منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الفنية > منتدى الفن الغربي
التسجيل التقويم التأشير على جميع الاقسام بالمشاهدة




إغلاق الموضوع
 
أدوات الموضوع طريقة عرض الموضوع
قديم 15-02-2008, 11:57 AM   #1
diet
من كبار مميزين الفني
 
الصورة الرمزية الخاصة بـ diet
diet فوق  هام السحبdiet فوق  هام السحبdiet فوق  هام السحبdiet فوق  هام السحبdiet فوق  هام السحبdiet فوق  هام السحبdiet فوق  هام السحبdiet فوق  هام السحبdiet فوق  هام السحبdiet فوق  هام السحبdiet فوق  هام السحب
تعال بقولك شي رزق الهبـل ع المـجـانـيــن .. !!





دي

جهزوا أدوية الضغط و البنكرياس انا جيت

اول شي قبل اقولكم السالوفه ..

باركوا لي واذكروا الله

الاسبوع الماضي تخرجت من الجااامعة
وصار عندي ليصاااانص حـقـوق و محاماة ع قولة المصاريه .. يابختكم فيني بس


المهم دام الحكي عن الجامعة .. ابحكي عن مصحّه نفسيه .. كنت فيها

دائماً المصحات نفسها وين ماتكون بالطايف ولا زيورخ.. عالم ملحوسه تطالع بالجدران و تكلم نفسها !!
ودائماً الناس تكرر انه المصحات النفسيه تزيد المرضى نفسيين مرض .. الملحوس لحسه يصير ملحوس لحستين
الي يخشها فيه نص لفّه .. ينبصم على عقله هناك بالجنون ويصير مديورات في مخه مو بس لفه

وهذا الشي الي كان حاصل لما دخلت هالمصح النفسي او مستشفى المجانين في البداية !!

كانت الامور روتينيه جداً جداً

تجينا الممرضة بالادوية بكاسات صغيره نبلعها وطبعا هالادوية كلها مهدئات فقط
يعني تخلي الخليتين الي في مخ الواحد يقالهم يشتغلون .. يوقفون عن العمل ويصير مخه تـنـكـه
و السبب علشان ماتفكر انا ليش هنا وليش ما اطلع وتتعافى نفسك بنفسك كون امراض العقل ماتحتاج الا علاج نفسي غالباً
فـ كان الكل ياكل حبوبه بدون مقاومه ولا حتى سؤال هالحبوب ليش وكيف ومش عارف ايش !!

كنا مضبوطين من المصحه زي الساعة بالزززبط ..
الساعه تسعه بالليل كلنا نسحب رجلينا ونروح للصالة "إجتماع" مع الممرضة المسؤولة رتشيـد
والي كانت تسمي الجلسة فضفضه وهي الي تدير الحوار فيها وحتى الآراء هي الي تسنتجها على كيفها

بالعربي المكان كان طفش و اكتئآب .. المهم مالكم بالطويله

الشخصيات الي معنا ظاهرياً ماكان فيها اختلاف كلهم مهابيل للي يزورهم !!
لكن الحياة معهم والاختلاط و الاندماج كـ واحد منهم .. فعلاً اثبت ان مافيه فرق بينهم وبين المشاهير
لكل شخص بالمصح صفات مميزه وحياة خاصه و افكار ونظره للحياة مختلفه عن غيره .. متعه بإختصار !!

كان فيه واحد طويييييييل و أطرم وطول الوقت ساكت وماسك له عصا مكنسه .. اسمه شيف
ولا عمر واحد فكر يقرب له او يكلمه حتى .. كل وقته زابن ورا العامود وواقف يتأمل بس ماله شغله غيرها
ويمكن خارج المصحه كثير مثل حالته يعانون من التوحد ولا احد داري فيهم لكن هذا دارين فيه وحاطينه هنا

