منتديات شبكة الاقلاع ®



الانتقال الى الصفحة الرئيسية عضويات التميز (الفضية + الذهبية + التجارية) موقع ieqla3 متخصص بجميع منتجات شركة apple أنظمة وقوانين وتعليمات الموقع   وقف شبكة الإقلاع الخيري مركز رفع الصور والملفات تابعونا على موقع تويتر بوابة الانباء
اقلاع بلاك بيري البحث السريع برامج الإقلاع المجموعة البريدية جوال الإقلاع أنظمة وقوانين وتعليمات الموقع للإعلان في شبكة الإقلاع
العودة   منتديات شبكة الاقلاع ® > منتديات التقنية الحديثة > منتدى Apple Macintosh
التسجيل التقويم التأشير على جميع الاقسام بالمشاهدة


إضافة رد
 
أدوات الموضوع طريقة عرض الموضوع
قديم 26-06-2012, 09:08 AM   #1
~~ باب الليل ~~
مقلع فني متميز
 
الصورة الرمزية الخاصة بـ ~~ باب الليل ~~
~~ باب الليل ~~ فوق  هام السحب~~ باب الليل ~~ فوق  هام السحب~~ باب الليل ~~ فوق  هام السحب~~ باب الليل ~~ فوق  هام السحب~~ باب الليل ~~ فوق  هام السحب~~ باب الليل ~~ فوق  هام السحب~~ باب الليل ~~ فوق  هام السحب~~ باب الليل ~~ فوق  هام السحب~~ باب الليل ~~ فوق  هام السحب~~ باب الليل ~~ فوق  هام السحب~~ باب الليل ~~ فوق  هام السحب

شرح برنامج xbmc , الافضل في تنظيم مكتبة افلامك ومسلسلاتك

،

مساء الخير ع الجميع ..

من هواة متابعة الافلام والمسلسلات ؟ تحب تكون مكتبتك منظمه بطريقة احترافيه وجميله ؟ ودك تعرف معلومات عن الفيلم مثل القصه / سنة الانتاج / الابطال / تقييم الفيلم بدون ما تضطر انك تفتح موقع الـ IMDB ؟ وصلت للموضوع اللي راح يعيشك جو السينما ويخليك تستمع بمشاهدة افلامك ومسلسلاتك .. برنامج يغنيك عن كثير من مشغلات الفيديو

ما اخفيكم اني جديد على هالبرنامج ( عليمي تقريبا ً ) .. لكن بسرعه عرفت بعض اسرار هالبرنامج الفخم وقلت افتح موضوع واشرح الاساسيات واللي عنده اضافات او عنده خبره اوسع يضيفها للموضوع ويكون مرجع لكل هواة متابعة الافلام والمسلسلات بطريقة منظمه ..

برنامج الـ Xbmc .. هو برنامج تنظيم لمكتبتك السينمائيه او الموسيقية وغيرها .. البرنامج يشتغل على اي نظام تشغيل بما فيها الماك , البرنامج Free وهذا هو المهم .. راح اشرح الاساسيات في البرنامج وكيف تضيف افلامك ومسلسلاتك وتربطها بمواقع مهمه مثل الـ IMDB او TVDB .. بس اول شي خلوني اعطيكم كم صورة للبرنامج بعد ما رتبت افلامي ومسلسلاتي , علشان تتحمسوا

صورة لـ قسم الافلام ( الخلفية يقدر كل واحد يغيرها على حسب رغبته )



صورة داخلية لطريقة عرض الافلام



صورة لـ احد الافلام والمعلومات واضحه من موقع IMDB



صورة لـ قسم المسلسلات



صورة داخلية لطريقة عرض المسلسلات ( نفس الافلام )



صورة داخل مسلسل ونشوف كيف الحلقات مرتبه وفيه معلومات كل حلقه من موقع TVDB



* * *

خلونا الحين نبدا الخطوات وحده وحده لين نوصل لافضل طريقة عرض بدون مشاكل او تعقيدات ,,

