منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الفنية > منتدى الفن الغربي
التسجيل التقويم التأشير على جميع الاقسام بالمشاهدة




إغلاق الموضوع
 
أدوات الموضوع طريقة عرض الموضوع
قديم 12-03-2007, 02:21 AM   #1
L E G E N D A R Y
من كبار مميزين الفني
 
الصورة الرمزية الخاصة بـ L E G E N D A R Y
L E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحب
" and like that ... he's GONE "

السلام عليكم,,,



Dos : )






: :







: :






Keyser Soze

كايــزر سوزيـــه .. مجرم أسطــوري من تركيــا .. قلبه ميّـت .. بدايــة حياتــه الإجراميــة
كانت في ديرتــه (تركيا) كـ مهــرب مخــدرات ..
وفي أحد الأيـام .. اقتحمــوا عصابـة هنغـاريه بيتـه .. ماكان موجــود .. إغتصبـوا
زوجتـه .. وأخذوهـا هي وعيالهـا كـ رهائـن .. ويوم وصـل .. قتلوا واحــد من عيالـه ..
بيثبتــون له إنهم ما يمزحــون : D .. وبعدها .. هددوه بقـتل زوجتــه وباقـي
عياله إذا ما سلمهــم المخــدرات اللي يجيبهـا .. وترك هالشغـله لهم .. كـان ماكل
الجو عليهــم ..!
كانــت ردة فعل ( سوزيه ) غريبـه .. وهي اللي أشهرتــه .. وخلته أسطــورة
بقساوة قلبــه .. !!
بكل برود .. رفع مسدسه .. وقتل زوجته .. وعياله ..!!
وبعدها .. قتل أفــراد العصابـة الي كانـوا موجوديــن .. ما عــدا واحـد ..
خلاه يــروح .. يتكلم عن اللي شافــه !..
بعد فتره .. قتل سوزيه باقي أفراد اعصابة .. وقتل عائلاتهم .. وأصدقائهم .. حتى
الناس اللي يبون منهم قـروش .. ما خلى أحــد ..

وبعدها .. اختفى ..
محد شافـه .. أو سمع عنــه ..

كل أشغــاله تـــدور بالخفـــاء ..
حتى أتباعه ما قد شافوه .. ما يعرفون شكله .. أو مكانه ..!
ما يعرفون عنه شي .. أبداً
وأي واحد يتعرض لأحد أتباعه .. أو يسرق منهم .. يكون مصيره الموت ..
أو يكفّر عن غلطته بأداء مهمه لـ "ســوزيــه "
ومن هنا .. بدأت الأسـطــورة ..


: :



اســطــورة..:

Keyser Soze




 

 

L E G E N D A R Y غير متواجد حالياً
Facebook Twitter 0
قديم 12-03-2007, 02:23 AM   #2
L E G E N D A R Y
من كبار مميزين الفني
 
الصورة الرمزية الخاصة بـ L E G E N D A R Y
L E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحب
رد : " and like that ... he's GONE "

: :






: :






(.. لو كانت المقدمة بنتاً لكرشتها ..)



بعد موضوعي الأخير .. اللي كان يتكلم عن فيلم Note Book .. طلعت إشاعة إني رومنسي ..
معصي .. وش اللي رومنسي .. أنا سـعــــووودي !
فـ قـررت أنزل موضـــوع .. أفنّــد فيـه هالإشاعــة ..




\\





دايم في الأفلام .. وخصوصاً البوليسية والجرايم .. أصير متعاطف مع المجرم او الشخص
الشرير .. وأتمنى ما ينكشف ..
طبعاً يومي صغير .. كان المجرم دايم ينكشف .. ويقتله ستيفن سيجال .. أو يفقّع وجهه فان دام ..
أو يحجره ستانولي أو شوانتسنيجر .. فكنت دايم أنقهر ..
لكن مع الوقت .. طلعت أفلام تناسب ميولي الإجرامية .. أو بمعنى أصح اكتشفتها ..




//




فيه مجرمين زقرت .. تتنح عند ذكائهم أو تخطيطهم .. وبعضهم زاحفين ..
غالباً نيقا (مع إحترامي لنرجسيه وخطيبها مارتن لورانس ) .. وبعهضم مرعبين ما ودك
تتخيلهم .. وبعضهم يرفعون الضغط .. ودك تحكم عليهم بتشجيع النصر (الموت البطيء ) ..
فـ من هالمنطلق وهالميول .. قررت أنزل موضوع يتكلم عن أطلق أو أخطر مجرم
سينيمائي عندي.. ضبط كيفن سبيسي الشخصيه بقوووه .. فاز بالاوسكار ..
ونص الفيلم فاز بالاوسكار بعد.. وفازوا وترشحوا لجوائز كثيره ثانيه ..
من أفضل أفلام التسعينات ..




