منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الفنية > منتدى الفن الغربي
التسجيل التقويم التأشير على جميع الاقسام بالمشاهدة




إغلاق الموضوع
 
أدوات الموضوع طريقة عرض الموضوع
قديم 30-11-2007, 04:14 PM   #1
أبو عزة
من كبار مميزين الفني
أبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحب
If you look close enough, you'll find the FRACTURE

بسم الله الرحمن الرحيم


If you look close enough, you'll find everyone has a weak spot

الخيانة ..!!
أقوى أداة للطعن في الظهر ..
واسرع طريقة لموت المشاعر ..
اليوم اتكلم عن فيلم قصته تدور حول خيانة ..!!





بعد تتبعه لها ..
اكتشف تيد إنها تخونه ..
صدمته ماكانت واضحة بقدر وضوح نواياه الشينة ..
حب إنه يخفي علمه بالخيانة ..
عنها .. عن زوجته .. الخاينة





الفيلم مبني على قصة الخيانة ..
كيف تيد بيتعامل معها ؟
وش العواقب اللي بتقود تيد لو كانت ردة فعله مبالغ فيها ؟
قلت تيد اكثر من اربع مرات ،، طيب من هو تيد ؟

هو ثيودور كارفورد او الملقب بـ " تيد "
يمثل شخصية تيد الرائع انتوني هوبكنز
Anthony Hopkins



فنان معروف ، اشتهر بدوره الرائع في سلسلة هانيبال ، لو احاول مجرد محاولة لذكر أفلامه البارزة بيأخذ مني اكثر من الموضوع ..
اعتقد وجوده يضيف لأي فيلم ، خاصة وإذا كان الدور بطولة ..
رائع في تمثيله ، مدهش في إتقانه ..
حضور متمكن .. اترك لكم عبارات الوصف ..



من يشارك معه في البطولة ..؟
ريان قوسلين
Ryan Gosling



ويمثل دور المدعي العام ويلي ..
ويليام بيكهام ..
ممثل شاب ..
في آخر عقده الثالث ..
اقدر أجازف وأقول قادم بقوة بس بخطوات بطيئة ..
تمثيله مليء بالثقة ..
ردات فعله دائما ما تكون مميزة ..
فيه برود أعصاب عجيب ..
ممكن حياته في كندا لها دور ..
اجزم إن اكثر الأعضاء عرفوه من مشاركته في The Notebook
أكيد مثل أي ممثل له مشاركات فاشلة وناجحة ..
لكن هذا ليس المجال لذكرها ..
ابتحدث اكثر عن الدور اللي برع فيه ريان وأتقنه ..



بعد ماعرفنا الأبطال ..
جاء وقت المخرج ..
تفاجئت إن مخرج الفيلم أعماله متواضعة ..
نقدر نعذره بسبب تركيزه على إخراج المسلسلات ..
هو من مخرجين المسلسل المشهور L.A Law
لكن أذهلني وجود إسم من الأسامي القوية في عالم الأفلام ..
في 2002 كان فيه فيلم بطولة بروس ويلس ..
مع الداهية كولين فيريل ..
كان الفيلم من إخراج مخرجنا المبدع ..
اسم الفيلم Hart's War
واللي كان يتكلم عن معاناة الجنود الامريكان الأسرى في يدين الألمان ..
أكيـد اللي يهتم بالمخرجين بيعرف من اتكلم عنه ..
هو Gregory Hoblit



عمره كبير .. مولود في تكساس في 1944 ..
مايحتاج أقول إنه انتقل لكاليفورنيا مثل كل الهوليوديين وكمل فيها دراسته العليا ..
هذا ابرز ما يمكن يقال عن المخرج والابطال ..





بطاقة الفيلم

Fracture
Genres: Drama, Thriller and Crime/Gangster
Running Time: 1 hr. 52 min
Release Date: April 20th, 2007
MPAA Rating: R for language and some violent content
Distributors: New Line Cinema
U.S. Box Office: $39,004,700
Filming Locations: Los Angeles, California, USA
Produced in: United States
Imdb Rating : 7.3/10
Yahoo! Movie
The Critics : B
Yahoo! Users : B


: Cast And Credits

: Actors
Anthony Hopkins ,, as Ted Crawford
Ryan Gosling ,, as Willy Beachum
David Strathairn ,, as District Attorney Joe Lobruto
Rosamund Pike ,, as Nikki Gardner
Embeth Davidtz ,, as Jennifer Crawford Ted's wife
Josh Stamberg ,, as Norman
Billy Burke ,, as Detective Rob Nunally
Xander Berkeley ,, as Judge Moran

