الانتقال الى الصفحة الرئيسية عضويات التميز (الفضية + الذهبية + التجارية) موقع ieqla3 متخصص بجميع منتجات شركة apple أنظمة وقوانين وتعليمات الموقع   وقف شبكة الإقلاع الخيري مركز رفع الصور والملفات تابعونا على موقع تويتر بوابة الانباء
واتس اب الاقلاع ارسل كلمة اشتراك البحث السريع برامج الإقلاع المجموعة البريدية جوال الإقلاع أنظمة وقوانين وتعليمات الموقع للإعلان في شبكة الإقلاع
منتديات شبكة الاقلاع ®

 

جليترز بوتيك نوفر لك كل ماتحتاجينه انتي وطفلك للعيد .. { لصقات كرست، زبده الشيا ، ميك احنا غير..تعاملنا غير..جودتنا غير..عيدكم علينا(مكياج_شنط_ساعات_كورسيه_احزمه والكثير) جيفنشي , اربن ديكاي , رالف لورين , تومي هيلفقر , ذا بالم و المزيد .. بأسعار مميزة ملابس مميزة \\\ لك ولطفلك \\\ بأسعار رائعه وتسليم فوري... لا تفوتيه فالكميه محدودة تميزي بأناقتك وهديتك بالعيد مع سوزان (عروض حصرية لعملاء البازار) ورود جوجيز ( ورود طبيعيه+هدايا من اختياركم+تشوكليت ..) في المنطقه الشرقيه عروض ومنتجات جديدة نوفر لكم جميع الاجهزه بأسعار مناسبه التوصيل مجاناً داخل الرياض وخارج الرياض 25 ريال للانيقات اكشخي للعيد افخم وارقى الشنط متوفر تسليم فوري خشمك عريض وتبين تنحفينه وخاطرك بغمازه وجه قمري ابيض ورموش وشعرطويل وتجارب بالالاف
العودة   منتديات شبكة الاقلاع ® > المنتديات الإجتماعية > مطبخ الإقلاع
التسجيل التقويم التأشير على جميع الاقسام بالمشاهدة


إغلاق الموضوع
 
أدوات الموضوع طريقة عرض الموضوع
قديم 18-01-2012, 12:36 AM   #1
غــــزل
خبير ديكور
 
الصورة الرمزية الخاصة بـ غــــزل
غــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحب

موضوع مميز || وِش أسوي دَام الحَكي فِي حَضرتك صَار سِكْر ❤ ؟ . . [ أطباق منوعة ]

السلام عليكم ورحمة الله . .

كيفكم جميعا ؟
يارب تكونون ومن تحبون بصحة وعافيه
ممم
انا من سنتين وانا ابي انزل موضوع في المطبخ
بس كل مارتبت مجموعه طبخات اوقف عند خطوة المقادير وكتابة الطريقه
لاني ببساطه . . احط واخلط من راسي وع النظر
وبعدها اكتشف مع مرور الوقت ان طبخاتي استهلكت ونزلوها كثير بعدي فـ أهون

كني طولت الهذره


عموما اتمنى موضوعي البسيط يفيدكم



المينيو : <- بعد ماحذفت منه واجد


- مصقعه بطريقة مختلفه
- صينية الرز بالجبن والخضار
- مكرونا بصوص البطاطس
- رز صيني
- مكرونا اسباقيتي حمراء
- اكواب الباشميل
- صينية موالح
- حلا صحون المعدن
- مكعبات النارجين
- كيكة اوريو




فضلاً . . لا أحد يرد



غــــزل غير متواجد حالياً  
Facebook Twitter

قديم 18-01-2012, 12:57 AM   #2
غــــزل
خبير ديكور
 
الصورة الرمزية الخاصة بـ غــــزل
غــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحب

بتلاحظون اغلب الطبخات فيها اجبان واشياء بيضاء
لاني من عشااااااااااق الحليب بمشتقاته كلها



* مصقعه بطريقة مختلفه
انا وأمي دايم طقاق عندها
هي تقول لاتسمينها مصقعه . . المصقعه الاصليه مافيها حواقك هذا
المشكله اني اذا سويتها اصير اكل منها بدون وعي
مررررررررره لذيييذه





