منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الإقلاعية والشعبية > منتدى مدونتي
التسجيل التقويم التأشير على جميع الاقسام بالمشاهدة




إضافة رد
 
أدوات الموضوع طريقة عرض الموضوع
قديم 22-04-2018, 07:54 PM   #291
صَفوان.
من كبار شخصيات الإقلاع
صَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحب
رد : صفحات

*


أهههخ دوُبي خلصت رياضة و أكل
و كُل شيء .. احس اليوم كان تعب شديد مره
طلعت من الدوام تعبان ، جلست لين 9 ونص صباح
بعدها نُمت ، ما كان فيه فرصة اخش المُنتدى
المُهم ، ماكدونـالدز بدأت تتجه لإتجاه توظيف النساء في فروعها
و هذا اللي صار في فرعنا ، اتوظفت فيه بنت
خطوة جيدة من ماكدونالدز لـ سعودة المطاعَم
على فِكرة انا من الناس اللي مؤمن نوعاً ما
انو فيه امكانية ان المطاعم تتسعوّد بشرط الرواتب تكون طيبـة
و انهم ما يوظفوا الطُلاب ..
و الفكرة العامة المنتشرة حول الشباب السعوُدي راح تندثر
بس للأسف ما زال الشاب السعوُدي مو معجون
يبغالو شوية ينعجـن أكثر و أكثر هذا من الأشياء اللي اشوفها قدامي
المُشكلة احنا متعودين مع طفرة النفـط و الأشياء هذه
انو وظايفنا تكون مره كويسة و مكتب و حركات
فلـمن وصلنا ، لـ حَال انو زي اللي صحينا من النومة العميقة
اكتشفنا انو المفروض كثير وظايف تتسعوّد
فصـار صعب على السعودي يتوظف في هذه الوظايف
برأيي اللي ينقص الشاب السعوُدي (الخبرة-الثبات بالوظيفة)
الخبرة مع الأيام خصوصاً مع الاوضاع الحالية
الثبات هذا الشيء ما راح يقدر السعودي يحس فيه
الا لو صاحب المنشـأة حسسوا فيه
فصعب اشتغل مثلاً 20 سنة و بعدها تكرشني
من الباب للطاقة
الحمـدلله أبناء البـلد راح ياخذوا فرصهُم
و عاد الأجانب مو كرهاً فِيهم ، بس ترى (هذه بلدنا)
الأولى فيك .. تخدم بلدك
راح اعرج على الموضوع بكثرة بس بإذن الله اليوم الصباح او بكرا .
بربَ .. بروح الدوام



 

 

صَفوان. غير متواجد حالياً
Facebook Twitter 0 اضافة رد مع اقتباس
قديم 23-04-2018, 07:58 PM   #292
صَفوان.
من كبار شخصيات الإقلاع
صَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحب
رد : صفحات

*


أهلين ، دوبي مخلص رياضة و أكل و كُل شيء
بكتب كم تدوينـة و بروح للدوام
تعرفوا ، قد تكون احدى انواع الفشـل
هو انك باقي ماغيرت وجهة نظرك عن موضوع معين
البعض يشوفها كأنها تناقض ، بس هي مو تناقض
هي عبارة عن فترة ، الشيء اللي حكمت عليه
و قلت وجهة نظرك عنوُ ، كنت ظالمو و كنت شايفوُ من جهة وحدة
و هذا العِيب لمن تجي تقول ارائك ، انك تقيس الموضوع من جهة وحدة
لذلك لا تحكم على الشيء على طوُل ، اول افهمو و حللو بعدين
ابدي وجهة نظرك يا استااااااذي