Directed by
Gregory Hoblit

See Full Cast and Credits



If you look close enough, you'll find everyone has a weak spot





 

 

أبو عزة غير متواجد حالياً
Facebook Twitter 0
قديم 30-11-2007, 04:15 PM   #2
أبو عزة
من كبار مميزين الفني
أبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحب



If you look close enough, you'll find everyone has a weak spot




الحيــن نبدأ في القصة الكاملة ..
اكيد بيكون فيه تخريب .. اللي ماشاف الفيلم اتمنى إنه مايخرب على نفسه لأني اتمنى اني ماشفته وارجع اشوفه واستمتع به من جديد ..
للي ماشاف الفيلم نهاية الردود فيه التورنت والترجمة ..
نزل الصفحة بس بسرعة ..



القصة :




تيد كارفورد متزوج ، اتوقع إنه عالم جبر ..
مافيه شيء يدل على هذا .. بس استنتجت من الآلة اللي كان يعبث بها ..
اشك إن زواجه ناجح ..
تولد عنده إحساس بخيانة زوجته الشابة ..
ومع من ..؟
مع محقق في الشرطة ..
جاء الوقت اللي مخطط انه يكتشف الخيانة ..
ويعرف بنفسه تفاصيلها ..
طلع من مكان العمل ..
واكتشف بطريقته إن زوجته متواجدة في بيت المحقق ..
كان تيد بين نارين ..!!
إما يدخل ويكتشف خيانة زوجته له ،، ويطعن من الظهر ..
أو يرجع ،، ويعيش في شك ..
قرر تيد الدخول .. ودخل تيد وشاف اللي تخيله بالضبط .. ممكن بإختلاف بعض التفاصيل ..
زوجته كانت مع المحقق .. وما كانت من المشهد تعبر عن علاقة عابرة ..
من الواضح كانت علاقة حب ..
تيد دخل البيت وسط تجاهل من صاحب البيت ..
اللي كان مشغول مع الحسناء زوجة تيد ..
خرج تيد من البيت .. ولا تبين هدفه من الدخول ..
هو عمل شيء .. بس وشو ؟؟
المهم .. رجع على بيته بإنتظار زوجته ..
تيد بدأ يخطط للإنتقام ..



وصلت زوجته للبيت ..
كانت خايفة يكتشف خيانتها .. ماتدري إنه شافها ..
تتحاشى النظر في وجهه ..



فجأة ..!!








رصاصة في وجهها ..
اسوأ مكان ممكن تتخيل الاصابة فيه ..
المصاب إما يعيش مشوه ..
او يموت .. فيه اسوأ من كذا ؟
زوجته سقطت امامه ..
ردة فعله كانت باردة ومخيفة جداً ..
بكل برود يطلق على زوجته النار ..
كل تفكيره كان كيف ينفذ الخطوة الثانية من الخطة ..
القتل ما كان ردة فعل عشوائية ..
مثل ماخطط تيد .. وتماماً مثل ما أراد .. سمع الحارس صوت طلق النار .. وبلغ الشرطة ..
في الحال الشرطة وصلت .. ودخلت الحوش بس مادخلت البيت ..
لأن تيد كان متحصن في البيت ومعه زوجته كـ رهينة ..
ومعنى رهينة إن الزوجة ما ماتت لحد الآن ..
المحقق المناوب من كان ..؟؟
كان الشرطي اللي خانت زوجة تيد معه ..
اللي هو "جو" ..
طلب تيد من الشرطة إن "جو" هو الوحيد اللي يدخل ..
وغير كذا ماراح يسلمهم الرهينة ..
" جو " طبعاً مايدري من تيد ومن زوجته ..
هو يعرف صديقته لكن مايعرف إنها زوجة القاتل وإنها رهينة عنده الحين ..
دخل " جو " وشاف صديقته .. وانصدم ..!!
ماتوقع أبداً يشوف صديقته اللي كانت معه قبل ساعات والحين تموت بين يدين زوجها المسلح ..
في هالوقت اللي كان المحقق مشغول مع صديقته اللي تحتضر ..
تيد نفذ الخطوة الثانية من الخطة .. تبديل السلاح ..!!

تصدقون اللقطة ما انتبهت لها .. ونتج عن ذلك إني مافهمت جزئية كبيرة من الفيلم .. إلى أن شرحها لي الغالي colo r s في النادي ووقتها فهمت كل شيء ..




