منتديات شبكة الاقلاع ®



الانتقال الى الصفحة الرئيسية عضويات التميز (الفضية + الذهبية + التجارية) موقع ieqla3 متخصص بجميع منتجات شركة apple أنظمة وقوانين وتعليمات الموقع   وقف شبكة الإقلاع الخيري مركز رفع الصور والملفات تابعونا على موقع تويتر بوابة الانباء
اقلاع بلاك بيري البحث السريع برامج الإقلاع المجموعة البريدية جوال الإقلاع أنظمة وقوانين وتعليمات الموقع للإعلان في شبكة الإقلاع
العودة   منتديات شبكة الاقلاع ® > اكاديمية الاقلاع > حرم الجامعات الاقلاعي
التسجيل التقويم التأشير على جميع الاقسام بالمشاهدة


إغلاق الموضوع
 
أدوات الموضوع طريقة عرض الموضوع
قديم 25-11-2011, 12:44 PM   #1
خآتم ذهب
خبير إقلاعي مميز
 
الصورة الرمزية الخاصة بـ خآتم ذهب
خآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحب

 علم آلفيزيآء - جآمعة الدمآم - يوميآت طآلب جآمعي 

بسم الله الرحمن الرحيم . .



كااانت امنييتي اني اشاآآرك من العام و الححمدلله اني لحقت السسنه هذي على التسجيل

قبل مانبداا بالموضوع و كل شي . .

لا ننسى نذكر الله . . و الله يرزقكم اللي تتمنون يااارب . .

معاكم /

خآتم ذهب - جامعةة الدمام - كلية العلوم ( الدمام ) - قسم الفيزياء

كلية العلوم تضم 4 تخصصات . . و اللي هي كيمياء - فيزياء - احياء - رياضيات . .

و الحححين بقووولكم قصصصتي و كيف دخلت هالقسم اول شي . .

بعدين بتكلم عن القسم و كل شي . .

في يوم من الايأم كنت طالبة في ثالث ثانوي كحال طلاب و طالبات الجامعةة ، ،
المهم كنا في يوم اسسسمه السبت . .
كان عندي اختبار فيزياء الصباح . .
اختبرته و طلعت مبسسسوطه و لله الحمد . . < للمعلومية انا اخر دفعة من اسئلة الوزاه . .

وصلني ابوي للبيت الساعه 10 و شوي . .
و ارووح على طوول على غرفتي . .
و لما صارت السسسساعةة 11 ظهرا . .
بدا يدب فيني المرض . .
و اللي استمر معاي اسبوعين ماكنت ادري عن شششي . .
في النهااار اككوون منوومة في مستشُفى المررركززي ( الدمام ) . .
و لما تجي الساعة 5 و نص الصباح يطلعوني اهللي للبيت و تجلس اختي الله لايحرمني منها تقرا على راااسي اجزاء من الماده اللي عندي اختباااار فيها بعد شوي . .
و الله تحملتني كثير خخخخخ . .
كنت اعصصصب عليها و ما ابيها تقرا لي شي . .
و امي جالسة جنبي على السرير و تقنعني ما اروح اختتتبر و عندي اجازه مرضيه حق الاسبوع كله . . و اقدم دور ثاني !!

مجرررد ما اسمع كلمة دور ثاني . . انققققهررر لااا ابي اسجل للجامعة مع الناااس . . و اسساسا ماعمري سمعت عن جامعة تفتح التسجيل للي ناجحين بالدور الثاني . .

المهم خلللصت الاختبارات و كنت اختبر تحت لحالي و عندي لجنة خاصه فيني

و الله في بالي مواقف مع الدكتور هذااك الله يذكره بالخير و موقف بعد مع الممرضه .. و لكن مو هذا موضوعنا << بدري

طلعت النتيجة . .
طبعا طلعت النتيجة خالتي اللي ساكنه في هذيك المدينة . .

المعدل التراكمي ( 92‪.‬5 ‪ ‬ )

ما انكككر اني حقدددت و كرهت عمري بذيك اللحظة . .

كنت اتوقع اكثر . . لكن ما اقول الا قدر الله و ماشاء فعل . .

