منتديات شبكة الاقلاع ®



الانتقال الى الصفحة الرئيسية عضويات التميز (الفضية + الذهبية + التجارية) موقع ieqla3 متخصص بجميع منتجات شركة apple أنظمة وقوانين وتعليمات الموقع   وقف شبكة الإقلاع الخيري مركز رفع الصور والملفات تابعونا على موقع تويتر بوابة الانباء
اقلاع بلاك بيري البحث السريع برامج الإقلاع المجموعة البريدية جوال الإقلاع أنظمة وقوانين وتعليمات الموقع للإعلان في شبكة الإقلاع
العودة   منتديات شبكة الاقلاع ® > المنتديات الإجتماعية > منتدى فن الديكور والاثاث
التسجيل التقويم التأشير على جميع الاقسام بالمشاهدة


إغلاق الموضوع
 
أدوات الموضوع طريقة عرض الموضوع
قديم 10-04-2012, 08:26 PM   #1
إيزيس
عضو مهوب جديد
إيزيس فوق  هام السحبإيزيس فوق  هام السحبإيزيس فوق  هام السحبإيزيس فوق  هام السحبإيزيس فوق  هام السحبإيزيس فوق  هام السحبإيزيس فوق  هام السحبإيزيس فوق  هام السحبإيزيس فوق  هام السحبإيزيس فوق  هام السحبإيزيس فوق  هام السحب

موضوع مُميز | حمّووود .. حمّووود .. قوم اقعد من النوووم ..! // ~*[غرفة حمووودي]*~





طق طق طق ...

السلام عليكم ..

حيّا الله معشر الإقلاعيين والإقلاعيات عامةً ، والديكوريين والديكوريات خاصةً !

هذا أول موضوع لي بالإقلاع ، وهو عبارةً عن makeover لغرفة كنت أستخدمها كمكتب أحيانًا ،

وغرفة ملابس أحيانًا ، ومستودع أحيانًا ، يعني باختصار غرفة بدون هوية

المهم إني قررت أطلع ولدي من غرفتنا ، وأسوي له غرفة لحاله (عمره 3 سنوات) ، فبديت أخطط

وأفكر ، وش أسوي وكيف أسوي ....

أول شي سويته إني حددت ديزاين الغرفة وستايلها ، واخترت الشخصية اللي يحبها حمودي

واللي راح أعتمد عليها بالغرفة وهي شخصية (thomas) ، دخلت النت وبديت أفرفر المواقع الأمريكية

أدور أثاث غرف أطفال لهالشخصية ، اخترت أشياء بسيطة ، وطلبتها ، وكانت هذي اختياراتي من

موقع أمازون ..



عبارة عن : بوستر 6*10 قدم ، ستيكر للطول ، سجادة ، لحاف ، مفرش ، ودمية توماس ..

كلفتني كلها واصلة للرياض تقريبًا 1950 ريال ..

بعدها بدت المرحلة الثانية ، رحت لساكو واخترت لون البوية ، وسألت الفلبيني اللي هناك كم أحتاج

لغرفة مقاسها 4*5 ، وقال لازم أساس أبيض وتحتاجين سطلين ، وبعدين وجهين من اللون الأزرق وكل

وجه يحتاج سطلين ، يعني أربع سطول أزرق ، قلت توكلنا على الله وخلطهم لي ، وأخذت باقي أغراضي

اللي هي فرشة صغيرة وشطرطون ورقي و3 رولات وحامل للرول وعصا وصنفرة ..

وهذي كلها كلفتني 600 ريال ..

ورحت مباشرة لهوم سنتر واخترت غرفة النوم وقالوا لي يوصلونها بعد اسبوعين ، وكلفتني 2600

ريال ، وكانت هدية من أمي الله يطول بعمرها ويخليها ..

رجعت للبيت وبديت الشغل .. لزقت الأفياش وإطار الباب والشباك ، وكورنيش الجبس من فوق ، ولفيت

ع المكيف بلاستك ولزقته ، وغطيت الأثاث الموجود عشان أطلعه من الغرفة بعد ما أخلص ..










وبديت مرحلة الصبغ ، أول وجه كان الأساس الأبيض ، ياني تعبت بعده تعب ، كل عظامي تفككت

والغرفة أخذت مني تقريبًا 4 ساعات !!!