1 // اول خطوه وقبل لا تحمل البرنامج , لازم ترتب ملفاتك .. البرنامج دقيق في قراءة اسماء الافلام والمسلسلات واذا فيه غلط مطبعي ما راح تشوف فيلمك في قائمة الافلام .. لذلك يفضل اولا ً انك تحط كل افلامك في مجلد واحد تسمية مثلا ً Movies , وداخل هالمجلد لازم يكون كل فيلم في مجلد مستقل باسم الفيلم واذا محمل الترجمه وتبي تحطها مع الفيلم بنفس المجلد ما عندك مشكله , ما يحتاج تحمل بوستر الفيلم او اي صور لان البرنامج راح يجيب لك هالاشياء وتقدر تغيرها من داخل البرنامج على حسب مزاجك .. !

2 // نجي للخطوه الثانية وهي ترتيب المسلسلات وهي اصعب نوعا ً ما من الافلام لان كل مسلسل يكون فيه اكثر من سيزون وكل سيزون فيه مجموعة حلقات وهكذا , البرنامج اهم شي عنده يكون اسم المسلسل صح ورقم الموسم ورقم الحلقه .. طبعا لما يكون عندنا مسلسلات كثيرة فـ الوضع بيكون صعب علشان نرتبها .. فيه حل خفيف وسهل بعد شوي اتكلم عنه بس اول شي نتبع نفس طريقة الافلام تسوي مجلد بـ اسم Tv Show داخله بيكون فيه مجلد لكل مسلسل , وداخل مجلد كل مسلسل بيكون فيه مجلدات لكل سيزون .. بيكون عندنا زي هالمسار

Tv Show ---> Breaking Bad ---> Season 1

طبعا شي اكيد داخل كل سيزون بيكون عندنا حلقات هالسيزون .. بعدها نجي للحل علشان نرتب حلقات كل موسم بطريقة سهله وبدون تعب .. فيه برنامج اسمه Tvrenamer خفيف جدا ومجاني .. ما عليك الا تحمل البرنامج من هــنــا اختار نظام التشغيل اللي يناسبك وحمل البرنامج وثبته على جهازك وبعدين افتح البرنامج واسحب مجلد اي سيزون من اي مسلسل وانتظر شوي لين يعيد تسميتها وتتأكد انه غير اسماء كل حلقات السيزون واضغط زر Rename selected .. وبتشوف البرنامج يعيد تسمية الحلقات بثواني في المجلد الاساسي .. تسوي هالطريقة لكل المسلسلات اللي تبي تضيفها لبرنامجنا Xbmc .. طبعا لا احد يجلطني ويقول البرنامج ما سمى لي حلقات مسلسل العشق الممنوع خخخخخ

خلصنا من ترتيب مجلد الافلام والمسلسلات , الحين كل شي اوكي وجاهزين علشان نحمل البرنامج ونضيف له افلامنا ومسلسلاتنا اللي رتبناها

تحميل البرنامج من هــنـــا .. ادخل على الرابط .. بتطلع لك هالصورة



اختار نظام التشغيل اللي يناسبك وحمل .. حجم البرنامج 45MB تقريبا ً .. بعد التحميل ما يحتاج اقولكم شلون يتثبت البرنامج ع الماك او حتى لحقين الويندوز .. خلصنا من التثبيت .. نلقى البرنامج في مجلد الابليكشن .. نفتح البرنامج ونبدا بسم الله ,

* * *

اول شي , فيه كم اضافه للبرنامج لازم نضيفها قبل كل شي علشان تطلع لنا معلومات الافلام والمسلسلات .. هالاضافات اسمها Add-ons .. من اهمها طبعا موقع IMDB , Youtube , TVDB .. وفيه غيرها طبعا بنتطرق لها واحنا نشرح ..