المقادير
- لحم مفروم
- طماط مطحون (بذكر طريقته)
- سكر
- باذنجان وبطاطس مقطع شرايح
- بقدونس
- صنوبر (غير ضروري)
- فلفل بارد مقطع صغار (اختياري)
‫-‬ صنوبر محمص بزيت (اختياري) <- تحطه لاكانت مروقه

الخلطه البيضاء :
اخلطي
قشطة قيمر
‫+‬
جبن سايل اي نوع بس انا افضل بوك او المراعي



الطريقه :

- اقلي الباذجان والبطاطس وخليهم على جنب
- اطبخي اللحم المفروم بطريقتك
انا ما احط بصل لان تعقدت من ريحته فاستبدلته بالبصل المجفف وماشي وضعي
طريقتي :
اطبخ اللحم المفروم (ربع كيلوتقريبا) في نقطتين زيت وشوي ثوم لين تقرب مويته تنشف واضيف معاه تقريبا ملعقة سكركبيره (هنا السر) وبعدين احط الفلفل الاخصر البارد واقلبه شوي وبعدها احط معاه الطماط المطحون (بذكر طريقتي تحت ) واقفل عنه واحط البقدونس وهو بارد عشان مايذبل
‫- حطي شوي من الصوص الابيض و صفي حلقات البطاطاس اول وبعدها الباذنجان ورشه جبن بينهم وبعدين اللحم وشوووي صوص ابيض وكملي بطبقة باذنجان ‬
واخرها صبي كلللل الصوص ومعاه الصنوبر ورشة جبن موزاريلا وا نوع اجبان متوفر عندك
حطيها في الفرن على نار هاددديه نص ساعه تقريبا

وبالعافيه


بالنسبه للطماط
انا اسوي كمية كبيره وافرزنها . . وارتحت مرررره الحمدلله
اشوح بصلتين متوسطات مقطعات كبار في زيت لين يتغير لونهم شووووي بس
واقطع فوقهم طماط مالايقل عن ٦ طماطات
واحط معاهم ملح وررررشه فلفل اسود وشوي كمون
ما احط بهارات ثانيه او ثوم عشان احطها في الاكل وقت الطبخه فرررش
اذا الطماط مافيه مويه واجده ازيد شوووي مويه اقل من ربع فنجان
واتركها تتسبك على نار متوسطه مع التقليب لين تتسبك
واطحنها في الخلاط واحطها في علب او اكياس وافرزنها
ووقت الحاجه اطلعها على طول من الفريزر للقدر



* صينية الرز بالخلطه


طبق بسيييط وسهل وسريع








المقادير
- رز مغسول ومنقوع في مويه حاره
- اي نوع خضار متوفره عندك
انا احط (بازلاء و جزرمكعبات مسلوقين - فلفل اخضر اشوحه مع الدجاج + بطاطا مقطعه مكعبات ومقليه )
- صدور دجاج (تقدرين تستبدلينها بدجاجه كامله ) او ممكن استخدام الهوت دوق كتغير واسرع
‫-‬ صويا


الخلطه البيضاء
قشطه مخلوطه مع ملعقتين كبار جبن


الطريقه
‫-‬ سوي الرز عادي ( يسلق تمام في مويه وزيت وملح)
‫-‬ اسلقي الخضار اللي تنسلق وخليها
‫-‬ اطبخي صدور الدجاج (ممكن تتبلينها من الليل) مع الثوم البهارات ( فلفل اسود - ملح - اوريقانو - بصل مجفف - بهارات الليون المجفف - والاهم كركم عشان يطلع لونه اصفر كنوع من التغير ) وحطي الفلفل الاخضر اخر شي <- ما احبه يكون ذابل مره
بعد ماينشف الرز اخلط معاه الخضار بعد ما اصفيها والدجاج واحط معاهم صويا شوووي
وارصهم في صينيه واصب فوقهم الخلطه البيضاء واخليهم في الفرن نص ساعه تقريبا

