منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الاكاديمية والثقافية > منتدى ابناؤنا في الخارج
التسجيل التقويم التأشير على جميع الاقسام بالمشاهدة




إغلاق الموضوع
 
أدوات الموضوع طريقة عرض الموضوع
قديم 27-04-2008, 03:56 AM   #1
saudi girl
عضو مقلع
saudi girl له مستقبل يوسع الصدرsaudi girl له مستقبل يوسع الصدرsaudi girl له مستقبل يوسع الصدرsaudi girl له مستقبل يوسع الصدرsaudi girl له مستقبل يوسع الصدرsaudi girl له مستقبل يوسع الصدرsaudi girl له مستقبل يوسع الصدرsaudi girl له مستقبل يوسع الصدرsaudi girl له مستقبل يوسع الصدرsaudi girl له مستقبل يوسع الصدرsaudi girl له مستقبل يوسع الصدر
دلــيـــل المبــتـــعـــث إلى كــــنـــدا

في البدايه كتبت بشكل عام عن كندا وبعد ذلك نبدأ بالتفصيل عن كل مدينـــــــــه



الأشياء التي من المهم احضارها معك




_ القران الكريم
_ ساعة الاذان (( عشان تسمع الاذان في بيتك ))
_ سجاجيد وشراشف صلاه
-تمر سكري
_ قهوه وهيل وبهارات (الماجي موجود- الفلفل الأسود موجود – كل شيء متوفر...يعني ما لها داعي تنقلون عطار كامل)
- ترامس قهوه واباريق شاي ودلة التفويح للقهوه
- حافظات للأكل (بيني و بينكم...ما لها داعي...لكن كتبتها لأن البعض ما يستغني عنها)
_ فناجيل وبيالات الشاي
- سفر للاكل اذا حاب (هنا مافيه حتى في البقالات العربيه )
-مترجم ناطق (حاول ما تستخدمه إلا في أضيق الأحوال...يعني مصطلحات طبية أو قانونية)
-اي جهاز كهربائي تبي تجيبه لازم يكون 110 ( كل كندا 110)
- بخور ومبخره (اذا حاب)
- اذا حاب تجيبون معكم شطاف للحمام الله يكرمك حنا جبنا وقلنا لصاحب البيت وركبناه بالبيت
_ شهادات التطعيم للأطفال عشان تكملون تطعيماتهم هنا

شحن الأغراض لكندا


يتم تخزين الاشياء السابقه في كراتين
ويفضل الشحن قبل اخر يوم من المغادره لانها تاخذ عاده من 7 ايام الى 10 ايام لين توصل عشان يمديكم تستقرون

توجد شركات متعدده تشحن وتكون عن طريق المكاتب السياحيه
نذكر على سبيل المثال الطيار والمؤيد وهناك نوعين من الشحن ( للمطار او للمنزل)

الشحن للمطار :
السعر يتراوح بين 8 ريال الى 12 ريال للكيلو بس لازم اول ماتوصل الاغراض الى بريطانيا تستلمونها فورا لان اي تأخير فيه عليه غرامة وبعد لازم اجار سيارة عشان استلام الاغراض وتوصيلها للبيت

الشحن للبيت:
السعر تقريبا 10 ريال للكيلو ويتم توصيل الاغراض الى باب المنزل



وجهة نظري: لا تشحن شيء معك، حط الأغراض اللي تبيها في كرتون و جبها معاك. بتقولون التمر ثقيل، لا تجيب كثير كل ما تنزل للسعودية جب معاك كم كيس و قضينا. صدقوني..كل شيء متواجد هنا كللللللل شيء. فيه وحدة أعرفها تشحن رز الشعلان ! تخيلوا بس...و الله فيه أناوع رز هنا تاخذ العقل...اشتروا بسمتي long grain و هذي أسماء كم نوع
-رز لا جواب <<< لا تدققون بالاسم
- رز تيلدا
و عموما أي رز بسمتي كويس و الهنود هنا وش كثرهم ما شاء الله


