منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الإجتماعية > عيادة الإقلاع للاستشارات النفسية و الاجتماعية
التسجيل التقويم التأشير على جميع الاقسام بالمشاهدة



 الاستمارة هنا


إغلاق الموضوع
 
أدوات الموضوع طريقة عرض الموضوع
قديم 28-11-2016, 04:05 PM   #1
s0o0sty
مستجد
 
الصورة الرمزية الخاصة بـ s0o0sty
s0o0sty فوق  هام السحبs0o0sty فوق  هام السحبs0o0sty فوق  هام السحبs0o0sty فوق  هام السحبs0o0sty فوق  هام السحبs0o0sty فوق  هام السحبs0o0sty فوق  هام السحبs0o0sty فوق  هام السحبs0o0sty فوق  هام السحبs0o0sty فوق  هام السحبs0o0sty فوق  هام السحب
هل زوجي مريض نفسي او يتعاطى؟

البيانات الشخصيّة :


العمر : 27
الجنس : (- أنثى )
مكان الإقامة : ( تبوك) 
الحاله الاجتماعيه : ( متزوجة )
اذا كنت متزوج مدة الزواج : 5 شهور
اذا كنت متزوج عمر الشريك وتعليمة :30 -ثانوي
وجود اطفال من عدمه : لايوجد
طبيعة العلاقه بين الزوجين ( - غير مستقرة )
مصدر الدخل : ( وظيفة حكومية )
الحالة المادية : (  متوسطة  )
المستوى التعليمي : جامعي 

البيانات الأسريّة :


نوع السكن : (  شقة ) ، وهل هي : (  تملك )
عمر الأب : 55 عمر الأم : 49
مستوى تعليم الأب والأم ؟ الأب: متوسط ، الأم: ابتدائي
عدد الأخوة والأخوات: 7 ، ترتيبك بينهم ( رقمياً ) : 4
الجو الأسري في البيت العلاقة بين افراد الأسرة : -مستقر ولله الحمد
طبيعة علاقة صاحب المشكلة مع بقية أفراد العائلة : جيدة
الجو الاسري بشكل عام في العلاقة فيما بينهم : ( ممتاز  )


البيانات الطبيّة :


هل يوجد أمراض عضوية تعاني منها ( لا ) ..
هل يوجد أدوية تستخدمها حالياً ، (  لا ) .
الوضع الصحي والبيئي في الحي السكني من ناحية الخدمات والمرافق : ( ممتاز )

البيانات الدراسيّة :


هل التحاقك كان في سن نظامي ؟ نعم
هل كان هناك اي تعثر في مستوياتك الدراسية انسحاب او رسوب او انقطاع : ( - لا )
مستواك الدراسي على مختلف المراحل الدراسة: ( ممتاز  )
المرحلة الدراسية المتواجد بها حالياً : ( دراسات عليا )
اذا كان هناك تخصصات في مستواك الدراسي .. فما هو تخصصك : انجليزي


البيانات الإجتماعيّة :
هل هناك أي هوايات او أنشطة أو ممارسات تتقنها : نعم
هل لديك ميول للاختلاط الاجتماعي والمشاركه في أنشطة ومناسبات مع افراد الحي او زملاء الدراسة والعمل او الاقارب : نعم
وهل هناك معوقات تحول دون ذلك : لا
الجو الاجتماعي العام حولك ( اصدقاء - زملاء - جيران - اقارب ) من ناحية علاقتك معهم : جيدة 


* اذكر مشكلتك الآن :




