منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الاكاديمية والثقافية > منتدى ابناؤنا في الخارج
التسجيل التقويم التأشير على جميع الاقسام بالمشاهدة




إضافة رد
 
أدوات الموضوع طريقة عرض الموضوع
قديم 12-01-2013, 06:05 PM   #1
Beautiful world
خبير اقلاعي
 
الصورة الرمزية الخاصة بـ Beautiful world
Beautiful world فوق  هام السحبBeautiful world فوق  هام السحبBeautiful world فوق  هام السحبBeautiful world فوق  هام السحبBeautiful world فوق  هام السحبBeautiful world فوق  هام السحبBeautiful world فوق  هام السحبBeautiful world فوق  هام السحبBeautiful world فوق  هام السحبBeautiful world فوق  هام السحبBeautiful world فوق  هام السحب
المعيشة في امريكا , للمبتعثين الجدد وغيرهم ( مجهود شخصي )

بسم الله الرحمن الرحيم

السلام عليكم ورحمة الله وبركاته :

في الحقيقة تردت كثيرا في طرح هذه الموضوع, ولكن حبيت اقدم نصائح بسيطه للمبتعثين الجدد , سوا من الذكور أو الاناث , والافضل العوائل
طبعا منتدى أكاديمية الاقلاع ما قصرت في المواضيع المثبته , وهذا جهد يشكرون عليه اعضاء هذا القسم المميز , اغلب متطلبات الابتعاث موجوده هنا بالتفصيل الممل , كيفية التقديم , والفيزا , والحجوزات , والمعاهد والقبولات ,ودراسة اللغه وغيرها من الامور الهامه للمبتعث الجديد .
ولكن في موضوعي هذا راح اتطرق لجانب أخر , مغيب للاسف لدى البعض , وهو يتعلق بالمعيشة في امريكا , من حيث شراء المنتجات والاثاث , وغيرها الكثير والكثير .

قبل ما أبدأ بالتفصيل أحب اوضح أن امريكا الان اصحبت كالسعودية , يفهمونك وتفهمهم , يعرفون طبايعنا , يعرفون توجهاتنا , يحترمون ديننا وعاداتنا , يقدرون وجودنا وغربتنا للتعلم , في امريكا بتشوف عوائل سعودية في حديقة او منتزة كانهم جالسين بالسعودية , يعني بالعبايات السوداء وزولية وشواهي وقهوه وعلوم طيبة ههههه ,, بتمر في مواقف كثيرة تقول في نفسك , هل انا فعلا في امريكا .. !!
وخصوصا مع التقنية الحديثة والتواصل مع الاهل والاصدقاء في السعودية , ماراح تحس بالغربه ابد ابد ابد , اضافة الى وجود سوبر ماركت عربي في كل مكان , ومطاعم عربية , يعني باختصار , امريكا ماهي امريكا قبل سنوات , الان امريكا اصبحت دولة تضم أكثر من 100 الف مواطن ومواطنه سعوديين مبتعثين للدراسة , غير المقيمين من الدول العربية , مصر , الاردن , لبنان , ليبيا , فلسطين .

في موضوعي هذا راح اشرح النصائح بشكل ( سوالف ) , حتى تكون واضحه ومفهومه , يعني كانكم تقرون قصه او رواية , وممكن تكون غابت عني بعض الامور , وممكن امور اخرى ما عايشتها , ولكن اللي بقدر عليه راح اشرحه واوضحه .

اول نصيحة اقدمها للمبتعثين الحجز من السعودية على مدينة الدراسة دايركت , ما يحتاج تنزل بواشنطن عشان الملحقية , راح تضيع وقتك وفلوسك على غير سنع , في واشنطن الايجار غالي , والتكاسي اغلى , والمطاعم برضوه غاليه , ووجودك ماله لزوم , احجز من السعودية على احدى المدن الكبيرة ومن ثم على المدنية المبتعث لها , فقط انصحك تحمل برنامج سكان على الايفون , واول ما توصل وتسوي دخول تصور متطلبات فتح الملف في عشر دقايق عبر البوابه وانتهى الامر .

