منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الفنية > منتدى الفن الغربي
التسجيل التقويم التأشير على جميع الاقسام بالمشاهدة




إغلاق الموضوع
 
أدوات الموضوع طريقة عرض الموضوع
قديم 12-08-2007, 11:46 AM   #1
München
من كبار مميزين الفني
 
الصورة الرمزية الخاصة بـ München
München فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحب
ما عندي لك الا ذا .......... Rescue Dawn ..........



( ديتر ) .. الألماني المولد .. شخص كان هوسه هو الطيـران , كان يبغى يكون طيـّـار باي وسيله ,
و بدا عشقه للطيران من ايام وهو صغير .. يوم كانت طائرات الحلفاء تحلق فوق مدينته .. ( ويلدبرغ ) .. في منطقة الغابات السوداء في المانيـا ,
وكان يشوف هالطائرات الحربيه من خلال نافذة غرفته .. من هنا بدأت حكاية عشق الطيران .. لدى ديتر

.
.
.
.

بعد الحرب بـ اعوام في ألمانيـا .. كانت هناك فرص قليله للالتحاق بـ برامج .. تعلّـم الطيران لـ المبتدئين ,
والتحق بها طبعـًا وما فوتها .. وبنفس الوقت .. اشتغل كـ مصلح للساعات لـ سد احتياجات أسرتـه .. الفقيره نوعـًـا ما ,
وكان ذاك البرنامج لـ تعليم الطيران للمبتدئين .. اول تجربه لـ ديتر في حياته .. كـ طيـار

.
.
.
.



في عمر الـ 18 , ديتر انتقل الى أمريكـا .. وفي باله ( حلم الطيـران ) ,
و راح تحديدًا الى نيويورك .. وعاش في شوارع مانهاتن لمدة اسبـوع تقريبـا .. مثل الـهوملس ,
و بعد هالاسبـوع .. ديتر زهق من هالعيشه .. و قال في نفسه :
( سلامات , انا جاي اتشرد هنا ولا عشان اصير طيار ؟ لازم اشتغل على روحي و اسال عن الاماكن اللي يحتاجون فيها طيارين .. او بالاحرى اماكن تطور وتنمي عندي موهبة .. او بالاحرى عشق الطيران ) ,
فـ الحبيب ديتر سال و سال .. و قالوا له رح تكسـاس , و تحديدًا سان انتونيـو ,
لان هناك .. مبتغـاك

.
.
.
.



و راح ديتر لـ تكساس .. وتعلم المبادئ الاساسيه بالطيـران ,
لكن .. آل اليه الحال الى نهايه مدري وش تبي ,
صار يقطع بطاطس في مطبخ مركز السلاح الجوي في سان انتونيو ,
و قعد سنتين يقطع في هالبطاطس و يقشّر فيه .. ولا حتى قرّب جنب اي طياره ,
كان وضعه ما يسمح له .. بما انه ألماني .. و ليس امريكي .. بذاك الوقت

.
.
.
.

بعد سنتين مليئه بالبطاطس وقشور البطاطس .. قال في نفسه /
( يا جماعه ماهيب عيشه ذي , داق مشوار من المانيا لين امريكا وحلمي اصير طيار واسوق طياره .. وآخرتها اقطع بطاطس ؟ لالا هالكلام ما ينفع .. لازم اسوي شي جديد .. ينفعني .. و يرضي غرور احلامي ) ,
و فعلاً .. قرر يدخل الجامعه , لكن ما قدر يدخلها ,
يوم سالهم ليه ؟ قالوا له انت كمل ثانويتك بعدين تعال و قل ابي ادخل جامعه !
قال ايه طيب , و فعلاً .. كمل كم سمستر بالثانوي ... و دخل الجامعه بـ بعثة المدرسه الثانويه اللي درس فيها ,
لانه كان مجتهد و درجاته زينه , ألمانـي ما يلعب ,
و دخل الجامعه .. و واصل اجتهاده .. وطبعا كان يشتغل بنفس الوقت ,
و قدم على الجنيسه الامريكيه ... و خذها و صار امريكـي ,
من هنـا .. نقدر نقول ان ديتـر .. حقق نصف حلمه

.
.
.
.




 

 

München غير متواجد حالياً
Facebook Twitter 0
قديم 12-08-2007, 11:49 AM   #2
München
من كبار مميزين الفني
 
الصورة الرمزية الخاصة بـ München
München فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحب
رد : .......... Rescue Dawn ..........


