كيفكم ؟ وكيف الاكل معاكم
باقي تشوفون الكبت وتحصلون ملابسكم الجميله , بس تتشوه مع اجسامكم : (
انا عن نفسي والله باااااقي
ومتأزمه وحالتي ححححاله .. وو ربكم يعيين
من هـ الموضوع والتجمع الحلو ,
راح نجمّل اجسامنا إن شاء الله , وتكون مثل نجمات هوليود
إييييه إيييه ليش لا ؟
نصير مثلهم واحسن بعد
بـ العزيمه والاصرار , والفررم كل شيء يصير ,
معروف الانثى جمالها ..
بـ جسمها , واناقتها , وشياكتها ..
مو تجيك وحده تقلّ ( عود كبريت ) ومافي معالم انوثه
لو تلبس المزكرش ..
ابد ما بتصير مثل آللي تطمح فييييه :sm4:
طبعاً قبل نبدأ بـ شغل الفرم ,
اول شيء بـ قولكم اسباب نحافتنا , الاشياء المتعارفه بينّا :
1 / اكلات معتاده تاكلينها وأهي أصلاً خطأ خطأ ,
مثلا , تاكلين دهنيات ونشويات .. على اساس هالاكلات تسمن
وهو بالفعل خطأ
اهم شيء اهم شيء : الموازنه بـ أكلك !!
2 / اسباب وراثيه - معروف ما يحتاج اتكلم عنها !
3 / اتبعتي ريجيم خاص قبل لجل تخففين من وزنك .. ووصلتي بهااا للـ نحافة !!
صعب جداً تقدرين ترجعين لـ وضعك قبببل , بس كل شيء بالجد والاجتهاد ممكن يصير
4 / الاصابه ببعض الامراض العضوية :
مثل : فرط الغده الدرقيه , وفقر الدم الشديد !
او : بعض أمراض الجهاز الهضمي التي تمنع امتصاص الطعام المهضوم.
^ أهني محدثتكم تعاني منها : (
بقولكم عن تجربتي قبل نروح للـ سبب الخامس !
كنت افررم ليل ونهار عصر مغرب .. بـ كل وقت !
وكل هذا عشان يصير جسمي مثل آللي اطمح فيييه زمااان ,
بس مع ذلك ( الله يكرمكم ) كنت اكل من هِنا , واخرج من هناك
يعني ما يمديني أكل .. سيده ع الحمام : اعزكم الله
و هـ الشيء إذا صار لك انسسي كلش انو بتسمنين ويصير لك جسم وهيك شغلات ,
لازم تتعالجين منه عشان يكون ما عندك عائق للاتجاه للسمنه
فـ عشان كذا لازم تروحين للـ مستشفى وتعملين تحاليل , يمكن يكون فقر دم .. يمكن فقدان الشهيه .. ويمكن اشياء ثانية !
فـ الافضل تروحين وتأكدين بـ نفسك | وإن شاء الله تطلعون كل شيء سليم .. وو تتجهون للـ فرم سيده
انا طلع فيني ( داء الزلاق ) اللي هو سوء الامتصاص ,
والمشكله الطبيب قالها لي .. بعدين قال مو متأكد ننتظر للاسبوع الجاي ,
لانو قبل كذا يقول التهاب معده وامعاء مزمن ,
إن شاء الله يطلع خطأ طبي > للحين متأمله : (
وإن كان فييني الله يشافيني منه ولا تكونون مثلي يااااااااارب
فـ قببببل كل شيء تروحين للطبيب وكم تحليل , وترتاحين انو كل شيء سليم ..
واخذي صحنك واجتهدي بـ أكلك : )
5 / الاكتئاب اللي يسبب فقدان الشهييه ,
يووه يا بنات اهم شيءءءء اهم شيءء هـ النفسيه ..
إذا تعبت كل شيء يتعب معها
فيه بنات يقولون اذا اكتئبنا نحط حرّتنا بالأكل .. بس هـ الشيء لا تفكرون انو يسمن أو من هالقبيل
ابداً لا .. بالعكس هالشيء يحرق الدم اصلا يعني كللش ما ستفدتي شيء ,
فـ افرحي وانبسطي وعيشي حياتك واتركي كل شيء يضايقك وراك
وش ماخذين من الدنيا بالله وإن شاء الله تسمنون
نجي لـ علاج شيء اسمه نحافه ..
نودّعه بـ سهوله والله | بس نبي الاصرار والعزيمه مثل ما قلت لكم قبل :
1 : مراجعة اخصائي تغذيه ..
يحسب لك السعرات الحرارية اللي تحتاجينها بالنسبة لـ وزنك وطولك وجنسك ونشاطك
والوزن اللي ودك تزيدينه أسبوعياً ..
ما راجعتي اخصائي تغذيه !
أبد مو مشكلة تقدرين انتي بـ نفسك تضبطين امورك وترتبين وضع اكلك وهالاشياء ..
يكون عندك ميزان بالبيت شوفي وزنك , وطولك ..
ولازم تعرفين هـ النقطه :
# و يكون اكلنا يحتوي على سعرات حراريه تفوق عن احتياجنا لها عشان نأدي واجباتنا اليوميه ,
شوفوا هـ الرابط مررره مرره مفيد ..