طيب الحين بعضكم يقول ريان قوسلين وش دوره ..؟؟
او خلونا نسميه ويلي ..



ويلي شاب طموح جداً ،، دخله متواضع ،، يسكن وحيد ،، يعني أعزب ..
عمله مدعي عام .. يكسب قضايا صغيرة .. يطمح للأفضل دائماً ..
كان في مكتب صغير .. مكتب محاماة وإدعاء عام ..
ويحاول ينتقل للمكتب الأفضل في البلاد ..
قدم عليهم وطلبوه ..
بس قبل وقت الإنتقال .. تسلم قضية قتل تيد لزوجته ..
طبعاً القضية فيها تعقيدات كثيرة ..
من أول نظرة القضية عبارة عن زوج اطلق النار على زوجته ..
لكن تيد كارفورد بذكائه ودهائه غيرها إلى أعقد القضايا ..
المدعي ويلي تحمس للقضية .. وكان فيه شبه تحدي بينه وبين تيد ..
بعد أول لقاء لهم ..
طبعـاً فاجئه ذكاء تيد وسيطرته على الأمور ..
وعناده سبب اصراره على مسك القضية ..
والصغار مايرضون بالهزيمة .. ولا يستسلمون بسهولة ..
بس تيد حاسب حسابه زين ،، ومتكتكها ..
"ويلي" مخيـّر بين أمرين :
إما يأخذ القضية ويستمر في مكتبه الصغير .. ولو خسرها انطرد منه .. وفرصة الإنتقال تضيع عليه طبعاً ..
أو .. ينتقل وينسى القضية .. ويبدأ يشتغل في المكتب اللي حلم بالعمل فيه ..

قرر " ويلي " يختار القضية ،، ويضحي بكل شيء من اجلها ..
المشكلة في القضية وين ..؟
سلاح الجريمة مفقود ..!!
بحثوا عنه في كل مكان ..
المرفق مع القضية تبين إنه لم يطلق به بتاتاً ..!!!
اللي مفترض يكون سلاح الجريمة ..!!
المفروض يكون في البيت ،، لكن غير موجود ..
واللي متعب المحققين إن القاتل " تيد " ماخرج من البيت ..!!
طيب كيف طلق النار على زوجته ؟ ووين راح السلاح ..؟




بدأت اللعبة المسماة جلسات المحاكمة ...


If you look close enough, you'll find everyone has a weak spot




 

 

أبو عزة غير متواجد حالياً
Facebook Twitter 0
قديم 30-11-2007, 04:16 PM   #3
أبو عزة
من كبار مميزين الفني
أبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحبأبو عزة فوق  هام السحب




If you look close enough, you'll find everyone has a weak spot






الفيلم ما انتهى ..!!
تعقيدات كثيرة حبكهـا تيد ..!!
وش الدافع لكل هذا ؟
المحقق " جو " وش صار له ؟
هل كسب القضية " ويلي " أو خسرها وخسر كل شيء معها ؟
اترك المساحة لكم ..

الفيلم فيه كم كبير من اللقطات المعبرة ، واللحظات الصعبة ، والاحداث المفاجأة ..
مليء بالذكاء ، الخبث ، الغموض ، التعقيد ..
الفيلم للإستمتاع ..
الطموح مقابل الذكاء ..
الفيلم رائع ..
بمعنى الكلمة .. رائع
اخاف اكمل القصة ويخرب الفيلم من اسلوبي ..!!


نصائــح /
• لاتشوف الفيلم وانت صايم ( تجربة شخصية ) .
• الفيلم يحتاج تركيز تام .
• ينصح بعدم الأكل اثناء الفيلم ، لأن الأكل يجيب النوم خخخ .







التورنت + الترجمة











آخر شيء ..
ابي رايكم عن الفيلم ..؟
عن انتوني هوبكنز ..؟
عن ريان قوسلين ..؟
عن الخيانة ..؟
لو انتم مكان تيد .. وش بتكون ردة فعلكم ..؟
احلى مافي الفيلم .. واسوأ مافيه ..؟
تقييم الفيلم ..؟
رأيكم في الموضوع ..؟
التنسيق بايخ .. شوفوا غيره ..
طريقة الكتابة ..؟
الأسلوب ..؟
السرد ..؟
الكاتب شخصيا ..؟
أي شيء .. بس يكون فيه مناقشة ..
أما ردود " تسلم " و " يعطيك العافية " ..
انا متنازل عنها .. ولوجه الله ..
أحب الرد يكون فيه إضافة ..
ما ابي يكون الموضوع من طرف واحد ..
المشاركـات الخارجية تشوه الموضوع ..


