتظار تصير كل لحظة دهر .. فكيف الشهر !!؟
ويازين حكي تركي اذا اقترن بمن يكمله
اقوى صوت واعمق احساس ذكرى
وين ايامك ياذكرى

5\ غفت عيني
رغم ان لك يومين وباقي لك شهر
في الإنتظار تصير كل لحظه دهر
كيف الشهـر ؟؟؟

شهـر

يمكن هالاغنية فيها من الانانية الشي الكثير
بتسافر بس بشرط لا تشتاق ... بتسافر بس تبي راحة محبوبها
بتسافر وبتترك صور.. رسايل.. حكي
كل هذا وش يفيد مدامك بتروح وتخليني
يسألها وش يسوي اذا اشقاه الوله وضاقت الدنيا عليه ؟؟!!
نبيل شعيل اتعبنا معه في اغنية من احساس عباس جيجان

6\تسافر لاخر الدنيا
شسوي لا وله قلبي على قلبك
وصدري ضاااق
شسوي ان صارت الدنيا
صغيرة بعدك ابعيني

تسـافر لآخر الدنيا

مـا تهـاب · 28-01-2009, 07:44 AM

واخيراً تم هالموضوع

صحيح لنا شهرين متفقين على كل شي بس مااشتغلنا عليه صح
الا هاليومين ..

بصراحة ماكنت افكر انزل موضوع في الفني
يمكن لقوة المواضيع المطروحة ..
وابداع اصحابها وتميزهم ..

بس مع اصرار صحبة القلق قلت بجبر بخاطره ..
خصوصا اني بصير خالته المستقبلية يعني ماودي اصير تسايده من اولها ..

ولو اني ضحكت على نفسي
لان الموضوع بيصير مع شخص يحمل يوزر سحابة وله وانا يوزري مضاربه ماتهاب >>>ميب حاقده على يوزرها ابببد

والموضوع فني
ورتبتي من كبار المسافرين
ومواضيعي في المطبخ وياقلبي لاتحزن
سبع صنايع والبخت ضايع

كان ودي انقل لكم ماخلف الكواليس
للمدعو صحبة والمدعوة مضاربة بس خفنا نتلحط في الحاير ولا ينقلونا للعيارين ولايثبتون الموضوع ..
ويضيع برستيج المسيووو صحبة

كانت تجربة جديدة بالنسبة لي استمتعت فيها

وان شا الله تلقى قبول منكم
اسعدني تشريفكم اوي اوي

سبيشل فور
واي ياحلاتي بالحضن باحبيبتشي النتية
ماقصرتي الله لايقصر بعمرك تعبناك معنا في التصاميم

ومدامتس فاضية علمي صحبه الفوتو ترى مواضيعه كثر الرز والله الي بيمتحنس يا وخيتي

ومبروك فوز الهلال ولو انها متأخرة

ورادوي في قلوبنا

.. Red bull .. · 28-01-2009, 07:49 AM

مكاني?

الريــ صقرــاض · 28-01-2009, 08:01 AM

اهلين

في البدايه كان ودي لو انكم اكتفيتوا بموضوع واحد يا وله او سفر
عشان كل موضوع ياخذ حقه من الاعضاء طبعا هذا تظل وجهة خاصه وماتلغي جمالية الموضوع

انا للأمانه شدني موضوع السفر وياشين طاري السفر عند الاحباب
تحس ان اليوم في السفر سنه مو بس يوم يحتوي على 24 ساعه فقط

عشان كذا انا بتكلم عن السفر واغاني السفر لها طعم خاص مع ابوصقر
اللي راح اكتفي بطرح الاغاني الخاصه فيها

بداية حكاية الصقر مع السفر بدت في البوم 89 اكتب لها حرف في اغنية من كلمات الامير خالد الفيصل

سافـر

سـافـر عسـى ربـي يحـرسـك ويـاقـاك
هـذا البـخـت عـزاه وش في يديـنيني
ياشيـن بـاكر يـاحبـيبـي بليــاك
لاجـاء وعـدك اللـي وقتـه تجيـيني