.
.
.
.




.
.
.
.
.
.
.
.
.

_____________________________________



/ ( ديتـر )


/ ( دويـن )



/ ( جيـن )


_____________________________________

.
.
.
.
.
.
.




 

 

München غير متواجد حالياً
Facebook Twitter 0
قديم 12-08-2007, 11:50 AM   #3
München
من كبار مميزين الفني
 
الصورة الرمزية الخاصة بـ München
München فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحب
رد : .......... Rescue Dawn ..........

.
.
.
.
_______________________________________




ديتر انضم الى قوات امريكا الجويه في الحرب ضد فيتنـام ,
و طبعـًـا دوره هو ( طيـّـار حربي ) .. وبذلك فـ هو حقق حلمه بالطيـران .. أخيـرًا

.
.
.



و كان بالطبـع .. من ضمن طاقم الجنود الأمريكـان على حاملة الطائرات الحربيه بالقرب من فيتنـام ,
و في صباح الأول من فبـراير .. خـوّل ( ديتر ) و بعض من الطيارين .. بـ مهمه على احد المناطق الفيتناميـه ,
و كـان ديتـر في عامـه الـ 28 في تلك السنـه ( 1966 ) ,
و تلك المهمه .. كانت أول مهمـه رسميـه لـه

.
.
.



ديتـر قبل تنفيذ المهمه .. قال لـ اصدقاءه الذاهبين معه بنفس المهمه :

( stay out of trouble, and come back in one piece, good luck )

( اسمعوا يا شباب .. لوحوا القنابل و هجوا بسرعه , سووا شغلكم سريع سريع و ارجعوا وانتوا مافيكم الا العافيه .. فاهمين ؟ يالله .. موفقين و شدوا حيلكم )

.
.
.



وانطلقت الطائـرات الحربيه الاربع في مهمتهـا ,
اعتقدوا إنها سهله .. هل فعلاً كانت سهـله ؟

.
.
.



ديتـر كان متشقق من الفرحه وقتهـا ,
الفرحه الممزوجـه بـ الفخر .. وبإنه أخيرًا .. حقق حلمه المنتظـر
ديتـر الآن .. طيـّـار .. مثل ما كـان يحلم .. من أيـام طفولتـه في ألمانيـا

.
.
.
.
.
.
.

و مـع إطلاق القنابل على الأراضـي الفيتناميـه المقصـوده ,
تكاثفت النيـران .. و الأدخنـه .. وحدث ما لم يكن بالحسبـان !



بدأت اجنحة الطائره الحربيه بالتكسـر !
وكانت تلك التي يقـودها ديتـر

.
.
.



و بدأت تتهاوى .. إلى أن هبطت بنيرانهـا على أرض فيتنـام ,
ديتـر .. قبل اصطدام الطائره بالارض .. قفز و نجـا

.
.
.



نجى من انفجار الطائره ..
ديتر الآن في الاراضي الافيتناميـه .. !



مجموعه من المواطنين الفيتناميين .. رأوا الانفجار .. و لمحوا ديتر ,
و بدأت المطـارده فيما بين الحشائش الطوويله ,
لحظـات صعبه على ديتـر

.
.
.



نجح بالتخفـي ..
اختفى لـ فتره ..
و بدا الآن بالبحث عن طريق للرجعه ,
خصوصا أنه الآن في أمن .. مؤقـت



يحاول ايجاد اي مروحيه امريكيه تمر ..
لابد من الهرب بـ اي طريقه .. و بـ اسرع وقت ممكن !!

.
.
.

حاول و حاول ..
لكن لم يأتي شيئ مبشـّر ,
اختفى لـ فتره بين الفيتناميين ..
لكن هل يختفـي لـ الأبـد ؟



.
.
.



بالطبـع لا .. لازم يلقونه يعني

.
.
.



عندما احضروه لـ زعيمهم ..
حاولوا يوقعونه على وثيقه تدين امريكا و حربها عليهم ,
وعند توقيعه .. سيتم اخلاء سبيله ,
لكنه رفض بشكل قاطع !
قال ( انا لم آتي للحرب بالاصل .. انا فقط اردت الطيـران ,
ولن اوقع بـ شيئ يدين البلد الذي اعطاني .. أجنحـه .. بالطبـع لا
) ,
كانت شجاعه منه .. كانت وفاء منه ..
عرقه ألمانـي ما يستغرب منه هالشـي



.
.
.



