منتديات شبكة الاقلاع ®



الانتقال الى الصفحة الرئيسية عضويات التميز (الفضية + الذهبية + التجارية) موقع ieqla3 متخصص بجميع منتجات شركة apple أنظمة وقوانين وتعليمات الموقع   وقف شبكة الإقلاع الخيري مركز رفع الصور والملفات تابعونا على موقع تويتر بوابة الانباء
اقلاع بلاك بيري البحث السريع برامج الإقلاع المجموعة البريدية جوال الإقلاع أنظمة وقوانين وتعليمات الموقع للإعلان في شبكة الإقلاع
العودة   منتديات شبكة الاقلاع ® > المنتديات الرياضية > منتدى الرياضة العالمية
التسجيل التقويم التأشير على جميع الاقسام بالمشاهدة


إضافة رد
 
أدوات الموضوع طريقة عرض الموضوع
قديم 10-12-2011, 11:55 PM   #1
طيب ؟
من كبار رياضيي المحلية
 
الصورة الرمزية الخاصة بـ طيب ؟
طيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحب

Where Amazing Happens - The Miami Heat are 2012 NBA Champions




بسم الله الرحمن الرحيم , اللهم صلّ وسلم على نبينا محمد ,,
اول شيء , استمتعوا بالفيديوهات هذي واللي ترجعكم شوي لأجواء الحماس والدنكات والفلة ,,
اجواء الفجر وآخر الليل <-- حسب التوقيت المحلي لمدينة الرياض ههههههههه
اجواء الـ 82 مباراة المملة , اجواء البلوك , اجواء الكتوووف ,,
اجواء اسسيستز ناش وروندو , اجواء القرف مع ارتيست ودنكن وطقتهم ,
اجواء هياط ليبرون , اجواء جمهور البليزرز , اجواء دنكات بليك ,,
اجواء آخر 3 دقايق من الربع الأخير ,
اجواء البلي اوفز اللي ماتجي الا بعد طلعة الروح هههههههه
اجواء الــ NBA بكل اختصار ,,

استمتعوا لين أكمل الموضوع ,


NBA Is Back Official Mixtape in HD )F**k The Lockout)


NBA IS BACK!



Derrick Rose 2011 Mix - It's MVP Time )HD)


NBA 2010-11 Season Mix - The NBA Is Back


الفيديوهات فيها موسيقى , لذلك جرى التنبيه ابراء للذمة ,,





اخر تعديل كان بواسطة » طيب ؟ في يوم » 11-12-2011 عند الساعة » 12:00 AM.
طيب ؟ غير متواجد حالياً  
Facebook Twitter اضافة رد مع اقتباس

قديم 11-12-2011, 12:50 AM   #2
طيب ؟
من كبار رياضيي المحلية
 
الصورة الرمزية الخاصة بـ طيب ؟
طيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحب




طبعا لعبة السلة مثل ماتعرفون قوانينها في الغالب واضحة ماراح نشرحها هنا ,
راح نتكلم في البداية عن طريقى دوري الــ NBA



طبعا مثل ماتعرفون الدوري توقف بسبب مشاكل بين ملاك الأندية ورابطة اللاعبين بسبب بعض النقاط اللي بنشرحها بعدين ,


بشرح الدوري العادي لأن دوري هالسنة استثنائي <-- طبعا الشرح من حبيب الألب زوربنا هههههههههه


الدوري يتكون من 3 مراحل رئيسية مثل الـ NFL

Pre-Season
Regular Season
Post Season - Playoffs


الـ Pre-Season هو طبعا مرحلة المباريات التجريبية قبل بداية الدوري ... هنا المباريات مجرد احماء او تدريب مكثف للفرق ... منها المدرب يحاول يطبق اكثر من تكتيك .. منها المدرب يحاول يوجد تجانس بين اللاعبين الجدد والقدماء في الفريق ... ومنها يجرب اكبر عدد ممكن من اللاعبين على ارض الملعب .... النتائج عموما في المباريات التجريبية مو مهمة ولا تعكس النتائج ابدا مستوى الفريق في الدوري



الـ Regular Season هو مرحلة الدوري وتبدا عادة في اكتوبر وتنتهي في ابريل .... يلعب فيها كل فريق 82 مباراة

يلعب مع كل فريق في مجموعته ( راح اتكلم عن المجموعات بعد اشوي ) مبارتين على ارضه ومبارتين على ارض المنافس ... في كل مجموعة خمس فرق ... المجموع 16 مباراة

يلعب مع فرق المؤتمر الي يلعب فيه سواء الشرقي او الغربي ثلاث مباريات او اربع ... المجموع 36 مباراة

يلعب مع فرق المؤتمر المنافس مباراة على ارضه ومباراة خارج ارضه ... المجموع 30 مباراة


الـ Post Season او الـ Playoffs تبدا في ابريل او مايو وتنتهي مع نهاية الفاينلز في يونيو على ما اظن .... طريقة البلاي اوفز نوعا ما ملخبطة وخاصة اللعب على الارض

مع نهاية السيزون ينظر لترتيب الفرق الـ 15 في كل من المؤتمر الشرقي والغربي ... يصنفون على حسب عدد مرات الفوز والخسارة من الاول الى الاخير ( الـ15) ... يتأهل الى التصفيات النهائية الفرق الثمانية الاولى .... يلعب الاول مع الثامن وتكون افضلية اللعب على الارض للاول .... يلعب الثاني مع السابع وتكون الافضلية للثاني ..... الثالث مع السادس ... الرابع مع الخامس ... والافضلية دايما للاعلى في الترتيب

كل فريقين يلعبون 7 مباريات ... الي يفوز في 4 يفوز بالتصفيات وينتقل للمرحلة الي بعدها ... المباريات تكون بطريقة 2-2-1-1-1 ... بمعنى ان اول مبارتين تكون على ارض الاعلى في التصنيف ... وبعدها المباراة الثالثة والرابعة على ارض الطرف الثاني .... المباراة الخامسة على ارض الطرف الاول ... السادسة على ارض الطرف الثانية ... والسابعة على ارض الطرف الاول

لو فاز فريق في اول 4 مباريات خلاص ما يلعبون البقية ويتاهل الفريق بشكل مباشر للتصفيات الي بعدها

بعد ما يلعبون 8 فرق مع بعض يتاهل 4 فرق لنصف النهائي ... ويلعبون بنفس الطريقة 7 مباريات وبعدها يتاهل فريقين لنهائي كل مؤتمر ويلعبون بنفس الطريقة ... في كل مباراة او تصفيات تكون افضلية الارض للفريق الاعلى في التصنيف في الدوري