وبعد كان معنا بيلي من اصغر النزلاء <<-- حلوه النزلاء عمره في بداية العشرينات
بيلي ما اشوف فيه سبب لدخوله للمصح .. صحيح ان لسانه ثقيل ويالله يطلع الكلمه ويرتبك معها
لكن هالحالة موجوده بالحياة العامه ولا قد قالهم احد يا معاق او مريض نفسيا
بيلي كان عنده مشكلة خفيه او هو يحاول يخفيها .. وهو علاقته مع البنات !!
وترجع التفاصيل لبداية مراهقته بعد ما ردته البنت الي يحبها ويبغاها بنت جيرانهم فـصار عنده مثل الري آكشن تجاه البنات
طبعاً سالفته مع بنت الجيران تعرفون نكتة الي لما ينطق حرف اللام يطوووووول فـ دايم بالمطعم مايطلب لحم يطلب دجاج
لكن يوم من الايام قرر يطلب لحم ويتهور .. ومن اول ماركب السيارة قال الحين بقول لللللحم علشان اوصل للمطعم وتطلع الكلمة على طول و خلااااااص
ويركب وهو يقول لللللللللللللللــ ... يوم وصل المطعم وقف قدام العامل قاله للـحم ورز لو سمحت
قاله العامل عفوا تعيد الطلب ؟ قاله رز و دجاج الله يلعن جدفك <<-- ملاحظه استنتجها وشلون قدر يقول يلعن و اللام عنده ثقيله ؟ يالله معليش تراها نكتة بالاخير

المهم نرجع لبيلي ماقدر ينطق قدام البنت بعد ماقدر يقابلها فـ تركته وراحت
وبعدها صار مايحب يتكلم ولا يتخاطب مع الناس منعاً للإحراج

وايضاً من بين هالعاهات الي عندنا كان فيه البثر هاردنج
إنسان ماله شغل في هالحياة الا الحكي عن زوجته و شكه فيها وانها السبب الي دخله المصحه هي
ظاهرياً تحسونه أعقلنا لكن كل ما كح احد بدا يسولف عن زوجته و زوجته .. وهذا الي يخلينا نعشق الاستهبال عليه

مارتيني بنظري كان الاكثر جنون ان صح التعبير من الموجودين
أبله بإختصار ههههههههههههههه و عنده ضعف شخصية و تذبذب شخصية وكل شي
الي متخصص علم نفس يقدر ياخذ مارتيني هذا و يطبق عليه كامل الاربع سنوات حقت الدراسة بدون مشاكل

مارتيني و شيف و بيلي وهاردنج وحتى الي ماقلت لكم عنهم مثل جيم سيلفت و ماكس وتشارلي
كانوا بس عينات من 18 خبل يشكلون نزلاء المصحه او المرضى مثل مايتعاملون الاطباء معنا

كل هالروتينية و الخرط الي فوق مقدمة السالفة الصدقية مابعد بدت
الاحداث بدت لما وصل شخص جديد للمصحة .. مـاكـمـرفـي

ماكمرفي ماكان مجنون !! ولا عنده عقد نفسيه ولا حالات لحسه ولا غيرها
بالعكس مرفي جاي دايركت من السجن للمصحه لأول مره بحياته .. يعني انسان طبيعي
كل سنواته الماضية كان يقضيها في السجون من سجن لسجن ومن مشكلة لمشكلة
لكن آخر سجن كان فيه .. بصموا بالمليون انه مهبول فـ قرروا ان هالشخص مايجلس ولا ثانيه بالسجن
ويتحول لمستشفى المجانين ومنها بالمره يفتكون منه لانه كان يسوي اضرابات و مظاهرات و بربسه بالسجن
وهذا كان هدف ماكمرفي الاساسي .. يسوي فيها مجنون حتى يتحول لمستشفى المجانين الي الهروب منه اسهل من السجن بكثير .. خصوصاً مع علاقاته خارج المصح

لـذلك مرفي حالته كانت مختلفه بين المرض النفسي و الإجرام .. و صحة العقل و طيبة القلب !!