و عذبـوه .. وسحبوا فيه على الارض ,
و ربطـوه على الارض ..
و راسـًا على عقب .. من على الشجره ,
و ربطـوا اعشاش النمل عند راسه المقلـوب ,
و ربطـوا براعم الخيـزران تحت اظافره .. وجلده ,
و اغرقـوه بـ بئر .. على شكل تعذيبـي ,



.
.
.

بعدها , ذهبوا به الى المعتقل البدائي ,
وسجنـوه هنـاك



.
.
.

و التقى بمجموعه من السجناء .. الامريكان منهم .. والآسيوين الآخرين /



و هنـاك .. التقى بـ جين ... الجندي الامريكي المعتقل .. اللي واضح ان نفسيته تعبت من جد هناك /



جين .. شخص عزيمته احبطت .. و آماله بالخروج من هذا السجن .. اصبحت معدومه

.
.
.



دوين .. جندي امريكي آخر .. لكن بقلبه قليل من الأمل .. الميت نوعـًا ما ..
لكنه غير راضخ كليـًا للوضع الحاصل .. على عكس جين

.
.
.





دوين و جين .. قالوا لـ ديتر و بيـّنوا له اول ما جا /
( اسمع يا ديتر .. طلعه من هنا ترى منتب طالع !
لا تسوي لنا فيها بطل وبتهرب .. ترى ان طلعت .. ما بتطلع من السجن ..
انت بتروح للسجن نفسه ! الغابه اللي برى هي السجن يا ديتر !
ما بتقدر تمشي امورك من دون ماي او اكل , غير كذا الحيوانات المتوحشه !
غير كذا الفيتناميين المنتشرين .. ارضهم و مكانهم ... بتختفي لين متى ؟
خلك هنا قاعد تحت عيونهم .. احسن لك ... واذا عندك امل بالرجعه ...
خل املك بـ مجيئ المروحيات الامريكيه .. ولا قتلت هالفيتناميين .. وقتها يصري خير وقل هالحينن وقت الرجعه
)

.
.
.



كلام جين و دوين فيه شيئ كبير من الصحه ,
خصوصا ان وقت نزول الامطار بعيد وماهوب هالوقت من السنه ,
يبغى له عل الاقل ست شهور !

.
.

لكن .. ديتر وش كان يفكـر به ؟
قال اوكي خلاص .. يصير خير .. توني جاي خلوني اخلص ليلتي الاولى على الاقل ..



.
.
.



الحاله صعبه ,
هالمره ياكلون بقايا الرز ,
فيه مرات قدموا لهم حشرات حيـّـه !

.
.
.




على الرغم من المصاعب ,
على الرغم من النوم ويدينهم مربوطه مع بعض ,
و اقدامهم محكمة باخشاب ,
الا ان الصداقه .. انزرعت بينهم ..



عملوا مفاجاه بسيطه لـ ديتر ,
يحتفلون بـ عيد ميلاده ,
بـ بساطة ماعندهم ..



دوين ممكن يكون اكثر شخص كان قريب لـ ديتر ,
توطدت بينهم صداقه عميقه ,



و اللي يحب الحياه .. بيحبها تحت كوخ .. وحوله فيتناميين مجانين .. عادي

.
.
.
.



فكرة الهروب .. ما زالت في عقل ديتر ؟
كيف ؟ وش الدبره ! وهم بالليل مربوطين !
وبالنهار .. الفيتناميين اللي عند الاكواخ ( السجن ) .. باسلحتهم حاضرين ,
و كيف اصلا بيقنع بالهروب شخص عقله محجّـر مثل جين ,
لان جين يقول /
( هرب مانيب هارب .. بتهرب اهرب بروحك .. واذا هربت بروحك .. او اي احد معك ..
بيذبحون الباقي اللي ما هربوا .. يعني مانيب مخليك تهرب اصلا ..
واذا حاولت تهرب .. بصرخ لين يجونك ويمسكونك !
)



.
.
.



و تتوالي الأحـداث .. و ديتر تتوطد علاقته مع دوين اكثر و اكثر ,
دوين مهزوز شوي .. لكن ديتر يوعده ويفرحه بالآمـال

.
.
.





_______________________________________

.
.
.
.




 

 

München غير متواجد حالياً
Facebook Twitter 0
قديم 12-08-2007, 11:52 AM   #4
München
من كبار مميزين الفني
 
الصورة الرمزية الخاصة بـ München
München فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحبMünchen فوق  هام السحب
رد : .......... Rescue Dawn ..........

