منتديات شبكة الاقلاع ®



الانتقال الى الصفحة الرئيسية عضويات التميز (الفضية + الذهبية + التجارية) موقع ieqla3 متخصص بجميع منتجات شركة apple أنظمة وقوانين وتعليمات الموقع   وقف شبكة الإقلاع الخيري مركز رفع الصور والملفات تابعونا على موقع تويتر بوابة الانباء
اقلاع بلاك بيري البحث السريع برامج الإقلاع المجموعة البريدية جوال الإقلاع أنظمة وقوانين وتعليمات الموقع للإعلان في شبكة الإقلاع
العودة   منتديات شبكة الاقلاع ® > المنتديات السياسية والإخبارية والإقتصادية > منتدى الادارة والاقتصاد
التسجيل التقويم التأشير على جميع الاقسام بالمشاهدة


إغلاق الموضوع
 
أدوات الموضوع طريقة عرض الموضوع
قديم 06-12-2007, 09:12 PM   #1
عــطــش
خبير إدارة و تسويق
 
الصورة الرمزية الخاصة بـ عــطــش
عــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحب

ملف المشاركات الكامل – عن معاهد اللغة الانجليزية



-- مقدمة ..

اخواني اخواتي رواد الاقلاع , لأهمية موضوع اختيار المعهد لتطوير اللغة ولأن اهم ما يهم أي شخص هو عملية الإختيار .. وعملية الإختيار تبنى على الخبرات السابقة وهذا لايكون الا عن طريق الخبرة الشخصية والإستفادة من خبرات الآخرين وحتى ان إتفاق كثير من الناس يدل على صحة وسلامة المُتفق عليه ..

لذلك طرآت على بالي فكرة جمع جميع الخبرات المذكورة من كُتاب الاقلاع عن المعاهد التي تدرس اللغة الانجليزية .. ففي كل فترة يظهر علينا موضوع جديد , وتُعاد نفس الاسطوانة وتضيع خبرات مفيدة بسب موضوع جديد غطى على موضوع قديم ,,, وهكذا نكرر انفسنا ونفقد كل فترة تجارب عديدة من اخوة سابقين لنا ..

وعلى فكرة .. من الممكن تلقون اكثر من تعليق لنفس الشخص وهذا لاجتهاد الاخوة في الرد على اكثر من موضوع في كل مرة ...
وايضاً قد يوجد معاهد ليس عليها ذم مثلاً وهذا لايدل على ان المعهد الاقل هو الافضل .. بس التعليقات هي القلية عنه مو عيوبه هي القليلة


المهم قبل البداية أتمنى أن يعرف الجميع أن مجهودي فقط مختصر في عملية الجمع والترتيب والدمج فقط .. والشكر لمن كتب تجربته وطرحها بيننا ولنا ليفيدنا ....... والآن نبدأ ..



الترتيب المُعتمد للتسهيل في عملية البحث والقراءة وعدم التشتيت :

1) اسماء المعاهد التي ذُكرت في جميع ما كُتب عن معاهد اللغة الانجليزية في قسم الادارة والتسويق في ساحة الاقلاع.
2) تفصيل عن كل ما كُتب عن كل معهد لوحده من ثناء وذم.
3) نصائح عامة من من شاركوا ولم يذكروا أي معهد.
- تطوير ذاتي
- دراسة بالخارج
- المدرسين الخاصين

4) وسائل تعليم ذاتي
- أ – مواقع تعليم انجليزي.
-ب – كُتب تعليم انجليزي مقترحة.

الخاتمة



بسم الله نبدأ


Els القسم النسائي له (معاهد الجود النسائيه)

British Council (المجلس الثقافي البريطاني) القسم النسائي له (مركز المناهل)

المعهد المصرفي

وول ستريت (WALL STREET)

Berlitz (بيرلتز)

LSI

اكاديميه الفيصل العالميه

English First

Direct English (نيوهورايزن) – تابع لشركة (الخليج للتدريب)

أكاديمية الجزيرة

المعهد السعودي البريطاني

الأفق




** بالطبع ليست هذه كل المعاهد الموجودة فعلياً .. ولكني التزمت بالمذكور في هذا القسم فقط .. (هذه المعاهد هي فقط المذكورة من ست سنوات هُنا) !!



عــطــش غير متواجد حالياً  
Facebook Twitter

قديم 06-12-2007, 09:14 PM   #2
عــطــش
خبير إدارة و تسويق
 
الصورة الرمزية الخاصة بـ عــطــش
عــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحب

اي ال اس

ELS
القسم النسائي له (معاهد الجود النسائية)




الموقع:




( الخريطة مرفقة في ملف الوورد )

وانت على شارع التخصصي متجه للشمال .. بعد ما تتعدى اليورمارشيه على يسارك وتنزل تحت النفق المقابل لها .. وانت لازلت متجه شمال تجيك بعد النفق بشوي على يمينك .. وبالاماره مقابل مبنى شركة الاتصالات على السايد الثاني



ارقام الاتصال
هاتف: 4194119
Web Site:
http://www.professionals.edu.sa/ar/eng_els.htm
EMAIL:
info@elsriyadh.com.sa



ثناء :




Abo-Jariah
فيه معهد ال Els في مركز العروبة التجاري في الدور الثالث على ما أضن !
طبعا المعهد لو مديره أمريكي و كل المدرسين فيه امريكان و يعتبر من اقوى و اشهر المعاهد في أمريكا و أكثرها انتشار .... ميزته قوة برنامج اللغة عندهم بصراحة عندهم برنامج لغة روعة و مكثف جدا حتى شهادة اللغة حقتهم معترف فيها في بعض الجامعات الكبيرة في امريكا ....
و بصراحة تبي تتعلم لغة اتركك من البريتيش و خلك في الامريكان لان تدريسهم سهل و رائع !


الاسطوره
E L Sمركز العروبه خذ اللغه من محدثيها كلهم امريكان يدرسونك


Abo-Jariah
اذا تبي نصيحتي عندك معهد Els في مركز العروبة بلازا في الرياض... من أشهر المعاهد و له فروع في جميع انحاء العالم ... المعهد امريكي و المدرسين أمريكان و برنامجهم اللغة بصراحة قوي مررررة و ممتع في نفس الوقت ... و شهادته تغنيك عن شهادة التوفل في بعض الجامعات هنا في امريكا من قوة برنامجهم


RAUL
فيه معهد مشهور اسمه ELS
له فروع كثيره انا اعرف وين فرع الشرقيه بس الرياض مادري وين بالضبط

اما طرق التدريس انا درست بالـ Els
يسوون لك اول شي اختبار تحديد مستوى
بس لازم تحل زين يعني مستواك مو تخمن وتطلع
ويحطونك باحد المستويات

انا كنت اداوم 3 ساعات باليوم ه ايام بالاسبوع لمده شهر تقريبا
الاسعار تختلف على ماتوقع لانها على حسب العرض وانا دارس فيه من زمان من حوالي 6 سنوات اكيد تغيرت


ملفي
ابو ريناز تحب اللهجة البريطانية رح للمعهد البريطاني وان كانك من هواة اللهجة الامريكية

رح Els

انا جربت Els كان مكانهم في العروبة بلازا الدور الثاني مادري اذا هم في نفس المكان والا غيروه
مثل ما قال ابو ريناز اول شي اختبار تحديد مستوى يتكون من 90 سؤال يعني صدفت معك حليت سؤالين صح
ماراح تحل الباقين صح بعد كذا يحددون مستواك

على فكرة عندهم 12 مستوى
فيه عندهم نظام ساعة باليوم او ساعتين او ثلاث
وكل ما كثر الوقت زادت القيمة
ونظامهم نص ساعه دراسة ونص ساعة سواليف


Abo-Jariah

اوافق RAUL ..

ELS من احلى و اشهر المعاهيد الامريكية
لتعليم اللغة ... و لهم فروع على مستوى العالم ..و شهادة اللغة حقتهم تكفيك عن التوفل في بعض الجامعات الامريكية ...برنامجهم جدا رائع ..
المدرسين أمريكان ...


الكاسر888
ادخل معهد Els بطريق التخصصي
ممتاز جدا


كوكب زحل
فيه عندك ...
1- معهد ELS ... ممتاز جداً و المدرسين امريكان ...
هذي افضل المعاهد اللي تدرس انجليزي ..


كوكب زحل
بعطيك وجهة نظري و انتي بكيفك ...
واحد من عيال عمي ... راح لمعهد Els و الحين ما شاء الله بلبل انقليزي ...

بعدين وش جاب لجاب !!!!
معهد Els موجوده في جميع انحاء العالم .... و في اغلب مناطق الولايات المتحده الامريكيه ....
بعدين فيه ميزه ثانيه ....
اذا اخذت شهاده من معهد Els تغنيك عن التوفل في بعض الجامعات الامريكيه ... غير كذا المعهد يرسلك لامريكا لاكمال الدراسه اذا مثلاً رغبت ...

المهم اللي حبيت اقوله ...
انه افضل بمليون مره من دايركت انقليش ...
الاخت اصايل احتمال تقول انه كويس لانها ما جربت ال Els ...
على العموم حبيت اقدم لك نصيحه و القرار بيدك ....


زهرة الليمون
اخوي درس بمعهد Els وفاده كثير


عبودي 1
والله انا زرت المعهدين ومن ناحية طريقة التدريس والفلوس اعجبني اي ال اس وشكلي بدخله ان شاء الله .


ريــ الرياض ـوف
حسب مااعرف ال Els مافيه فرع نسائي بالرياض
فرعم الرجالي الضاهر بالتخصصي
رووووووعه مررررررره المعهد هذا وودي فيه بس للاسف قالولي مافيه نسائي


الكاسر888
شف الفترة الاخيرة جربت اكثر من مكان
اي ال اس ..كلهم امريكان ومن " لو انجلوس " تحديدا ونفوسهم روعه
دنا متوقف عنهم من شهر لظروف وبرجع لهم بعد 3 اسابيع ان شاء الله
اي ال اس ممتاز ولايفوتك بس لو يخلون بدل ساعتين 3 ساعات يصير احسن


د.انترنت
ELS
The Best
Els بطريق التخصصي جميع المدرسين ( امريكان) يعني مهوب حتى مخلط ومسلمين وهذا مفيد انك تتعلم الاكسنت تبعهم وشرح عندهم من قلب تحس وده يوصل لك المعلومه باي طريقه علماً اني قد درست بدايركت انقلش والله انهم ماعندهم سالفه ...