السلام عليكم ورحمة الله وبركاته،
انا عروس متزوجةمن 5 اشهر فقط، زوجي قريب لزوجة عمي وكانت هي همزة الوصل لهذا الزواج، زوجي كان يعمل في الجيش وبعد كتب الكتاب بستة شهور بدأت عاصفة الحزم واصيب فيها وفقد النظر مدة 6 شهور واصيب بتشوهات في وجهه واجريت له بعض العمليات واستعاد النظر بنسبة 50 ‎%‎ في احد عينيه والاخرى فقد النظر فيها كليا، وبقي بالمشفى سنة ونصف تقريبا وقررت عدم التخلي عنه واتمام زواجنا وبعد ذلك يستكمل رحلة العلاج في الخارج..
تم الزواج وبالليلة الاولى طلب مني افتح شنطته وحصلت دخان سألته انت تدخن قال ايه عادي وش فيها قلت ليش لما سألك ابوي قلت لا!! قال عادي هذا شي يخصني قلت بس كذبت علي!! ،، 
وجدا تضايقت من كذبته هذي خصوصا اني كنت اشوفه الانسان المثالي الخلوق الصادق في ايام الخطوبة ،،
بعدها بيومين سافرنا لجدة واخذنا شقة بجوار المشفى لاتمام بقية مراجعاته هناك،( ( الطيران والشقة على حساب الدولة بما انه مصاب بعاصفة الحزم!!)) 
لاحظت من الايام الاولى انه متعلق بجواله كثير ولما ينام يخلي الواتس مفتوح وتطلع الاشعارات ع الواجهه وفي رسايل وقروبات غريبة وفتحته وكانت الصدمة قروبات استراحات ومغربيات وعلاقات نسائية لا تعد ولا تحصى ومن بين سوالفهم بقروب استراحة المغربيات حشيش وحبوب !! ومصور نفسه صور اباحية لعورته ومقاطع فيديو وهو يمارس ! وبلاوي لا توصف!! 

ومصور مقاطع فيديو لكامل جسمه وهو يطلب اشياء وصخه من وحدة يعرفها وهي من الحي اللي ساكنين فيه!!
واجهته بالبداية بدأ يضحك باستهتار وكبرت السالفة وتهاوشت معه وحلف بربي اللي مايرد لي بصري اني ماقد قابلت ولا حرمة وان اللي شفتيه مجرد تسلية وفراغ واني بتوب واحذف كل شي وصدقته بما انه حلف وقلت خلاص نبدأ صفحة جديدة. حاولت احتويه هالفترة واعوضه واتناسى اللي صار مع اني ماكنت اشوف فيه فرحة المتزوجين الجدد وحماسهم ولما افتح معاه مواضيع مااحصله عنده خبرة بأي مجال الا مجال النساء والجنس طبعا ،،
بعدها باسبوع حط جواله بالبصمة وتجاهلت وكان يسألني كيف اضيف حساب سناب جديد لنفس جوالي ، واستغربت سؤاله 
جلسنا تقريبا 20 يوم بجدة وجات امه عندها موعد بالمشفى وجاء معاها اخوه، لاحظت انه ماجلس مع امه ولا يسولف معها ، ويتعذر انه بيطلع يجلس مع اخوه بشقته واخر شي اكتشفت انه جالس بالممر ويكلم حرمة! وتجاهلت
 طلبت امه مني ارسل مقاطع لاختها بالواتس لانها ماتعرف وانصدمت لقيت محادثة بجوال امه لحرمة كاتب لها لك مني الف ريال هدية من زمان نفسي اعطيك هي ،، ومسوي سناب جديد برقم امه ، سألت امه عن اسم الحرمة اللي مرسل لها قالت هذي حرمة ارملة كانت تجينا اول هنا بجدة،، وسكت 
المهم طلعنا مرة نتمشى ورحت اخذت كوب قهوه وكان هو جاي وراي شوي الا الهيئة ماسكينه عشان حريم وقف عندهم بعدين طلبوا منه يطلع من المكان وجاني معصب وانه انتي تركتيني ومشيتي وانا نظري ضعيف والهيئة يحسبوني ارقم قلت عادي حصل خيير!! وطلعنا مره ثانية ومرت من عندنا حرمة حامل وجلس يناظرها ويركز ع المناطق الحساسة وانتبه زوجها وهاوشه !
جاء يوم الرجعة وتأخرنا عن الرحلة لانه كان سهران برا قبلها وطول نايم وبالمطار حصلناهم مقفلين شحن الشنط لرحلتنا وراح للموظفين يتبكبك واني اعمى ومااشوف وافزعوا لي قام الموظف قال شنطكم بشحنها ع الرحلة الجاية اتركوها ، واخذ بيد زوجي ويركض فيه عشان نلحق قبل يقفلون البوابة وانا اركض وراهم 🍂🍂
وطلعنا بالرحلة وعدت على خيير 
ولما وصلنا بيتنا كان المطبخ فاضي ، طلبت مني امه اروح اسوي شاهي وقهوه بمطبخ ولدها الثاني لان زوجته مو موجوده ، ورحت وجات وراي، شوي الا اخو زوجي (خالد) ينادي امه ويقول خليها تطلع ابغى 
المطبخ وطلعت لشقتي وزوجي جالس بالصالة وعلمته وجت امه قالت خلاص خالد طلع من المطبخ روحي كملي شغلك ورحت وانصدمت انه واقف بالمطبخ ماطلع ورجعت ركض الا زوجي جاي وراي واقوله اخوك ماطلع ، رجعت لشقتي وجا زوجي وامه جالسه قال لامه انتي ماتقولين خالد طلع قالت الا هو قالي روحي ناديها تكمل شغلها انا طالع ، قال زوجي الكلب الحيوان خالد وش قصده من الحركة هذي وراح تهاوش مع اخوه ومن بعدها ماعاد يكلمه، 

