منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الفنية > منتدى الفن الغربي
التسجيل التقويم التأشير على جميع الاقسام بالمشاهدة




إغلاق الموضوع
 
أدوات الموضوع طريقة عرض الموضوع
قديم 26-07-2008, 02:52 AM   #1
München
من كبار مميزين الفني
 
الصورة الرمزية الخاصة بـ München
München فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحب
Post So others may live ..



There's a legend of a man who lives beneath the sea .. he is a fisher of men, the last hope of all those who have been left behind, many survivors claim to have felt his gripping hands beneath them .. pushing them up to the surface, whispering strength until help could arrive .. but this, of course, is only a legend



 

 

München غير متواجد حالياً
Facebook Twitter 0
قديم 26-07-2008, 02:52 AM   #2
München
من كبار مميزين الفني
 
الصورة الرمزية الخاصة بـ München
München فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحب

Never let go



Can you lay your life down, so a stranger can live?
Can you take what you need, but take less than you give?
Could you close every day, without the glory and fame?
Could you hold your head high, when no one knows your name?
That's how legends are made, at least that's what they say

We say goodbye, but never let go.
We live, we die, cause you can't save every soul.
Gotta take every chance to, show that you're the kinda man who;
Will never look back, never look down, and never let go

Can you lose everything, you ever had planned?
Can you sit down again, and play another hand?
Could you risk everything, for the chance of being alone?
Under pressure find the grace, or would you come undone?
That's how legends are made, at least that's what they say


.
.
.




 

 

München غير متواجد حالياً
Facebook Twitter 0
قديم 26-07-2008, 02:53 AM   #3
München
من كبار مميزين الفني
 
الصورة الرمزية الخاصة بـ München
München فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحب


(( سوالـف خارج نـص الفيلم الاصلـي ))











قلة من النـاس في هـذي الحياه نشوفهـم يخاطرون بحيـاتهم لـ اجل الغيـر, هالقله اللـي نتكلم عنهـا تكون مخاطرتهـا بالحياه لـ اجـل الاقارب .. الاحبـاب .. وممكن اعـز الاصحاب, هنا نقـدر نقول ان هالمخاطـره تعتبر تضحيـة نبيله لـ اجل شخص معيـّن .. أو يمكن تكـون عملية إظهـار معزّه خاصـه أو تعامـل يتميّز عن البقيـة من النـاس, هذا شـي رائع .. وبالتأكيـد يفرّح الشخـص الآخر .. المتلقـّي لـ هـ التضحيه .. هالمعاملـه المميّزه, هذا شـي ممكن نقـول عنه طبيعـي .. وتحصل عنـد بعض النـاس, لكن هـل فيها بطولـة حقيقية؟ ممكن .. بس راح تكـون محصورة بين المعطـي .. والمتلقـي .. فقط







طيب لـو كانت هالتضحيـه لـ أجل شخص لا هـو قريب .. ولا حبيـب .. ولا معرفه سطحيـه حتى ! هل بتكون هـذي بطولة حقيقيـة ؟ هل نقـدر نوازي هالتضحيـه مع مثيلتهـا اللي مـع ناس معروفيـن و قريبين من المعطـي ؟ لا طبعـًا يا حبيبي .. هنا هالتضحيـه تكون شـي خارق .. وجدانهـا الداخلي يكون غيـر .. مختلفه تمامـًا .. عن التضحية لـ أجل ( حبيـب القلب , خوي الثانـوي , عشـرة عمر , اخو .. ام .. اب .. الـخ .. ), هنا عمـل نبله يوصـل مواصيل عاليـه .. عمل راقـي .. يبعث الفرحـة الكبيرة بالنفـس البشرية الجافـّه في هـ الزمن .. اللي ناسـه صاروا بالسنـه يقولون لـ بعضـهم نص كلمـه حلوه فيـه .. لا وتكون مجامله بعـد