بعد ما تفتح الملف وتوصل الى مدينتك بيكون هناك خيارين , الاول أن بعض المبتعثين يكونون مسـتأجرين الشقة قبل الوصول سوا عن طريق صديق او مكاتب او عن طريق النت , والخيار الثاني ان البعض بعد ما يوصول يبدأ عملية البحث , خلال عملية البحث لابد المبتعث يسكن لفترة معينه في احدى الفنادق , والفنادق في امريكا اسعارها نوعا ما غاليه , ولهذا انصح بالبحث عن ( موتيل ) , والموتيل يشابهه الشقق المفروشه بالسعودية , يعني مثل ما يقولون ( مشي حالك ) واسعارهم ارخص من الفنادق بكثير , والافضل انك تحجز لفترة معينه عشان يعطيك سعل اقل , على سبيل المثال اليوم 45 دولار , ولكن لو اتفقت معاه على الحجز لمدة عشر ايام , ممكن تاخذ الغرفة في اليوم 25 الى 35 دولار .

بعد ما تحصلون الشقه , تبدا عاد الامور الاهم , شقه فاضيه , يعني اكيد تحتاج بعض الحاجات المهمه , مثل الاواني المنزلية , والاثاث , وغرف النوم , وغيرها من حاجات الشقه , يعني تحتاج تأثيث من الاف الى الياء , ولهذا بقولكم شلون تأثثون , واللي دراهمه واجد يقفل الصفحه , واللي حالته وسط مثل خلق الله راح يستفيد بأذن الله .

قبل ما ابدأ في موضوع الاثاث , حاب اوضح أنه من المهم اول ما تستلمون الشقه , تسألون عن مكتب السكن عن الفواتير اللي يشملها السكن , يعني فاتورة موية , كهرباء , غاز , وتشوفون اللي مع الايجار واللي انتم راح تسددونه شهريا , وبعد ما تعرفون تطلبون شلون طريق التسديد , عشان البعض اول ما يسكن ما يعرف هالامور , وتروح اول ثلاث شهور وهو مبسوط لا تسديد ولا شيء , وفي النهاية تجية فاتورة في البريد بمبلغ عالي , وتكون هذي الفاتوره تراكامات الشهور الثلاثة الماضية , وبرضوه اسألوا عن الغسالات هل موجوده او لا , اذا مو موجوده اسألو عن غرفة الغسيل , لانه في كل مجمع سكني غرفة للغسيل لجميع السكان , والغسيل يكون بالدولار والتنشيف بدولار , انت عليك الدولارين والصابون هههههه .

اما بخصوص الاواني المنزلية والأثاث , في امريكا محلات كبيره مثل هايبر بنده , والعثيم وغيرها , وتحصل عندهم كل شيء , اثاث , اواني منزلية , منتجات , ولكن اسعارهم غويليه شوي , يعني راح تضطر تدفع مبالغ كبيرة اول شهرين , واغلب المبتعثين يصير معهم هالشيء , وبعد ما يعرفون امريكا يقولون استعجلنا في الشراء , ولكن في هذا الموضوع راح نحارب غلاء المعيشة ونبحث عن افضل الطرق للشراء
المحلات الكبيرة عندهم , ولمارات , تارقت , وغيرها










اللي تشوفونها فوق هاذي هي المحلات الكبيره المعروفة في امريكا
طبعا هالمحلات , سبحان الله تدخل فيها تبغى تشتري مثلا حاجه معينه وتطلع , ما تدري الا السله مليانه , كذا لا شعوريا تمشي وتعبي ههههه
ولهذا
اول ما تستلمون مفاتيح الشقه , وتكون عندكم السياره , تشترون هالمزيون