الـ Finals ... هي لما يلعب بطل المؤتمر الشرقي مع بطل المؤتمر الغربي في نهائي دوري الرابطة .... يلعبون 7 مباريات مع بعض بس بترتيب يختلف ... راح يكون النمط 2-3-2 .. والافضلية للفريق الاكثر فوز بين الفريقين المتاهلين للنهائي ... المبارتين 1 و2 و6 و7 في ارض الاول في التصنيف او الافضل


طبعا ارجع وأكرر هالسنة الوضع غير والتواريخ ممكن تختلف وعدد المباريات أكيد بيختلف ,
بدال 82 صارت 66 <-- راح اشرحها بعد شوي









اخر تعديل كان بواسطة » طيب ؟ في يوم » 11-12-2011 عند الساعة » 01:01 AM.
طيب ؟ غير متواجد حالياً  
Facebook Twitter اضافة رد مع اقتباس
قديم 11-12-2011, 02:19 AM   #3
طيب ؟
من كبار رياضيي المحلية
 
الصورة الرمزية الخاصة بـ طيب ؟
طيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحب

















نتكلم عن الفرق ,



بسم الله الرحمن الرحيم
مع القسم الغربي Western Conference
يحتوي القسم الغربي على 15 فريق مقسمة على 3 مجموعات وكل مجموعة فيها 5 فرق
راح نتكلم عن كل مجموعة وفرقها وانجازاتها واهم اللاعبين في كل فريق
نبدى بـ مجموعة الشمال الغربي Northwest




1- أوكلاهوما سيتي ثاندر Oklahoma City Thundr


طبعاً كان قبل كذا مكانه في مدينة سياتل واسمه سياتل سوبر سونكس ومثل ماهو معروف بnba ان الفريق اذا تغيرت مدينته او اسمه ..تمشي معه انجازاته ..السونيكس حقق اللقب عام1979
وحقق بطولة القسم الغربي ووصل للفاينل 3 مرات 78 و 79 و 1996
عام 2008 انتقل السونيكس لمدينة اوكلاهوما وتم تغيير اسمه الى الاسم الحالي
مدرب الفريق سكوت بروس واهم لاعبينه KD كيفن دورانت الخبل ( من احسن مسجلي نقاط في NBA ) العام اذا ماكان هو الاول+راسيل وستبروك +الكنوغولي سيرج ايباكا
بإختصار هم الحصان الاسود في السنتين الاخيرة و مرشح قوي اكيد هالسنه




2-دنفير ناغيتسDenver Nuggets


تأسس عام 1976 وانضم للNBA عام 1983..من 2004 والفريق يداقش الكبار وتأهل كم مرة للبلاي اوفز بفضل النجم السابق كارميلو انتوني الى انتقل العام للنيكس
مدربه الشيبه جورج كارل واهم لعيبته كريس اندرسن و نيني و جي ار سميث




3-بورتلاند تريل بليزرزPortland Trail Blazers


تأسس عام 1970 وحقق البطولة مرة وحدة عام 1977
حقق لقب القسم الغربي مرتين ايام بيبن عام 1999 -2000 ووصل للفاينل
فريق محترم وجمهوره ولا اروع حماسي بشكل رهيب
مدربهم نات ماكميلان واهم لعيبته ماركوس الدرديج وجيرالد والاس وبراندون روي ابو الاصابات




4- يوتا جاز Utah Jazz


تأسس عام 1974 حقق لقب القسم الغربي مرتين عام1997 , 1998 ايام كارل مالون و ستاكتون بس كسر روسهم جوردن وبيبن مع البولز مره و تيم دانكن و روبنسون مع السبيرز مره
كان في اخر 3 مواسم مستواهم ممتاز يوم كان معهم ويليامز لكن انتقل من هنا ودحدر الفريق من هنا
مدربهم :اقالوا العام جيري سلون وحطوا كمخه تايرون كوربن مكانه
ابرز لعيبتهم : باول ميلساب وكورلينكو و سي جي مايلز



5-مينيسوتا تمبر وولفز Minnesota Timberwolves


فريق زلابة الى ابعد الحدود واحسن مافيه انه كيفن قارنت وكيفن لوف لعبوا لهم بس شكلهم هالسنه احسن بعد ماجابو الورور الاسباني ريكي روبيو ومدربهم البطل ايدلمان حق الروكتس
يدربهم : ريك ايدلمان وابرز لعيبتهم : كيفن لوف و روبيو و بيزلي


---------------------------------------

مجموعة الباسيفيك او المحيط الهادي Pacific


تضم المجموعة خمس فرق راح نتكلم عنها فريق فريق





- لوس انجلوس ليكرز Los Angeles lakers
ملك الغرب بلامنازع
بحيرات لوس انجلوس..كذا كان اسم الفريق يوم كان في مدينة مينيابلوس المشهوره بالبحيرات وخذا الاسم منها بعدين انتقل للوس انجلوس
تأسس الفريق عام1946 وحقق البطولة 14 مرة ويجي في المرتبة الثانية بعد بوسطن سيلتكس في تحقيق الالقاب على مستوى الNBA
لعب له نجوم واساطير كبار وتقريباً من وجهة نظري ما حبب العالم في كرة السلة الا هم و السيلتكس متعة+ بطولات
من النجوم اللي سبق وان لعبوا لليكرز ..كريم عبدالجبار وماجيك جونسون ومدربهم الاسطوري بات رايلي و ضيفوا عليهم كوبي وشاك و غيرهم كثير
ابرز نجومهم حالياً : كوبي ..وقاسول.. وباينوم ..و اودوم.. ويمقن هاورد ويمقن لأ
مدربهم بعد ماتركهم الاسطوره فيل جاكسون :مايك براون




2- فينيكس صنزPhoenix Suns
اييييييه حسبي عليك يا ناش <-- زوربا قلبه يطربق الحين خخخخخخخخخخخخخخ