العمل الجـاد .. بـ وجود الهـدف النقي .. مع التركيـز المطلوب اثنـاء فعل اي شـئ له علاقـه مباشرة بالعمـل, هذي امـور لو تتواجـد في اي عمـل معيـّن .. العامل راح يكـون ناجح مـن دون ادنـى شك في هـذا العمل .. حتى انـه راح يكـون قدوة يحتـذى فيها بين زمـلاءه في العمـل, وراح يكـون جهده بالعمـل مكتوب بـ حـروف من ذهـب في تاريخ العامليـن في هالمجـال .. شي رائـع الوصول لـ هالمرحلـه .. والعمل بالطبـع يعتبر مجـرى حياة لـ كل شخـص .. وعليـه فـ إن النجـاح المميّز بالعمـل يؤدي لـ نجاح رائـع بالحياه , ويا حـظ من اجتهـد وحصـّل جهده يطلع له كـ عامل مؤثـّر إيجابيًا بـ حياته







نكون واقعييـن أكثر ؟ النجـاح بالعمل ما يؤدي بالضـروره لـ النجاح الحياتـي .. هذا شـي حاصل لـ الكثيـر بكل أسـف, لا و يمكـن نجاح العمـل يتطلـب تركيز أكبر عليه .. وبالتالـي يكون فيه تجاهـل كبير لـ معطيات الحيـاه الأساسيه .. هالشـي راح ياثـر سلبيًا على مجـرى الحياه .. وبالتالـي راح ياثـّر على علاقـات الشخص بـ النـاس اللي هم نفسـهم يعتبرون من أهـم معطيات الحيـاه, هالشي سـئ لو حصل .. يعني ممكـن النجاح العملـي يكون على حسـاب السعـاده الحياتيه .. ياااه يا شينهـا .. وش الفايـده طيب اكـون ناجح بعملـي و فاشل بـ حياتـي ؟ هالمرحلـه لو يوصـل لها اي شخـص .. راح تظهـر الحقيقه المـرّه .. و راح تتجلـّى نتائج ما كانـت منتظره .. بـ الأحـرى راح توصل لـ مواصيـل ماهيب مرغوبـة ٍ ابد






الدنيـا مثل البحـر .. ياهو عليـه امواج مزاجيـّه , طيب هـ الامـواج ليه كـذا تعصّب بعـض الاوقات و تخـض البحر خـض ماهوب صاحـي ؟ أكيد أكيـد فيه ريـاح وعواصف تأثـر على البحـر .. وتخلـّي أمواجه ترقـص " فلامينقـو " على أنغـام " قولي احبـك " , بالعربـي السالفه عفسـه وماهيب ضابطـه ابد .. وعليهـا فـ إن البحـر ما ينعـرف له صاحـب .. و هـااااه لابد لابـد الحذر منه .. وما ينطلـع له الا وهـو مـروّق , هـذي الدنيا .. إذا خذناهـا خربطه رحنـا وطي .. واذا جيناهـا بعد ما تهجـد راح تكـون كل الامـور سليمه بـ إذن الله , لكن مـن يقدر علـى البحر وهو فايـر ؟ من يقـدر على الدنيـا وهي دايم ضـده ؟ .. ما يعملها الا النـاس المميّزه .. الأساطيـر .. فقط










(( السوالف الخارجيـّه خلصّـت ))



 

 

München غير متواجد حالياً
Facebook Twitter 0
قديم 26-07-2008, 02:55 AM   #4
München
من كبار مميزين الفني
 
الصورة الرمزية الخاصة بـ München
München فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحب


(( تعريـف برئ بـ الشخصيـات اللي بالفيلـم ))











( بين راندل ) :
يشتغل في خفـر السواحل الامريكيـّه .. بـ اختصار شغلتـه سبّاح منقـذ في خفر السواحـل , تاريخه في هالعمـل حافل بالإنجـازات .. ممتلـئ بـ كثير من عمليات الإنقـاذ اللي نجـح فيها وانقـذ كثير من النـاس .. سواء اللي بالسفـن المنكوبـه او حتـى ناس بـ قوارب بسيطـه وتوهقـوا في عـرض البحر, الزبـده هـ الشخص يعتبـر اسطورة حقيقيـة و حيـّة في تاريخ خفـر السواحل الامريكيـه , الرجل ناجـح بعمله ايمـّا نجاح .. لكن على الرغـم من كل ما قدمـّه من عمليـات إنقـاذ .. إلا انه يشعـر بـ جرح عظيـم في قلبه .. كان يقـول " انا اتذكـر عدد الناس اللي ما قـدرت انقذهم .. وما احسب عمليـات الانقاذ الناجحـه " .. كلامه هـذا عميق و يحـز بالخاطر بالوقـت نفسه , على الرغـم من كل ما يحصـل له في مجال عملـه من خطـورة .. لكنـّه يعشق هالعمـل .. لكن هـ الحب العـذري ممكن يسـبّب له قصـور من ناحيتـه تجاه حياتـه الشخصيه .. و هـذي مرحلة من مراحـل العمر اللي محـد ودّه يوصـل لها ابد