كوكب زحل
افضل معهدين و بدون مناااازع ...
Els
British Council

البقيه كلها نصب و احتيااااااااااااااااااال ... وللمعلوميه الاخوه اللي ذكروا دايركت انقليش او وول ستريت اما انهم ما جربوهم او انهم ما يفقهون في الانجليزي و لا شي ...


عادل%
ELS
ممتاز


ريــ الرياض ـوف
اللي اعرفه للرجال
ان Els
هو الافضل


مجنون لين
ELS
احسن معهد انقلش ويمديك تنسق معهم لفروعهم برا بامريكا


المصلحه العامه
فيه Els ممتاز جدا المدرسين بلدهم الام امريكا وتستفيد مهارات المحادثه اكثر من الكتابه والقراءه لو خذيت كورسات لاتقل عن 3 اشهر رسومهم 1750 تقريبا او اقل اذا ماحبيت تاخذ يوم الاربعاء لانه يركز على محادثه بين المدرس والطلاب فقط وهو اختياري


miss n
الي قال عن Els
هذاااا مجرربه خالي ومدحلي اياه مرررره
مدرسينهم كلهم كنديين
وقووين بالمحادثه والقرامر


كوكب زحل
انصحك بال Els
ممتاز جداً ... كذلك المجلس الثقافي البريطاني قووي ...

عادل%
Els روووعه


ادج الداجين
انا من ناحيتي خشيت معهد اي ال اس ومعهد البريطاني ...
اي ال اس حلوو ومش بطال
ولابريطاني حلوو بس مدرسينهم غثيثين ووقحين وبعيد والمشكله الاعظم التفتيش اللي بالسفارات هذا يحوس مريرك ....


الكاسر888
اضافة ..الي يبي انجليزي فيه معهدين حلوات وكل واحد يتميز بشي
معهد ELS وهذا يركز على المحادثة والقرمر .. والي يدرسون امريكا
دورته ساعتين لمدة اربع ايام في الاسبوع بــ 1230
مقر المعهد في التخصصي والظاهر مالهم الا فرع للرجال


المصلحه العامه
افضل المعاهد المعروفه المصرفي - اكاديميه الفيصل - els المعهد الثقافي البريطاني سابقا


almobd3
عن نفسي انا داخل دورةى لغةانجليزية ....
دخلت معهد Els ودخلت اكادمية الفيصل
بالنسبة لمعهد Els ممتاز جدا ....ساعتين في اليوم ... 4 ايام بالأسبوع
اما اكادمية الفيصل لاحظت نفسي اتطور بسرعة في اللغة ....لأنه اربعة ساعات في اليوم ... 5 ايام في الأسبوع


كوكب زحل
افضل المعاهد المجلس الثقافي البريطاني ... و معهد Els و الباقي ما تصلح ابد لو قالوا لك ببلاش ...
و اذا شديتي حيلك و كان عندك الرغبه لتعلم اللغه الانجليزيه راح تصيرين بيرفيكت فيها ....


RAUL
المجلس الثقافي كويس + ELS ممتاز جدا


$ ملك الاقلاع $
عندك معهد Els بالرياض والمجلس الثقافي البريطاني هم الأفضل


الهانم الاولى
معهد Els هذا المعهد يمدحونه بعد بس للأسف مهوب عندنا بالشرقية


ريــ الرياض ـوف
عندك زي ماقال اخوي ملك الاقلاع
ELS
والمجلس الثقافي البريطاني
هم الافضل


المنبجس
على حد علمي:-
@ELS = مدة الدورة 36 يوم والسعر 1400 ريال.(إذا غبت أكثر من 25% من مدة الدورة ماراح يعطونك شهادةمن عندهم)


amaalamry
سلالالالالالالالام يا شباب انا ارشح المعهد الموجود على بعد تقاطع التخصصي مع العروبة اتوقع اسمه Els ترا دوراتهم قوية والاساتذة امريكان واسعارهم تقريبا 1550 للمستوى


المايستـرو
انصحك بـ ELS


د.انترنت
اما Els بطل شويه عليه .. اللي يدرسكـ امريكي مسلم ومايتكلم عربي ويجبر كل طالب ان يناقش ويحاول لين يزيل الحاجز بين الطالب واللغه في نظري المعهد لايعلى عليه


ثلج بارد
المعهد البريطاني وال Els
احسن شيء


orangah
ELS جدا رائع ابوي درس فيه لمدة سنتين قبل كم سنه أيام ما كان في العروبه بلازا من زماااااااان ست أو سبع سنوات تقريبا !!
حتى فيه اعتقد للاطفال .... طيب احنا يالبنات ليه ما فيه !!


apple
اخوي مسجل في معهد ELS في شارع التخصصي ويمدحه كثير
لأن اللي يدرسونك هم اصل اللغه بريطانيين وامريكيين مسلمين
مو زي باقي المعاهد يدرسونك فلسطينيين ولا مصريين ولا اردنيين
مع العلم ترى المعهد هذا ما يتكلمون عربي ابد كله انجليزي وبالتوفيق لك
بس نصيحه المعهد هذا يمدحه اخوووووي كثير لانه جرب كذا معهد من قبل


DeEmE
وفتحوا فرع نسائي قبل خمس شهور
وشكله جدا قوي
الي هو معاهد الجود النسائيه
موجود جنب وردة الصالحيه
ونفس الشي استاذاتهم بريطانيات وامريكيات


كوكب زحل
عندك المجلس الثقافي البريطاني << بريطاني
و معهد els << امريكي
هما افضل الموجود ...

** لأن عدد حروف القسم تعدى المسموح به حسب نظام المنتدى 9000 حرف .. مجبور اكمل في رد ثاني !! (آسف):



عــطــش غير متواجد حالياً  
Facebook Twitter
قديم 06-12-2007, 09:16 PM   #3
عــطــش
خبير إدارة و تسويق
 
الصورة الرمزية الخاصة بـ عــطــش
عــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحب

تابع >> Els

الوافي من اجلك
شف طال عمرك

المجلس الثقافي البريطاني وEls
كل واحد احلى من اللي قبله
بس مشكلة المجلس الثقافي البريطاني ان جوه كئيب مره بعكس Els
انصحك تمر الاثنين وتشوف كيف جو الدراسة عندهم
واللي ترتاح له سجل عندهم

الوافي من اجلك
انا حالياً ادرس في المعهد
المعهد اخر حلاوه
رسم الاشتراك 1750 اول مره
والشهر اللي بعده 1550

اذا ماني بغلطان ان القسم النسائي في معهد الجود
موب بعيد عن القسم الرجالي اللي في تقاطع طريق التخصصي مع الملك عبدالله
مشكلة المجلس الثقافي البريطاني وجوده في حي السفارات
يعني مشلكة كيره للي بيروح للمعهد كل يوم خاصة لما يكون المدخل زحمة
والجو داخل الحي شوي كئيب بعكس Els



اناميين
تخرجت من الجامعة قبل سنتين ، وكانت لغتي الانجليزية جيدة بحكم تخصصي في الجامعة. لم انتظر الوظيفة طويلاً بل أنني توظفت وأنا اكمل مشروع تخرجي الأخير. حاولت دخول بعض المعاهد لتعليم اللغة الانجليزية في الرياض ولكن كلما سألت عن معهد وجدت السخط يعلو ألسنة الجميع. بعد طول سؤال وتمعن رسى الأمر على معهد ELS في التخصصي.

بما أنني من سكان حي الفلاح (بجوار جامعة الأمام) وجدت صعوبة في إكمال الدراسة بسبب بعد المعهد عن عملي وكذا عن سكني. الحقيقة ان المعهد كان جميلاً جداً ولم اتوقع ان أجد معهد بجودته ويكون قريباً من سكني.


دانة الشرق
Elsلتعليم الانجليزيه
والله اختي سعبوله انا اشوف انهم يمدحونه .. عالاقل من افضل المعاهد الموجوده هنا دامنا مانقدر نسافر ( وجه يناظر اصيل )
انا كلمتهم اليوم بقسم السيدات وسألت عن جنسيه الاستاذات قالت لي انهم كنديات وامريكيات ومن جنوب افريقيا ..
بصراحه اعتقد هذي الميزه تكفي انك تدرسين على يد استاذه لغتها الاصليه الانجليزيه .. بالتوفيق لنا جميعا


DeEmE
كثير مدحوا لي معهد ELS
وبصراحه اسعارهم ارخص بشوي من المجلس الثقافي وتقريبا نفس الأسلوب

وهو معهد امريكي ومو بريطاني
هم عباره عن 12 مستوى
المستوى الأول 1700 وبعدها يصير بـ 1500 متضمن الكتب
الكلاسات عندهم حلوه
والمدرسين امريكيات
اختبار تحديد المستوى بـ 50 ريال

الكلاس متضمن قراه وكتابه ومحادثه
من السبت للثلاثاء وكل يوم الكلاس ساعتين ونص
وفرع البنات هو (( معاهد الجود النسائيه )) بجانب ورده الصالحية

بالنسبة للفرع الرجالي ادخلوا الموقع واستفسروا بانفسكم
لم اجربه بس انحكى لي عنه وعن قوه مستواه من شخص كمل دراسته برا
واستفاد كثير من المعهد

كوكب زحل
els ممتاز ويمدحونه اللي جربوه ... كذلك المجلس الثقافي البريطاني ..


ريــ الرياض ـوف
يمدحون Els مرررررره
كنت ابيه بس مافيه بنات

bigname
يقولون وانا الصراحة ماجربتهم هما ::
ELS و المعهد الثقافي البريطاني ...


دانة الشرق
فعلا كثير يمدحون الثقافي البريطاني
وEls


SaDeEeM

وبعد فيه معهد Els ومقره بالعروبة بلازا طبعا هو رجال بس لكن شفت كثير يمدحونه هنا ..


مسالمه
وسمعت بعد انه فيه معهد اسمه ELS بعد مايقل جوده عن المجلس الثقافي بس ماعندهم قسم نسائي
اضطهاد صح؟
ماعلينا من هذا كله





ذم :




أصــايــل نـجـد

في النهاية تأكد أن Els ودايركت أنقلش هدفهم ماهو تعليمك اللغة قد مايبون شفط جيوبك ...