هذا كان مشروع في رمضان .. ثم تأجل ..
وأخيراً رأى النور ..
طريقة الكتابة ماتعودت عليها ..
لكن اقنعني فيها ميونخ ..
ولأنه أفضل من يكتب مواضيع ..
اقتديت به ..
حاولت أبعد عن الفصحى ..
لأنها تسبب لي ارتباك واضح ..


فالكم التوفيق





If you look close enough, you'll find everyone has a weak spot










 

 

أبو عزة غير متواجد حالياً
Facebook Twitter 0
قديم 30-11-2007, 04:46 PM   #4
يا قلبس
من كبار مميزين الفني
 
الصورة الرمزية الخاصة بـ يا قلبس
يا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحب





مــوضــوع و لا أحــلــى
تــســلم ايــديــك

دخلت المنتدى و ألاقي فيه تحت موضوع جديد
فرحت فيه
قلت نحرك المياه الراكدة

بس وش صار موضوع لأبو عزة
و عن Fracture

عظمة على عظمة


/

هذا الفيلم من أول ما أعلنوا عنه
و عرفت ان فيه هوبكنز + غوسلنق
و أنا أحتريه

بس قدر ربي لما نزل و توفرت التورنتات
ما حصل لي أحمله

فما شفته إلا الشهر اللي راح
يالله يمكن خيرة

طبعاً أشــكــرك
لأنك بالنادي قلت لي ابدي فيه
لأني لما حملته ما كنــت بأشوفه أول شي
يعني بأخليه آخر شي
أخاف يطلع موب بالمستوى اللي متخيلته و مابي أخرب مــودي

بس لما شفته
ما أكذب عليك رحت أعيده مرة ثانية
و طول اليومين اللي وراه و أنا أفكر فيه

خاصة أنه رايان ما عجبني في Half Nelson


/





ما حصل إني شفت له فيلم و لا أعجبني
راقــي .. كــلاس مـــرة حتى في تمثيله
أحترمه جداً

دوره
أعجبتني الثقة بالنفس .. الهدوء .. متمالك أعصابه
حتى بمشهد قتل زوجته
ما عصب .. ما هاوشها .. ما سفل فيها أبداً
بس أطلق عليها بكل برود أعصاب
انتقام هادئ


نظراته للشرطي لما عرف من هي الضحية
و الا نظراته لويلي بالمحكمة أول مرة


أتعب و أنا أقول أنتوني هوبكنز مــــدرســـــــة


/






إقتباس »
اقدر أجازف وأقول قادم بقوة بس بخطوات بطيئة ..
و ليه تجازف ؟؟!
هو أثـــبـــت مــكانــته
ممثل يعرف يختار .. يتأنى
<< و يقولون في التأني السلامة

تمثيله فــظيــع
أحب لما يــسكـت شوي قبل لا يرد
ردود أفعاله

إقتباس »
اجزم إن اكثر الأعضاء عرفوه من مشاركته في The Notebook
أنا أول فيلم شفته له كان
Murder By Numbers
مع ساندرا بولوك

فيــلم راااااائع
شفته كثيـــــر .. و لا أمــل منه
تقريبا يشبهه
بس هنا رايان هو المجرم
و ساندرا هي المحققة



 

 


اخر تعديل كان بواسطة » يا قلبس في يوم » 30-11-2007 عند الساعة » 06:54 PM.
يا قلبس غير متواجد حالياً
Facebook Twitter 0
قديم 30-11-2007, 04:58 PM   #5
T•BaG
من كبار شخصيات الإقلاع
 
الصورة الرمزية الخاصة بـ T•BaG
T•BaG فوق  هام السحبT•BaG فوق  هام السحبT•BaG فوق  هام السحبT•BaG فوق  هام السحبT•BaG فوق  هام السحبT•BaG فوق  هام السحبT•BaG فوق  هام السحبT•BaG فوق  هام السحبT•BaG فوق  هام السحبT•BaG فوق  هام السحبT•BaG فوق  هام السحب
يعطيك العافية
تقرير وموضوع رائع



 

 

T•BaG غير متواجد حالياً
Facebook Twitter 0
قديم 30-11-2007, 05:19 PM   #6
`N
من كبار شخصيات الإقلاع
 
