بعد الاستخارة تجي
الشوفة الشرعية :
الوقت متى يجون :غالبا يكون التحديد عليهم لكن لو كان عليكم قولوا المغرب ( علشان يمشون بسرعة خخخخخخخخخخخخ )
الضيافة : استغرب ان فيه بنات يسالون عنها يمكن القلق الزايد ضيوف عاديين ماله داعي الكلافة ( وجه نظر )
المهم والاهم وش البس كيف اكون طلتي كيف تكون
اولا حطيها في بالك زين : انتي رايحة
تقابلين رجااال مو حرمة
يعني بتروحين عنده لابسه
تيفاني صدقيني ما يشوفك على الموضة الا يشوفك لابسه لون يفقع العين
مو تحطين روج
احمر والا عودي انسي الموضة وخليك سيمبل وعلى طبيعتك لبسك لازم يبين جسمك مو من ضيقة لا طبعا
اللبس :
ماراح اقولك ايش تلبسين كل وحدة ولها ذوق والا لكن بنصحك :
الستر ثم الستر ثم الستر
الوحدة ما تدري يمكن ما يكون فيه نصيب وين تروحين منهم وماهي حلو في حقك سواء رفض والا وافق
ومو معناته تلبسين شي يغطيك من من راسك لرجلك الحدود والمعقول والوسط هو الزين
بين الجميل في جسمك اذا خصرك حلو البسي هاي وست او ضيفي حزام
المشجر ابعدي عنه قد ما تقدري قلتلك انتي رايحة تقابلين رجال
والالوان الحيادية هي الافضل دائما
امشي على موضة الموسم بحدود التنانير الواسعة المكسرة هي الموضة الحين بس اختاريها بطول
حلو والبسي معها بدي كت او زي مو عاملين اسوس بدي جينز مره طالعة حلوة
مليانه في زارا وفيمي ناين ومانقو
فيه بنات يلبسون لتحت الركبه فاذا كانت رجولك حلوة مشاء الله ومنحوته
السروايل الواسعة برضوا حلوة ومره موضة فيها منها مكسرة وفيه منها عادي بقصة مستقيمة وما تعتبر لبس ضيق او اوفر
برضوا السوق مليان
وفيه طرق كثيرة للبسها زي الصور فوق نفس البانطلون بس بلوكات مختلفة
لا تلبسين شي طويل مره خليك على الموديلات اللى تكون لنص الساق او لين الكاحل
والكعب 8 سم تكفي برائي
المهم خليك سيمبل وبسيطة وفي نفس الوقت انيقة ابعدي عن الرفلز المشجر الاكسسورات الكثيرة
واكتفي بساعة وحلق لولو
المكياج والشعر :
مافيه احلى من الطبيعة وانك تبيني جمالك الطبيعي نصيحة خليك حيادية ولوك ناتشورال
لاتهتمي بلون اللبس اذا ازرق اطقم معه لا اعتمدي الالوان الترابية هي افضل حل
واليوتيوب مليان
واذا كنتي تنلبسي زمام شيليه وابعدي عن العدسات
الشعر بين طول شعرك الطبيعي لا تسوي تسريحة هذا الشي مهم عند الرجال للاسف يبي يشوف طول شعرك
فاستشوريه وخلاص سواء قصير او طويل
المقابلبة
كوني على طبيعتك مع شويه حياء حتى لو كنتي مو مستحية
والحياء ما يكون بزيادة ويصير ماله داعي
لا تتكلميني وتسولفين اسكتي الا اذا هو سالك
وخليك طبيعية مو تنهزلين راسك في الارض انتبهي
انا صراحة عرفتلها وخليته هو يدخل علي في الغرفة مو انا اروحله لو تتقدرون تسوون كذا توفرون على نفسكم القلق
بعد ما تم الشوفة على خير
لا تقلقين وشفيهم ما ردوا وشفيهم ما تكلموا