ساعات اسويها بهوت دوق وكوسه او جزر مبشورين وبس تطلع حلوه بعد


وبالعافيه




* مكرونا اسباكيتي حمراء

انا مو صحبه اببببد مع صوص الطماط الاحمر :$
بس سويته لزوجي هالمره وطلع يمي







بكتب الطريقه على طول
- مكرونا اسباكيتي مسلوقه في مويه وملح وزيت وفصين ثوم
- لحم مفروم تحطين معاه البهارات (ملح - فلفل اسود - كمون - بابريكا - بصل مجفف - بهارات ايطاليه - بهارات الليمون المجفف ) وبقسماط عشان يمسك وتكورينه وتدخلينه الفريزر شوي
- حطي زيت في مقلاة وحطي الكور فيها على نار متوسطه تميل للهادئه وخليها بدون تحريك لين يستوي اللي تحت بعدين اقلبيها لين يستوي الي فوق بعدين اللي على جنب ووالخ
لاني اتذكر اول مره اسوي كرات لحم دقيت على امي مرتاعه اقول لها احترقت من برا وما استوى من جوا !! قالت قصري على النار <- تعرف نظرية بنتها نار عاليه = استواء اسرع ههههه
‫-‬ صفي المكرونا وحطي معاها رشة بهارات ايطاليه + فلفل اخضر مقطع مكعبات صغنووونه اذا تحبين + طماط مطحون ( المجمد .. نفس طريقتي في المصقعه ) وحطي الكرات فوقها وقدميها ..

وبسس




فضلاً . . لا أحد يرد




اخر تعديل كان بواسطة » غــــزل في يوم » 18-01-2012 عند الساعة » 12:59 AM.
غــــزل غير متواجد حالياً  
Facebook Twitter
قديم 18-01-2012, 01:13 AM   #3
غــــزل
خبير ديكور
 
الصورة الرمزية الخاصة بـ غــــزل
غــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحب

*مكرونا بصوص البطاطس

يمي يمي يمي يمي . . . والصوص فتاااك .. لذذذذيذ مره
ممكن تسونها بصدور دجاج او بالخضار وبس
لان الفتنه كلها في الصوص







المقادير
- مكرونا اي نوع بس انا افضل البيني عشان يدخل الصوص جوا
- بازلاء + جزر مكعبات مسلوقين
ـ زيتون اذا تحبونه
- جبن موزاريلا


مقادير الصوص
- بطاطس
- كريمة خفق
- جبن سايل


- اسلقي المكرونا والخضار في مويه وزيت وملح وفصين ثوم وصفيقهم وخليهم على جنب
- اسلقي البطاطس (حبه متوسطه مليانه خخ تكفي صينية وسط تميل للصغيره) وهي مقشره و مقطعه في مويه وملح وفص ثوم واهرسيها زييييين مع الثوم ..
- بعد ماتهرسينها حطيها ع نار متوسطه وفوقها كريمة الخفق وقلبي بخفاقة البيض ليييين تحسين ان البطاطس ذابت .. انا احب الصوص يكون كثثثثير يطلع اطعم و …. ادسم
- صبي الصوص فوق المكرونا والخضار والزيتون وقلبيه زين ممكن تكتفين بهالخطوه
بس انا احب احطه في صينيه وفوقه جبن موزاريلا واخليه في الفرن لين تذوب الجبنه وتقمر واقدمه


وبالعافيه



* الرز الصيني

هذا اذا سويته اسمي هذا اليوم
يوم البواقي !
اذا باقي في الثلاجه خضار مقطعه او عاديه او رز من امس
احب اسويها تطع يمي وما اضطر اكب الاكل او يخرب







المقادير
- رز من امس .. او عاي جديد تسوينه
- صدور دجاج ( مو ضروري )
- خضار مقطعه طوال .. ( جزر - فلقل اخضر بارد - كوسه - بازلاء )
- كاجو وصنوبر محموسات (مو ضروري)
- صويا


الطريقه
- اطبخ صدور الدجاج عادي مع البهارات و الثوم
- اشوح الخضار في الزيت لين تذبل واسلق البازلاء ..
- احط الرز البايتاو الجديد في قدر (البايت يتسخن قبل) واخلطه مع الخضار والدجاج واصب صويا بكمية معتدله حسب ذوق اللي بياكلون واخليه ع نار هاديه لين يتحمى زين وتختلط المقادير ببعض واقدمه نفس الصوره كتغير وعشان يفتح النفس ولا يبين انه رز امس


