منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الاكاديمية والثقافية > منتدى ابناؤنا في الخارج
التسجيل التقويم التأشير على جميع الاقسام بالمشاهدة




إغلاق الموضوع
 
أدوات الموضوع طريقة عرض الموضوع
قديم 19-08-2006, 02:37 PM   #1
المايستـرو
من كبار شخصيات الإقلاع
 
الصورة الرمزية الخاصة بـ المايستـرو
المايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحب
...:: جايتك بعثه للخارج .. وانت موظف الآن ... وماتدري وش تسوي .. أدخل أبيك شوي ::..




-- مرحبا للجميع --

بتكلم اليوم في موضوع ... امممممممم ممكن يكون مهم للبعض ... وهي تجربه انا مريت فيها ... وقابلت شباب في نفس الوضع ... فتكون الحيره في باله كثير .. ويكون التفكير دااااااااايم مشغله ... ومايدري وش يسوي .. ويحس الدعوه كلها محتاسه ..!!

بخص كلامي لشباب اللي يحمل شهاده البكالوريوس أو شهاده ماجستير أو معاه دكتوراه ... وهو على راس العمل حاليا ...طبعا مثلكم عارف ... صعب الآن واحد معه بكالوريوس تخصص حلو .. او ماجستير او دكتوراه .. ويكون عااااااااطل .. يعني جالس في البيت ...

يعني راح نتكلم الان فقط فقط ... عن اللي معاه احد هالشهادات .. وعلى راس العمل ... ( وعنده طموووووح أنه يكمل دراسات عليا ) ...

طيب أنتم عارفين أن الواحد إذا يبي يكمل دراسته على حساب الوزارة ... لازم يستقيل من وظيفته ( مهما كانت ) ... لكي يمسح اسمه ورقمه من التأمينات ... وهذا شرط أساسي ... والا ما راح تبتعث ..

طيب وش الحل ؟؟!! ... وش أسوي ؟؟!! ... أستقيل وأسافر ...!! وألآ بس أجلس في وظيفتي ..!!
طبعا الكلام اللي بقوله مجرد رأي ... والواحد عليه الأختيار ...

انصح أي واحد في مثل هالظرف ... وفي مثل هالموقف ... انه يجيب ورقه وقلم ... ويكتب النقاط التاليه .. او بعضها ... ( لأن مجرد أنك ما تفكر في اشياء ونقاط . مجرد تفكير في مخك من دون كتابه ... التفكير هذا يحرمك من ايجاد الحلول ... لكن لو كتبت الافكار والمعوقات ... ترجع لمخك يبدا يدور الحلول ...)

بذكر بعض النقاط .. وانت احسبها على نفسك ... وشوف هل هي سلبيه او ايجابيه لك ...


- الوضع العائلي -

-- متزوج --

هل راح آخذ عيالي وزوجتي .؟! ... ام أن لهم ظروف ما يقدرون يسافرون ... مثل ان الزوجه موظفه .. أو لها ظروف ما تقدر تسافر أو أو أو .... هذه اذا كانت موجوده تحسب كسلبيه ... اذا والله لا عادي زوجتي ممكن تروح معاي وماعندها أي مانع وعيالي ايضا ممكن اخذهم ... هذه تحسب لك ايجابيه


--- العزوبي ---

هذا ممكن أخف اموره شوي من المتزوج ... ولكن برضو عنده امور أخرى ... مثلا يقول متى راح اتزوج ؟ هل اذا خلصت الدراسه ... يعني بعد 3 سنوات تقريبا ... او ممكن بعد اول سنه اجي هنا واتزوج واخذها معي ؟ ... طيب هنا يحكم هل اللي تبي تتزوجها راح تروح معاك ... هل ماعندها التزامات .. وكذا تدخل في قسم المتزوجين وهنا انت تحدد السلبيه والايجابيه ... والبعض يقول لا والله انا الحين عمري 27 ... بسافر اخذ الماجستير وارجع بيكون عمري تقريبا 30 سنه ... طيب متى اكون نفسي عشان اتزوج .. كم يبي لي تقريبا سنتين .. يعني بتزوج وانا عمري 32 ؟؟!! .. هذه برضو فكر فيها ... وابرضو احسبها ايجابيه او سلبيه لك وحسب وضعك وتفكيرك انت ...