: :





: :









Five Criminals . One Line Up . No Coincidence



تاريخة : 1995


تأليف : Christopher McQuarrie


تصنيفه: Crime / Mystery / Thriller (( جريمة / غموض / إثارة ))


Ratings


IMDb : 8.7\10


Yahoo Critics : B


المركز 18 في قائمة أفضل 250 فيلم في تاريخ السينيماء ..



\\




إخراج : Bryan Singer









: :









Kevin Spacey .. بــدور .. Roger 'Verbal' Kint


روجر كينت .. أو الملقب بـ"فيربال كينت" محتال صغير .. عنده مرض cerebral palsy ..


ترجمتها الحرفية شلل مخي .. بس عجزت استسيغها .. المهم هالمرض مبسبب له شلل


في يده ورجله اليسار .. اصابعه معفطه .. ويعرج ..








: :







Gabriel Byrne .. بــدور .. Dean Keaton


دين كيتن .. شرطي سابق .. انطرد من الشرطة بسبب الفساد .. وصار رجل أعمال ..


وطبعا للحين فاسد .. عنده عشيقه .. محامية .. وهي وكيلته بنفس الوقت ..


ممشيه اموره " Edie Finneran " ..






: :








Stephen Baldwin .. بــدور .. Michael McManus


مايكل مكمانس.. مجرم عصبي .. القتل عنده بريال .. خبل .. خويه الروح


بالروح " Fenster " ..






: :










Benicio Del Toro .. بــدور .. Fenster


فينستر .. باين من لهجته انه موب أمريكي .. الظاهر إنه من بورتاريكا أو كوبا ..


منسّم .. ذكي .. عنيد .. خوي مكمانس الروح بالروح مثل ما قلت قبل ..


ودايم يسوون عملياتهم سوا ..






: :








Kevin Pollak .. بــدور .. Todd Hockney


تود هوكني .. حرامي محترف .. راعي سرقات .. وإحتيال .. ما عليه من أحد ..


ألز ما عليه عمره ..







: :








Chazz Palminteri .. بــدور .. Dave Kujan


المحقق ديف كويان .. طول الفيلم يحقق مع فيربال كينت .. وهالدور انعرض


على (آل باتشينو) ووافق عليه لكن جدوله كان مزحوم فاضطر انه يعتذر عنه ..


وصرح بعد هالفيلم يقول ان هذا هو الدور الوحيد اللي تحسفت انه راح علي ..


وانعرض بعد على (روبرت دي نيرو) لكنه رفضه ..






: :






and
Pete Postlethwaite .. as .. Kobayashi
Suzy Amis .. as .. Edie Finneran
Giancarlo Esposito .. as .. Jack Baer








: :









يبدا الفيلم مع ( دين كيتن ) طايح في سفينه باين انه انتهت فيها حرب عصابات ..
جثث في كل مكان .. جاه شخص .. باين عليه انه يعرفه .. يصوب عليه مسدسه ..
وكيتن يقول " هـلا .. كايزر" .. ونسمع صوت طلق ناري .. بدون صورة ..
وبعدها احترقت السفينة .. اثنين .. اثنين ناجين فقط .. واحد على وشك الموت .. والثاني .. !!!



\\



الفيلم يعتمد على طريقة Flashback .. يسترجعون أحداث من الماضي .. المحقق
كويان يستجوب فيربال كينت .. في مكتب بحجة ان فيربال عنده رهبه من المسجلات ..
وفيربال كان قد حصل على حصانه بعد استجوابه من محقق ثاني قبله ..
مسألة وقت ويطلقون صراحه ..
Verbal : Back when I was picking beans in Guatemala , we used to make
fresh coffee , right off the trees I mean . That was good . This is sh*t but , hey , I'm in
a police station




بسؤاله عن علاقته مع ( كيتن - مكمانس - فينستر - هوكني ) .. قال إنهم اشتبهوا
فيهم (وهو معهم) بسرقة شاحنة تحمل أسلحة .. طبعاً موب كلهم سوا .. واحد منهم ..