وبس




* اكواب المكرونا

هذي مره سويتها وخليتها ليومين :$
ولاتغير طعمها






الطريقه :
- مكرونا مسلوقه في مويه وملح وزيت وفص ثوم
- هوت دوق مقطع مشوح في الزيت مع فلفل اخضر صغار وبعد ما اطفي عليه اضيف زيتون سود
- الصوص ساعات اعمل صوص البطاطس وساعات اعمل باشميل جاهز وساعات اعمل البينك صوص (كريمة خفق + شوي صلصه + جبن كاسات )
- اوزعها في الاكواب (اكواب السوفليه الحجم الكبير) حجمها كبير يكفي شخص احط الصوص في كوبين ووفوقهم جبن موزاريلا اواخليه يقمر من فوق واقدمه
- احط المكرونا في كوبين زياده بدون الصوص والجبن واقصدرها واخليهم في الثلاجه لين بكرا او الليل ، اطلعهم واحط الصوص والجبن واخليه في الفرن على درجة حراره هااااديه وهو مغطى بقصدير عشان يحتر مضبوط من جوا وبعدين اشيل القصدير واخليه يقمر من فوق .. ماشاء الله مايفرق طعمه


وبس





فضلاً . . لا أحد يرد



غــــزل غير متواجد حالياً  
Facebook Twitter
قديم 18-01-2012, 01:28 AM   #4
غــــزل
خبير ديكور
 
الصورة الرمزية الخاصة بـ غــــزل
غــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحب

* صينيه موالح

هالصينيه سويتها ع السريع في احد الايام





(1)
الساندوتشات من باندور اصغر حجم
اللي فوقها مخلل وسماق عباره عن
ناقيت قليته مع بطاطس + خس + صوص راح اكتب طريقته تحت + جن شرايح وحشيتهم فيه (قصيت الساندوتش لاثنين يعني الغطاء مفصول عن القاعده وعود الاسنان هو اللي مسكهم ) وزينته بالمخلل والسماق


(2)
الساندوتشات الساده عباره عن
جبن حلوم مبشور + جبن كرافت تشيدر مبشور
وحشيتهم
لاني كنت مستعجله ما امداني احوس
انا بالعاده اسويها واحط معاها زيتون مفروم مع شوي زيت زيتون وجرجير
تطلع احلا والــذ


‫(3)‬
الرولات عباره عن :
- خبز توست باندور منزوع الاطراف ومفرود
- هوت دوق مشوي (اشخطيه بالسكين من النص عشان اذا انتفخ يكون مرتب )
وبعد ماتقفلين الشوايه او تشيلين الهوت دوق منها حطي فوق كل وحده نص شريحة جبن تشيدر عشان تذوب .. بعدها اقسمي الهوت دوق لاثنين . .
واحطي صوص شوي في التوست والهوت دوق وابرميها وثبتيها بالعود


الصوص اللي اسويه مره مره مره يمممي ويشبه للماك صوص
احطه في كل شي ودايم يسالوني عنه

جيبي صحن حطي فيه :
مايو اكثر شي + شوي من : خردل + طحينه + صوص رانش شوي + كاتشب + نتفة سومطره اذا تبينه حار + مخلل خيار مفروم او انا افضله مقطع صغار (وهذا سر الطعم ) واخلطيهم زييين ..


وبس






* حلا مكعبات النارجين


هذا حلا سهلللللل وبسيططط مره
وشكله جدا انييييق ..



المقادير :
- كيك امريكانا تشوكلت
- نارجين محموس (نارجين = جوز الهند )
- نستله
- هيرشي
- فراوله للزينه

- قطعي الكيك لثلاث اقسام متساويه
- صبي النستله في صحن و غمسي قطع الكيك فيه وبعدين قلبيها في النارجين وصفيها على شكل هرم
- صبي هيرشي بخطوط رفيعه .. اجمل
زينيها بالفراوله

طعمه مره مره لذييييذ وشكله فخم ويواجه
وياليت لو يكون الصحن بدون حواف .. بيطلع افخم
على اني ما احب النارجين .. بس هالحلا اكل منه باستمتاع
وبالعافيه










* حلا صحون المعدن <- امحق اسم







مره جيت الركن وسالت البنات عن طريقة حلا سهل ويجلس في الثلاجه وينفع لصحوني هذي



اخذتها من ايكيا ٤ او ٥ حبات ب ٩ ريال
وماقصروا عطوني افكار ومواضيع عاد جمعتهم ومن اللي في راسي سويت هالحلا البسييييط


