السلام عليكم
اكيد لاحظتوا كثرة النصائح بشأن ضرورة تحديث الوندوز و للاسف غالبيتكم ماتعرف التحديث او طريقة تحديث الوندوز .
عمي غيتس ما قصر و فكر فيكم و خله في اوبشن بحيث الوندوز يحدث نفسه بنفسه بدون ما تعوررون راسكم .. اكثر من كذا دلع؟
لكن ما انصح فيها الا بعد ما تتأكد ان عندكم جميع التحديثات الضرورية و بعدها تستطيعون تفعيل هالخاصية ( راجعوا الشرح ادناه )
طريقة تفعيل هالخاصية :
1 - نسمي باسم الله
2 - اضغط ( ابدأ ) start
3 - عند my computer اضغط يمين الماوس
4 - اختار properties خصائص
5 - راح تفتح عندكم نافذه جديدة ... من فوق اختار Automatic updateاو تحديث الوندوز اوتوماتيكيا ( شيء من هالقبيل )
6 - الحين في اول مربع ضع علامة صح ( اكيد راح يكون فاضي عندكم
) .. و بعدين راح تشوفون 3 خيارات تحت .. اختاروا الخيار الثاني ( وهو ان الوندوز ينزل التحديث و يعلمك اذا اكتمل التحميل علشان انت تجي و تثبته )
7 - ضغطوا Apply ثم اوكي
8 - و سلامتكم
هالخطوة الي سويناها علمنا فيها الوندوز انه يحمل التحديث ( اثناء التحميل راح يظهر عندكم تحت على اليمين ايقونة على شكل الكرة الارضية اذا مررتم الماوس عليها راح تظهر لكم نسبة مؤية ) و بعد ما يتحمل و يكون جاهز لتثبيته على جهازكم راح يعلمكم عن طريق رسالة تظهر لكم تحت على اليمين و كل ما عليكم فعله هو الضغط عليها ثم اوكي و اوكي ..الخ
الحين نجي للطريقة التحديث ( اليدوية ) :
1 - افتح الاكسبلورر
2 - من فوق اختار ( ادوات )
3 - بعدين اختار ( تحديث الوندوز )
4 - انتظر شوي الين سايت مايكروسوفت يفتح معاك بالكامل و راح تشوف مثل هالصورة
5 - راح تشوفون ( Scan for new update) ضغطوا عليها
6 - الحين سايت مايكروسوفت راح يفحص جهازك علشان يشوف و الش امهبب بالتحديثات
..
من فوق راح تشوفون نسبة مئوية .. نطروا الين تكمل و تتحدث الصفحة ..
7- بعد ما كمل السايت فحص جهازك و البحث عن التحديثات المناسبة لك راح تلقى جميع التحديثات الضرورية موجودة على اليسار .. كما في هذه الصورة
بالنسبة لرقم ( 3 الي بالصورة ) و هي مخصوصة لتحديث الهاردوير كما لمحت لكم مثل السيدي درايف او كرت الشاشة او المودم الي كل من يشتكي منه بسبب عدم تحديثه
8 - الحين شوفوا الصور لتكملة الخطوات الباقية
و بعدين
ملاحظة بكبر قريح مثل ما تقولون
لما تسون التحديث انا انصحك انه يكون بالويد اند و بالليل لان راح ياخذ وقت طويل على حسب حجم التحديث
عاد الحين لاحد يقول اشلون احدث و لا ما ادري ان الوندوز لازم يتحدث
انا ابصم بالحدعش
ان اغلبكم ما راح يراجعنا مرة ثانية و المنتدى راح يفلس بعد شهر
تيك كير و اذا اي ملاحظة انا حاضر
ملاحظة صغيرة:
الوندوز الي عندي انجليزي فياريت لو احد منكم عنده وندوز عربي يصورلي نفس الصور الي فوق علشان ارفقها حق الي مايعرف انجليزي
شرح طريقة تحديث وندوز اكس بي بالصور
الوضع العادي