"it`s all the cops fault , you don`t put guys like that into a room
together, who knows what can happen "




وخلال إحتجازهم فترة التحقيق .. اتفقوا على سرقة ما يسمى
بـ "New York's Finest Taxi Service " .. وهو مجموعة من الشرطه الفاسدين الي يتعاملون
مع مهربين مخدرات وكافة أنواع الممنوعات .. وكان عند فيربال كينت خطه ذكيه ..
بحيث انهم يسرقونهم بدون ما يقتلون أحد + يفضحون الفساد في الشرطة ..
وتمت المهمة بنجاح ..




بعدها بدوا يدركون إنهم يشكلون فريق قوي سوا .. ونووا على مهمة ثانية ..
كيتن ماكان يبي .. بحجة إنه تاب .. لكنه بالأخير اقتنع ..
Verbal : That guy is tense. Tension is a killer . I used to be in a barbershop
quartet in Skokie, Illinois . The baritone was this guy named Kip Diskin, big
fat guy , I mean, like, orca fat. He was so stressed in the morning






مهمتهم الثانية في كالفورنيا .. عند شخص اسمه " ريدفوت - Redfoot " .. عقد معهم صفقة ..
بحيث يسرقون مهرب مجوهرات .. يمدهم بالعلومات عنه .. وهم ينفذون المهمة ..
لهم الفلوس وله المجوهرات ..
لكن العملية ما سارت بالشكل اللي هم راسمينه .. مع مقاومة المهرب وحارسيه الشخصيين ..
مكمانس قتل الحارسين .. وكينت قتل المهرب .. واخذوا البضاعه اللي كانت معهم ..
كانت في حقيبة .. وهربوا ..!
يوم فتحوا الشنطة .. ما لقوا المجوهرات اللي كانوا يتوقعونها .. لقوا مخدرات ..
وصلت معهم .. لعب عليهم ريدفوت .. قابلواه بيشوفون وش سالفة اهل امه ..
قال انه ما يدري .. وانه مكلف بهالمهمة من محامي اسمه كوباياشي .. وإن هالمحامي
يبي يقابلهم ..





يوم قابلهم كوباياشي .. ابتزهم عشان يسوون مهمه لشخص اسمه " كايزر سوزيه " ..
يوم سمعوا هالاسم انفجعوا .. واتهموه بالكذب .. وقالوا إنه كايزر اسطورة .. تدور بين
المجرمين .. ماهو شخص حقيقي ..
لكن كوباياشي قال .. كل واحد منكم بطريقه سرق من كايزر بشكل غير مباشر ..
واسلوب كايزر هو يا انك تسوي له مهمه تكفيراً عن خطاك .. أو تموت ..
وقبل يطلع عطاهم هدية .. حقيبة من كايزر ..





\\





كان في الحقيبة ملفات عن كل واحد فيهم .. فيها كل المعلومات عنه ..
من يوم ما انولد إلى هاللحظه .. وفيها بعد تعليمات لمهمتهم .. وهي إنهم يسطون
على سفينه فيها مهربين مخدرات منافسين لكايزر .. أهم شي ينهونهم ويدمرون المخدرات
اللي فيها .. وأي شي يلقونه هناك حلالهم .. فيها شحنة مخدرات كبيرة ..
وكانت بتتم صفقة بشراء هالمخدرات بمبلغ 91 مليون دولار ..
من بكرا .. لقوا رسالة من فينستر .. يتمنى لهم حظاً سعيداً ..
ويقول إنه ماراح ينفذ معهم هالعملية ..
دق عليهم كوباياشي .. وقالهم انه يعرف مكان فينستر .. تلقونه في الشاطئ ..
وفعلا لقوه هناك .. لقوه مقتول ..
قرروا يقتلون كوباياشي .. ويوم مسكوه .. قالهم بتقتلوني اقتلوني ..
لكن كايزر سوزيه موب تارككم .. وعلى فكرة .. ترانا استدعينا المحامية
فينران (خوية كيتن) عشان قضيه للشركة .. اذا مت ما اقدر اضمن لكم سلامتها ..
رضخوا للأمر الواقع .. وقرروا ينفذون العملية ..






\\





راحوا لموقع السفينه .. وقرروا يصبرون لين يوصلون اللي بيشترون المخدرات ..
عشان يستولون على الفلوس .. وبعدها يدمرون كل شي ..
كيتن طلب من كينت انه يقعد برا السفينه .. عشان اذا صار لهم شي يعلم فينران ..
وهي بتعرف وش تسزي ..مع كايزر وكوباياشي ..