الصورة الرمزية الخاصة بـ `N
`N فوق  هام السحب`N فوق  هام السحب`N فوق  هام السحب`N فوق  هام السحب`N فوق  هام السحب`N فوق  هام السحب`N فوق  هام السحب`N فوق  هام السحب`N فوق  هام السحب`N فوق  هام السحب`N فوق  هام السحب




 

 

`N غير متواجد حالياً
Facebook Twitter 0
قديم 30-11-2007, 06:53 PM   #7
Bale
رياضي مميز
 
الصورة الرمزية الخاصة بـ Bale
Bale فوق  هام السحبBale فوق  هام السحبBale فوق  هام السحبBale فوق  هام السحبBale فوق  هام السحبBale فوق  هام السحبBale فوق  هام السحبBale فوق  هام السحبBale فوق  هام السحبBale فوق  هام السحبBale فوق  هام السحب
هلا بابو عزه ..
وش ذا الابداااع

إقتباس »
ابي رايكم عن الفيلم ؟
والله توني ماشفت الفلم ..ان شاء الله قريب باشوفه ..

إقتباس »
عن انتوني هوبكنز ..؟
هو ممثل كبير ..بدون شك ..تمثيله غريب وعجيب
تحسه يقنعك باسلوب ..خشته لاتقاووم
اكيد من افضل افلامه ..هانبيال


إقتباس »
عن ريان قوسلين ..؟
ممثل شاب ..هو بطل ..بس تحسه
مايحب يكثر من الافلام ..يعني قليل افلامه
انا متاكد انه بيبدع ..بس ياليت يكثر من طلاته علينا


إقتباس »
عن الخيانة ..؟
ماقساها ....ولنا في الحياه مثال ..

إقتباس »
لو انتم مكان تيد .. وش بتكون ردة فعلكم ..؟
مادري ..ماقريت القصه ..
هماك تقول لاتقرونه اذا ماشفتوا الفلم
تلعب علينا << عصب


إقتباس »
رأيكم في الموضوع ..؟
بطل ..والله ماجامل ..والله ابدعت يابو عزه
بس كثر لنا من هالمواضيع ..اسلوبك خاقوقي


إقتباس »
التنسيق بايخ .. شوفوا غيره ..
لا التنسيق لايعلى عليه

إقتباس »
طريقة الكتابة ..؟
حلووه ..ملينا من الفصحى

إقتباس »
الأسلوب والسرد ..؟
ابطل شيئين


إقتباس »
الكاتب شخصيا ..؟
انسان عزيز علينا ..بس لو يترك برشلونه ....ويشجع القنرز ..يصير احسن واحد


بالاخير ..ودي نشوفك اكثر بمواضيع ..والله انك رهيب ..بس مادري ليه حاقر ابداعك
بالاخير ..نقول شكرا لانتوني هوبكنز وفلمه ..اللي خلونا نشوف ابداعك



 

 

Bale غير متواجد حالياً
Facebook Twitter 0
قديم 30-11-2007, 06:56 PM   #8
München
من كبار مميزين الفني
 
الصورة الرمزية الخاصة بـ München
München فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحب

السلام عليكم ورحمة الله وبركاتـه ..

هلا ومسهـلا بالـ غالـي بـو عـزه ..



إقتباس »
الخيانة ..!!
أقوى أداة للطعن في الظهر ..
واسرع طريقة لموت المشاعر ..
آخر سطـر .. بالصميـم .. بالصميم ..



وفيـّت وكفـّيت بـ كلامك عنه ..
فنـّان حقيقـي ..
ممثـّل أسطـوري ..
مين هم الممثلين القادرين على المزج بين الخبث والطيبـه بـ آن ٍ واحـد ؟ ..
فيه تناقـض مبهـر .. موهبتـه ماهي موهبـه عاديـّه ..
ممثل فـوق العاده بكل إختصـار ..
وطبعًا وجـوده بالفيلم هذا حمسني أكثر وأكثر لـ الفيلم ..
فقط رؤيته .. تعتبـر متعـه ..
نظراتـه على إبتسامتـه الخبيثـه .. أتعب أنـا ..