.
.
.
.

قصة الفيلـم حقيقيـّـه ,
و حدثت لـ dieter Dengler /



.
.





___________________________

.
.
.
.
.
.
.



.
.



( ديتـر ) // Christian Bale

( جيـن ) // Jeremy Davies

( دويـن ) // Steve Zahn


.
.

من إخراج الألماني المبدع اللي مولود في ميونخ /

Werner Herzog



.
.
.

________________________


(( هذا مو فيلم حرب عادي .. افلام الحرب عادة ً ينزهق منها ,
بس هذا لا .. بالنسبه لي اشوفه فيلم حرب .. ممتع ,
ومقارنه مع افلام الحرب الاخرى .. اشوفه بسيط ومو متكلف كثير ,
لكن .. وصل رسالته بشكل رائع .. واحلى مافيه .. انه من قصة مذكرات جندي ,
فيلم يحكي عن قصة طيار امريكي اثناء حرب فيتنام ..
سقطت طيارته و نجى .. و مسكوه الفيتناميين و حبسوه ,
و التقى مع مساجين آخرين .. بعضهم امريكي .. والآخر لا ,
ما حبسوهم بـ سجن .. حبسوهم في كوخ .. داخل معسكر بسيط ,
يحميه عدد ما يكثر عن 7 فيتناميين مسلحين ,
الفيلم رائع .. رائع ... استمتعت فيه بشكل غريـب ))
^
كنت بكتب هالكلام بالنادي يوم شفت الفيلم ..
بس قلت اسوي فيه موضوع احسن
لان حبيت الفيلم جد .. واشوفه فيلم قوي قوي
واتمنى الكل ما يفـوّت هالـروعه بالفيلـم
.
.
.

Rescue Dawn
نزل لاول مره في 2006 ,
و نزل بشكل اوسع في امريكا قبل اسبوعين في 27 جولاي ,
تجاريا ما نجح كثير .. لكن يبقى فيلـم رائـع ..
الفيلم مو عن حرب فيتنام .. ولا عن تلميع صورة امريكا بالحرب ,
الفيلم عن قصة أمل .. أمل بالحياه ,
قصة صداقه .. قصة وعد ..
الفيلم .. قصـة حيـاه

--

رسالة الفيلم من خلال ما فهمت ..
مهما حدث .. يبقى الأمل دافـع كبيـر





.
.
.
.
.
.
.
.
.
.




* شكر كبير لـ الذهبي ( نجـدي ) .. على الساوندتراك اللي تعبت وانا ادوّره .. وهو جابه و ما قصـّر *



 

 

München غير متواجد حالياً
Facebook Twitter 0
قديم 12-08-2007, 12:23 PM   #5
Flight
من كبار مميزين الفني
 
الصورة الرمزية الخاصة بـ Flight
Flight فوق  هام السحبFlight فوق  هام السحبFlight فوق  هام السحبFlight فوق  هام السحبFlight فوق  هام السحبFlight فوق  هام السحبFlight فوق  هام السحبFlight فوق  هام السحبFlight فوق  هام السحبFlight فوق  هام السحبFlight فوق  هام السحب
Talking رد : .......... Rescue Dawn ..........



أول رد..

ميونخ (الباشا) .. كيفك؟



أشوفك طايح بالمواضيع..


ما شاء الله.. طرحك لــ قصة الفلم أكثر من رائع


عاد أنا أحب أفلام الحروب..


بس هذا أول مره أسمع فيه


طبعا دام القصة ألمانية .. أكيد أنت لازم تعرفة


وشكله الفلم حلو..

ولا a True Story


يعطيك العافية ..



 

 


اخر تعديل كان بواسطة » Flight في يوم » 12-08-2007 عند الساعة » 01:01 PM.
Flight غير متواجد حالياً
Facebook Twitter 0
قديم 12-08-2007, 12:40 PM   #6
Yunha
من كبار مميزين الفني
 
الصورة الرمزية الخاصة بـ Yunha
Yunha فوق  هام السحبYunha فوق  هام السحبYunha فوق  هام السحبYunha فوق  هام السحبYunha فوق  هام السحبYunha فوق  هام السحبYunha فوق  هام السحبYunha فوق  هام السحبYunha فوق  هام السحبYunha فوق  هام السحبYunha فوق  هام السحب
رد : .......... Rescue Dawn ..........



