[لوحة فنية]

الله يعطيكم العافية يابنات
افكاركم حلوة
احنا من الصبح نروح البيت الكير بيت جدي وكل العايلة تجي وتهني وتبارك وبعدين بعض البنات يوزعون حركات للاطفال حلويات ولعب وبس

[قراشـيع]

موضوع روووعه وجا في ووقته

احنا طريقتنا في كل سنه بليلة العيد ليله خاصه بالعائله ..
كل واحد ووحده يجيب هدايا للباقيين ..
ونجتمع من بعد صلاة العشاء ونتبادل الهدايا يعني كل واحد يجيه هدايا من الكل ..
وبعدها ابوي يعطينا الكلمه الملكيه
وبعدها نتعشى وطبعا ميزة عشانا ان كل واحد يسوي شي (ممنوع الجاهز)
حتى خواني كل واحد يطبخ شي وبجد لها متعه لاننا كل العصر بالمطبخ كلن يحوس لحاله
خلصنا عشاء نبدا بالرقص والهبال واحيان نسوي مسابقات للصغار ..
واهم شي المكان مليااان بالونات وهذا تخصص الصغار هم المسؤلين ينفخونها ويعلقونها ..
بس مررره وناسه

في سنه من السنوات خليناه تنكري
تخيلي اربعه من الصغار سوبرمان خخخخخخ
بس احلى شي هم جايبين شخصيات تزنن
اللي تنكرت على شكل سندريلا
واللي طباخه << هذي توهقت مالقت شي ولبست مريله وقبعه ودخلت بالملاس
واللي حاطه جديلتين وتعلك علك وروج احمر مالي وجهها
واللي متبرقعه ولافصخت عبايتها<< هذي تووحفه
ووحده لابسه يونيفورم شغالات
واللي لابسه اسود وقبعه ومعها عصا مكنسه يعني ساحره
واحد من اخواني لابس جلد×جلد خخخخ ونافش شوشته كأنه من الثمنينات
كااان جو هبااااال وفله ضحكناواستهبلنا

يوم العيد تقليدي مثل اي اسره سعوديه
بعد صلاة العيد نستقبل اللي يعايدون .. وعلى الضحى كذا نطلع حنا للكبار نعايدهم ..
بالليل نطلع مع عمامي باستراحه (وطريقتنا كل سنه على عائله)
ويكون فيها رقص ومسابقات ووناااسه ونجلس لحد الفجر ..
ثاني العيد مع خوالي بس مشترطين من كم سنه انه عيد شعبي وممنوع اي لبس غير الجلابيات سواء كبار او صغار
والاكل الشعبي على الامهات والشابات يسوون خفايف مع العشا وبعضهم يسوون حلى
واللي عليهم الاستراحه مايسوون شي غير تنسيق المسابقات وجوائزها ..

طبعا الكل يجي من كل حدب وصوووب وهذي حلاة العيد انه لمّه

[بندورة]

الله علليك ياامطررت مووضووع ولالااروع

احنا عيدينا عادي ماافيه شئ جديد بس من كم سنه
اختي الكبيررره صاايره تسوي لنا مسابقات وتجيب هدايا وتحط مجلس ذكر ويسسون حرركه مرره حلوه
يووزعون ارقام ويسحبوون رقم والجائززه تكون عباره عن هديه ماديه(عاد انت وحظك ريال او ميه او خمس ميه)
ووفيه امي الله يحفظها لززم تووزع العيديه على البززران والي عبارره عن خمسات او عشرات وللزم تكوون جديده
ووووو ااشياء كثيرره بس ملينا منها السنه راح نفكر بشئ جديد
نسسيت اقوولكم وواهم شئ اغنييه العيد
الي كل سنه نغينيها
ياعيد ياعيد هيه هيه
انورراك هلت عالدنيا وطلت
هيه هيه
وهيه وهيه
وععاد البزرررران انوواع الا نبسااط
عندي طللب

ابغااكم تسااعدوني باسئله لالاجتماع عائلي في يوم العيد علما بان يكون لكل سؤال تعليق مناسب سوواء كاان ثقافي او اجتماعي


ولكم تحيياتي

بندوووووورة

[Fa$hioNi$ta]

::
::



أمطـــــــــــــرت






موضوع بطل وجاي في وقته

نتبادل فيه افكار عشان يصير عيدنا غير

<< كل عيد نفس اللي قبله وسبحان الله طفش









مثبت وراجعه لك ولافكار البنات




::
::

[sun&moon]

ومن العايدين

ومن العايدين

إن شاء الله
ومن الفايزين

ومن الفايزين

إن شاء الله

أحباب أحباب أحباااااااااب

أصحاب أصحاب أصحاااااب

جايين يهنوا فرحانيييييييييين

<--- أنواع الكآئبه



انا بالنسبه لعيدي تقليدي جدا

أروح لأهل زوجي بعد صلاة العيد واخذ معاي صينية تشوكليت <-- ماتحب تدخل وايديها فاضيه

بعدين ناكل الرز واللحمه واوزع بعدها عيديات الأطفال

على آذان الظهر ارجع لبيتي وانام

اذا جا بالليل اروح اسلم على اهلي

بالنسبه لأهلي يكون مافي بيتهم احد لأن كل حريم اخواني تفرقوا وراحوا لأهاليهم

أما لما كنت بـ بيت اهلي

كنت اسوي مسابقات للكبار واوزع عيديات على الصغار واوزع ورود طبيعيه على الكبار..