دوره بهالفيلـم أجـاده بشكل متقـن ميه ميه ..
يعني إختيار المخـرج كان مـوفّق جدًا ..
مو لانه فنـان عظيم ..
لا .. بل لأنه هو الأفضـل لهالـ دور ..
لو يمثل روبرت دي نيرو بداله بالفيلم .. مااعتقد راح تجي صح ..
لأني مقتنـع تمام الإقتنـاع بأن لكل ممثل مهما كان حجمه .. دوره اللي محد يقدر يعوّضـه فيه ..

يعني مثـلاً / scarface .. مااعتقد لو حتى بعد ستين سنه .. بيجي ممثل بيضبط الدور مثل آل باتشينـو ..
و أنتوتي هوبكنـز .. دوره بهالفيلم, إضافـة ٍ لـ دوره الأسطـوري في سلسلة هانيبـال .. هذي الأدوار محد راح يقدر يؤديهـا مثله أبد ..



يـاااه على هالـ مبدع ..
أنا معاك يابو عـزه ..
هذا أعتقد بيكون له شـأن كبير بالمستقبل ..
إذا ماحافظ على إختياراته المميـّزه ..
انا ومثل كثير غيري مثل ما تفضلت عزيزي ..
ما لاحظناه وعرفناه جد غير بـ The Notebook ..
و شفنا كيف ضبط دور العاشـق اللي أنكسـر قلبه وداس على قلبـه وتحمـّل ..
لكن اللي راح يشوف دوره في Fracture ..
راح يعرف أن الولـد هذا ماهو فقاعة صابـون ..
الولـد موهـووب بشكل كبيـر ..
وأدّى دور بعيد جدًا عن مسألة العشق ألـخ ..
شخصيته بالفيلم من الشخصيات المحببه لي ..
إصراره .. تحديـه لـنفسه .. أسلـوب حياته .. مكان بيته ..
شلون يلبس ..
أثبـت بهالفيلم أن يقدر يفرض نفسـه .. حتى لو يمثل معها اسطوره حيـّه مثل أنتونـي هوبنكـز ..

ريـان ( محد كلمك يابعض الناس ) ..
متشـوّق جدًا أشـوف فيلمه الجديـد Lars and the Real Girl ..
قصة الفيلم بحـد ذاتهـا غريبـه .. و يقولون أداءه كبيـر ومؤثـّر ..

إقتباس »
كان تيد بين نارين ..!!
إما يدخل ويكتشف خيانة زوجته له ،، ويطعن من الظهر ..
أو يرجع ،، ويعيش في شك ..
يـاااه .. خياريـن نتائجـهم قد تكـون قاتلـه ..
يعني هل سـ تبرد نار الشك في جوفـه إذا ما تأكد ؟ ..
بالتـأكيد لا ..
وإذا تـأكد وصارت النتيجـه إيجابيه لـ الخيانـه .. وقتها بتكون نهايـة كثير من الأشيـاء الجميلـه ..

أبدعـت في وصفـك بوعـزه ..



إقتباس »
ردة فعله كانت باردة ومخيفة جداً ..
الصوره بنت لذينـا ..
و تعليقـك مناسـب جدًا جدًا ..
حكـى المشهـد بكل إقتـدار ..
فعلاً .. كانت مشاعـره بارده ..
ومخيفه بنفس الوقـت ..
لقطـه قويـّه ..
ومو أي ممثـّل راح يوصـّل الإحساس هـذا مثل أنتونـي ..

إقتباس »
دخل " جو " وشاف صديقته .. وانصدم ..!!
يا خبيـث يا أنتـوني ..
يا خطيـر ..
من جد صدمـه قويـّه جدًا ..
ومفاجأه .. لا على البـال ولا على الخـاطر ..

إقتباس »
"ويلي" مخيـّر بين أمرين :
إما يأخذ القضية ويستمر في مكتبه الصغير .. ولو خسرها انطرد منه .. وفرصة الإنتقال تضيع عليه طبعاً ..
أو .. ينتقل وينسى القضية .. ويبدأ يشتغل في المكتب اللي حلم بالعمل فيه ..
هذا شـي مشـوّق بالفيلم ..
وأنا اتابع الفيلـم فرحت يوم دريت أنه انحط بهالمـوقف ..
لأن هالشـي صنـع تشويق و إمتـاع بالفيلـم ..
وطبعًـا كان البطـل في هالجزء من الفيلـم ..هو ريـان ..