مساهم مقلع
Els جربتهم أقل من عادي
بس الكلام هذا قبل أربع سنوات
مدري إ;ذا كان تغير


الـرايـــق
اما Els اعرف واحد من الشباب سجل معهم شهر وطلع ما جازوله
لكن ما اعتبر انه هذا مقياس حاولي تسالي اكثر عنهم وان شاء الله الشباب يفيدونك


Tycoon
المعهد ELS الحين بشارع التخصصي بعد تقاطع العروبة وانتي طالعه شمال على يدك اليمين.
حسب كلام ناس كثير المعهد انخفض مستواه كثير...وليس بمستوى وشهرة اسمه وهذا فقط بفرع الرياض


كوكب زحل
ELS يقلون صار سيء من تالي ...!!



**** انتهينا من اي ال اس !! (اللي بعده) >>



عــطــش غير متواجد حالياً  
Facebook Twitter
قديم 06-12-2007, 09:17 PM   #4
عــطــش
خبير إدارة و تسويق
 
الصورة الرمزية الخاصة بـ عــطــش
عــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحب

المجلس الثقافي البريطاني

المجلس الثقافي البريطاني
القسم النسائي له (مركز المناهل)




الموقع:




الفروووع ..

الرياض:

قسم الرجال
مكتب رقم: سي - 14، الطابق الثالث
ميدان الفازاري
الحي الدبلومسي
ارقام الاتصال : - 4831818 4831717

وصف للموقع


عاشق الماجد
شوف انا بوصفلك من جهتين
الاولى من عند مدخل طريق مكه (اللي من عند قصر المؤتمرات على ما أعتقد)
تدخل من عند البوابه يجيك دوار وعنده السفارة المصريه
تاخذ الدوار وتبتل تجيك محطه على يمينك خلها وعدي
يجيك الدوار اللي بعده تروح معه يمين
يجيك بعد دوار تروح معه يسار وبعدين تروح سيده

يجيك دوار عنده البنك الهولندي والخطوط السعودية
تاخذ الدوار وتبتل يجيك دوار عنده السفارة الفرنسيه والايطاليه
تاخذ الدوار وترجع عكس(يوتير)

تجيك مواقف على اليمين
وقف فيها وادخل مع بوابه وابتل سيده لين يجيك بوفيه ومغسله في وجهك
إذا وصلت لهم رح بعده يسار
وابتل لين اخر عماره ادخل يمين وطلع مع اللفت والدور الثالث


اما الطريق الثاني من عند طريق الملك خالد تدخل مع البوابه(بس هذي البوابه دايم زحمه)
عند البوابه دوار اللي فيه الاعلام
خذ الدوار وبتل
يجيك الدوار الثاني يكون يسارك السفارة الايطالية
ويمينك الدفاع المدني وعلى حجاجك الايسر السفارة الفرنسية
تاخذ الدوار وتبتل بتجيك المواقف على يمينك
والبقية نفس الوصف الاول

عالعموم ..
لما تتعدى تفتيش اللي على الكبري وتدخل السفارات احسب 3 دوارات ورح يمين مع الثالث بعد ماتروح يمين راح يجيك دوار روح معه يمين تكون كانك راجع راح يجيك صراف بريطاني وقف في المواقف خلفه هو هناك بالضبط وعلى فكره لازم تدق قبل تروح عشان تاخذ موعد لدخول الامتحان


قسم النساء
مركز المناهل - الحي الدبلوماسي - شارع ابن زاهر
ارقام الاتصال :
4881069 تحويله 243 او 219
014807811 تحويلة صفر أو 21


جدة:

قسم الرجال
الطابق الرابع، مركز الفارسي - شارع الملك عبدالله

قسم النساء
مركز الفيصلية للرعاية النسائية - شارع حائل


الدمام:

قسم الرجال
الخبر - أبراج الراشد - الطابق السابع - شارع الملك عبد العزيز
ارقام الاتصال: 8877851

قسم النساء
الطابق الثاني - الجمعية الخيرية النسائية - شارع عمرو بن ربيعة - منطقة الروضة (سابقاً منطقة الاتصالات) - خلف البنك السعودي الأمريكي
ارقام الاتصال: 8421961









ثناء :






العود الأزرق
British Council قوي هالمعهد .. من كل النواحي
ماراح تندم لو تجربه


صحن قلابة
دايركت انجلش ومعهد وول ستريت
وفيه المعهد البريطاني لكنه غالي شوي....


قلم
انا جربت دايركت انقليش مو مره بصراحة .. المجلس الثقافي البريطاني اكثر جدية منهم في التعليم
في مركز الموسى ..


يم يم يم
انا اقول يمدحون برتيش كونسيل << اعتقد اسمه كذا


سوير بنت رأفت
والله ياخوي تبي شوري المعهد البريطاني يستاهل المشوره
هو صدز تقعد عنــد التفتيش عشرطعش ساعه
بس الزين مايكمل


ملفي
ابو ريناز تحب اللهجة البريطانية رح للمعهد البريطاني وان كانك من هواة اللهجة الامريكية رح Els


قراءة
في بالدمام
المعهد البريطاني.



SaDeEeM
المعهد البريطاني


فعلا وبشهادة الجميع هذا افضل معهد للانجليزي .. من جميع النواحي .. واعرف انك باذن الله بتستفيد من دراستك عندهم .

وبعد فيه معهد Els ومقره بالعروبة بلازا طبعا هو رجال بس لكن شفت كثير يمدحونه هنا .. بس اكيد الاول رح له وانت مغمض ..



مسالمه
وبعدين الشباب قالو لك على المجلس الثقافي الي بحي السفارات كثير ناس يمدحونه
وانا شخصيا افكر اجربه لانه دخل مزاجي ومدحوه لي الكثيرين من واقع تجربه
.....
انا عن نفسي طلعت منه بفايده اني بسجل في المجلس الثقافي
بس بعد ما اخلص دراستي الحاليه بس ادعولي


عاشق الماجد
أنا من الناس اللي مسجلين في المعهد البريطاني
اللي في الحي الدبلوماسي
فعلا رائع هذا المعهد
...............
راح أجاوبك عن قسم الرجال
أما قسم النساء ما أدري عنه
وما أعتقد أنه يفرق

ابي اسئلك عن الأساتذه وش جنسياتهم؟
المدرسون جميعهم من حملة الجنسية البريطانية وأصولهم أما كندية أو إيرلندا أو من نفس بريطانيا

والطلاب هل فيه اجانب؟ ((قصدي يابنيين وروسيين ومن هالطقه )) انا سمعت كذا
فيه طبعاً خاصة إذا كنتي من أهل الرياض لأن المعهد في الحي الدبلوماسي
الدورة اللي أنا أخذتها ما كان معنا غير مصري واحد والدورة هذي معي واحد من أوزباكستان
وأنا قد شفت روسي معنا في المعهد

وكم ساعه دوامهم؟
6 ساعات في الأسبوع
أما أن تكون ساعتين في اليوم لمدة ثلاثة أيام بالأسبوع
أو ثلاث ساعات في اليوم ولمدة يومين في الأسبوع
وأنا أفضل الأولى

وهل فيه اختبار تحديد مستوى قبل اسجل؟
هذا شيء أكيد ما أعتقد فيه معهد يدخلك في الدورة بالبركة

وكم عدد كورساتهم ووش اسعارهم؟
عندهم كذا نوع من الدراسة منها العادي ومنها البزنس وفيه غيرها كثير
طبعا أنا بكلمك عن الدراسة العادية
فيه حدود الـ15 كورس إذا ما ني غلطان والكورس 42 ساعة
أما أسعارهم الكورس 1900 + 50 تحديد مستوى لأول مرة
وإذا خذتي 5 كورسات ورى بعض الكورس السادس مجانا

وكيف جو الدراسه العام؟
حار صيفا ممطر شتاءً <<<< بتتصفق
أجواهم حلوه ويختلف الجو من مدرس إلى مدرس

يعني هل الاستاذ يتأخر عن الموعد المحاضره ويطلع من الكلاس بوسط الشرح؟ << اكره هالحركه بعنف
وهو يشرح يوقف ويطلع؟؟

لا هذي ما تصير لاكن مثلا إذا خلانا نكتب ممكن يطلع شوي أحس أنه عادي

وهل الطلاب الي معاك كثيرين والا لا؟
نظام المعهد أنه ما يزيد عن 14 طالب في القاعة ... الدورة السابقة كنا 10 والحين 14


$ ملك الاقلاع $
وبرضو مثل ما ذكر الأخوان المعهد البريطاني لا يُعلى عليه...


كوكب زحل
فيه عندك معاهد افضل منه بكثير ...
2- المجلس الثقافي البريطاني في حي السفارات ... مدرسين بريطانيين على مستوى عالي ...

هذي افضل المعاهد اللي تدرس انجليزي ..


ريــان
المجلس الثقافي البريطاني في حي السفارات ... ممتاز بالحيل .. اخذت فيه دوره عن طريق العمل وبعدها اشتركت عندهم سته شهور .. تعليم جيد وشرح ويكفي انك تدخل معهد وتخش جو الدراسه .... واطرف واحد باالمعهد ما يكلمك عربي وهو الاهم ..


عاشق الماجد
إذا تبي تدرس لغة صح عليك بالمجلس الثقافي البريطاني BRITISH COUNCIL
من جد تحس إنك تدرس لغة صح عندهم نظام دورات بإشراف من السفارة البريطانية
الدراسة 6ساعات بالأسبوع لمدة 7أسابيع
في البداية لازم تسوي إختبار تحديد مستوى وقيمته 50ريال
وبعدين الدورة الوحده 1900ريال ومثل ما قلت مدتها 7أسابيع
وكل ما خذت دورة زيادة ينقص المبلغ تقريبا 50ريال
وإذا خذت معهم خمس دورات السادسة مجانا


زهرة الليمون
ولد عمي درس في المجلس الثقافي .. وكمان استفاد كثير


طرش بحر
دايركت انقليش (( تابع لنيوهورايزن ))
وول ستريت
المجلس الثقافي البريطاني
اعتقد هي افضل المراكز لدراسة اللغه الانقلينزية << مايخلى

ســــــابينـــا
المجلس الثقافي البريطاني - كل المدرسين بريطانين

عاشق الماجد
المجلس الثقافي البريطاني هو افضل معهد على الاطلاق
الحين ادرس في المجلس الثقافي البريطاني وهو اقوى معهد على الاطلاق
والمدرسين اوربيين (يعني مو شرط بريطانيين)

المجلس الثقافي البريطاني
وربي ممتع الدراسه فيه
وتحس انك تبدع من جد


كوكب زحل
افضل معهدين و بدون مناااازع ...
Els - British Council
البقيه كلها نصب و احتيااااااااااااااااااال ...


