منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الفنية > منتدى الفن الغربي
التسجيل التقويم التأشير على جميع الاقسام بالمشاهدة




إغلاق الموضوع
 
أدوات الموضوع طريقة عرض الموضوع
قديم 11-04-2008, 03:45 PM   #1
Confused
من كبار مميزين الفني
 
الصورة الرمزية الخاصة بـ Confused
Confused فوق  هام السحبConfused فوق  هام السحبConfused فوق  هام السحبConfused فوق  هام السحبConfused فوق  هام السحبConfused فوق  هام السحبConfused فوق  هام السحبConfused فوق  هام السحبConfused فوق  هام السحبConfused فوق  هام السحبConfused فوق  هام السحب
" Lars vs Smith "




" Lars vs Smith "



.
.



مرحبتين كباااار ..
مبروك يقولون عندكم اجازه وحركات .. ماشالله تبارك الرحمن


والله محتاره من فتره ابي اكتب موضوع وماني عارفه شكتب عنه
عاد حاسهاني فقدت لياقتي بالمواضيع << عشتو يا طه حسين
المهم ان فيني دوده وودي اطلعها بالموضوع ..
عادك بغيت اتهور واكتب عن فلم صيني .. بس ربكم ستر ..
مع ان الفلم حليوو .. اسمه curse of the golden flower ..

المهم سلمكم الله مثل ماقلت احترت شكتب وشخربط عنه ..
بعدين شفت فلمين اعجبوني .. قلت بس .. وصلنا خييير
ميزتهم انه كل واحد بصووب .. بس كلهم كيفت عليهم ..
اول فلم Lars and the Real Girl .. درامي وشوي كئيب ..
مع بعض الكوميديا السوداء .. او مضحك مبكي على قولتهم ..
اتوقع يجوز للبنات اكثررر شي ..خصوصا ان البطل رايان غوسلنغ

والفلم الثاااني .. Shoot'Em Up .. خاااااااااااااااطير مره مره مره على قولتكم ..
مع اني مو كلش على افلام الدمامين والاكشن والمطاردات .. بس هذا دخل مزاجي
واكيد راح يجوز للشباب .. خصوصا ان مونيكا بولوتشي فيه
عاد يقولكم هالادميه مثل الخمر والعياااذ بالله .. كل ماتكبر تزين


المهم بما انه ليديز فيرست .. نبدا بالفلم الهادي اللي بيعجب البنيات
عادي اخذوا راحتكم واقروا .. ترى والله تأدبت وما قمت احرق ..
بس قرقرتي زايده .. عادي يعني


Lars & the Real Girl
[2007]



The search for true love begins outside the box

Trailer

imdb users rating : 7.8
مو هين

yahoo users Rating : B
ايضا مو هين

بطوله :


Ryan Gosling .. بدور .. Lars


Emily Mortimer .. بدور .. Karin مرت اخو لارس


Paul Schneider .. بدور .. Gus ..اخو لارس

اخراج :
Craig Gillespie
مخرج اعلانات تلفزيونيه ..وتوه ماعنده الا هالفلمين
هالفلم والثاني شكله سخيف ..

قصه :
Nancy Oliver
ترشحت للاوسكارعلى فكره الفلم .. ممم بصراحه تستاهل ترشيح عالفكره بس ..
لأن الحوار احس كان ممكن يكون يعورالقلب اكثرودرامي يعني .. << اعز ضيقه الخلق