بعدها بفترة كنت طالعه من شقتي ارمي الزباله وانا راجعه كان اخوه خالد واقف لي عند باب العمارة ويرمي علي كلام وصخ وشردت وقفلت ع نفسي بالشقة وماعلمت احد!! 
ولاحظت ان زوجي يسأل كل مادخلت او طلعت اذا قابلني احد من اخوانه او لا واستغرب سؤاله،،
اخر شي اكتشفت ان زوجي على علاقة بزوجة عمي وعلى علاقة بزوجة ولد عمه .. 
المهم اني حسيت ان زوجي يكذب ومابطل حركاته وعجزت افهمه مو ناقصه شي وش يبغى بهالبلاوي !!
قمت طلعت رقم مايعرفه واضفته سناب وبديت العب معاه ، قالي انه متزوج من سنة ويحب زوجته بس يبغى علاقة حب مفتوحة مايقيدها شي نهائيا، طلبت منه صور وارسل لي صور عورته ومقاطع فيديو وصور تفضح وطلبته يقابلني ويجيب عشا وقلت خويتي معاي قال ابغى جنس جماعي معاك انتي وخويتك!!! المهم طلع متكشخ ومتعطر وراح اشترى عشاء بمبلغ كبير ويغريني بحجوزات طيران ومبلغ محترم لليلة الوحدة.
قفلت الجوال لاني عرفت انه غبي وماعنده مشكلة بأي علاقة ويرسل صوره لاي رقم من غير مايتأكد من صاحب الرقم اصلا..