-

دار كلام امس بيني وبين موظف فلبيني!
يقوُل الى حداً ما
وجـه الشبه بيننا احنا الرجال ( المكافحين )
و ما اتكلم عن الرجال ( اللاعبين ) !
كُلنا ناكل هواء بالدوام عشان زوجاتنا يشعروا بالأمان
قَد ايش حسيت وصفو و وجهة نظرو صح !
بعض الاوقات اسأل نفسي إيش يحدني ؟ على الوظيفـة !
انا مااكل و شاارب في بيت أبوي و بيت ملك
و فيه انترنت و كل سُبل الترفيـه
حتى ابداً مهو جويي اشتغل ، بـس ساكت !
عَشان بتجيني مرحلة مصيرية بحياتي و هي الزواج
صح مو محدود ، انا على الزواج بس الموضوع اكبر من الشيء دا
الموضوع فيـه ( اكون او لا اكون )
المُهم اقنعنـي بكلاموُ ، فإذا كنتِ زوجة و عندك رجل مكافح
يكافح لاجلك بالحيـاة ، هذا اهتمي فيه و اعرفي انو قد ايش يحبك
احيانا من طرق اهتمام الرجل انو يكافح لاجلك
ياااكل الأرض لاجلك ، يتحمل اهانات من بَشر لاجلك
قد ايش اقدر و احترم الرجل اللي يعمل و يكافج لاجل زوجتو

-

الان استأذنكُم ، عندِي دوام
بطلع6فجُر،اتمنى إن اليوم يكوُن لطيـف
لاني فعلياً احتاج الشيء دا...
الله يعين بس




 

 


اخر تعديل كان بواسطة » صَفوان. في يوم » 23-04-2018 عند الساعة » 08:00 PM.
صَفوان. غير متواجد حالياً
Facebook Twitter 1 اضافة رد مع اقتباس
قديم 28-04-2018, 02:01 AM   #293
صَفوان.
من كبار شخصيات الإقلاع
صَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحب
رد : صفحات

*

الـسَلام عليكم
هَلا و سهلا
كيفكم ، إن شاء الله تكونوا بخِير ؟
غبت تقريباً يومين او ثلاث
أنضغط ضغط مو طبيعي
و رجعـت اليوم اهوُ
الان جالس بالغرفة و معايا ابويا و أمي
امي على الجوال تلعب (لودو) ، و ابويا يتفرج فِيلم
اليوم الصباح طفشت و انا ادور عِيش اسمو المَثالي
القى العيش لكن الميني ، ما ابغ الميني أبغى الكبير
المُهم رحت 4 او 5 سوبرماركتات كبيرة
بريموُ ، اسواق المزرعة ، مانويل
رحت بحثت في اكثر من فرع من نفس السوبرماركت الواحد
المُهم انسدت نفسيِ ، و لقيت والله عيش حَب كويس
في أسواق المزرعة بس مدري اذا كانت جودتو زي عيش المثالي
اللي بدون سَكر و كدا .

-

نصيـحة مارسوا الرياضة يا بشَر ، والله انها كويس مره
ما تتخيلوا قد ايش ممكن تشفيكم من آلامكم و تخلي صحكتم طيبة
امشوُ باليوم فوق 10 الاف خطوة و امشو فوق 10 كيلو متر
صح انها مره صعبة بس بالمُثابرة راح تقدَر ، حُط الشيء دا نصب عينك
و راح توصلوا

-
\ما عندي شيء أقولوا
او بالأحرى ما فبالي شيء
بس اتمنى لكم التوفيق
بروح اتابع فِيلم ، اذا طرى على بالي اقول شيء
راح اقولوا .



 

 

صَفوان. غير متواجد حالياً
Facebook Twitter 0 اضافة رد مع اقتباس
قديم 30-04-2018, 08:19 PM   #294
صَفوان.
من كبار شخصيات الإقلاع
صَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحب
رد : صفحات

*

الأسبوع الجَاي دوامي راح يتحوّل لـ صباح
من 6 فجر لين 3 عَصر، الحَمدلله
كُنت منتظر اللحظة دي بشكِل مو طبيعي
في بالي فلسفـة كَثيرة مره
سَاعات بيجيك إنسان على هيئة سعادة عظيمة
بتح انو هو النعيِم المُنتظر من رب العالمين

-

اليوم دَخلت قِسم العيادة ، مليـان مَشاكل
حسيت بكمية سلبية بس اسأل الله انو يسعد كُل شخص
عندو مَشاكل مع شريك حياتوُ ، أكثر ما يشفع
للشخص اللي تحبو وقت زعلكم ، هو لحظاتك الحلوة معاه
لين تتذكر انك كنت بيوم من الأيام باحضانوُ و بين يدو
تنسى الزعل ، يا اخي انا استغرب والله استغرَب
اذا هانت عليك اللحظة هذه ، السؤال ، كيف هانت ؟
بمجرد ما افكر فيها ، احس انها هي الرِضا..





