[شاي حليب]

كرة القدم كانت أفضل بالدخول للمكاتب و الصيدليات .. الآن دخلت للمراهنات و من الصعب خروجها
كرة القدم كانت أفضل بالمنشطات .. تصبح الآن أسوأ بالمراهنات .. نأمل خروجها

..
جزء من تصريح وذبة زيمان , ينتظرنا فاصل كوميدي مع قطيع تورينو ..

[Mr-Lion]

اللي يقوله زيمان مهب شئ جديد للأسف هو قاله بمعنى التذكير فقط , لكن بعض الناس يحسبونه قاعد يجيب شئ من الخيال للأسف هو يجيب الواقع والواقع المرير اللي يحصل في بعض الاندية خصوصا انه يحاكي عن تاريخ كيان عُرف عنه هذه الاشياء منذ زمن بعيد ..

..



..



مستر اسكوديتو ..

..

أمس فاز الوضيع على الميلن 4-3 في نصف نهائي البريمافيرا سجل الاهداف [ كومي 2 وانوشيتي 1 ] من الميلن و [ لونغو 3 ] من الانتر .. مباراة حلوه الحقيقه ومفتوحة اللياقة صفر وما ألوم اللاعبين ! يومين راحه فقط على اعمار 17 الى 21 ! ما تسوى الراحة تقدم كومي بهدف ثم يجي الانتر يقلبها بـ 2-1 من لونغو ومعاه واحد ثاني مدري وش اسمه الزبده بعدها الميلن قلبها 3-2 من كومي وانوشتي ثم يجي لونغو ويسجل هدفين واحد منهم في اخر دقيقه أخر ثلاث ثواني من انتهى الوقت الاضافي ويفوز الوضيع ويتأهل قدام لازيو في النهائي يوم السبت طبعا هداف البطولة هو كومي بـ 30 هدف محد بجايبه ابد .. مواهبنا زينه في واحد برازيلي كويس لوكاس روجيا لمساته حلوه وسريع ومهاري وفيه هوتور فكاك طراز اول يفك وهو مغمض بس مشكلته بارد لا جت الكورة معه يعني نظامه يقطع الكورة وبعدها عط اي لاعب ثاني الكوره الا هو ضعيف مره .. غير انوشيتي فنان ينقل الكور يمين يسار يوزع صح يقطع صح وسط جيد للغايه , وفيه كريستانت كانكم تذكرتوه اللي قد لعب معنا مباراة طويل القامه وابيض وتحس أنه سبهه الزبده انه لمساته كويسه مهب على شكله والله , فالوتي سبك لا زلت عند رأيي لاعب عادي جدن لو فيه كارمونا كان الحين بنهائي وصاقعين الانتر 5-4 .. عندك في الدفاع ظهيرنا الايمن الفله كويس يسحب وسريع ودفاعي ويعرف يرفع وعنك ايلي اللي خاق معه من جد قسم بالله أمس ياهو طربني طرب يقطع الكوره بمهاره ماعنده مشكله هو بس كأنه يقول لنيستا تعال شفني أقلدك فنان فنان فنان ويقول عاد ابو غلن انه بيكون في الفريق الاول السنة الجاية .. الهجوم ماني متكلم عنه طرب مع جانز وكومي أقدر أقول لا راحو الفريق الاول وصارو اساسيين بنظمن هدافين الدوري واوروبا على طول ومانحتاج أي مهاجم طبعا بوجودهم ووجود باتو وكاسانو والشعراوي الي بيجلسون فتره طويله معنا ..

..



ردريغو ايلي مع ظهيرنا العصري ..

..



انوشينتي ..

..



كريستانت السبهه

..



هوتور أدموند ..

..



الظاهره كارمونا ..

..



كومي القوي لاعب التورو سابقاً .

..



هذا هدافنا الثاني ومكمل كومي الفتيت غانز اللي نقز حارس صغير تورو

..



لوكاس روجيا ..

[Torino]

إقتباس »

الرسالة الأصلية كتبت بواسطة Mr-Lion »


مستر اسكوديتو ..

_______


انطلاقة قوية للميركاتو بصراحة , اسامواه وايسلا لاعبين صغار بالسن وعندهم بوتنشل عالي جداً وراح يفيدون الفريق مع تعدد المشاركات الموسم القادم
الاخبار الحين تقول ان التركيز راح يكون لبيع بعض اللاعبين الغير مرغوب فيهم لتدعيم الميزانية
والتوقيع الجاي راح يكون ديسترو ومن ثم المدافع ( يلعب قلب دفاع / ظهير أيسر )
وأخيراً بعد اليورو راح يحسم موضوع المهاجم , سبب الانتظار هو الاختيار بين فان بيرسي وكافاني
كافاني راح يقابل ادارة نابولي بعد اسبوعين لمناقشة تفاصيل تجديد العقد / العروض المقدمة له , ويقال انه خيار كونتي الأول
هقواين وسواريز تقريباً خلاص بيجلسون مع انديتهم
اتمنى فان بيرسي