سلمكم الله لما حملت الفلم ..كللش ملش ماتوقعت هذي قصته ..
لأن الجينر دراما وكوميدي .. والتاغ لاين يعطي على رومانسيه ويخدع ..
بس والله طلع احسن مما توقعت .. وانجذبت مع احداث الفلم ومع لارس ..
القصه عن واحد ينقاله " لارس" << لا ياشيخه ..
المهم هذا انطوائي جدا .. عايش بالكراج تبع بيته هو واخوه ..
ورافض انه ينتقل معاهم .. عالرغم من كل محاولات اخوه ومرته ..
وه تهبببل مرت اخوه .. احسها ارقى منهم .. كلاس ماتنفع للدور ..
حيل طيوبه وحنونه .. وتحاتيه اكثر من اخوه هالمالق ..
المهم مالكم بالطويله .. هذا انطوائي بسبب وفاه امه من صغر سن ..
وابوه يعني .. تايب الابهات الكريهه .. اللي مالهم داعي عرفتوا شلون ..
وكونهم عايشين بشبه قريه بسيطه .. فالكل يحاول انه يطلعه من عزلته ..
لكن اخينا بالله ماافيش فايده .. لحد مابيوم من الايااام يجي لأخوه
ويقوله انه جايب بنت .. اصلها برازيلي .. وانه تعرف عليها بالانترنت والخ
وعليه ويستااانسون .. ويفرفشون .. ويقولون حمدالله طاب ولدنا ..
الا تطلع البنت لعبه اسمها "بيانكا" .. والاخ طالبها من الانترنت ..
الحين المشكله ان لارس رافض يستوعب انها لعبه .. وعايش الدور
ويسولف معاها وحالته حاله .. والاخو ومرته اضطروا انهم يجارونه ..
( لا تحاتون هالكلام كله اول ربع ساعه ومثل اللي بالتريلر .. ماحرقت عليكم شي )




بس شنو راح يسوون مع اهل هالديره ؟ .. هل راح يتقبلونه هو ولعبته
شلون ردود افعال اللي معاه بالشغل .. واصدقائه المقربين ..
طول الفلم بتشوفون تفاعل الناس مع لارس ولعبته ..
وشلون هو يطور علاقته فيها من مرحله لمرحله .. على مزاجه طبعاً
شرايكم شاللي راح يصير ؟
هل راح يحب لارس اللعبه ويتزوجها ؟ .. ولا بيظلون اصدقاء بس
هل راح يقدرون يعالجونه ويودنه لطبيب نفسي ولا ماراح يقتنع ..
تابعونا .. من جد الفلم مشوق ( عالاقل بالنسبه لي ) .. وماتوقعت فيه هالاشياءات
من الاشياء الطريفه .. ان الستاف تبع الفلم كانو يعاملون اللعبه كأنها شخص طبيعي
ولها تريلر بروحها تبدل فيها وماتطلع الا بوقت مشاهدها ..
كل هذاعشان يساعدون الممثل " رايان " .. انه يعيش الشخصيه






اداء الممثلين وافضل المشاهد ..
شخصيه كارين فضيعه .. تنرحم مسكينه .. حاسه بالذنب .. وخايفه انه لارس يكرهها ..
واحلى مشهد لما يصير بينها وبينه تتش بسيط وتنفعل عليه ..
حتى انفعالها كله حب وحنان .. وه بس


لارس .. ممم صراحه اوكي توصل الفكره ان الانسان مو طبيعي وكذا من اداء رايان
لكن ماحسيت شفت شي جديد منه .. يعني يرمش ويفرك بالعيون وبس .. !!
المشهد اللي اثر فيني ..
لما كان عند الطبيبه .. ويقولها شلون يشعر بحراره او الم لما يلمسونه الناس
او يحاولون يحضنونه .. واهي تحاول انها تلمس ايده شوي شوي ..ورد فعله ..
هالمشهد اللي بس حسيت تعب فيه .. ولا الباقي احس خواره مافيهم زود





التورنت نسخه axxo

Official site




.
.




 

 

Confused غير متواجد حالياً
Facebook Twitter 0
قديم 11-04-2008, 03:46 PM   #2
Confused
من كبار مميزين الفني
 
الصورة الرمزية الخاصة بـ Confused
Confused فوق  هام السحبConfused فوق  هام السحبConfused فوق  هام السحبConfused فوق  هام السحبConfused فوق  هام السحبConfused فوق  هام السحبConfused فوق  هام السحبConfused فوق  هام السحبConfused فوق  هام السحبConfused فوق  هام السحبConfused فوق  هام السحب
.
.