وقلت في نفسي : وشلون اللي بالإقلاع يصبغون بأنفسهم !! تووووبة ما تسوى التعب







المهم تركته يومين لين لانت عظيماتي ورجعت صبغت وجه أزرق ، الحمد لله بدون تعب هالمرة

وبأقل من ساعتين

وبعدها بيوم صبغت الوجه الثاني









طبعًا فيه ملحوظات أبي أقولها لكم عشان تستفيدون منها لأنها أخطاء طحت فيها ..

أنا صبغت الجدران الثلاث وجيه كلها بدون ما أغير الشطرطون اللي على الجبس ، وبعد الوجه الأخير

خليت الغرفة تنشف وما شلته ، فلما جيت أشيله انشالت معي البوية ، ورجعت ألزق من جديد وأصبغ

اللي خرب معي وأشيل اللزق قبل ينشف عشان ما ينقشع معي ..

عشان كذا انتبهوا وشيلوا اللزق أول ما تصبغون ..

والشي الثاني إني صبغت وجه أبيض واحد بسطل وثلاث ارباع تقريبًا ،

وصبغت وجهين أزرق بسطل ونص !!!

يعني بقى عندي سطلين ونص أزرق ما استخدمتهم

بعدها جاء وقت اختيار الأرضية وكنت محتارة أحط باركيه أو فينيل ، وبالنهاية اخترت فينيل لأنها غرفة

طفل وبيكون الوضع أحسن وآمن ، وبعدين ممكن تتغير لو انشقت أو خربت ..

وهنا جت الغلطة الثانية .. رحت لمحل السريع اللي بالعويس ، واخترت الفينيل وجوني مباشرة وركبوه ،

طبعًا التركيب أي كلام ، زي الموكيت ، حطوا غراء ع البلاط ومدوه ، لا سحبوا هواء ولا شي ، حتى

قصر عندي شوي من طول الغرفة ورحت جبت زيادة وركبته بنفسي لأنهم يقولون عشان نجي نركبه

لازم تدفعين حق التركيب مرة ثانية

المهم انتبهوا .. مو كل السريع السريع .. روحوا للمحلات الرئيسية أحسن لكم من نصب الموزعين

كلفني الفينيل 560 ريال ..



وجت العروووووسة الغرفة ..

وركبوها ..




وتلاحظون إني رافعة الأشياء عنه لأنه ما عنده صبر بيفرشها وينام ع السرير بدون مرتبة

واحتفل حمودي فيها وهي ما اكتملت خخخخخخخخ

وأبوه كان مسوي له مفاجأة وجايب له ستارة من سنتربوينت وخلاهم يركبونها مع الغرفة على طريقهم

تفاجأت يوم شفتها

بس هي مؤقتة عشان نرضي الأبو !!

طبعاً تحتها أنا مركبة ستارة بيضاء بلاك أوت ، وناوية أجيب ستارة سادة حمراء بدال هذي ..




بعدها رحنا اشترينا مرتبة ، ورتبنا السرير ، وأمسى علينا الليل ونام القمر







قمنا الصبح وبدينا نكمل الغرفة ، نلزق البوستر والستيكر ، ونرتب الملابس بالأدراج ، والألعاب

بأماكنها ..

وبالنهاية كانت هذي الغرفة بهالشكل ..



زوووم



والبوستر



وصورة من عند الباب









وهنا بالمكان الفاضي اللي فوق صندوق الألعاب راح أثبّت الساعة اللي تشوفونها ع التسريحة ..



مجموعة صور نهارية













وبكذا أكون خلصت موضوعي ..

والتكلفة الإجمالية التقريبية 5800 ريال ..

أتمنى يكون عجبكم التغيير .. وبانتظار آرائكم وملحوظاتكم ..

