إقتباس »
الرسالة الأصلية كتبت بواسطة سـمَـا »
جاية باستشارة تعبت من كثر مواجهتها والتفكير فيها وأكيد كثييير قبلي قالوا نفسها ..
أنا متخرجة وموظفة والحمدلله حياتي من أغلب النواحي مستقرة
بس كنت حاطة في راسي احلااام للفارس المنتظر من أخلاق و ملامح وحالة مادية زينة ما أحس شروطي كانت شي صعب مرة !
تقدم لي ناس واجد بس اللي كانت تعجبني شخصياتهم وأفكر فيهم بشكل جاد أغلبهم يجمعهم ان حالتهم المادية صعبة !
قروض كبيرة أو راتب منخفض وأنا وحدة أصرف الله يهديني وكنت أقول وش اللي حادني أغصب نفسي على شخص ماديته صعبة وأنا عايشة معززة مكرمة ببيت اهلي
وحرفيا بيت أهلي كل شي نتمناه يجينا !!
يعني ما أقول لكم مايتقدمون لي ناس وظايفهم حلوة لاا الحمدلله يتقدمون بس تصير فيه
صفات ثانية فيهم مرة قوية مستحيل أتقبلها لا أنا ولا أهلي .. ومستحيل طبعا بأوافق
عشان بس وظيفته لأني بأعيش مع شخصيته هو مب مع راتبه بس !!
المهم اللحين عمري 25 وتقدم رجّال والنعم فيه دين وأخلاق قد اشتغل مع واحد من اهلي بمشاريع كثيرة ومرررة يمدحه بس نرجع لنفس النقطة راتبه 5آلاف بس !!!!
طبعا شكله عادي جدًا جدًا بس أقنعت نفسي إن الشكل مب مهم ويارب ما أندم ،
وحاولت أقنع نفسي إن المادة مب شي مستمر بتكبر مشاريعه إن شاءالله وعايلتهم نفسنا ربي فاتح لهم بس هو ماياخذ من ابوه وعصاميّ مرة وأنا عاجبتني هالنقطة بس بنفس الوقت صدمة 5000 آلاف
يعني هو له سنوات يسعى لتحسين وضعه المادي وقدّم بأماكن بس ماربي كتب له ،
يعني مدري أغمض وأوافق ؟
أهلي مررة عاجبهم وابوي طبعا مايحس انه عيب راتبه ! وهو صادق مب عيب بس انه الحياة بتكون صعبة على وحدة ذاقت الدلال 25 سنة !
بالعادة أرفض على طول بس هذا مدري ليش دخل مزاجي
أو يمكن جاء بوقت ودي أحس باستقرار عاطفي فعشان كذا قاعدة أقنع نفسي تتنازل عن شروطها !
أنا وحدة أتأقلم بسرعة أعترف وعادي أبيّن للي قدامي إني مبسوطة مرة وأكون منهارة
من داخلي ،
خايفة أوافق وأكلها أنا !
بالنسبه لي ووجه نظري تخصني
انا لو بمكانك بارفض

!
5000 وش تسوي ؟ بيقدر يستاجر سكن ياثثه ويوفر متطلباته ؟
اول طفل بيجي كيف بيصرف عليه ب 5000 ؟
تكفي فواتير ولا مصروف اكل ولبس
الاعياد والمناسبات ميف بيقدر يغطيها ب 5000 ؟
انتي امسكي 5000 وقسميها على اشياء اساسيه تشوفينها تكفي او لا ؟
لاتقولين رجال يدبر نفسه غلللط لو تدين وتسلف هالشي بياثر عليكم اكيد معه
الا اذا كان عنده دخل مادري يساعده بالمصروف ايه هنا اقول لك وافقي
الحياه صعبه مو بالنظره اللي يشوفونها البعض
اقل شي امن حياه كريمه لاطفالي
الوقت والزمن تغير جدا مو مثل قبل الاطفال يبون حياه حلوه
ملزومه توفرين له جميع احتياجاتهم الاساسيه و الترفيهيه
صحيح كل طفل ورزقه معه بس بعد يحتاج مصرف
انا راتب زوجي مرتفع والسكن حقنا ملك وكنت احس راتبه كثير علينا
بس من بعد اول طفل صارت احتياجات اكثر ويبي لها مصرف اكثر
اشياء اساسيه ماهي اشياء اقدر استغني عنها الحياه غاليه جداااا
لدرجه فكرنا نوقف الخلفه لحد مايشوف له مشروع ودخل ثاني غير راتبه
راتبك بتصرفين منه ؟ ممكن على مصروفاتك الشخصيه
بس البيت والاساسيات هو مسؤول عنها