القارمن

القارمن من الادوات اللي تساعدكم على عملية البحث , وحتى لو كانت لغتكم الانقلش مش كويسة تقدرون تحولون اللغه الى عربي , وراح يخدمكم , وتقدرون تشترونه من المحلات الكبيرة اللي فوق , والسعر يتراوح من 90 دولار الى 150 دولار , وجميعهم يقومون بالواجب , والمهم تحفظون عنوان الشقه في القارمن من اول ما تشترونه , عشان تعرفون ترجعون للبيت
نبدا بالاثاث ( كنب , سرير , طاولات ) وطرق البحث :

تبدون عن طريق القارمن , تحصلون خانة في القارمن اسمها الاثاث, اضغطوا عليها وتتمشون في كل محلات الاثاث وتسعرون وتشوفون كافة الاثاث اللي تحتاجونه , وتعرفون اسعارها

برضوه اذا استلمتم الشقه أنشاء الله بيكون لكم بريد عند الباب او عند باب السكن , وهذا البريد راح يوصلكم عليه عروض خياليه من شركات الاثاث , بالاسعار والصوره , يعني يوميا تفتحون البريد وتطلعون الاعلانات وتشوفونها في البيت وتشوفون اسعارها

برضوه لو مثلا بديتوا في المعهد راح تلاقون سعوديين ومع السوالف يوصونكم على محلات اسعارها معقولة , تناسب الوضع المادي لكل مبتعث جديد

يعني لا تستعجلون في الشراء
شوفوا القارمن ومحلاته
شوفوا البريد واعلاناته
شوفوا الزملاء في المعهد ونصايحهم

ثلاث خيارات وبعدها راح تحصلون اثاث مميز وسعره مناسب , وممكن برضوه تحصلون عوائل سعودية خلصت بعثتها وحابه تبيع اثاثها بسعر جدا معقول , المهم عدم الاستعجال , حتى لو تنامون على الارض شهر
والله ناس اعرفهم وانا منهم جلسنا كذا شهر بدون كنب او طاولات , ولكن عرفنا وسئلنا حتى شرينا شيء مناسب


يتبع




 

 


اخر تعديل كان بواسطة » Beautiful world في يوم » 12-01-2013 عند الساعة » 06:12 PM.
Beautiful world غير متواجد حالياً
Facebook Twitter 0 اضافة رد مع اقتباس
قديم 12-01-2013, 06:06 PM   #2
Beautiful world
خبير اقلاعي
 
الصورة الرمزية الخاصة بـ Beautiful world
Beautiful world فوق  هام السحبBeautiful world فوق  هام السحبBeautiful world فوق  هام السحبBeautiful world فوق  هام السحبBeautiful world فوق  هام السحبBeautiful world فوق  هام السحبBeautiful world فوق  هام السحبBeautiful world فوق  هام السحبBeautiful world فوق  هام السحبBeautiful world فوق  هام السحبBeautiful world فوق  هام السحب

الامر الثاني الاواني المنزلية , سكاكين , ملاعق , كاسات , قدور , تاوه , صحون , خلاطات , ومعدات الطبخ والحلويات والفرن , وغيرها الكثير والكثير .

طبعا في المحلات اللي وضحتها فوق بالصور فيها الاواني المنزلية , ولكن برضوه اسعارهم نار , ولهذا انصحك تكون البداية بمحلات اسمها , العائلة دورلا



هاذي المحلات مثل ابو ريالين عندنا
يعني بتحصلون اشياء عنده مهمه وباسعار جيده جدا , مثل الصحون والملاعق والسكاكين , يعني ممكن تتقضى نصف حاجات المبطخ او اكثر بسعر لا يصدق , بعد ما تاخذون كل اللي تحتاجون منه , هنا بامكانكم الذهاب لمحلات الكبيرة وشراء البقية , لان ممكن فيه حاجات ما تحصلونها عند ابو ريالين الامريكي

