السلام عليكم
يالله انك تحييهم كلن بأسمه
كيف جالكم مع ذي الأجواء الباردة
مبروك علينا وعليكم الأمطار
جعلها الله سقيا رحمة وعم بها جميع البلاد <<<<<<<<<<<<<<<<< تسمع بالمقدمة
يوم الاربعاء طلعت انا و واحد من أخوياي >>>>>>>> والله ياهو عله بعد بس مالقيت احدن غيره وموتري في الورشه مخبط له 4 أيام وكلها بسبة الطعوس
المهم طلعنا للثمامة الصبح وصلنا هناك تقريباً الساعة تسع ونص
ولقينا خلق كثيرون الله العالم ان المدارس ما فيها الأ نص طلابها
المهم كان الجو غيم وشوي براد يعني جو دلللللللللللللللللع وحق تطعيس
وصلنا فيذاك ونزلنا للطعوس و كل شوي مغرزين اقول لخويي خلني اسوق عنك واطلع الموتر ......عاد هو وخشته ينفخ علي ويقول معصي >>>> يحمد ربه اني ذاك اليوم موسع صدري ولا كان وريته السنع
وشوي ارجع واقوله يا أبن الحلال طيب خلنا ننسم الكفرات لانه حاط فيها هواء 40 وعياني انسمها قلت اجل ما دام الدعوى معاند فوالله اني ما ادف لو يطلع في راسك نخل
ويوم شافني صامل على رائي ومعاند وقاعدن ما غير اصور في العالم استسلم للأمر الواقع ونسم الكفرات و بطقاق طلع من التغريزه
( قهرني ماعطاني اسوق الهايلكس داري وش ابسويبه كان والله لألعن جدفه )
تر كل ذي الهذره وكثر الكلام علشان تكون الصور قد تحملت و أتمنى انها تعجبكم
--------------
صورة الهلي حق خويي والله ياهو عذبنا الين طلع
-----------
شكله معذب ورايح وطي
-----------
اتحدى اي واحد يقدر يعد كم دباب
----------
أذكروا الله
لو خبط على الارض ما حد نفعه هو وخشته
----------
شوفوا العالم
----------
لا تعليق
----------
حتى طلاب المدارس مفاختين وجايين للطعوس
----------
احلى مافي الصورة جنوط الفكتوريا
----------
يلعن أم الرجه
----------
حرااااااااااااام توها جديده وجاي يطعس ولا بعد من زين وجه قابع
----------
يا خي ناس مدري وين تلقى الفلوس علشان تلعب بها >>>>>>>>>>>>> والله قهر
----------
انواع الاستغلال كل كفر يعبية بريال
----------
يا شين الطفران اذا جاء في راسه زبرقة
----------
مضيع الطريق ولا حالم انها جيب
----------
يومني صغيرون كان ودي بـ دباب زي كذا بس >>>> آآآآآآآهـ يا زينها من أيام
الشايب الله يهديه كل ماقلتله قالي أنثبر
ما تحملنا ازعاجك بدون دباب اجل كيف بدباب
----------
تبطي ما طلعت دف يالله جيب يسحبها وعساها تطلع >>>>>>>>>>>>> كفر ورى طاير بالهوى
----------
الكامري كامري حتى لو مدري وش تعدلون فيها >>>>>>>>>>> ما يحب الكامري أبد
----------
ياروحي يا الانفنتي بس لو انه مخلي جنوطها الاصليه كان احسن >>>>>>>> هذا حده التحليه ويخب عليه وش دله طرق الثمامة
----------
انواع الاستغلال والاسعار غاليه أجل حزمة حطب بـ 70 ريال ومافيها الأ 6 كسر سمر وبعد ماهيب زينه
----------
كل شي موفر في الثمامة بس الله يعين اللي ينسى شي لان الاسعار نار على غير سنع >>>>>>> يدرون انك جايهم وانت محتاج
---------------
فيه ناس بينقهرون من طلعات الشباب وهم منطقين بوسط بيوتهم >>>> ترى ما أقصد ؟؟؟؟؟؟؟؟؟؟؟؟
تقبلوا تحياتي
شيخ العزاب
صور تطعيس بالثمامة ___ صور جديدة
مرسي فشلتنا يقصد البنات اناو انت وش دخلك يالشين ؟ 
الوضع العادي