( جيك فيشر ) :
بطل السبـاحه ايام الثانويـه .. جاته بعثـات بالهبل من مجـالات مختلفه .. لكنه فضـّل يدخل خفـر السواحل الامريكيـه .. يبغى يستغـل موهبته المميـّزه بالسباحه بـ شي يشـوف انه هو الأمـر اللي لازم يسويـه .. واللي المفـروض يعمل فيـه ويكـون مجاله بـ هالطريق , يبي ينقـذ الناس .. يبـي يكون شخـص مساعد لـ المنكوبيـن .. هدفه رائـع .. لكن عـاد اكيد فيـه اسباب من ورا هـ الحماس , و أكيـد الدرب ما راح يكـون بـ هالسهولـه ابد , مو كل من يتـقدّم لـ خفر السواحـل بـ يقبلونه .. ولا كـل من يقبلونـه بـ يكمّل .. لا يبه المسالـه ماهيب سهلـه كذا ابـد , وبعدين ليـه اختار يكـون منقـذ بـ الاسـاس ؟ وش هـ الاسبـاب القويّه اللي تخليـه يرفض مجـالات افضـل من هـ المجال؟ سالفتك سالفـه يا بو فيشـر






( ايميلي ) :
معلمـّه في مدرسة ابتدائيـه .. حبوبه و تنحـب .. بصراحه دورهـا ماهو بـ ذيك الاهميـة العظيمه بـ الفيلم .. ولا لـه علاقة مباشـرة بـ أهم اهـداف الفيلم , لكن تبقـى وجه حسـن .. و شخصيتهـا حلوه و تنحـب .. و حبوبـة والله , تقول " مانـي راعية علاقـات جديـّه .. شغلة اسابيـع اونـّس فيها روحـي مع سعـيد الحظ .. اسهل لـي واريح لـي من الحـب و عذاباتـه " , نشـوف عاد كانـك قد كلمتـك ولا لا يا إيميلـي .. يا متسكعـة البـارات










(( تـم التعـرّف على الشخصيـات بالفيلـم ))



 

 

München غير متواجد حالياً
Facebook Twitter 0
قديم 26-07-2008, 02:57 AM   #5
München
من كبار مميزين الفني
 
الصورة الرمزية الخاصة بـ München
München فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحب
(( حكايـة الفيلم .. من دون دخـول بالتفاصيـل ))




الفيلم يحكـي قصة دراميـه رائعه و مؤثـّره .. القصة لهـا جزئين أساسييـن .. الاولى هـي قصـة أمـل المستقبل اللـي من المفتـرض انه يدمـل جروح الماضـي , و الجزء الثـاني من القصـة يحكي حكايـة الماضـي العظيم .. و ما انتـج من حاضـر متعب و حـزين , المـزج بين جزئي القصـه رائع جـدًا , الفيلـم يروي حكايـة آمال الشبـاب الطموح .. المصطـدم بـ واقعية الراشديـن , كل هـذه الامور تحـدث لـ هدف نبيـل .. هو انقـاذ الغير .. ولكن لكـل جزء مـن القصة تفصيلهـا المعيّن .. ولكل شخصيـة حكايتها المظلمـه , فيلم لـ الأمل .. لـ الشجاعه .. لـ الحب .. لـ الوفاء .. لـ الدروس .. لـ الإيثـار .. لـ الإنسانيـه .. وايضـًا لـ عشاق الآكشـن و حمـاس المغامـرات