مرفي وصل للمصح وتفاجأ بالي يشوفه ناس يعتبرون بالحياة العادية طبيعيين لكنهم يعاملون هنا بشكل غريب !
قوانين و قواعد اغرب مطبقه عليهم .. النيرس راتشيد ماخذه راحتها بمنع الف شي وشي بدون بسبب او بدون سبب

وبما ان مرفي الثوره و المعارضة تسري في دمه .. قـرر يغير الوضع بالمستشفى .. حتى لو كان فيها مجرد مريض
صار الكل ينظر لمرفي بإعجاب ويشوف فيه الشخص المنقذ أياً كانت حالتك
قدر فعلاً يغير كثير و كثير اشياء .. بالاشخاص الموجودين وحياتهم أو حتى في نظام المصحه و القوانين

راتشيد النيرس اخذت الموضوع تحدي .. بعد ما قرروا ادارة المصح انهم يرجعون مرفي للسجن بما ان مافيه جنون ظاهر !!
و طلبت من الإدارة تخلي مرفي تحت مسؤوليتها ووعدت انها بتقدر تخليه ينضبط ويصير رجال

الدراما و الكوميديا و الجد و التراجيديها و الآكشن كلها بدأت مع وصول مرفـي أو مـاكـمرفـي

؛
؛




 

 


اخر تعديل كان بواسطة » diet في يوم » 15-02-2008 عند الساعة » 12:01 PM.
diet غير متواجد حالياً
Facebook Twitter 0
قديم 15-02-2008, 11:58 AM   #2
diet
من كبار مميزين الفني
 
الصورة الرمزية الخاصة بـ diet
diet فوق  هام السحبdiet فوق  هام السحبdiet فوق  هام السحبdiet فوق  هام السحبdiet فوق  هام السحبdiet فوق  هام السحبdiet فوق  هام السحبdiet فوق  هام السحبdiet فوق  هام السحبdiet فوق  هام السحبdiet فوق  هام السحب



؛
؛
Wire, briar, limber-lock
Three geese in a flock
One flew east, one flew west

One Flew Over the Cuckoo's Nest





الفلم الوحيد من ثلاثة على مر التاريخ استطاع ان يربح الخمس جوائز أوسكار الكبرى و الأساسية بنفس الوقت !!
أفضل ممثل في دور أساسي - افضل ممثلة بدور اساسي - افضل فيلم - افضل مخرج - أفضل نـص

بالعربي احسن شي بالعالم

إنتاج سنـة 1976 .. يوم نص الي بالغربي كانوا تمر <<--للحين ماشيه عليه ان الاطفال يجون اذا الام اكلت تمر يتحولون لجنين
لكن تصويره الي يشوفه بيقول من افلام التسعينات .. يعني لا تتوقعونه ابيض و اسود وقديم

وهو مقتبس من رواية بنفس الاسم للروائي Ken Kesey
والي هو شخصياً اكتسب هالخبره عن الهبال و المجانين عن طريق عمله في مستشفى في وقت سابق لكتابة الرواية

و أخرجه حامل الأوسكارين المخرج المبدع Milos Forman
و التريفيا عن الفيلم اغلبها تتكلم عن فورمان و تصرفاته وقت التصوير و الطلعات الي طلعها
وفعلاً كان هو السبب الأول لنجاح الفيلم بالاضافة لأكوس واحد الي تحت



Jack Nicholson بدور R.P. McMurphy

وهل يخفى القمر ؟
جاك بن نيكلسون آل أوسكار .. ليش لا وهو أكثر رجل ترشح بتاريخ الكرة الأرضية للجائزة ؟
ترشح لها ثنـعـش مـره !! فـاز بثلاثه و تنازل عن تسـع عن العين
منها جائزة أوسكار في هالفيلم كأفضل ممثل بدور أساسي

قدم جاك دور ماكمرفي بإتقان مبهر مايقدر يميزه الا الي يشوف الفلم
يعني صعب وصف اتقانه للدور .. لكن اكثر من مشهد يدفعكم للقول .. يقطع شكله شلون



Louise Fletcher بدور Nurse Ratched

هذي مولوده يوم الي جابونا كانوا تمر خخخخخخخخخخخخ
استغفر الله وشلون كبرت بسرعه مادري ؟ لكن حلوه الصورة تحذير للبنات انها بيوم وليلة يمكن أوووبا الا عجوز
بس ماشاء الله عليها للآن مازالت تمثل .. نص الكاست ماتوا وهي توها عندها تصوير بعد شوي
أدت دور رائع جداً جداً في هالفيلم استحقت عليه الاوسكاركممثلة بدور رئيسي بكل قدعنه

