تبين تشترين هديه ومتوهقه؟؟..تعالي وانا امتس

NABDH · 23-05-2007, 02:19 AM

السسسسسسسلام عليكم

الهدايا وماادراك مالهدايا

على قولة فنّانا الكبير راشد الماجدb189

اعذريني يالهدايا
...........................لو هملتك في الزوايا
ماني متحمل اشوفك
..........................واللي جابك مو معايه
===ياتسذبه..ماعجبته وقام يصرّف

كثير منا يتوهقون في مناسبه معينه او زواج او حفل تخرج او عيد ميلاد..مايدرون وش يشترون هديه ..اغلب الهدايا صارت عطورات او ساعات او من هالاشياء التقليديه اللي ملينا منها

انا في الفتره الاخيره...صرت ابحث عن افكار جديده. ..ومميزه.وحلوه بنفس الوقت

فـ حبيت اكتب هالموضوع عشان اقول لكم بعض الافكار اللي عندي
وانتوا كمان قولوا الافكار اللي عندكم عشان نستفيد من بعض

في البدايه..اختي كان عيد ميلادها قبل كم يوم...اشتريت لها ((فستان)) ناعم مرررررره ويجنن من زارا....ورحت محل هدايا حطيته في بوكس وفيه ورد مجفف ....واشتريت كيكة من بيت الكيك ...ورحت محل باتشي واخذت لي كيلو شوكولا .....رحت البيت وحطيت الهديه تحت الدرج..وكبيّت الشوكولاته فوق الفستان ((طبعا الشوكولاته مغلفه مو مفتوحه)) ..ونثرت كم وحده بره ..واخذت 3 شوكولاتات ولصقت على كل وحده بطاقه((كرت صغير))..الاولى حطيتها في غرفتها فوق السرير..ومكتوب عليها((الى احلى اخت بالدنيا ..كل عام وانتي بخير..لاتاكلين الشوكولاته خليها بعدين ..روحي غرفة الكمبيوتر بتشوفين شئ احلى))

وفي غرفة الكمبيوتر حطيت وحده ثانيه مكتوب عليها(( الله من الشفاحه اللي فيتس ..اجل ماصدقتي على الله؟؟ خلي هذي بعد لاتاكلينها...انزلي وشوفي مين في المجلس؟؟))

وفي المجلس حطيت لها الثالثه ومكتوب فيها(( هاه كم كيلو خفيتي؟؟ ..والله انه من مصلحتس لاتعصبين ..وقسم آخر شئ روحي تحت الدرج عندي لك مفاجأه))

تحت الدرج طبعا الهديه والشوكولاته وبطاقه مكتوب عليها((كل عام وانتي بألف الف خير ..وش رايتس بالفستان بس؟؟ ..عرفتي الحين ليش تعبّتك وخليتك تحوسين بالبيت ..عسى يجي مقاستس عاد..))

طبعا نطّيت لها من ورى وانا اضحك ..وراحت لبسته وجبت الكيكه وناديت اهلي عشان نصوّر مع بعض.. ولما خلصنا تصوير قلت لها يالله..الحين كلي لين تشبعين

فكره ثانيه

في عيد زواج ابوي وامي...اتفقنا انا واخواني ان نحجز لهم رحلة لـ مصر لمدة اسبوع ..عشان يعيدون ايام شهر العسل ...طبعا ماقلنا لهم الا قبل6 ساعات من اقلاع الطياره ((ملاحظه: كنّا مهيئين لهم الجو وحسّسناهم ان وراهم سفر ))..طبعا قبل لايروحون المطار جبنا كيكه ومكتوب فوقها بيتين شعر على امي وابوي.......وبعد مارجعوا من السفر حطينا لهم في غرفتهم برواز كبير فيه صورنا حنا كلنا((3 اخواني عاليمين..وانا و2 خواتي عاليسار..وبالنص صوره عائليه ومعنا زوجة اخوي))

فكره ثالثه..