- الوضع الأسري -


وأقصد فيه ... أن فيه عوائل .. ما يقدرون يستغنون عن أولادهم مهما كان ... يعني تلاقي الولد له مكانته في البيت .. شايل البيت على راسه ... او انه لا قدر الله الأب متوفي .. او غير موجود في العائله .. فيكون الولد هو راعي البيت .. ومعتمدين عليه كثير ... فسفره كم سنه راح يخلق فراغ كبير .. وممكن يخلق مشاكل ... فالشخص برضو ما يفكر في نفسه بس .. وانه راح يدرس ويجيب شهاده .. لازم يفكر في أهله وعائلته اللي حوله .. وهل ممكن يستغنون عن خدماته في الفتره هذه .. او لا والله مستحيل يبعد عنهم الفتره هذه ... هنا تحسب ايجابيه لك اذا ممكن .... وتحسب سلبيه اذا مو ممكن ...


- الارتباطات الماليه -


واقصد فيها .. ان البعض مثلا ماخذ قرض من بنك .. او من شخص ... او عنده ديون ...او عنده اقساط ... او نقدر نقول عنده محلات .. وبزنس .. وهو اللي يديرها .... او ممكن نقول توه مستاجر بيت ... ومصلحه ومزينه وووووو .. وكيف بيجي وضعه لو ترك هالبيت بعد هالتعب ...
هنا ممكن ترجع لك ... هل ما عندك هل الامور .. او ممكن تحلها بشكل ما يضرك .. هذه ايجابيه لك .. وممكن تقول لا والله صعب جدا .. وصعب جدا مثلا اترك البزنس حقي .. لازم انا اتابعه بنفسي .. فهذه تسجلها سلبيه ...


- تأقلمه مع العيش الغربي -


البعض جرب السفر للدول الأوربيه ... والغربيه ... وجرب يسكن معهم .. وجرب يحتك معهم .. ويتكلم معهم .. ويعرف كيف يفكرون .. وكيف يمشون أمورهم ... فالبعض يقول والله انا سافرت اول .. واحس بكتمه لما اعاملهم .. او امشي مع الستايل والوضع اللي هم ماشين عليه ... مو زينا هنا في السعوديه الوضع متغير ... وأتمنى بس متى أخلص شغلي اللي سافرت له ... عشان أرجع لديرتي ... هذه يسجلها سلبيه ... والبعض يقول لا والله عااااااااادي جدا ... ممكن اسافر وانا جربتها .. وعادي جدا اتعايش معهم عادي وادخل معهم واحتك في الغربي .. وماعندي أي مشاكل ... هذه تسجل له ايجابيه


- قابلية الشخص للدراسه -


البعض الله يهديهم ... سمع بالتسجيل في وزاره التعليم العالي ... وشاف العالم تسجل .. قال معكم معكم .. وش ورانا ... ويكون بداخله عدم قابليه للدراسه ... يعني خلاص وصل لمرحله التشبع .. وخاصه اذا كان مخلص مرحله السابقه بشق الأنفس ... فشاف العالم تقدم .. قال معكم ... ( طبعا ممكن يقول لك لا الوضع هناك يختلف .. اذا رحت هناك راح ادرس غصب عني .. هذا شي راجع له صراحه ) ... فهذه اعتقد انها سلبيه ..

وفيه القسم الثاني اللي هو والله في راسه دراسه ... ويبي يدرس .. والدليل مثلا معدله في المرحله الدراسيه الماضيه له ... كان معدله مرتفع ... ( بالعربي مخه مفتح وناوي على دراسه ) ... هذه تحسب له ايجابيه ...