وبكذا تكونون خلصتوا بعض اغراضكم باسعار مقبوله , ملاحظه ( محلات ابوريالين عندهم منتجات غذائية ولكن ما انصح الشراء منهم , فقط الاواني المنزلية وحاجات اخرى غير المواد الغذائية )

نروح للامر الاخر والمهم
المنتجات , يعني الاكل والشرب
برضوه المنتجات تحصلونها عند المحلات الكبيرة اللي وضحتها فوق , ولكن هنا انصحكم بامر مهم , في هذه المحلات اشتروا الحاجات اللي تحتاجون منها شيء بسبط , مثل خضروات , فواكهه , دجاج , بيض , اجبان , خبز , يعني أمور بسيطه واللي تحتاجون منها حبه او حبتين فقط .

اما الحاجات اللي تستهلكك بشكل يومي مثل , المناديل , زيت , صابون ملابس , مويه , صلصة , معكرونه , ممكن تشترونها من محلات اسمها ( سامس كلوب )



هذا المحل يحتاج اشتراك سنوي بقيمه 40 دولار اذا مو ناسي
لان المحل يبع بالجمله , وراح يكون اقتصادي لك , خصوصا في شراء اللي ذكرتها وهي الاستهلاكية اليومية او شبة يومية , لان مثلا , المناديل في احدى المحلات الكبيرة ممكن تشتري الواحد 3 دولار , ولكن ف السامس كلوب , تشتري مجموعه بسعر 20 دولار , ويجلس عندك شهرين وأكثر , ولهذا انصح بهذا المحل .

نروح امر أخر وهو وجود ( البقالات ) العربية , في كل مدنية في امريكا فيها سوبر ماركت عربي , اذا دخلته تحس انك رايح تتفضى لاهلك
وعشان كذا انا شخصيا انصح الشراء من اللي ذكرتهم فوق لان الاسعار اقل , صحيح البقالات العربية فيها منتجات عربية , ولكن في السوبر الماركت الامريكي فيه البديل , وبرضوه اسعار البقالات العربية نار , انا شخصيا اروح للبقالة العربية عشان شيء واحد , شاهي لبتون .
لان اللبتون الامريكي , ماله طعم ولا لون , كانك مسوي مويه
وعشان كذا اللبتون الاصلي تحصلونه عند البقالات العربية فقط , ممكن تشترون منتجات ماهي موجوده عند غيرهم
وانا شخصيا جمعت كذا منتج امريكي راح يعجبكم وضغطتها لكم في ملف , وأغلبها اخذتها من قوقل وبعد من الاقلاع في موضوع مطبخ المغتربين الله يعافيهم , وكتبت عليها الاسم بالعربي , ان شاء الله تستفيدون منها , خصوصا انها منتجات متعودين عليها

http://ultrashare.net/hosting/fl/9b91c7430b/منتجات_-_-


نجي لموضوع الاجهزة الالكترونية , تلفزيون , رسيفر , طابعة , وغيرها
في امريكا بتحصل هالامور عند المحلات الكبيرة اللي صورتها فوق , وبرضوه تحصلونها في محلات مخصصة للاجهزة الاكترونية , مثل هالمحل :




هنا انصح بعد الاستعجال , لان هذه المحلات تسوي عروض بعض الفترات وتكون الاسعار جدا ممتازة

برضوه حاب اوضح بعض الامور بشكل سريع
انصح بعدم قيادة السيارة الا بوجود رخصة امريكية , الرخصة الدولية والسعودية ما تنفع , وراح تاخذون عليها قسيمه او مخالفه وممكن توصل للمحاكم المروية , اول ما توصلون ياللي بتسوقون , الرخصه مهمه جدا , الرخصه قبل القياده , لان نظامهم هنا يختلف كليا عن السعودية, كل مخالفه تحسب بالنقاط , وفيه عدد معين للنقاط وبعدها تسحب الرخصه والسياره , يعني وجع رأس على فاضي .