المهم لما فتح التسجيل بجامعة الملك فيصل < ( سالفتها سالفه هذي . . الزبببده كانت جامعه الملك فيصل لها كل كليات الشرقية . . و بعدين جا مرسووم ملكي او شي مثل كذا بانشاء جامعة الدمام ، ، و تضم كليات الدمام و كليات الجبيل و حفر الباطن و فيه مدينه نسيتها )

بعد مافتح التسجيل . . قلت اببببد على اتفاقنا طب < الحماااس ماخذ فيني مأخذ قوي بهذيك اللحظه . .

و انصصصدم من اعتراض اخواني . . و امي معاهم !!!!!!!

سلااامات . .

طيب ماكو طب ابغى علوم طبيه !! << نووو

طيب تمرييييييض ؟؟؟؟

برضوو لااا . .

انصددمت هذاااك اليوم صدمة ماتجاوزت الـ 12 ساعة ههههههههه

و سجلت في الجامعة ( كلية العلوم )

رياضيات
كيمياء
فيزياء

و جا الرد بعدين . . بـ

تعتذر جامعة الملك فيصل عن قبولك . . << خآلي اللي قال . . و مسكين الله يذكره بالخير كان مرتبك . . و كانو متووقعين يشوفون مني فيلم مصري و عياااط و بكي و صيااح و كل شي . . بس و لله الحمد فادتني رباطة جأشي << اتمننى استخدمتها بالمكان الصحح

مااااااااااالت << قهروووني . . ليه مايقبلووني ؟؟

المهم كل اللي تخرجو من عايلتي بهذيك السنه محد انقبل . .

الا ولد خالي

قبلته الجامعه . . و بعدين قال لا ما ابغآها . .

ماعلينا . .

رفضتني الجامعة . . و جلسست بصدمتتتي تقريبا اممممم 4 ايام . .

و انا اتصصفح الجريدددده الا اشوف اعلان لمعهد انجليش و برمجه حآسب . .

و ما جا رمضضضان الا و انا طالبة في المعهد ، ،

و درررست برممجة حاااسب و اخذت كم مستوى بالانجليش . .
و عرضت علي المديره وظيفة عندهم لاتخرجت . .

لكن للاسف . . بـ رمضان اللي بعده . .

قبلتني جامعة الملك فيصل - كلية العلوم - قسم فيزياء

طبعا سجلني اخوي بنفس الترتيب . .

و قبلوني لما كنت انا ما ابغاهم . . بهالسنه .. كنت ابيهم بـ عام 2010

و لكنهم قبلوني بـ 2009

ايييه صح نسيت اقولكم .. اضطريت اروح لمدرستي الثانويه و اخذ اوراق و مدري شنو . . عشان القدراات . .

و اختبرت بهذيك المدررسة الجممميله و جبت درجة كويسسه بالنسبة لي ..

و بكذا آكون جربت اسئلة الوزآرة + آختبآر القدرآت




BRB :sm4:



خآتم ذهب غير متواجد حالياً  
Facebook Twitter

قديم 25-11-2011, 01:34 PM   #2
خآتم ذهب
خبير إقلاعي مميز
 
الصورة الرمزية الخاصة بـ خآتم ذهب
خآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحب






بعد ماقبلتني الجآمعةة ..

درست آول سمستر

مدخل للثقافه الاسلامية - عربي 1 - انجليزي 1 - مبادئ الفيزياء - كيمياء فيزيائية - تفاضل - هندسة - مبادئ الاحصاء ..

ملحوظة / الخطة الدراسية للقسم اختلفت حاليا بعد التحويل لجامعة الدمام . . بتكلم اول شي عن خطتي الدراسيه ( الخطة القديمه ) . . و بعدين بتكلم عن الخطة الجديده . . للي ناوي يسسسجل في السسنوات القادمة بإذن الله ..

كااان ضغغغط و ككرررف مو طبيعي عليينا .. كل يوم نطلع 2 و اذا مررره تكرمو علينا طلعنا 1 و ربع

23 سااعه . .

مع ان ضغط . . و لكن المواد ماكانت صعععبه . . بس كنا نحتاج نفهم النظام الجاااامعي . . نججحت بهالسمستر بمعدل جدددا جممميل و لله الحمد . .

تآريخ التشريع - عربي 2 - انجليزي 2 - خواص المادة - كيمياء عضوية - علوم الحياة - تكامل - جبر المصفوفآت

هذي مواد المستوى الثاني . .
22 ساااعه . .
من وجهة نظري كان هذا السمستر صعععب . . الكيمياء العضوويه و عللووم الحيياه . . ماتقبلت هالمادتين ابببد . .