علشان نفعل هالاضافات نروح لـ

System --> Add-ons --> Get Add-ons --> XBMC.org Add-ons



اول شي نروح لـ Movie Information ونضيف IMDB و The MovieDB , طريقة الاضافة سهله بس نضغط على الشي اللي نبي نضيفه تطلع لنا عدة خيارات نختار منها Install بيطلع لنا داونلود ننتظر شوي لين يكتمل وبعدها خلاص تلقى كلمة Enabled , يعني خلاص هالاضافة صارت مفعله عندك في البرنامج .. بعض الاضافات تلقاها من اساساً مفعله في البرنامج

بعد ما نخلص من الافلام نرجع للقائمة وننزل تحت ونلقى TV Information , ندخل عليها ونضيف شي واحد بس واللي هو TVDB , بنفس الطريقة .. انا اتذكر اني لقيتها Enabled بدون ما اسوي تنزيل .. بس مجرد تأكيد لو ما لقيتها مفعله تسوي نفس الطريقة اللي قلناها ..

بعد هذي نرجع للقائمه ونلقى تحتها Video Add-ons , ندخل ونضيف شي واحد واللي هو الـ Youtube , علشان نقدر نشوف تريلر اي فيلم من نفس البرنامج

باقي اضافه واحده بس بخليها بعدين لانها خاصه بجزئية الترجمه وبشرحها بفقره ثانيه بالموضوع !

بعد ما خلصنا من كل هالاضافات , نبدا الحين ننزل افلامنا ومسلسلاتنا

نروح لواجهة البرنامج الرئيسيه ونروح لـ

Video ---> File ---> Add Video



بتطلع لنا شاشه صغيره علشان نقدر ندخل على ملفات الجهاز ونختار مجلد الافلام وبعدين نضغط على Add ومن ثم OK



وبعدها بتطلع لنا شاشه زي هذي :



المربع اللي فوق يسار نحدد منه هالمجلد وش فيه افلام مسلسلات اغاني صور اللي هو .. طبعا احنا قاعدين نضيف مجلد افلام , سو نختار Movies , ونحدد من الجهه اليمنى الاضافه اللي نبيها تجيب لنا معلومات الافلام .. وبعدها اوكي .. ثم بنلقى مجلد الافلام انضاف للبرنامج .. نضغط عليه بالاصبعين ( اللي هي الزر الايمن لحقين ويندوز ) بتطلع لنا قائمة نختار منها آخر خيار واللي هو Scan for new content , بيبدا البرنامج يسوي سكان لمجلد الافلام ويضيف كل شي موجود فيه وبتشوف عملية الاضافه فوق بالجهه اليمنى .. اذا خلصت الاضافه خلاص روح لـ Movies وبتلقى افلامك كلها هناك تقدر تعدل بعض الاشياء بالفيلم بانك تجيب الماوس على البوستر وتضغط حرف I في الكيبورد بتطلع لك هالشاشه :



اهم الخيارات اللي فيها هي :

Cast : تقدر تشوف الممثلين اللي مثلوا الفيلم ومعلومات عنهم
Get thumb : تقدر عن طريقها تغير بوستر الفيلم وبتلقى فيه بوسترات موجوده في البرنامج نفسه او تقدر تجيب من جهازك لو حبيت
Get fanart : هذي الخلفية الكبيرة تطلع لك لما تأشر على بوستر الفيلم اكثر شي احبه في البرنامج تعطي شكل خورافي لطريقة العرض
Trailer : واضحه تقدر تشوف تريلر الفيلم في البرنامج على طول

بعد ما خلصنا من الافلام نسوي نفس الطريقة بالضبط للمسلسلات وبنلقاها انضافت للبرنامج ونقدر نروح ونعدل ونغير في بوستر اي مسلسل او الـ فان ارت زي ما تحب .. اذا كنت مسمي كل الحلقات صح وكل سيزون في مجلد لحاله ما راح تلقى معاناه في البرنامج .. بس اي لخبطه في الاسم او رقم السيزون او رقم الحلقه .. ما راح تطلع عندك في البرنامج .. !!