وفي البوم خالي مشاعر عام 95 تكلم ابوصقر عن السفر في اغنيه صاغ كلماتهارفيق الدرب بدر المليحي

سـافـر الغـالي

سـافـر دموعـي بعينـي قلبـي ما تحمـل وداعـه
الله يا شيـن المـوادع والجفـا لو كـان ساعـة
يا حبيـبي لا تطـول بالسفـر قلبـي يحـاتـي
تـدري يا خلـي بدونـك والله ما تسـوى حياتـي

والف شكر لكم على موضوعكم

~ Da7oM ~ · 28-01-2009, 08:04 AM

عظمه

يالله ,, وشووووووو هذا
يخرب بيت عدوينكم يامجانين

اسب ؟ ألعن ؟

ترى انا اذا اعجبت فـ شي مرررره ,, ألعن فيه والله

يالله

وين زرار وين نوت ؟ نايمين ؟ هذا مرفوض مرفوض مرفوض

المفروض يحطون خاصيه في المنتديات
انه اذا نزل موضوع ( زلزال ) زي هذا
يـ تثبت علطول

ورب البيت ماعمري حبيت عباس ابراهيم
ومجرد ماأسمع له ,, اقفل المسجل

بس هـ المره ,, يوم جيت بـ قفل الاغنيه
قريت المقدمه ( يقولون ماراح تعرف .... ) وصار وجهي كذا (

)
كملت كملت كملت ,, ونسيت ان الاغنيه ماشيه ,, ويالبى الاغنيه والله

دخلت جووووو مع الكلااااام ومع الاغنيه ونسيت كلش
حتى سالفة المحياني اللي لها اسبوعين عالقه ,, نسيتها

.
.

كان ودي اجيب اغنيه ,, بس مشواااااااااااار

حقت محمد المازم ,, مدري كيف نسيتوها

تعبت من الوله والشوق ,, تعبت وطوّل الهجران ,,
تعبت من الفراق اللي ,, أبد ماشفت له آخر ,,

كلمات شو ولحن شو

.

.

سحابه البرشلوني الأرعن

مضاربه ماتهاب

أطلق دويتو في المجره والله

7
7
7

تبربر ( هنيا ) لو سمحتي موب ( علينا )

Not 4 SaLe · 28-01-2009, 08:14 AM

^
الحين حنا نشتغل ليل ونهار وانت جاي تبربر علينا

؟

عطوني صحبه و مضاربه ..
الحين وشوله تنكدون علي وانا قـاايمه سعييده جداً..
وداخله الدوام وانواع اللي اسمع Trouble is a Friend وتجون تنكدون عليّ

وبـرجع ان شاء الله

B o n · 28-01-2009, 08:14 AM

موضوع لحسه مخ

||..

كل الموضوعين من وله ولا سفر , يعورون القلب

..
احلى و اسمى واصدق حالات الوله الي بين ( العيون

..
انا بتكلم عنه ,

" أبو نوره " ..
خلانا نحس بالوله احساس غير طبيعي يوم غني
"مسيره يرد"
مسيره يرد , مسيره لا ذِكر يشتـاق ..

" عليه ولهااان , عليه ولهاااان ..
وشوقي له عن عيوني الحزينه بـاااان "

بالبى الاحساس بس يابو نوره

,

ولا يوم يجي " ابو صقر " ويوصف الوله

,
وكيف يقدر يقاومه من عيون المحبوبه

!
في أغنيه , " غريبه حب بعض الناس "

[ وشفت إن الوله بـآين , من عيوني يناديني
تجاهلت النظر يمّه وكنه ما يحاكيني .. ]

يوم حس بنظرات الوله ماقدر يستحملها
راح دار وجهه للجهه الثانيه

..

السفر السفر

الصيف قرّب والسفر حان طاريه