ماوقعت مع المنتجين الا قبل التصوير باسبوع .. ظلت ست شهور مو مقتنع فيها المخرج !!
كان يقولها ما طبقتي الدور .. بعدين يجرب يغيرها ويرجع يكلمها ويعطيها كم فرصه لين جابتها
و الظاهر علشانها حلوه ايام التصوير المخرج متمسك فيها .. محد يدري

طبعاً كونها كانت تلعب دور النيرس الشريره و البارده .. كان الكاست كله ادوارهم فيها ضحك واستهبال الا هي !!
فـ الاخت غارت صدق منهم اثناء التصوير انها ليش الوحيده الي لازم تثقل
فقامت بعد ماخلصوا تصوير تخشلعت الله يهديها ووقفت بنص الرجاجيل عشان تثبت انها مش " كولد "



Danny DeVito بدور Martini

قنبلة هالإنسان .. أظرف قزم بالعالم .. يا حبيله يومه بوليس ستريبر في فريدنز
لعب شخصية روعه بالفلم ما اتوقع لو كان شخص غيره بيقدر يضبطها زيه !!

دي فيتو ياجماعة انا ملاحظ في افلامه شي مدري قد لاحظتوها ..
انه يحاول يخفي طوله .. يعني المشاهد حقته يايكون جالس او واقف لحاله او جزء علوي من جسمه
اتوقع بسبب انه في المشاهد الي تبرز طوله مثل لما يحطون جمبه ممثل ثاني يبان انه جداً قزم المسكين ..



Brad Dourif بدور Billy Bibbit

ترشح للأوسكار على هالـدور كأفضل ممثل في دور ثانوي او مساند

شخصية بيللي الي عنده عقدة من البنات و الثقة بالنفس .. يمثل بإرتباكة بالفلم نص الشعب السعودي
ترانا محتاجين تطوير بفن المخاطبة و الحوار و التصريحات و كل ماله علاقة بالإعلام و الجمهور
شوفوا اللاعبين بالله كم مره يقول كلمة " يعني " و "والله " وهو يصرح .. الا من رحم ربي



Will Sampson بدور Chief Bromden

الأهبل الكبير ههههههههههههههههههههه هذا الاطرم العملاق بالفلم شخصية ملللللللللللك خخخخخخخ
فيه ثقل لو يتوزع علينا ماعاد تلفتنا على بعض عند الإشارات

هذولا الخمسة طبعاً اخترتهم انا كـ ابطال بالفلم لكن ممكن تحصلون الترتيب او الشخصيات مختلفة عند غيري
يعني لو بناخذ الابطال في هالفيلم بيوصل عددهم لعشره يمكن و كل واحد يستاهل نرز صورته و اسمه
لكن بنظري هذي هي ابرز شخصيات الفلم الي عجتني وحسيت يستاهلون يتسمون أبطال ..

؛
؛


الفلم خـذ تقييم جداً مرتفع في موقع الموفيز داتا بيس .. 8.8/10.. و في الياهو الظاهر A

الاحداث تصورت في Oregon State Mental Hospital و الاحلى ان المنتجين استعانوا بمرضى من نفس المصح .. ودمجوا بين الممثلين و المرضى الحقيقيين .. بس في واحد من ايام التصوير نسى واحد من الكاست شباك مفتوح .. وحط رجله واحد من المجانين الصدقيين هههههههههههه ويالله عاد دوروه

وهذا كان بنظري واحد من الاسباب الي خلت الفلم واقعي جداً جداً وكأنك تشوف يوميات من مصحه عقليه

؛
؛




اجتماع كل يوم .. وباين الطفش على وجه ماكمرفي "نيكلسون"



ثلاث شخصيات ماتطرقت لها لا من قريب ولا بعيد .. باين السباكه على وجيههم بالذات الأيسر ههههههههه