- - - - - - - - - - - - - - - - -





(( مشاهـد بالذاكـره .. فيه شوية تفاصيـل عاد ))




جيك و زميلـه بـ كلاس خفر السواحـل .. كاشخين في أحـد المطاعم .. وفيه وحده تقـز في زميل جيك .. جيك يقولـه " شكلها تبيك .. رح لها " , يقوله زميله لا مااقدر من التوتـر , يرد عليـه جيك " ياخي حمـار انت ؟ تبي تصيـر منقذ وتطب من هليكوبتـر لـ بحر عاصـف وتنقذ نـاس منكوبـه .. ومو عارف تحكـي مع بنت ؟ "

- تعليقـي : لايـن جميل وعجبني .. و لكـن اشيد بـ خجـل زميل جيك .. و اقولـه تراك منت بروحـك اللـي خجول بـ زياده



- - -





جيـك يومه تطنـّز على زميله قبل شـوي وانه ما يعـرف يحكي مع بنـات .. قالوا لـه اخوياه " طيب انت تهذر وتهذر ومسوي فيها .. يالله ورنا سو شي مع احد البنـات .. ؟ " , قال جيك " بس ؟ هذا اللي تبـون ؟ طيب اختاروا اي بنـت واروح لها الحيـن " , و اشروا على بنت بالبار ( ايميلي ) .. وراهنه خويـه على مية دولار اذا ما ردته باقل من دقيقـه .. وراح لها .. وقعد يتميلـح .. وبشكل مفاجئ قالت له " اسمع .. النص بالنص وبطلع معك قدامهم .. اوكي ؟ " , جيك تفاجا .. بس خذ له نفس وقال اوكي .. الزبده ربح الرهـان

- تعليقـي : ينعـن يومه وش ذا الجراه فيـه يومه يقـرب جنب البـنت كـذا ؟ عجبتني ايميلي .. واضـح متعوّده ان الشباب يراهنـون عليها .. خبره من زود ما تتسكـّع بهالـ بارات جليـلة الحيا



- - -





مشهـد اكتشاف بين رانـدل لـ ماضي جيك فيشـر .. عرف السـبب ليه انضم لـ خفر السواحـل , وهو انه كـان يسوق بـ فريق السباحه حقه وصار حـادث وماتوا كلهـم .. إلا هـو , كلام فيشر لـ راندل بهالمشهـد قوي .. يقول " ما تدري وش كنت احس فيه .. الكل بالمدينه يناظرني من تحت لـ تحت .. يعتبروني ذبحـت اللي معي .. وخذ لك اللي اخوه مات واللي ولده مات .. واللي واللي ... "

تعليقـي : مشهـد دمعـّت فيه من قوته .. كلام جيك كان قـوي .. وكيفية تعبيـره عنه كانت مؤثـّره .. واللي ياثر اكثر واكثـر انه يحسب انه هو المخطـي .. ويبي يعوضها بـ انقاذ الآخرين بـ حفر السواحل ..



- - -







تـدريب داخل اعمـاق المسبح .. فكرته ذكيـه و واقعيـه .. السباحين انقسمـوا لـ فرق .. كل فريق فيه اثنين .. ومعهم طابووقـه .. طبعًا بديهيـًا الطابوقه راح تخليهـم باعماق المسبح .. ولازم يمشـون فيها لين النهايـه .. السر وش هـو بالتدريب هـذا ؟ هو ان الشخصيـن فقط واحد منهـم يقدر يروح فوق ياخذ نفس ويرجـع يغطس مره ثانيـه .. الثاني ينتظـر عند الطابوقه .. ولا رجـع ذاك ممكن الاول اللي كان ينتظر يروح ياخـذ نفس فـوق .. نفس واحد بس , جيك فيشـر الخبل انتظر تحت آخر واحـد ومسوي فيها اني ما راح اخالف القوانيـن وبنتظر خويي يرجع من فوق .. هو يدري انهم خلاص طلعوا بس يبـي يكسر الارقـام القياسيه خخ

تعليقـي : اذهلنـي هالتدريب .. فكرة رائعـه وتدعم مسالة الاتحـاد بين الشخصين .. والتفاهم بينهـم .. وطبعًا يبغـى له صبر و طولـة بال , اما بو فيشـر .. خبل