برضوه بعد شراء السياره ضروري التأمين , وهنا انصح في البداية بالاشتراك لمدة شهرين فقط , حتى تقدرون تبحثون عن الافضل من ناحية السعر , وبعدها تجددون مع الشركة الاخرى لفترة سنه او ستة شهور , واذا قررتوا شراء السياره المهم في السيارات في امريكا , هو الممشى , يعني السيارة كم ماشية , اما الامور الاخرى غالبا تكون نظيفة كالمكينة ومحركات .
يعني تشتري السيارة و تطلع الرخصه وتسوي التأمين , وقتها الله يحفطك اركب سيارتك واربط حزامك ولا تسرع وبالتوفيق في شوارع يونايتد ستيت

بخصوص الموبايل , فيه اكثر من شركة , ولكن الاسعار متقاربه , يعني هالموضوع ما يحتاج نصيحه

اخيرا
بخصوص الاماكن السياحية والتمشيات والمطاعم والمولات , في البداية بيكون المزيون القارمن هو صديقكم , تختارون اللي تبونه ويوصلكم , وبعد فتره بتعرفون كل شيء , يعني ثلاث الى اربع شهور , وتعرفون المدينة شارع شارع.

في النهاية اسأل الله التوفيق لي ولكم , والغربة ماعاد هي غربه , فقط الاشتياق لاهالينا , ام الامور الثانية فهي تمر مرور الكرام .

ما احتاجه منكم دعوة طيبة بالتوفيق لي في حياتي وتحقيق الطموح , واعذروني على الاطاله , ولكن حبيت الموضوع يكون بالشكل هذا , حتى توصل النصائح بشكل عفوي وصادق .

وشكرا للجميع




 

 


اخر تعديل كان بواسطة » جبنة كيري. في يوم » 17-01-2013 عند الساعة » 06:40 AM. السبب: تم إضافة الرابط
Beautiful world غير متواجد حالياً
Facebook Twitter 0 اضافة رد مع اقتباس
قديم 12-01-2013, 06:41 PM   #3
مصممة سعودية
من كبار شخصيات الإقلاع
 
الصورة الرمزية الخاصة بـ مصممة سعودية
مصممة سعودية فوق  هام السحبمصممة سعودية فوق  هام السحبمصممة سعودية فوق  هام السحبمصممة سعودية فوق  هام السحبمصممة سعودية فوق  هام السحبمصممة سعودية فوق  هام السحبمصممة سعودية فوق  هام السحبمصممة سعودية فوق  هام السحبمصممة سعودية فوق  هام السحبمصممة سعودية فوق  هام السحبمصممة سعودية فوق  هام السحب
ماشاءالله موضوع خفيف وحلو ومفيد جدا
أعتقد من النادر الحين تلاقين عايلة سعودية ماعندهم مبتعث
الله يوفقكم وترجعون لنا بالشهادات

تستاهلين التقييم



 

 

مصممة سعودية غير متواجد حالياً
Facebook Twitter 0 اضافة رد مع اقتباس
قديم 12-01-2013, 07:11 PM   #4
II alone II
مستجد
 
الصورة الرمزية الخاصة بـ II alone II
II alone II سمعته تلعلع في السماءII alone II سمعته تلعلع في السماءII alone II سمعته تلعلع في السماءII alone II سمعته تلعلع في السماءII alone II سمعته تلعلع في السماءII alone II سمعته تلعلع في السماءII alone II سمعته تلعلع في السماءII alone II سمعته تلعلع في السماءII alone II سمعته تلعلع في السماءII alone II سمعته تلعلع في السماءII alone II سمعته تلعلع في السماء
ياشيخ عطني رأسك اسلم علية

الله يوفقك والله موضوع رهيييييييييييب

وخاصة سالفة الفواتير من زمان افكر فيها

الحين اجار الشقة والكهرب والنت وغيرة

اسددها كل شهر من النت ؟ ولاكيف ياليت شرح لها الله يجزاك الجنة



 

