منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الإقلاعية والشعبية > منتدى مدونتي
التسجيل التقويم التأشير على جميع الاقسام بالمشاهدة




إضافة رد
 
أدوات الموضوع طريقة عرض الموضوع
قديم 07-02-2017, 07:48 PM   #61
10969taka
خبير اقلاعي
 
الصورة الرمزية الخاصة بـ 10969taka
10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب
#143 19-07-2017 +   #165  02-01-2018
رد : Mч space | relax (24) ♠



أجواء جدة دي اليومين ‘ أوه بيه شوك قوزال

ثاني تجربَه ليا برفع الصور من تطبيق الإقلاع
الحجم المناسب " متوسط "
عانيت في أول مرا حطيت كبير بعدين صغير
بعدييييين متوسط
< زي الأم لمن تنادي أسماء كل عيالها قبل لا توصل للأسم الصح

بَ أحاول أنزل بعد كدا الكثير من صور سَفرتي المميزه
قبل 3 شهور ما أعرف ليه أتحمس مرات أنزل عَ أنستقرام
صور جدا بسيطه وصور تكون خارقه الجمال
أسحب عليها ما أنزلها ..



 

 


اخر تعديل كان بواسطة » 10969taka في يوم » 07-02-2017 عند الساعة » 07:49 PM.
10969taka متواجد حالياً
Facebook Twitter 0 اضافة رد مع اقتباس
قديم 23-02-2017, 08:15 PM   #62
10969taka
خبير اقلاعي
 
الصورة الرمزية الخاصة بـ 10969taka
10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب
#143 19-07-2017 +   #165  02-01-2018
رد : Mч space | relax (24) ♠

23 Fub

سلامن عليكم ..
صَراحه أحس بالفراغ دي الأيام مو مهون عليا إلا الأجواء الجميله
صايره كل ما يدوام محمَد أتصل عَ أهلي وَ عَ صديقتي
ومرات أقضي مكالمه بَ الساعه و عليها مع ماما
< دي اللي كانت مستحيل تكلم جوال ,
بس هل الوضع عاجبني ؟
تسؤ تسؤ تسؤ < أهم شي عرفتو كيف تنطق دي هه
مو موعاجبني أنو أكلم ماما طبعا دا بر والدين وصراحه سواليفها حلوه
اللي مو عاجبني إني بدا العمر أحس بالطفش
وين الإنجاز ! وين العمل !
نتايجي بالجامعه أشوفها مقبوله نوعا ما بس مو مرضيه ليا ,
أغلب الأشياء بَ حياتي أحسها لسَى في مستوى أقل من مستوى
أني أرضى عنها مو بقصد التذمر بَس ب قصد أنو أنا ما أجتهدت
عشان أطور في حياتي وَ برضو متكاسله وَ طفشانه
أحس عندي رغبه أجرب حاجات كثير لأني متأكده دي الروح
شغفها شيء مرا كبير بس مشكلتي مو عارفه أترجم
إيش شغفها فَ أتمنى أجرب حاجات ملموسه كثير حَتى أوصل
لنقطه التفاهم بين جسدي المادي وروحي ...
لأنو عدم الرضا دا نابع من جوا في شيء جوا يقول لي
أنو لا مو كدا المفروض يكون شكل حياتك كدا أقل من اللي تقدري تعمليه

بالله في أحد قد مر بَ نفس دي الحاله ؟
أحتاج أسمع تجارب .. دايما أقرا في المدونات أدور عَ شيء يشبه
اللي أحس فيه .. وللأمانه ما أبغى أكون في مود : دراما
فَ كلامي دا كلو مو مع يأس قد ما هوا كلام بَ أترجمه لكتابه عشان أفهمني أكثر
مع أني نوعا ما فاهمه بس متكاسله البداية
لأن الهدف حتى دي اللحظه : مجهول !
ومعروف لأي بداية لازم تعرف بالزبط أنتَ إيش تبغى ...

