[احـلام ورديــه]

يعطيكم العافيه عندي استفسار

قريبتي معها دبلوم تربيه خاصه وتخصصها بكالريوس عربي
تقدر تختبر الدبلوم الحين واذا فتح قياس العربي بعدين تختبر

يعني تختبر الاثنين ولا لازم تختار واحد ؟!

[حرمـ محمد]

صباح الخيرات صبايا


جاتني هذي الاستفسارات علئ الخاص وبصراحه ماعرفت وش ارد عليها لاني اصلا ما اعرف الاجوبه

ممكن تجاوبون عليها لانها اسئله مهمه....

إقتباس »

عندي مجموعه اسئله
1\ في حاله الاخفاق في الامتحان لسمح الله او نتيجتي ماعجبتني هل مسموح لي الدخول في امتحان ثاني ويختارون لي الدرجه الافضل زي قدرات الطلاب وادخل المفاضله بها
2\ وش الاثبات المطلوب لان شفت فلاش طريقه التسجيل في موضوع (جداره وكفايات المعلمات )قالوا لزم احضاراثبات يعني كرت العايله يصلح والا اطلع بطاقه خاصه فيني او بطاقه البصمه
3\ في فلاش التسجيل مكتوب رمز المدرسه وش ذا انا متخرجه من كليه وش يقصدون بالمدرسه
انا لسى ماسجلت بس بعرف وش احط قبل ابدا...
نزلي الاسئله في المنتدى لو ماعرفتي والله يوفقك ياقلبوا

[!فـجـر!]

صبايا نبغى نماذج اختبار كفايات تخصص فيزياء

[يمامة]

بنااات كيف اسجل في القياس
هذي ثاني مرة اسأل ولا احد عطاني وجه

[Erorr]

مافهمت شي
حسبي الله عليهم الله يشغلهم في انفسهم
لأنهم مالقوا لنا مكان يبون يلهونا ويشغلونا
الله اكبر اللحين 16 سنه دراسه وباختبار واحد بتحدد مصيري
يارب تاخذ حق المظلومين منهم ..

اللحين اختبر حتى لو مادري اسمي يطلع او لا ؟
وان ماطلع اسمي الا بعد 13 سنه اعيد اختبار الكفايات ؟ لأنه مر عليه 5 سنوات
طيب واللي تخصصها خدمه اجتماعيه وش تسوي لها اختبار ولالا

الله يستر بكره لايطلعون لنا اختبار الوفيات
حسبي عليهم ماخل اسم من الاسماء ماسموه لنا قدرات كفايات
وهالاختبار اللحين فيه رسوم بعد ولالا ؟
ان كان فيه رسوم والله ماحطوه الا علشان لهط بأموال هالمسلمين
مالقو يتوظفون اللحين بس اهم شي ادفع
وياقلب لاتحزن

[اتحادي الخبر]

انا مع القرار شكلا ومضمونا مهما كان فيه من ارباح ماديه للوزاره ..


الا ان وضع التعليم عندنا لازم يبدا بإختبار نوعية مؤدي الرساله ..



اللي نشوفه الحين .. مراهقين ومراهقات ماسكين دفة التعليم في البلد ..

بالرغم من تحفظي العظيم على نوعية المناهج وافلاسها .. الا ان اختبار نوعية المعلمه او المعلم ضروريه جدا جدا ..







اعرف معلمه تروح للمدرسه مواصله والكارثه تدرس رياضيات

تقول اهم شي الحضور والانصراف .. ومثلها كثير ..




قريبه لي لايروح بالكم بعيد

[ردينه]

..




قواكم الله

الخنين بالتويتر يقول أختبار الكفايات للمعلمات للمفاضلات القادمه
يعني معليش انحست شوي قصدهم للي ماقدم على هالمفاضله اللي خلصت من كم يوم ؟
طب لو مثلا ماصرت بالمفاضله وماطلع اسمي فيها وأنا مقدمه عليها
اروح اسجل بالكفايات ؟؟

[حياتي الأصاله]

إقتباس »

الرسالة الأصلية كتبت بواسطة مغبونه »
بنات الله يعافيكم
انا تخصصي خدمه اجتماعيه اكون تبع علم اجتماع والا مالنا قياس
وانا غير تربوي


وسؤال ثاني بفتح الملف فيه خانه رمز الجهه التعليميه وش يقصدون !!
وانا خريجه سعود

حتى الغير تربوي تدخل قياس

والرمز حطي 99999 هذا ع كلام صفحتهم في تويتر هذا هو الرمز

وللتاكد من تخصصك دقي ع رقمهم الموحد يداومن من 8 الصبح الى 8 الليل ويردون ع طول انا مجربه

الرقم الموحد لقياس 920001170

[حياتي الأصاله]

إقتباس »

الرسالة الأصلية كتبت بواسطة ردينه »
..




قواكم الله

الخنين بالتويتر يقول أختبار الكفايات للمعلمات للمفاضلات القادمه
يعني معليش انحست شوي قصدهم للي ماقدم على هالمفاضله اللي خلصت من كم يوم ؟
طب لو مثلا ماصرت بالمفاضله وماطلع اسمي فيها وأنا مقدمه عليها
اروح اسجل بالكفايات ؟؟

ايه عارفينفي المفاضلات القادمه بس ماتدرين متى تنزل نتايج المفاضله الاخيره وهل اسمك بيطلع اذا كان تخصصك في الفتره الاولى ومرت فتره ومانزل اسمك فالافضل تسجلين في قياس عشان مايفوتك لانه مايفتح الا مره في السنه فقط فاذا مادخلتي في قياس بتحرمين دخول المفاضله القادمه

عقودها ياليت ينزلون الاسماء قريب عشان اللي توظف ماتقدم ع قياس

[حياتي الأصاله]

إقتباس »

الرسالة الأصلية كتبت بواسطة erorr »
مافهمت شي
حسبي الله عليهم الله يشغلهم في انفسهم
لأنهم مالقوا لنا مكان يبون يلهونا ويشغلونا
الله اكبر اللحين 16 سنه دراسه وباختبار واحد بتحدد مصيري
يارب تاخذ حق المظلومين منهم ..

اللحين اختبر حتى لو مادري اسمي يطلع او لا ؟
وان ماطلع اسمي الا بعد 13 سنه اعيد اختبار الكفايات ؟ لأنه مر عليه 5 سنوات
طيب واللي تخصصها خدمه اجتماعيه وش تسوي لها اختبار ولالا

الله يستر بكره لايطلعون لنا اختبار الوفيات
حسبي عليهم ماخل اسم من الاسماء ماسموه لنا قدرات كفايات
وهالاختبار اللحين فيه رسوم بعد ولالا ؟
ان كان فيه رسوم والله ماحطوه الا علشان لهط بأموال هالمسلمين
مالقو يتوظفون اللحين بس اهم شي ادفع
وياقلب لاتحزن

وش نسوي صار الزامي دقي ع رقمهم وتاكدي وش نوعيه اسئله تخصصك
والرسوم موجده اذامثل الرجال 200 ريال