 

II alone II غير متواجد حالياً
Facebook Twitter 0 اضافة رد مع اقتباس
قديم 12-01-2013, 07:55 PM   #5
Beautiful world
خبير اقلاعي
 
الصورة الرمزية الخاصة بـ Beautiful world
Beautiful world فوق  هام السحبBeautiful world فوق  هام السحبBeautiful world فوق  هام السحبBeautiful world فوق  هام السحبBeautiful world فوق  هام السحبBeautiful world فوق  هام السحبBeautiful world فوق  هام السحبBeautiful world فوق  هام السحبBeautiful world فوق  هام السحبBeautiful world فوق  هام السحبBeautiful world فوق  هام السحب
إقتباس »
الرسالة الأصلية كتبت بواسطة مصممة سعودية »
ماشاءالله موضوع خفيف وحلو ومفيد جدا
أعتقد من النادر الحين تلاقين عايلة سعودية ماعندهم مبتعث
الله يوفقكم وترجعون لنا بالشهادات

تستاهلين التقييم
الله يعافيك
شكرا لحضورك
وشكرا للتقييم


إقتباس »
الرسالة الأصلية كتبت بواسطة II alone II »
ياشيخ عطني رأسك اسلم علية
الله يوفقك والله موضوع رهيييييييييييب
وخاصة سالفة الفواتير من زمان افكر فيها
الحين اجار الشقة والكهرب والنت وغيرة
اسددها كل شهر من النت ؟ ولاكيف ياليت شرح لها الله يجزاك الجنة
الله يسلمك من كل شر
اي نعم تسددها كل شهر
اذا انت لغتك كويسة ممكن تسدد عن طريق النت
اسهل واريح لك
ولكن الاغلبيه اول الشهور يكون التسديد عن طريق الشيكات
وهاذي طريقتها تطلب شيكات من البنك اللي بتفتح حساب فيه
وتشتري ظروف ( ان فلوب ) وطوابع
وعشان تريح
اي فاتوره جديده تجيك راح لمكتب السكن وقله يعلمك الطريقة
وهو يسويها وبعدين يصورها عشان تطبقها في الشهور الثانية
واذا عبيت الشيك وحطيته في الظرف
تحطه في اقرب بوكس للبريد
والعادة يكون قريب من السكن
فقط هذي هي الطريقة
بالتوفيق ان شاء الله



 

 

Beautiful world غير متواجد حالياً
Facebook Twitter 0 اضافة رد مع اقتباس
قديم 12-01-2013, 11:54 PM   #6
الطموح الكبير
عضو مقلع
الطموح الكبير فوق  هام السحبالطموح الكبير فوق  هام السحبالطموح الكبير فوق  هام السحبالطموح الكبير فوق  هام السحبالطموح الكبير فوق  هام السحبالطموح الكبير فوق  هام السحبالطموح الكبير فوق  هام السحبالطموح الكبير فوق  هام السحبالطموح الكبير فوق  هام السحبالطموح الكبير فوق  هام السحبالطموح الكبير فوق  هام السحب
يعطيك العافية والله يسعدك بجد إستانست من الموضوع ويبيله فصفصة
موضوع مهم لكن سؤالي هل الأسواق المذكورة موجودة في كل ولايات أمريكا وغالبية المدن ؟



 

 

الطموح الكبير غير متواجد حالياً
Facebook Twitter 0 اضافة رد مع اقتباس
قديم 13-01-2013, 03:21 AM   #7
وهمـ
من كبار شخصيات الإقلاع
وهمـ فوق  هام السحبوهمـ فوق  هام السحبوهمـ فوق  هام السحبوهمـ فوق  هام السحبوهمـ فوق  هام السحبوهمـ فوق  هام السحبوهمـ فوق  هام السحبوهمـ فوق  هام السحبوهمـ فوق  هام السحبوهمـ فوق  هام السحبوهمـ فوق  هام السحب
موضوع مررتب والله يعطيك الف عافيه ..
ذا ينفع مرجع للمقاضي

وبإنتظار رابطك يتعدل

وبالنسبه للأثاث .. احسن طريقه زي ماقلت انك تشوفون السعوديين لانه لازم تحط براسك انها فتره وتعدي وحرام تشتري اثاث بمبلغ وقدره وبعد كم سنه ترميه او تبيعه ..