في الاختبارات النهائيه . . صااارت عندي ظرووف و اضطريت و احضر اختبار 3 مواد بدون مذاكره . .

و كانت المحصصله اللي ماتوقعتها اببدا . . حملت 4 مواد . .
و الحمدلله على كل حاال . .

عربي 3 - انجليزي 3 - حضارة اسلاميه نظم - حاسب - كهرباء 1 - ديناميكا حرارية - معادلات تفاضلية - جبر متسلسلات

مواد المستوى الثالث . .
24 ساااعه . . و لكني درست بس 22 ساعة . .
انسسحبت من العربي لظروف كانت جميييله وقتها

المواد بشكل عام . . كانو ممتعين جدا ، ، و دخلنا بالجد و الاكششن . .
نهاية السسسمسستر حممملت مااااده . . مع سسسبق الاصرارر من الدكتووره الله يسااامحهااا ..
راجعت ادارة الكليه و سويت سالفه لكن النهايه . .
ماتغير شي . .

في المستوى الراابع . .
درست المواد اللي حملتهم بالمستوى الثاني مع ماده ميكانيكا تحليلية ( مادة رياضيات ) . .

كان هذا السمستر جمييل جدا . . نجحت فيه . . و من هنا بديت اخطط لاكمال الدراسات العليا ( و الله يقدرني ) دعووواتكم لــي . .

في المستوى اللي بعده . .
درسست مادتين بسسس عربي 3 مع الماده اللي حملتها من المستوى الثاالث
كنت احتااااج رااحة . . و بعععد احتااااج ارفففع معددلي . .

المستوى اللي بعده < هههههه لحد يعد ..
درست مواد المستوى الـ رابع . . عدا التحليلة لاني نجحت فيهااا . .

كانت موادي كالآتي . .
ضوء - كهرباء 2 - حركة موجيه - دوال المتغير - عربي 4 - انجليزي 4 - حضارة

بششكل عاااام . . كااان هذا السمستر خوووراافي ..
درسسوني دكاتره و دكتورات من اروووع و افضضضل الدكاتره اللي درسووني . .
تشررفت و الله بتدريسهم لي . .

موادي السمستر هذا . .

كهرومغناطيسية - رياضيات للعلوم الفيزيائيه 1 - الكترونيات - النظام الاقتصادي في الاسلام - فيزياء حديثة 1

الى الحين الامور مستتبه معاااي . . الله ييسر الامور ..
دعوواتكم . .

طبعا انا حاليا سنه ثالثه . . مع اني المفروض اكون بسنة رابعة . .
لكني واثقه انهاا خيررره لي . .

الحيين راح اتكلم عن الخطة الجديدة اللي عندهم سمستر عام . . بمعنى يدرسون سمسمتر عام و بعدين يتخصصون . . و البعض يسميه سمستر تحضيري . .

المستوى الاول ( عام ) . .

رياضيات عامه : نفس الثانوي اللهم صآرو يدرسونه بالانجليش ( الرموز آقصد )
كيمياء عامه 1 : نفس كيمياء فيزيآئية مآده حلوه
فيزياء عامه 1 : نفس مبادئ الفيزياء يدرسون فيها اساسيات الفيزياء
احياء عامه : نفس علوم الحياةة تنقسم المآده هذي الى قسمين ( نبآت - حيوآن ) و برضو اساسيات الاحياء
صحة و لياقة : رآح آدرس مايقآبلها السمستر الجآي بمسمى ثاني نسيته .. و لكن حسب مآسمعت انها مآدة سهههههله جدا .. سآعة بالاسبوع تتكلم عن الفيتآمينآت و الامرآض

بعد هذا السمستر يتخصصون وآحد من التخصصآت الاربع اللي بالكلية

المستوى الثاني ( تخصص فيزياء )

ثقافة اسلامية : درستها بآول .. مآده عآمة مآفيهآ شي .. يحفظون الجزء الثلآثون من القرآن
انجليزي عام : نفس الثآنوي ولا اقول لا لا اسههههل .. مآمنهآ فآيدة المآدة لو يقلبونها آسآسيآت آنجليزي و يعلمونهم السبيكنج و الريدنج و لسسننج و رآيتنج بتكون آفضل و تفيدهم مستقبلا .. تقآبل بالخطة اللي آمشي عليها ( انجليزي 1 + انجليزي 2 )
فيزياء عامه 2: يدرسون عن الكهرباء تقآبل عندي ( كهرباء 1 + كهرباء 2 )
كيمياء عامه 2
تفاضل و تكامل 1 : يدرسون التفآآضل نفس الثآنوي بس هنآ يتطورون شوي

المستوى الثالث ..