- - -





مشهـد احد التدريبـات الفرديـه .. القصد منـه تعويـد الطالب على توتـر المنكوب اللي ينقـذه .. ومن الطبيعـي المنكوب راح يتعلق باي طريقـه بالمنقذ .. وممكن يسبب غرقـه من دون قصـد , لذلك التدريـب هذا يعتمـد على عنف ضد الطالـب بالمسبح .. وش بيسوي الطالـب وواحد ماسكه من ورا مو راضـي يخليه يتحـرّك ؟ واحد من الطـلاب ضرب اللي يدربه من زود ماهو خانقـه خخخ .. وبعدين طلع من المسبـح .. المضـروب ذا اقشـر .. والدم ينزف منه .. وراح لـ الطالب اللي ضربـه .. الكل متوقـع ان هالطالب بـ ينجلد .. لكن اللي صـار كان صدمـه .. بدّلـت الخوف لـ احساس بالنجاح و بـ ضحكه .. المضروب هنـّئ الطالب على فعلتـه .. و طلع ان هذا هـو الحل مع اي منكـوب متوتر .. لازم ينضـرب عشان يهجد

تعليقـي : انا مع اني مشاهـد وما كنت الطالب اللي ضـرب المدرب .. لكن والله كنت خايف من جيته لـ الطالب وهو شكله معصـّب والدم ينزف منه .. بس عجبني بالاخير ... الزبده مشهـد قـووووووي و رووعـه



- - -






مشهـد لـ احد التدريبات .. المدرب يدربهـم على الماي البـارد و تحملـه .. ويرمي على المسبـح الصغيـر ثلج عشان يبرررررد .. و المساكين يرجفـون بشكل يضحـك ويكسر الخاطر .. عاد هـو طب معهـم وبدا يرجـف معهم من البـرد

تعليقـي : هههههههههههههههههههههه .. من اخطـر المشاهد .. ضحكت لين بس على اشكالهـم وهم يرجفـون مساكين من هالبرد .. خصوصـًا بعد ما طلعوا لـ غرفة الملابـس .. الرجفه وقتهـا على اشدّهـا .. بس تدريـب مفيد و قـوي



- - -






مشهـد العقوبه خخخ .. بين رانـدل يعاقب جيك فيشـر على تاخـرّه على التدريب الصباحي .. بالاحـرى الاخ الكريم بو فيشـر نام عند خويته مو بس تاخـر .. عاد راندل يـرش عليه ماي بشكل مدري وش يبي .. و بنفس الوقت يناقشـه يقوله شكلك انت تبي الشهـره والبنـات .. وما تبي بس تنقـذ النـاس

- تعليقـي : مشهـد سخيف بس حليـو .. احلـى شي يوم بو فيشـر تقفل عنـده ويرمي صندوق المـاي اللي فوقه وهو منقهـر من روقان رانـدل و رشته لـ الماي عليه .. وطبعـًا مو راضي من كلام رانـدل له .. لان يحس روحـه مظلوووم .. ويشوف ان رانـدل يحسب انه سطحي .. لكن راندل ماكان يـدري بـ هدفك يا بو فيشر



- - -





مشهـد عملية الانقـاذ اللي آلـت لـ نتيجه مأساويـّه .. الهلكوبتـر تحطـم وطاح الطاقـم .. و خوي رانـدل طاح وحاول ينقـذه رانـدل .. وفعـلا انقـذه بذاك الوقت .. لكن مـات بعدين .. وكان نصف وجهه تقريبـًا محروق من انفجـار الهلكوبتر , قوة المشهـد تكمن في كـلام راندل لـ خويه ويوم يمسـك يده ويقوله " تحس فيها ؟ تحس فيها ؟ " ويرد عليه خويه بـ آهات بالايجـاب .. ويرد راندل " هالشي يعني انك حي فاهم ؟ انا ما راح اتركك .. لا تستلسم "

تعليقـي : مع كل كلمه يقولهـا راندل بهالمشهـد الدرامـي المؤثـر .. العبرات كانت تتراقص داخل عيونـي .. مؤثـر مؤثـر هالمشهـد