N.M.N
المجلس البريطاني
وينظم دروات خارجيه الى بريطانيا


عاشق الماجد
british council
مره كويس..اللي فيه بريطانيات مره حبوبات ..
بس مشكلته الوحيده مكانه !!






** لأن عدد حروف القسم تعدى المسموح به حسب نظام المنتدى 9000 حرف .. مجبور اكمل في رد ثاني !! (آسف):



عــطــش غير متواجد حالياً  
Facebook Twitter
قديم 06-12-2007, 09:19 PM   #5
عــطــش
خبير إدارة و تسويق
 
الصورة الرمزية الخاصة بـ عــطــش
عــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحب

تابع >> (المجلس الثقافي البريطاني)

miss n
المجلس الثقافي البريطاني
المدرسين اجانب بريطانين كلهم << يعني تحكي انجليزي غصب
تعليمهم قوي وشعارهم English for fun
طرق تدرسيهم حلوه ومتجدده وما تمللك
بس عيبهم ان مبناهم في حي السفارات وهناك احيانا يكون فيه تفتيش وزحمه
بس صدقني يستاهل من بعدهم حسيت بالثقه بنفسي وصرت احكي انجلش عادي << تخصصي انجلش على فكره
مده الدوره تكون يا 5 اسابيع يا 7 اسابيع 3 او 4 ايام في الاسبوع مده ساعتين بس

والمجلس الثقافي زادوا اسعارهم وصاروا نفس الشي بالفين مع 50 اختبار المستوى
واناااااااااااااااااااا انصحك به واذا شايل هم الروحه والرجعه ترا احيانا ما تقعد ولا خمس دقايق بالتفتيش
لكن عموما اذا كنت موظف او ناوي تتوظف شف وش الي بتفيدك شهادته اكثر مع اني اعتقد ان كلهم سوا


كوكب زحل
... كذلك المجلس الثقافي البريطاني قووي ...



ســــــابينـــا
انا ماقد دخلت الادوره انجلش بالمجلس الثقافي البريطاني
يعني ماقدر اقارنه بغيره ...بس استفدت منه كثيرة
مدرسينهم بريطانيين ...ولا استرالين
وكانت مدرستنا بريطانيه ملسونه خلتنا نعلم غصب
بس كان معنا بنات داخلين لعب فطلعوا من الدوره ماستفادوا شي
وماعطوهم شهاده لانهم يغيبون كثير
الانجليزي يبي له واحد يبي يتعلم وعنده الرغبه ويشد حيله
مب يقول ابيهم هم يعلموني
دخلت ليفل وبعده محادثه وبكمل ان شاء الله
ولاتقولون الطريق تفتيش وزحمه هذا اول
الا اذا جا وزير زائر ولا شي روحوا قبل الموعد بنص ساعه


كوكب زحل
افضل المعاهد المجلس الثقافي البريطاني ... و معهد Els و الباقي ما تصلح ابد لو قالوا لك ببلاش ...
و اذا شديتي حيلك و كان عندك الرغبه لتعلم اللغه الانجليزيه راح تصيرين بيرفيكت فيها ....


RAUL
المجلس الثقافي كويس + ELS ممتاز جدا


بوهه طايره
مافيه مثـل المجلس الثقافي البريطـاني
سبق جربتهم .. تدريسهم ممتـاز .. ويغطون كـل مجالات اللغه بطريقه حلووه
فيه دورة قريب بتبدأ بس بتكون فـ رمضان ولا اعرف كيف دوامهم


وليد
البريطاني انا جربته ممتاز
دورتهم هالمره 7 اسابيع
القيمه 2000 ريال
المدرسين بريطانين
نظامه بالتدريس ممتاز
هالكلام بالرياض


الـرايـــق
والمجلس الثقافي البريطاني
البارح سجلت عندهم
الصراحه كان زحمه غير طبيعيه يمكن علشانه اول يوم
وراح علي الشوط الاول من مباراة الهلال والفيصلي الله يلعن العدو
لكن سمعتهم قويه جدا لدرجة ان الشركات تبعث موظفينها لهم
وشفت كذا شخص جايين من طرف شركات ثانيه


$ ملك الاقلاع $
عندك معهد Els بالرياض والمجلس الثقافي البريطاني هم الأفضل


ريــ الرياض ـوف
عندك زي ماقال اخوي ملك الاقلاع
ELS
والمجلس الثقافي البريطاني
هم الافضل




شعلة القلب
اختي اذا تقصدين المجلس البريطاني كثير مادحينه
واحسن بكثير من دايركت انجلش تبع نيوهرايزن


M@d V!s!on

لكن البرتش كونسل....كل من يمدحه....وانا كنت مسجله فيه لكن ماكان فيه دوره بالوقت اللي يناسبني....وحتى لما رحت اختبر تحديد المستوى المدرسه اللي جلست معي بريطانيه رهيبه...


اناميين
ملاحظة:

1-المجلس الثقافي البريطاني متميز ولكنه بعيد.
لم أرى في غير هذين المعهدين شيء يستحق الدفع ويعود بالنفع ماعدا LSI.




ســــــابينـــا
انا جربت الثقافي البريطاني بالسفارات وعاجبني
اسعار المجلس الثقافي البريطاني
7 اسابيع ..ثلاث ايام بالاسبوع ..ساعتين باليوم ..ب 1950
مع امتحان تحديد المستوى اللي هو ب 50
المحادثه عندهم..7 اسابيع ..يومين بالاسبوع ..ساعتين باليوم ب 1400
بس المحادثه ماتدخلها الا اذا خلصت المستوى السادس
وكل ماخذت عندهم كورسات يخصمون لك السعر
..
احيانا يغيرون نظامهم ..مثلا يخلون الدوام خمسه ايام بالاسبوع ويكون بشهر واحد
وبنفس السعر اللي قلتلك 1950
اهم كل فتره يغيرون ..انت دق عليهم وشوف
المدرسين كلهم بريطانين ولا استراليين


(*-*)
شوف أخوي راح أجاوبك بالتفصيل من واقع تجربة

وإن كان أنا تجربتي مع معاهد جدة .. لكن أعتقد أن المعاهد العالمية نظامهم واحد في جميع المدن

أول ماقررت أدرس سجلت في بيرلتز .. وحددوا مستواي وسجلوني في المستوى الرابع على طول
بصراحة ما عجبتني الدراسة فيه .. يعني خلصت المستوى الرابع ومافي فرق ملحوظ في مستواي

رحت بعدها لدايركت إنجلش .. وسجلت عندهم دبلوم ووقت تحديد المستوى سجلوني المستوى الثاني
زعلت وقلت لهم مستواي أعلى .. أنا في بيرلتز مخلصة المستوى الرابع !!

جابوا لي بيان تفصيلي عن إجاباتي في تحديد المستوى على الكمبيوتر .. لقيت درجاتي في المحادثة ومعاني الكلمات في الثمانينات .. ودرجاتي في جزء القواعد في الثلاثينات ... والأمثلة والاستخدامات كمان مستواي واطي فيها .. فقالوا لي لو سجلتي مستوى أعلى راح تمشين فيه بس تبقى الأساسات عندك ضعيفة
رضيت وبدأت بالمستوى الثاني
بصراحه حجم المعلومات كبير في المنهج وشامل لكل شيء أمثلة.. إستخدامات ..قواعد بالتفصيل .. محادثة ..الخ
وفي كل مستوى كنت بلاحظ الفرق والتطور في مستواي
خلصت ست مستويات ومن المستوى الرابع وأنا أقدر أخلص أموري في السفر لوحدي .. في المطعم .. الفندق .. السوق .. الخ
لكن ماوصلت لمرحلة أقدر أعبر فيها عن معتقدات وأفكار بشكل معقد أو فيه فلسفة .. وكمان بعض الأفلام على شانيل تو ما أفهمها بشكل واضح .. لكن يمشي حالي بدون ترجمه ( يعتمد على الاكسنت ) يعني المسلسلات الامريكية بفهمها بوضوح أكثر من بعض الافلام


المهم في يوم كنت جالسة مع المسئولة عن المعهد في مكتبها وأتكلم معاها ومن ضمن الكلام قلت لها بسجل المستوى السابع قالت لي بالحرف الواحد ماأنصحك فيه .. أنتي خلاص تأسستي بشكل سليم والمرحلة اللي وصلتي لها مرضية .. إذا مضايقتك موضوع المحادثة ( والفلسفة في الكلام ) سجلي في المعهد البريطاني راح يفيدك أكثر من الدايركت
أقنعتني وراح أنفذ كلامها إن شاء الله

في شغلة حابة أوضحها .. وهي إنه في فرق بين اللي يدرس بنظام الدبلوم في الدايركت وبين اللي يدرس على أساس مستويات .. الدبلوم نظامه أفضل وعليه تركيز أكبر وعدد ساعاته أعلى والسبب إنه تحت إشراف جامعة الملك سعود .. فأنا أنصح بالدايركت نظام الدبلوم فقط .. وكمان فيه شغلة حابة أوضحها نصف دراسة الدايركت تعتمد على الشخص نفسة .. يعني التحضير موضوع مهم جدا قبل الدخول للكلاس .. أستخدام الاب مهم في المعهد .. استخدام كل محتويات الحقيبة مهم جدا .. فيه ناس ما كانوا يستخدمون السيديات والفيديو .. وبدأ الفرق واضح في المستويات الأخيرة




بروق ورعود
دايم يدمحون البريطاني .. بالنسبه لأسعارهم الشهر بالفين
ومن ناحية الرخص فيه المجلس الثقافي 3 شهور بالفين .

ناصر المغرم
وولد عمي درس كورس في المعهد البريطاني والان يتفرج افلام امريكيه بدون ترجمه
بس لاتنسى انه حفظ كل المقرر عن ظهر قلب


ثلج بارد
المعهد البريطاني وال Els
احسن شيء


orangah
المجلس الثقافي البريطاني يمحون حق البنات وأكيد يالعيال عندكم المجلس الثقافي البريطاني والا ؟!


كوكب زحل
els ممتاز ويمدحونه اللي جربوه ... كذلك المجلس الثقافي البريطاني ..