< عارفه علتي بس لسى مو عارفه أداويها


أوكِ دي أحوالي الداخليه أما أحوالي الخارجيه
أحس ب كميه سعاده مضاعفه مع جو جدة دي الفترة




طبعا عشان أطلع دي الطلعه عملت أتصالات ثلاثيه الأطراف من هنا وهنا وهنا
حتَى أقتنع أخويا وطلع من محاضرتو بدري كان يوم جدا جميل
ما يتفوتش بالمحاضرات ودي الحاجات اللي بنمارسها كل يوم
حسيت بالإنتعاش وَ الريفريش لنفسيتي وَ لمخي
# تصويري




 

 

10969taka متواجد حالياً
Facebook Twitter 0 اضافة رد مع اقتباس
قديم 26-02-2017, 08:24 AM   #63
10969taka
خبير اقلاعي
 
الصورة الرمزية الخاصة بـ 10969taka
10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب
#143 19-07-2017 +   #165  02-01-2018
رد : Mч space | relax (24) ♠

26 Feb < كلجت فيها في التدوينه السابقه ولا أحد نبهني
المهم | صَباح البرد .
أممم بَ أعترف بَ قلقي من ناحيه زوار قسم المدونات دي الفتره
ملاحظه العدد جدا قليل .. زي دي الأثناء ما في غير شخص واحد بالقسم
الا وهوا : أنا < يمكن عشان ما عندك دوام !
المهم ما علينا

قبل كم يوم سمعت خبر إكتشاف ناسا ل/ 7 كواكب قريبه من كوكب الأرض .
في مجموعه شمسيه ما تعتبر مرا بعيده عننا .
يعني بَ إمكانهم خلال 10 سنوات تقريبا يكتشفو إدا في حياه هناك أو لا
أو ممكنن يتطور العلم أسرع وتآخذ وقت أقل
طبعا قبل سنتين أو 3 سنين دار نقاش بيني وبين عمتي وَ بنتها وَ بابا
كنت مقتنعه جدا أنو في حيوات ثانيه غيرنا ممكن في كواكب ثانيه
وأكلوني بقشوري وإني مرا متأثره بالأفلام وأنو الرسول عليه الصلاه و السلام
ما ذكر دا الشيء يعني مو موجود طيب هل الرسول عليه الصلاه و السلام
ذكر الطياره ؟ أو ذكر القطار ؟ أو أو
لا .
طيب هل ح تنكرو أنو في طيارات ؟
لا .
بس لو قالو لكم قبل ما يخترعوها ب كم سنه أنو ح يصنعو جسم مرا ضخم
يشيل الناس للسماء ما حَ تصدقو .. وَ حترموه بالجنون وأنو بيجيب شي ما أنذكر بالدين ولا القرآن وممكن حتى يجيبو أدل من القرآن يفسروها عَ كيفهم بحيث تناسب معتقداتهم ,,
دا حال أغلب الناس إلا بيقفل مخو ع كل شيء جديد حتى يشوفو بعينو
ساعتها مو لازم تصدق لأنو العالم كلو عرف ما حَ تسوي شيء جديد
لكن العالم يحتاج للناس اللي ب تحط إحتمالات لأشياء جديده
مو بس قاعد و ينتقد .. وإدا سمع إي فكره جديده
رمى اللي يتبناها بالجنون !
طبعا أول شيء سويتو أرسلت المقطع للقروب المتواجدين فيه من غير أي تعليق .




 

 

10969taka متواجد حالياً
Facebook Twitter 0 اضافة رد مع اقتباس
قديم 27-02-2017, 12:05 AM   #64
10969taka
خبير اقلاعي
 
الصورة الرمزية الخاصة بـ 10969taka
10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب
#143 19-07-2017 +   #165  02-01-2018
رد : Mч space | relax (24) ♠






الإستقلال المَادي ‘
أرغب وأتمنى وأهدف إلا إني أوصل لحريتي المالية عَن قريب
حتى دي اللحظه أجهل كيف أكون مستقله ماديا بَس معروف أنو
أول طريق للحريهه : الحرية الماليه
أنك قادر تصرف عَ نفسك أنت كدا شخص مسؤول
طبعا مرات أفكر أنو أول خطوه لدا الطريق : الوظيفه
بَس حاولت أوازن بين وظيفه ودراسه وكانت النتيجه حملت 3 مواد
فَ أحتاج لشيء أبسط من وظيفه تاخد من جهدي ووقت دراستي
دائما أفكر لوو ألاقي شيء ممتع زي مشاهير السوشال ميديا
مجال الإعلانات ‘ جدا مربح وَ مريح ..
لكن إيش الشيء اللي أقدر أقدمه للمتابع ؟
ما فيه فكره حتى اللحظه .. !
+ ما أقدر أقول إني محترفه تصوير حَتى أغري أي جهه أني أعلن لها
+ ولا عدد كبير من المتابعين عشان أغري أي جهه برضو

× نحتاج لفكره مبتكره يا مخي ×

بَ أروح أزبط لي كوب كوفي وأفكر شويتين
رغم أنو أمس القولون ضَرب عليا وأعتقد من الكوفي لأنو الشيء
الوحيد اللي قطعت منو من فتره ورجعت لوو بحماس شديد
طبعا اللي جا فبالي أني ركزت عَ سلباتي في البوست أو الأشياء اللي ما هي عندي
ونوعا ما أحس إني جاهله بالأشياء اللي أقدر أقدمها أو القدرات اللي أمتلكها
فَ تفكيري بيكون في دي الناحيه :

الإيجابيه ثم الإيجابيه ..