.في زواج وحده من قريباتي..اثناء الزفّه..شغلوا لها اغنيه ((غناء: اختها+اخوها)) ومن كلماته برضو..راحوا استيديو وسجّلوها..مرررررره روعه..وبعدها قصيده بصوت امها..برضو مسجلنها بأستيديو..طبعا العروسه متفاجأه وبنفس الوقت طاااااااايره من الفرح شوي وتبكي ..موقف من جد رووعه ومايتنسى

الافكار كثييييييييره كثييييييييييره.. ...عموما...عندي كتاب (( مع هاديهCHIC))...فيه افكار حلوه بكتبها لكم

هدايا المراهقين والمراهقات

*حساب في المصرف..
*قاموس الكتروني(electronic dictionary)===مااحس له داعي
*((كوبون)) او وصل مدفوع سلفا بمبلغ معين من متجر لبيع القطع الموسيقيه.اذ يمكن ان يذهب المراهق ساعه يشاء ويختار مايريد بقيمة الوصل
*حقيبة للبحر مع منشفه
*هاتف خلوي مع خط===روعه
*مفكره كمبيوتر
*كومبيوتر محمول((لاب توب))
*محفظه نقود
* Ipod او mp3
*ادوات للرياضه المفضله
*ازياء واكسسوارات
*ساعة يد رياضيه
* بطاقات لحضور فيلم جديد في احدى صالات السينما
* بطاقه لحضور حفله غنائيه او موسيقيه لشخصين
*دراجه هوائيه

وبرضو تقدرون تهدونهم دبدوب كبير..وتحطونه في بوكس مع شويّه دفاتر((اللي في سيتي بلازا)) واقلام وميداليات والخرابيط هذي اللي مرسوم عليها شخصيات كرتونيه حلوووه ...أو دبدوب مع اطواق واكسسوارات

^^^^^^^^^^^^^^^^^^^^^

هدايا لشخص عزيز او خطيب او خطيبه او زوج او زوجه

*اشتراك في نادي رياضي===كنّه يقول لها انحفي مانيب طايق جسمتس
*ساعة يد
*اسواره-عقد-خاتم
*ربطة عنق
*محفظه للنقود والاوراق الخاصه
*حماله مفاتيح
*زجاجة عطر
*ازياء جميله
*كوبون او وصل مدفوع سلفا للذهاب الى معهد تجميل
*جهاز dvd
*البسه داخليه
*شال من الصوف او الحرير
*جرذان او حقيبة يد
*كتب او قصص نشرت حديثا
*اشتراك سنوي في مجل او صحيفه مفضله
*ولاعه او قداحه في حال كان الشريك يدخن
*سياره

وبرضو الشماغ حلو يكون هديه لزوجك والا خطيبك

أو ((طيور الحب)) في قفص والقفص مغطّى بالورد

^^^^^^^^^^

هدايا للمناسبات والاعياد

*في عيد الفطر يمكن شراء الازياء الجديده للاطفال..او اعطاؤهم مال لشراء مايريدون
*في عيد الاضحى المبارك يمكن ارسال علب الشوكولا او الحلوى للاصدقاء بعد اختيارها وتشكيلها بطريقه جميله..

هدايا الام والاب والجد والجده

*للامهات تقديم الورود لان ذلك يفرحهن اكثر من أي شئ آخر..وبعد ذلك يمكن تقديم ماترونه مناسبا او تعلمون انهن بحاجه اليه من الاغراض المنزليه..او الكريمات الخاصه بالبشره..وربما ازياء ومجوهرات
*اما الآباء فيجب ان تقدموا لهم اشياء يحبونها كثيرا..او مخصصه لهواياتهم..او تخص السيارات...
*وبالنسبه للجد والجده..ينبغي معرفة مايحبون..لكن هناك شئ يفرحهم اكقر..وهو قضاء بعض الوقت معهم..او الاتصال بهم في شكل دائم..واطلاعهم على مشاريعكم الجديده..او دعوتهم لاحدى المطاعم..

ووووبس

يالله بأنتظاركم حبايبي

كل وحده تجي وتتحفنا بالافكار اللي عندها

طحياطي
نبووضه

شقراويه@شقراويه · 23-05-2007, 02:38 AM

ياحبي لك دوريني عند الهدايا

على قولة ابوي
لويعطس واحد اهديتيه

ياحبي لك فكرت هدية اختك مره جنااااااااااان
ماشاء الله عليك

طيب ممكن سؤال
ممكن اصير اختك لويوم بس عشان تهديني
محدن عطاها وجه من اخواتها يوم تخرجت((