[عبود (ab)]

عليكم جميع لعناتي يامن تديرون صفقات الأنتر والجاني الاول هو برانكا بكل تأكيد .. السنة الجاية نبي نلعب كل خميس بكأس الاتحاد , قلنا هالشيء يمكن يمثل نتيجة مرعبة لموراتي وتوقعنا تدراك الاخطاء أو بمعنى أخر يرجع موراتي القديم موراتي المبذر للاموال موراتي الفسقان وعلى الرغم من أننا متعودين على هذه الوضاعة في برانكا كل صيف لكن سبب تفائلنا هو أن قبل مايبدأ الصيف وربما تكون الصفقة الاولى وهي شراء عقد جوارين أعطانا بصيص أمل وتفائل بشفاءهم من مصابهم الذي يبدو أنه أستفحل هذا الصيف وربما تكون أصابة مزمنة في القادم من الأيام ..بيع بانديف بسهولة لنابولي دليل على غباء برانكا الذي لايحتاج لأدلة .. بانديف نتحتاجه نستفيد منه ندخله بأي صفقة تتعسر علينا ولاعب مثل بانديف يبي يفك أزمة , يقول لي أخوي المفروض ذليتوا لاورنتيس مثل ماماطل ببيع لافيتزي وأخرتها باعه لباريس , قلت له لا بالعكس دي لاورنتيس معه حق ببيع لافيتوي للعرض الاكبر وهو ماماطل لكن أدراتنا كانت (تشحد) لافيتزي موب تطلبه ..
خبر مثل خبر هاندانوفيتش هو الشيء اللي الأيجابي بصفقات الأنتر أو المفاوضات .. لأانها تخلينا نضحك ونفرفش بعد هم الموسم الفائت خخخخخخخخخ يعني نضحك ولانبكي يابرانكا يالحلاق
هاندانوفيتش !! .. أتوقع الهدر برانكا يتابع مواقع الانترنت ويشوف اللاعب المعروض للبيع (ورخيص) يفاوضه ههههههه .. الفريق يحتاج لاعبي وسط ومدافع ومهاجم وهذا يروح يحارش بالحراس وعنده واحد من افضل 4 حراس بالعالم .. يابرانكا ضحكت من جهلك الأندية والجماهير خخخ
نجي (للحلم) وهو الملعب شيء كبير شيء يخليني أنسى كل الصفقات شيء يعطيني أمل بالاندية الأيطالية والأنتر خصوصا .. لكن مايحطمك هو نهاية (الحلم) أو المشروع بسنة 2016 !!

اليوفي خلص ملعبه بسنة ليش حنا ملعبنا فيه لكل مقعد خصلة من شعر موراتي ولا يحسبون الملعب من الصفقات لازم يذبحون الجمهور بالوعود وأخرتها ماتجي !!

شيء يقهر بعد ويخلينا مانفكر نحلم هو التجديد مع ستارمتشوني , مدرب مع أحترامي كان حق مرحلة فقط .. مرحلة تنظيف مخلفات رانيري فقط .. حتى لو كان مشروع مورينهو وجوارديولا أنا ماشفت أو ماأختبر بشكل كامل ليكون مدرب للأنتر .. نبي مدرب كبير لمرحلة مثل هذي مرحلة (تجديد) جلد الأنتر تحتاج مدرب كبير ومانبي نكرر أخطاء الموسم القادم .. ماذا لو فشل سترامتشوني ؟
ولكنها أدلة كثيرة على تخبطات أدراتنا التي أكل عليها الدهر وعلى خططها .. لازم ننتظر ينعم القدر علينا بمدرب مثل مورينهو يرجع (يقود) الأنتر وأدارته ووقتها نرجع للببطولات ولا هالأثنين مايمسكون ولافريق حواري بالأخص برانكا


جماهير اليوفي تسلفوننا أحولكم ماروتا والله طلع خوينا أحول بكل حواسه !!

عضو جديد بينكم .. ردي بمنتدى اخر حبيت أستفتح به لعله يكون خيرا

[يآ ليل !]

أبو سيفون رسمي ..

الله ينفع به ..


http://www.inter.it/aas/news/reader?N=58343&L=it

[رعد الرياض]

http://www.youtube.com/watch?feature...&v=yEn9AkMeTek

فيديو عرض قميص روما الموسم الجاي .
ننتظر اليوفي بفارغ الصبر ..

[تسويري]

^^
اهم شيء يكون مطرز ويخقق على توتي هذا هم يحطون حيلهم بهالطقم من عرفتهم ..!