مرفي اول ماوصل بصحبة ممرضين القسم الي ماتكلمت عنهم برضوا ولا عن حركاتهم هالخوال



ع اليمين "ديفيتو" بشخصية الأبله مارتيني .. و ع اليسار الي عنده مشاكل زوجيه البثر



والله يا منتظرهم شي هالاثنين خخخخخخخخخخخخخخخخخخخخخ شوفوا تخزين البيج شيف بس

؛
؛

يبقى يا حلوين اعطيكم الفلم تورنت و تحملونه وتشوفونه لاني ماكتبت الي فوق كله عبث .. انما محاولة لإثراء الفن الأصيل
هنا تحميل التورنت
ماجربت التورنت بصراحة لكن السيدرز عليه حلوين و الداونلوود ممتاز و الكومنتز يقولون أوكي

تريلر فوق البيعه من يوتيوب


إلى اللـقـاء ..




 

 

diet غير متواجد حالياً
Facebook Twitter 0
قديم 15-02-2008, 12:22 PM   #3
قايد ناجي
عضو فعال
 
الصورة الرمزية الخاصة بـ قايد ناجي
قايد ناجي السمعة فوق الوصفقايد ناجي السمعة فوق الوصفقايد ناجي السمعة فوق الوصفقايد ناجي السمعة فوق الوصفقايد ناجي السمعة فوق الوصفقايد ناجي السمعة فوق الوصفقايد ناجي السمعة فوق الوصفقايد ناجي السمعة فوق الوصفقايد ناجي السمعة فوق الوصفقايد ناجي السمعة فوق الوصفقايد ناجي السمعة فوق الوصف
يعطيك العافيه Diet

شكل الفيلم توحفه بصراحه ,, انا خقيت معه من كلامك ,,

احب هالنوعيه من الأفلام اللي يكون الممثلين فيهم كميه هائله من اللحسه



عوافي على هيك موضوع



 

 

قايد ناجي غير متواجد حالياً
Facebook Twitter 0
قديم 15-02-2008, 01:40 PM   #4
زيـن
من كبار مميزين الفني
 
الصورة الرمزية الخاصة بـ زيـن
زيـن فوق  هام السحبزيـن فوق  هام السحبزيـن فوق  هام السحبزيـن فوق  هام السحبزيـن فوق  هام السحبزيـن فوق  هام السحبزيـن فوق  هام السحبزيـن فوق  هام السحبزيـن فوق  هام السحبزيـن فوق  هام السحبزيـن فوق  هام السحب
إقتباس »
إنتاج سنـة 1976 .. يوم نص الي بالغربي كانوا تمر <<--للحين ماشيه عليه ان الاطفال يجون اذا الام اكلت تمر يتحولون لجنين
يطططططقع ابلييسك
اجل يوم كنت تمره
ولا ذيك شيسميها ابوي
برحيه من برحي


اول شي مبروك التخرج (F)
عقبالي
بعد 4 سنين ان شالله


بديت اقرا ووصلت للنص وانلحست
وش ذا
شسالفه
نزلت الا البوستر بوجهي
انلحست لاني ماشفت الفيلم !
ولا عرفت قصته الا منك الحين
ومااتحمس له الا من البوستر
وبعض كلام الناس عنه بعد


من كلامك تقول ماخذ 5 جوائز أوسكار
منها وحده لـ جاك على دوره
اتوقع بتمثيله بهالفيلم وصل لمرحلة محد وصلها بتجسيد دور المريض النفسي
ودي اشوفه .. وكوويس حطيت التورنت ولا كان ماشفته لما عيالي صاروا تمر





خخخخخخخخخخخخخخخخخخخخ






اذا شفته بدري لقيتني مرتكزه هنا مره ثانيه




 

 

زيـن غير متواجد حالياً
Facebook Twitter 0
قديم 15-02-2008, 02:08 PM   #5
Zmani.Q6r
منتوف ريشه
Zmani.Q6r عداده على الزيرو

إبدااع يالحمييية انت كلها وقسم إبداع ,,

فتحت الموضوع .. قلت وش يبي من الدنيا هالموضوع "لاتشوتني بس " .. وطلعت منه بس مادري وش اللي رجعني عشان اقرى الموضوع مرة ثانية .. جد جد شكله فنتاستك ..