الفلم الثاني .. عااد هذا من جد روعه وماكنت ابيه يخلص
استمعت ايماااا مادري اينما استمتااع فيه صراحه ..

Shoot'Em Up
[2007]



I'm a British nanny and I'm dangerous

Trailer

imdb users rating : 7.1


yahoo users Rating : -B


بطوله :


Clive Owen .. بدور .. Smith


Paul Giamatti ..بدور .. Hertz


Monica Bellucci ..بدور ..Donna


قصه واخراج :
Michael Davis
عاااد الله والقصه ..
احلى مابالفلم المطارد والاكشن .. ولا مافي قصه ولا قاله الله
اصلا احسه كل يوم يجي ويصور اللي مشتهيه ويمشي

ممم مثل ماقلت لكم .. الفلم مافيه ذيك القصه ..
اللي يصير ان اخينا بالله "سميث" .. يكون قاعد يتأمل في ملكوت الخالق
مايحس الاوحده حامل تررركض .. وخايفه ..
شوي واللي يجي الثور (تكرمون) .. اللي خايفه من هالحامل ..
ويبي يذبحها .. يقعد سميث يفكر .. اقووم اساعدها ولا لا..
بس شكله كاان فاضي ذاك اليوم .. وحاس بالشهامه والشجاعه ..
والله ويروح وراهم .. الا فيه جيش لاحقهاا وبيذبحونها هي واللي بطنها ..
المهم طاااااخ طيخ وتذبح بهالعالم اخونا بالله .. الا المره مااااش .. موصله
وياها الطلق .. والله ويولدهااا .. ويطلع البيبي ولد ..
الحين انا ماغاثني بالسالفه .. الا هذي شلون تولد بدقيقتين ..
واحنا بناتنا الوحده تقعد تطلق يوم ونص وطلق صناعي وحاله ..
وبالموت على مايطلع هالنتفه !! .. شلون يعني من الخرعه
نحط واحد يرمي فوق راسها لسرعه التوليد ولا شلون ..





نرجع لفلمنا .. تولد البنت مثل ماقلت لكم .. بس الله مايكتب لها تعيش ..
الحين هذا ابتلش على عمره .. الامه كلها لاحقته عشان هالولد ..
ولا هو عارف وين يوديه ولا شيغبرر فيه .. !!
تابعوا الفلم وتعرفون .. سبب ملاحقه هالشعب للبيبي .. وليش يبون يذبحونه
وشلون دخلت مونيكا بولوتشي عالخط .. وماعلاقتها بـ سميث ..
والسؤال الاهم .. هل يموت البطل بهالفلم ولا لاء ؟؟



تريفياا راح تعجب الشباب ..
كليف اوين .. او سميث .. يستخدم 18 مسدس بالفلم ..
وساق سيارتين .. بس الثنتين بي ام .. اكره البي ام
الحين ليه مانشوفهم بالافلام يسوون مطاره برنج .. ولا جيب كاديلاك ؟
ولا حتى وانيت كاديلاك .. ماينفعون للمطاردات يعني ولا شلون
مجموع الجثث بالفلم 100 جثه ..كلهم على ايد سميث ماي نيو هيرو ..
واستخدموا لهم 15 جالون دم صناعي مادري مزيف ..
شييييي شي اقولكم طشار الدم ماله والي ..
اي والبيبي .. توأم ..اختاروهم للفلم قبل لا ينولدون اصلا ..
لا ومعاهم بيبي ثالث يعني هاللي ينشال وينحط ..ثلاث بيبيات ممثلين دوره