بعد مدة اكتشفت ان له علاقة بزوجة ولد خالته وبزوجة عمي اللي كان جاي من طرفها!!
جاء وقت السفر للخارج رفضت اروح معاه لان الدكتور قاله نفس العلاج هنا وبالخارج وماكنت متطمنة للسفر ،وراح معاه اخوه لما راح هناك كلمته وعلمته اني اكتشفت علاقاته بقريباته وان النفس عافته خلاص وابي طلاقي وبغى يجن جنونه وقال ماراح اسامحك ع التجسس ع خصوصياتي هذي حياتي مالك علاقة فيها انتي اصلا تكرهيني عشان كذا تدورين مشاكل قلت ايه اكرهك وابي ورقتي وفكني من وجهك لو انك رجال وفيك دين ماكان لك علاقة بحريم اقاربك ولا صورت نفسك مفصخ ، طلقني بسكات عشان ماافضحك عند احد قال ماهميتيني وافضحي ع كيفك بالطقاق هذي حياتي واللي مو عاجبه ****!!
المهم ماعاد اتصل ولا سأل الا لما رجع من الخارج جلس يترجاني ارجع له ورفضت نهائيا وجانا البيت ورفضت اطلع له وناديت اخوي علمته باللي حصل وطرده والحين انا عند اهلي وهو مازال رافض الطلاق ويبغاني ارجع له،،
 ملاحظات : لزوجي تصرفات شاذة غريبة يطلبني من الخلف ووقت العادة الشهرية يحاول يجبرني بحجة انه بيلبس واقي، 
- انا موظفة بالجامعة وزوجي تقاعد الحين لانه مافي امل يرجع له النظر
-احس بحزن وخوووف شديد يمكن من الصدماتت اللي شفتها ومو قادرة اتجاوزها
-امي ماتبغى اتطلق وتقول اتركيه فترة وبيعقل
-مره حاول يجيب مغربية من راعيات الاستراحة لبيتي بحجة انها شغالة
-حصلت له صور مع فلبينيات ممرضات وكان يغلط ويناديني باسم ميري الفلبينية احيانا واتجاهل ، مرة قالي اني اذكره بالفلبينيات
- لما طلبته يتغير ويتعدل يقول انتي اللي تغيرني باهتمامك ولا تتدخلين بخصوصياتي واحيانا يضحك باستهتار لما اواجهه بافعاله

اعتذر عن الاطاله وابغى مشورتكم يااخواني هل هذا انسان طبيعي يسوي كذاا او هو يسكر او يتعاطى؟؟ علما بأن هذا وضعه من تخرج من الثانوي باعترافه هو والاصابة ماغيرت فيه شي ولا خاف من ربه وصلاته مش ولابد على حسب مزاجه.


بعد ذكر المشكلة :


مدة المشكله من بدايتها الى الآن : 5 شهور
مدى شدة المشكلة : ( تعيقك عن أنشطة الحياة  )
تأثير المشكلة هل يمتدّ للمحيطين بك أم أنّ أثرها يتعلق بك : بي فقط
هل سبق وراجعت مختص أم لأ : لا
إذا كان هذا حديثك الأول عن المشكلة ، فما هو سبب لجوؤك لطرحها هنا والمأمول من تعقيبات الاعضاء : برغبة الاستشارة



* أبرز الأشياء التي تدعمك .. والتي تساهم في حل المشكلة ؟
لا يوجد

* ما هي الأسباب التي تعمل على زيادة المشكلة ، وماهي الاسباب التي تقلل من نسبة تحقيق الحلول ؟ اهلي يبغوني ارجع له واعطيه فرصة ثانية وانا رافضة لاني خايفة من الامراض المعدية وكارررهته



 

 


اخر تعديل كان بواسطة » بآيعه الدنيا في يوم » 06-12-2016 عند الساعة » 12:14 PM.
s0o0sty غير متواجد حالياً
Facebook Twitter 0
قديم 06-12-2016, 12:16 PM   #2
بآيعه الدنيا
مشرفة منتدى عيادة الإقلاع
 
الصورة الرمزية الخاصة بـ بآيعه الدنيا
بآيعه الدنيا فوق  هام السحببآيعه الدنيا فوق  هام السحببآيعه الدنيا فوق  هام السحببآيعه الدنيا فوق  هام السحببآيعه الدنيا فوق  هام السحببآيعه الدنيا فوق  هام السحببآيعه الدنيا فوق  هام السحببآيعه الدنيا فوق  هام السحببآيعه الدنيا فوق  هام السحببآيعه الدنيا فوق  هام السحببآيعه الدنيا فوق  هام السحب
رد : هل زوجي مريض نفسي او يتعاطى؟

يُنقل للقسم الرئيسي



 

 

بآيعه الدنيا غير متواجد حالياً
Facebook Twitter 0
قديم 06-12-2016, 01:42 PM   #3
Off The Grid
خبير إقلاعي مميز
 