احضار الخادمة:
فيه شروط معينه لاحضارها وهي

- لازم تكون على كفالتكم سنة كاملة ماتنقص يوم واحد.
- خطاب من الكفيل للسفارة يطلب اعطاؤها التأشيرة للعمل.
- رسوم التأشرة + الصور
- لازم كتابة عقد بينكم وبينها باللغة الانجليزية يوضح فيه :
o عدد ساعات العمل اليومية ( 8 ساعات)
o لها غرفه خاصة تسكن فيها.
o لها اجازة يوم في الاسبوع
o لها اجازة سنوية شهر في السنة
o الراتب ويفضل لايقل عن 1500 دولار

طبعا احتمال يسوون معها مقابله عشان كذا لازم تفهمونها هالمعلومات زين
ولازم تحتفظون بنسخة من جميع الاوراق اللي قدمتوتها لان بعد سنة راح تحتاجونها لعمل التجديد


وجهة نظري الشخصية الشغالة ما لها داعي أبداااااااااااا....يعني البيوت هنا مو زي السعودية، لا من ناحية كبرها و لا من ناحية طريقة التنظيف...هذا إذا ما عشتوا في شقة بعد. و إذا مررة ما تستغنون عن الشغالة...فيه خادمات تتفقين معاهم على مرة بالأسبوع و مرتين يجون ينظفون لك.

و هذا موقع لشكة تنظيف على سبيل المثال لا الحصر...و اللي يبي شركات ثانية يقول لي عن المدينة و الولاية و أنا أجيب لكم معلومات أكثر

Molly Maid

http://www.mollymaid.ca/

المستشفيات في كندا




عند الوصول إلى كندا لازم تطلع لك بطاقة تأمين صحي لك و لعائلتك. كل ولاية لها نظام تأمين مختلف. علشان كذا ما راح أحط موقع التأمين الصحي لكل الولايات، لكن هذا موقع ولاية ألبرتا لتأمين الصحي www.health.alberta.ca
و التأمين الصحي يغطي تقريبا كل شيء ما عدا الأسنان إلا في أضيق الحالات، لكن الملحقية تعوضك على كل شيء بخصوص الأسنان ماعدا التقويم و التبييض. و التأمين الصحي ما يغطي بعد فحص النظر و عمليات الليزر و الليزك و لا يغطي الأدوية.

لما تروح تطلع تأمين صحي يلزمك ال study permit و جوازك.

الرعاية الصحية في كندا مستواها عالي جدا ، و فيها ميزة إن التأمين فيها مو زي أمريكا ( صرت زي الكنديين لا بغوا يثبتون تطورهم في شيء قالوا ترانا أزين من أمريكا) المهم، التأمين هنا حكومي مو شركات، بأمريكا أشوف بعض المستشفيات ما تقبل تأمين الملحقية السعودية، هنا الأمور وحدة و أسهل بكثير



المدارس والحضانـــــــــــــه



يحق للاطفال دخول المدارس من سن خمس سنوات مجانا و اللي هي مرحلة التمهيدي أو Kinder Garden

و إذا مرررة مستعجل على طفلك فيه مدراس يسمونها pre-school من سنة3 سنوات...بحيث يصير دوامهم3 ساعات يوميا

و في الحضانات و هي نوعين:
Day Care:
و هذا حضانة تستقبل على الاغلب من عمر 0 – 12 سنة ( طبعا من عمر 5-12) بعد ما يطلعون من المدارس إذا الاهل يداومون إلى وقت متأخر) و أسعارها غالية. و كل ما صغر عمر الطفل كل ما صار أصعب إنك تلقى له مكان و يصير أغلى بعد.
Home Care:
و هذا حضانة منزلية. ميزتها إنها زي البيت، أقل التزام من الحضانة العادية، أرخص. لكن عيبها إن وين و ين تلقى حضانة منزليه عليها العلم.


توجد مدارس سعوديه في عدد من المدن بامكان تدخل اولادك فيها وعاده هي تكون يوم بالاسبوع، يوم السبت الصباح، مكان المدرسة هو النادي السعودي. و اللي يدرسون في الأغلب عرب. لكن دايما الأطفال ما يحبونها. لأنهم على نظام التلقين + يعطونهم واجبات كثيرة و أغلب الأطفال في عمر الدراسة لغتهم الأولى انجليزي...



