[مقصد العز]

مرحبا بنوتات الاقلاع لي فتره طويله ودي انزل موضوع بس العجز اوقات والظروف اوقات والبرررررررررررد مايخلي الواحد يسوي شيء الا كيفكم مع البرد تقهوو وتدفوا لحدماارجع المهم مالكم بالطويله نخش بالموضوع سيدا المنيو 1 _ القشد الملكي القصيمي 2 _ كب كيز 3 _ كوكيز الشوفان 4 _ المصابيب على الفحم 5 _ دجاج على الصاج 6 _ فاصوليا باللحمه 7 _ ربيان مشوي 8 _ مكرونة مختلفه 9 _ كفتة المكرونه 10 _ حلا البف 11 _ حلا الجوزاء شوي وراجعه

[مقصد العز]

القشد الملكي القصيمي بالصور المقادير ثلاث ارباع اصبع زبده +ملعقة طعام سمنه + 8 ملاعق طعام طحين بر + تمر سكري مرصوص + ((قشطة التاج +4 ملاعق طعام حليب ناشف نخلطهم سوا )) + مكسرات مجروشه + قرفه + هيل الطريقه نضع الزبده والسمنه بقدر على النار لحد مايتجانسون ثم نضع الطحين ونخلطهم سوا على ناااار هااااديه جدا" ونخليهم شوي ثم نضع التمر عليهم ونخلطهم سوا ونضغط على التمر ونخليهم على نار هاديه شيء خمس دقايق ثم نضع الخلطه البيضاء ونقلبهم سوا ونرش عليهم رشة قرفه ورشة هيل مطحون وعند التقديم نضع عليهم مكسرات مجروشه وبالهناء والعافية

[مقصد العز]

الكب كيز المقادير والطريقة كرتونه كيك بيتي كروكر + ثلاث ارباع كاس طحين نخلط كيك بيتي كروكر نفس ماهو مكتوب عليه ثم نضيف عليه الطحين راح يصير الخليط ثقيل نشيل منه بالملعقه ونحطه بصينية الفرن وندخله شيء عشر دقايق او اقل مايبي وقت طويل ويزين وبالهناء والعافية كوكيز الشوفان المقادير والطريقة كرتونه كيك بيتي كروكر + ثلاث ارباع كاس شوفان نخلط خليط الكيك زي ماهو مكتوب على الكرتونه ثم نضيف الشوفان ونخلطهم سوا ونعبي الخليط بقمع ثم نشكله على صينية الخبز بشكل حلزوني وندخله الفرن عشر دقايق لحد مايستوي وبالهناء والعافية

[مقصد العز]

المصابيب على الفحم المقادير والطريقة حليب الصافي ابو ريال + بيضتين + فانيلا + نصف فنجال قهوه سكر + رشة ملح + بقدونس مفروم ممكن الاستغناء عنه او استبداله بالحبه السوداء مقدار ملعقه+ بيالة شاي زيت + 6 ملاعق حليب ناشف + ملعقة صغيره BB + نصف كاس طحين كويتي + نصف كاس طحين بر + القليل من الماء اذا احتجنا اليه نخلط المقادير كلها سوا بالمضرب اليدوي ويصير قوامها زي قوام الكريب ثم نضع الصاجه على الفحم لحد ماتحتمي ثم نصبب المصابيب عليها وبالهناء والعافيه

[مقصد العز]

دجاج على الصاج المقادير والطريقة صحن صدرو دجاج + التتبيله ((صويا صوص + ملح + كاري + ثوم بودره + فلفل احمر بودره+ علبة زبادي + فلفل اسود + كمون +شطة تويا + ملعقة زيت )) + حبتين بصل مقطعين شرايح وفص ثوم + زيت نغسل صدور الدجاج ونغسلهم بشوية خل تشيل الزفره ثم نغسلهم كويس ونقطعهم مربعات صغار ثم نتبلهم بالتتبيله ونخليهم ست ساعات وممكن قبل بليله نجيب الصاج ونحط عليه شوية زيت ثم شرايح البصل لحد مايذبلون شويه ثم نضيف الثوم ونصفي الدجاج من التتبيله ونضيفه على الصاج ونحركهم سوا على نار هاااديه وكل شوي نضيف على الصاج من التتبيله لحد ماتستوي تونكل مع خبز وممكن رز ابيض لذيذه وبالهناء والعافية