بالنسبه لرايي بالفلم ..
طبعا مثل ماقلت .. مع انه ماكو قصه .. بس ماينمل .. طق ومطاقق واكشنات
واكيد فيه اشياء ماتتصدق يعني .. بس هم استمعت فيها .. كأنها لعبه
حتى الموسيقى اصلا تبع الفلم .. يعطيك جو انك بلعبه مو تطالع فلم عادي ..
هذا غير التشليخ المتوالي والاحداث او الاشياء الرهيبه اللي تصيير ..
ممم سميث .. حسيته عايش الشخصيه .. طمل ومبهذل ومادري شلون .. بايعها
الحورات مرات تضحك .. خصوصا سميث مرات عليه طلعات مو طبيعيه لما يسولف

احلى لقطات .. ترى فيها حرق نتفه ..
لما يلحقونه لبيته .. او المكان اللي ساكن فيه ..
اللقطه اللي ينط فيها من فوق متمسك بحبل ..
والبيبي بأيد ..والرشاش بأيده الثانيه .. ويفرر على الدرازبين
ورااااااااااااايح تذبح بهالامه .. خلاص من بعدها حبيته حب عميق
واللقطه الثانيه ..
لما يروح مصنع الاسلحه .. اوف اوف شي رهيييييب
صحيح انه كله خرط فاضي ..بس والله ممتع ..



التورنت نسخه axxo

Official site




وبس سلامتكم وتعيشون ..
سامحونا عالقصور والتنسيق اللي لكم عليه ..
واتمنى تستمعون بالفلمين

.
.



 

 

Confused غير متواجد حالياً
Facebook Twitter 0
قديم 11-04-2008, 04:07 PM   #3
أبو عزة
من كبار مميزين الفني
أبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحب
كونفي اسلوبك بطلللللل
جالس اضحك عالصورة اللي حاطه كش عليها

بتكلم عن الفيلم الثاني .. لأني ماشفت الأول لحد هلـّى
مع اني من المعجبين بـ " ريان قوسلينق " ..
فنااااان خطيير .. ويلعب بمشاعر المشاهد بدون لا يكلف نفسه ..

الفيلم الثاني عاجبك ؟ اجل شكلك تحبين المسدسات والبيبي قن ..
الفيلم كله استعراض لمهارة " كليف اوين" في المسدسات والأسلحة ..
ومهارة " مونيكا بولوتشي " في الفراش (!!) <-- دورت كلمة احسن .. ماحصلت


بعدين ما لاحظتي إن الفيلم قصيـر وقته ..
الظاهر كله على بعضه ساعة و20 دقيقة بس ...!!
ينافس فيلم رامبو 4 في الاختصار ..


لو كتبتي عن الفيلم الاول واكتفيتي كان بيكون احسن لأن مفروض ما يشاركه افلام ثانية ..
( رأي شخصي )



اخيراً .. يعطيك العافية ع الموضوع والاسلوب الخطير


وإيه عندنا اجازة .. حرّررررررررة
توكم مخلصين من اجازة فبراير وتبون اجازة بعد (!؟)



 

 

أبو عزة غير متواجد حالياً
Facebook Twitter 0
قديم 11-04-2008, 06:39 PM   #4
HANOo
من كبار شخصيات الإقلاع
 
الصورة الرمزية الخاصة بـ HANOo
HANOo فوق  هام السحبHANOo فوق  هام السحبHANOo فوق  هام السحبHANOo فوق  هام السحبHANOo فوق  هام السحبHANOo فوق  هام السحبHANOo فوق  هام السحبHANOo فوق  هام السحبHANOo فوق  هام السحبHANOo فوق  هام السحبHANOo فوق  هام السحب
.
.
.


يعطيك العآفيه ع التقرير الممتع



 

 

HANOo غير متواجد حالياً
Facebook Twitter 0
قديم 11-04-2008, 08:54 PM   #5
يا قلبس
من كبار مميزين الفني
 
الصورة الرمزية الخاصة بـ يا قلبس
يا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحب
.
.

مكاني

.
.