فريق تأسس في الرياض لا لا في مدينة فينيكس ( وش جو اللي يبتعثون هناك ..ماصدقت تفتك من غبار الرياض تروح لHaboob) فينيكس ..بالعربي كأنكم في السعودية غبار وحر وقرف وحرارة طاقة 45 ..تأسس عام1976 وتصدر الغرب مرتين ووصل للنهائي مرتين وخسرهم قدام السيلتكس و البولز
لعب لهم الطرمبه ومحلل espn مدري Nba مدري فوكس تشالرز باركلي وكان مصيبة يوم هو لاعب وخذا ال mpv عام 92-93
وناشتي خذاها مرتين معهم 2004-2005 و 2005-2006
ابرز لعيبتهم حالياً : ستيف ناش و كارتر الخبل ابو الدنكات وفراي
ومدربهم : الفين جنتري
ان شاء الله مع الانتقالات يضبط وضعهم والا ينتقل ابو ناش لفريق وياخذ خاتم معه في اخر مشواره





3-قولدن ستيت واريورزGolden State Warriors


تأسس عام 1946 وتنقل من فيلادلفيا الى سان فرانسيسكو و استقروا في سان فرانسيسكو وخذوا اسم قولدن ستيت نسبة الى ولاية كاليفورنيا ( الولاية الذهبية)
خذوا البطولة مرتين يوم كانو في فيلادلفيا ومرة في سان فرانسيسكو
اهم لاعبينهم :ستيفن كري..المجنون مونتا اليس..
مدربهم: مارك جاكسون




4- لوس انجلوس كليبرزLos Angeles Clippers


تأسس عام 1970 كانو في مدينة بافلو وبعدين انتقلوا الى سان دييغو وعام 1984 انتقلو الى لوس انجلوس
ما فاز لا مرة لا ببطولة القسم الغربي ولا بالبطولة اكيد ..فريق زلابة اخر لكن في اخر سنتين بعد ماجاهم قريفن ولقطوا ايرك جوردن ..بدى لهم صيت وصار الكل يحسب له حساب ..كم انتقال كذا ويبدى ينافس مضبوط
ابرز لعيبتهم : بلايك قريفن ( اقوى شي في الدنكات ويطمر فوق السيارات ) وايرك جوردن ومو وليامز حق الكافز السابق
مدربهم :فيني ديل نيقرو




5- ساكرامنتو كنغزSacramento Kings


فريق تأسس عام1947 ..تاريخياً مثير وحظه سيء تصدر البطولة في مجموعة كذا مرة في الغرب ويخسر النهائي الغربي وبعدين قسموا المجموعات مره ثانية وتصدر الشرق وخسر النهائي الشرقي
فاز مره بالنهائي الغربي على الليكرز ولعب الفاينل وفاز على نيويورك نيكس عام1950 1951
يمر بأسوأ حالاته حاليا من ناحية الملعب ويمكن ينتقلون الى مدينة ثانية لكن نقول ان شاء الله يشدون حيلهم عشان تزيد المنافسه
ابرز لعيبتهم : تايريك ايفانز و ودي ماركوس
مدربهم :باول وستيفل


--------------------------------


نجي للمجموعة الاخيرة في الغرب وهي
الجنوب الغربي southwest
مثل المجموعتين اللي قبل خمس فرق في هذي المجموعة





1-سان انتونيو سبيرز San Antonio Spurs


تأسس الفريق عام 1976 أحظظ فريق في تاريخ الNba معدل الهزايم مرتفع والعكس ..وتلقح معاه ويتأهل للبلاي اوفز 3 مرات يعني مرة من المرات انهزم في 51 مباراة ولا فاز الا في 31 وتأهل ..طبعاً من رداة فرق الغرب وقتها ..تأهل للبلاي اوفز 27 من 31مرة مشاركة وتأهل للفاينل 4 مرات وفي كل مرة يوصل للفاينل يفوز
فازوا لعيبته بmpv خمس مرات 3 لروبنسون ( اعتزل) و2 لدانكن
طبعاً يدربهم الشيبه البطل جريج بوبوفيتش
وابرز لاعبينهم حالياً تيم دانكن( محد يدانيه ابو اكواع) وجينوبلي وباركر






2- دالاس مافريكس Dallas mavericks <-- البطل


بطل اخر نسخة ,تأسس عام 1980 ..اخيراً انصفه التاريخ وخذوا حقهم وفازوا ببطولة ...
تصدر القسم 3 مرات ووصل للنهائي مرتين ..وقابل فيهم ميامي هيت مرة انهزموا ب2006 وخذوا بثارهم 2011
ابرز لعيبتهم ..ديريك نوفيتزكي ..وكيد ..وتيري..وباتلر
مدربهم :ريك كارلسل






3-ممفيس قريزليزMemohis Grizzlies


تأسس عام 1995 وكان في فانكوفر بكندا وانتقل 2001 الى ممفيس

فريق طلع العام من تحت الارض ..تأهل للبلاي اوفز ولا احد طق له خبر وفازوا على متصدر البطولة وقتها السبيرز ويقابلون بعدها الثاندرز ويالله فازوا عليهم
تركيبة محترمة ومدرب عرف لهم صح
ابرز لعيبته : كونولي وقاسول وقاي وراندولف
مدربهم : ليونيل ميسي..لا لا ليونيل هولنس




4-نيو اورليانز هورنتس New orleans Hornets


فريق في الشرق وحاطينه بالغرب كيف مدري
تأسس عام 1987 تأهل للبلاي اوفز 10 مرات ولا مرة وصل لنهائي لا شرق ولا غرب بحكم انه تحذف بين القسمين واكيد ما فاز بولا بطولة
ابرز لعيبتهم : كريس بول واريزا
مدربهم :موني ويليامز





5-هيوستن روكيتسHouston Rockets


تأسس عام1967 وكان مقره في سان دييغو بعدين انتقلو لهيوستن
فازوا بالبطولة مرتين 94 و 95 ايام حكيم اولايوان( او عليوان) مرة قدام النيكس ومرة مع اورلاندو
كان يدربهم ايدلمان ..بس مقرودين سحب عليهم وشكلهم بيجيبون العيد هالسنه ..
ابرز لعيبتهم: سكولا و دراقيتش ( خليفة ناش)
مدربهم:كيفن ماك هيل


كذا خلصنا من الغرب , بنطير شرق الحين









طيب ؟ غير متواجد حالياً  
Facebook Twitter اضافة رد مع اقتباس
قديم 11-12-2011, 03:00 AM   #4
طيب ؟
من كبار رياضيي المحلية
 
الصورة الرمزية الخاصة بـ طيب ؟
طيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحب












نجي الحين نتكلم عن الشرق





Boston Celtics



اتعب وانا اقوول فرييق جباار صراحه من افضل الفرق الي في الــ NBA فريق سريع يلعب كل انواع السله ,, ثري بوينتس تحت السله فريق ممتع ,, خلونا نتكلم عنه شوي



Doc Rivers

كوتش دكي يستفيد من جميع الاعبين الي عنده ومستغل ألين افضل استغلال حماسي في المبارايات وتلقاه يزبد ويتهاوش وعلاقته مع الاعبين ولا احلى



rondo

البوينت قارد ( المتعه ) خخخ صغير بالسن بس يارباااه كل الي حوله شياب واستفاد منهم بالخبره , مدلع الي حوله اشي دنك واشي يدخل هو ,, شي فخم هالخال


آلن - قارنت - بيرس

الثلاثي الخطير هو الي موقف عليهم الفريق ,, العامود الفقري للفريق ,, جارنيت يتميز انه هو صمام الامان لهم هو الي يشتغل بالفيزيكل ,, بيريس الخال النفسيه مشكلته مزاجيته بس يفرق لو يروق الثري بوينتس عنده ماحتاج نتكلم
الحين يجي حبيبي وافضل لاعب ثري بونتس ,, ألين الموسم الي راح كسر رقم الي قبله وتعدااه قدامه واحد وتوه مستلم الكوره ووراه واحد يجيبها لو الكوره طلعت من يده ,, لاعب مبدددددع بعد قلبي البني يفرق للقريق اخر الدقايق عطه الكوره وانسى الموضوع







New York knicks

mike D'antoni <-- الكوتش

الفريق تطور معه في 2009-10 الفريق جاب المركز الثاني قي الثري بونتس مدرب على البنش مايجلس تحس ان عده بواسير واكثر مدرب يسوي دراما في البنس ومصارخ وقلق ومطامر داعم نفسي أولي للاعبين يقول انتوني الموسم الثالث له نبي نلعب مافريق واحد ونفوز من خلال لاعبينا الي جبناهم



stoudemire

اليهودي الكبيير خخخخخ ابو اربع عيون خخ اكرهه بشكل موب طبيعي من طلعته من السُنس الى مشاكله وهياطه بس العب دفاعي وهجومي يعطييك عليه بلوك موب طبيعي الموسم الي راح كان في الدفاع شي عظيم جاب 4‪.‬1 في الافرج رقم حلو الموسم الماضي



caramelo anthony

سريع ممتع اكثر شب اقدر اكتبه عنده يده مرنه ولايضيع عنده ريكورد جاب 33 بوينتس في كوارتر واحد بس ,, ثيرد بيك وراح لدنفر وبعدها فاز بالــ MVP بالجامعات



باقي في هالمجموعة 3 فرق



فريق كندي زلابة مدري وش جايبه مع الامريكان
حقق الموسم الماضي المركز الثالث من تحت ,,
اصلا خسارة اني تكلمت عنهم ههههههههههههههههه




اطلق لاعب ايقادالا <-- خسارة الوقت اللي تسولف فيه عن هالزلايب ههههههههههه




مدرب النتس
avery joh

من 2010 وهو المدرب بدا يفهم للفريق اكثر ويتعلم اكثر قبل مايجي كان مدرب لدالاس وجاب اعلى فوز في تاريخ ان بي اي بـ 150 فوز
As a coach, he holds the highest winning percentage in NBA history and set the record for reaching the 150 win plateau the fastest
شي عظيم الي سواه صراحه

Deron Williams

‎البوينت قارد لاعب يوها ولاعب بشتكاش السابق ومرتين في الاا ستار قدم موسم حلو الموسم الي راح ‫,,‬ من افضل البوينت قارد في ال ان بي اي ‫,‬ الثري بوينتس عنده جداًً كويسه وافضل لاعب يسوي كروس اوفر خخخ







كليفلاند كافاليرز
تأسس الفريق عام 1970
فريق شرقي زلابة ..تأهل للبلاي اوفز 3 او 4 مرات قبل لايجي ليبرون ..ومن بعدها شافو الخير معه من 2005 الى 2009 وهو ما يفارق البلاي اوفز والسبب الكنق ..وصل للفاينل وبطولة الشرق مره وحده وانرك من السبيرز 4-0 عام 2006-2007
مدربهم:براين سكوت
ابرز لعيبتهم بارون ديفيز والروكي الجديد حق درافت هالسنة لقطوه ( نسيت اسمه صراحه)






ديترويت بيستونز ( مدينة ايمينم)
فريق تاريخي بطل
تأسس الفريق عام 1948 وصل للنهائي 7 مرات - مفاجأة العالم عام 2004 بعد ما رنَوا ام اللي جابت الليكرز بنجومهم شاكيل و براينت و مالون وتأهل للسنة اللي بعدها 2005 وخسروا قدام السبيرز 4-3
فازوا باللقب 3 مرات 89-90-2004
مدربهم : لورنس فرانك
ابرز لعيبتهم :بن والاس وبن جوردن و فيلانوفا




تشارلوت بوب كاتس
فريق جديد على ساحة الnba تأسس 2004 و طبعاً 7 سنوات ماتقدر تحكم على الفريق بشكل عام
تأهل للبلاي اوفز مرة وحده عام 2009-2010
مدربهم :بول سيلاس
ابرز لعيبتهم :دي جي اوغستين





اتلانتا هوكس
تأسس الفريق عام 1949 وتنقل لكذا مدينة ميلواكي وسانت لويس لين استقر بأتلانتا
فاز باللقب عام مرو وحده عام 1957-1958
مدربهم : لاري درو
ابرز لاعيبهم : جمال كروفورد..وجوش سميث و باتوتشوليا





اورلاندو ماجيك ..
تأسس عام 1989..ابتدى تاريخه يوم لقط شاكيل اونيل عام 93 ومن يومها الفريق ما شاف الا النور ..وبعد ماطلع الشاك من اورلاندو وراح لليكرز تدهور الفريق وصار استراحة للفرق الثانية
بعض من هيبتهم رجعت يوم لقطوا ذو الاكتاف هاورد
وصل الفريق للنهائي مره وحده وللأسف ما فازو
مدربهم : فان قاندي التبن
اطلق لعيبتهم : هاورد ( شكله بيروح للنيتس) و جي جي ريديك ونيلسون الرخمه وتورك اوغلو الفاغر