إقتباس »
الفيلم فيه كم كبير من اللقطات المعبرة ، واللحظات الصعبة ، والاحداث المفاجأة ..
مليء بالذكاء ، الخبث ، الغموض ، التعقيد ..
الفيلم للإستمتاع ..
الطموح مقابل الذكاء ..
الفيلم رائع ..
بمعنى الكلمة .. رائع
اخاف اكمل القصة ويخرب الفيلم من اسلوبي ..!!
أنا اشهـد فيه كمية كبيـره من اللقطـات المعبره والصعبـه .. والمفاجأه ..
عجبتني مره هالجمله // ( الطموح مقابل الذكاء .. ) ..
ريـان بـدّع .. وضبط الموازنـه ..

وبعدين تعـال .. لوني ماشفت الفيلم قبل الموضـوع .. كان تحمست أكثـر ..
وحط بعلمـك أني تحمسـت أكثر أشـوف الفيلم مـره أخرى بعد كتابتـك الرائعـه عنه ..

إقتباس »
• لاتشوف الفيلم وانت صايم ( تجربة شخصية ) .
..

إقتباس »
• الفيلم يحتاج تركيز تام .
مو بس عشـان الفهم ..
عشان الإستمتـاع بكل لحظه فيـه ..

إقتباس »
• ينصح بعدم الأكل اثناء الفيلم ، لأن الأكل يجيب النوم خخخ .
عادة ً مااعرف أتابع شي إلا وانا آكل ..
بس مثل هالأفـلام الراقيـه الرائعـه .. أتابعها من دون أكل ..



ابـو عـزه ..
سـردك رائـع وأنت عـارف هالشي ..
أنت بس لو تخلي الكسـل عنـك ..

وبعديـن تعال تعـال ..
انا بس بذاك الوقـت قلت لك " ياخي بلا كسل " ..
يعني لو سمحت لا تدخلني بالسالفه .. فاهـم ؟ ..

مبـدع من حينـك يابوعـزه ..
أصـلا اللي يشـوف تقاريرك بالنـادي عن الأفـلام .. بيكتفي عن أي موضوع ..
لكن ترى مو تاخذهـا عذر وتقول بقزرها ردود بس ..
مبهـر بـ أسلوبـك .. و أحييك على إختيـار الفيلـم ..

8 من عشره من عنـدي لـ الفيلم ..
و الخيانـه يابـوعزه ما حولها آراء مختلفه .. الله يكافينا شرها بس ..
و راينا بالكاتـب شخصيـًا .. نفسه نفس حال الخيانـه ..
ما حوله آراء مختلفـه .. وأنت عـارف وش هي الآراء .. ولا ّ ؟ ..
وطبعـًا موضوع مميـّز من كاتـب مميـّز ..
مرتن ثانيـه لا تسـأل هالسـؤال تراه استفزنـي ..
لأنـك عارف قـدرك بقلوبنـا ..
أبدعـت بطريقتـك و روعتـك ..
الله يعافيـك ويسلمـّك .. ولا تبخـل علينا بـما تجـود به نفسـك الكريمـه ..




 

 


اخر تعديل كان بواسطة » München في يوم » 30-11-2007 عند الساعة » 08:23 PM.
München غير متواجد حالياً
Facebook Twitter 0
قديم 30-11-2007, 07:00 PM   #9
أكثر واحد
عضو متميز ونشيط
أكثر واحد التقييم رايح وطيأكثر واحد التقييم رايح وطيأكثر واحد التقييم رايح وطيأكثر واحد التقييم رايح وطي


تسـلم







^
^

يمّه ما عرفت روحي
وش هالحركات ياضنايا << انهبل
ابو عزة وأخيرا نزلت موضوع
من زمااان ياراااقل

اتسذب عليك ان قلت لك اني شايف الفلم بس تراي محمله وقسم وحاطه باللست

سمعت عنه نقاش كثير في النادي ،،
ناس معجبها الفلم وناس تقول نأاا خاايس وسامج
اذكر من اللي ما اعجبهم الفلم " مسالمة " واللي ناصحها فيه " سوسو " لانها مبلشتني قبلها خخخخخخخخخخخخخ

بس حبيت اسجل مباركتي المتواضعه لك بموضوعك المميز
وانشالله اشوفه قريب وارجع اعطيك رايي يا حلو مع ان وجود هوبكنز فيه يكفي عشان تكتمل جماليته

<< راح يصيح خنقته العبرة اول مرة يرد على موضوع لابوعزة << سايكو


ابو عزة
فاااالك التوفيق وصدقني الموضوع بطلل وما اقولها مجاملة الله يقطع شكلك << بيعلمك انه ما يجامل




 

 

أكثر واحد غير متواجد حالياً
Facebook Twitter 0
قديم 30-11-2007, 07:59 PM   #10
يا قلبس
من كبار مميزين الفني
 
الصورة الرمزية الخاصة بـ يا قلبس
يا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحب

.
.