البنوك



CIBC Bank
بنك كويس و مودرن زي ما يقولون...كل شيء يسوونه سريع سريع و حساب الملحقيه فيه

www.cibc.com

RBC Bank

أقدم بنوك كندا...بنك ميت و يجيب الهم...بطيئين، مرة جيت بحول لحساب شركة من عندهم علوا قلبي...كل موظفينهم شياب و عجز

www.royalbank.ca

TD Canada Trust

يسموونه راجحي كندا. عاد ما يحتاج أفصل

www.tdcanadatrust.ca

هذي البنوك الرئيسية تقريبا...ما حطيتها كلها...

بس إذا جيتوا تطلعون فيزا طلعوا ال aerogold علشان يحسبون لكم ميل جوي واحد لكل دولار تصرفونه. و حتى إذا طلعتوا تذاكر من الملحقية لما تجون تحجزون عطوهم رقم ال aeroplan حقكم و يضيفون لكم الأميال...تطلع لكم شيء بعد سنتين. حلوة مررة


***يتــــــــــــبع



 

 

saudi girl غير متواجد حالياً
Facebook Twitter 0
قديم 27-04-2008, 04:20 AM   #2
saudi girl
عضو مقلع
saudi girl له مستقبل يوسع الصدرsaudi girl له مستقبل يوسع الصدرsaudi girl له مستقبل يوسع الصدرsaudi girl له مستقبل يوسع الصدرsaudi girl له مستقبل يوسع الصدرsaudi girl له مستقبل يوسع الصدرsaudi girl له مستقبل يوسع الصدرsaudi girl له مستقبل يوسع الصدرsaudi girl له مستقبل يوسع الصدرsaudi girl له مستقبل يوسع الصدرsaudi girl له مستقبل يوسع الصدر
شركات الجوال:



هناك أكثر من شركة جوال في كندا:

Rogers

www.rogers.com

Bell mobility

www.bell.ca

Telus

www.telus.com


شركة rogers هي الوحيدة اللي شبكتها GSM يعني زي السعودية..يعطونك شريحة و جهاز مجاني إذا سويت معاهم عقد، على حسب سنتين ، 3 سنين ، 4 سنين. و لو كان الجهاز اللي تبيه غير اللي عطوك...ممكن تدفع مبلغ زيادة، يعني بعضها 50 دولار أو مية بالكثير.

شركتي Telus & Bell هذول يعطونك جهاز مبرمج...بحيث الجهاز ما يشتغل إذا رحت للسعودية. و أسعارهم أرخص من Rogers


التلفزيون

أو الكايبل زي ما يقولون هنا. تاخذ ال package على كيفك. يعني في الباكيج العادي ولو تبي قنوات زيادة تدفع.

شركات الكيبل

Rogers

www.rogers.com

Shaw

www.shaw.ca

Telus

www.telus.com

بعض الشركات تعطيك تخفيض إذا صارت كل الخدمات منهم ( جوال – تليفون ثابت – كيبل)


الدش العربي...

نوعين..

النوع الأول: تدفع مرة وحدة و يركبون لك دش يجيب لك قنوات ( السعودية-قطر-الكويت – الجزيرة الانجليزي- السودان – أبوظبي الرياضية – العالم- سورية – العراقية)

النوع الثاني: تدفع أول مرة علشان تركيب الدش بعدين كل سنة تدفع 500 دولار كندي. يجيب لك القنوات الصاحية ( العربية – الجزيرة – دبي– المستقبل- LBC- ART- MBC) و كم قناة زيادة.



شراء سيارة

في كندا يقدرون السيارات اليابانية، و تمسك سعرها هنا إذا جيت تبيعها...عكس الأمريكية اللي مررررررررررررة يطيح سعرها لا جيت تبيعها. تويتا هنا ما فيه أغلى منها.

إذا كنت جالس ماكسمم 3-4 سنوات أقول لك اشتر سيارة مستعملة لكن انتبه لل interest rate لأنه يصير مرررة عالي أحيانا إذا صارت السيارة مستعملة و ممكن يجيب لك سعر جديدة. علشان كذا قارن و خذ وقتك قبل لا تشتري سيارة مستعملة.