ايسلا واسامواه شبه انتهت .. باقي المهاجم والله العالم انه بعد اليورو بيصير كل شيء رسمي

[مجنون شوووق]

وسط اليوفي بإنضمام اسامواه وبوغبا اصبح مكتمل وقوي
بيرلو ـ ماركيزيو ـ فيدال
ماروني ـ اسامواه ـ بوغبا

ست لاعبين في الوسط طبعا بدون ما نذكر الاجنحه بيبي وجياكريني

العدد اصبح 8 اليوفي سوف يتخلص من 2 وأتوقع الاقرب بيبي خصوصا بعد ان تلقى عرض من نادي روسي أما الاخر فهو سوف يكون إعارة لأحدى الأنديه سوف يكون إما ماروني أو بوغبا بالرغم من تمسك كونتي وإعجابه بماروني إلا انه مشاركاته سوف تكون قليلة جدا إلا اذا هو رضي بذلك

الان اليوفي يحتاج لمدافع وظهير أيسر يلعب كالمدافع وظهير للتعزيز الدفاع ويصبح مكتملا اليوفي


ويبقى امام اليوفي الهجوم وهذا اتوقعه بعد اليورو

[× Khaled ×]

إقتباس »

الرسالة الأصلية كتبت بواسطة مغاط بن مغاط »
.







هأللاعب يملكك قوةة طرب مهَب صاحيةة
لكن م اخذ فرصةة كاملةة
وإذا شاركك غالبا م يمدحه الجميع
بمآ إنه مع المنتخب اتمنى اشوفةة بكم مبارات يشاركك


نشوفكم ع خخير ،

اخيرا احد يمدح جيكا
انا تابعت يوفنتوس في كم مباراة لعبها الشاب اللطيف اعلاه , صراحة عجبني لاعب سريع و الاختراقات عنده ممتازة و يتحرك كثير اعجبني في مباراة روما يوم ديل بييرو يعلق الكورة في الشبك , يوم استدعي للمنتخب اشوف الاغلبية معترضين لكن الصراحة اللاعب يستاهل و نص , و بيكتسب خبرة كبيرة لو لعب مع دي روسي و بيرلو و ماركيزيو , و برضه فيه استيغاربيا ممتاز , استغربت من كونتي يعتمد على بيبي السيء على حد علمي و يخلي استيجاريبيا احتياط , و ليشتي برضوه عجبني < كل اللاعبين عجبوني

[abu-3abed]

.
.




كونتي قال للحول أبي محور وظهير ايسر .. راح جاب له محور وظهير ايمن

الجد .. انها ضربة حلوة من الحول .. صحيح ايسلا موب اولوية .. لكنه جا لليوفي بطلب من كونتي كــــ لاعب وسط ..

ايسلا الموسم الماضي لعب معظم مبارياته كلاعب وسط مساند للمحور .. مثل مركز فيدال بالضبط ..
وكان وسط اودينيزي الدفاعي على الشكل هذا ..

ارميرو - اسامواه - ايسلا

وهذي هي خطة كونتي اللي يبي ايسلا يكون بديل لفيدال .. وبنفس الوقت يعتبر خيار أفضل من ليشتاينر بخطة 3-5-2 اللي تحتاج ظهير هجومي .. وفي حال غياب بيرلو بيكون شكل وسط اليوفي كذا تقريبا ..


ماركيزيو - فيدال - ايسلا

عشان كذا اقول ان ايسلا صفقة ممتازة جدا .. لاعب جوكر يخدمك في اكثر من مركز بكفاءة عالية ..

اما اسامواه .. ما يحتاج .. الخال ذا عاجبني من يوم شفته .. صحيح ما عنده تمريرات مثل بيرلو او ماركيزيو .. لكنه يركض لمدة 90 دقيقة بنفس السرعة وبنفس الجهد .. واحيانا كان يلعب بمركز أرميرو كلاعب وسط أيسر متأخر ..

اهنيك يا الحول .. صفقتين تعطي وسط اليوفي دعم قوي على المستوى الفردي والتكتيكي ..


وش رايك تكملها وتجيب ارميرو وبن عطية ..


::
::





تعجبني سياسة الأوديني في اكتشاف المواهب .. تقريبا السياسة هذي تشكل مصدر دخل الاوديني الرئيسي .. نجوم ومواهب صغار بأسعار بخسة .. ومن ثم بيعهم بأسعار كبيرة .. وصعب نادي مثل الاوديني يحافظ عليهم فترة طويلة قدام الاندية الكبيرة ..


سانشيز .. شروه بـــ 3 مليون يورو .. باعوه بـــ 30 مع المكافأت ..

ايسلا .. شروه بـــ 500 ألف يورو .. اليوفي بيشتريه بـــ 15 + نص بطاقة تايدير ( لاعب من اكاديميتنا )

اسامواه .. شروه بـــ مليون .. اليوفي بيشتريه بـــ 15 + بطاقة باتسينزا كاملة ..