ولازم الكل يشوفه ,
( لإن نظامنا بـ هالتجمع راح يعتمد على حساب السعرات الحراريه )*
بس فعلاً قبل كنت احسب السعرات الحراريه و هالاشياء حويسة ,
بس عن نفسي مره حبيت هالرابط يعلمك كم تحتاجين كالوري فـ اليوم ومبسّط بـ شكل : http://www.vb.eqla3.com/showpost.php...&postcount=924
وو انا بعطيكم امثلة لـ بعض الاطعمه اللي نسبة سعرتها الحرايه عاليه شوي ,
كل 100 جرام من الكورن فليكس مثلا يحتوي على 370 كالوري (سعر حراري )
الفول السوداني المملح ,,
ملعقتان بس منها تزودك ب 192 كالوري
الشوكولا المخصصه للدهن بـ المكسرات .. مثل : النوتيلا
كل 100 جرام منها تمدك 541 كالوري
عصير الفواكه الطبيعي ,
غير انو يمد جسمك بالمغذيات والفيتامينات الضروريه ,
كميه منها تمدك بـ سعرات حراريه كبيره ..
وكل 28 جرام منها يمد جسمك ب 57 كالوري
الفيشار الحجم الكبير ..
يحتوي على 1800 كالوري
يعني يقارب لما يحتاجه جسمك بـ 24 ساعه
والقائمه تطو و و ل !
2 : قائمة الوجبات ..
قبل أتكلم عنها ..
ملاحظه مهمه المفروض كلنا ننتبه لهاا !!
# يجب أن تُستعمل الدهون والزيوت والحلويات بـ اعتدال وبكميات قليلة ,
مثل ما قلتلكم فوق بـ أسباب نحافتنا ,
بس بتكلم عنها أهني بـ إسهاب شوي !!
غالباً ما نشوف تفكير البنات بـ السمنه [ بشكل سطحي ]
مثل اللي يقول : ( اكلي دهون كثري حلويات تسمنين )
وهالشيء غلط غلط غلط :sm4:
وبرضو هذا ما يعني ما تاكلينها .. اكليها بس بـ إعتدال ..
[ عدلي نومك .. وعدلي اوقات وجباتك , بيجيك اللي يرضيك ]
يُفضل إنو تاكلين وجبات صغيرة وكثيره بدل من وجبات كبيرة وقليلة ,
بـ تقولون لي شلون ؟؟
مثلاً تحتاجين الى ثلاث وجبات رئيسية المعروفه وثلاث وجبات صغيرة ,
الأولى تكون بين الفطور والغداء والثانية بين الغداء والعشاء والأخيرة قبل النوم .
- إبدي الوجبة بالطبق الرئيسي وو أجّلي السلطة والفاكهة لآخر الوجبة.
اكلي بعض من الحلويات في نهاية كل وجبة , بس مو على طووول أكليهم ورا بعض لا لا
عطي فرصه لـ معدتك تتقبل اللي اكلتيه
و إذا ما عندك حلويات عادي استبدليها بـ شطيرة من القشطة والمربى أو العسل ..
- اشربي كوب لبن مع الغداء والعشاء .
- اخذي من المكسرات والفواكه المجففة في الوجبات الصغيرة أو ضيفيها إلى السلطة والرز ,
- ضيفي الجبن المبشور لـ الرز والمكرونة ومكعبات الجبن الأبيض للسلطة .
- إبعدي عن المآي وقت الوجبات لأن هالشيء يضعّف الأنزيمات الهاضمة
ويعوّق عملية الهضم ، وغير كذا يملي المعدة ع الفاضي .. ويخليك تشبعين بسسرعه ,
- ابتعدي مره عن الضغطوات النفسيه والمشكلات .. تضعف من شهيتك مثل ما ذكرت فوق وتنقص وزنك
- استشيري الطبيب عشان يعطيك بعض الحبوب المقوية أو الفيتامينات والمعادن ( في حالة ) ماكتفيتي من الوجبات الغذائيه !!
روابط يمكن تفيدك من الموضوع السابق
وعشان نتحمس أكثثثر بهالتجمع ..
ونزيد كم كيلو حلوين
قلت أسوي لكم مسابقة ..
مثل تقريباً الموضوع اللي قبل ,
نحطهم بـ مجموعات | بس كل مجموعه فيها خمس بنات ,
لإنو كثرة البنات فـ مجموعه راح يشتّت على ليدر القروب مجموع الحساب ,
وو نجي للشروط :
1 / تكون المشاركه جديه فعلآ , وانو تحط ببالها ما سوينا هالمسابقه الا عشان نفيد بعض ونوصل للي نبيه : )
2 / راح يكون كل يوم سبت .. نطلع ع الاوزان , ونشوف التغيير الحاصل ,, طبعاً كل ليدر تنزل اوزان قروبها ,
3 / كل وحده متى ما كانت فاضيه من المشاركات طبعاً , تنزّل لنا برنامجها اليومي .. عشان نفيد بعض اكثرر واكثر ,
4 / أي وحده تتخلف عن الشروط خلال اسبوعين ع الاقل ! .. نعتذر منها : )
]
واخذت فيتامينات بعدها انفتحت شهييتي واللحين اسوي رجيم 
الوضع العادي