- الوضع الوظيفي -


البعض ما شاء الله متوظف في وظيفه مرموقه ... وراتب حلو ... ومرتاح في وظيفته .. ويمكن تعب كثير لين حصل هالوظيفه .. فيكون متردد كثير ... يقول اترك هالراتب !!! اترك هالمنصب !! كل نهايه شهر ينزل راتب وقدره في حسابي ... هل ممكن استغني عنه ..!! هذا ممكن تحسب عليه سلبيه ... ويقول عصفور حلو في اليد ... ولا عشره حلوين على شجره امريكيه ....

وفيه البعض يقول لا والله انا صراحه وظيفتي لك عليها .. او مدري وش تبي ... والراتب بعد ما يسوى .. انه مو طموحي وانا اطمح لشي اعلى .. او ان بيئه العمل اللي هو يشتغل فيها ما تساعده .. ولا ارتاح فيها الارتياح اللي ممكن ينتج ويعطي ... هذا اعتبرها لك ايجابيه النقطه ... ويكون ميله للدراسه في الخارج اكثر ...

- بعض النقاط زودني بها أخ لي -

- نوع التخصص -

اكيد ان هؤلاء الموظفين من خلال الخبرة الي تكونت عندهم وهم على رأس العمل شافوا الحاجة لبعض التخصصات اللي ممكن تفتح على الشركات مكاسب كبيرة والي فيه عليها طلب كبير مع انها لا تُدرس في جامعاتنا. بمعنى اخر تخصص يوظف حاملة وهو حاط رجل على رجل بمركز جدا ممتاز.
مثال: التجارة الدولية أو العقود القانونية الدولية أو هندسة المولدات الكهربائية بالطاقة الشمسية وهكذا..
اعتقد ان هذي فرصة جيده لهم بالاستقالة والعودة الى نفس الشركة.


- تغيير مجال الوظيفة -

كثير منا بعد ما يدرس التخصص الي عجبه ايام الجامعة للاسف يتوظف على غير تخصصة وخاصة المهندسين.

أو يدرس تخصص كان حلو وجميل ايام الدراسة لكن على ارض الواقع سيء ومحبط العمل فيه.
هنا يبدا التحسف ويقول ياليتني دخلت تخصص كذا وكذا ... فهنا تكون نقطه ايجابيه بالنسبه له




- نقطه أخيره ... -


بعد ما تشوف النقاط الي تكلمنا عنها ... وتكتبها في ورقه .. وتحسبها زين ... يجي الأن أهم شي .. وهي صلاه الاستخاره ... تتوضأ .. وتكون نفسيتك زينه ومرتاحه .. وتصلي لك ركعتين ... وتدعي ربك دعاء الاستخاره المعروف ... وبعدها تشوف ربك وش يكتب لك ... والأفضل أنك تستخير أكثر من مره ...

هذه بعض النقاط اللي كانت في بالي الأيام اللي راحت ... وكل مره أقول راح اكتبها .. راح اكتبها ... وخاصه اذا مثلا جلست مع واحد من الشباب في الوضع هذا .. ومحتار وش يسوي ... فيكون نقاشنا على الامور والنقاط اللي ذكرتها ..

طبعا هناك امور أكثر وأكثر ... لكن بإعتقادي أن هذه هي الأهم ...

أختم بقول الله عز و جل .... (وعسى أن تكرهوا شيئا وهو خير لكم )
تحياتي للجميع

أشوفكم على خير

دمتم بود

أخوكم

المايسترو






 

 

المايستـرو غير متواجد حالياً
Facebook Twitter 0
قديم 19-08-2006, 04:55 PM   #2
AHMED!!COOL
خبير اقلاعي
 
الصورة الرمزية الخاصة بـ AHMED!!COOL
AHMED!!COOL فوق  هام السحبAHMED!!COOL فوق  هام السحبAHMED!!COOL فوق  هام السحبAHMED!!COOL فوق  هام السحبAHMED!!COOL فوق  هام السحبAHMED!!COOL فوق  هام السحبAHMED!!COOL فوق  هام السحبAHMED!!COOL فوق  هام السحبAHMED!!COOL فوق  هام السحبAHMED!!COOL فوق  هام السحبAHMED!!COOL فوق  هام السحب
رد : ...:: جايتك بعثه للخارج .. وانت موظف الآن ... وماتدري وش تسوي .. أدخل أبيك شوي ::..