الصورة الرمزية الخاصة بـ Off The Grid
Off The Grid فوق  هام السحبOff The Grid فوق  هام السحبOff The Grid فوق  هام السحبOff The Grid فوق  هام السحبOff The Grid فوق  هام السحبOff The Grid فوق  هام السحبOff The Grid فوق  هام السحبOff The Grid فوق  هام السحبOff The Grid فوق  هام السحبOff The Grid فوق  هام السحبOff The Grid فوق  هام السحب
02-06-2017 - 17 year
رد : هل زوجي مريض نفسي او يتعاطى؟

" كان قلبي كبير بيسامحك , إنما كان غدرك أكبر " ــــــــــــ للصبر حدود

و غَدر زوجك أكبر مِن أن يُبرِّره عَماه .



 

 

Off The Grid غير متواجد حالياً
Facebook Twitter 0
قديم 06-12-2016, 03:02 PM   #4
| زح زح |
من كبار رياضيي الإقلاع
 
الصورة الرمزية الخاصة بـ | زح زح |
| زح زح | فوق  هام السحب| زح زح | فوق  هام السحب| زح زح | فوق  هام السحب| زح زح | فوق  هام السحب| زح زح | فوق  هام السحب| زح زح | فوق  هام السحب| زح زح | فوق  هام السحب| زح زح | فوق  هام السحب| زح زح | فوق  هام السحب| زح زح | فوق  هام السحب| زح زح | فوق  هام السحب
رد : هل زوجي مريض نفسي او يتعاطى؟

له علاقه بزوجات قرايبكم كلهم !!
ويعرف مغربيات وفلبينيات وله علاقه معهم !!
ويتحرش بالنساء !
واخوه يتحرش فيك ويتلفظ فيك !!


وش تبي بهالعيشه القرف هذي !!!
لاتسمعي كلام أمك نهائيا ً الرجال مايعقلون ابببببببببد خذيها مني

تطلقي وريحي راسك من هالقذاره والقرف هذي



 

 

| زح زح | غير متواجد حالياً
Facebook Twitter 2
قديم 06-12-2016, 03:47 PM   #5
المنقلبه
خبير اقلاعي
 
الصورة الرمزية الخاصة بـ المنقلبه
المنقلبه فوق  هام السحبالمنقلبه فوق  هام السحبالمنقلبه فوق  هام السحبالمنقلبه فوق  هام السحبالمنقلبه فوق  هام السحبالمنقلبه فوق  هام السحبالمنقلبه فوق  هام السحبالمنقلبه فوق  هام السحبالمنقلبه فوق  هام السحبالمنقلبه فوق  هام السحبالمنقلبه فوق  هام السحب
رد : هل زوجي مريض نفسي او يتعاطى؟

الله يعافيهم ولايبتلينا وش ذا العائله اللي ماتعرف من الدين شي

غريبه امك صراحه كيف تبيك ترجعين لناس مثل كذا



 

 

المنقلبه غير متواجد حالياً
Facebook Twitter 0
قديم 06-12-2016, 03:58 PM   #6
MS.ALYA93
مشرفة منتدى نادي السيارات
 
الصورة الرمزية الخاصة بـ MS.ALYA93
MS.ALYA93 فوق  هام السحبMS.ALYA93 فوق  هام السحبMS.ALYA93 فوق  هام السحبMS.ALYA93 فوق  هام السحبMS.ALYA93 فوق  هام السحبMS.ALYA93 فوق  هام السحبMS.ALYA93 فوق  هام السحبMS.ALYA93 فوق  هام السحبMS.ALYA93 فوق  هام السحبMS.ALYA93 فوق  هام السحبMS.ALYA93 فوق  هام السحب
رد : هل زوجي مريض نفسي او يتعاطى؟

*

جوفي هذا الشخص مستحيل يتغير
كفاية ان له علاقة بنسوان عمه ومدري من بعد
بذمتج الحين عقب ماعرفتي كلشي عنه وفيه حركات ويجيب مغربيات ووو
انتي اهني لو تطلقتي ابرك لج من تقعدين مع شخص تضيعين عمرج وتدرين ماراح يترك هالشي
لانو كفاية انتي كشفتيه لما طلعتي رقم غريب وشفتي شلون تعامله مع النسوان
هذا فيه حالة نفسية وحسباله ان الحياة دايما جنس !!