ثـــــانــــي


مرررة احب افلام حرب فيتنام واليابان
خاصة اذا صار فيها سجن وهرووب من العدو

إقتباس »
الرسالة الأصلية كتبت بواسطة München »

.


مجموعه من المواطنين الفيتناميين .. رأوا الانفجار .. و لمحوا ديتر ,
و بدأت المطـارده فيما بين الحشائش الطوويله ,
لحظـات صعبه على ديتـر

.

احسن احسن << متعاطفة مع الفيتنامين الضعوف

نسيت نفسي وانا اقرا لحد ماوصلت هالنقطة ووقفت اخاف اخرب علي




خخخخخخخـ
هذا ذاب خشته في كل فيلم ومسلسل

الظاهر محد راضي يضفه مرة يابابني ومرة صيني والحين فيتنامي


بصراحة موضوعك ابداع كالعادة
مرره حمستني للفيلم و ان شاء الله رح احمله قريب

سؤال :
الحين من جدك يعني تحب الألمان ؟



 

 


اخر تعديل كان بواسطة » Yunha في يوم » 12-08-2007 عند الساعة » 01:15 PM.
Yunha غير متواجد حالياً
Facebook Twitter 0
قديم 12-08-2007, 12:52 PM   #7
أكثر واحد
عضو متميز ونشيط
أكثر واحد التقييم رايح وطيأكثر واحد التقييم رايح وطيأكثر واحد التقييم رايح وطيأكثر واحد التقييم رايح وطي
رد : .......... Rescue Dawn ..........



ألحين بالله من جد من جد يعني ما عمر احد قال لك انك دافور ؟؟

ماشاءالله الله لا يضرك مواضيعك كل واحد احلى من الثاني ،،

والله يا حبيب ألبي أنا قريت لين حسيت اني طبيت بالعميق وخفت أخرب على نفسي قصة الفلم ،،
عشان كذا قعدت اتفرج على الصور ،،
لكن كل ما اشوف صورة اقول وش قصتها يا ترى ؟؟
ثم اقرا الكلام اللي تحتها وآخر شي اكتشتفت اني قريت الموضوع كله الظاهر ،،

منك لله يا ميونخ وش هالاسلوب ،،

أنا من عشاق أفلام الحرب وأكثر واحد يفت فيها ،،
حتى إذا تبي إسألني فيها ،،
وبصراحة متحمس لهالموفي ويوم شفتك كاتب عنه قلت القلوب عند بعض وهذي يمكنها Sign <

بس فيه شي يقهر بأفلام الحرب حقت هولييود :
أغلبها تحاول تظهر الأمريكان انهم حبيبين وانهم ما يبون الا الخير واللي أمريكا قاعدة تحاربهم انهم وحوش
وهمجيين ،، وان الجندي الأمريكي دايم ما يسوي الا الشي الصح وما عمره غلط ابد ،،


وش ذا ،،

ميونخ حبيب ألبي << لا يشوفنا فؤاد
يسلمو على هيك مواضيع ،،





 

 


اخر تعديل كان بواسطة » أكثر واحد في يوم » 12-08-2007 عند الساعة » 01:45 PM.
أكثر واحد غير متواجد حالياً
Facebook Twitter 0
قديم 12-08-2007, 01:09 PM   #8
عاشق ماجدونا
منتوف ريشه
عاشق ماجدونا فوق  هام السحبعاشق ماجدونا فوق  هام السحبعاشق ماجدونا فوق  هام السحبعاشق ماجدونا فوق  هام السحبعاشق ماجدونا فوق  هام السحبعاشق ماجدونا فوق  هام السحبعاشق ماجدونا فوق  هام السحبعاشق ماجدونا فوق  هام السحبعاشق ماجدونا فوق  هام السحبعاشق ماجدونا فوق  هام السحبعاشق ماجدونا فوق  هام السحب
رد : .......... Rescue Dawn ..........

الابداع .... يا اخي ايش اقول عنك


اخ على المموضوع بصراحة ..... فلم رائع ... ما شفتة بس شرحك روعة خلاني اتشوق لشوفتة



بصراحة ابدعت تسلم يمينك ميونخ .... الفلم باين علية روعة ..... وانتبة تراهم المان ... وه يا قلبي وه بس


يعني نظرية التلميع انسى .... سبق وتكلمنا انا وانت عنها قبل ...... يا اخي يكفي اني اشوف موضوع


من اعدادك وتنسيقك ... (( نجدي )) تسلم ما قصرت


الفلم ببساطة شي حلو .... الامل والتعلق بقشة الامل .... يمكن اننا نطلع من هنا ... والنكهة المانية ذي تكفي



اتمنى اشوف الفلم قريب ..... دام ما فية تلميع ومهايط زايد ........