 

 

صَفوان. غير متواجد حالياً
Facebook Twitter 1 اضافة رد مع اقتباس
قديم 01-05-2018, 07:44 PM   #295
صَفوان.
من كبار شخصيات الإقلاع
صَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحب
رد : صفحات

*

الاجازة و قراية الفاتحة،
اليوم جاء مدير المطعم (فلبيني)
على الفجُر ، جَلست معاه قلت له
انا ليا سنة و 3 شهور و ماغبت و كدا
و دوامي السبت بيتحول لصباح
ايش رايك الربوُع تعطيني اياه اجازة ، يصير اخذذ ثلاث ايام اجازة ؟
الع فيني . اعطاني نظرة التفكير و قَال (ok u can get)
ائشطه ، والله و فرحَت و قلت يما انو عندي قراية فاتحة
خططت اني في يوم الاجازة اروح للحلاق و ادور على محلات العوُد
ادور على طقم اجيبوا لابو خطيبتي ، عاد اذا لقيت شيء كويس
ان ما لقيت ، فيه عطر في بالي بجيبوا ، و اذا مره ما لقيتو
بجيب خالي اليدين و الله يعين !
و اليوم ابويا جاب ليا عُطر قديم مره
اسمه اراميس 900 ، ما اتوقع يعجبكم الا لو كنتوا شيـّاب .

-

هذا اللي في بالي ، اعرف انو شيء صغير
بس مشوُ حالكم!
اعتبروه تسجـيل دخوُل



 

 

صَفوان. غير متواجد حالياً
Facebook Twitter 0 اضافة رد مع اقتباس
قديم 02-05-2018, 09:47 PM   #296
صَفوان.
من كبار شخصيات الإقلاع
صَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحب
رد : صفحات

*

دوُبي بصمت و خرجَت ، الفلبيني بغى يجحدني
قلي صفوان أجلها ، قلت لا يرحم امك عندي أشياء لازم اسويها
قلي يلا ما فيه مُشكلة ، صحيح ما فيه موظفين
بس مو مشكلتي هو وعدني !
و انا احتاج ارتاح ، خطتي كالتالي افجر نوُم من الان الين الفجر بإذن الله
طبعاً اذا قدرت و بعدها عاد اصحى و امارس يوُمي المُعتاد
و بكرا قراية الفاتحة ، احداث كثير حتصيرِ

-

يسألوني دايما اصحاب الدوام
كيف تقِدر تمشي على نفس أسلوبك ؟
يقصدو الرياضة و دي الأشياء !
اقولهم انتا لو نويت تعمل حاجة ، راح تعملها مهما كلفك الأمر
في البداية راح تحسو نظام مُتعب
بس مع مرور الأيام راح يكوٌن زي الروتيـن
اخر مره قست فيها وزني طلع 65 و الطول 180
الحمدلله متناسق ، و كُل مره اقيس فيها وزني اشعر بالافتخار
انو كيف وصلت للمرحلة دي !
والله كنت اطهمج أي شيء قداميِ
لذلك كُل ما اقارن الحياة القديمة بالجديدة
اقول الحمدلله نحفت ، و قدرت احدث تغيير بسيـط
ما ابا اقولكم كم وزني كان ، راح تنصدموا
ترى بعد ما نحفت صرت اشمئز
لمن واحد يشتري أكل كثير ، زايدة عن حدوُ
احس مالو لزمة ، من الاساس ليه تشتريـه ؟
لذلك الموازنة بالأكل مطلب لازم الكُل يبحث عنو
شغلة انو الفطور طعمية و لا فوُل ، و بعدين الغدا كبسة
و العصر حَلا و قهوة ، و العشا بيض و مدري ايش
مرا ما تخارج
سندويشت الطعمية لحالو سعراتو تجيب الصرع
فما بالك بالبقية ، و احيانا في قطع حلا ، القطعة الوحدة بس
ممكن تجي 250 الى 300 سعرهُ
تبغى تقنعني وحدة تكفيك ؟
اجلسوا مع نفسكم و حاولو تحطو لكم نظام سعرات حرارية
و الله يوفقكم ، و اهم شيء العَمل الجَاد!!
يلا انا بخلع ، بروُح اناااام



 

 