د.الأماكن
اذا كانك توك ما سجلت عندي لك نصييييحه في معهد بريطااااني في حي السفارات الي يدرسونك بريطانيين وما تطلع إلا وانت بُل بُل
ناس كثير تمدحه واخوي مسجل فيه ويمدحه وصديقي بعد يمدحه داااارس عندهم
وادعلي ان شاء الله الله يربط شياطيني واسجل فيه
عموماً يقولون انه رهيب والزين فيه ان المدرسين بريطانيين
بس فيه مشكله وحده المعهد داخل بين هالسفارات وشرطه وتفتيش وانت داخل وانت طالع


Mr.DL5
المجلس البريطاني في حي السفارات ...
بصراحه المعهد بطل ...
الدوره ب 2000 ريال حوالي 4 اسابيع للمستوى الواحد ...
هو غالي مقارنه بالمعاهد الثانية في الرياض بس هو الافضل ..
بس قيمته فيه يستاهل كل اللي يدرسون فيه بريطانييين وايرلندي واحد بس


جليليو
سلمك الله انا مخذ بدايركت وبريتش كانسل والفيصلي غير بريتش كانسل اللي بالسفارات لا تدور صح هو اغلاهم لكن هو اللي راح تستفيد منه بالنسبخ لدايركت لا تقربه ابد خاصه بالصييف لانهم يعطون مدرسيهم اجزات ويجبون متعاقدين فانواع الدجه لو منك بريتش كانسل ( المجلس الثقافي البريطاني ) من دون تردد

زليخه555
المجلس الثقافي
انا ماجربته بس الكل يمدحه ان تدريسهم له نتيجه
وناويه انا اروح له بس مدري متى بالمستقبل


هذي انا
المجلس الثقافي انا تقريبا اخذت عندهم 5 كورسات...بالقواعد مرررة ممتازززين...بس مشلكتهم المحادثة في بعض اساتذتهم يشدون عليها وبعضهم لا...وطريقة تدريسهم ممتعه...واختباراتهم سهلة
بس فيه عندهم كورسات محادثة والاساتذه اغلبهم بريطانيين او معهم جنسية بريطانيه


روح الفجر
افضل معهد المجلس البريطاني في السفارات
وتكون 15 دوره كل دوره لمده 3 الى 4 اسابيع بمعدل ساعتين فاليوم
الدوره الاولى 1800 او 1700 مااذكر والله
وهو يعطونك الكتب وكل شي
طبعا التدريس معهم جدا ممتع لدرجه كنت لما اطنش يوم مااروح اندم
وفعلا .. كورس واحد وتغيرت انجليزيتي 180 درجه
لاتفكر تروح لغيرهم ... هم وبسس






** لأن عدد حروف القسم تعدى المسموح به حسب نظام المنتدى 9000 حرف .. مجبور اكمل في رد ثاني !! (آسف):



عــطــش غير متواجد حالياً  
Facebook Twitter
قديم 06-12-2007, 09:20 PM   #6
عــطــش
خبير إدارة و تسويق
 
الصورة الرمزية الخاصة بـ عــطــش
عــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحب

تابع >> (المجلس الثقافي البريطاني)

*شهرزاد*
أنا مع الإخوان والأخوات اللي مدحوا المجلس الثقافي البريطاني ..
لأن أسلوبهم في التدريس يختلف عن باقي المراكز .. وبعدين يعتمدون على وسائل تعليمية متطورة لإيصال المعلومة ..
وغير كذا اللي يدربونك أجانب .. يعني تجبر على المحادثة الإنجليزية ..
ويهتمون في الكورس الواحد على القراءة والكتابة والمحادثة والإستماع كلها مع بعض ..
و موقعهم مميز بنظري حتى لو كان بعيد .. ومن مزايا الموقع إنو ممكن يكون معاك طالب أجنبي يبغى يتعلم لغة إنجليزية فيكون التخاطب بينك وبينه إجباري باللغة اللي تتعلمونها لأنك ما تعرف لغته ولا هو يعرف لغتك ..
ملاحظة / أنا أفضل إنكم تكلمونهم قبل تروحون .. منها تعرفون مواعيد التسجيل لدورات الصيف .. ومنها تسألونهم عن أسعارهم وتشوفون إذا كانت تناسبكم ولا لأ ..

وبالنسبة للاختبار .. هم في البداية بيسوون لكم اختبار تحديد مستوى .. ومن نتيجة هالاختبار بيحددون إنتم في أي مستوى من الـ 15 مستوى اللي عندهم ..

إيه صح نسيت أقولكم .. بالنسبة لنقطة التفتيش اللي على مدخل السفارات .. يمكن شوي يبثرونكم بالأسئلة مثل ( وين بتروح ؟ ليش جاي هنا ؟ ومن هالأسئلة ) .. أنتم جاوبوهم عن أسئلتهم بكل صراحة .. لأن هذا لصالحكم .. بعدين إذا سجلتوا في المعهد بيعطونكم كرت خاص بنقاط التفتيش بمجرد إبرازه لرجل الأمن يمشيك بدون تأخير ..




كوكب زحل
عندك المجلس الثقافي البريطاني << بريطاني
و معهد els << امريكي
هما افضل الموجود ...




الوافي من اجلك
شف طال عمرك
المجلس الثقافي البريطاني وEls
كل واحد احلى من اللي قبله

بس مشكلة المجلس الثقافي البريطاني ان جوه كئيب مره بعكس Els
انصحك تمر الاثنين وتشوف كيف جو الدراسة عندهم
واللي ترتاح له سجل عندهم


Tycoon
الافضل بلا منازع حاليا بالرياض هو المجلس الثقافي البريطاني بحي السفارات.


الوافي من اجلك
انا حالياً ادرس في المجلس الثقافي البريطاني
المعهد اخر حلاوه
رسم الاشتراك 1750 اول مره
والشهر اللي بعده 1550
اذا ماني بغلطان ان القسم النسائي في معهد الجود
موب بعيد عن القسم الرجالي اللي في تقاطع طريق التخصصي مع الملك عبدالله
مشكلة المجلس الثقافي البريطاني وجوده في حي السفارات
يعني مشلكة كيره للي بيروح للمعهد كل يوم
خاصة لما يكون المدخل زحمة
والجو داخل الحي شوي كئيب
بعكس Els



ســــــابينـــا

المجلس الثقافي البريطاني
حبيت ارفع الموضوع لانه لي تجربه مع هالمعهد
انا قد اخذت عندهم كورسين ..كورس ليفل عادي وكورس محادثه ..
ومره حلو وارتحت معهم ..احس انهم يدرسون بضمير
والكلاسات على المواعيد بالضبط ..
بس يبيله وحده اهي تبي تتعلم انجليزي وتطور نفسها
والكورس اللي يكون بثلاث ايام بالاسبوع يكون مدته شهرين + ساعتين باليوم
اما المحادثه تكون يومين بالاسبوع لمده شهرين تقريبا + ساعتين باليوم

هذي تجربتي معهم بقسمهم بالمناهل بالرياض
ودرستني مدرسه استراليه اسمها جنيفر ..وبريطانيه اسمها هيلن
كانوا مره كويسات ..مادري عن الباقين





bigname
يقولون وانا الصراحة ماجربتهم هما ::
ELS و المعهد الثقافي البريطاني ...


انزح وراك
لمعهد الثقافي البريطاني
اشوف الناس طايرتن فيه


ساحرةالمحيط*
المجلس الثقافي البريطاني ,, Lsi ,, ولو حصلت مدرس أجنبي أفضل ,, وبالأخير يعتمد على اجتهادك ورغبتك ,,


عسوول
.. وفيه ناس كثير مدحوا لي المعهد الثقافي البريطاني الي بحي السفارات ...


دانة الشرق
فعلا كثير يمدحون الثقافي البريطاني
وels


كوكب زحل
افضل المعاهد حالياً حسب ما ااسمع طبعاً ..
المجلس الثقافي البريطاني ..
معهد بيرلتز ..
معهد LSI ..


القائد القصيمي
أفضل معهد بالرياض معهد بيرلتز
مقابل جامعة الأمير سلطان وشارع الحوامل

يليه LSI طريق الملك عبدالله
وبريتيش كانسل


محـــــمد
يقولون المعهد الثقافي البريطاني


زليخه555
ماقصرو الاخوان , وانا اعرف الثقافي البريطاني كويس للبنات




ذم :





Abo-Jariah
بصراحة تبي تتعلم لغة اتركك من البريتيش و خلك في الامريكان لان تدريسهم سهل و رائع !


اخر يوم
يمدحون الثقافي البريطاني
بس وحده درست فيه تقول يعطونك رصة كلمات واحفضها بدون ترابط وتجي وحده تهذر عليك وانتي مفهيه


Kokita
المجلس الثقافي البريطاني
اكره هالمعهد سبب لي عقده


Cenuor
المجلس الثقافي البريطاني
عليهم تعامل مدري وش يبي من جد


ابحثُ عنكِ
المجلس الثقافي البريطاني
والمعهد ممتاز ولكن يعيبه تعاملهم لك عليه


Kokita
في المجلس الثقافي البريطاني
بقولك شغله انا درست عندهم كورسين
اي كورس لازم تخلص 40 ساعه ب 2000 ريال
لاكن ماشفت نتيجه صراحه مافي تدريس جيد وبصراحه ماستفدت شي
لانه في الاخير صار عليه زحمه وتخيل الكورس الثاني جابو لنا معلمه عمرها 23 سنه واول مره تجي للسعوديه وكمان اول مره تدرس وكانت متعبه جدا مااتعرف تدرس
ورفعنا فيها شكوى واغلب البنات مارجعوا يسجلون لاكن اتمنى انك تفكر كثير قبل تسجل في اي معهد بما انك ولد تقدر تسافر برااا افضل لك مليون مره لان مهما كان بتتعلم التحدث كويس


غربة..عمر
في المجلس الثقافي البريطاني
قدمنا شكوى في مدرستنا بس الفرق أن حقتنا عجوز ومغير داقه سلف بـ الأنجليزي وتكركر
سجلت فيه عالسمعه والمدح إللي خرق لي أذوني
وتحسفت عدد شعرات راسي لمن شفت مستواهم
أنا جايه تكرونيه ماأفهم شي
وهم مغير يصكونا بعشرطعش ورقه كلبوها أشياء ومناظر أكتبي أسمائها !!!
خير أن شالله !! جايه أحل كلمات متقاطعه أنا
توبه أن رجعة أكمل الكورسات عندهم


الـرايـــق
المجلس الثقافي البريطاني الحقيقه ممتاز
بس يعيبه اسعاره المرتفعه جدا جدا
وياليت المده تسوى كل شهر
وعلى وقتي كنا ندرس 3 ايام بالاسبوع
هذا فضلا عن موقعه البايخ "اتكلم عن الرياض"
لكن من ناحية الفائده فهم ممتازين للي بيهتم


ahmd_111
رحت ابسجل في المعهد البريطاني قسما بالله كني داخل ثكنة عسكرية


ادج الداجين
انا من ناحيتي خشيت معهد المجلس البريطاني ...
ولابريطاني حلوو بس مدرسينهم غثيثين ووقحين وبعيد والمشكله الاعظم التفتيش اللي بالسفارات هذا يحوس مريرك ....