إذا جالس أكثر من 4 سنوات...نصيحة اشتر جديدة، من تجارب ناس كثيييييرة...تخرب السيارة المستعملة عليهم قبل ما يسافرون بفترة قصيرة و يضطرون يشترون وحدة غيرها، هذاغير الصداع اللي يبي يسببه لك، غير إن التأمين بيصير أعلى للسيارة المستعملة.


الرخصة

أول ما توصل تروح لشي اسمه ال Registery Office و هذا امكتب يعادل لك رخصتك الدولية لكن لازم يسوون لك اختبار تحريري عن ال signs و قوانين السرعة و هالأشياء...و أحلى شيء في الموضوع إن 99% من الرجال السعوديين يرسبون في هذا الاختبار و حريمهم ينجحون، لأن الرجال ما يذاكرون له على أساس خبرة، بس نصيحتي لكم ذاكروا علشان ما تضطرون تعيدونه مرة ثانية

شركات التأمين

لا تصدقهم لما يقولون إن شركة التأمين هذي أسعارها حلوة، لأن معدل أو ال Rate للتأمين يجيهم من الحكومة...يعني تقريبا كل الشركات almost the same

وحدة من الشركات


TD Insurance

www.TDMelocheMonnex.com


السوبرماركت وأشهرهم في كندا





Real Canadian Superstore_
ويعتبر ارخص سوبرماركت في كندا



موقعهم على النت

www.superstore.ca



Save on Foods

أسعاره فوق المتوسط

موقعهم على النت


www.savonfoods.ca


Sobeys

أرخص من save on food لكن أغلى من superstore


موقعهم على النت

www.sobeys.com


Safeway

يعتبر الأغلى

موقعهم على النت


www.safways.ca

Costco

و هو سوبر ماركت بالجملة، لازم تدفع اشتراك 50 أو 100 دولار بالسنة، يقال إن أسعاره أرخص من الباقين، لكن يبيع بالجملة...يعني كميات مهولة، فيه ناس مجانين كوسكو. وجهة نظري أحس إنه يلعب على العالم...لا أرخص و لا ما يحزنون...أنا اشتركت سنة و كل هالسنة و أنا أقارن...ما حصلت فرق + يصلح لناس عندهم أكثر من طفلين أو أطفال بالمدرسة علشان ال snacks و هالأشياء.

موقعهم على النت


www.costco.ca




ميزة كندا إن محلاتها ما تقفل إلا الساعة 9 بالليل مو زي أوروبا الساعة 6....طبعا المولات تقفل على الساعة 6 يوم الأحد بس..


ما حبيت اتكلم عن التسوق و المولات ، لأن الأغلب جاي دراسة مو سياحة...يعني مو هذاك الأولوية...لكن لازم أقول لكم عن ال Boxing Day اللي هو26 ديسمبر من كل سنة و الأسعار فيه تنزل لبعض الأشياء ( خاصة الالكترونيات) 75% و الملابس و أغلب الأشياء 50% فتشوف هجوم على المولات...يعني لو بتشري هدايا خلها هذاك اليوم اوفر لجيبك.


الأثاث

ايكيا

موجود في كل مدينة كندية تقريبا نفس أسعار السعودية، بعض الناس يقولون الجودة هنا أحسن، عاد مدري هم صادقين و إلا عندهم عقدة كل شيء برا السعودية أصرف !

www.ikea.ca

The Brick

هذا أكبر نصاب في الحياة...يعني شفت شركات نصابة لكن لهذي الدرجة ما شفت، كل ويك إند هو ويك إند التخفيضات اللي ما عمرها صارت...و ربي...بكمل 5 سنين بكندا كل ويك إند كل long week end كل أجازة آخر تخفيض...آخر عرض...هالإجازة هي العرض اللي ما يتفوت و من هالموال...و عاد يا ليتهم يستاهلون...محل عادي و غالي !