 

 

10969taka متواجد حالياً
Facebook Twitter 0 اضافة رد مع اقتباس
قديم 02-03-2017, 01:23 AM   #65
10969taka
خبير اقلاعي
 
الصورة الرمزية الخاصة بـ 10969taka
10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب
#143 19-07-2017 +   #165  02-01-2018
رد : Mч space | relax (24) ♠

2 / Mar .

صَباح الليل
بالعاده أجي أكتب للمدونه وأنا رايقه
< ما أنكر كم مرا كنت منفسه عليكم بس يلا
اليوم كسرت القاعده وجايه أكتب وأنا شويا بَ يغمى عليا × نعسانه ×
بَس إلا أدخل وَ أدون لأنو من الصباح فَتحت الإقلاع
وَ نسيت نفسي في قسم الصور إلين ما نمت برضو
< أزمه نوم عندي
فَ ما أبغى أقفل اليوم بدون ما أهرج شويتين
طبعا يومي قضيتو في مطعم seafood ‘
رغم أني ما أحب السي فود بَس عاد بعض الناس يحبوه
وإحنا لازم نُحب اللي يحبو
< كذابه كلمها وهيا نايمه ووافقت
المهم أقنعت نفسي أنو المهم أنو يكون يوم حلو خارج المنزل لأنو بجد
ليا فتره أجاهد أنو أطلع لمطعم وكل مالها ما تزبط ‘ فَ نبدأ حبه حبه
مَع الحظ المستلعن

طبعا ما أنكر أنو أكلت صَرراحه من الجوع
بَس من جد كان نفسي أصور لكم كيف بَ ندخل لمكان الطلب
ونلاقي السمك قدامنا ونختار
< أنا معفيه من دي المهمه خاصه جهه القمبري و الإستكوزا ودي الشغلات
بَس راح أنزل لكم صوره مصورتها وحده
زارت نفس المطعم ولو أني أعتب قليلا عَ تصويرها المو واضح .. <






طبعا لمن جينا ما كان السمك متكدس كدا
كانو عارضينها بَ شكل ألطف عَ العين ‘
المهم أكلنا وَ كدا وبعدها رحنا عَ الباروم عشان sony ولقيناهم مقفلين خلاص
رجعنا لألعاب طوكيو في شارع فلسطين
نهايه اليوم كانت جميله بَس أنا مسويه الثقيله اللي اليوم
جدا عادي ‘ هَه مدري أيش أحس
دحين بروح أنام وأنا مرتاحه أنو فضفضت وأعترفت أني سعيده




# Twina park
# تصويري

لقطَه من مكان الجلسَه المتواضعه من خلف الشباك "

× مرات أحس أني لو أتعلمت عَ برامج التصميم راح تطلع صوري قريبه للبيرفكت مع القليل من التطوير كمان في التصوير ×




 

 

10969taka متواجد حالياً
Facebook Twitter 1 اضافة رد مع اقتباس
قديم 02-03-2017, 06:13 AM   #66
10969taka
خبير اقلاعي
 
الصورة الرمزية الخاصة بـ 10969taka
10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب
#143 19-07-2017 +   #165  02-01-2018
رد : Mч space | relax (24) ♠

رغمم إن حظَي مع برامج زي الأسك وَ السايات وَ غيرها جدا كلبي ‘
أعمل الصفحَه وينسحب عليها لأني ما بَ الاقي تفاعل ؛
< ما أبغى أحزن عَ نفسي بس الوضع مريب
المهم قَررت أحط دي الفكره وراء ظهري وَ أنزل رابط صفحتي
عَ ال/ ask.fm هنا ‘
أرحب بَ كل حاجه .. أني ثينق بيبول

https://ask.fm/wala3a




 

 

10969taka متواجد حالياً
Facebook Twitter 0 اضافة رد مع اقتباس
قديم 03-03-2017, 08:55 PM   #67
10969taka
خبير اقلاعي
 
الصورة الرمزية الخاصة بـ 10969taka
10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب
#143 19-07-2017 +   #165  02-01-2018
رد : Mч space | relax (24) ♠