صَفوان. غير متواجد حالياً
Facebook Twitter 0 اضافة رد مع اقتباس
قديم 03-05-2018, 02:24 PM   #297
صَفوان.
من كبار شخصيات الإقلاع
صَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحب
رد : صفحات

*



أهلين ، مسَاء الخِير
اليوُم خميس و فيه فعاليات كثيرة!
إلى الان مروّق ، اسمع محمد عبدُه و الامور طيبة
المُدير الناجح هو المدير المحبوب ( القائد المحبوُب ) !
لذلك دائماً اذا انتا مُدير و تبغى تعرف هل انت ناجح ؟
اسأل الناس ، هَل انت محبوُب ؟
كوّنك تكون بمنصب ( المدير ) و تلقي الأوامر اسهل شيء
الكُل راح يسويها بالتأكيد !
لانك مدير ! - اقلها لو محد نفذ أمرك تصقعه بـ خصم
لكن السؤال ؟ هل الموظف اللي امامك يسوي الأمر هذا
بمحبـة ، هِنا مَربط الفرس
عندنا مُدير بالعمل ، نيبالي ، كريـه لابعد درجة
من كثر ماهو كريه محد يسمع كلاموُ
دائما ازبدلو ، و ما شاء الله هو يعرف يلعب على الحبلين
بس ما تنساق عليا ، المهم انا نقلت من الشيفـت حقو
لأنو جاب لي الضبح ، أقدر اوح الشركة و اقدم شكوى
لأن الشركة شديدة على الشكاوي ، سواءً من موظف عادي او مُدير
المُهم انا مو مسبب لي أزمة و لا شيء بالعكس اداوم
و الأمور طيبة ، اخر موقف حصل معاه
كان قدام زبون ، يصرخ بالانجليزي ، يحسب الزبون ما يفهم انجليزي
و انا برضوا جالس ، ازبدلو بالانجليزي على بالو الزبون مو فاهم
كانت الساعة 3 فجر و طلبات السيارات كثيرة لدرجة القرف
المُهم يبغاني امشيهم بسرعة ؟ !
قلي صفوان يلا بسرعة ، ليه ما توقف السيارة هذه بـارك!
على اساس انو طوّل ، قلت له : ما يحتاج ، و الزبون اضاف طَلب
و جلس يصرخ ، إلا شوي و ينزل الزبون و طلع يرطن رطن بالانجليزي
و زبد لأم جبهتو تزبيـد ، المهم انا شويه فرحت بس البقرة كَسر خاطري
قاعد يقولوا ايم سوري سِير ، و جلس يرقع!!
بعدين طالعت بالمدير ابتسمت ، و هو عرف ايش اقصد
المُهم المدير دا مكروُه ، والله يا جماعة الخِير من كثر ماهو كريه!
ينسب قدام الكروُ و ما يقدر يقوُل شيء !
لانو قليل احترام ، فطبيعي الناس تعاملوا بنفس الأسلوُب!
المهم خليـك مدير محبوُب مو زي النيبالي الخرا
أفضل مديرين شفتهم ( جيمس ) و ( ديـنيس )AKA "دينشو الدوُب"
يعني والله يفتح نفسك للدوام ، دايماً يدلعني
ما يناديني صفوان ، يقولي شابواني ، يعني (صفواني)
يلا استأذنكم برُوح اشرب شاهي صيني!



 

 


اخر تعديل كان بواسطة » صَفوان. في يوم » 03-05-2018 عند الساعة » 02:28 PM.
صَفوان. غير متواجد حالياً
Facebook Twitter 0 اضافة رد مع اقتباس
قديم 04-05-2018, 10:22 AM   #298
صَفوان.
من كبار شخصيات الإقلاع
صَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحب
رد : صفحات

*

صَباح الخِير
امس كان يوُم جميل بما تعنيه الكلمة!
من اولو لين اخروُ،رحت بيت خطيبتي
و كانت لحظات جميلة،دارت نقاشات و أشياء كثيرة
و طلعوا أهل امي يعرفوا أهل البنت،و مره الجو كان بسيط و جمَيل
الله يتمم على خِير،و يرزق كُل شخص باللي يتمناه