موقع ممتاز لمعرفة اوقات الصلاه و اماكن المساجد في اي مدينه في كندا فقط اختار اسم المدينه


http://www.islamicfinder.org/
بس حط ال zip code لبيتك أو شقتك و يطلع لك أوقات الصلاة، على فكرة..الأوقات مو مرة مضبوطة...يعني آخر 5 دقايق على الوقت اللي حاطينه...و الأفل تشتري التقويم الإسلامي من مسجد المدينة حقتك

وممكن تنزل البرنامج من الموقع في جهازك يأذن للصلاة اذا جاء وقتها


http://www.islamicfinder.org/athanDownload.php





شركات الطيران


أول كان فيه شركات طيران ممكن نسميها اقتصادية زي سما و ناس لكن الحين ال Air Canada صارت توفر هذا النوع من التذاكر بشرط ما تقدر تغير و لا شيء فيها...صح رخيصة لكن بلشة. علشان كذا نصيحتي لكم احجزا بوقت طوووووووووووووويل إذا ناوين تسافرون جوى كندا.

Air Canada

www.aircanada.ca

West jet

www.westjet.ca

United Airlines

www.united.ca

هذول خطوط طيران الفروض إنها رخيصة...لكن مو هذاك الفرق عن air Canada
و للمعلومية...ترى الوجبات لازم تدفع لها زيادة إذا تبي، لكن الأغلب يجيبون أكل معاهم . هذا نظام بس للرحلات الداخلية.

الوزن: لكل راكب قطعتين كل قطعة 50 باوند أو 23 كيلو ، طبعا على الدرجة السياحية


السينما


اول كان فيه شركتين للسينما الحين صار احتكار و الشركة الكبيرة Cineplex odeon شرت الشركة الأصغر منها Silver city

هذا موقع الشركة....حط اسم مدينتك و الولاية و تشوف وش أقرب سينما لسكنك


www.cineplex.com


الجو

طبعا فيه ناس متخيلين كندا القطب الشمالي ، و هذا غير صحيح <<< قولي ق !

عندكم المدن : Winnipeg – Edmonton – Calgary تعتبر مدن باردة طبعا أبردها و أكثرها كآبة بلا منازع Winnipeg ، درجات الحرارة ممكن توصا -45 مع الريح...لكن ما تموتون لا تخافون...الكنديين جدا متكيفيين مع جوهم ، و راح تصير مثلهم من ثاني سنة...هي أول سنة اللي مريعة ثاني سنة تقول إذا قالوا لك درجة الحرارة -10 واااااو دفا !

اما المدن : Toronto – Ottawa- Montreal – Hamilton – London تعتبر متوسطة البرودة ، توصل درجة الحرارة ماكسمم -30 لكن أحيانا قليلة

المدن : St.John – Halifax – Vancouver – Victoria مدن ساحلية و لا عندها هذاك البرد...مير فانكوفر و فكتوريا ما يعرفون الثلج ..قلييييييييل يجيهم...و هاليفاكس مشكلتها إنها كئيبة + منفوحة + تجيها عواصف لأنها على الأطلسي


حاولت إني أختصر مررة علشان ما يصير الموضوع طويل عليكم. هذا موضوع عن كندا بشكل عام. بنزل تتمة الموضوع عن كل مدينة بحد ذاتها. و موضوع ثاني عن الابتعاث. و اللي عنده أي سؤال...لا يرده إلا كيبورده.

و عقبال ما نرجع كلنا سالمين غانمين لديارنا.



 

 


اخر تعديل كان بواسطة » saudi girl في يوم » 27-04-2008 عند الساعة » 04:29 AM.
saudi girl غير متواجد حالياً
Facebook Twitter 0
قديم 27-04-2008, 04:24 AM   #3
saudi girl
عضو مقلع
saudi girl له مستقبل يوسع الصدرsaudi girl له مستقبل يوسع الصدرsaudi girl له مستقبل يوسع الصدرsaudi girl له مستقبل يوسع الصدرsaudi girl له مستقبل يوسع الصدرsaudi girl له مستقبل يوسع الصدرsaudi girl له مستقبل يوسع الصدرsaudi girl له مستقبل يوسع الصدرsaudi girl له مستقبل يوسع الصدرsaudi girl له مستقبل يوسع الصدرsaudi girl له مستقبل يوسع الصدر
إن شا الله على يوم الاثنين أنزل الموضوع الخاص بالابتعاث...

بتكلم بعد عن الملحقية و كيفية التعويض عن الفواتير و السكن و هالأشياء...

و اللي يحب إني أضيف فقرة غابت عن بالي لا يتردد إنه يقول..