يعني يعني الفلم شكله حلو والله بس يعني ماندري والله ---> يقلد لاعب خليجي متلبك خخخخخخخخخ

بس جد يعني ان الفلم سبعيني والتصوير كذا هبال واخذ جوائز محترمة .. أكيد يستحق المشاهدة ..

بس يستحسن لو نحصل روابط مباشرة افضل من التورنت السقيم اللي مسبب لي المرض من شهر

ويعطيك الف عافييية خيييو .. والف مبروك التخرج ..




 

 

Zmani.Q6r غير متواجد حالياً
Facebook Twitter 0
قديم 15-02-2008, 07:27 PM   #6
B O U Q U E T
مقلع فني مميز
 
الصورة الرمزية الخاصة بـ B O U Q U E T
B O U Q U E T فوق  هام السحبB O U Q U E T فوق  هام السحبB O U Q U E T فوق  هام السحبB O U Q U E T فوق  هام السحبB O U Q U E T فوق  هام السحبB O U Q U E T فوق  هام السحبB O U Q U E T فوق  هام السحبB O U Q U E T فوق  هام السحبB O U Q U E T فوق  هام السحبB O U Q U E T فوق  هام السحبB O U Q U E T فوق  هام السحب
وش نقدر نقول عن هالفلم..؟


One Flew Over the Cuckoo's Nest
ما ادري ليه رسخ بمخي/ لاني شفته وانا صغيره
وكان فوق مستوى عقلي..؟
او لانه هو شي لازم يكون بذاكرة كل من شافه؟
لكن حتى أهلي الكبار والي اعرفهم يصنفونه من أقوى الأفلام
فلم يعتبر العامود الفقري للإبداع
واحد طيب ومابه الا العافيه يدخل نفسه لعالم الجنون
يبتعد فيها عن السجن والعقوبات !
يحاول يحدث تغير كبير لما يصير هناك
-

مرفي/جاك نكلسون ..تمثيله، دوره، طريقةآدائة
شي صعب تستوعبه /شي كبير مره
يعني هالفلم يكفيك عن ألف فلم
الي ماشافو الفلم انصح فيه بقوووووووه وبقوة وبقوة
اذا ماشفتو جاك نكلسون هنا..ترا ما تعرفون جاك
نص شهرته احسها من هالفلم الخرافي
انا شخصياً انبهرت من إبداعه
على ان ذوقي بسيط واحس الافلام كلها بمستوى واحد
يعني ما فيها اي تميّز...إلا كمن فلم على طول الوقت
وهذا واحد منهم



فاهمين على بعض هالثنين


خخخخخ ياكرهها
من جد كبرت بشكل هالعجوز


-


الميوزك
يعني تبون تدرون ان الفلم لحسة مجانين
وشي يحوووس المخ؟
اسمعو اول مقطع ميوزك بالفلم
يعني من جد شي ماتدري وش يبي
شي مجنوووون

-

نجي لمشاهدتي للفلم
المقطع الفااسخ
اول ما شفت موضوعك تذكرته ورحت اعيده
الي يوم جاك نكلسون يبوس الشرطي بعد ما فك الكلبشات عن يدينه
ودخله للمصحهالبوسه طالعه من قلللب هالخبل

-

مقطع ثاني
لما جاك استمات يعلم شيف كيف يدخل كرة السله
وركب فوق زميله وقعد يعلمه كيف / كانت الدكتورة تراقبه
وحست انه يفهم ..

-
مقطع يقهر
لما جت الدكتورة الصباح وهم عافسين الدنيا ومدخلين بنات للمصحه
ويجي هذاك بيلي يتلعثم قدام الدكتورة
بعد ما هددته انه بتعلم امه لانها شافته نايم مع بنت
حسيت انا ابي اتكلم عنه المسكين ...
نظرات جاك نكلسون..وكيف تنح على بيلي هذي شي ثااااني
بعدين لما اخذوه لم المكتب
درا انهم بيلعبون بمخه
جا قتل نفسه ...ياللله شي يذبح
ياليت جاك يوم خنقها قتلها وافتكينا منها التبنه!