-

انا اقابل ناس كُثار بدوامي
فيه الطيّب و فيه السيئ ، من المواقف اللي ما انساها بالعمل
رجُل كبير سَن ، كل يوم يجي يشرب قهوة و يتكلم معايا
كان يجي و يشوفني و يسكت ، الين ما تجرأ و سألني
كيف الامور ؟ و كيف الوظيفة طيبة ؟
قلت له والله الحمدلله شيء كويس و جميل
و دوام صباح ، يعني روقان و كدا
قلي الحمدلله ، قال والله انتا اخلاقك جميلة
و جالس يمدح ، بأمانة كلاموُ صنع يومي
اخذ رقمي و صار بس يرسل لي ، وظائف


-

الاسبوع اللي فات دقت علي أكثر من شركة و كلها
اخذت مواعيد مقابلة ومارُحت،بأمانة كُنت ما بين كسلان
و عجزان ، و أيضاً شغلي هذا أوردي باني فيه علاقات
مع مدراء كُبار ، فمالو داعي اروح لشغلة ثانية و ابني علاقات من اول وجديد



 

 

صَفوان. غير متواجد حالياً
Facebook Twitter 0 اضافة رد مع اقتباس
قديم 16-05-2018, 08:21 PM   #299
صَفوان.
من كبار شخصيات الإقلاع
صَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحبصَفوان. فوق  هام السحب
رد : صفحات

*

قَد إيش الأسبوعين ذي مريت بضغوط نفسية و عصبية
خصوصاً الأسبوع دا
الضغوط قتلتني و أهلكتني إهلاك مو طبيعي ، احس خسرت نفسي كثِير
احس اني صِرت عاطفيِ كثير ، الـدوام صاير مُتعب بشكل ( مُقرف ) !
اداوم لحالي و يكون زحمة و قَرف و ما في أي تقديِر
فعلاً أزفت أسبوع مَر علي ، في تاريخ عملي
المُشكلة ما تكمن هِنا ، المشكلة ما خلصت على هنا و خلاص
سوُيت حادث بالخط السريع مع تريِلا بس عوافي
جات يعني خفيفـة مرا ، و الحاجة التانيـة !
قدمت على الجمارك ما قبلوُني
ااااااااهههخخ ، مقهوُر ، بقى الأمل حاجتين
اما وظيفة مركز مكافحة الجريمة أو جامعة الملك عبدالعزيز!
لحَد الان ما جاء الرَد بالقبوُل أو الرفض
بس على الأقل فيه شيء أمس جميل صارلي
ما أقدر اقولوا ، بس كان كافل انو يعوضني عَن كُل نقص

-

حكمة جميلة رُغم انو مو مقتنع فيها الى حداً ما!
كنت اتكلم مع مدير فلبيني اليوُم
كبير سِن و عندو عيال
يقوُلي ، ( عيش بدون خطة ) !
لا تخطط للاموُر ، يقولي ( لا تفكر لبكرا ، فكر ايش موقفك الحالي )
خل الأمور السلبيـة تجي زي ماتجي!
لا تحاوَل ، انك تفكر بكرا ممكن يجيك شيء سلبيِ
على سبيل المثَال ، خططت بكرا تروح البحر مع زوجتك
و قدَر الله و جاك ظرف ، كدا راح تحس بتحطيم نفسي
انو اااوه خطتك ما نجحت ، و بتحس بإحباط و فشل خطتك!
و بتحس انك خيبت ظنهااا ، لذلك عِـيش و لا تحط خطة لبكرا
انا معاه و مو معاه ، انا من الناس اللي احب احط خطط و دايماً اضرب
اسوء الإحتمالات ، ضَرب أسوء الاحتمالات يخليك ما تتوقع الكثير
يصير حتى لو جات الصدمة ، تجي خفيفـة رغم ألمها يعني

-

الحديد دي اليومين ماخذ وقتي!
ألم بشكِل مو طبيعي ، و نظام غذائي يجيب الملل
اكلي محسوب بالملي ، ايش يدخل وايش يطلع!
بكرا الخميس ، يوم مفتوُح ، شكلو برضوا راح احسب فيه سعراتيِ
لانو رمضان فرصة كبيرة للتنشيف ، انا دحين ناشِف
بس يبغالي شوية اشد



 

 


اخر تعديل كان بواسطة » صَفوان. في يوم » 16-05-2018 عند الساعة » 08:22 PM.
صَفوان. غير متواجد حالياً
Facebook Twitter 0 اضافة رد مع اقتباس
إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 10:19 PM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2018, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017