طبعاً الاثاث لا تنسون ايكيا وعندكم Amazon للي حاب يطلب بالنت
طبعاً امازون ذا مايقصر ابد
اي شي يخطر ببالك بتلاقيه ..

والبقالات العربيه صراحه اسعارها نار وغاليه بس مالنا غيرها خصوصاً الدجاج واللحم احس اني اضمنهم اكثر من السوبر ماركت ولا يهون شاهي الوزه وجبن بوك :$ ..

جهد واضح بالموضوع الله يعطيك الف عافيه ويرزقك على قد نيتك يارب



 

 


اخر تعديل كان بواسطة » وهمـ في يوم » 13-01-2013 عند الساعة » 03:24 AM.
وهمـ غير متواجد حالياً
Facebook Twitter 0 اضافة رد مع اقتباس
قديم 13-01-2013, 03:23 AM   #8
وهمـ
من كبار شخصيات الإقلاع
وهمـ فوق  هام السحبوهمـ فوق  هام السحبوهمـ فوق  هام السحبوهمـ فوق  هام السحبوهمـ فوق  هام السحبوهمـ فوق  هام السحبوهمـ فوق  هام السحبوهمـ فوق  هام السحبوهمـ فوق  هام السحبوهمـ فوق  هام السحبوهمـ فوق  هام السحب
إقتباس »
الرسالة الأصلية كتبت بواسطة الطموح الكبير »
يعطيك العافية والله يسعدك بجد إستانست من الموضوع ويبيله فصفصة
موضوع مهم لكن سؤالي هل الأسواق المذكورة موجودة في كل ولايات أمريكا وغالبية المدن ؟
Walmart , Target & Best buy
بتلاقيهم بكل الولايات .. الاشياء الثانيه ممكن تحصلهم بولايتك بس مو بنفس مدينتك بالضبط ..

واهم شي قوقل مابز صراحه ارحم اللي جو امريكا قبل مايكون فيه شي اسم قوقل مابز
احس لا تخرجت بخليهم يكتبون بالوثيقه .. شكر وعرفان الى قوقل :$



 

 

وهمـ غير متواجد حالياً
Facebook Twitter 0 اضافة رد مع اقتباس
قديم 13-01-2013, 03:41 AM   #9
احب اخدم الجميع
عضو مقلع
احب اخدم الجميع فوق  هام السحباحب اخدم الجميع فوق  هام السحباحب اخدم الجميع فوق  هام السحباحب اخدم الجميع فوق  هام السحباحب اخدم الجميع فوق  هام السحباحب اخدم الجميع فوق  هام السحباحب اخدم الجميع فوق  هام السحباحب اخدم الجميع فوق  هام السحباحب اخدم الجميع فوق  هام السحباحب اخدم الجميع فوق  هام السحباحب اخدم الجميع فوق  هام السحب
موضوع رائع بارك الله فيك
بس حبيت اعلق على نقطة الرخصة السعودية بالعكس مافيها مشاكل وهم يعطونك فرصة 6 شهور عشان تغيرها واذكر المرور مسكنا من كم يوم لاننا ديورنا وهو ممنوع وطلب الرخصة وماقال شي..بس العيب بالرخصة السعودية ان التأمين يطلع عليك اغلى من الرخصة الامريكية


بالنسبة للمنتجات العربية فيه بالول مارت قسم انترناشونل سكشن وفيه بعض المنتجات العربية يفك ازمة