 

 

يا قلبس غير متواجد حالياً
Facebook Twitter 0
قديم 11-04-2008, 11:26 PM   #6
Tale
من كبار شخصيات الإقلاع
 
الصورة الرمزية الخاصة بـ Tale
Tale فوق  هام السحبTale فوق  هام السحبTale فوق  هام السحبTale فوق  هام السحبTale فوق  هام السحبTale فوق  هام السحبTale فوق  هام السحبTale فوق  هام السحبTale فوق  هام السحبTale فوق  هام السحبTale فوق  هام السحب


مــراحب كثيــرهـ ..

من زمـان ما شفـت لك مـواضيع ؟!


بس من جـد رجعتي بـ الغنـائم


بـ الأول :
أهنيـك ع الأسـلوب الرايق و الخفيف في الطـرح


بـ النسبة لي :

ما شفت إلا واحـد من أفـلامك

Lars and the Real Girl

الكـاست :

Ryan Gosling

حـرام عليك
رايان أتقـن الـدور ..
شوفي ابتـسـامته البلهـاء
لمـا يتكلم يتكلم حـبه حـبه ..
و مثـل ما قلتي مشهـده مع الدكتوره
و أغلب مشـاهد الجلسـات معـاها
معــبرهـ

حتى :

إقتباس »
كل هذاعشان يساعدون الممثل " رايان " .. انه يعيش الشخصيه
أكبر دليل على إنـه اجتهـد



إقتباس »
وعليه ويستااانسون .. ويفرفشون .. ويقولون حمدالله طاب ولدنا ..
ايه من جـد ..

حـلو المشهـد لمـا بدأ يعطيهم فكره عن بيانكـا
شوي قال لهم إنهـا handicapped
و شوي قـال إنهـا يتيمـه و حالتها حاله

و كلهـا كانت صدمات هينـه ..
مقـارنه بـ إنهـا تكون دميـه



Emily Mortimer

شفت لهـا دور عـادي جـدا ً في ماتش بوينت

بس دورهـا هنــا .. غير شكـل

من جـد ابدعــت ..
تعرف تعـبر و تبين مشـاعرهـا
و لا أنكر إن الصوت المبحـوح خدمهـا بـ قوهـ
خاصة في هـ المشهـد لمـا تقول :

إقتباس »
That is just not true! God! Every person in this town bends over backward to make Bianca feel at home. Why do you think she has so many places to go and so much to do? Huh? Huh? Because of you! Because - all these people - love you! We push her wheelchair. We drive her to work. We drive her home. We wash her. We dress her. We get her up, and put her to bed. We carry her. And she is not petite, Lars. Bianca is a big, big girl! None of this is easy - for any of us - but we do it... Oh! We do it for you! So don't you dare tell me how we don't care.
يا حـياتي ..
رحمـتها


و أهـل الديره مـثل ما سميتيهـم ..
ما فيهم أحـد يبرد القلب مثل : Mrs. Gruner

بـ الذات في مشهـد العـزاء
لمـا جـوا يواسونـه



بـ شكل عـام :

الموفي ظريف ..
أنا عني عجـبني ..
هــادئ و يطبخ لك المشكله على نـار هـاديه

و أي أحـد يحب الأفـلام اللي تحكي عن
مشكلة نفسية أو شخصيـه غريبه
لا يتردد يشــوفـه



يعطيك ألف عـافيه كونفي ..
و ما ننحـرم من جـديدك



 

 


اخر تعديل كان بواسطة » Tale في يوم » 12-04-2008 عند الساعة » 12:22 AM.
Tale غير متواجد حالياً
Facebook Twitter 0
قديم 12-04-2008, 12:23 AM   #7
يا قلبس
من كبار مميزين الفني
 
الصورة الرمزية الخاصة بـ يا قلبس
يا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحب
.
.