لازم تصرين ع الطلاق حبيبتي .. لمصلحتج وتطلعين باقل الخساير احسن مابعدين تجيبين طفل ويكون اهو الضحية



 

 

MS.ALYA93 غير متواجد حالياً
Facebook Twitter 0
قديم 06-12-2016, 04:48 PM   #7
December
عضو فعال
 
الصورة الرمزية الخاصة بـ December
December فوق  هام السحبDecember فوق  هام السحبDecember فوق  هام السحبDecember فوق  هام السحبDecember فوق  هام السحبDecember فوق  هام السحبDecember فوق  هام السحبDecember فوق  هام السحبDecember فوق  هام السحبDecember فوق  هام السحبDecember فوق  هام السحب
رد : هل زوجي مريض نفسي او يتعاطى؟

من جدك جايه تشاورين في الموضوع؟؟

لو مو خايفة على سمعتك عالاقل خافي على صحتك من الامراض و القرف اللي بيجيبها من هالعاهرات اللي يعرفهم!
انت واضح انك انسانه نظيفة و متربية و بنت اصول .. حرام تضيعين حياتك مع انسان بهالمستوى!
و احمدي ربك انك عرفتي هالامور قبل ما تجيبين اطفال و ضحايا.
ايش البيئة اللي كان بتربى فيها هالطفل مع أب بهالعقلية؟
صوره العريانه يرسلها لكل من هب و دب! ايش هالانحطاط!
ما سألتي نفسك ايش الجيل اللي بيطلع من هالعيلة اذا ابوه و عمه هذي تربيتهم؟
و فوق هذا يضحك و يستهتر اذا واجهتيه بدال ما يستحي على نفسه !! و يطالع في الحريم وانت معاه و لا احترم وجودك و كيانك!
بدال ما يقدرك و يعزك و يحطك فوق راسه لانك وقفتي معاه و ساندتيه يعاملك كذا؟
كثير شباب يكون لهم علاقات و خرابيط،، لكن بعد الزواج يحس بالمسوؤلية و يتعدل.. لكن زوجك مو ناوي ،مقتنع تماما ان حياته كذا و لا حاب يتغير.. وانت لازم ترضين!

نصيحتي اطلعي من هالعيله دامك بصحتك ،، و ارتبطي بشخص يستاهلك و يحترمك و يحترم وقفتك معاه و يخاف على سمعتك ،، تبنين معاه اسره محترمه واطفال يفتخرون في ابوهم و يشوفونه قدوة.




 

 


اخر تعديل كان بواسطة » December في يوم » 06-12-2016 عند الساعة » 04:56 PM.
December غير متواجد حالياً
Facebook Twitter 0
قديم 06-12-2016, 04:55 PM   #8
هنا هلالي
مميز التصاميم والفنون البصرية
هنا هلالي فوق  هام السحبهنا هلالي فوق  هام السحبهنا هلالي فوق  هام السحبهنا هلالي فوق  هام السحبهنا هلالي فوق  هام السحبهنا هلالي فوق  هام السحبهنا هلالي فوق  هام السحبهنا هلالي فوق  هام السحبهنا هلالي فوق  هام السحبهنا هلالي فوق  هام السحبهنا هلالي فوق  هام السحب
رد : هل زوجي مريض نفسي او يتعاطى؟

اخر شي اكتشفت ان زوجي على علاقة بزوجة عمي وعلى علاقة بزوجة ولد عمه ..
بعد مدة اكتشفت ان له علاقة بزوجة ولد خالته وبزوجة عمي اللي كان جاي من طرفها!!

^^
تآكدي يابنت الحلال مو معقول كل اقاربكم كذا... يمكن وحده تشذ لكن بهالعدد !! أانا اشك بصراحه .