مدام استخرتي توكلي على ربك
عادة الناس ما تطول ترد سواء بالموافقة او الرفض
وقت الرفض قوي قلبك لا تقولين شكلي ليه ما عجبته
تاكدي ربي ما منعك عنك شي الا وحافظلك اللى احسن منه
تجربة الاخت
الطير الحر واختها :
إقتباس »
الرسالة الأصلية كتبت بواسطة الطير الحر ~ »
قريت ردك انك تبين وحده تكتب عن شوفتها الشرعيه وهيك
بكتب لك عن شوفة اختي لان شوفتي عاديه الحمدلله
لبست تنوره سودا ميدي وبلوزه كت وجاليه ومكياجي وردي الروج والبلاشر وكحل اسود وحواجب وماسكرا 
وشعري استشوار وهوقصير ولارفعته بشي
دخلت بالقهوه كسرت قاعدة العصير 

بالنسبه لاختي:
اختي انخطبت كثير ماشاءالله وبكل مره توصل لموضوع الشوفه
تلبس وتكشخ وتحوس بعمرها ومافي احد ماتستشيره وتعلمه
وتصير وماينكتب نصيب سبحان الله 
المره الاخيره كانت خلاص عافت شي اسمه طاري عرس وشوفه
وش سوت يوم الشوفه؟
اول شي انها ساكته ماعلمت احد ابدددددا وثانيا شوفوا وش لبست وهيك 
لبست تنوره كحليه عاديه موديلها ومن زمااان مالبستها ولاتبيها
جدددا عاديه وابد ماتنلبس لوكان فيه ضيوف اوهيك شلون شوفتها 
وبلوزه عودي كم طويل فيها كلين ذهبي 
اللبس ماعمرها لبسته وهي معرووفه كشخه وستايل وهيك 
ماشاءالله لكن لبست هيك وكانت تقول عارفه مابيصير شي كالعاده
ليه اتعب نفسي
باااائسه 
والمكياج رسمت حواجبها وحطت روج بني غامق 

شريناه مره لحفل تنكري وناسة بنات وهيك 
وشعرها رافعته ولانزلت منه ولاحتى خصله والفم قدامها شبرين ولاابتسامه ولاشي
حالتها مستعصيه كانت 
اللي صار انو عجبت المحروس انها هاديه وماهي متكلفه بطبيعتها
وانها محتشمه تنوره طويله وبلوزه كم طويل 
وفسر كشرتها وعدم ابتسامتها انها خايفه لانه رجال غريب وهيك 
وتم زواجها من سنه على خير الحمدلله 
ماحبيت اذكر شوفتها الا لسببين:
1/ اللي مكتوب لها نصيب بتاخذه مهما سوت واللي مومكتوب مهما تهولت مابتاخذه
2/ استعينوا على قضاء اموركم بالكتمااان وهذي وصية الرسول صلى الله عليه وسلم
وبالتوفيق يآرب
تجربة الاخت
Roo7 al6folh
إقتباس »
الرسالة الأصلية كتبت بواسطة Roo7 al6folh »
-
شوفتي ..طبعاً جاء مع أمه وخالته , دخلت لوحدي كنت لابسة تنورة اسود ميدي
وبلوزة شيفون سكري . شعري استشورته وتركته على طبيعته بس رفعته
من الجوانب .. اكتفيت بماسكرا وروج لحمي ..و لبست حلق وساعة
الصندل كعبة جدا جدا بسيط سانتي بس ..
طبعاً الحمدلله ابداً ماكنت خايفة لان انا من البداية وافقت على الزواج
ف سلمت امري لله .. فقط كانت رجفة طبيعية ورأسي وصل الارض 
بما إني دخلت عليه فكانت فرصتي الوحيدة المحه اول ماادخل من المجلس
لمحته وبعدها ماقدرت ارفع راسي جلست وخالته كانت تسولف
معاي وانا اجاوب بس .. وقدمت له عصير وجلست شوي بعدها طلعت
وتمت الموافقة بنفس اللحظة 