تسلم على هالتحفة الالمانية



 

 

عاشق ماجدونا غير متواجد حالياً
Facebook Twitter 0
قديم 12-08-2007, 01:15 PM   #9
Tavi
من كبار مميزين الفني
 
الصورة الرمزية الخاصة بـ Tavi
Tavi فوق  هام السحبTavi فوق  هام السحبTavi فوق  هام السحبTavi فوق  هام السحبTavi فوق  هام السحبTavi فوق  هام السحبTavi فوق  هام السحبTavi فوق  هام السحبTavi فوق  هام السحبTavi فوق  هام السحبTavi فوق  هام السحب
رد : .......... Rescue Dawn ..........


ميتيــن عليـك يومـك تقوليـن برب ..

مـن يـوم مـا شفـت فيـلم ليـونـاردو ..
The Aviator ..
وأنـا أهوجـس بالطيـاريـن ..
أخـاف عليـهم مـرة ..
< ..
بـس اللـي لفت نظـري هنـا انـه طيـران حـربي ..
عـاد أنا وأفـلام الحـروب ..
أحييييييييييك ..


أغـدي هيلكوبـتر ..
حـرااام ..





لا صـراحـة مهـب مخلـص كرتـون المنـديل و أنا أناظـر أبـد ..

إقتباس »
عملوا مفاجاه بسيطه لـ ديتر ,
يحتفلون بـ عيد ميلاده ,
بـ بساطة ماعندهم
يـاهي هالأشيـاء مؤثـرة ..


وأنا أقوووووووووول .. !
أنـاظره يمين ..
يسـار ..
وشذا أعـرفه ..
قلـت يمكـن يشبـه اريك بانا شـوي ..
في الأخير طلع Christian مـا غيـره ..

München ..
بدّعتــا ..



 

 


اخر تعديل كان بواسطة » Tavi في يوم » 12-08-2007 عند الساعة » 01:39 PM.
Tavi غير متواجد حالياً
Facebook Twitter 0
قديم 12-08-2007, 01:29 PM   #10
نـجـNajdiـدي
من كبار مميزين التقنية و الاتصالات الحديثة
 
الصورة الرمزية الخاصة بـ نـجـNajdiـدي
نـجـNajdiـدي فوق  هام السحبنـجـNajdiـدي فوق  هام السحبنـجـNajdiـدي فوق  هام السحبنـجـNajdiـدي فوق  هام السحبنـجـNajdiـدي فوق  هام السحبنـجـNajdiـدي فوق  هام السحبنـجـNajdiـدي فوق  هام السحبنـجـNajdiـدي فوق  هام السحبنـجـNajdiـدي فوق  هام السحبنـجـNajdiـدي فوق  هام السحبنـجـNajdiـدي فوق  هام السحب
رد : .......... Rescue Dawn ..........


.
.
تقريـــر رائــع اخوي "München" ..
احسن ما في الفلــــم هو انه مقتبس من قصه حقيقيه..
وانا اسمتع بهالـــنوع من الافلام ..لانو بيزيد حماس المشاهد..
لمعرفه قصـــه جرت احداثها فعلا..وليس من نسج الخيال..
طبعا افـــــلام الحرب الامريكيه الفيتناميه كثيره..
لكن اللـــي شدني في الفلم كلامك عنه ..وانه فلم فكرته مختلفه ..
ويبتعد عن تلميع صوره امريكا بهالحرب ويركز علي معاناه شخص..
ويقدم حكمه وفكره بلاخيــــــــركما قلت ..انه "مهما قست عليك الحيــاه..يبقي الامل
هو الدافــــع الوحيد لك للبقاء " حكمه اطبقها علي نفسي دوما..كل يوم

الفلـــــــم اخذ في موقع imdb ..من حيث التصويت
8.2/10
انا شخصيا اعتبر هذه النسبه للفلم ..في هذا الموقع
انه فلـــم جدير بالمشاهده فعلا..

شكرا لك لتعريفنا بالفلــــــم ..انا ما كنت اعرفه حقيقه
وبموضوعك زدتنا شوق وحماس للمشاهده..

تحياتي لك اخوي..



 

 

نـجـNajdiـدي غير متواجد حالياً
Facebook Twitter 0
إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 04:37 PM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2019, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017