- - -





مشهـد لـ الحزن الصامـت .. لـ العبره اللامعـه في لب العيـون .. راندل يقـول لـ زوجته اللي تركته عشانـه منشغل بشغله عنها .. يقول " انا مره انقذت زوجين .. والزوج بغى يغـرق زوجته من زود ما كان يبـي ينقذ حالـه .. وانا الحين توني ادري بعـد وقت طويل اني نفـس هالزوج .. فضلت شغلي عليـك "

تعليقـي : حبكة الكـلام وعلاقته بـ عميلة انقاذ سابقه تجي بـ اول الفيلم .. هذي من جد اهنـي المخرج والكاتـب عليها ... اداء شخصية رانـدل كان رائع ومعبـّر



- - -





مشهـد النهايه .. من أروع المشاهـد .. مؤثـّر جدًا ! .. الكلام مؤثـر .. الحدث مؤثـّر .. الموسيقـى مؤثـّره .. رعشه بالجسـم وقت المشهـد .. صمت رهـيب داخل اعماق القـلب , المشهـد مهم .. والكلام اللي تـلاه مهم .. وعملية الانقـاذ الاخيره لـ جيك فيشر والكلام اللي قالـه له احد المنكوبيـن .. كان فعـلا ً قـوي قـوي

تعليقـي : هـ المشهد هو سبب كتابتـي عن هالفيلم .. قوي و مؤثـر .. خلاص يكفي اعتقـد



- - - - - - - - - - - - - - - - -



 

 

München غير متواجد حالياً
Facebook Twitter 0
قديم 26-07-2008, 02:58 AM   #6
München
من كبار مميزين الفني
 
الصورة الرمزية الخاصة بـ München
München فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحب


(( بطلـي الفيلم في سطـور ))











(( Kevin Costner ))

من انجح الممثلين في هوليـود .. ومن اوائلهم نجاحـًا بالإخراج والتمثيـل بنفس الوقـت .. على قلـة الافلام اللـي شفتها لـه .. الا انه من المفضليـن عندي ..

- من اهـم افلامه : Dances with Wolves - 1990 اللي حصـل على 7 اوسكارات .. وهو شخصيًـا حصل على اوسـكار افضل مخرج من خلاله وايضـًا افضل فيلم, وترشـّح عنه لـ افضل ممثل رئيسـي .. حبيبنـا عاشق ماجدونـا .. كتب موضـوع رائع و وفـي بخصوص هالفيلـم هنـا

- هو كـان روبن هـوود في فيلـم Robin Hood: Prince of Thieves - 1991 .. و له فيلـم JFK - 1991 .. وايضـًا Open Range - 2003 .. ويستـرن , فيلمـه الرائـع Mr. Brooks - 2007 كـان فيلم جميـل بحق .. ومن امتـع افلام السنه الماضيـه .. قصته مثيـره وينصح بـه

- دوره ( بين راندل ) في فيلمنـا الحالي .. كـان ممتاز .. كيفن قـدر ياثـّر فيني بـ تعابيـره و عجـزه امام مشاكلـه الحياتيه , و عرف كيـف يهزنـّي وقت ما كـان يبـّث عزم الحيـاه في المنكوبيـن اللي ينقذهـم .. باختصـار ابدع في دوره

- فيلمه القـادم بينزل بعـد اسبوع .. Swing vote .. فكرة الفيلـم حليوه .. هو اللـي صوته راح يحـدد مصير الرئيـس القادم .. وهـذا تريلر الفيلـم هنـا










(( Ashton Kutcher ))

ممثل زااحـف .. ينحب بـسرعه , افلامـه عادة ً خفيفـة وتونس .. وغالبًـا يكون ملعـوب ٍ بحسبته بالشخصيـات اللي يمثلهـا ..