المصلحه العامه
افضل المعاهد المعروفه المصرفي - اكاديميه الفيصل - els المعهد الثقافي البريطاني سابقا


AzizSaad
ياللي تبي المجلس الثقافي .. ترى خبر المجلس عندي
المجلس ما يصلح ولا بقرش
والسبب إنهم يجمعون لهم 20 طالب وأكثر
في فصل وطريقة تلقين بحته
مدرس وبعصاته ويسكت فلان ويطرد فلنتان
يعني لو انك شاد حيلك في الثانويه كان استفدت
لانه نفس الجو .. ولكن الفرق أنك تدفع في المجلس الثقافي



الوافي من اجلك
شف طال عمرك
المجلس الثقافي البريطاني وEls
كل واحد احلى من اللي قبله
بس مشكلة المجلس الثقافي البريطاني ان جوه كئيب مره بعكس Els
انصحك تمر الاثنين وتشوف كيف جو الدراسة عندهم
واللي ترتاح له سجل عندهم





**** انتهينا من المجلس الثقافي البريطاني !! (اللي بعده) >>



عــطــش غير متواجد حالياً  
Facebook Twitter
قديم 06-12-2007, 09:21 PM   #7
عــطــش
خبير إدارة و تسويق
 
الصورة الرمزية الخاصة بـ عــطــش
عــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحب

المعهد المصرفي

المعهد المصرفي




الموقع:






( الخريطة مرفقة في ملف الوورد )




وانت بالتخصصي متجه للجنوب ... يجي مستشفى التخصصي على يمينك
تكمل تمشي قداااااام يجيك نفق
لا تدخل تحت اطلع عليه وارجع من جديد على طريق التخصصي كانك بترجع لمستشفى الملك فيصل
اول مايصير وجهك شمال
ناظر يمين بيجيك مبنى (المعهد المصرفي)


http://www.iobf.org/


بدون تعليق! تفضل موقع المعهد المصرفي
http://www.iobf.org/content/index-ar.asp


ارقام الاتصال:

مدير برامج التدريب
466-2293

مديرة المركز النسائي

466-2996



ثناء :





شمعة الغوش
تبي معهد معهد ولا له منافس ومن تجربة شخصية , صحيح اني ما استفدت كثير لانه بس قعدت شهرين
ولكن لو كملت معهم الدورة الكاملة الى المستوى السادس اتوقع انه بتكون هناك نتيجة رائعة
" المعهد المصرفي" - جدا رائع وما عليك من الباقي من المعاهد والله خسارة ودخلت اكثرهن بس ما فيه فائدة , وانا اقولك اذا ما استفدت ارجع لك فلوسك اللي دفعتها
واللي يدرسونا نصفهم مذيعين بالقناة الثانية


أزارير كموم
المعهد المصرفي...وأضمن لك الفائده...الميزه المعهد ما يرحم الطلاب انت جاي تستفيد ولازم تشد حيلك واجبات وإختبارات نار...

كلهم ماجستير....أمريكان وبريطانيين وفيه واحد جنوب أفريقي ولكنه ممتاز جدا....وفيه سعوديين...والمشرف الأكاديمي دكتور مغربي ممتاز جدا...

صدقني الفائده مضمونه جدا...

ولا تتعب نفسك مع غيرهم....فيه واحد يقول جربت أكاديمية الفيصل وجربت غيرهم المجلس البريطاني ولا لقى افضل من المعهد المصرفي....

الفطور بوفيه مفتوح داخل ضمن التكلفه...ومواقف مأمونه ومضلله...وكل شئ متوفر أنترنت ومكتبه وتلفونات...يعني دراسه وراحه...

والتحصيل يهمهم جدا جدا...أكثر عدد في الفصل 12 طالب ومستحيل يصلون للرقم هذا...

عملائهم البنوك والإتصالات وصندوق التنمية الصناعي والزراعي...والصندوق السعودي للتنمية....وأغلب الشركات والمنشآت الكبيرة...


شمعة الغوش
واكثر المعاهد اعرف ناس كثير جربوها بس للاسف فشل ذريع في طريقة تدريسهم
واللي بيروح للمعهد المصرفي صدقوني بيستفيد بشكل غير معقول

للمعلومية <<<<<<<<<< كنت اروح للمعهد وانا في غاية الوناسة لان هناك من يحببك بالقدوم من دكتور من محتوى المواد يعني شي حلو


كوكب زحل
فيه عندك معاهد افضل منه بكثير ...
3- المعهد المصرفي لتدريس اللغه الانجليزيه في مدرسين امريكان و اكثر طلابه من موظفين البنوك ...

هذي افضل المعاهد اللي تدرس انجليزي ..


ادج الداجين
لاتنسى ترا بووه المعهد المصرفي .. للغه الانجليزيه .. يمدحونه كثير ..


Najdiego
but if u dont have anychoice go to BANKING INSTITUTE


المصلحه العامه
افضل المعاهد المعروفه المصرفي - اكاديميه الفيصل - els المعهد الثقافي البريطاني سابقا


خذ وخل
انا سمعت ان المعهد المصرفي بالرياض عندهم دورات انجليزي قويه


ابولينا
اذا تبي نصيحة مجرب عندك المعهد المصرفي التابع لمؤسسة النقد برنامج اللغة عندهم مميز وطرق التدريس وكذلك نوعية المدرسين جميعهم اجانب عن طريق العمل الحقنا بهم دورة كانت لمدة شهرين الصراحة مميزيين واذا تبي تتعلم اللغة الانجليزية اولا لازم تحط في بالك انه مافية شي تبي تتعلمه بالساهل ولازم تبذل مجهود ووقت وانصحك تاخذ دورة لا تقل عن 6 شهور وتركز في 6 شهور هذه مع امور الدراسة الى الاطلاع والقراءة والكتابة باللغة الانجليزية واذا قضيت لاتهجر اللغة لو يصير عندك كتاب بسيط قصص بسيطة تقراها باللغة الانجليزية والانترنت مليان اطبع واقرا واتمنى لك وللجميع التوفيق الدائم .



ذم:



لايوجد !!!


**** انتهينا من المعهد المصرفي !! (اللي بعده) >>



عــطــش غير متواجد حالياً  
Facebook Twitter
قديم 06-12-2007, 09:22 PM   #8
عــطــش
خبير إدارة و تسويق
 
الصورة الرمزية الخاصة بـ عــطــش
عــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحب

وول ستريت

WALL STREET
وول ستريت




الموقع:




الفرووع ..

الرياض

(رجال)
شارع الملك عبدالعزيز
4196568
على طريق الملك عبدالعزيز بإتجاه الشمال
على اليمين قبل اشارة مركز فال وبجانب النافورة للاسماك المقابلة لحي الورود

واجهة المركز قزاز بالكامل وبوابته غربية


جده1
(رجال 1)
شارع الروضة
6643131

(رجال 2)
شارع الاندلس
6523200

(نساء)
شارع الروضة – تقاطع الامير سلطان
3566316


الخبر

(رجال)
8873999


ابها

(رجال)
مبنى الغرفة التجارية
3376370

المدينة

(رجال)
شارع سلطانة
8464730

( نساء)
معهد طيبة النسائي للحاسب والتقنية
8644323


الطائف

(رجال)
الطائف مول – شارع شهار
7403434


الخفجي

(رجال)
7661197

بيروت
بيروت الغربية – بناية العزرية
009611970735




http://www.wsi-ksa.com/intro1.html




ثناء :




الوهبي التميمي
اسأل مجرب ولا تسأل دكتور
محاكيك كان كمخه في الانقلش................
درست في وول ستريت اللي على طريق المللك عبدالعزيز .............. قسم بالله انهم ابطال
يدرسونك تحدث وكتابه 12 مستوى والدراسه تاخذها براحتك وكل ما خلصت من مستوى يجيك المستوى اللي بعده
بس الدراسه فيه تبي شدة حيل ومذاكره كل يوم ومتابعه مع الاساتذه ( كلهم بريطانين ) ويعطونك لهجه امريكيه
واسعارهم غاليه شوي


صحن قلابة
دايركت انجلش ومعهد وول ستريت
وفيه المعهد البريطاني لكنه غالي شوي....


lamar
معهد WALL STREET اللي با ابراج الراشد امتداد شارع الملك عبدالعزيز لطريق الدمام الخبر السريع
" يقولون" انه معهد مرره خطير بس بالنسبه لي ماجربته لان مافيه فرع نسائي
عن فرع الدمام


كوكب زحل
فيه معهد جديد يمدحونه مررره ...
اسمه Wall Street ....
خذ رقمهم من الاستعلامات ... شكله خطير بصراحه ....


السير محيميد
فيـه مـعـهـد مـمـتـاز على حسب كلام الناس .. اللي هـو Wall Street ..
مـا أدري إذا لـه فـرع في الرياض ...أو لا ..


Esperanza
اذا تبي داخل الرياض فهم ينصحون بمعهد وال ستريت .
بس تراني ما اعرفه شخصياً.


طرش بحر
دايركت انقليش (( تابع لنيوهورايزن ))
وول ستريت
المجلس الثقافي البريطاني
اعتقد هي افضل المراكز لدراسة اللغه الانقلينزية << مايخلى


~ البروفسور ~
وول ستريت أفضل معهد شفته ..
طريقة التدريس مميزه أذا زرتهم راح تشوف بعينك ..


ابحثُ عنكِ
وول ستريت الافضل


ابو عمر القرشي
اللغة الإنجليزية اقل مدة سنة مع ( كرف ) وطبعاً تعتمد على الذاكرة والإستعداد النفسي ارشح معهد ( وول ستريت العالمي ) ،،


اربع طعش
انا عن نفسي جربت مركز وول ستريت الى على شارع الملك عبدالعزيز الصراحه تعليمهم حلو
بس وش المشكله اني دخلت في مستوى اقل من مستواي وصرت اكرر اشياء انا درستها في الماضي
شهر ونص 2500 هذا سعرهم عاد مدري اذا تبي اكثر من كذا مدري


المنبجس
على حد علمي:-
@ وول سترييت= مدة الدور شهرين و السعر 2250ريال ....أحسن معهد يلعم اللغة الأنجليزية.....(لدرجة أنك إذا ماقدرت تعدي الدورة يعيدونها لك)))


AzizSaad
أما وول ستريت أفضل معهد تدريس لغة أنجليزية في السعودية
وذلك لأسباب منها :
أنه يعتمد على التدرس من خلال المتعه
في الفصل الواحد لا يتعدى عدد الطلاب 2 - 4 طلاب فقط !
عندهم إجتماعات خاصه تقدر تسجيل كعضو وتحضرها لتطوير إنجليزيتك
يعطونك كرت للإشتراك في موقعهم اللي على الانترنت
وتقعد تتحدث مع غيرك من اللي في نفس مستواك
الدوام عندهم حرّ من الساعه 8 صباحاً إلى 11 ليلاً
عندهم برنامج رائع اسمه [ كل ما تستطيع تعلمه ! ] برنامج مفيد جداً جداً

واللي بيقولي إنه غالي بقوله سعره فيه وبقووووه !