3 Mar .
لسى صَفحه الأسكك عندي ما فيهاش ولا سؤال
لسَى عندي أمل في زوار مدونتي ‘
بس عندي تعقيب عَ هذه النقطه بَ جد أنا من الأشخاص
اللي حظهم في التعارف في العالم الإفتراضي جدا سيء
ما أفتكر عَ الرغم من حبي للتعارف بدي الطريقه أنو كان عندي صداقه
إفتراضيه جيد ‘ إلا واحده
نتكلم أنا وهيا نادرا بَس فيه توافق فكري بيننا وَ كلنا بنتابع walking dead
فَ نتشارك دا الشيء
طبعا الفكره دي حسيت فيها من تقريبا 3 سنوات
بَ نفس التوقيت اللي حسيت فيه إني فقدت صديقاتي بالعالم الحقيقي
لأنو بعد تخرجنا من الثانوي بقينا عَ تواصل لفتره ممكن سننتين كدا
وَ بعدها زي كأننا كنا كور بلياردو وفي أحد ضرب الكوره وأتفركشنا
طبعا في مجموعه كأنو لسَى بيتواصلو مع بعض لأنهم
في نفس الجامعه ‘ و الباقيين يقولو علاقاتهم مو مرا بَس
الأغلبيه في نفس الجامعه < إلا أنا
وكم بنت من اللي أنقبلو في جامعات ثانيه وأختفو نهائيا عَن الأنظار
أنا الوحيده اللي مو من نفس الجامعه بس لسى في الصوره
وَلسى بَ أعتبرهم بين قوسين صَديقات ‘
حَتى جا يوم زواجي وَ عزمتهم وَ ما حضرت إلا وحده فقط !
دي الوحده هيا صديقتي فعلا من المتوسط ‘
الباقيين دحين بَ أسميهم ( زميلات سابقات * ) وأظن يخب على بعضهم كمان


بَس من جد عندي عدم رغبه في تكوين صداقات حقيقيه حاليا
< إن شاء الله تكون فتره مؤقته مو عقده
أبغى أكتفي بَ علاقات العالم الإفتراضي لأنو أصلا ما عندي وقت أنو أتعرف وَ كدا وجه لوجه لكنن أحس أني نوعا ما غير جاذبه للإهتمام أفتراضيا
< يارب فكرتي غلط
بَس فعلا دا الإحساس يراودني من صفحاتي عَ النت
صَح أني ما بَ أقيم نفسي من إعجاب الناس في صفحتي
< ممكن الإيقو شويا ينتفخ بَس
لكن أرغب بالتفاعل اللي بين البشر في صفحاتي
طبعا كان عندي صفحه في تويتر وكنت أتظاهر بالمثاليه وَ و و
وحصلت عَ 600 متابع وكان فيه تفاعل وكنت أضطر أتظاهر
بالحب الشديد لأشياء مو جدا مهتمه لها بس يا كانت
الموضه * لكن بعد كدا طفشت وكنت بَ أتخلى عن كل دا
لأنو متعب فَ قفلت الصفحه وفتحت صفحه ثانيه أحاول قدر الإمكان
ما أنمق فيها كلامي < رغم أنو طبعي كدا في الكتابه .

بَس أحاول أكون فيه أنا ‘ وَ متابعاته ما أتجاوزت 200 وَ ينقصون كمانَا
وَ لا فيه ولا ربع تفاعل إلا من صديقتي الإفتراضيه الوحيده
أفكر هل أنا مضطره أكذب عشان أحصل عَ الإهتمام الأمر صَراحه ممتع
أنو بتلاقي تفاعل لكن راح أوصل لنقطه إلا أبغى أكون ع حقيقتي !
طبعا ثاني مكان أحاول أكون فيه أنا * مدونتي الإقلاعيه ‘
بدايه سجلت في المنتدى لمن شفت العدد الكبير من الأعضاء
اللي فيه , وَ لأنو تجربتي في المنتديات كانت جيده نوعا ما خرجت فيها
بَ صداقات طولت ل 7 سنين تقريبا ..
فَ حسيت بالحنين لدا الشيء ..
+ حسيت بالأمل أنو ممكن الاقي في دا المكان صديقه أو ثنتين
وطبعا من الخطوات اللي عملتها ‘