كونوا بخير إلى أن ألقاكم في تغيير آخر قريب بإذن الله







اخر تعديل كان بواسطة » Mr.whm في يوم » 10-04-2012 عند الساعة » 11:06 PM.
إيزيس غير متواجد حالياً التبليغ عن مشاركة سيئة  
Facebook Twitter

قديم 10-04-2012, 08:44 PM   #2
دانــDanatــات
عضو مهوب جديد
دانــDanatــات فوق  هام السحبدانــDanatــات فوق  هام السحبدانــDanatــات فوق  هام السحبدانــDanatــات فوق  هام السحبدانــDanatــات فوق  هام السحبدانــDanatــات فوق  هام السحبدانــDanatــات فوق  هام السحبدانــDanatــات فوق  هام السحبدانــDanatــات فوق  هام السحبدانــDanatــات فوق  هام السحبدانــDanatــات فوق  هام السحب

ماشاء الله تبارك الله

ابداااع بصراحه وشغلك بالبويه متقن وحلو

وعجبني البوستر صارت الغرفه فيها حياه

وحتى الستاره حلوه و الوانها راكبه

الله يخليه لكم يارب ويخليكم له

وننتظر ابداعاتك ياعسل



دانــDanatــات غير متواجد حالياً التبليغ عن مشاركة سيئة  
Facebook Twitter
قديم 10-04-2012, 08:46 PM   #3
بداية جنون
عضو مهوب جديد
 
الصورة الرمزية الخاصة بـ بداية جنون
بداية جنون فوق  هام السحببداية جنون فوق  هام السحببداية جنون فوق  هام السحببداية جنون فوق  هام السحببداية جنون فوق  هام السحببداية جنون فوق  هام السحببداية جنون فوق  هام السحببداية جنون فوق  هام السحببداية جنون فوق  هام السحببداية جنون فوق  هام السحببداية جنون فوق  هام السحب

ماشاء الله ممرا حلووه


بس اشوف يبي لها ترتيب من ناحية الاثاث ..

يعني التسريحه والدولاب مرره لاصقاات ..

بس ماشاء الله كلووو حلو يتهنى حموودي



بداية جنون غير متواجد حالياً التبليغ عن مشاركة سيئة  
Facebook Twitter
قديم 10-04-2012, 08:47 PM   #4
فواصل الشرق
عضو توه جديد
فواصل الشرق فوق  هام السحبفواصل الشرق فوق  هام السحبفواصل الشرق فوق  هام السحبفواصل الشرق فوق  هام السحبفواصل الشرق فوق  هام السحبفواصل الشرق فوق  هام السحبفواصل الشرق فوق  هام السحبفواصل الشرق فوق  هام السحبفواصل الشرق فوق  هام السحبفواصل الشرق فوق  هام السحبفواصل الشرق فوق  هام السحب

ماشاء الله تبارك الله
الغرفه ألوانها مريحه واثاثها ذوق تتهنو فيها يارب
والله يحفظه لكم .



فواصل الشرق غير متواجد حالياً التبليغ عن مشاركة سيئة  
Facebook Twitter
قديم 10-04-2012, 08:50 PM   #5
L I L A
من كبار مبدعين مراسيل
 
الصورة الرمزية الخاصة بـ L I L A
L I L A فوق  هام السحبL I L A فوق  هام السحبL I L A فوق  هام السحبL I L A فوق  هام السحبL I L A فوق  هام السحبL I L A فوق  هام السحبL I L A فوق  هام السحبL I L A فوق  هام السحبL I L A فوق  هام السحبL I L A فوق  هام السحبL I L A فوق  هام السحب

-





جمييلةةْ وو هآديه + مآ فييهآ تككلفْ زآييد عن حده وهذي الغرف الليْ تصصيير حق الأطفآلْ مع ذآلك حبييتهآ


رربيْ يخلييةةْ لككُم .. يعطيكْ العآفيه
وو موفقهٌ
لِ رووحككْ



L I L A غير متواجد حالياً التبليغ عن مشاركة سيئة  
Facebook Twitter
قديم 10-04-2012, 08:52 PM   #6
جولي1
عضو توه جديد
جولي1 فوق  هام السحبجولي1 فوق  هام السحبجولي1 فوق  هام السحبجولي1 فوق  هام السحبجولي1 فوق  هام السحبجولي1 فوق  هام السحبجولي1 فوق  هام السحبجولي1 فوق  هام السحبجولي1 فوق  هام السحبجولي1 فوق  هام السحبجولي1 فوق  هام السحب

يبارك لك ربي مرة اللون ذا عذاب يهبل والأبيض موضة السنة بس لو الستارة جبتيها رول كان طلعت احلا بس الغرفة كلها على بعضها مرتبة حمود معطي جو على السرير الله يبارك لكم



