[مدينة ألم]

السلام عليكم ورحمة الله بركاته 
جمعه مباركه 
حابه اتكلم عن شي جدا مضايقني خصوصا انه زايد عن حده هاليومين 
طبعا انا حتكلم عن مجتمعنا النسائي مادري اذا موجود عن الرجال او لا
الحسد أو بالاخص الشفاحه على كل شي

صديقتك تمني لها الخير 
اختك توظفت افرحيلها مثل فرحتك لنفسك 
ليش بعض الناس يزعلون لو درو ان وحده صارلها شي حلو مو شرط يكون زواج اي شي وظيفه ترقيه منحه ايا كان 
او اي شي من هالقبيل 

والعكس صحيح لو صار لفلانه شي شين 
انواع التشمت يصير من ورا ظهرها 
او لبسها مو بالقيمه الفلانيه تجيها نظرات الشفقه كأنها تو جايه من العصر الحجري

بالعربي الناس معاد يملى عينها شي صارو بدال مايحسدون الشخص من تحت لتحت تطورت للمصارحه بالوجه 

تدرون ليه لان قلوبنا مو صافيه على بعض وعلى اللي حولنا دايم مانبي كل شي لنا بس مانبي فلانه تتوفق او تفرح 


والله ماتكلفك شي كلمة الله يهنيها 
الله يوفقها

تلبسين الشنطه بالعافيه 

(على نياتكم ترزقون)

ماحبيتي الخير الناس لا تقولين ليه ربي مارزقني ليه فلانه متوفقه وانا لا 
ليه فلانه تشتري اللي تبي وانا لا 

فلانه توفى اخوها ساعديهم ظروفهم صعبه اوقفي معهم 
سوي خير وارميه بالبحر ولو انكرو فضلك عليهم ربي مارح ينكره بدال ماتجين للعزا وتقزقزين بخلق الله 
لا تقولين انا سويتلكم ولولاي خلاص ربي رح يعطيهم على نيتهم وانتي بعد على نيتك 

بالاول نظفي قلبك وابدئي بالنية الصافيه وحبي الخير للناس وصديقيني ربي مارح ينساك يمكن المشاكل اللي تصيرلك بسبب حسدك على شخص بسبب انك تتمنين لها الشر 

انا حبيت اكتب هالموضوع لاني هالشريحه من الناس كاثره حتى على شرب المويه تحسد 

[[ MEEM ]]

وعليكمم السلآم اختي مدينة ألم
اول شيء اذكر ان جمعة مبآركه م يجوز تقولهآ لآن كل الايآم مبآركه ! < على م اذكر !
ووشسمه ندخل بالموضوع ..
صرآحةة هذآ شيء كآثر هالايام وصآير فيه نآس كثير رآح الحيآء من عندهم ونسوآ وش يكون صآر عآد يرمي على اي وآحد كم كلمه ولا يرآعي مشآكله او اعآقته او حآلته او اي شيء !
والحسد صآر كثير نآس م يجي على لسآنههم مآشاء الله وصآر الي على لسآنهم اهب وإلخ !
حآفظ على م تخآف عليه في نفسك فقط لآن الكثير يعشقون الحسد ..
وشكراً على الطرح وليت كثير يفهمون الموضوع ويضبطون امورهم
تستآهلين .. + مثبت ~
= مب عند البنآت فقط ..

[Bnt Norah]

هالشي منتشر وبقوه عند الحريم ..
لان الناس صارت ما ترضى باللي معها ودايم عينها على غيرها ..
هو بصراحه حسد .. لان بعضهم يجيهم اكتئاب حتى لو هو اعلى منك بكل شي الا شي معين .. ويكرهك ولا يطيقك ويتغير عليك بين ويوم وليله تظطر احيانا انك تغبي عليه ..
لو الكل يطبق حديث نبينا كان ما صار وضعنا كذا قطاعه وتجديع كلام وزعل بدون سبب ،،،
ولو تعمل معروف لاحد وينكره واحيانا يكرهك رغم انك تسوي هالمعروف وتنساه ولا تمن عليه .. ولو يصير لك خير صار اول الناس اللي تطنقر ولا يفرح لك بعكس لما يصير لك شي شين يجي يشوف وحهك شلون صاير ان بينت انه عادي والحمدلله جلس يسألك اسئله الا بالغصب تبين انك متأثر وحزين وضايقه عليك الدنيا علشان يرتاح هو واحيانا يطقها بوجهك غريبه ما تأثرت رغم ان هالشي راح يأخرك او يخسرك يعني الا بالغصب تكفى صير حزين ومنبوذ ولا لك احد .. وبينما انت تكن له العكس تتمنى له الخير واذا صار به شي شين تكون اول الداعمين له ايجابيا وتساعده .. لكن ما عليك الا تنوي اي شي خير لوجه رب العالمين فقط ولا تنتظر شكر من احد + تصفي نيتك قالها الاولين المنيه مطيه والله ان ربي يسر لك امورك ويفتحها بوجهك