المقادير
‫-‬ كيك اليمامه نوعين فراوله وتشوكلت
‫-‬ دريم ويب
‫-‬ كريمه كراميل الخضراء اللي تلمع
‫-‬ جيلاتين فراوله

الطريقه
‫-‬ قطعي الكيك وحطيه في القاع بس اضغطيه بقوووه
هو راح يمسك شوي لان فيه مربى ممكن تحطين قشطه شوي او كريمه بيتي كروكر
‫-‬ اخلطي الدريم ويب زي ماهو مكتوب ورا لين ينفش واقسمي الخليط اثنين
‫- واحد اضيفي معاه الجيلاتين وواحد الكريمه واخلطي ووزعيه ‬
‫-‬ لك حرية التزين .. انا حطيت عليهم فليك والتشوكلت حطيت الكندر تشوكو بونز قسمته نصين
اما الفراوله زينتها بفراوه مقطعه
ولفيتها بكلاد وحطيتها بالثلاجه ماتغير طعمها ابددد
وجلسوا اخواني ٣ ايام ياكلون منها ويقولون لذيذه !
لو اني رايقه وفاضيه كان سويت وقتها طبقه زياده عشان تكون ادسم

هذا الكيندر







* كيك بالاوريو

هالكيك مافيه شي جديد
بس فيه حركه بسيطه تغير الطعم




المقادير :
- كيك بيتي كروكر ابيض
- اوريو

- سوي الكيك بالطريقه اللي مكتوبه ورا
- حطي ثلاث ارباع الخليط في القالب
- فتتي الاوريو قطع كبيره شوي اذا تبينه حالي يقطع القلب فتتيه بالكريمه واذا لا شيلي الكريمه وفتتي البسكويت لحاله
قلبي البسكويت في شوي طحين وحطيه كله فوق القالب بعدين صبي الربع الباقي واخبزيه

قطعيه وقدميه
وممكن تنعمل في الكب كيك يطلع يمي بعد
الاوريو يعطيه طعم رايق وجديد

وبالعافيه




فضلاً . . لا أحد يرد




اخر تعديل كان بواسطة » غــــزل في يوم » 18-01-2012 عند الساعة » 01:33 AM.
غــــزل غير متواجد حالياً  
Facebook Twitter
قديم 18-01-2012, 01:31 AM   #5
غــــزل
خبير ديكور
 
الصورة الرمزية الخاصة بـ غــــزل
غــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحبغــــزل فوق  هام السحب


وخلصت الموضوع ولله الحمد ..
كنت احسب تعب مواضيع الطبخ في التصور !
طلع كل التعب في كتابة الطريقه

أتمنى من قلبي ان الموضوع يكون مفيد وفيه اشياء جديده
ولو ان البنات ماشاء الله طبخات الواحد يستحي ينزل طبخه عندهم

اذا استفدوا او استمتعوا بالموضوع
مابي غير دعوه صادقه من القلب لي ولمن احب


نلتقي في مواضيع قادمة باذن الله
لاتنسوني من صالح دعائكم ..




غــــزل غير متواجد حالياً  
Facebook Twitter
قديم 18-01-2012, 01:40 AM   #6
مي ..
عضو رسمي
مي .. فوق  هام السحبمي .. فوق  هام السحبمي .. فوق  هام السحبمي .. فوق  هام السحبمي .. فوق  هام السحبمي .. فوق  هام السحبمي .. فوق  هام السحبمي .. فوق  هام السحبمي .. فوق  هام السحبمي .. فوق  هام السحبمي .. فوق  هام السحب

ماشاءالله تبارك الله

المسقعه لحالها

الله يعطيك العافيه



مي .. غير متواجد حالياً  
Facebook Twitter
قديم 18-01-2012, 01:42 AM   #7
~يارب !!
عضو مهوب جديد
 
الصورة الرمزية الخاصة بـ ~يارب !!
~يارب !! فوق  هام السحب~يارب !! فوق  هام السحب~يارب !! فوق  هام السحب~يارب !! فوق  هام السحب~يارب !! فوق  هام السحب~يارب !! فوق  هام السحب~يارب !! فوق  هام السحب~يارب !! فوق  هام السحب~يارب !! فوق  هام السحب~يارب !! فوق  هام السحب~يارب !! فوق  هام السحب