الله يعافيك يالمايسترو

والله نقاط مهمه وتأخذ في عين الإعتبار

جزاك الله الف خير



 

 

AHMED!!COOL غير متواجد حالياً
Facebook Twitter 0
قديم 19-08-2006, 05:18 PM   #3
المايستـرو
من كبار شخصيات الإقلاع
 
الصورة الرمزية الخاصة بـ المايستـرو
المايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحب
رد : ...:: جايتك بعثه للخارج .. وانت موظف الآن ... وماتدري وش تسوي .. أدخل أبيك شوي :

إقتباس »
الرسالة الأصلية كتبت بواسطة AHMED!!COOL »
الله يعافيك يالمايسترو

والله نقاط مهمه وتأخذ في عين الإعتبار

جزاك الله الف خير



الله يعافيك أخوي

AHMED!!COOL

وجزاك الله خير ...





 

 

المايستـرو غير متواجد حالياً
Facebook Twitter 0
قديم 19-08-2006, 05:21 PM   #4
10 على 10
عضو فعال
 
الصورة الرمزية الخاصة بـ 10 على 10
10 على 10 فوق  هام السحب10 على 10 فوق  هام السحب10 على 10 فوق  هام السحب10 على 10 فوق  هام السحب10 على 10 فوق  هام السحب10 على 10 فوق  هام السحب10 على 10 فوق  هام السحب10 على 10 فوق  هام السحب10 على 10 فوق  هام السحب10 على 10 فوق  هام السحب10 على 10 فوق  هام السحب
رد : ...:: جايتك بعثه للخارج .. وانت موظف الآن ... وماتدري وش تسوي .. أدخل أبيك شوي ::..

إقتباس »
بخص كلامي لشباب اللي يحمل شهاده البكالوريوس أو شهاده ماجستير أو معاه دكتوراه ... وهو على راس العمل حاليا ...طبعا مثلكم عارف ... صعب الآن واحد معه بكالوريوس تخصص حلو .. او ماجستير او دكتوراه .. ويكون عااااااااطل .. يعني جالس في البيت ...

يعني راح نتكلم الان فقط فقط ... عن اللي معاه احد هالشهادات .. وعلى راس العمل ... ( وعنده طموووووح أنه يكمل دراسات عليا ) ...

معاه دكتوراه ، وعنده طموح انه يكمل دراسات عليا ؟! . ممكن تفهمني كيف تجي ذي ؟! .




 

 

10 على 10 غير متواجد حالياً
Facebook Twitter 0
قديم 19-08-2006, 05:23 PM   #5
ابو الفهاوة
عضو متميز ونشيط
 
الصورة الرمزية الخاصة بـ ابو الفهاوة
ابو الفهاوة فوق  هام السحبابو الفهاوة فوق  هام السحبابو الفهاوة فوق  هام السحبابو الفهاوة فوق  هام السحبابو الفهاوة فوق  هام السحبابو الفهاوة فوق  هام السحبابو الفهاوة فوق  هام السحبابو الفهاوة فوق  هام السحبابو الفهاوة فوق  هام السحبابو الفهاوة فوق  هام السحبابو الفهاوة فوق  هام السحب
رد : ...:: جايتك بعثه للخارج .. وانت موظف الآن ... وماتدري وش تسوي .. أدخل أبيك شوي ::..