[متجر فكتوريا]

وعليكم السلام والرحمه

(على نياتكم ترزقون)

ومن كان بقلبه ذرة حسد مايدخل الجنه ولا يشم ريحها مافيه اشد من كذا عذاب
الله يهديهم

ربي يسعدك موضوع جداً مهم بهذا الوقت

[فوق مستوآك ً]

هذا الحسد
الحمد لله بالنسبه لمجتمعنا الرجالي بشكل عام
او ما ادري صراحه عن الناس لكن ادري ان النساء عندهم شي زي كذا
بس انا كرجل ما اشوف ان عندنا الشي هذا بالقوه الي عند النساء
والحمد لله على هذي النعمه , والله يهدي جميع الناس
الي يحسدون حتى اخوانهم .,
+ لابد ان يصير نوع من الغل الخفيف على بعض لان هذي طبيعة الانسان
لكن الي بالقلب يبقى بالقلب وينسي بعدين والمفروض مايطلع ابد

[مدينة ألم]

إقتباس »

الرسالة الأصلية كتبت بواسطة [ MEEM ] »


وعليكمم السلآم اختي مدينة ألم
اول شيء اذكر ان جمعة مبآركه م يجوز تقولهآ لآن كل الايآم مبآركه ! < على م اذكر !
ووشسمه ندخل بالموضوع ..
صرآحةة هذآ شيء كآثر هالايام وصآير فيه نآس كثير رآح الحيآء من عندهم ونسوآ وش يكون صآر عآد يرمي على اي وآحد كم كلمه ولا يرآعي مشآكله او اعآقته او حآلته او اي شيء !
والحسد صآر كثير نآس م يجي على لسآنههم مآشاء الله وصآر الي على لسآنهم اهب وإلخ !
حآفظ على م تخآف عليه في نفسك فقط لآن الكثير يعشقون الحسد ..
وشكراً على الطرح وليت كثير يفهمون الموضوع ويضبطون امورهم
تستآهلين .. + مثبت ~
= مب عند البنآت فقط ..

اكيد مو عند البنات فقط لكن بحكم مجتعمنا النسائي
خصوصا لما اجلس مع صحباتي او زميلات العمل
لو وحده جاتها ترقيه

بطريقة كلامهم واسلوب يبين الحسد بقلبها فلانه ماتستاهل او ماهي كفو
كل واحد ربي كاتبله نصيبه ماتقدرين تمنعين رزقها

[مدينة ألم]

إقتباس »

الرسالة الأصلية كتبت بواسطة Bnt Norah »
هالشي منتشر وبقوه عند الحريم ..
لان الناس صارت ما ترضى باللي معها ودايم عينها على غيرها ..
هو بصراحه حسد .. لان بعضهم يجيهم اكتئاب حتى لو هو اعلى منك بكل شي الا شي معين .. ويكرهك ولا يطيقك ويتغير عليك بين ويوم وليله تظطر احيانا انك تغبي عليه ..
لو الكل يطبق حديث نبينا كان ما صار وضعنا كذا قطاعه وتجديع كلام وزعل بدون سبب ،،،
ولو تعمل معروف لاحد وينكره واحيانا يكرهك رغم انك تسوي هالمعروف وتنساه ولا تمن عليه .. ولو يصير لك خير صار اول الناس اللي تطنقر ولا يفرح لك بعكس لما يصير لك شي شين يجي يشوف وحهك شلون صاير ان بينت انه عادي والحمدلله جلس يسألك اسئله الا بالغصب تبين انك متأثر وحزين وضايقه عليك الدنيا علشان يرتاح هو واحيانا يطقها بوجهك غريبه ما تأثرت رغم ان هالشي راح يأخرك او يخسرك يعني الا بالغصب تكفى صير حزين ومنبوذ ولا لك احد .. وبينما انت تكن له العكس تتمنى له الخير واذا صار به شي شين تكون اول الداعمين له ايجابيا وتساعده .. لكن ما عليك الا تنوي اي شي خير لوجه رب العالمين فقط ولا تنتظر شكر من احد + تصفي نيتك قالها الاولين المنيه مطيه والله ان ربي يسر لك امورك ويفتحها بوجهك