بأعدل ردي إلا خلص الوقت
كله من سالفة 9000 حرف

/

رايان
أجي الحين لدوره
مثل الشاب الطموح جداً
وواثق بنفسه لدرجة الغرور

مسك قضية تيد و هو يحسبها سهلة
من جلسة وحدة بتنتهي
بس من الجلسة الأولى
لقى نفسه في تحدي

ويلي Vs. تيدي

واحد ذكي و عنده ثقة تكفي بلد
و واحد عنيد ما يرضى بالهزيمة


/

طول الفيلم و أنا أفكر معهم
وين راح المسدس ؟؟!

حتى لما ويل طلب منهم يدورون المسدس
و قاله ذاك الشرطي ما لقينا شي

أنا قلت في نفسي : وينه ؟؟ يعني طار من نفسه ؟؟
الا ويل يقوله : يعني طلعت له رجول و طلع ؟؟


لكن بمشهد الجوالات
فهمت السر
و وقفت الفيلم شوي أستوعب
بعدين قلت بأكمل يمكن أنا فهمت نكس
إلا طلعت فاهمه صح
الله يحفظن لشبابي

/

إقتباس »
الفيلم فيه كم كبير من اللقطات المعبرة ، واللحظات الصعبة ، والاحداث المفاجأة ..
أكثر مشاهد وقفت عندها غير مشهد الجوالات

* بالسجن لما ويل كان جاي يحقق مع تيد
و قعد يقوله على سالفة البيض و نقطة ضعفه

* مشهد ويل بالمحاكمة لما كان يائس من القضية
و هو ماسك الجوال بيتصل على سكرتيرته

* مشهد انتحار الشرطي جو على درج المحكمة
و تيد يطالعه من الجهة الثانية

* ويل لما كان يراكض بالمستشفى
بيلحق قبل لا يطفون الأجهزة عن الزوجة
و لما مسكوه الأمن

* ويل لما كلمه رئيسه بعد خسارته للقضية و هو يضف عفشه

/

ابي رايكم عن الفيلم ..؟
عن انتوني هوبكنز ..؟
عن ريان قوسلين ..؟

احلى مافي الفيلم .. واسوأ مافيه ..؟
تقييم الفيلم ..؟


أظن إني تكلمت بما فيه الكفاية فوق
و اذا كملت أخاف أسدح كل أبو الفيلم هنا
و التقييم لو فيه أكثر من عشرة على عشرة كان عطيته

بس أسوأ ما في الفيلم هذيك المحامية اللي بالحفلة
قالت له أنا رئيستك
ما حبيتها
لا هي و لا عائلتها


لو انتم مكان تيد .. وش بتكون ردة فعلكم ..؟

مدري والله وش ممكن أسوي وقتها ..
لأن لازم أعيش إحساس الخيانة و الغدر
بس ممكن أطربق الدنيا فوق دماغه
أزعق .. أهاوش .. أطق

بس ما أظن و مستحيل تكون ردة فعلي مثل تيد
ما عندي برود أعصاب مثله

رأيكم في الموضوع ..؟
التنسيق بايخ .. شوفوا غيره ..

طريقة الكتابة
..؟
الأسلوب ..؟
السرد ..؟
الكاتب شخصيا ..؟


بالعكس التنسيق أعجبني
و لو أن الخط كبير حبتين
و أنت ليه دايما يؤرقك التنسيق ؟؟

و أسلوب عرضك للفيلم كنت موفق فيه
فيه تغيير عن الشكل المعتاد

و الكاتب أقوله ألــفـــ مبــروكــــ التثبيت
أمتعتني بموضوعك
لأني أول مرة أكتب رد بهالطول
( احسب الردين مع بعض )


تسلم و دمت بخير

.
.





 

 

يا قلبس غير متواجد حالياً
Facebook Twitter 0
إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع

مواضيع ذات صلة
الموضوع الكاتب القسم المشاركات المشاركة الأخيرة
It's 19 October, let's find who's birthday is today ? : { Scorpiofull } : منتدى الفن الغربي 24 19-10-2007 08:38 PM


الوقت المعتمد في المنتدى بتوقيت جرينتش +3.
الوقت الان » 07:52 PM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2019, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017