يتبع ,



~~ باب الليل ~~ غير متواجد حالياً التبليغ عن مشاركة سيئة  
Facebook Twitter اضافة رد مع اقتباس

قديم 26-06-2012, 09:09 AM   #2
~~ باب الليل ~~
مقلع فني متميز
 
الصورة الرمزية الخاصة بـ ~~ باب الليل ~~
~~ باب الليل ~~ فوق  هام السحب~~ باب الليل ~~ فوق  هام السحب~~ باب الليل ~~ فوق  هام السحب~~ باب الليل ~~ فوق  هام السحب~~ باب الليل ~~ فوق  هام السحب~~ باب الليل ~~ فوق  هام السحب~~ باب الليل ~~ فوق  هام السحب~~ باب الليل ~~ فوق  هام السحب~~ باب الليل ~~ فوق  هام السحب~~ باب الليل ~~ فوق  هام السحب~~ باب الليل ~~ فوق  هام السحب

* * *

الحين نجي لفقره مهمه واللي هي الترجمه Subtitle , طبعا البرنامج فيه اضافه حلوه واللي هي انك تقدر تبحث عن الترجمه اللي تبيها في اي موقع ترجمه من داخل البرنامج وبيعطيك عدة نسخ تختار منها اللي تبي وتناسبك وعلى طول يسوي لها داون لود وتنزل على الفيلم او المسلسل

اول شي نروح لـ

System --> Add-ons --> Get Add-ons --> XBMC.org Add-ons

بعدين نروح لخيار Subtitle .. بنلقى XBMC Subtitle نضغط عليها ونسوي لها انستول .. بعد ما ينتهي التحميل نضغط عليها مره ثانيه ونروح لـ Configure ..



هنا نحدد اللغات اللي نبيها بالترجمه عربي انقليزي هندي , تقدر تحدد ثلاث لغات يبحث لك فيها ,



هنا نختار الموقع اللي تبيه يبحث لك فيه , طبعا الاشهر هو subscene.com واذا تبي تضيف غيره انت حر ,



هنا تحدد محرك البحث الاساسي اللي تبيه يبحث لك فيه للافلام والمسلسلات , وخيارات ثانيه .. عاد كل واحد بيحدد الاشياء اللي يحتاجها ,

آخر خطوه علشان تثبت هالاضافه تروح لـ

System ---> Skin ---> Add-ons



وتلقى خيار اسمه Video OSD تضغط على Subtitle Add-on وتضيف الاضافه اللي حملناها في الخطوه اللي فوق وخلاص بعدين اذا شغلت اي فيلم او حلقة من مسلسل نضغط على الخيار اللي في الصورة تحت مأشر عليه بالسهم الابيض



ومن ثم بنلقى مجموعة من السب تايتلز نختار اللي تناسبنا وبيسوي لها البرنامج داون لود وبتلقاها على طول مع الفيلم شغاله

* * *

هذي اهم الاشياء الاساسيه , فيه اشياء ثانية كثيرة ما تكلمت عنها , لان التعب نال مني , وراح اتكلم عنها بعدين بردود ثانية ويكون الموضوع محدث باستمرار , واي اضافات ثانية من اي عضو عنده خبره في البرنامج ارحب فيها ,

البرنامج خورافي ويستحق التجربه والاهم من هذا كله هو توافقه مع ريموت ابل يعني ما يحتاج كل شوي وانت قايم علشان تشغل الحلقه او فيلم كل شي من الريموت

اعذروني على القصور , واللخبطه في الشرح .. بس جد تعبت وقل تركيزي وجاني النوم وغير كذا مبطي عن شروحات البرامج .. لكن راجع بعدين واي احد عنده اي سؤال لا يتأخر .. وان شاء الله نقدر نحل اي مشكله تواجه اي شخص

مسموح لأي احد بنقل الموضوع بس الاهم هو حفظ الحقوق بذكر اسمي واسم الاقلاع , وما اسامح اي احد يجحد حقي وينسب الموضوع لنفسه