جولي1 غير متواجد حالياً التبليغ عن مشاركة سيئة  
Facebook Twitter
قديم 10-04-2012, 09:02 PM   #7
هليوبوليس
من كبار القراء
 
الصورة الرمزية الخاصة بـ هليوبوليس
هليوبوليس فوق  هام السحبهليوبوليس فوق  هام السحبهليوبوليس فوق  هام السحبهليوبوليس فوق  هام السحبهليوبوليس فوق  هام السحبهليوبوليس فوق  هام السحبهليوبوليس فوق  هام السحبهليوبوليس فوق  هام السحبهليوبوليس فوق  هام السحبهليوبوليس فوق  هام السحبهليوبوليس فوق  هام السحب

______
حلوه الغرفة ماشاءالله تبارك الله , وحلو انك اعتمدتي كل الالوان والترتيب ع حسب الشخصية اللي اخترتيها الله يهني ولدك ويحفظه يارب .
بالتوفيق



هليوبوليس غير متواجد حالياً التبليغ عن مشاركة سيئة  
Facebook Twitter
قديم 10-04-2012, 09:20 PM   #8
ييوري
مشرفة منتدى مطبخ الإقلاع
 
الصورة الرمزية الخاصة بـ ييوري
ييوري فوق  هام السحبييوري فوق  هام السحبييوري فوق  هام السحبييوري فوق  هام السحبييوري فوق  هام السحبييوري فوق  هام السحبييوري فوق  هام السحبييوري فوق  هام السحبييوري فوق  هام السحبييوري فوق  هام السحبييوري فوق  هام السحب

الله يخايه لك يارب وتذوقين نفعه

وه ياحلوه نوم العوافي

ماشاء الله ذووووق



ييوري غير متواجد حالياً التبليغ عن مشاركة سيئة  
Facebook Twitter
قديم 10-04-2012, 09:24 PM   #9
نوف خالد
مشرفة سوق الاقلاع الإلكتروني
 
الصورة الرمزية الخاصة بـ نوف خالد
نوف خالد فوق  هام السحبنوف خالد فوق  هام السحبنوف خالد فوق  هام السحبنوف خالد فوق  هام السحبنوف خالد فوق  هام السحبنوف خالد فوق  هام السحبنوف خالد فوق  هام السحبنوف خالد فوق  هام السحبنوف خالد فوق  هام السحبنوف خالد فوق  هام السحبنوف خالد فوق  هام السحب

ماشاء الله
تبارك الرحمن
ترتيبات حلوه وتغير احلى
يتهني فيها يااارب
ويخليه لك
يعطيك العافيه
ودي



نوف خالد غير متواجد حالياً التبليغ عن مشاركة سيئة  
Facebook Twitter
قديم 10-04-2012, 09:28 PM   #10
اضواء القمر 25
عضو رسمي
اضواء القمر 25 فوق  هام السحباضواء القمر 25 فوق  هام السحباضواء القمر 25 فوق  هام السحباضواء القمر 25 فوق  هام السحباضواء القمر 25 فوق  هام السحباضواء القمر 25 فوق  هام السحباضواء القمر 25 فوق  هام السحباضواء القمر 25 فوق  هام السحباضواء القمر 25 فوق  هام السحباضواء القمر 25 فوق  هام السحباضواء القمر 25 فوق  هام السحب

ماشاء الله تبارك الله

مره شغلك حلو ومرتب

يتهنى فيها ويخليه لكم ويخليكم له يارب



اضواء القمر 25 غير متواجد حالياً التبليغ عن مشاركة سيئة  
Facebook Twitter
إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 07:45 PM.

الأن حمل تطبيق منتديات الإقلاع

 

هام: لجميع مستخدمي ايميلات شركة مايكروسوفت (hotmail,msn,outlook......الخ)
 

في حال تاخر التفعيل او اي مشكلة طارئة او ما يخص العضوية الذهبية او التجارية من استفسارات يمكنك ابلاغي هنا وتسعدني متابعتك   

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.7
Copyright ©1999 - 2014, Jelsoft Enterprises Ltd.
جميع الحقوق محفوظة منتديات الاقلاع - شبكة الاقلاع