كلامك صحيح لو صار لها شي شين وانتي وقفتي بجنبها تفكر انك تبين تعرفين اخبارها او تبين تتشمتين
مو شرط اذا شخص وقف معك وقت ظروفك كانت صعبه انها تتشمت
حلو احسان الظن

[Pro.ASMA]

صدقتي شيين كثرن بمجتمعنا لين احس خلاص كل شي واضح
الحسد والعين والوسوسه بعد
يعني الواحد حتى اذا ماتوفق بشي يخلص نفسه ويجرد عمره من الاخطاء وينسب اخطاءه بعيون من الناس
يعني زود الحسد موجود فيه وسوسه من العين والحسد الله يكفي الشر

[جيتك ع الموعد!!]

و في المقابل صاير فيه وسوسه بزياده لدرجه ان بعض الناس يتهيأ لها ان الناس تحسدها لدرجه انها يصير لها الشي الزين و لا تعلم ، ماتدري انها متزوجه الا عقب زواجها بكم يوم و لا تدري انها حامل الا عقب ما تظهر كريشتها و تاخذ لها كم شهر بالوظيفه وانت و لا تدري عنها ، المشكلها انه يحطك بالصوره بأحداث حياته و اذا ضبط وضعه خفسسسسس معاد ينشاف طيب فرحنا معك مساندينك و بنحسدك يعني !

لو يعي الشخص ان الارزاق مقسمه بعدل
ماكان همنا كله وش بيدين الناس !! تحسده على ماله ؟ ليه ما معي اللي معه ؟
قارن من جهه ثانيه عائلتك مستقره وقلوبها على بعضها و هو اعياله اللي بالسجن و اللي فيه مرض نفسي و غيره !
يا حظها متوظفه و وظيفتها تعيّش عيشه محترمه !! هي صكت الثلاثين ما تزوجت و انتي بين زوجك واعيالك ومصروف عليك !! هذي عيّنه صغيره بس من اللي حوولي

الرزق والحياه موب فلوس و بس ؟ نجاحك في دراستك هذا نعمه ؟ كونك بين اهلك بصحه و عافيه هذا نعمه ؟ و غيره و غيره

الله يهدي الجميع و يكفينا شر من فيه شر
عوافي ياخيّه

[رووزي]

جملة ( ماشاء الله ) قصيرة جداً لكن الناس صارت ماتنتبه للامور البسيطة ..
وهنالك فرق بين الحسد والغبطه ..
يعني ان تمنيت شي زي اللي عند غيرك قول ( الله يهنيهم ويرزقنا مثلهم ) واربطها بماشاء الله ..
لكن البعض يملك في قلبه كميه من الحسد والحقد عجيبه ..
اذا فقد الشيء لا يريد غيره ان يمتلكه ..
والبعض الاخر يجلس بالعاميه نقول ( يهايط ) بما يملك ..
يمشي ويترزز بالشي قدام الخلق ..
الخوف المبالغ فيه من الحسد سي ء..
وانكار ان العين حق بعد سيء ..

يعني بكل المواضيع لازم نقول ماشاء الله ..
البعض اذا قلت له قل ماشاء الله يزعل ؟؟!!!!!!!!!!!
يقول انا مافيني عين ولا ايش احسدك ؟؟
طيب مافيها اي شي ان الواحد يذكر الله فكم عين سبب بمرض وكم عين سببت بوفاه والعين حق ..


شكراً لك على الموضوع المهم ..