~~ باب الليل ~~ غير متواجد حالياً التبليغ عن مشاركة سيئة  
Facebook Twitter اضافة رد مع اقتباس
قديم 26-06-2012, 09:28 AM   #3
MR.7
من كبار شخصيات الإقلاع
 
الصورة الرمزية الخاصة بـ MR.7
MR.7 فوق  هام السحبMR.7 فوق  هام السحبMR.7 فوق  هام السحبMR.7 فوق  هام السحبMR.7 فوق  هام السحبMR.7 فوق  هام السحبMR.7 فوق  هام السحبMR.7 فوق  هام السحبMR.7 فوق  هام السحبMR.7 فوق  هام السحبMR.7 فوق  هام السحب

الله يعطيك العافية ، بس الشغل صعععب ..
و البرنامج فكرته ترتيب الافلام الي ب جهازك يعني زي فكرة الايتونز بس حق أفلام ..




MR.7 غير متواجد حالياً التبليغ عن مشاركة سيئة  
Facebook Twitter اضافة رد مع اقتباس
قديم 26-06-2012, 10:00 AM   #4
~~ باب الليل ~~
مقلع فني متميز
 
الصورة الرمزية الخاصة بـ ~~ باب الليل ~~
~~ باب الليل ~~ فوق  هام السحب~~ باب الليل ~~ فوق  هام السحب~~ باب الليل ~~ فوق  هام السحب~~ باب الليل ~~ فوق  هام السحب~~ باب الليل ~~ فوق  هام السحب~~ باب الليل ~~ فوق  هام السحب~~ باب الليل ~~ فوق  هام السحب~~ باب الليل ~~ فوق  هام السحب~~ باب الليل ~~ فوق  هام السحب~~ باب الليل ~~ فوق  هام السحب~~ باب الليل ~~ فوق  هام السحب

MR.7

يعافيك ربي , الشغل يمكن صعب نوعاً ما .. بس النتيجه خياليه وتستاهل التعب .. مع اني شخصيا ما تعبت بالعكس كانت متعه و فعلا هو زي الايتونز بس للافلام والمسلسلات .. وتقدر بعد ترتب فيه مكتبتك الموسيقيه لو حبيت بس انا افضل الايتونز للاغاني

* * *

تذكرت كم شغلة مهمه , قلت اضيفها قبل انام ..

اول شي الترجمه العربيه .. لازم نسوي تغيير بسيط علشان تطلع بشكل طبيعي وغير مشوه .. نروح لـ

System --> Video --> Subtitle



نشوف خيار الـ Character set نغيره ونخليه Arabic Window بالذات للي يشوفون الافلام بترجمة عربيه .. قريت في بعض المنتديات ان نوع الخط فوق باول خيار لازم يتغير من مجلد الخطوط .. بس ما ادري ما جربت الترجمه العربيه .. لكن اذا صار فيه مشاكل نقدر نفصل الشرح اكثر ..


فيه شغله ثانيه واللي هي طريقة عرض الافلام او المسلسلات .. وانت داخل مكتبة الافلام مثلا فيه اكثر من طريقة عرض .. تقدر تغيرها عن طريق السهم اللي بنص الشاشه يسار .. تجيب عليه الماوس وتطلع القائمه زي اللي بالصوره تحت ,



او خيار واللي هو الـ View تقدر تغير طريقة العرض وبتشوف قدامك كيف تتغير الطريقة وانت اختار اللي يناسبك , فيه خيار Hide Information في القائمه هذا يخفي لك المعلومات اللي تجي من الـ IMDB علشان تطلع لك صورة الخلفيه واضحه وكامله اذا تبي ..