))
الله يخليلي امي وابوي ولاكان تخرجي ونجاحي مايختلف عن رسوبي

NABDH · 23-05-2007, 02:44 AM

شقرااويه

...لتس هديه بما انتس اول وحده رديتي

إقتباس »
ياحبي لك دوريني عند الهدايا
على قولة ابوي
لويعطس واحد اهديتيه

طيب قولي لنا وش الافكار اللي عندتس

دام انتس خبره في الهدايا

إقتباس »
ياحبي لك فكرت هدية اختك مره جنااااااااااان
ماشاء الله عليك

يسلمو يابعدي

إقتباس »

محدن عطاها وجه من اخواتها يوم تخرجت(( ))
الله يخليلي امي وابوي ولاكان تخرجي ونجاحي مايختلف عن رسوبي

ههههه طيب وش الهدايا اللي من امك وابوك

..قولي لنا اياها

ضووء القمر · 23-05-2007, 02:50 AM

نبوووضه

كانك حاسه بمعااانااااتي أبي اشتري هديه لـ امي

وكتبت في الكافيه وماحد عبررني

افكاارك عجبتني

وان شاء الله نشوووف افكار اكثرررر

لك

قوطي دلع · 23-05-2007, 02:53 AM

يااااااااااااااااااااااااااي موضوع حلو احلى من صاحبته<<<<<خربتها

يوم شفت عنوان الموضوع فكيت خشتي من الفرحه لان ودي بافكار حلوه وماقصرتي

حلوووووووووووووووووه حركه اختك الا تهوس بعد

احس حلو للوالد او الزوج هديه قلم (مونت بلاك)

عشقي في القلام
ولادهن عود احس هذا اكثر شئ ابوي ينبسط منه

الام تعليقه الماس اوشنطه تستاهل اوساعه الماس احس الحريم اي شئ فيه الماس

ينبسطون منه يعني خيارات الهديا لهم كثيره

ودي اسالكم وحده عزيزه علي والده ودي اهديه شئ حلو ومو تقليدي لا تقولون تشاكلت لاني ابهديها في المستشفى

ابي بالتفصيل مع طريقه التغليف<<<<<<<<طراره وشراطه

انا احتمال اعطيها فلوس اذا مالقيت فكره اللي تعجبني بس ابي طريقه حلوه للتغليف

ومشكوره على الموضوع

اللي صاحبته احلى منه <<<<<<<<<<اقول ياملحك وانتي ساكته

NABDH · 23-05-2007, 02:59 AM

ضوووووووووء القمر

إقتباس »
نبوووضه

كانك حاسه بمعااانااااتي أبي اشتري هديه لـ امي

وكتبت في الكافيه وماحد عبررني

شفتي شلون قلبي على قلبك

بالنسبه لهديه الام.....اشتري لها اي شئ تحبه..مثلا خاتم..او ساعه..وغلفيها في محل هدايا..وسوي قصيده بأسمها((تشوفين اعلانات كثييييره بالمبوبه او الوسيله لـ قصائد الاعياد والتخرج ووالخ))..حطي الهديه على سرير امك..ومعها ورده...وشغّلي القصيده وطفي النور...وغطّي عيونها ودخليها الغرفه

هذي الفكره اللي عندي

وانشاء الله باقي البنات يفيدونك

حياك الله يابعدي

ماننحرم

NABDH · 23-05-2007, 03:11 AM

قوطي دلع

إقتباس »
يااااااااااااااااااااااااااي موضوع حلو احلى من صاحبته<<<<<خربتها

عادي..اصلا موضوعي طالع علي

إقتباس »
يوم شفت عنوان الموضوع فكيت خشتي من الفرحه لان ودي بافكار حلوه وماقصرتي

الحمد لله

إقتباس »
حلوووووووووووووووووه حركه اختك الا تهوس بعد

الاحلى توااااااااجدك

إقتباس »
احس حلو للوالد او الزوج هديه قلم (مونت بلاك) عشقي في القلام

مره اهديت ابوي قلم مونت بلاك

إقتباس »
ولادهن عود احس هذا اكثر شئ ابوي ينبسط منه

صوووح

...مره روعه اذا كانت الهديه عباره عن ((مجموعه)) من العطورات ودهونات العود

إقتباس »
الام تعليقه الماس اوشنطه تستاهل اوساعه الماس احس الحريم اي شئ فيه الماس ينبسطون منه يعني خيارات الهديا لهم كثيره