اقتحموا السفينه بنجاح .. لكن ماهو لحالهم .. الأسطورة كان موجود ..
كايزر كان موجود .. كل من على السفينه مات .. إلا اثنين .. كايزر .. وواحد على وشك الموت!!
Verbal : You think you can catch Keyser Soze? You think a guy like
that comes this close to getting caught , and sticks his head out? If he comes
up for anything it'll be to get rid of me. After that... my guess is you'll never
hear from him again



بنفس الوقت اللي كان المحقق كويان يستجوب كينت .. كان المحقق جاك بير
يستجوب الناجي من احتراق السفينه في المستشفى .. كان يقول انها سفينه فيها جايه
من هنغاريا .. ويوم سأله عن المخدرات قال ما فيه أي مخدرات بالسفينه ..
كانوا بيبيعون شخص هناك .. أسير ماسكينه .. وبيبيعونه لعصابة هناك بـ91 مليون دولار ..
بس ليه ؟ وش عنده هذا بـ91 مليون !؟
وقال انه شاف كايزر على السفينه .. وبدا يوصفلهم شكله ..




\\




المحقق كويان وصل لنتيجة ان دين كيتن هو كايزر سوزيه .. هو الوحيد الي
بامكانه معرفة كل المعلومات عن المشتبهين بحكم انه شرطي سابق ..
وبسببه ما قتلوا كوباياشي .. لكن السؤال ليش ما قتل كينت !؟ ليش طلب منه
ينتظر برا السفينه ..
Verbal : After that my guess is that you will never hear from him
again . The greatest trick the devil ever pulled was convincing the world he
did not exist. And like that... he is gone



كينت يقول انه شاف واحد يصوب على كيتن وسمع طلق نار .. لكن هل مات؟ ..
يمكن .. ويمكن كل هذا محطط من كيتن أو على حسب استنتاج كويان (كايزر)
انه يصير فيه شاهد على ان كيتن مات .. يمكن ! .. وما فيه أي مخدرات على السفينه ..
المهمه كلها كانت لاعدام الرهينه .. الشخص اللي كانوا بيبيعونه ..
لانه هو الشخص الوحيد بالعالم اللي بطريقه ما عنده معلومات عن كايزر ..
قال كويان هالافكار لكينت .. وقاله لانك غبي خلاك تعيش .. لانك ما تشكل اي شي ..
قتل كل المشتبهين وخلاك تعيش عشان تشهد بموتته المزيفه ..



انهالت الدموع من كينت .. واعترف ان كل هالمهمات اللي سووها كانت من فكرة كيتن ..
بعدها .. جزم كويان ان دين كيتن هو كايزر سوزيه ..
تمت دفع كفالة كينت .. واطلقوا صراحه ..
في نفس الوقت .. المحقق جاك بير اكمل تحقيقه للناجي الهنغاري من السفينه ..
وارسل بالفاكس صوره تقريبيه لوجه كايزر سوزيه ..





\\





الخمس دقايق الأخيره من الفيلم .. خمس دقايق اسطورية .. خالده في تاريخ السينما ..
اللي وصل إلى هنا وهو مابعد شاف الفيلم .. لا يكمل لين يشوفه ..
ما ابغى أسلبكم ذاك الاحساس اللي بيصير ..



بعد ما طلع كينت من المكتب اللي كانوا يحققون معه فيه .. تنهد المحقق كويان
بعد ما حل القضية .. او هذا اللي يعتقده ..
استرخى وطاحت عينه على لوحة قدام المكتب ..
كانت مليانه أوراق .. مليانه معلومات .. وفيها اسامي مألوفه ..





quote

Verbal : Back when I was picking beans in Guatemala, we
used to make fresh coffee, right off the trees I mean. That was good. This
is sh*t but, hey, I'm in a police station

: :




quote


Verbal : That guy is tense . Tension is a killer. I used to be


in a barbershop quartet in Skokie, Illinois. The baritone was this guynamed Kip Diskin, big fat guy, I mean, like, orca fat. He was so stressed in the morning



: :







quote
مهمتهم الثانية في كالفورنيا .. عند شخص اسمه " ريدفوت - Redfoot" قال انه ما يدري .. وانه مكلف بهالمهمة من محامي اسمه كوباياشي .. وإن هالمحامي
يبي يقابلهم ..