فيزياء عامه 3 : آآآجججمل مآآده درستها ( خوآص المآده ) سسسهله جدآ ..
تفاضل و تكامل 2 : التكآمل حق الثآنوي نفسسه
مقدمة في الحاسب : نفس حآسب الثانوية اللهم هنا بيدرسون زيادة برمجه حبيته ^^ و استفدت من اللي تعلمته بالمعهد
بصريات : يقابل عندنا الضوء .. مآده حلوه و ممتعة و آسآس لموآد جآيه في المستويات اللي بعدها
مقدمة في الاحصاء : مآده حلوه بس يبي لها حفظ
عقيدة و اخلاق : مآده عآمة يحفظون هنآ الجزء التآسع و العشرون من القرآن تقآبل ماده بدرسها السمستر الجآي ..

المستوى الرابع

فيزياء حديثة : آدرس هالمآدة هذي الحين .. سهههله بس يبي لنآ نفكر بشكل ثاني غير طريقة تفكيرنا العاديه و هنآ ندرس النظرية النسبية تبع آنشتآين
علم الفلك : مآده تتكلم عن الكون و الآرض من اسمها وآضحه بخطتي ندرسها بآب في الفيزيآء الحديثة
موجات : نفس الحركة الموجية .. تنقسم لقسمين قسم خآص بالموجآآات و قوآنين و استنتاجات و القسم الثآني ^^ معلومآت مرتبطة بالبصريات
فيزياء رياضية 1 : ادرسها الحين بمسمى رياضيات للعلوم الفيزيائيه
انجليزي علمي : يقآبل ( انجليزي 3 - انجليزي 4 ) و نفس كلآمي عن انجليزي عآم
تفاضل و تكامل 3 :

المستوى الخامس

ميكانيكا كلاسيكية 1
كهرومغناطيسية 1 : نفس النظرية الكهرومغنآطيسية < عندي آختبار فيها بكرة
ديناميكا حرارية : مآآده مآفيه آجمل منها آغلبها آستنتآجآت .. الدكتور اللي درسني آيآهآ حببني بالاستنتاجآت الله يذكره بالخير
الكترونيات 1 : آدرسها الححين بآسم الكترونيات
فيزياء رياضية 2
تذوق ادبي : تقآبل موآد اللغة العربيه اللي درستها آعتقد 1 و 2

المستوى السادس

ميكانيكا كلاسيكة 2 - كهرومغناطيسية 2 - فيزياء عملي 1 - الكترونيات 2 - ميكانيكا كم 1 - نظام اقتصادي في الاسلام < هذي المآده آدرسها هالسمستر و نحفظ فيها الجزء الثآمن و العشرون

المستوى السابع

فيزياء نووية - فيزياء احصائية - فيزياء عملي 2 - ميكانيكا كم 2 - كتابة و تعبير - النظام السياسي في الاسلام

المستوى الثامن

فيزياء ذرية - فيزياء الجوامد - فيزياء حاسوبية - فيزياء حيوية - موضوعات مختارة - حلقة نقاش


مووواد جمييله جداا بكل آمانه . .

طبعا فيه فروق بسيطه بين الخطتين القديمة و الجديده . . فيه مواد نفسها بس غيرو اسمها . . و فيه مواد ناخذها في خطتنا القديمه كـ باب من مادة . . هم ياخذونها ماده كامله . . و فيه مواد هم ياخذونها بتووووسع - و فيه مادتين الى 3 مواد جديده عندهم ^^



BRB :sm4:



خآتم ذهب غير متواجد حالياً  
Facebook Twitter
قديم 25-11-2011, 01:57 PM   #3
خآتم ذهب
خبير إقلاعي مميز
 
الصورة الرمزية الخاصة بـ خآتم ذهب
خآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحب




الحيين حابه اتكلم عن الفيزياء و اهمييته بحياتنا . .

ناس كثير . . من اقولهم تخصصي فيزياء . .
ردة فعلهم الاوليه !! يووه الله يعينك

الله يعين الجميع حبيبتي . .