فريق الــ show والمعتة ,
فريق البيق ثري , ليبرون + ويد + بوش ,
فريق يقع في فلوريدا تاسس عام 1988 وفاز بلقب الـ nba مره وحدة عام 2006 على المافز وخسر نهائي السنة الماضية قدام المافز ,
فريق متوقعين منه شغل كبير هالموسم ,
بس مدربهم الزلابة نظامه , موافقين شباب ؟ هههههههههههه
لكن فريق معه ليبرون وش تتوقعون منه ؟
اذا الكافز الزلايب كل سنة في البلي اوفز ويوم طلع تردوا ,
ميامي من أول سنة الفاينل , السنة هذي اتوقع اللقب لهم ,








والويزاردز فريق ماك قي ,
كملوا فرق الشرق واللي للأسف مافيه شيء كثير نقوله عنهم ,







طيب ؟ غير متواجد حالياً  
Facebook Twitter اضافة رد مع اقتباس
قديم 11-12-2011, 03:11 AM   #5
طيب ؟
من كبار رياضيي المحلية
 
الصورة الرمزية الخاصة بـ طيب ؟
طيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحب





اما الان , نترككم مع الفقرة القانونية برعاية الذيب العاوي هههههههههههههه



السالري كاب (حد الرواتب)

في فرق كبير بين الانتقالات في كرة القدم و بين الانتقالات في كرة السله

اهمها ان الانتقال بين الفرق و الاعب باقي له سنين في عقده يتم عن طريق التبادل و لما ينتهي عقده يكون فري ايجنت
يعني يقدر يوقع عقد مع اي فريق

و لكن فيه حد لرواتب لاي فريق ما يقدر يتعادها الا باستثنائات و منها ( الميد ليفل اكسيبشن - الابي انيول اكسيبشن - البيرد رايت)

مارح ادخل في تفاصيلها و لكن الNBA الحد الرواتب فيه هذي السنه بيكون تقريبا 57 مليون او 58 مليون

و فيه حد لتاكس كاب و هو تقريبا 70 مليون و الفرق اللي توصله تحصل لها مشاكل

المهم المشاكل اللي في صيف هذا كله عشان هذي السالفه

بعد شد و جذب اخيرا رجع لنا الNBA اللي حقيقه وصلت لمرحلة فقدان الامل بعودته

هذا الجزء بيتكلم عن التغيرات الجديده في نظام المالي في الnba اللي حدث اللوك اوت من اجلها

اولا لازم نعرف وش معنى CBA = Collective Bargaining Agreement

هو اتفاق بين ملاك ال30 نادي مع منظمة الاعبين و يعني في الامور الماليه من رواتب + انتقالات + توزيع الفوائد + درافت + حد الرواتب (السالري كاب)

المهم آخر اتفاق بين الطرفين كان عام 2005 و انتهى هذي السنه و حصلت المشاكل في صيف و اخذت حدود ال150 يوم عشان تنحل

الانتقالات تبدا يوم 9 ديسمبر و الدوري يوم 25 ديسمبر

المهم نرجع لموضوعنا المهم و هو الاتفاق على الCBA الجديد في 2011

هنا بنسوي مقارنه بينه و بين اتفاق 2005 مع شرح مبسط للامور

اول شي قبل ما ندخل في العميق اكثر لازم نشرح مصطلحات مهمه

سوفت كاب هو نوع نظام حد الرواتب المطبق بـ NBA ويختلف عن نوع النظام هارد كاب اللي كان يطالب فيه الملاك في بداية المفاوضات وهو مطبق بـ NHL و NFL

السالري كاب و هو حد الرواتب اللي مايقدر الفريق يتعداه في نظام هارد كاب ...
اما في نظام سوفت كاب يقدر يتعداه لكن يفقد حرية التعاقد مع لاعب حر (فري ايجنت) الا في حدود استثناءات معينة مثل
استثناء الرواتب المتوسطة (MLE) والاستثناء السنوي (annual E) واستثناء الرواتب المحدودة

بعدها يجيك الليكرزي تاكس كاب و هنا تصير فيه مشاكل نتكلم عنها ضمن الموضوع

كان يبغون الملاك هارد كاب اي حد رواتب مستحيل تتعداه و لكن ما حصل و لكن في قادم السنين السالري كاب بيكون شكله الخارجي سوفت و لكن داخليا هارد كاب ههههههه << فلسفه

مدة اتفاق الCBA

2011= 10 سنوات و يقدر اي طرف اما الملاك او منظمة الاعبين يفسخه في 2017

2005= كان 7 سنوات مع قدرة الفسخ في 2011 وهذا اللي حصل من الملاك

تقسيم المدخولات الBRI
<< اللي جلسو طول الصيف يتهاوشون عليها

2011 = %51.2 لهذي السنه و كل موسم يكون بين ال49% - 51% و يعتمد هذا على المدخولات نفسها

2005 = 57% للاعبين

وش فائدة الBRI اللي صجونا فيه:منها يتحدد السالري كاب في كل سنة اي حد الرواتب ... يعني في السنين القادمه السالري كاب ممكن ينزل و بقوه ممكن يوصل لحد ال50 مليون فقط اذا استمرت نفس الارباح
(لأن اللاعبين قبلوا يخفضون من 57% الى 51%) ...
اما اذا تأثرت الارباح بعد سنتين بسبب توقف الدوري واللوك آوت ممكن ينزل اكثر !!!

Amnesty provision
اعفاء الاعبين

بالنسبة لاعفاء اللاعبين فكل فريق له اعفاء واحد بس

2005 يستخدمه بأول سنة في الاتفاق ويبقى بالسالاري

2011 يقدر الفريق يستخدمه بأول سنة او يوفره لثاني او لثالث سنة من الاتفاق وينمسح من السالاري

بالعربي كل فريق ماله الا مره وحده يسوي اعفاء لكن اما هذي السنه او اللي بعدها او اللي بعدها عادي

بس مره وحده تستخدمه

فيه نقطه لازم اوضحها هنا الاعب اللي يتم تشويته الآن في فكره انه يسوون نظام مزايده عليه و لما يقدم له فريقين نفس المبلغ

يروح للفريق الاسؤ سجل في الموسم اللي قبله

مثل ماقلنا الاعفاء على العقود القديمة

**** فيه تسريح بطريقة ثانية واكيد راح تستخدم على العقود الجديدة وهي
تقسيم الراتب بسنوات زيادة
(زي التقسيط )

2005 = اذا سرحت لاعب فالفريق مضطر يدفع راتبه او يشري راتبه منه ويستمر راتبه يحسب بالسالاري كاب