* * *

فيه شغله بعد نسيت اذكرها واللي هي Skin البرنامج فيه امكانية انك تغير السكن او الثيم على حسب اللي تبيه تقدر تحمل Skins جديده بنفس الطريقة اللي حملنا فيها الاضافات للافلام والمسلسلات من

System ---> Add-ons ---> get Add-ons ---> XBMC.org add-ons

ونروح لـ Skin ونضيف اللي نبي وننتظر لين يخلص تحميل وبعدها تجينا رساله اذا نبي نستخدم السكن الجديد بكيفك تبي توافق او ترفض .. وتقدر تغير وتختار لما تروح

System ---> Appearance ---> Skin



نشوف اول خيار فوق السكن , نضغط عليه وبتطلع لنا كل السكنز اللي اضفناها .. نختار اللي نبي منها .. انا شخصيا مرتاح مع السكن الاساسي .. وما ابي اغيره لانه خفيف وفيه كل اللي ابيه عكس بعض السكنز جربتها .. يا ثقيله او ما تدعم الماوس وفيها مشاكل ثانيه مع ان فيها خيارات عرض خياليه للافلام والمسلسلات ..

من System ---> Skin ---> Home window



تقدر تغير من هالمسار خيارات الواجهه الرئيسيه .. اذا تبي تخفي بعض الاشياء اللي ما تستخدمها .. انا اخفيت الويذر و البرامج .. لاني ما احتاجها وحسيتها زحمه وقلق ..

من نفس المسار اللي فوق تنزل تحت ع background .. علشان تغير الخلفيات اللي تبيها للفيديو والافلام والمسلسلات وغيرها , زي ما انا مغير الخلفيات غير الخلفيات الرئيسيه اللي راح تشوفها اول ما تنزل البرنامج ..




خلاص بس هذي الاشياء اللي حبيت اضيفها قبل انام , راجع بالليل ان شاء الله اشوف اذا احد عنده استفسارات او مشاكل




~~ باب الليل ~~ غير متواجد حالياً التبليغ عن مشاركة سيئة  
Facebook Twitter اضافة رد مع اقتباس
قديم 26-06-2012, 01:35 PM   #5
مانويلا99
من كبار مُميزي الفن السابع
 
الصورة الرمزية الخاصة بـ مانويلا99
مانويلا99 فوق  هام السحبمانويلا99 فوق  هام السحبمانويلا99 فوق  هام السحبمانويلا99 فوق  هام السحبمانويلا99 فوق  هام السحبمانويلا99 فوق  هام السحبمانويلا99 فوق  هام السحبمانويلا99 فوق  هام السحبمانويلا99 فوق  هام السحبمانويلا99 فوق  هام السحبمانويلا99 فوق  هام السحب

ماشاء الله عليك
شرح وافي وكافي
ماقصرت
الله يسلم هالايادي



مانويلا99 غير متواجد حالياً التبليغ عن مشاركة سيئة  
Facebook Twitter اضافة رد مع اقتباس
قديم 26-06-2012, 08:17 PM   #6
حلوهـ و مرهـ
من كبار شخصيات الإقلاع
 
الصورة الرمزية الخاصة بـ حلوهـ و مرهـ
حلوهـ و مرهـ فوق  هام السحبحلوهـ و مرهـ فوق  هام السحبحلوهـ و مرهـ فوق  هام السحبحلوهـ و مرهـ فوق  هام السحبحلوهـ و مرهـ فوق  هام السحبحلوهـ و مرهـ فوق  هام السحبحلوهـ و مرهـ فوق  هام السحبحلوهـ و مرهـ فوق  هام السحبحلوهـ و مرهـ فوق  هام السحبحلوهـ و مرهـ فوق  هام السحبحلوهـ و مرهـ فوق  هام السحب

الله يعطيك العافيه ويقويك
البرنامج اعجبني ،وكان ودي انك تشرحه كامل
بس بما انك جديد عليه زي ماقلت
الموضوع موجود هنا واي جديد تعرفه تقدر تضيفه

تحياتي 🌹



حلوهـ و مرهـ غير متواجد حالياً التبليغ عن مشاركة سيئة  
Facebook Twitter اضافة رد مع اقتباس
قديم 26-06-2012, 08:32 PM   #7
ضــي الكون
رئيسة قسم تقنية الاتصالات الحديثة