مشية روجر "فيربال" كينت الأسطوريه بعد ما طلع من مركز الشرطة .. تدرجها ..
وبالاخير الوقوف لسيجاره .. وركوب سياره تنتظره يسوقها شخص مجهول

عرفناه بالقصه باسم كوباياشي .. شي ثاني ..!
المحقق كويان حاول يلحق فيربال كينت .. بعد ما اكتشف انه هو نفسه كايزر سوزيه
لكنها مقيوله ..:



" And like that ...

he's gone "








: :





: :




 

 

L E G E N D A R Y غير متواجد حالياً
Facebook Twitter 0
قديم 12-03-2007, 02:25 AM   #3
L E G E N D A R Y
من كبار مميزين الفني
 
الصورة الرمزية الخاصة بـ L E G E N D A R Y
L E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحب
رد : " and like that ... he's GONE "

* كايزر .. والثقافة الغربية /
بعد هالفيلم .. دخل اسم كايزر سوزيه للثقافة الغربي بشكل قوي .. طلع هالإسم
في أفلام ومسلسلات وفيديو جيمز .. وصار يضرب في المثل في موضعين ..:
الأول ..: أي أسطورة في عالم الإجرام .. يسمى كايزر سوزيه ..
الثاني ..: أي شخص يقدر يخفي شخصيته الحقيقيه .. ويتقمص شخصيه ثانيه بدون ما ينكشف ..


\\




* معنى Keyser Soze /
كلمة Soze تصغير لكلمة Sozell.. واللي تعني بالإنجليزية verbal
( لاحظوا إنه النيك نيم لشخصية كيفن سبيسي Roger "Verbal" Kint ) ..
وترجمتها بالعربية تعني شي لفظي .. أتوقع المقصد منها ثرثار .. لانه بالفيلم
يتطرق سبيسي لهالشيء ..
كلمة Keyser .. أتوقع أغلبكم عرفها من لفظها .. معناتها قيصر ..
الإسم مختار بعناية .. بحيث يدل على ذكاء المجرم روجير كينت ..
وبالدرجة الأولى المخرج اللي غير الاسم الأصلي اللي جاي في النص "Keyser Sume" ..
على اسم الرئيس السابق للمؤلف كريستفر مكاري (شكله كان محسر فيه )

* أصابع اليد اليسرى لكيفن سبيسي كانت ملصقه بصمغ عشان يصير شكلها حقيقي ..




: :


: :




Direct download
Torrent




 

 

L E G E N D A R Y غير متواجد حالياً
Facebook Twitter 0
قديم 12-03-2007, 02:26 AM   #4
L E G E N D A R Y
من كبار مميزين الفني
 
الصورة الرمزية الخاصة بـ L E G E N D A R Y
L E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحبL E G E N D A R Y فوق  هام السحب
رد : " and like that ... he's GONE "

: )

شكراً نرجسيه على التنسيق والتصاميم (f)



 

 

L E G E N D A R Y غير متواجد حالياً
Facebook Twitter 0
قديم 12-03-2007, 02:40 AM   #5
David Gale
مقلع فني مميز
 
الصورة الرمزية الخاصة بـ David Gale
David Gale التقييم ماشي صحDavid Gale التقييم ماشي صحDavid Gale التقييم ماشي صح
رد : " and like that ... he's GONE "

شوف هالفيلم صراحة مب صاحي
من أجمل الافلام خصوصا رواية الفيلم

مشكور عزيزي على الموضوع المرتب



 

 

David Gale غير متواجد حالياً
Facebook Twitter 0
قديم 12-03-2007, 02:46 AM   #6
`N
من كبار شخصيات الإقلاع
 
الصورة الرمزية الخاصة بـ `N
`N فوق  هام السحب`N فوق  هام السحب`N فوق  هام السحب`N فوق  هام السحب`N فوق  هام السحب`N فوق  هام السحب`N فوق  هام السحب`N فوق  هام السحب`N فوق  هام السحب`N فوق  هام السحب`N فوق  هام السحب
أكيـد لي عـوده وتعليـق ..!

: :






: :



 

 

`N غير متواجد حالياً
Facebook Twitter 0
قديم 12-03-2007, 04:00 AM   #7
الـعـازف
من كبار مميزين الفني
 
الصورة الرمزية الخاصة بـ الـعـازف
الـعـازف فوق  هام السحبالـعـازف فوق  هام السحبالـعـازف فوق  هام السحبالـعـازف فوق  هام السحبالـعـازف فوق  هام السحبالـعـازف فوق  هام السحبالـعـازف فوق  هام السحبالـعـازف فوق  هام السحبالـعـازف فوق  هام السحبالـعـازف فوق  هام السحبالـعـازف فوق  هام السحب
رد : " and like that ... he's GONE "

يستاااهل التثبيت

من أروع أفلام الجريمه اللي شفتها, كيفن سبايسي.. ليت يهتم بعمره شووي

من تالي ماش ..