قلم
قبل كم يوم كنت في وول ستريت الي في طريق الملك عبدالعزيز
جنب النافورة للاسماك .. وجنب معهد اعداد
ماعاد عندهم شي اسمه دورة قصيرة مستوى واحد الي كانت بحدود الألفين و مدتها قريب من الشهرين
الحين عندهم ثلاث مستويات .. دبلوم قصير يسمونه ... بـ 6900 ريال ..
لكن عندهم طريقة حلوة لو ما اجتزت في الاختبارات اكثر من 70 % ترجع تعيد الدبلوم او يشوفون وين النقص عندك في أي الدروس ويعيدونها لك ..
وهو اسلوب حلو ...




Mr.Love
انا سمعت أفضل شي ,, ول ستريت
كـاتعليم من البدايه ..


amaalamry
ووووووووووووول سترررررررررررررررررريت


ريــان
ويل ستريت بطريق الملك عبدالعزيز بجانب اسماك ا ,, وباذن الله بيعجبك وبتدعي لي
اخواني كلهم مبلطين فيه وانا معهم واستفدنا

hamodee1988
المعهد احسن لك لان مالها داعي مدرس بايخ وبتستفيد من اغلاط الناس وبقوة بتفيدك

شف عندك ول ستريت ودايركت انجليش





ذم:






كوكب زحل
... وللمعلوميه الاخوه اللي ذكروا دايركت انقليش او وول ستريت اما انهم ما جربوهم او انهم ما يفقهون في الانجليزي و لا شي ...


sa3i
Wall Street ابعد عن هل المعهد انا مجربه والله ما ينفع ولا بريال وممل وطرق التدريس فيها بايخه


Dark Fairy
بالنسبة للي حكى عن wall street فنصيحتي ابعدوا عنه..
الانستركترات حقون الكورس (اتلكم عن فرع النساء) طالبات ادب انجليزي-ذوات مستويات عادية دراسياَ- بجامعة الملك عبدالعزيز مستوى ثالث وثاني!
طبعا اوجه كلامي للي يبي يطور مش يأسس



القائد القصيمي
أمـا وول ستريت ماانصح فيه أبدا إلا اذا مستواك متقدم وحبيتي تطوره لأنه يعتمد على الـ SelfStudy




**** انتهينا من وول ستريت !! (اللي بعده) >>



عــطــش غير متواجد حالياً  
Facebook Twitter
قديم 06-12-2007, 09:23 PM   #9
عــطــش
خبير إدارة و تسويق
 
الصورة الرمزية الخاصة بـ عــطــش
عــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحب

بيرلتز

Berlitz
بيرلتز




الموقع:




الفرووع ..



الرياض
حي صلاح الدين
مقابل جامعة الامير سلطان الاهلية - مقابل ممشى الحوامل
هاتف رقم 2071010


السيدات كانت الدورات تقام في مركز "متيارا" النسائي، طريق الملك عبد العزيز بين إكسترا و أضواء للتصوير النسائي..بس تسجيل النساء والأدارة..في مركز الرجال خلف جامعة الأمير سلطان


جده
شارع الامير سلطان
668 8815

الاحساء
معهد الخبرة
581 1131


مكة المكرمة
550.3335


الطائف
733 0003

الموقع
http://www.berlitz.com/




ثناء :





Dark Fairy
اللي يبي يتعلم\يطور لغة لايبعد عن Berlitz
معهد عالمي ورائد بمجال تعليم اللغات، وهو من اول معاهد تعليم اللغات الاجنبية بالعالم ..


AMJOY
في معهد اسمع بيرلتز ممتاز جدا ويعلم كل لغات الدنية حتى العبرية


mo222
فيه معهد درست ومازلت ادرس فيه ... وهو بيرلتز وهو وإمريكي ..
والمدرسين فيه إمريكان أصل وليست جنسية ..
ولهم منهج خاص فيهم ومشرف على إخراج الكتب مشرفيت تربويين في إمريكا ..
وأكثر شي يركزون عليه المحادثة تقريباً 75% ..
ولا لقيت معهد زيه ..




سحيلة أم خلاقين
معهد بيرلتز يعتبر الافضل المدربين من بريطانيا وامريكا وغيره



كوكب زحل
افضل المعاهد حالياً حسب ما ااسمع طبعاً ..

المجلس الثقافي البريطاني ..
معهد بيرلتز ..
معهد LSI ..



رتون

راح اتكلم عن تجربتي الشخصيه
اخدت دوره في معهد بيرلتز
رائع قليله عليه
تحس ان متخصص لتعليم لغه تحدث بالدرجه الاولى
مو مثل بعض المعاهد همها الاول تحشي راسك بهالقرمر
كنا نسأل دائما عن القرمر
فكانت المدرسه الامريكيه تقول لاتحاولون تنشغلون بالقرمر عن المحادثه انتو مجرد ماتقرون وتتمرسو راح تفهموا القرمر بسهوله
طبعا كان يدرسنا مدرستين
بريطانيه وامريكيه
ادا انت ترغب بزياده عن تفاصيل من حيث الكتب او اجزائه
ابشر

طبعا انا مو ماخده كورس كامل للي يأهل للتوفل
راح اعطيكم التفاصيل استب باي ستب
السعر: 2500
مدة كل مستوى : شهرين ونصف
كادر التدريس : امريكي بريطاني
عدد القروب : من 4 الى 6
لمادا فضلت بيرلتز عن بقية المعاهد:
(اهم سبب لانه أمريكي وبحكم اني سافرت من اول واحتكيت بالشعب البريطاني والامريكي وجدت ان البريطانيين من اعقد الشعوب في اللغه بحجة انهم اصحاب اللغه الام وكنت لما انطق اي كلمه خطاء ممكن يطنشون وما يردون لانهم يحسونك اسائتي للغتهم
ام الامريكان اموت انا في بساطتهم لو تمسكين اي شخص وتقعدين تهرجين بالكلمات الي تعلمتيها من المتوسط للجامعه ماتحرك ويستانس ويفهمك
شعب جوناااان ويموتون ويتكلمون مع الغرب ويعطونك امل ان ادنا لسى بخير )
نبداء...

1. لايحتوي على كتاب ترجمه ابدا كما في (دايركت انجلش)
2. ممنوع منعا باتا التحدث بالعربي الا في الضرورة القصوى حتى لما ترد ترد عليك بالانجليزي وكدلك برا الكلاس نفس الحكايه
3. تركيزهم على اللغه وليس على القرامر
وفعلا لما اتبعنا نفس سياسة تعليمهم حسيت اني بديت افهم القرامر وانا اقرا او اسمع
4. فيه كورسات تدريبيه مثلا
(كأنانا رايحين لمطعم تقوم بتقسمنا لمجموعتين مجموعه كسيرفس ومجموعه كزبائن وكيف نتعامل مع هالوضع)
(تدربنا على كيف احجز فندق وش الخدمات الاضافيه الي ارغب باضافتها كسونا والمساج ... )
وغيره مثلا كيف تضعين مسج تلفون بعدة طرق
5. تخليك تتكلم ولا تصحح ابدا في المستوى الاول من اجل زرع الثقة بالنفس واي كلمه تقولها حتى لو خطاء تشجع ولما نقولها بعدين كان كلامنا خطاء تقول (اساس التمكن من اللغه الثقه)
طبعا بحكم انا مجتمع يبحث عن الزلات من اجل الضحك فراح تتعبوا شوي في مسألة التحدث بثقه
6. اثناء المحادثه والقرائه تمر المدرسه على كل طالبة وتمسك بحنجرتها لتعديل مخارج الحروف وتخليك تكررين الكلمه حتى تحس ان اخراجها مقبول
والكثير الكثير
7/ والمدهش راح تبدي تلاحظي الفرق من ثاني اسبوع في الاستماع عندك ومعرفة الكلمات دون ترجمه زي برنامج اوبرى راح تفهمي الطبخه من غير ماتقري الترجمه صدقوني
......

نجي اتحدثلكم عن اجزاء الكتاب (طولت اعدروني بس انه احد يستشيرك في اشياء مهمه مثل اللغه احب التفصيل في هالشي)

اجزاء الكتاب:
- يبداء بعباره رائعه (Language for lif)
- يحتوي على CD رائع
- مواضيعه

1/ Nice to meet you !
يتحدث عن لما تشوفي شخص كأول مره كيف تتعرفين عليه وكيف تقدمي نفسك
2/I'd like the steak please
يختص هالباب بكيف اطلب في المطعم وآداب الطلب
واوقاته
3/What do you do?
طبعا هدا الفصل عن مادا تعملين وكيف تعرفين بعملك للشخص ما وانوعه وكيف تتقدمين للعمل والخ..
4/ اهم موضوع للبنات How much is it?
هدا الفصل عن الشوبنق وعن اسماء الملابس وكيف لما تروحين اي محل كيف تسالين عن الجوده والسعر وكيف تتطلبين عن طريق التلفون من الكتلوج والخ...
5/ عن الجو وكيف تقومين برحله مناسبه في جو مناسب ودرجة الحراره كيف تصفينها نوعا ورقما لكل فصل وكيف ممكن تحجز في شركات متخصصه وكيف تنسق معاها
7/ كيف توصف لشخص مثلا سالك عن مكان بيتك او البنك او اي داهيه
مثلا
(تمشي طول او شار تتركه ثاني شارع تاخد يسار ثم يمين ثم تحصلي كبري تطلعه والخ ...)
بالاضافه انك لازم توصف شكل ولون ورقم البيت او المطلوب لو مافهم
8/ كيف توصف الاشخاص او عدد افراد اسرتك وتعددهم باعمارهم واسمائهم وادا كانت مطلقه او مخطوبه او متزوجه (بلشه)
مثلا (اخوي اسمه محمد لون شعره اصفر عيونه عسلي طويل القامه والخ..)
9/ وهدا اهمهم (ادا مرضتي كيف تصفين حالتك!!)
ويدكرون لك اسماء الامراض وكيف تصفين حالتك للدكتور ويدكرون لك كمان عدة وصفات من الطب البديل
مثلا (ادا اصابك برد اشربي شوربة دجاج )