او وعععع . . و تتعدد الكلمات العجيبه . .

اقتباس 1

( ما هو علم الفيزياء ؟
علم الفيزياء هو القاعدة الأساسية لمختلف العلوم فهو يقدم التفاصيل العميقة لفهم كل شيء بدءاً بالجسيمات الأولية إلى النواة والذرة والجزيئات والخلايا الحية والمواد الصلبة والسائلة والغازات والبلازما (الحالة الرابعة للمادة) والدماغ البشري والأنظمة المعقدة والكمبيوترات السريعة والغلاف الجوي والكواكب والنجوم والمجرات والكون نفسه.  أي أن الفيزيائيين يختصون بمعرفة اصغر عنصر لهذا الكون وهو الجسيمات الأولية إلى الكون الفسيح مرورا بالتفاصيل التي ذكرناها. )

اقتباس 2
( ماذا تقدم الفيزياء لدارسيها ؟
معظم العلماء المشهورين مثل اينشتين ونيوتن وماكسويل .... كانوا فيزيائيين. يمكننا ان نقول ان الفيزيائيين هم أكثر العلماء المدربين في عدة مجالات مثل الرياضيات والكمبيوتر بل انهم أحيانا يتفوقون على اقارنهم المتخصصين لانهم يتعاملون مع هذه العلوم على اساس تطبيقي كما ان الفيزيائي يمكن ان يكسر الحواجز بين العلوم التطيبقية الاخرى كالكيمياء والبيولوجي والجيولوجيا والهندسة والطب ولا يجد الفيزيائي صعوبة في فهم اي نوع من العلوم المختلفة ولأهمية هذا العلم ظهرت تخصصات تجمع الفيزياء مع العلوم الاخرى مثل الجيوفيزياء والبيوفيزياء.  عندما تظهر تطبيقات علمية جديدة او اجهزة متقدمة فإن علم الفيزياء يكون مطلوباً... )

اقتباس 3
( ماذا يمكن ان يعمل متخصص الفيزياء ؟
في اي مكان تتواجد فيه التكنولوجيا يجد الفيزيائي عمل له ويكون مفضل عن غيره لما يمتلكه من معلومات عن المبادئ الاساسية والخبرات الذاتية التي تؤهله للتعامل مع التكنولوجيا وتطورها بشكل اسرع.  وفي الدول الصناعية المتقدمة لا يمكن ان يوجد فيزيائي عاطل عن العمل.  فيمكن للفيزيائي ان يعمل في المجال الطبي حيث ان كل اجهزة التشخيص في المستشفيات يعتمد تشغيلها على الفيزياء مثل استخدام اشعة اكس والنظائر المشعة والرنين المغناطيسي والامواج فوق الصوتية واشعة الليزر والمنظار وغيرها من الاجهزة المستخدمة والتي هي تطبيقات لاكتشافات وابحاث الفيزيائيين ولا يمكن ان يكون هناك علاج بدون تشخيص فكلما تطورت وسائل التشخيص امكن التغلب على امراض كانت قاتلة. كذلك في مجال الاتصالات والاقمار الصناعية الذي يعتمد على تطور احد فروع الفيزياء وهو الالكترونيات. كما وان علم الفيزياء ضرورياً لمراكز الارصاد الجوية ومراكز التنبؤ بالزلازل ومراكز البحوث كما ان للفيزيائي دورا اساسياً في مجال التعليم لاعداد اجيال جديدة لاكمال مشوار التقدم العلمي. وكذلك في التطبيقات الصناعية ومراكز تطوير مواد جديدة ولا شك ان علم الفيزياء وراء تطور اجهزة الكمبيوتر بكافة مكوناته من المعالج إلى الذاكرة إلى الشاشة إلى اقراص الليزر وكلما تقدمت الابحاث الفيزيائية كما انعكس ذلك على تطور اجهزة الكمبيوتر وكفاءتها... )

الفيزياء له فروووع كثثير في الدراسات العليا . .

من ضمنها /
الفيزياء الكلاسيكيه :
و تضم
الميكانيكا - الديناميكا الحرارية - الكهرباء و المغناطيسية - الضوء


الفيزياء الحديثة :
و تضم
النظريه النسبية - ميكانيكا الكم - الفيزياء الذرية - الفيزياء الجزيئية - الفيزياء النووية - فيزياء الحالة الصلبة

و فييييه كثثثير . .

