...
و اهل المدينه قماري 
المشغل المعروف دائما
لمسات
وهذا المشغل جربت عندهم كل شي حتى التصوير الا الخياطة
طبعا فيه فرعين اللى دائما اتعامل معه سلطانة لمسات الحزام رحت مرتين
مقتنعة في شغلهم نظافتهم عاملاتهم لاني خلاص تعودت عليهم واحلى شي تسويلك اللى تبغين ( اقصد تسريحة الشعر )
لكن المكياج لازم تدروين وحدة شفتي شغلها لان شغلهم ثقيل
العملات اللى اتعامل معهم دائما شعر :
سونيا انسانة رائعة وشاطرة وفي 5 دقايق تخلصك عيبها انها ما تفهم لهجتنا ولا تدري انتي ايش تقولين
لا تستغربي اذا سوتلك العكس
فاتن عصبية مره لكن شغلها طيب وصبغها شي ثاني
في زواجي صلحت عن
امينة ممتازة وسريعة مره ولما فكيت شعري بعدين دعيتلها من قلبي !
شعري طالع مستشور وطايح
عيبها نقاقة بس تنق
فوق راسك انا تعبانة ظهري يعورني علشان كذا طنشيها والبسي السماعات علشان تسكت
قلتلكم لمسات لا تشيلوا هم من ناحية التساريح او الصبغ او القص في الشعر ممتازين
المكياج :
رانيا وبس المكياج للي تحب المكياج الناعم وعندهم وحدة اسمها عيشة برضوا مكياجها رائع وتفهم عليك
سهير شاطرة لكنها بطيئة مره
وبصراحة المكياج انا دائما اسوي سموكي ( نصيحة البارونة
) وارتحت صراحة
وبرضوا فيه مريم يوسف و ميساء
لمسات الحزام وحده اسمها
زهراء تسوي مكياج عدمتني ما انصحكم فيها
طبعا هم عدهم اثنين زهراء واللى اقصدها اللى تشتغل تحت مو في دور العرايس
احسن شي للمكياج
بيان وللشعر
امال وبدور
لمسات بشكل عام اللى يعجبني فيه طريقة الحجز المسبق تحجزين قبل المناسبة باسبوعين تحددي موعود خروجك وتخرجي في نفس الموعد
لكن المشكلة لو رحتي بدون حجز
اسعارهم بشكل عام حلوة تحضير العروس عندهم ب 500 ريال وتكون شاملة مكياج وشعر ومكياج جسم مناكير وبداكير ورموش
بصراحة انا دائما احجز تحضير عروسة حتى يطلعوني بدري
تنظيف البشرة عندهم ممتاز وشاطرات مره وسعره طيب 300 ريال
واخصائية البشرة مره ممتازة اختي تعالجت من حب الشباب عندها بس اعطتها صابونة سعرها 30 ريال !
والنتيجة بشرة صافية
انا اعطتني شامبو وامبولات للشعر كلها رويال ومره فادتني خصوصا من النوع اللى اصبغ على طول
المشغل اللى رحتله اللى عند الراشد واسمه كالا
تدخلي المشغل جوا تنبهري بالديكور والخ
لكن الاسعار غالية جدا جدا مكياج الجسم ب 150 وعند لمسات ب 50 !
وياليت الشغل زين
مكياجهم يقهر لما تروحي بتدفعي الفاتورة تقولك
اذا تبغي مكياجك من ماركات فور ايفر وماك تدفعي 150
واذا تبغي من الماركات العالمية شانيل وسان لوران وديور تدفعي 200
طبعا انا اخترت ماك وفورايفر على اساس انها تحطلي اساس فورايفر
لكنها حطتلي كريولان والمحددات المحددات اللى لونها كحلي وذهبي
لا ماك ولا فور ايفر
لما رحت البيت البس وجهي مافيه ولا نقطة اساس
يمكن العاملة اللى عملتلي بس من طريقة الدفع غسلت يدي
ماقدر احكم على التساريح لاني عملت استشوار عادي
في انتظار تجاربكم بنات
الوضع العادي