2011 = اذا سرحت لاعب فالفريق مضطر يدفع راتبه او يشري راتبه منه ولكن يقدر ينقص منه بالسالاري كاب حسب قاعدة تقسيم المرتب بمضاعفة المدة وبزيادة سنة

مثلا اذا بقى على عقد اللاعب سنة وراتبه 12 مليون والفريق حب يسرحه ويستفيد من المساحة اللي ياخذها 12 مليون ...
يسرح اللاعب ويقسم 12 مليون على ضعف المدة المتبقية في عقده + سنة ...
يعني بدل مايحسب على الفريق 12 مليون في سنة يحسب عليه 4 مليون في ثلاث سنوات وبكذا يطلع للفريق 8 مليون يستفيد منها بدل ماينتظر الى نهاية عقد اللاعب

منيموم رواتب الفرق (الحد الادنى للفرق بالرواتب)

2011 = 85% من السالري كاب لاول سنتين و بعدها 90%

2005 = 75% من السالري كاب

الليكزري تاكس وهو سقف الضرائب

= الفرق اللي تتعدى ال70 مليون تدفعه << طبعا مثل السالري كاب قيمته تعتمد على الBRI و السالري كاب

يعني لما يكون السالري كاب 57 مليون التاكس كاب + 25% = 70 مليون

تقريبا يزيد على السالري كاب 25%

2005 = بعد ما تتعداه تدفع للNBA عن كل دولار تتعداه دولار

2011 = اول سنتين مثل القديم بعدها !!

كل ما تتعدى 5 مليون فوق التاكس تدفع زياده و تتزايد هذي كل 5 مليون يعني مثلا 75 مليون تدفع 1.5 لكل دولار
80 تدفع 1.75 و 85 تدفع 2.50 و هكذا

($1.50, $1.75, $2.50, $3.25, etc.) << هذي هي الزيادات

و الفرق اللي تدفع تاكس 4 مواسم من 5 متتاليه تدبل عليها ($2.50, $2.75, $3.50, $4.25, etc.)

توزيع التاكس

2005 = يوزع للفرق اللي ما تدفع تاكس 1/30 و الفلوس اللي فرق في التاكس تاخذها الNBA و تضمها للمداخيل

2011 = فقط 50% من التاكس يروح للفرق اللي ما تدفع تاكس

العقوبات للفرق اللي تدفع تاكس

2005 = ما فيه اي عقوبات

2011= عندها MLE اقل من اول << بتكلم عنه بعدين + ما تقدر تستخدم الباي انيول اكسيبشن + بعد سنتين مالفرق اللي متعدي التاكس كاب ب4 مليون ما تقدر تسوي ساين اند ترايد

كولافينغ اوفر
وهو ثاني عقد يوقعه اللاعب في مسيرته بالـNBA (العقد الاول هو عقد اللاعب الروكي) وميزته ان الفريق الاصلي للاعب عنده فرصة يعادل العقد اللي يوقعه اللاعب مع فريق ثاني

2005= لك اسبوع عشان تعادل العرض

2011 = لك 3 ايام فقط حتى تعادل العرض

الماكس في سالري

2005 = 25% خبرة اقل من ست سنوات -30% خبرة من 7 الى 9 سنوات - 35% خبرة اكثر من عشر سنوات
2011 = نفس الماكس والخبرات لكن فيه معايير يقدر اللاعب يتجاوز فيها سنين الخبرة من 25% الى 30%


MLE = استثناء الرواتب المتوسطة

2005 = حدود ال6 مليون

2011 = 5 مليون للفرق اللي تحت التاكس كاب و 3 مليون فوقه

التوقيع مع لاعب سرح بعد ما قمت بنقله

يعني عندك الاعب X تروح و تنقل الاعب X لان عقده منتهي لفريق آخر و تاخذ لاعب منهم يجي الفريق الثاني يسرح الاعب X

انت الفريق القديم دايما يجرى ورا الاعب X

في
2005 = تقدر تتعاقد مع الاعب X بعد 30 يوم

2011 = ما تقدر توقع معاه الا بعد سنه

العقود الجديدة (الماكس والسنوات)

2005 = اذا اللاعب امضى 3 سنوات مع فريقه يقدر يجدد والعلاوة السنوية توصل الى 10.5% ولمدة ماتتجاوز 6 سنوات (ساين اند تريد محسوب مع هالفئة).
اذا اللاعب وقع عقد جديد مع فريق ثاني او ما امضى 3 سنوات مع فريقه فالعلاوة ماتتجاوز 8% ولمدة ماتتجاوز خمس سنوات.

2011 = اذا اللاعب امضى 3 سنوات مع فريقه يقدر يجدد والعلاوة السنوية توصل الى 7.5% ولمدة ماتتجاوز5 سنوات.
اذا اللاعب وقع عقد جديد مع فريق ثاني او ما امضى 3 سنوات مع فريقه فالعلاوة ماتتجاوز 4.5% (ساين اند تريد محسوب مع هالفئة).

قوانين التريد او المبادلة

2005 = الفريق اللي يتجاوز السالاري كاب مايقدر يستقبل مرتبات اكثر من 125% من المرتبات اللي يصدرها (يعني يصدر لاعبين ب10 مليون فالحد له يستقبل لاعبين بـ12.5 مليون)... 3 مليون هو الحد الاعلى نقديا او كاش مع كل تريد

2011 = نفس السابق للي يدفع الضرايب ... لكن فيه ميزة للفرق اللي ماتدفع ضرايب وهي تقدر توصل الى 150% من المرتبات اللي تصدرها او 100% زايد 5 مليون (مثلا يصدرون مرتبات بعشرة مليون يقدرون يستقبلون بـ15 مليون) ...
كل فريق مايقدر يكسب كاش اكثر من 3 مليون على كامل السنة ... يعني ماراح نشوف حركات الوولفز في يوم الدرافت













طيب ؟ غير متواجد حالياً  
Facebook Twitter اضافة رد مع اقتباس
قديم 11-12-2011, 03:18 AM   #6
طيب ؟
من كبار رياضيي المحلية
 
الصورة الرمزية الخاصة بـ طيب ؟
طيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحب














جدول الموسم الحالي
هنـــــــــــــــــــــــــــــــا


اللي يبي يشوف جدول أي فريق
هنــــا


هنا للي يحب يقرأ عن الجدول




معلومات مهمه عن جدول هذي السنه:

اولا هذي السنه بيلعب متأخر تقريبا شهرين و في العاده تنلعب 82 مباره و لكن هذي السنه فقط 66 بسبب اللوك اوت

تبدا الانتقالات + المعسكرات : December 9, 2011

يبدا الدوري يوم: December 25, 2011

ينتهي الموسم الاعتيادي : April 26, 2012

البلي اوف ( التصفيات) تبدا : April 28, 2012

نهاية النهائيات لو لعبت ال7 مباريات كامله : June 26, 2012

مباريات يوم الكريسمس زادت مباريتين و الآن صارت 5 مباريات في افتتاحية البطوله: << معلومه مهمه

Boston Celtics at New York Knicks, 12 p.m. ET | TNT

Miami Heat at Dallas Mavericks, 2:30 p.m. ET | ABC

Chicago Bulls at Los Angeles Lakers, 5 p.m. ET | ABC

Orlando Magic at Oklahoma City Thunder, 8 p.m. ET | ESPN

Los Angeles Clippers at Golden State Warriors, 10:30 p.m. ET | ESPN

طريقة تنظيم الدوري الجديده: << معلومه الاهم

تلعب 66 مباره ، 33 في ارضك و 33 خارجها

48 مباره مع فرق المؤتمر نفسه تقسيمها بيكون:

6 فرق تلعب معها 4 مرات 2 في ارضك و 2 خارجها << 4 منها فرق الديفجين حقتك

4 فرق تلعب معها 3 مرات 2 في ارضك و 1 خارجها

4 فرق تلعب معها 3 مرات 1 في ارضك و 2 خارجها

18 مباره في خارج المؤتمر تقسيمها بيكون:

3 فرق بيلعب معها مرتين في ارضك مره و خارجها مره

تلعب مع 6 فرق اخرى مره واحده في ارضك فقط

تلعب مع 6 فرق اخرى مره خارج ارضك فقط

يعني كل الفرق بتلعب مع بعض على الاقل مره

طبعا عشان الجدول مضغوط بنشوف باك 2 باك 2 باك = يعني 3 مباريات ورا بعض بدون راحه و كل فريق بتطلع عليه على الاقل مره واحده و مارح تكون اكثر من 3!!!

في البلي اوف ممكن نشوف باك 2 باك



###

الانتقالات

الانتقالات و الفري ايجنت:

الانتقالات بدأت يوم 9 و ممكن نشوف كريس بول او هاورد خارج فرقهم بصفقة مبادله في هذي الانتقالات

طبعا الانتقالات اللي صارت في صيف قبل اللوك اوت ما كانت كبيره جدا و لكن هذي هي




الصفقة كالاتي:

البكس ياخذ ستيفن جاكسون (الكاتس) وبينو اودريه (الكنجز) و ليفنغستون (الكاتس) و ال19 (الكاتس)

الكاتس ياخذ ماغيتي (البكس) و ال7 (الكنجز)

الكينجز ياخذ سالمونز (البكس) و ال10 (البكس)



--------------------




جورج هيل لاعب السبيرز إلى البيسرز مقابل درافت البيسرز رقم 15 كاوي ليونارد و بطاقة الجولة الثانية الـ42 الخاصة بالبيسرز + حق الحصول على الاعب Erazam Lorbek


------------------------------


رسمياً

إلى الروكيتس جوني فلين و درافت مينيسوتا رقم 20 موتيجوناس
إلى الوولفز براد ميلر و درافت الروكيتس رقم 23 ميروتيتش و بطاقة جولى أولى مستقبلية



-------------------------------


المافز : رودي فرنانديز (البليزرز) + Petteri Kopenen (البليزرز)

النغتس : اندريه ميلر (البليزرز) + 26 (المافز) + 51 (البليزرز)

البليزرز : ريموند فيلتون (النجتس) + 57 (المافز) + بطاقه جوله ثانيه مستقبليه (المافز)




-----------------------------------------


جي جي هكسون للكنجز مقابل عمر كاسبي + بطاقة درافت جوله اولى محميه للكافز

------------------------------------

جميع الاعبين في اوروبا بيرجعون لفرقهم

-------------------------------

لاعبين الصين عندهم مشاكل لازم يرجعون كل رواتبهم عشان يقدرون يطلعون

و 4 لاعبين مهممين في صين ( جي ار سميث + تشاندلر النجتس + مارتن النجتس + بروكس)

الفري ايجنت المتاحين:

الفري ايجنت هو الاعب الحر اللي يقدر يوقع مع اي فريق يبي و فيه (ريستركتد فري ايجنت) يعني لازم فريق يقدم له عرض
و فريقه عنده 3 ايام يعادله ولا بيروح للفريق الآخر

اهم الاعبين الاحرار:

جمال كارفورد + باتلر + تشاندلر (المافز) + جي ار سميث + تشاندلر النجتس + مارتن النجتس + بروكس
جيف غريين + غلين دايفز + نيني + برينس + مارك غازول + باتييه + دالامبيرت + شانون بروان + ديفيد ويست

فيه اكثر و لكن ذولي اشوفهم الاهم

الدرافت:

طبعا بعد نهاية كل سنه يصير فيه درافت ، الدرافت هو قرعه يتم خلالها انتقال الاعبين المميزين من الجامعات ( دوري الجامعات)
لاندية الNBA و كل ما كان موقعك اسؤ في الدوري كل ما كانت فرصتك انك تختار الرقم واحد افضل

السنه الماضيه في درافت اللي اخذ الرقم واحد هو الكليبرز و لكن لانه ارسل بطاقة الدرافت للكافز مع بارون دايفز مقابل مو ويليمز في نصف الدوري

صار الرقم واحد الكافز + ايضا الكافز اخذ رقم 4

اهم الاعبين الدرافت اللي انصحك فيهم تتابعونهم و يسممون روكي:

الدرافت رقم واحد اكيد ايرفينغ (الكافز) يلعب بوينت غارد

الاختيار رقم اثنين للولفز ديريك ويليمز يلعب سمول فورود

الاختيار رقم 3 الاعب (التركي) من انيس كنتير يلعب سنتر (الجاز)

بعدها بنقز للاختيار رقم 9 كيمبا والكر (البوبكاتس) بوينت غارد

و الدرافت رقم 10 جيمير فريديت (الكنجز) بوينت غارد/شوتنغ غارد










اخر تعديل كان بواسطة » طيب ؟ في يوم » 11-12-2011 عند الساعة » 03:29 AM.
طيب ؟ غير متواجد حالياً  
Facebook Twitter اضافة رد مع اقتباس
قديم 11-12-2011, 03:25 AM   #7
طيب ؟
من كبار رياضيي المحلية
 