مثل الليزر - الطاقة الشمسية - البلازما - الاغشية الرقيقة - الالياف الضوئية - الفيزياء الاشعاعية - الجسيمات الأولية - الفلك - الاتصالات الفضائية - الاستشعار عن بعد - تقنية النانو - الفيزياء الطبية ..

كآن بـ ودي آحط آكثر من تجربة فيزيائية تستمتعوون شوي
بس للآسف ماكفآني الوقت مع ضغط الآختبآرآت
و للآسف آغلب اللي لقيتهم فيهم موسيقى فـ فضلت آبتعد عنهم

التجربةة الآولى

التجربةة الثآنيةة


كود:
http://www.youtube.com/watch?NR=1&v=HAbY4JNcXsg
BRB :sm4:



خآتم ذهب غير متواجد حالياً  
Facebook Twitter
قديم 25-11-2011, 02:07 PM   #4
خآتم ذهب
خبير إقلاعي مميز
 
الصورة الرمزية الخاصة بـ خآتم ذهب
خآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحب




و آخر شي مثل ماشفتو الفيزياء يعتمد بشكل كبير على الرياضيات

و في مقولة دآيم يقولونها الدكاترةة عندنا .. بس مدري مين اللي قآيلها آسآسآ

" كل فيزيائي رياضي ولكن ليس كل رياضي فيزيائي "

و سووري ^^ طولت عليكم

< آول موضوع اكتبه من بعد موضوعي الاول اللي تقفل عشآن كذآ الحمآس خذني بـ قوة .. حمدو ربكم آن عندي آختبآر بككره ولآ كآن كملت صفحآت و صفحآت لمآ يكون الموضوع عن الفيزياء صعب آسكت بس الحين مضطره آسكت عشآني مضطرة آقآبل كتآب الكهرومغناطيسية و أذآكر ..


ما اصدق آني خللصت



في انتظار اسئلتكم ..





خآتم ذهب غير متواجد حالياً  
Facebook Twitter
قديم 25-11-2011, 02:15 PM   #5
‏كارولتا
خبير إقلاعي مميز
 
الصورة الرمزية الخاصة بـ ‏كارولتا
‏كارولتا فوق  هام السحب‏كارولتا فوق  هام السحب‏كارولتا فوق  هام السحب‏كارولتا فوق  هام السحب‏كارولتا فوق  هام السحب‏كارولتا فوق  هام السحب‏كارولتا فوق  هام السحب‏كارولتا فوق  هام السحب‏كارولتا فوق  هام السحب‏كارولتا فوق  هام السحب‏كارولتا فوق  هام السحب

أهلاً بالفيزيائيه ..
تخصصك جداً جميل وله مستقبل
عندي سوال..
- هل واجهتي بعض الصعوبات اللي خلتك تفكرين تتركين القسم ؟


بس اتمنى لك التوفيق



‏كارولتا غير متواجد حالياً  
Facebook Twitter
قديم 25-11-2011, 02:30 PM   #6
محروم حنانك
عضو رسمي
 
الصورة الرمزية الخاصة بـ محروم حنانك
محروم حنانك فوق  هام السحبمحروم حنانك فوق  هام السحبمحروم حنانك فوق  هام السحبمحروم حنانك فوق  هام السحبمحروم حنانك فوق  هام السحبمحروم حنانك فوق  هام السحبمحروم حنانك فوق  هام السحبمحروم حنانك فوق  هام السحبمحروم حنانك فوق  هام السحبمحروم حنانك فوق  هام السحبمحروم حنانك فوق  هام السحب

افضل حاجه انك حاابه التخصص

موفقه اختي



محروم حنانك غير متواجد حالياً  
Facebook Twitter
قديم 25-11-2011, 03:13 PM   #7
رغـوه..~
خبير إقلاعي مميز
 
الصورة الرمزية الخاصة بـ رغـوه..~
رغـوه..~ فوق  هام السحبرغـوه..~ فوق  هام السحبرغـوه..~ فوق  هام السحبرغـوه..~ فوق  هام السحبرغـوه..~ فوق  هام السحبرغـوه..~ فوق  هام السحبرغـوه..~ فوق  هام السحبرغـوه..~ فوق  هام السحبرغـوه..~ فوق  هام السحبرغـوه..~ فوق  هام السحبرغـوه..~ فوق  هام السحب

السَلآمَ عليكَمَ
الفيزيآء ..تخصص ممتع .+عندي آختبآر بكره فصل الديناميكا الحرآريه ..
مآشاء الله عليكِ جربتي اسألة الوزآره والقدرآت؟؟وش احسن بآلله..
مم عندي سؤآل وآحد..
مستقبلاً وش الوظآيف اللي تشغلهآ الفيزيآء؟؟
يعني في امكآنية تشتغلين في المستشفيآت؟؟

الله يوَفقكِ ويسَهل عليَكِ..