أهلــين و سهلــين كونفي
من زمان يختي ما شفناك عندنا

الحين وشلون جمعتي هالفيلمين مع بعض الله يهديك
واحد بالشرق و الثاني بالغرب ..
أنا عكس ابو عزة باتكلم عن الاول لاني ما شفت الثاني
اللي كانت عندي النية أحمله ..
بس بعد الآراء السلبية عنه بالنادي هونت
خاصة أنه بالدرجة الأولة أكشن و مطارد و مطاشر دمان



××××

إقتباس »
اول فلم Lars and the Real Girl .. درامي وشوي كئيب ..
مع بعض الكوميديا السوداء .. او مضحك مبكي على قولتهم ..
اتوقع يجوز للبنات اكثررر شي ..خصوصا ان البطل رايان غوسلنغ
ايه و انتي الصادقة يجوز للبنات أكثر شي

الفيلم من أول ما عرفت عنه و أنا احتريه ينزل تورنت
و طبعاً مثل أي فيلم أكون متشفقه على شوفته يصير لي احداث غير سارة
لا تخلو من النسخ المزيفة و عدم وجود ترجمه زي الناس
<< خشة تذكرت فيلم جونو

بس الحمد لله تعديت كل العراقيل و شفته
ما أبطيت يمكن من أسبوعين ..


و كالعادة رايان ما يخذلني أبد
تعجبني طريقته بالتمثيل جداً
ما كد شفت له فيلم و قلت سخيف
<< إلا فيلم نيلسون حق العام ما عجبني بس تمثيله أكيد حلو

الفيلم هذا بالذات حسيته ملعبه
لأن أكثر شي يتقنه النظرات
أفضل مشهد له مثل ما قلتي وقت ما لمسته الدكتورة
و برضو لما كان في البولينغ يلعب مع صديقته
و و قت ما مرضت بيانكا و طلع و هو لابس البلوزة الوردية




مرت الاخو الحبوبة
يا حبيلها شايله همه أكثر من اخوه
أحلى مشهد لما زعل لارس و طلع يقطع الخشب برا
و قالها محد يهتم بي و قعدت تصارخ عليه لما انبح صوتها المسيكينة
بس و لو حاجه تنرفز لما قالت له ما شيكت على جدولها عالثلاجة
كارين عجبتني مرة مع اني ما كد شفتها قبل كذا
بس لها مستقبل واعد




شفتي شلون كان فرحان فيها
بس كفوها الكش


تقريباً الفيلم ككل حلو لولا وجود أخوه السامج
قاهرني , كل أبو أهل القرية يحبونه و تقبلوا البيانكا
الا هو بالاخير توه يحس الاخ
و كان ودي ان دور الدكتورة يكون أكبر من كذا شوية
حبيتها هالدكتورة


××××

كونفي ..
تسلم يدينك على هالموضوع الخفافي اللطيف
و نورينا دايم , أحب مواضيعك عشان الصور اللي عليها تعليقات
الا صورتك الرمزية هو تشك ما غيره
يسعدك ربي


برايفت المشرفين
ممكن يحذف ردي الأول
نسيت نفسي عند التلفزيون
و لما جيت أعدله لقيته مخلص الوقت

.
.



 

 


اخر تعديل كان بواسطة » يا قلبس في يوم » 12-04-2008 عند الساعة » 12:33 AM.
يا قلبس غير متواجد حالياً
Facebook Twitter 0
قديم 12-04-2008, 02:09 AM   #8
ί c o n
من كبار مميزين الفني
 
الصورة الرمزية الخاصة بـ ί c o n
ί c o n فوق  هام السحبί c o n فوق  هام السحبί c o n فوق  هام السحبί c o n فوق  هام السحبί c o n فوق  هام السحبί c o n فوق  هام السحبί c o n فوق  هام السحبί c o n فوق  هام السحبί c o n فوق  هام السحبί c o n فوق  هام السحبί c o n فوق  هام السحب