ارميرو .. شروه بـــ 1.2 مليون .. وقيمته بالسوق ما تقل عن 12 مليون ..

بن عطية .. اخذوه ببلاش .. وقيمته ما راح تقل عن 15 مليون ..


::
::





و ضربة ثانية حلوة من الحول ..

من تشوف عمره 19 .. ويهايط على السير فيرغسون .. والسير كان يبيه لآخر لحظة ..
تعرف انه موهبة قوية ..

أتمنى اعارته لأحد فرق السيريا أ بدل ما يضيع وقته بالبريمافيرا .. ويا ليت يعيرونه لأودينيزي ..
فريقهم محترم ويقدر المواهب .. ويكون بعقده شرط انه يلعب اساسي بعدد معين من المباريات ..

نفس الشي ماروني .. بقدوم ايسلا واسامواه بتكون فرصته باللعب نادرة .. يعار لنادي متوسط .. الاوديني يبون نص بطاقته مقابل تخفيض سعر اسامواه وايسلا واليوفي رفض .. عطوهم اياه اعارة بس بدون انصاف بطاقات ..



::
::




ما وصلوا لاتفاق مع بارما .. ويمكن يلجأون للمظاريف ..
رئيس بارما يستظرف ويقول جيوفنكو قيمته لا تقل عن 40 مليون خخخ ..

انا مؤيد لعودة جيوفنكو في حالة وحدة .. ان اليوفي دفع مبلغ ضخم لرأس حربة سوبر .. مثلا 40 مليون في كافاني .. وقتها عودة جيوفنكو بتكون مناسبة ولا راح تكلف كثير ( من 8-10 مليون ) ..


::
::

torino

اشكرك على الرد التوضيحي بمسألة فان بيرسي ..

لكني حتى الآن مقتنع ان كافاني هو اكثر لاعب يناسب اليوفي .. ويناسب جميع تكتيكات كونتي ..
بالاضافة الى ان كافاني عمره 25 سنة .. وفان بيرسي بيكون 29 سنة مع بداية الموسم في اوقست ..

ولو جيت تقارنها من ناحية مادية بالنسبة لعقد مدته 4 سنوات ..

فان بيرسي قيمته 20-25 مليون .. ايه يا بنك لأن عقده بقى فيه اقل من سنة .. + رواتب 4 سنين اذا قلنا بياخذ 7 مليون مثلا غير المكافأت .. بتكون تكلفته تقريبا من 50-55 مليون يورو لمدة 4 سنوات ..

كافاني قيمته 40 مليون ( ممكن تنخفض لو دخلنا فيها لاعبين مثل ميلو او ماتري ) .. + راتب 3 او 3.5 مليون يورو .. تكلفته في 4 سنوات بتكون من 50-55 مليون يورو .. نفس تكلفة فان بيرسي .. ولاعب بالنسبة لي اضمن ثبات مستواه ويقدر يأدي ادوار افضل ويساند الدفاع .. واصغر بــ 4 سنوات ..

الميزة اللي اشوفها في روبين وغير موجودة بجميع المهاجمين المهتم فيهم اليوفي .. هي القوة الاعلامية والجماهيرية للصفقة .. وبهرجة حامل الرقم 10 الجديد .. واللي بكل تأكيد يستاهلها روبين ..


على العموم آخر الاشاعات تقول .. اليوفي ناوي يقدم ميلو ( 13 مليون ) + ماتري ( 15-18 مليون ) + كاش 12-15 مليون عشان كافاني .. لكن الزيدي دي لاورينتس يقول اللي يبي كافاني ينق كاش 45 مليون ..



الخوف بعد كل ذا الحماس .. يجي الحول ويشتري عقد بورييللو .. مثل الموسم الماضي يوم تحمسنا مع اقويرو وصفينا على فوزي ..


::
::


قعدت اشيك على وضع اليوفي في دوري الابطال .. اليوفي في التصنيف الثالث ..

يعني احتمال اليوفي يطيح بمجموعة بنت كلب ..

التصنيف الثاني .. فيه فالنسيا وبنفيكا والسيتي ..

التصنيف الرابع .. فيه بطل الدوري الفرنسي مونبيليه .. واحتمال يصير فيه دورتموند وباريس سان جرمان ..

يعني مجموعتنا مبدئيا بتكون صعبة .. من الحين لازم نجهز شخصية البطل ..


اندية التصنيف الأول .. تشيلسي .. برشلونة .. الريال .. ميلان .. بورتو .. مان يو .. البايرن .. أرسنال ..

اقلهم صعوبة .. بورتو وأرسنال .. واتمنى يحطوننا مع الريال


.
.