[MS.MARBEL]

- مسـاء | صبـاح الخير بسبب كثره السؤال عن مكاين الخياطة قررت اني افيـد اللي يسألـون و اسوي موضوع عن مكينتـي واقولكم تجربتي معهـا .. .. -

[MS.MARBEL]

- بسم الله ونبدا اول شي مكينتي اسمها INFINITY شريتها من شارع السويلم في الرياض بـ 400 ريال .. اول مارحت اشتريها سألني صاحب المحل المصري تبينها استخدام منزلي ..او للتعليم عليها صراحه مدري وش الغرض من هالسؤال .. الله يجزاه خير علمني على كل شي فيها وكان متحمس معي مره .. "" واخده بال حدرتك ياابله "" بس حضرتي مفهيه وماركزت معه .. ورحت للبيت وابي اركب الخيط واحاول منا منا مافيه امل وامي عندي وتحاول معي في الاخير ملت وقالت اصلا ماله داعي تشتريها >> يمه انا ناقصه في الاخير يوم يئست رجعت للمحل مره ثانيه وعلمني الطريقه وخلاني اركب الخيط بنفسي وعلمني طريقه تعبئه المكوك .. الخلاصه .. اذا رحتو تشترون مكينه ركزوا معه وهو يشرح لكم و سوو كل شي وانتو عنده ولا تطلعون الا وانتو فاهمين كل شي .. هذا الكرتون حقها .. هذي هي المليحه .. وهنا من فوق .. زوووم .. وهنا اسمها .. هذي الغرز اللي فيها .. مااستخدمتها ابدا .. وهذي المكره من فوق .. ومن هنا انزل الخيط وارقيه وارجع انزله وادخله في الابره .. وهذي هي الابره .. هنا واللمبه تشتغل .. نطل على اللمبه .. وهذا الزر اذا بغيت اخيط عادي اخليه كذا .. واذا بغيت اطرز الفه على الجهه المتعرجه .. وهذا مدري وش وظيفته بس صاحب المحل قال خليه على اربعه .. وهذي العجله تبع الغرزه اذا بغيتها صغيره او كبيره .. وهذي تبع التطريز .. واللي جنبها اذا بغيت اكرر الخياطه اضغط عليه وهنا اذا بغيت اعبي المكوك احطه هنا واضغط ع الدواس ويتعبا .. وهذا على جنب يرفع الابره وينزلها .. وهنا فيه زي العلبه .. وهذي محتوياتها : ابر .. زيت .. مكوك .. و حاجات مدري وش هي .. هنا مكان المكوك .. وهذا الشي اللي على جنب مااكتشفته الا بعدين .. وظيفته يقص لك الخيط اذا خلصتي من الخياطه .. وهذا مكان السلك .. تقدرين تشيلينه اكيد .. وهنا من ورا وهذا الشي الاسود هو اللي ارفع به الابره واثبتها على القماش اللي بيتخيط .. صورتها لكم من تحت >> فضاوه ميد ان تشاينا وهذا قماش حق النظاره امسح به الغبار اللي يتجمع على مكينتي .. خيوطـي اللي استعملها مع المكينه .. وعشان احافظ على مكينتي سويت لها كفر .. ماحبيته .. وناويه اسوي واحد ثاني بالباتشوورك .. -

[MS.MARBEL]

- هذا مقطع يوضح لكـم طريقه تركيب الخيط والمكوك .. http://www.youtube.com/watch?feature=related&hl=en&v=Dm83zA5-Yyk&gl=US وبـس انتهينـا .. .. ان شاء الله استفدتوا من موضوعـي .. ويك انـد سعيـد للجميـع .. .. ونشوفكم في مواضيع اخرى .. .. -

[FOAL]

.

حبيتها،

وشرحك ما شاء الله واضح ...

أبسألك جاي معاها غطاء أو لا؟؟

أنا أستخدم حقت مامي (أم فراشة)

.

[يونيو 1987]

هذي على ماآذكر انها مساحه او بعد الخيط عن الخيط الي بعده
يعني مساحه دقه الابره عالقماش « شرحي يجيب المرض ادري خخخ
يعني على خبري لانه كنت دارسته ايام الجامعه وهذا الي اذكره :$

يجي معها شنطه بلاستيك خضراء .!!


بما اني جربت المكينه ايام الجامعه ، قلت اصور لك حقتي
حقتي من ماركه جاكور ، عشان نثري الموضوع







^
هذا الشي ، على اني دارسه هالماده كم سنه وكارفه ام المكينه
الا اني توني انتبه له
قمت اتمقل ب مكينتي ادور زي حقتك



مكتوب عليها صناعه صينيه و اتوقع قطع يابانيه
بس تراني متوارثتها من اختي ايام ماكانت تدرس نسيج
يعني لها 10 سنوات عندنا



حنيت للخياطه من موضوعك
ما قصرتي على هالشرح

[Roma 2008]

ماشاء الله تبارك الله

احس المكينه من اهم الأشياء بالبيت جداً مفيده خصوصاً اذا صارت الوحده عندها مباديء بالخياطه سبحان الله امهاتنا اول ضروره المكينه عندهم بس احنا لا
انا شريت وحده لأن شغالتي تعرف تخيط وفادتني كثير اي شي يبي له تعديل تسوي لياه وارتاح ن التردد على الخياطين

الف شكر لك مس ماربل عالموضوع الحلو

مثبت اكيد

[مبحـــرة]

موضوع جدا رائع

انا عندي ماكينة ماركة برذر حلوه وعمليه

بس شكلي بشتري زي مكينتك واعتق مكينتي لوجه لله

يعني مواصفاتها كثير حلوه والغرز الي فيها كثيرة وبهذ السعر جدا ممتاز

تسلمي على الموضوع وان شاء الله الكل يستفيد

[سمايل :)]

ما شاء الله جدا جميله. و عندك كل هالغرز و لا استعملتيها واذا على الصين كل شي صار صيني

[!!. شهرزآد .!!]

ماشاء الله
يعطيك العافيه ع التقرير الرائع
انا ما احب الخياطه
عجبني الكفر تبعك



بس ليش ماخيطي الوصلات الملونه بالمكينه ؟؟
تطلع شكلها احلى

[هيآآآم الورد.]

ماشاء الله تبارك الله عليك ..

مررا استخدامهااا روعه مكينه انفنتي ..

كرفتهاا كرف 4 سنوات ايام دارستي اقتصاد منزلي .. وللحين وهي عندي
بس من تخرج ماحركتهااا وولا اسستخدمتهااا ...

مبدعه بالكفرر اختي