ما يسترووو على اسمكـ ..
الله يعافيكـ بتفتح مخخه مقفله <<< بينجلد


ابو فهفهـ



 

 

ابو الفهاوة غير متواجد حالياً
Facebook Twitter 0
قديم 19-08-2006, 05:37 PM   #6
المايستـرو
من كبار شخصيات الإقلاع
 
الصورة الرمزية الخاصة بـ المايستـرو
المايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحب
رد : ...:: جايتك بعثه للخارج .. وانت موظف الآن ... وماتدري وش تسوي .. أدخل أبيك شوي :

إقتباس »
الرسالة الأصلية كتبت بواسطة 10 على 10 »

معاه دكتوراه ، وعنده طموح انه يكمل دراسات عليا ؟! . ممكن تفهمني كيف تجي ذي ؟! .



مرحبا 10 على 10

فيه ناس معها دكتوراه .. ويبي يصير بروفوسور ... ناس طموحها عالي ...






إقتباس »
الرسالة الأصلية كتبت بواسطة ابو الفهاوة »
ما يسترووو على اسمكـ ..
الله يعافيكـ بتفتح مخخه مقفله <<< بينجلد


ابو فهفهـ




مرحبا ابو فهفهـ ...
الله يعافيك يارب ... وتسلم على مرورك ياغالي





 

 

المايستـرو غير متواجد حالياً
Facebook Twitter 0
قديم 19-08-2006, 07:20 PM   #7
Esperanza
من كبار شخصيات الإقلاع
 
الصورة الرمزية الخاصة بـ Esperanza
Esperanza فوق  هام السحبEsperanza فوق  هام السحبEsperanza فوق  هام السحبEsperanza فوق  هام السحبEsperanza فوق  هام السحبEsperanza فوق  هام السحبEsperanza فوق  هام السحبEsperanza فوق  هام السحبEsperanza فوق  هام السحبEsperanza فوق  هام السحبEsperanza فوق  هام السحب
رد : ...:: جايتك بعثه للخارج .. وانت موظف الآن ... وماتدري وش تسوي .. أدخل أبيك شوي ::..

المايستـرو

والله ان الدراسة زينة و انك تحصل على اعلا الشهادات حلم يراودني انا بالذات ، لكن الخوف بعد السنين اللي قضيتها في الشغل و بعد ما وصلت للمركز اللي انا فيه اني ارجع بالشهادات العالية ولا القى وظيفة بنصف راتب الحين ، وللاسف هذي حصلت للبعض من اللي انا اعرفهم.

انا لقيت الحل ابتقاعد تقاعد مبكر بعد كم سنة و بعدين اروح اكمل دراستي و اذا رجعت على الاقل احصل لي راتب ، طبعاً دراستي بتكون على حسابي.

وش رايك يا خالي المايشترو ينفع ولا ما ينفع.


موضوعك جميل و مفيد الله يجزاك الف خير.



 

 

Esperanza غير متواجد حالياً
Facebook Twitter 0
قديم 19-08-2006, 08:19 PM   #8
المايستـرو
من كبار شخصيات الإقلاع
 
الصورة الرمزية الخاصة بـ المايستـرو
المايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحبالمايستـرو فوق  هام السحب
رد : ...:: جايتك بعثه للخارج .. وانت موظف الآن ... وماتدري وش تسوي .. أدخل أبيك شوي :

إقتباس »
الرسالة الأصلية كتبت بواسطة Esperanza »
المايستـرو

والله ان الدراسة زينة و انك تحصل على اعلا الشهادات حلم يراودني انا بالذات ، لكن الخوف بعد السنين اللي قضيتها في الشغل و بعد ما وصلت للمركز اللي انا فيه اني ارجع بالشهادات العالية ولا القى وظيفة بنصف راتب الحين ، وللاسف هذي حصلت للبعض من اللي انا اعرفهم.

انا لقيت الحل ابتقاعد تقاعد مبكر بعد كم سنة و بعدين اروح اكمل دراستي و اذا رجعت على الاقل احصل لي راتب ، طبعاً دراستي بتكون على حسابي.

وش رايك يا خالي المايشترو ينفع ولا ما ينفع.


موضوعك جميل و مفيد الله يجزاك الف خير.