الصورة الرمزية الخاصة بـ طيب ؟
طيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحبطيب ؟ فوق  هام السحب








في نهاية الموضوع , اعتذر انا وفريق العمل عن التأخير ,
وقدرنا ننزل الموضوع الحمد لله , وان شاء الله كوونري يكون وجهه فأل خير على مدينة فينيكس المنحوسة ,,

Howlin' Wolf <-- الفقرة القانونية + الانتقالات وطقتها
Connery <-- تقديم فرق الغرب كاملة وجزء كبير من الشرق , شكرا
Mojrd Ensan <-- الرجال كان عنده اختبارات وتورط بس ماقصر ,
رايق مره <-- الخلفية والصور من تصميمه
ZORBA <-- بداية الموضوع , لازم يصير له بصمة زروبنا ,

شكرا لكم كلكم , ماقصرتوا , وان شاء الله نستمتع بموسم سلّاوي جميل ممتع

الموضوع لكم نورونا من خبرتكم
ان شاء الله بنزل جزء ثاني عبارة عن صور ومقاطع فيديو ,









طيب ؟ غير متواجد حالياً  
Facebook Twitter اضافة رد مع اقتباس
قديم 11-12-2011, 05:53 AM   #8
alz3eem15_9
خبير اقلاعي
 
الصورة الرمزية الخاصة بـ alz3eem15_9
alz3eem15_9 فوق  هام السحبalz3eem15_9 فوق  هام السحبalz3eem15_9 فوق  هام السحبalz3eem15_9 فوق  هام السحبalz3eem15_9 فوق  هام السحبalz3eem15_9 فوق  هام السحبalz3eem15_9 فوق  هام السحبalz3eem15_9 فوق  هام السحبalz3eem15_9 فوق  هام السحبalz3eem15_9 فوق  هام السحبalz3eem15_9 فوق  هام السحب

السلام عليكم و رحمة الله و بركاته

شغل رائع جدا الله يعطيكم العافيه

و نتمنى السنه هذي تكون شي استثنائي

مشاركه لي في الموضوع القديم


إقتباس »
الرسالة الأصلية كتبت بواسطة alz3eem15_9 »

السلام عليكم و رحمة الله و بركاته

متابع قديم و اول مشاركه معكم و نقول ان شاء الله نفيد و نستفيد

بالنسبه بـ CP3 الصفقه الثلاثيه اوقفت من الـ NBA و David Stern صرح بصفة ان الـ NBA هي المالك لـ New Orleans ان السبب كان لان الصفقه بتضر الفريق اكثر من انها بتفيده.

واحد من المحللين قال في الـ ESPN ان ممكن انه يقصد ان الـ NBA يحاولون يبيعون الفريق و الصفقه هذي ما راح تساعد ع البيع.

-------------------

بالنسبه للمواقع فيه
كود:
http://espn.go.com/nba/
كود:
www.nba.com/
---------------------------

بالنسبه لسوبرمان الكلام اللي طلع انه صرح انه يبي يروح لـ Nets!!!!!

الخبرين بتصير صفعه شنيعه لليكرز و جماهيره بعد الطموحات العاليه و غير ان الاعبين بدوا يفقدون الثقه في الفريق.

اول المشاكل ان اودوم جا متاخر اليوم للتمارين و طلع بدري

---------------------------------


Brandon Roy لاعب Portland Blazers في احتمال كبير انه بيعتزل عشان اصابه في ركبته

بالتوفيق للجميع

اخر الاخبـار



Tyson Chandler وقع للنيكز

والله من المجالد اللي بيصير في الشرق

CP3 في اخبار كبيره انه خلاص بينتقل لليكرز بس الصفقه بتتعدل و يمكن تزيد الفرق اللي داخله في الصفقه

بالتوفيق



alz3eem15_9 غير متواجد حالياً  
Facebook Twitter اضافة رد مع اقتباس
قديم 11-12-2011, 06:27 AM   #9
cucchiaio
إتحادي مونديالي
 
الصورة الرمزية الخاصة بـ cucchiaio
cucchiaio فوق  هام السحبcucchiaio فوق  هام السحبcucchiaio فوق  هام السحبcucchiaio فوق  هام السحبcucchiaio فوق  هام السحبcucchiaio فوق  هام السحبcucchiaio فوق  هام السحبcucchiaio فوق  هام السحبcucchiaio فوق  هام السحبcucchiaio فوق  هام السحبcucchiaio فوق  هام السحب

^ عوافي الزعيم على المواقع.. طيب؟ وكل اللّي معك واحد واحد ما قصرتم..

إقتباس »
جي ار سميث
شباب الخبل ذا يلعب في مركز ارتيست؟ والله حق من جابه دامه فري ايجنت..



cucchiaio غير متواجد حالياً  
Facebook Twitter اضافة رد مع اقتباس
قديم 11-12-2011, 07:25 AM   #10
Mojrd Ensan
زعيــم هلالــي
 
الصورة الرمزية الخاصة بـ Mojrd Ensan
Mojrd Ensan فوق  هام السحبMojrd Ensan فوق  هام السحبMojrd Ensan فوق  هام السحبMojrd Ensan فوق  هام السحبMojrd Ensan فوق  هام السحبMojrd Ensan فوق  هام السحبMojrd Ensan فوق  هام السحبMojrd Ensan فوق  هام السحبMojrd Ensan فوق  هام السحبMojrd Ensan فوق  هام السحبMojrd Ensan فوق  هام السحب

يعطيكم العافيه ياعيااااااال واعدرونا على القصوور



Mojrd Ensan غير متواجد حالياً  
Facebook Twitter اضافة رد مع اقتباس
إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 06:25 AM.

الأن حمل تطبيق منتديات الإقلاع

 

هام: لجميع مستخدمي ايميلات شركة مايكروسوفت (hotmail,msn,outlook......الخ)
 

في حال تاخر التفعيل او اي مشكلة طارئة او ما يخص العضوية الذهبية او التجارية من استفسارات يمكنك ابلاغي هنا وتسعدني متابعتك   

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.7
Copyright ©1999 - 2014, Jelsoft Enterprises Ltd.
جميع الحقوق محفوظة منتديات الاقلاع - شبكة الاقلاع