- بدايتـه الفعليه بـ فيلم المفهيـّن Dude, Where's My Car? - 2000 , انتـوا شوفوا العنـوان بس واعرفـوا ان الفيلم منتهـي .. غير ان اللي يمثـل معه بالبطولـه ممثل مشـهور بـ خباله .. ومين ينسى " ستيفلـر " في سلسلة اميركان بـاي ؟ .. Seann William Scott .. كانوا من جـد منتهين بالفيلـم .. هالفيلم للي ودهـم يضحكون وهم فاهيـن ولا يـدرون بالدنيا

- فيلم Just Married - 2003 كـان خفيف برضـو وماهوب شيـن .. وشفنا فيـه كيف آشتـون وزوجته بشهـر العسل صايـرة كل الظـروف ضدهم بـ مواقف ما لـ امها داعـي .. كانت معـاه بالبطوله Brittany Murphy ام صـوت يخقـّق

- من اونـس افلامه Guess Who - 2005 .. يكفي معـاه المجنون Bernie Mac ..آشتون ابيـض وخاوى لـه بنت ٍ سمرا .. وبيرني الابـو .. و خذ لـك يا احداث و تحجيـر ابوي ضـد المسيكيـن آشتون , و لـه فيلم يقال انه حلـو وتقييمـه بطل صراحـه .. لكني ما شفتـه لـ الآن .. The Butterfly Effect - 2004 .. ويقال ايضـًا ان صـار له جزء ثانـي من غيـر آشتون وفشـل هالجزء

- وطبعـًا ما ننسى دوره الحلـو في المسلسـل المحبووب That '70s Show .. كانت فعـلا ً ضابطه عليه اجـواء المسلسل القديمـه .. وهذا يـدل انه ممثـل بـ صفات ضـب , و مؤخـرًا نزل له فيلـم خفيف وحليـو What Happens in Vegas - 2008 .. وكـ العاده .. آشتون يلاقـي المشاكل دائمـًا

- فيلمـه القادم راح ينـزل بهالسنه , اسمه Personal Effects .. وراح تكـون معاه Michelle Pfeiffer .. و Kathy Bates .. ونلاحـظ انه بـدا ينـوّع باختياراته .. وهالفيلـم يقال انـّه بيكون درامـي و راح تكـون فيه الدمـوع اربع اربـع

- دوره ( جيك فيشر ) في فيلمنـا الحالي .. برضـو ممتاز, اظهـر فيه عزيمة الشبـاب و تمردهـّم النسبي .. وظهرت فيـه قدراته الدراميـه في مشاهد مؤثـّره .. آشتـون ليس بـ ممثل كوميدي فقـط .. بل انـه يبرع في ادوار ٍ مختلفـه .. وهذ دعايـة ٍ سوّاها وعجبتنـي هنـا










(( بطلـي الفيلم الرئيسييـن خلصنا منهـم ))



 

 

München غير متواجد حالياً
Facebook Twitter 0
قديم 26-07-2008, 02:59 AM   #7
München
من كبار مميزين الفني
 
الصورة الرمزية الخاصة بـ München
München فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحب
The Guardian - 2006




شاهدتـه بالأمس .. و حبيتـه .. و هـذي روابطه //

تورنـت aXXo - - التـرجمة


- - -


روابـط رابيدشيريـه //

كود:
http://rapidshare.com/files/54599335/TG_GrY.part01.rar
http://rapidshare.com/files/54601075/TG_GrY.part02.rar
http://rapidshare.com/files/54602933/TG_GrY.part03.rar
http://rapidshare.com/files/54604767/TG_GrY.part04.rar
http://rapidshare.com/files/54606307/TG_GrY.part05.rar
http://rapidshare.com/files/54789637/TG_GrY.part06.rar
http://rapidshare.com/files/54949917/TG_GrY.part07.rar
http://rapidshare.com/files/54953269/TG_GrY.part08.rar

- - -


خاتمـة //

Innocence .. نصحتنـي بـ هالفيلم من مـده طويله و كنـا متفقيـن نتعـاون و نكتب عنـه .. عاد انا ما شفتـه الا امـس ونسيت الاتفـاق اللي بيننـا .. و من زود الحمـاس بديت اكتب بـه امس وما تذكـّرت الاتفـاق الا يوم خلصـّت الموضوع .. لذلـك اهديهـا هـ الموضوع كـ اقل شي اقـدر اسويه وادري مـاهوب قـدرك .. شكـر كبير لـك