اخر تعديل كان بواسطة » رغـوه..~ في يوم » 25-11-2011 عند الساعة » 04:05 PM.
رغـوه..~ غير متواجد حالياً  
Facebook Twitter
قديم 25-11-2011, 04:06 PM   #8
سواغير
من كبار شخصيات الإقلاع
 
الصورة الرمزية الخاصة بـ سواغير
سواغير فوق  هام السحبسواغير فوق  هام السحبسواغير فوق  هام السحبسواغير فوق  هام السحبسواغير فوق  هام السحبسواغير فوق  هام السحبسواغير فوق  هام السحبسواغير فوق  هام السحبسواغير فوق  هام السحبسواغير فوق  هام السحبسواغير فوق  هام السحب

يعطيك الف عافيه

الفيزياء من العلوم الجباره

درست فيزياء 1 بالجامعه مطلوبها منا و حلوه التجارب و الحركات تحس حماس بس اكره ما علي المتجهات و الحمدالله ما جاتني في الاختبار النهائي

في شيء في الفيزياء اسمه ( ﻻمدا ) عمل طفره في الكومبيوتر و البرمجه

الله يوفقك و يسهل عليك <3



سواغير غير متواجد حالياً  
Facebook Twitter
قديم 25-11-2011, 04:38 PM   #9
خآتم ذهب
خبير إقلاعي مميز
 
الصورة الرمزية الخاصة بـ خآتم ذهب
خآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحب

إقتباس »
الرسالة الأصلية كتبت بواسطة ‏حدود السمآء ! »
أهلاً بالفيزيائيه ..
تخصصك جداً جميل وله مستقبل
عندي سوال..
- هل واجهتي بعض الصعوبات اللي خلتك تفكرين تتركين القسم ؟


بس اتمنى لك التوفيق
هلآآ بك زود

صعوبة بالمواد ؟ لا
لكني سبق و فكرت آغير القسم علشآآآن الموآد اللي حملتها بسنة آولى واللي خسفت المعدل
بس حآليـآآ مسسستحيل اغيرهـ لآني ولله الحمد قدرت آوصل لمعدل مطلوب في آرآمكو آو لآكمآل الدرآسآت العليا

تسسسلمين و الله
و الله يوفق الججميع



إقتباس »
الرسالة الأصلية كتبت بواسطة محروم حنانك »
افضل حاجه انك حاابه التخصص

موفقه اختي


اللي يحب قسسمه يقدر يبدع فيه
و آهم حآجه مثل ماذكرت ^^ حب القسم ..

تسسسلم آخوي



إقتباس »
الرسالة الأصلية كتبت بواسطة رغـوه..~ »
السَلآمَ عليكَمَ
الفيزيآء ..تخصص ممتع .+عندي آختبآر بكره فصل الديناميكا الحرآريه ..
مآشاء الله عليكِ جربتي اسألة الوزآره والقدرآت؟؟وش احسن بآلله..
مم عندي سؤآل وآحد..
مستقبلاً وش الوظآيف اللي تشغلهآ الفيزيآء؟؟
يعني في امكآنية تشتغلين في المستشفيآت؟؟

الله يوَفقكِ ويسَهل عليَكِ..

وعليكم السسلآم ..
الله يوفقك يآرب في آختبآرك بكره و تجين تبشريني إنك جبتي الفل مآرك

امممم بالنسبة لي آشوف القدرآت آفضل
بس آنتو الحين مدلعينكم معلمآتكم يكتبون آسئلة النهآئي يمديكم تجيبون معدلآآت فوووق ^^
حتى آغلب صديقاتي ( اللي ماجربو اسئلة الوزآرة ) نسببهم مرره عآليه في الـ 96 و فوق .. ماشاء الله

و فيه شي ثآني حآبة آقوله لك ..
اسئلة القدرآت موب صعبة آبد ..
شوفيني آختبرت قدرات و مآكآن لي خلق وقتها مآكنت آبي الجآمعة بهالسنة ..
مع كذا القدرآت ما آثر على معدلي الكلي .. الحمدلله ..