[مقصد العز]

فاصوليا باللحمه المقادير والطريقة فاصوليا + كوسه + مكعب ماجي+ لحم مفروم +بصل + ثوم + ملح + بهارات + 2طماطم + صلصة + زيت نقطع البصل والثوم ثم على الصاج مع الزيت نقلبهم سوا لحد مايذبلون ثم نضيف اللحمه المفرومه وللأمانه انا هينا مو لحم مفروم حطيت دجاج مفروم تبع الوطنية ونقلبهم سوا لحد ماتستوي اللحمه ثم نضيف عليها الطماطم مقطع صغار ثم نضيف الملح والبهارات نقطع الفاصولياء والكوسه صغار ونغسله كويس ونسلقه بمويه مع مكعب ماجي لحد مايستوي ثم نضيف اللحمه عليه والصلصة ونقلبه سوا شوي على النار علشان يمتزجون سوا يوكل مع رز وممكن خبز وبالهناء والعافية

[مقصد العز]

ربيان مشوي المقادير والطريقة ربيان مثلج + خل + التتبيله (((ملح + ثوم بودره + اورقايانو +شطه مجروشه + فلفل اسود + كمون + صلصة صويا + شوية عصير ليمون+ بهارات سمك + شوية زيت )) نغسل الربيان بالخل علشان الزفره ثم نتبلهم بالتتبيله ساعتين وكل ماطول يطلع الذ ثم نشويهم على الشواية الكهربائيه الصوص عبارع عن كاتشب ومايونيز وثوم وبالهناء والعافية

[مقصد العز]

مكرونه مختلفة المقادير والطريقة مكرونه اسباقيتي + مكعب ماجي + ملح + زيت + جبن سايل كفته جاهزه مقلية قشطه + علبة جبن سايل صغيره نسلق المكرونه بمويه مع مكعب ماجي وشوية زيت نص استواء ثم نصفيها من المويه ونحط عليها الجبن السايل ونكورها بحجم الكفته ثم نحطعا بالفريزر ربع ساعه لحد ماتتماسك وبالثناء هاذي نقلي الكفته ثم نصف المكرونه بالبايركس معاها الكفته المقلية ثم نحط عليها علبة قشطه + جبن سايل علبة صغيره نخلطهم سوا ونرش على الوجه شويه بقسماط وندخلها الفرن ربع ساعه وبالهناء والعافية كفتة المكرونة المقادير والطريقة نفس كرات المكرونه اللي فوق لكن لما ندخلها الفريزر ونطلعها نغطها ببيض ثم ببقسماط ونقليها بزيت غزير وبالهناء والعافية

[مقصد العز]

حلا البف لذيذه ةتغيير عن طبقات الكيك او البسكويت المقادير والطريقة بف بستري + بسكويت اوريو + توفي + حليب سايل ندخل البف بستري الفرن لحد مايزين ثم نجيب الصحون الصغار ونحط طبقم من البف بستري المفتته ونبلها بشوية قلت شوية حليب وشويت توفي ثم نحط بسكويت اوريو نبله بحليب ثم طبقة ثانية من البف بستري ثم التوفي كطبقة اخيره تم نزين الوش باوريو مطحون حلاته يؤكل بعد تزينه مباشره وبالهناء والعافية حلا الجوزاء المقادير والطريقة نخلط بالخلاط قشطه + 8 حبات جبن كيري + كاكاو بودره + ظرفين دريم ويب + رشة نسكافية او رشة قهوة تركيه نصف طبقة من بسكويت الجوزاء بصينية البايركس ثم نرش عليهم شوية حليب سايل ونحط عليه من الخلطه اللي خلطناها بالخلاط ثم طبقة بسكويت مره ثانية ثم الخلطه ونرش الوش بفلك وحبات الاوريو وندخله الثلاجه لحين التقديم وبالهناء والعافية

[مقصد العز]

الحمد لله الحمد لله خلص موضوعي على خير صراحه ماتوقعت تنزيل المواضيع بالمطبخ متعب كذا يارب ينال موضوعي واكلاتي على اعجابكم انطلقوا بحفظ الله