الزبدة أن هالفيلم ..حكاية, أسطوره, حاقه ما حصلتش.. أذكر جلست أسبوع أهوجس فيه



 

 

الـعـازف غير متواجد حالياً
Facebook Twitter 0
قديم 12-03-2007, 05:01 AM   #8
يا قلبس
من كبار مميزين الفني
 
الصورة الرمزية الخاصة بـ يا قلبس
يا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحبيا قلبس فوق  هام السحب
رد : " and like that ... he's GONE "

أهلين ليجندري <<< صح ؟

WOW
الين بكرا

ياشيخ تسلم ايديك
من جد موضوعك توحفا
الفكرة والصور والتنسيق وكلش جنان
حتى صورتك الرمزية

ومبروك التثبيت وعقبال المميزة

الفيلم هذا روعة أنا لو أشوفه عشرطعش مرة ورا بعض لا يمكن أمل
وبكل مرة راح تطير عيوني من النهاية

إذا فيه أحد لسى ماشافه والا ماسمع عنه
فهو ما يفقه شي بهوليود <<< خربتها

والا كيفن سبيسي ياربيه هالانسان
ابداع لا متناهي
ولاتهون قذلته في الفيلم

لا تقول عاد آل باتشينو
أما لو أخذ دور المحقق كان صار شي
مع أن كيفن هو اللي ماكل الجو

تصدق ياخوي انك مثلي
انا طفشت من الافلام اللي الشرير ينمسك والا تنفقع فيه الطيارة والا تفشل خطته
ملينا سووا شي غير .. خالفوا التوقعات

عشان كذا هالفيلم خش جوا نافوخي سيدا ولا راح يطلع

حتى فيلم جورج كلوني
Ocean's Eleven
عشان نفس فكرة أن بالأخير ما انمسك

مابي أطول عليك أكثر من كذا
لأن لو مسكت خط الظاهر بقول كل ابو سالفه الفيلم والحوارات هنا

تسلم والله يوفقك
ودايم طل هيك طلات


سلملم




 

 

يا قلبس غير متواجد حالياً
Facebook Twitter 0
قديم 12-03-2007, 05:21 AM   #9
Thamer@
من كبار شخصيات الإقلاع
Thamer@ فوق  هام السحبThamer@ فوق  هام السحبThamer@ فوق  هام السحبThamer@ فوق  هام السحبThamer@ فوق  هام السحبThamer@ فوق  هام السحبThamer@ فوق  هام السحبThamer@ فوق  هام السحبThamer@ فوق  هام السحبThamer@ فوق  هام السحبThamer@ فوق  هام السحب
رد : " and like that ... he's GONE "

اختيارك جداً جداً رائع

هي من ضمن الافلام اللي مستحيل راح انسى احداثها وخصوصا النهايـــــــــــــــــــــــــــــــــه
من جد نهايتها غريبه

يعطيك الف عااافيه على هالتقرير الروعه
وهالفيلم تعتبر اول انطلاقه للمبدع ايضا كيفن سبيسي
ياني حبيته ذا الممثل في هالفيلم وامريكان بيوتي


L E G E N D A R Y

هذيــ فوقها فراشه



 

 

Thamer@ غير متواجد حالياً
Facebook Twitter 0
قديم 12-03-2007, 05:32 AM   #10
انا وانتي وبس
من كبار شخصيات الإقلاع
 
الصورة الرمزية الخاصة بـ انا وانتي وبس
انا وانتي وبس فوق  هام السحبانا وانتي وبس فوق  هام السحبانا وانتي وبس فوق  هام السحبانا وانتي وبس فوق  هام السحبانا وانتي وبس فوق  هام السحبانا وانتي وبس فوق  هام السحبانا وانتي وبس فوق  هام السحبانا وانتي وبس فوق  هام السحبانا وانتي وبس فوق  هام السحبانا وانتي وبس فوق  هام السحبانا وانتي وبس فوق  هام السحب
رد : " and like that ... he's GONE "



فلم شكله اليم اليم اليم جاري التحميل وراجع لك يا بطل



 

 

انا وانتي وبس غير متواجد حالياً
Facebook Twitter 0
إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 03:59 AM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2019, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017