بالنسبة لمحل بست باي ما انصح فيه حسيته اغلى من المحلات الثانية الا اذا كنت تبحث عن حاجة معينه ماهي موجودة بالمحلات الثانية

بالنسبة للفواتير بصراحة عذبتني اول ماجيت لاننا ماتعودنا نرسل الفواتير بالبريد
ففتحت لي حساب بكل الشركات كهرب وكيبل وغاز والسكن وصرت اسدد عن طريق النت وبالغالب ياخذون دولارين اذا بتسدد بالفيزا واذا كان عندك حساب بالبنك حط رقم حسابك وسدد بدوون رسوم....وممكن تحط خاصية التسديد الشهري المباشر يعني ياخذون من حسابك شهريا بدون ماتكلف على نفسك بس انا احب اسدد بنفسي واشوف الفواتير اول بأول..شغله متعبة بالبداية بس لمن تعود عليها بترتاح
او عن طريق التليفون بس ماحبيت هالطريقه

بالنهاية اقول جزاك الله خير كفيت ووفيت



 

 

احب اخدم الجميع غير متواجد حالياً
Facebook Twitter 0 اضافة رد مع اقتباس
قديم 13-01-2013, 03:53 AM   #10
وهمـ
من كبار شخصيات الإقلاع
وهمـ فوق  هام السحبوهمـ فوق  هام السحبوهمـ فوق  هام السحبوهمـ فوق  هام السحبوهمـ فوق  هام السحبوهمـ فوق  هام السحبوهمـ فوق  هام السحبوهمـ فوق  هام السحبوهمـ فوق  هام السحبوهمـ فوق  هام السحبوهمـ فوق  هام السحب
إقتباس »
الرسالة الأصلية كتبت بواسطة احب اخدم الجميع »
موضوع رائع بارك الله فيك
بس حبيت اعلق على نقطة الرخصة السعودية بالعكس مافيها مشاكل وهم يعطونك فرصة 6 شهور عشان تغيرها واذكر المرور مسكنا من كم يوم لاننا ديورنا وهو ممنوع وطلب الرخصة وماقال شي..بس العيب بالرخصة السعودية ان التأمين يطلع عليك اغلى من الرخصة الامريكية


بالنسبة للمنتجات العربية فيه بالول مارت قسم انترناشونل سكشن وفيه بعض المنتجات العربية يفك ازمة

بالنسبة لمحل بست باي ما انصح فيه حسيته اغلى من المحلات الثانية الا اذا كنت تبحث عن حاجة معينه ماهي موجودة بالمحلات الثانية

بالنسبة للفواتير بصراحة عذبتني اول ماجيت لاننا ماتعودنا نرسل الفواتير بالبريد
ففتحت لي حساب بكل الشركات كهرب وكيبل وغاز والسكن وصرت اسدد عن طريق النت وبالغالب ياخذون دولارين اذا بتسدد بالفيزا واذا كان عندك حساب بالبنك حط رقم حسابك وسدد بدوون رسوم....وممكن تحط خاصية التسديد الشهري المباشر يعني ياخذون من حسابك شهريا بدون ماتكلف على نفسك بس انا احب اسدد بنفسي واشوف الفواتير اول بأول..شغله متعبة بالبداية بس لمن تعود عليها بترتاح
او عن طريق التليفون بس ماحبيت هالطريقه

بالنهاية اقول جزاك الله خير كفيت ووفيت
الرخصه السعوديه نظامها يختلف من ولايه لولايه .. فيها ولايات مايقبلونها كلياً وفيه ولايات يسمحون لك فتره معينه وفيه ولايات على طول مسموح لك فيها ..
فأحسن شي انك تشيك من موقع الـdmv او انك تروح لهم براسك



 

 

وهمـ غير متواجد حالياً
Facebook Twitter 0 اضافة رد مع اقتباس
إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 11:44 AM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2019, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017