وسلامتكم

[.. [ حُـرّه ] ..]

:
:
:

" الافكار مرهـ حلوهـ .. تحمسون للعيد "

:

انا كل عيد ..
أجيب سلة "ورد" على عدد عائلتي واحفادنا ..
واحطها على طاوله بالمدخل مزينه بمفرش وجنبها "دفتر" حلو
كل واحد ياخذ وردته ويكتب شي ويوقع بالدفتر ..
وبعد ما يخلصون كلهم .. اجيب لهم دفتر العام الماضي نقرا ونضحك

\

من كم سنه .. طايحين بحركه ..
قبل العيد بيومين .. تجتمع العائله وافرادها ولحقاتهم
نكتب اسماءنا بورق صغير .. ( خواتي واخواني وازواجهم وزوجاتهم )
اسماء البنات بسله \ واسماء الشباب بسله
وكل قروب يسحب اسماء القروب الثاني ..
ويجيب هديه للاسم اللي يطلع له .. الهدايا اختياريه
ونفتحهم يوم العيد بالليل \ كل قروب لحاله ..
احلى شي ردات الفعل ومفاجآت الهدايا


\


موضوعك أكهـ

[دلع بسنع]

وااااااو وناسه عيدكم امــطرت

اول يوم العـــيد ممـــــل عندنا
احنا عيدنا الصبح نروح لبيت جداني وسلام وعل الساعه عشر يحطون لك هالتباسي

بس حراااام ما احد ياكل والظهر كلن يروح لبيته وينام

وثاني يوم نطلع لإستراحه وتوزيع عيديات وقرقيعان... بس موب كلن يجيب
وقهوه وخرابيط... وعشا كلن يجيب او نطلب من برا

اجيب افكار بس ما احد يحمس ولا احد يهتم معاي <<< ماحولك احد

(بحاول احمسهم هالسنه)

[الانسة قشطة 00]

هالموضوع اهداء لبنات عمي نسوي اكشن

[عمشـى]

وآآآهـ ..

جاتني الصيحه ..اول مره راح اقضي العيد بعيد عن اهلي وصديقاتي وهـواء الخبر وشوارعها

انا بـ كوالامبور للدراسه وقرادة حظي قطتني منااك

مايعطلون الا لـ يوم العيد بس يعني دراسه كرف الين ليلة العيد ../بس قولوا يارب يكون العيد الجمعه ومع الويكند السبت والاحد يمشي الحال .. مافي الا انا وخالي مشاهدين بعض هناااااك على الله ان جـاوا اهلي على قولتهم احتمال يقضون العيد عندنا والا اذا مانفع شكلنا بنـونس روحنا بـ روحنا بنـأجز يوم من عندنا ومع الويكند ويوم العيد نطلع لنا شي ديره قريبه "كوريا-الصين- اندونيسا الي هـــو "
ولانقعد كذا حاطين يدينا على خدنا

بس تصـدقون الاجواء عندنا .. مااقولكم مب حلوه حاسين بأجواء رمضان بماانه عايشين بشارع العرب "بوكيت بنتانغ" والمساجد حوولنا وصوت صلوات التراويح والقـيّام ..
واشوف الماليزيات هنااااك "المسلمين طبعا " يتشرون للعيد مشترياتهم بسيطه
مب حنا نخم السوق خم ومتشوووقه اشوف العيد عندهم كيف لي كم سنه هنا ولامره عيـّدت عندهم

//

امــا عن السنوات الي راحت عيـدنا دايم الجمّعه تكون عندنا ع اساس انه ابوي كبير العـايله
ويجونا قرايب ابوي وتكون الصبـاح طبعا مب انه مواصلين متعودين على رمضان ..يكون النهار والغدا كله عندنا,,
وينكـتون علينــا أمة الصــلاه جماعة ابوي لااله الالله قبيـــله كامله

والعصريه نأخذ لنا شي قيلوله والليــل تبدأ الجمعـّه مره ثانيه عندنا اللي هم" قرايب امي "<<هذا اول
بس من بعد ماتوفت الوالده صرت جمعـّة الـخوال عند خــــالتي


وثاني يوم الصباح والعصر نبـدأ المساير على صديقاتنــا ,, وبالليل نطلع مع الاهل الشـاليهات اذا بعيد الفطر ..
واذا صادف عيد الاضحى ومع البــــرد من صباح ثاني العيد نطلع لمسـقط رأسنــــــا " البـــــــر والمخيمات "


..يعطيـــك العــافيه على موووضوعك الرووووعه ..ع الاقل الكل يأخذ افكار الثاني ع الاقل نكسر الروتين السنوي

[flawless]

موضوع بطل

بسرعه مرت الايام

لا لا ما بي يخلص رمضان



عيدنا تقليدي جدا

الصبح يجون يعيدون علينا الصغار و انواع الفله معاهم

نسولف معهم و نصورهم


على الساعه 12 نروح بيت جدتي و نقعد معها و مع زوجات خوالي

و بناتهم

نرجع بعدها البيت نتغدى غداء العيد

( الرسمي )

عيش و لحم و ملتزماته دهن بقر لااااااازم

بعدها نقعد مع بعض سوالف و .. و..

على المغرب يزورونا خوالي << يا هلا بالعيادي

بعد العشا نونس الصغار نوديهم يشتروا العاب بعياديهم

نشرتي العشا من مطعم و نرجع البيت



تقليدي بس احس لو تغير ما بحس بطعم العيد

الله يخلينا لبعض

لصاحبة الموضوع