كونفي منزلة موضوع من وين طالعة الشمس اليوم

شوفي أكثر شي اهنيك عليه .. التطور الخطير في أسلوبك

من يصدق انك تنزلين موضوع عن فيلمين بعد بدون ما تحرقين

الفيلم الأول حاولت ما اقرى اكثير لاني مو متأكدة قد إيش ما احرقتي

لكن الصراحة ان ريان ولد حمولتن طيبة

و ما دام الفيلم رومانس كوميدي بحمله و انا مغمضة

الفيلم الثاني سويت له سكيب الصراحة مو من حبي لأفلام الأكشن

لكن برضو تطور خطير بالذوق

ويلكم باك كونفي



 

 

ί c o n غير متواجد حالياً
Facebook Twitter 0
قديم 12-04-2008, 02:20 AM   #9
مسالمه
من كبار مميزين الفني
 
الصورة الرمزية الخاصة بـ مسالمه
مسالمه فوق  هام السحبمسالمه فوق  هام السحبمسالمه فوق  هام السحبمسالمه فوق  هام السحبمسالمه فوق  هام السحبمسالمه فوق  هام السحبمسالمه فوق  هام السحبمسالمه فوق  هام السحبمسالمه فوق  هام السحبمسالمه فوق  هام السحبمسالمه فوق  هام السحب

بما اني ماشفت الفيلم الثاني بتكلم عن فيلم لارز اند ذا ريل قيرل
تعرفين لما تكونين طفشانه وماعندك شي تسوينه وتقولين يلا ليه ماشوف لي فيلم اقزر وقت؟
هذا الي صار معاي شفت فيلم لارز على اساس انه يلا مشي حالك فيلم وخلاص .. ماكنت متحمسه له قبل وعامله حسابي
لاني قد انصدمت في راين مرتين .. الاولى في فركتشر والثانيه في هاف نيلسون
كلهم كنت متحمسه قبل اشوفهم لكن بعد 10 دقائق بديت انام بوسط الفيلم
بس فيلم لارز احس رجعت لراين لياقته بالنسبه لي
اكثر شي عجبني في الفيلم طريقة تعامل اهله واصدقائه مع المشكله وبرضو الدكتوره عاجبني فيها انها معطيته جوه
زوجة اخوه ستارااك

يعطيك الف عافيه كونفي




 

 

مسالمه غير متواجد حالياً
Facebook Twitter 0
قديم 13-04-2008, 08:30 AM   #10
Thamer@
من كبار شخصيات الإقلاع
Thamer@ فوق  هام السحبThamer@ فوق  هام السحبThamer@ فوق  هام السحبThamer@ فوق  هام السحبThamer@ فوق  هام السحبThamer@ فوق  هام السحبThamer@ فوق  هام السحبThamer@ فوق  هام السحبThamer@ فوق  هام السحبThamer@ فوق  هام السحبThamer@ فوق  هام السحب
عشتووووو
كونفي الورده هنا
ياهلين وسهلين
ياهلا ويامرحبا والله
ياهلا بالزبيراويه

من زمااااااااااااااااااان عنك وعن مواضيعك

يعطيك الف عااافيه عالموضوع
ولو اني ماشفت ولا واحد منهم سوري يعني
بس انشالله لين حصلت لي فرصه شفتهم

يعطيك العاااافيه
واهم شي لا تغيبين كثير
خلينا نشوفك دايم

تسلمين عالموضوع الجنان



 

 

Thamer@ غير متواجد حالياً
Facebook Twitter 0
إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع

مواضيع ذات صلة
الموضوع الكاتب القسم المشاركات المشاركة الأخيرة
طلبات (التورنت/الروابط المباشرة/الترجمات ) للأفلام ( 8 ) |.MooDy GirL.| Home Cinema 3884 05-07-2008 03:41 PM


الوقت المعتمد في المنتدى بتوقيت جرينتش +3.
الوقت الان » 03:46 PM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2019, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017