موضوع جمييييل جداً ولذيييذ

حبيت الباستا بنوعينها والمسقعة << عشقي الصواني

ربي ينفع بك ويزيدك من فضله مبدعة جداً

اعذريني حبيبتي بسألك هون
إقتباس »
- اوزعها في الاكواب (اكواب السوفليه الحجم الكبير) حجمها كبير يكفي شخص احط الصوص في كوبين ووفوقهم جبن موزاريلا اواخليه يقمر من فوق واقدمه
- احط المكرونا في كوبين زياده بدون الصوص والجبن واقصدرها واخليهم في الثلاجه لين بكرا او الليل ، اطلعهم واحط الصوص والجبن واخليه في الفرن على درجة حراره هااااديه وهو مغطى بقصدير عشان يحتر مضبوط من جوا وبعدين اشيل القصدير واخليه يقمر من فوق .. ماشاء الله مايفرق طعمه
مافهمت قصدك بالضبط يعني تقسميه لمرتين اليوم الاول تحطي معه الصوص والجبن
واليوم الثاني تخليه مكرونا لوحدها ومن بكرا تحطي لها الصوص والجبن والا كيف؟؟




اخر تعديل كان بواسطة » ~يارب !! في يوم » 18-01-2012 عند الساعة » 01:48 AM.
~يارب !! غير متواجد حالياً  
Facebook Twitter
قديم 18-01-2012, 01:43 AM   #8
نهايتها مقابر
شيف إقلاعي نخبه
 
الصورة الرمزية الخاصة بـ نهايتها مقابر
نهايتها مقابر فوق  هام السحبنهايتها مقابر فوق  هام السحبنهايتها مقابر فوق  هام السحبنهايتها مقابر فوق  هام السحبنهايتها مقابر فوق  هام السحبنهايتها مقابر فوق  هام السحبنهايتها مقابر فوق  هام السحبنهايتها مقابر فوق  هام السحبنهايتها مقابر فوق  هام السحبنهايتها مقابر فوق  هام السحبنهايتها مقابر فوق  هام السحب

ماشاءالله

ابداااع..

منيو رهيب ومتعوب عليه..



نهايتها مقابر غير متواجد حالياً  
Facebook Twitter
قديم 18-01-2012, 01:43 AM   #9
mi$$ girl
خبير اقلاعي
 
الصورة الرمزية الخاصة بـ mi$$ girl
mi$$ girl فوق  هام السحبmi$$ girl فوق  هام السحبmi$$ girl فوق  هام السحبmi$$ girl فوق  هام السحبmi$$ girl فوق  هام السحبmi$$ girl فوق  هام السحبmi$$ girl فوق  هام السحبmi$$ girl فوق  هام السحبmi$$ girl فوق  هام السحبmi$$ girl فوق  هام السحبmi$$ girl فوق  هام السحب

ماشاء الله
نسلم دياتك
تم الحفظ في المفضله
وجااري التطبيق



mi$$ girl غير متواجد حالياً  
Facebook Twitter
قديم 18-01-2012, 01:44 AM   #10
نوف خالد
مشرفة سوق الاقلاع الإلكتروني
 
الصورة الرمزية الخاصة بـ نوف خالد
نوف خالد فوق  هام السحبنوف خالد فوق  هام السحبنوف خالد فوق  هام السحبنوف خالد فوق  هام السحبنوف خالد فوق  هام السحبنوف خالد فوق  هام السحبنوف خالد فوق  هام السحبنوف خالد فوق  هام السحبنوف خالد فوق  هام السحبنوف خالد فوق  هام السحبنوف خالد فوق  هام السحب

اطباااااااااااااااق تفتح النفسسسسس
تسلم يدينك على هالموضوع البطل
لاهنتي



نوف خالد غير متواجد حالياً  
Facebook Twitter
إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 01:59 AM.

الأن حمل تطبيق منتديات الإقلاع

 

هام: لجميع مستخدمي ايميلات شركة مايكروسوفت (hotmail,msn,outlook......الخ)
 

في حال تاخر التفعيل او اي مشكلة طارئة او ما يخص العضوية الذهبية او التجارية من استفسارات يمكنك ابلاغي هنا وتسعدني متابعتك   

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.7
Copyright ©1999 - 2014, Jelsoft Enterprises Ltd.
جميع الحقوق محفوظة منتديات الاقلاع - شبكة الاقلاع