-

نهاية الفلم
لما شيف قعد يتكلم مع مرفي بعد ما جابوه الدكاتره بالليل لسريره
ويحاول يحركه ويهز راسه ..يوم عرف انهم لعبو بمخه
ضمه بقووه وقعد يكلمه ..بعدين رجعه للسرير
وخنقه بالمخده لين ما فطس
شي الييييم جدن !

-


طبعاً حبكه للفلم بنت كللللب وتمثيل الكاست مهبول
يحسسونك من جد انهم مجانين وعاهات !
فلم لازم يكون بمكتبة أفلام كل عشّاق
جاك نكلسون/والأفلام العظيمه
الي ماشافه ..نصيحه لايفوته !



مستوى الفلم قصته / شي فوق الخيال
تحس بمعاناة واحساس المجانين وتحس بنكهة تمرد أليمه
تحس بنعمة العقل الحمدلله
ما اقول إلا /يالله انك تحفظ لنا عقولنا
الفلم يعتبر جرعة عنيفه لمحبي الأفلام والفن العميق
انتبهو تفوتونه


دآيت
يعطيك ألف عافيه
موضوع جنااان ويستحق ينكتب عنه
يعني وش نقدر نقول عن جاك نكلسون غير
انه /بطل











هنا مقطع من اغنية البدايه المجنونه











.



 

 


اخر تعديل كان بواسطة » B O U Q U E T في يوم » 15-02-2008 عند الساعة » 08:03 PM.
B O U Q U E T غير متواجد حالياً
Facebook Twitter 0
قديم 16-02-2008, 04:16 AM   #7
الأزرق الهلالي
رياضي مميز
 
الصورة الرمزية الخاصة بـ الأزرق الهلالي
الأزرق الهلالي فوق  هام السحبالأزرق الهلالي فوق  هام السحبالأزرق الهلالي فوق  هام السحبالأزرق الهلالي فوق  هام السحبالأزرق الهلالي فوق  هام السحبالأزرق الهلالي فوق  هام السحبالأزرق الهلالي فوق  هام السحبالأزرق الهلالي فوق  هام السحبالأزرق الهلالي فوق  هام السحبالأزرق الهلالي فوق  هام السحبالأزرق الهلالي فوق  هام السحب
دايت ههههههههههههه والله يا انا ما انلحست ابد .. قاعد اقرا على ان هالسالفة صايره لك شخصياً ..
ما دريت إلا و البوستر بوجهي خخخخخخخـ .. استغربت رتشيد ، بيلي ، مارتيني ..إلخ وش يبون جايين شهـار .. !؟

أول شي وش اخبارك يا صديقي الغائب الحاضر .. وينكـ ما تنشاف و الله انكـ فقيدهـ ..
و ألف مبروك التخرج .. من قدكـ من عالم التدريب لـ محاماة ومدري ايش ..


الفلم شكله بطـل .. و أنت بمجرد انكـ تكتب عنه هالشي يخليه بطل << كل تبن طيب ..

الفلم بحمله ان شاء اللـه .. ما قصرت على التورنت ..

يعطيك العافيه حوبي و ان شاء الله تزور شهار قريـب و تسوي فلم هنااكـ ..




 

 


اخر تعديل كان بواسطة » الأزرق الهلالي في يوم » 16-02-2008 عند الساعة » 04:19 AM.
الأزرق الهلالي غير متواجد حالياً
Facebook Twitter 0
قديم 16-02-2008, 02:25 PM   #8
Madrid Man
من كبار شخصيات الإقلاع
 
الصورة الرمزية الخاصة بـ Madrid Man
Madrid Man فوق  هام السحبMadrid Man فوق  هام السحبMadrid Man فوق  هام السحبMadrid Man فوق  هام السحبMadrid Man فوق  هام السحبMadrid Man فوق  هام السحبMadrid Man فوق  هام السحبMadrid Man فوق  هام السحبMadrid Man فوق  هام السحبMadrid Man فوق  هام السحبMadrid Man فوق  هام السحب
ياأني أنلحست ..
حسيت نفسي في مستشفى المجانين << برا
لـ وهلة ما .. توقعت أن الموضوع عن بريزون بريك يوم سكوفيلد يدخل الى المصح النفسي

ابداااع يـا دايت .. الف مبروك التخرج ..