مرحبا يا عمدتنا Esperanza

والله الحيره هذه على كثيرررررررر من الشباب المتقدمين ... يشوف منصبه .. ويشوف الراتب من جهه ... ويشوف الشهادات الكبيره من جهه ثانيه ... وانا مريت في الفتره هذه .. والشعور هذا ...

مسأله التقاعد المبكر ... صراحه فكره حلوه .. لكن كم بيكون عمرك وقتها ..!! ... طيب بتقول انا في راسي دراسه في راسي دراسه ... طيب حلو ... انت لما تروح وتدرس وتتخرج كم بيكون عمرك !! قصدي رؤيه الشركات لك وانت تقدم عليها بسن معين ... مدري احس انها تفرق صراحه مع هالشركات

بعدين يا أخوي انت في جهه معروفه بالابتعاث ... ليش ما يبتعثونك وانت على راس العمل ؟ ... اتوقع لو تحاول فيهم بيوافقون ....


تحياتي لك .. وربك يكتب اللي فيه الخير






 

 

المايستـرو غير متواجد حالياً
Facebook Twitter 0
قديم 19-08-2006, 08:37 PM   #9
10 على 10
عضو فعال
 
الصورة الرمزية الخاصة بـ 10 على 10
10 على 10 فوق  هام السحب10 على 10 فوق  هام السحب10 على 10 فوق  هام السحب10 على 10 فوق  هام السحب10 على 10 فوق  هام السحب10 على 10 فوق  هام السحب10 على 10 فوق  هام السحب10 على 10 فوق  هام السحب10 على 10 فوق  هام السحب10 على 10 فوق  هام السحب10 على 10 فوق  هام السحب
رد : ...:: جايتك بعثه للخارج .. وانت موظف الآن ... وماتدري وش تسوي .. أدخل أبيك شوي :

إقتباس »
مرحبا 10 على 10

فيه ناس معها دكتوراه .. ويبي يصير بروفوسور ... ناس طموحها عالي

انت متأكد من كلامك هذا .
على حد علمي ان درجه البروفسور او ( أ . د ) تمنح للشخص عن طريق الجهة الي يعمل فيها خاصة اذا كانت اكاديميه علميه ( جامعه ، مركز للعلوم والتقنية ، فالشخص الي معاه دكتوراه يعمل ( بحث ) في موضوع ما تابع لتخصصه ويعرض على لجنه علمية مشكله من نفس الجهه التابع لها الشخص فتمنح هذه الدرجه .

وما تمنح عن طريق الابتعاث كما ذكرت. ولا يوجدفي برنامج ابتعاث وزاره التعليم العالي شئ من هذا .




 

 

10 على 10 غير متواجد حالياً
Facebook Twitter 0
قديم 19-08-2006, 11:07 PM   #10
rs4ever
من كبار شخصيات الإقلاع
 
الصورة الرمزية الخاصة بـ rs4ever
rs4ever فوق  هام السحبrs4ever فوق  هام السحبrs4ever فوق  هام السحبrs4ever فوق  هام السحبrs4ever فوق  هام السحبrs4ever فوق  هام السحبrs4ever فوق  هام السحبrs4ever فوق  هام السحبrs4ever فوق  هام السحبrs4ever فوق  هام السحبrs4ever فوق  هام السحب
رد : ...:: جايتك بعثه للخارج .. وانت موظف الآن ... وماتدري وش تسوي .. أدخل أبيك شوي ::..

جزاك الله خير اخوي مايسترو

و الله اني تعبت من التفكير خلال الفترة الماضية (فتح باب الابتعاث)

انا معي دبلوم تقنية تخصص برمجه و معدلي الحمد لله يسمح لي اكمال البكالوريوس لكن المشكلة اني على راس العمل

افكر حالياً في السنتين الجايه اني اطلب منحه لاكمال الدراسة من الوزارة اللي اتبع لها

اذا عندك معلومات يا ليت تساعدني و ما راح انساك من الدعاء



 

 

rs4ever غير متواجد حالياً
Facebook Twitter 0
إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 08:50 AM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2020, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017