واللي ماعندها دراهم

..تقدر تشتري بلوزه حلوه ومرتبه وكشخه..ومعها سلسال ذهب خفيف

..مع باقه ورد طبعا

إقتباس »
ودي اسالكم وحده عزيزه علي والده ودي اهديه شئ حلو ومو تقليدي لا تقولون تشاكلت لاني ابهديها في المستشفى

ابي بالتفصيل مع طريقه التغليف<<<<<<<<طراره وشراطه

انا احتمال اعطيها فلوس اذا مالقيت فكره اللي تعجبني بس ابي طريقه حلوه للتغليف

انشاء الله يفيدونك البنات

وانا احتمال كمان ارجع لتس بـ فكره

إقتباس »
ومشكوره على الموضوع
اللي صاحبته احلى منه <<<<<<<<<<اقول ياملحك وانتي ساكته

العفو ياللي احلى مني ومن موضوعي

ماننحرم يالغلا

أم لأحلى طفل · 23-05-2007, 03:14 AM

هدايا الآباء صعبه ..
الأم ياحليلها .. ممكن أغراض للمطبخ أو سجادات مع أجلتها .. طبعا غير العطورات والمجوهرات والملابس

أخواتي .. قد قشقشت لهم اكسسوارات .. وأدراج لحفظ الاكسسوارات
زوجي .. ساعه , جوال , ميداليه , أغراض المكتب

الجوال لما أعطيته .. شسويت
كنت مسويه حفله .. وبآخرها بعطيه الهديه ..
لما جا خذت شريح جواله القديم ودخلتها بالجديد ( طبعا أعرف الرقم السري ) المهم فتحته وحطيت نغمه الجوال نفس
جواله القديم .. وحطيت الجوال على السرير
طبعا الإحتفال كان بغير غرفه النوم عشان مايشوفه
بآخر الحفله .. أخذت جوالي وهو مايدري ودقيت عليه
هو راح يشوف من يدق عليه .... وتفاجأ بالجوال
طبعا كنت حاطه الخلفيه .. صورته مع كلمات اهداء ( سويتها وصورتها بجواله وحطيتها خلفيه )

وأغراض المكتب ..
صفيتهن على طاوله ونثرت شموع وحطيت حوالين الطاوله اللمبات اللي تأشر
وحطيت الكارد على الحامل اللي يجي مع أغراض المكتب

----------------------------

موضوعك رهيييييييييييييييب

يعطيك العافيه ( ورده )

طاقه · 23-05-2007, 03:26 AM

أصعب شي الهديه ..

صاحبتي زواجها بعد شهر .. وعندها حساسية من الذهب ..

والمشكله الزواج مايهدون الناس الا ذهب ..

جبتلها ساعه .. بس احس ماتكفي لحالها .. فشيله

يسلموووو عالموضوع .. بتحلين ازمه لبعض الناس

NABDH · 23-05-2007, 03:32 AM

ام لاحلى طفل

إقتباس »
الجوال لما أعطيته .. شسويت
كنت مسويه حفله .. وبآخرها بعطيه الهديه ..
لما جا خذت شريح جواله القديم ودخلتها بالجديد ( طبعا أعرف الرقم السري ) المهم فتحته وحطيت نغمه الجوال نفس
جواله القديم .. وحطيت الجوال على السرير
طبعا الإحتفال كان بغير غرفه النوم عشان مايشوفه
بآخر الحفله .. أخذت جوالي وهو مايدري ودقيت عليه
هو راح يشوف من يدق عليه .... وتفاجأ بالجوال
طبعا كنت حاطه الخلفيه .. صورته مع كلمات اهداء ( سويتها وصورتها بجواله وحطيتها خلفيه )

وااااو قسم بالله خطيره

..متى انخطب عشان اسويها

فكره رائعه رائعه

..دخلت مزااااااجي بقوه

ماشاء الله عليك

إقتباس »
وأغراض المكتب ..
صفيتهن على طاوله ونثرت شموع وحطيت حوالين الطاوله اللمبات اللي تأشر
وحطيت الكارد على الحامل اللي يجي مع أغراض المكتب

ياحبي لك افكارك حلوه

..ماشاء الله

مشكوووره يابعدي

واذا عندك افكار بعد..تعالي قوليها..

..عجبتني افكارك

حياك..منوّره