Stallion .. شكـرًا لك على الأغنيـه .. كلماتهـا جميلة ومعبـّره



شكـرًا للجميع





 

 

München غير متواجد حالياً
Facebook Twitter 0
قديم 26-07-2008, 03:14 AM   #8
B O U Q U E T
مقلع فني مميز
 
الصورة الرمزية الخاصة بـ B O U Q U E T
B O U Q U E T فوق  هام السحبB O U Q U E T فوق  هام السحبB O U Q U E T فوق  هام السحبB O U Q U E T فوق  هام السحبB O U Q U E T فوق  هام السحبB O U Q U E T فوق  هام السحبB O U Q U E T فوق  هام السحبB O U Q U E T فوق  هام السحبB O U Q U E T فوق  هام السحبB O U Q U E T فوق  هام السحبB O U Q U E T فوق  هام السحب


Kevin Costner
هذا مجرد تواجده بأي فلم يخليك تسعبل وتخق وتحب الفلم غصب
اجواء البحر والإنقاذ والاشياء هذي ... تخليك تحب الفلم زود ..
-
ميونخ
تقرير خقق ..بشوف الفلم وارجع اكتب رايي




 

 

B O U Q U E T غير متواجد حالياً
Facebook Twitter 0
قديم 26-07-2008, 03:19 AM   #9
الحـــلوه
عضو رسمي
 
الصورة الرمزية الخاصة بـ الحـــلوه
الحـــلوه سمعته تلعلع في السماءالحـــلوه سمعته تلعلع في السماءالحـــلوه سمعته تلعلع في السماءالحـــلوه سمعته تلعلع في السماءالحـــلوه سمعته تلعلع في السماءالحـــلوه سمعته تلعلع في السماءالحـــلوه سمعته تلعلع في السماءالحـــلوه سمعته تلعلع في السماءالحـــلوه سمعته تلعلع في السماءالحـــلوه سمعته تلعلع في السماءالحـــلوه سمعته تلعلع في السماء
مشكووور مره على الموضوع الاكثر من رائع

ويعطيك الف عافيه

وجاري التحميل



 

 

الحـــلوه غير متواجد حالياً
Facebook Twitter 0
قديم 26-07-2008, 03:53 AM   #10
أروى
من كبار مميزين الاكاديمية والثقافية
 
الصورة الرمزية الخاصة بـ أروى
أروى فوق  هام السحبأروى فوق  هام السحبأروى فوق  هام السحبأروى فوق  هام السحبأروى فوق  هام السحبأروى فوق  هام السحبأروى فوق  هام السحبأروى فوق  هام السحبأروى فوق  هام السحبأروى فوق  هام السحبأروى فوق  هام السحب
كحيلان ايام المراهقه

,



Munchen
الله !
موضوع كامل مشاءالله
الفلم قوي , وعرضك أقوى
اهنيك ..

عرض رائع ..
لازم نشوف الفلم ..


يسعدك ربي ..


,



 

 

أروى غير متواجد حالياً
Facebook Twitter 0
إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع

مواضيع ذات صلة
الموضوع الكاتب القسم المشاركات المشاركة الأخيرة
Windows Live Messenger Mobile الماسنجر للجوال عربي و انجليش بآخر اصدار تايتنيك منتدى تقنية الإتصالات الحديثة العام 24 16-08-2008 02:34 PM
Live Mesh خدمة تزامن ومشاركة الملفات بين الاجهزة من مايكروسوفت سعود(مبرمج) منتدى الكمبيوتر والانترنت 4 24-07-2008 07:07 PM
الماسنجر العربي المعدل Windows Live Messenger Khalid Edition v5.5 Arabic نايم مشاكل وحلول مراسيل 67 15-05-2008 09:16 PM
Windows Live Messenger 9 Beta صبابة قهوة مشاكل وحلول مراسيل 66 29-04-2008 03:00 PM
.:. Messenger Plus! Live 4.60.324 .:. a7m..a7m مشاكل وحلول مراسيل 60 28-04-2008 03:22 AM


الوقت المعتمد في المنتدى بتوقيت جرينتش +3.
الوقت الان » 01:48 AM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2019, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017