القدرات تبين اللي يحفظ و يمشي بدون فهم .. و اللي فآهم و حآفظ ..
طبعا اللي فآهم و حآفظ يمديه يخلي معدله التراكمي الكلي مرتفع
و اللي حآفظ و مآشي ولا يدري وش السآلفة .. تخسف بـ معدله

ششوفي يبيعون حاليآ في المكتبآت .. اشياء تخص القدرآت ..
تدربي عليها بدري اذا كنتي بثآلث ثآنوي الحين

بالنسبة لسؤالك .. بعيدآ عن التدريس لآن شهادتي علوم و ليس تربية

حآبه آوضح شغله نسيت آكتبها في الموضوع ..
و هو الفرق بين كلية التربية و كلية العلوم ..

كلية التربية .. تخرج مدرسين و مدرسات المستقبل
كلية العلوم .. تخرج نآس ممكن يشتغلون في المصآنع و الشركات ( بالقسم العملي موب مكتب ) .. برضو في المستشفيآت و ممكن علماء ليش لآ ؟ و قبل فترة لما كنت آبحث عن الوظآيف
اللي ممكن آقدم فيها بعد التخرج بإذن الله .. شفت آن تخصص مطلوب في آرآمكو .. و فيه في مركز سآيتك اللي بالخبر ..

امكآنية الشغل في المستشفى بشرط مآيكون تخصصك بكالوريوس فيزياء و بس ! لا
ممكن تكملين درآسات عليآ في تخصصات ممكن تتوظفين بعدها في المستشفى ..
حاليآ مو ذآكرة من التخصصات الا تقنية النآنو و فيه بعد الفيزياء الطبية بس ماعندي معلومات كآفية عنه

طبعآ هذي التخصصآت موجوده بالخآرج
للحين مآفيه عندنآ ان مآخآب ظني
لكن فيه مشروع مستقبلي حسب مآسمعت

الله يوفق الججميع




اخر تعديل كان بواسطة » خآتم ذهب في يوم » 25-11-2011 عند الساعة » 04:44 PM.
خآتم ذهب غير متواجد حالياً  
Facebook Twitter
قديم 25-11-2011, 04:42 PM   #10
خآتم ذهب
خبير إقلاعي مميز
 
الصورة الرمزية الخاصة بـ خآتم ذهب
خآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحبخآتم ذهب فوق  هام السحب

إقتباس »
الرسالة الأصلية كتبت بواسطة سواغير »
يعطيك الف عافيه

الفيزياء من العلوم الجباره

درست فيزياء 1 بالجامعه مطلوبها منا و حلوه التجارب و الحركات تحس حماس بس اكره ما علي المتجهات و الحمدالله ما جاتني في الاختبار النهائي

في شيء في الفيزياء اسمه ( ﻻمدا ) عمل طفره في الكومبيوتر و البرمجه

الله يوفقك و يسهل عليك <3
الله يعافيك
<< توهآ مخلصة من بآب المتجهآت

^^ المتجهآت مو بهذآك الصعوبة .. بس يعتمد بشكل كبير على طريقة شرح الدكتور لها

و على طآري الـ لآمدآ .. للحين آعاني من نطقه !
مرو علي دكآتره ينطقونه لآندا .. و آنطق مثلهم و لما يجيني دكتور ثاني يقول لآآآ النطق الصحيح لآمدآ ..

الله يثبتهم على نطق وآحد

و يوفق الجميع يآرب ..



خآتم ذهب غير متواجد حالياً  
Facebook Twitter
إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 02:35 PM.

الأن حمل تطبيق منتديات الإقلاع

 

هام: لجميع مستخدمي ايميلات شركة مايكروسوفت (hotmail,msn,outlook......الخ)
 

في حال تاخر التفعيل او اي مشكلة طارئة او ما يخص العضوية الذهبية او التجارية من استفسارات يمكنك ابلاغي هنا وتسعدني متابعتك   

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.7
Copyright ©1999 - 2014, Jelsoft Enterprises Ltd.
جميع الحقوق محفوظة منتديات الاقلاع - شبكة الاقلاع