 

 

Madrid Man غير متواجد حالياً
Facebook Twitter 0
قديم 16-02-2008, 02:27 PM   #9
diet
من كبار مميزين الفني
 
الصورة الرمزية الخاصة بـ diet
diet فوق  هام السحبdiet فوق  هام السحبdiet فوق  هام السحبdiet فوق  هام السحبdiet فوق  هام السحبdiet فوق  هام السحبdiet فوق  هام السحبdiet فوق  هام السحبdiet فوق  هام السحبdiet فوق  هام السحبdiet فوق  هام السحب

مرحبن مرحبن

قايد ناجي

اسمك رهيب هههههههههههه حسيتك قائد عسكري بالقوات المسلحه

اذا تحب الممثلين لحسه ابشرك هالفلم كل الطاقم فيه ملاحيس ههههههههههههههههههههههه
كل واحد يقول الزود عندي

والاجمل ردك حبيبي .. منورنا

زيـن

زين .. عندكم وظايف ها ها ها

إقتباس »
يطططططقع ابلييسك
وااااااااااااااااااااعيباااااااااااااااااااااه هههههههههههههههههههههههههه عيب وش هالحكي يا بنت
انا غمضت غمضت خلاص لين يجي يشيلها كانو

كلامي عن الفلم ترا فيه اختلاف شوي .. يعني تغاضيت عن كثير اشياء عمداً
علشان الي يشوف الفلم ينبهر اكثر .. كأني قناة تلفزيونيه يعني

و ان شاء الله تشوفينه و تعطينا رايك يا هانم

Zmani.Q6r

ههههههههههههههههههههههه اجل عندنا و عندكم خير بالتصاريح

ومثل ماقلت ألوان الفلم مقارنة بسنة الانتاج تعتبر ممتازه ويكفي خذ ع الصوره و الاخراج اوسكار

وكان ودي اجيب لك روابط مباشرة بس تورنت و يالله قدرت اجيبه

منورنا حبيب ألبي

لي عـوده <<-- العـوده ولا القرنـي <<-- ظريف




 

 

diet غير متواجد حالياً
Facebook Twitter 0
قديم 16-02-2008, 08:59 PM   #10
diet
من كبار مميزين الفني
 
الصورة الرمزية الخاصة بـ diet
diet فوق  هام السحبdiet فوق  هام السحبdiet فوق  هام السحبdiet فوق  هام السحبdiet فوق  هام السحبdiet فوق  هام السحبdiet فوق  هام السحبdiet فوق  هام السحبdiet فوق  هام السحبdiet فوق  هام السحبdiet فوق  هام السحب
B O U Q U E T

يا سلام ع الردود .. احلى من موضوعي ماشاء الله

ماكنت حاب اتكلم عن المشاهد الي تكلمتي عنها حتى اوفر شي للي حاب يشوفه
لكن اختيارك رائع لمشاهد تعتبر الاحلى بالفلم ومن جاك المبدع
وبالنسبة لي اجمل لحظه .. خل اكتبها بالابيض لا اتسطر
يوم يسوي جاك الحفله على اساس انه خلاص بيخرب الوضع وينحاش بعدها من المصح
لكن المشهد الي بعد الحفلة على طول جا على الشباك وهو مفتوووح .. وماهرب ولا واحد منهم !!


يعطيك العافية .. دايماً تعالي مواضيعي

الأزرق الهلالي

اما صايره لي خخخخخخخخخخخخ اكلمكم الحين من الكوفي شوب حق شهار
و الحمدلله تحقق المقصد اني الحسكم و ان شاء الله يامالكم من اللحسات اصبر بس

ولا تخاف ما اعتزلت التدريب .. واصل 2012

كـ العادة منور مواضيعي يا حلو

Raul Gonzalez

حلو حلو بدت تتحقق الامنية الاكبر اني الحس نصكم و نسوي فلم من جديد

ان شاء الله تقدر تشوفه قريباً و تعطينا رايك

ومبروك عليكم تجديد الرجال أو الرجالين بالأحرى



 

 

diet غير متواجد حالياً
Facebook Twitter 0
إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 08:05 PM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2019, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017