و موفقين يا رب



 

 

saudi girl غير متواجد حالياً
Facebook Twitter 0
قديم 27-04-2008, 10:46 AM   #4
أشعار
من كبار شخصيات الإقلاع
 
الصورة الرمزية الخاصة بـ أشعار
أشعار فوق  هام السحبأشعار فوق  هام السحبأشعار فوق  هام السحبأشعار فوق  هام السحبأشعار فوق  هام السحبأشعار فوق  هام السحبأشعار فوق  هام السحبأشعار فوق  هام السحبأشعار فوق  هام السحبأشعار فوق  هام السحبأشعار فوق  هام السحب
..

ما شاء الله ,

رائعة تغطيتك .. أتمنى الكل يستفيد لأن مالي فكندا لكن عرفت معلومات كثير من خلال الفقرات هنا .

حتى أنا جالسة أعمل دليل للمبتعث في بريطانيا بس لأن بريطانيا فيها جامعات كثير عالمية و معتمدة بيكون الشغل
فيها أصعب شوي و ياخذ وقت .

يعطيكِ ألف عافية | و نرجع سالمين ناجحين ان شالله

.



 

 

أشعار غير متواجد حالياً
Facebook Twitter 0
قديم 27-04-2008, 11:56 AM   #5
حتى أجدك ,
من كبار شخصيات الإقلاع
 
الصورة الرمزية الخاصة بـ حتى أجدك ,
حتى أجدك , فوق  هام السحبحتى أجدك , فوق  هام السحبحتى أجدك , فوق  هام السحبحتى أجدك , فوق  هام السحبحتى أجدك , فوق  هام السحبحتى أجدك , فوق  هام السحبحتى أجدك , فوق  هام السحبحتى أجدك , فوق  هام السحبحتى أجدك , فوق  هام السحبحتى أجدك , فوق  هام السحبحتى أجدك , فوق  هام السحب
الله يعطيك العافيه .. دليل رائع وشامل

ممكن تتكلمين عن المواصلات داخل فانكوفر وطريقة استخدامها والعروض الأفضل

شكرا



 

 

حتى أجدك , غير متواجد حالياً
Facebook Twitter 0
قديم 27-04-2008, 01:24 PM   #6
.CK.
مقلع فني مميز
 
الصورة الرمزية الخاصة بـ .CK.
.CK. فوق  هام السحب.CK. فوق  هام السحب.CK. فوق  هام السحب.CK. فوق  هام السحب.CK. فوق  هام السحب.CK. فوق  هام السحب.CK. فوق  هام السحب.CK. فوق  هام السحب.CK. فوق  هام السحب.CK. فوق  هام السحب.CK. فوق  هام السحب
جزاك الله خير
عمل جميل جدا منك والكل بأذن الله راح يستفيد



 

 

.CK. غير متواجد حالياً
Facebook Twitter 0
قديم 27-04-2008, 06:59 PM   #7
وجه آخر
رياضي مميز
 
الصورة الرمزية الخاصة بـ وجه آخر
وجه آخر فوق  هام السحبوجه آخر فوق  هام السحبوجه آخر فوق  هام السحبوجه آخر فوق  هام السحبوجه آخر فوق  هام السحبوجه آخر فوق  هام السحبوجه آخر فوق  هام السحبوجه آخر فوق  هام السحبوجه آخر فوق  هام السحبوجه آخر فوق  هام السحبوجه آخر فوق  هام السحب
روووعه اختي

بالنسبة لمحلات Costco فاللي فهمته من كذا واحد انه لو عندك اشتراك عندهم يلغون الـtax عليك ..

بس عندي سؤال .. انا الحين ناقل لشقة جديدة وودي اشتري شوية اثاث وتلفزيون باسعار معقولة وين تنصحيني؟

يعطيك العافيه (ورده)



 

 

وجه آخر غير متواجد حالياً
Facebook Twitter 0
قديم 27-04-2008, 09:45 PM   #8
P r e s t i g e
من كبار مميزين الإقلاعية
 
الصورة الرمزية الخاصة بـ P r e s t i g e
P r e s t i g e فوق  هام السحبP r e s t i g e فوق  هام السحبP r e s t i g e فوق  هام السحبP r e s t i g e فوق  هام السحبP r e s t i g e فوق  هام السحبP r e s t i g e فوق  هام السحبP r e s t i g e فوق  هام السحبP r e s t i g e فوق  هام السحبP r e s t i g e فوق  هام السحبP r e s t i g e فوق  هام السحبP r e s t i g e فوق  هام السحب


