[هبار]

السلام عليكم ...
هذي قصيدة كتبتها في صديق عزيز توفى قبل سنه أو أكثر في حادث سياره الله يرحمه ويغفر له ويصبرني على فرقاه

لاعـاد علـمٍ جـاء بليلـه شّقيـه
علمٍ يكدر صافـي البـال طاريـه

في تالي وقت الليـل دقـوا عليّـه
قالوا تعال وقلت وش صار وش فيه

قالوا لي حادث.. والحـوادث بلّيـه
على طريق (رشوش ) بانت مواريه

(علي) به ضربـه بصـدره قوّيـه
شف موتر الإسعاف تـوه موديـه

جيت الطبيب وقلت عجـل علّيـه
. الرجـل قدامـك ورى ماتداويـه

قال استعـن بالله أنـا وش بيّديـه
اطلب من الشافي بفضلـه يشافيـه

قلـت الرجـا بالله رب البـرّيـه
ماخّيب الله ظـن مخلـوق يرجيـه

لكن عـن المكتـوب مابـه نحّيـه
امرٍ مقـدر كـل مخلـوق ماشيـه

في يومه الموعـود جتـه المنّيـه
في ساعةٍ فيهـا الوعدعنـد واليـه

يالله ياللـي تعلـم بـكـل نـيـه
أدعيك مـن كامـل ذنوبـه تنقّيـه

وادعيـك تغفـر سيتـه والخطّيّـه
ياواحٍـد كـل المخاليـق تدعـيـه

وادعيـك يالله تجمعـه مـع نبيّـه
في جنة الفردوس وايضـا غواليـه

مرحـوم يـاراع الوفـا والحمّيـه
اللي بفعل الطيـب محـدٍ يجاريـه

ماجـات منـه الناقصـه والرديّـه
كلٍ بذكر الخيـر بالخيـر يطريـه

والختم صلوا كل صبـح وعشّيـه
علـى نبـيٍ واضحـاتٍ مماشيـه


اسمي الحقيقي :عادل المطيري

[مهدف]

في يومه الموعـود جتـه المنّيـه
في ساعةٍ فيهـا الوعدعنـد واليـه

يالله ياللـي تعلـم بـكـل نـيـه
أدعيك مـن كامـل ذنوبـه تنقّيـه

وادعيـك تغفـر سيتـه والخطّيّـه
ياواحٍـد كـل المخاليـق تدعـيـه


صح لسانك ياعادل ---الله يرحم علي ويسكنه فسيح جناته

[قــــــرنـــاس]

رحمة الله عليه

الله يجمعكم في فراديس جناته


صح لسـانك يا عادل

[يـااويـليـهـ]

الله يرحمه ويغفرله
وصح لسانك

[! .. Oops]

إقتباس »

يالله ياللـي تعلـم بـكـل نـيـه
أدعيك مـن كامـل ذنوبـه تنقّيـه

وادعيـك تغفـر سيتـه والخطّيّـه
ياواحٍـد كـل المخاليـق تدعـيـه

وادعيـك يالله تجمعـه مـع نبيّـه
في جنة الفردوس وايضـا غواليـه

صح لسانك ..
لا اله الا الله .. محمد رسول الله !
الله يرحمه ويغفر له وينقيه من ذنوبه كما ينقى الثوب الابيض من الدنس ..
الله يجمعه بـ نبيه وكل احبابه وهله..
ونسأل الله حسن الخاتمة ..

عادل .. قصيدة رائعة .. رغم مرارة مضمونها !
كلمات طالعة من القلب والروح .. عبرت عن مدى مر هـ التجربة الي مريت فيها !
أسأل الله ان يصبرك على فراقه .. ويصبر هله

أنجيــلا ..,

[أطياب]

الله يرحمه

صح لسانك خوي

[فيولا]

إقتباس »

لاعـاد علـمٍ جـاء بليلـه شّقيـه
علمٍ يكدر صافـي البـال طاريـه

في تالي وقت الليـل دقـوا عليّـه
قالوا تعال وقلت وش صار وش فيه v

الله يرحمه ويغفر له ويجمعنا باحبائنا في جنات النعيم يا مستجيب الدعاء

[الافلاجي]

الله يرحمه ويغفر له ويسكنه فسيح جناته ..

صح لسانك ياعادل وعظم الله اجرك في وفاة خويك وكلنا سالكين هذا الطريق لا محاله ..

والله يحسن الخاتمه ,,

[بدر]

الله يغفر له ويرحمه ويسكنه فسيح جناته

وصح لسانك يـ عادل والله يعظم أجرك ..

[فيرمالين]

الله يرحمه واموات المسلمين