 

 

هنا هلالي غير متواجد حالياً
Facebook Twitter 0
قديم 06-12-2016, 05:09 PM   #9
نَـاي.
خبير اقلاعي
 
الصورة الرمزية الخاصة بـ نَـاي.
نَـاي. فوق  هام السحبنَـاي. فوق  هام السحبنَـاي. فوق  هام السحبنَـاي. فوق  هام السحبنَـاي. فوق  هام السحبنَـاي. فوق  هام السحبنَـاي. فوق  هام السحبنَـاي. فوق  هام السحبنَـاي. فوق  هام السحبنَـاي. فوق  هام السحبنَـاي. فوق  هام السحب
02-06-2017 - 17 year
#165  02-01-2018
رد : هل زوجي مريض نفسي او يتعاطى؟

الله يكون في عونك كيف قادرة ومتحملة
في مثل بيقول عمر ذيل الكلب ما ينعدل يعني الأعوج يتم اعوج
يا حبيبتي صحيح أبغض الحلال عند الله الطلاق بس هذا الحل بوجهة نظري !!

انتي ما قصرتي ومحاولتي مع زوجك انك تغيريه وتعالجي المشكلة بصبرك طولتي
بالك بما فيه الكفاية حبيبتي لا تردي على احد هذي حياتك وانتي ادرى فيها
مع احترامي لامك كلامها غير صحيح واللي في طبعه عمره ما يغيره

تطلقي منه والله يعوضك احسن منه ويعوّض صبرك خير ان شاء الله
موفقه حبيبتي وبعدك صغيرة والحياة قدامك
عيشي حياتك وانبسطي ان شاء الله ربك يرزقك الزوج الصالح اللي يصونك
يخاف عليك وعلى علاقتكم
الله يوفقك ويحميك غلاتي..



 

 

نَـاي. غير متواجد حالياً
Facebook Twitter 0
قديم 06-12-2016, 06:05 PM   #10
بـسـكـوت..!
مشرف منتدى تطبيقات تقنية الإتصالات الحديثة
 
الصورة الرمزية الخاصة بـ بـسـكـوت..!
بـسـكـوت..! فوق  هام السحببـسـكـوت..! فوق  هام السحببـسـكـوت..! فوق  هام السحببـسـكـوت..! فوق  هام السحببـسـكـوت..! فوق  هام السحببـسـكـوت..! فوق  هام السحببـسـكـوت..! فوق  هام السحببـسـكـوت..! فوق  هام السحببـسـكـوت..! فوق  هام السحببـسـكـوت..! فوق  هام السحببـسـكـوت..! فوق  هام السحب
رد : هل زوجي مريض نفسي او يتعاطى؟

هذي فيها سؤال ؟ كل ذا البلاوي وتقولين تبغين راي ؟
تطلقي منه وما عليه حسوفه !

دامه من يوم تخرج من الثانوي لين صك الثلاثين ما تاب
وبعد ما انعمى ما تاب .. وبعد ما واجهتيه ما خاف
فما راح يترك ذا الطريق ابد

بالعقل هذا انسان مريض والعيشه معه فيها ظلم لك
وما عليك من راي اهلك ولا امك ولا اي احد .. والله محد بياكلها غيرك
لقب مطلقه اشرف بكثير من انك تكونين زوجة واحد مثل ذا !
تخيلي لو احد يعرف ببلاويه ذي غيرك ؟ - وانا ما استبعد انه يتفاخر بين اخوياه بعلاقاته -
تتوقعين بيظنون انك احسن منه ؟ بيقولون زي ما اقام علاقه مع زوجات اعمامه اكيد انه يبيع زوجته
آسف ع الكلام ذا بس فعلا ارتباطك منه يسيء لك
تطلقي وشوفي لك واحد عاقل .. ولا تظلمين نفسك معه



 

 


اخر تعديل كان بواسطة » بـسـكـوت..! في يوم » 06-12-2016 عند الساعة » 06:07 PM.
بـسـكـوت..! غير متواجد حالياً
Facebook Twitter 0
إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 07:08 PM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2017, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017