بنت السعوديه
يطولي بعـمرك على هالتقرير الشـامل
فيييه أشياء أستغربت منها من ناحيية تخفيضات بيوم 26 ديسمبر ,
تقريبا ً أكثر النقاط بتفيدنـي إن شاء الله بعد ما أسكن بروحـي
يعنـي مع العائله أحسس كلش متوفر لي ماعدا نفسيتي بالأكل لا تغيرت
وخاصه اللي اسمه الكايبل إن شفت اللي بغرفتي كـبره باييخ رحت اشتري اكبر ..


إقتباس »
شركة rogers هي الوحيدة اللي شبكتها GSM يعني زي السعودية..يعطونك شريحة و جهاز مجاني إذا سويت معاهم عقد، على حسب سنتين ، 3 سنين ، 4 سنين. و لو كان الجهاز اللي تبيه غير اللي عطوك...ممكن تدفع مبلغ زيادة، يعني بعضها 50 دولار أو مية بالكثير.

طيب حلوو تعتقديين مسألة الوسائط تشتغل عندهم والجيل الثالث وخنبقة السواليف اللي عندنا !!
تقوليين عقد سنتين شلون يعني .. على اللي فكرت فيه لازم يصير جوالي مستمر خلال هالسنتين
والفواتير تمشي وإذا ما كملت السنتيين بيسحبون الجوال وإلا شلون يالييت توضيح أكثر ..
مبدئيا ً احس هالشركه بتريحني بس ودي أعرف تكاليف المكالمات بينها وبين الثانيات ووش الأفضل بالنسبه لنا يا الطلاب ..



طيب سؤال ,
ما أشوفك تطرقتي لموضوع النت وسرعاته !؟


التأميين الصحي ياوخيتي ..
انا الحيين على حسابي مثل ما تعرفيين هل أعتمد على التأميين اللي بيجيبه لي
مكتب السفريات وإلا بعد مايجيبه أقارنه مابيين وش الافضل ؟ لان خايف زي عندنا يجيب لي تأميين مهلووك وانا مابي أوهق عمري بتأميين وأبروفل وحركات مالها داعي فـ أفضل تأمين بنظرك




يعطييك العافييه وألف مليون قلووب من الريااض لكنداا لك
بالمفضـله



 

 

P r e s t i g e غير متواجد حالياً
Facebook Twitter 0
قديم 27-04-2008, 09:46 PM   #9
غريب الدار
موقوف بإصلاحية الإقلاع
غريب الدار تقييمه فيه تقدم
يعطيك الف عافية بصراحة استفدت فايدة كبيرة من الموضوع


متابع بقوة لمواضيعك القادمة



 

 

غريب الدار غير متواجد حالياً
Facebook Twitter 0
قديم 28-04-2008, 01:52 AM   #10
الضب القطبي
قلم جاد
 
الصورة الرمزية الخاصة بـ الضب القطبي
الضب القطبي فوق  هام السحبالضب القطبي فوق  هام السحبالضب القطبي فوق  هام السحبالضب القطبي فوق  هام السحبالضب القطبي فوق  هام السحبالضب القطبي فوق  هام السحبالضب القطبي فوق  هام السحبالضب القطبي فوق  هام السحبالضب القطبي فوق  هام السحبالضب القطبي فوق  هام السحبالضب القطبي فوق  هام السحب
ما قصرتي والله

وينك من سنين ...

يوم نتلحط ندور اللي يدلنا عل ( التي دي) ...

الله ما ترجع ذيك الايام



 

 

الضب القطبي غير متواجد حالياً
Facebook Twitter 0
إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع

مواضيع ذات صلة
الموضوع الكاتب القسم المشاركات المشاركة الأخيرة
جريمــة قتل بشعة (( غـــدير )) عـنترنيت مجلس الإقلاع 97 23-02-2008 02:10 AM


الوقت المعتمد في المنتدى بتوقيت جرينتش +3.
الوقت الان » 05:49 PM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2020, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017