 
الصورة الرمزية الخاصة بـ ضــي الكون
ضــي الكون فوق  هام السحبضــي الكون فوق  هام السحبضــي الكون فوق  هام السحبضــي الكون فوق  هام السحبضــي الكون فوق  هام السحبضــي الكون فوق  هام السحبضــي الكون فوق  هام السحبضــي الكون فوق  هام السحبضــي الكون فوق  هام السحبضــي الكون فوق  هام السحبضــي الكون فوق  هام السحب
مشاهدة البقية
إقتباس »
~~ باب الليل ~~
خورااافي البرنامج .. شكرا لك والله يعطيك العافيه
شرح جميل ..



ضــي الكون غير متواجد حالياً التبليغ عن مشاركة سيئة  
Facebook Twitter اضافة رد مع اقتباس
قديم 26-06-2012, 08:48 PM   #8
i love eqla3
عضو مهوب جديد
 
الصورة الرمزية الخاصة بـ i love eqla3
i love eqla3 فوق  هام السحبi love eqla3 فوق  هام السحبi love eqla3 فوق  هام السحبi love eqla3 فوق  هام السحبi love eqla3 فوق  هام السحبi love eqla3 فوق  هام السحبi love eqla3 فوق  هام السحبi love eqla3 فوق  هام السحبi love eqla3 فوق  هام السحبi love eqla3 فوق  هام السحبi love eqla3 فوق  هام السحب

awesome .. thank u




اخر تعديل كان بواسطة » i love eqla3 في يوم » 26-06-2012 عند الساعة » 08:51 PM.
i love eqla3 غير متواجد حالياً التبليغ عن مشاركة سيئة  
Facebook Twitter اضافة رد مع اقتباس
قديم 27-06-2012, 06:57 PM   #9
zRar
عضو مهوب جديد
zRar فوق  هام السحبzRar فوق  هام السحبzRar فوق  هام السحبzRar فوق  هام السحبzRar فوق  هام السحبzRar فوق  هام السحبzRar فوق  هام السحبzRar فوق  هام السحبzRar فوق  هام السحبzRar فوق  هام السحبzRar فوق  هام السحب

ماشاءالله عليك
كفيت ووفيت ب الشرررح وحمستني اني احملةة

يعطيك العافيةة خيي



zRar غير متواجد حالياً التبليغ عن مشاركة سيئة  
Facebook Twitter اضافة رد مع اقتباس
قديم 27-06-2012, 08:07 PM   #10
دوني براسكو
Arts Award Winner
 
الصورة الرمزية الخاصة بـ دوني براسكو
دوني براسكو فوق  هام السحبدوني براسكو فوق  هام السحبدوني براسكو فوق  هام السحبدوني براسكو فوق  هام السحبدوني براسكو فوق  هام السحبدوني براسكو فوق  هام السحبدوني براسكو فوق  هام السحبدوني براسكو فوق  هام السحبدوني براسكو فوق  هام السحبدوني براسكو فوق  هام السحبدوني براسكو فوق  هام السحب

ابو ليل ، حبيب القلب موضوع مرتب ومهم جداً خاصة لمحبيّ الافلام
البرنامج جداً جبار وانصح الجميع به



دوني براسكو غير متواجد حالياً التبليغ عن مشاركة سيئة  
Facebook Twitter اضافة رد مع اقتباس
إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 03:13 PM.

الأن حمل تطبيق منتديات الإقلاع

 

هام: لجميع مستخدمي ايميلات شركة مايكروسوفت (hotmail,msn,outlook......الخ)
 

في حال تاخر التفعيل او اي مشكلة طارئة او ما يخص العضوية الذهبية او التجارية من استفسارات يمكنك ابلاغي هنا وتسعدني متابعتك   

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.7
Copyright ©1999 - 2014, Jelsoft Enterprises Ltd.
جميع الحقوق محفوظة منتديات الاقلاع - شبكة الاقلاع