"ملاحظه مهمه
(مواضيع المستوى الثاني نفس موضيع المستوى الاول بنفس اجزائه بس يزيدو من عمق الموضوع اكثر
مثلا
المستوى الاول قسم كيف اطلب في المطعم
جمله (اعطني قطعه من التوست وجبن وكوب قهوه)
المستوى الثاني قسم كيف اطلب من المطعم
جمله (اعطني قطعة توست تكون محمصه وسط وجبنه صفراء وقهوه سكر زيادة)





القائد القصيمي

أفضل معهد بالرياض معهد بيرلتز
مقابل جامعة الأمير سلطان وشارع الحوامل


بالنسبة لبيرلتز للرجال سمعت عنه سمعة طيبة..لأن أولاد عمي شباب بالثانوي مسجلين فيه وأعجبهم..بس أقدر أفيدك من واقع تجربة





ثناء :






(*-*)
شوف أخوي راح أجاوبك بالتفصيل من واقع تجربة

وإن كان أنا تجربتي مع معاهد جدة .. لكن أعتقد أن المعاهد العالمية نظامهم واحد في جميع المدن

أول ماقررت أدرس سجلت في بيرلتز .. وحددوا مستواي وسجلوني في المستوى الرابع على طول
بصراحة ما عجبتني الدراسة فيه .. يعني خلصت المستوى الرابع ومافي فرق ملحوظ في مستواي

رحت بعدها لدايركت إنجلش .. وسجلت عندهم دبلوم ووقت تحديد المستوى سجلوني المستوى الثاني
زعلت وقلت لهم مستواي أعلى .. أنا في بيرلتز مخلصة المستوى الرابع !!




**** انتهينا من بيرلتز !! (اللي بعده) >>



عــطــش غير متواجد حالياً  
Facebook Twitter
قديم 06-12-2007, 09:24 PM   #10
عــطــش
خبير إدارة و تسويق
 
الصورة الرمزية الخاصة بـ عــطــش
عــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحبعــطــش فوق  هام السحب

معهد سراي لتعليم اللغة

LSI
معهد سراي لتعليم اللغة




الموقع:





على طريق الملك عبدالله ، بين مخرج 6 و 7 . بعد ممشى الحوامل يجي على اليمين وانت متجه شرق باتجاه الروضة. مكتوب على المعهد من الخارج :معهد سراي لتعليم اللغة (LSI).


http://www.LSI.edu



اناميين
هذي بزنس كارد حقت واحد من اللي موجودين في المعهد، واللي مايشوف الارقام

تلفون: 2109898
موبايل:0508202372

والإيميل: s.yousef@lsi-edu.com




ثناء :






اناميين
تخرجت من الجامعة قبل سنتين ، وكانت لغتي الانجليزية جيدة بحكم تخصصي في الجامعة. لم انتظر الوظيفة طويلاً بل أنني توظفت وأنا اكمل مشروع تخرجي الأخير. حاولت دخول بعض المعاهد لتعليم اللغة الانجليزية في الرياض ولكن كلما سألت عن معهد وجدت السخط يعلو ألسنة الجميع. بعد طول سؤال وتمعن رسى الأمر على معهد ELS في التخصصي.

بما أنني من سكان حي الفلاح (بجوار جامعة الأمام) وجدت صعوبة في إكمال الدراسة بسبب بعد المعهد عن عملي وكذا عن سكني. الحقيقة ان المعهد كان جميلاً جداً ولم اتوقع ان أجد معهد بجودته ويكون قريباً من سكني. في يوم من الايام قرأت إعلان في جريدة "الوسيلة" عن معهد LSI مدعم بأرقام إتصال وإيميلات للتواصل.

أخذت الإيميل وأرسلت رسالة إلى المشرف على المعهد فجائتني الإجابة في لحظات معدودة. الترحيب كان عنوانها والإصرار على الزيارة مضمونها. ذهبت إلى المعهد وسألت عن طريقة الدراسة فوجدتها كالآتي:

1-رسوم 6000 ريال لمدة 6 أشهر تشمل مستويين. كل مرحلة فيها ثلاث مستويات ماعدا المرحلتين D , E.

2- المدرسين كلهم أجانب ماعدا المعمل فالموجودين فيه عرب ولكنهم على درجة عالية جداً من إتقان اللغة .

3-إختبار تحديد مستوى بالمقابلة وليس بالكمبيوتر ولكن مبدئياً يعطونك إختبار على الكمبيوتر ولكن لايعتمدون عليه.

4-يومان في الاسبوع دراسة ، كل يوم فيه ساعتان يحددهما المعهد لك بالتوافق مع زملائك في المجموعة وكذا المعلم.

5- يومان في الاسبوع معمل متميز من ناحية الاجهزة ومن ناحية الطريقة في التعليم حيث ان يعتمدون على الصوت والصورة والكتابة بشكل لم يسبق لي أن رأيت مثله في حياتي.

6-يوم واحد تحدده انت لتنضم إلى مجموعة لتتواصلوا باللغة الانجليزية مع مجموعة من المدرسين.

إنتسبت إلى المعهد وكان ان رأيت بالفعل مايسر ومايبهج ، فالتعامل المميز هو ديدن الموجودين كلهم من صغيرهم وحتى كبيرهم. النظافة هي سمة المعهد المميزة ، والتميز الأكبر تجده في الاخلاق العالية عند المدرسين والمسئولين.

الكتب مجانية والاستفسارت مرحب بها في أي وقت وفي أي موضوع. كل يوم أربعاء وخميس هنالك دروس قواعد مفتوحه لمن أراد الحضور. الكل متعاون إلى حد كبير والاساتذه يمنعون الكلام في القاعات بغير اللغة الانجليزية.

هنالك في المعهد ست مستويات هي:

(الصورة مرفقة في ملف الوورد)


الحقيقة المعهد متميز جداً وأنصح به ويعلم الله أنني لست بصدد الدعاية لهذا المعهد مطلقاً ، ولكن آثرت ألا يتعب غيري كما تعبت في البحث عن معاهد قريبة.

ملاحظة:

1-المجلس الثقافي البريطاني متميز ولكنه بعيد.

2- ELS معهد متميز ايضاً ولكن البعد هو السبب.

لم أرى في غير هذين المعهدين شيء يستحق الدفع ويعود بالنفع ماعدا LSI.

للأمانة : أنا أعاني من ضعف في قواعد اللغة الانجليزية مع انني امتلك كمية كلمات كبيرة بحكم عملي وتخصصي لذلك لم يهملوا هذا الشيء وحددوا لي المستويين D2 , E1 لكي أنهيهما خلال 6 أشهر.




خبرات المعهد هذا تتعدى الاربعين عام ، وبالفعل كنت عند مدير التسويق قبل اسبوع وسمعته يتحدث مع سيدة عن أمكانية البدء بتشغيل قسم السيدات في أحد المجمعات المعروفة كما ذكرت Lunar :


بالنسبة للمعهد فهو موجود حالياً في الرياض فقط وهنالك مساعي لأفتتاح فرع في جدة. أرقام الاتصال موجودة وبكرة إنشاءلله حاتلقونها مع إيميلات المشرفين.

زي ماقلت المعهد كويس بس لا أحد يوصله درجة الكمال وأنه من ستة أشهر بيطلع بلبل انجليزي....لا....هم يساعدونك وانت عليك العبء الأكبر في البحث والقراءة المستمرة واستعمال القواميس والكتب المساعدة مثل كتب "ميرفي".العيب اللي اشوفه في المعهد من وجهة نظري هو التغاضي عن التأخير في الحضور.

عموماً

الاختبارات في كل المستوى الواحد هي 2 ، الاول في ثلاث اجزاء من الكتاب والثاني في الكتاب كله. كل مرحله كما اسلفت 3 مستويات معدا D, E فهي مستويين. من يكمل مرحلة D يحصل على شهادة دبلوم عادي من المعهد ومن يكمل المرحلة E يحصل على دبلوم متوسط ، ومن يكمل المرحله F يحصل على دبلوم المعهد المعتمد من وزارة التربية والتعليم.

من يملك الوقت للدراسة ولو كان موظف فأنصحه بالتوجه للمعهد وحضور بعض المحاضرات ومن ثم التسجيل، يا جماعه لا تتسرعون و تحكمون على المعهد من خلال هذا الموضوع. روحوا المعهد وشوفو الوضع إذا اعجبكم كان بها وإذا ما اعجبكم ترى فيه معاهد بالتأكيد أحسن منه.



ساحرةالمحيط*
المجلس الثقافي البريطاني ,, Lsi ,, ولو حصلت مدرس أجنبي أفضل ,, وبالأخير يعتمد على اجتهادك ورغبتك ,,


فارس808
انا بصراحة واحد من الشباب ب lsi بطريق الملك عبدالله بعد الممشى واحد يمدحه بصراحة


اخر يوم
اذكر بمواضيع قديمه العيال مدحوا اكاديمية فيها حرفين sl خخخ




كوكب زحل
افضل المعاهد حالياً حسب ما ااسمع طبعاً ..

المجلس الثقافي البريطاني ..
معهد بيرلتز ..
معهد LSI ..


القائد القصيمي
أفضل معهد بالرياض معهد بيرلتز
مقابل جامعة الأمير سلطان وشارع الحوامل
يليه LSI طريق الملك عبدالله
وبريتيش كانسل




ذم:



لايوجد !!





**** انتهينا من معهد سراي لتعليم اللغة !! (اللي بعده) >>



عــطــش غير متواجد حالياً  
Facebook Twitter
إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 02:25 PM.

الأن حمل تطبيق منتديات الإقلاع

 

هام: لجميع مستخدمي ايميلات شركة مايكروسوفت (hotmail,msn,outlook......الخ)
 

في حال تاخر التفعيل او اي مشكلة طارئة او ما يخص العضوية الذهبية او التجارية من استفسارات يمكنك ابلاغي هنا وتسعدني متابعتك   

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.7
Copyright ©1999 - 2014, Jelsoft Enterprises Ltd.
جميع الحقوق محفوظة منتديات الاقلاع - شبكة الاقلاع