إقتباس »
وَ في قرار كمان قررته إن شاء الله من اليوم فَ صاعدا أي مدونه ح تعجبني
ما راح أقيمها راح أراسل الكاتب /ه شخصيا ‘
لأنو من جد في مدونات أستمتع فيها بشده وأحس في فقر تفاعل
عندي , لا تقيممات لا إعجابات < مرة أبوكم أنا
فَ ب إذن الله راح أبادر أنا
أي شخص مدونته حَ تسعد لي يومي أو تشغل بالي أو تاخد جزء من وقتي
بَ شكل ممتع حَ يلاقيني متبطحه في الخاص عنده يا سلام
لو الإداره تفتح شات الملفات الشخصيه كمان
بَس يلا الخاص جيد برضو

حتَى دا الوقت ممكن أرسلت ل 8 أو 9 أشخاص وَ في كل رساله كنت بَ أرسلها
كنت ب أكتب بين السطور أني نوعا ما أحسك ح تكوني صديقه جيده ليا ‘
الله أعلم هل دولا الأشخاص اللي وصلتهم رسايلي بيحسو بَ نفس الإحساس أو لا
لكن صَرحت بَ مشاعري هنا في المدونه عشان لو أحد مهتم فَ أكيد أنه يقرأني جزء
مني هنا .. < خطيرا صح

المهم وَ الله وَ بس كيف حالكم ؟
ترا بديت أقلق من عدد زوار القسم ..
قبل شهر تقريبا كنت كل ما أدخل للإقلاع ألاقي الزوار تقريب ( 27 )
دحينا أدخل مرات ألاقي ( 0 ) ولا بالكثير ( 3 ) !
يارب ما يموت دا القسم لأني مرا أحبه هوا ودا المنتدى
من جد حَ ينجرح قلبي وأسوي دراما عليه
< حذرتكم .






يلا دحينا الفقره السينمائيه من زمان ما هرجت عن اشياء تابعتها ‘ يمكن فيه حرق
أنتبهو ..
أول شي بَ أبدا بالمسلسل الفتاك الروعه HTGAWM
آه يا قلبي من فين أبدأ صَراحه قلبي مليان لأنو وَقف فتره ورجع النص الثاني
للموسم أعتقد كلامي دحينا حيكون كلو عن دا النص المرعب الخطير اللي
ولا أحد من المتابعين أتوقعو أولا #موت_ويس !
مين كان يتوقع أنو دي الشخصيه تموت ترا بَ جد كنت أححسو البطل الأول
بس عاد دي حركات المسلسلات < خلاص أكلنا من الثرونز وواكنق ديد
المهم شفتو كيف أناليس أنهارت
أحس في المواسم اللي قبل كانت مرات تبين لنا ضعفها بس دا السيزون
مرا أنهارت من حبها لِ ويس
أدا شفتوها في الأخير لمن قعدت في جلسه دولا المدمنين وَ معرف أيه
وقعدت تبكي وتقول كان ولدي ودحينا راح < قسم كلبه حزنت قلبي


ولا لورل ليفل ثاني من الحزن بَس جابت العيد شويا صارت تتهم الكُل ‘
أما حبيبه آشر ( ضيعت الإسم ) طلعت جانب مرا حنون فيها كانو أول
يحسون أنها cold bitch ..



المهم خلص السيزون دا وأنا مصدومه وما كنت مستعده أصلا ولا أدري أنها
الحلقه الأخيره اللي كنت ب أشوفها .. لَسى مخي وعقلي مو مستعدين .
فَ نفس اليوم اللي كنت ب أشوف فيه آخر حلقتين
نزلت الحلقه الأخيره من بويراز كاريال
الحلقه اللي لمن دحين ما كملتها
لأنو مرا حسيتها سخيفه بعد المسلسل الأمريكي sorry

بَس مرا ما زبطت معايا القهر أنها الحلقه الأخيره بعد 3 مواسم وشويا
إلا مخي يقرر أنو لا مرا سخيفه ما أبغى أتفرجها ‘
يا هووه بس شفت القسم الأول من الحلقه وما قصروو جماعه إنستقرام
وتويتر وَ حتى الباث اللي محد يتكلم فيه عن مسلسلات قررو يتكلمو
ويحرقو النهايه عليا . أفريم سنا

وَ بس والله قعدت أتفرج عَ مسسل أمريكي يونس لي فراغي ولقيت
the last man on earth
طبعا أحتمال ما أكملو بس حتى دي اللحظه مرا مناسب مزاجي أتفرجت في يومين
عَ 11 حلقه ‘ وَ ضحكت ضحك من قلب قلبي
من جد مسلسل كوميدي صَح
داغير عن فكرتو الغريبه اللي من جد ضحكتني .




الحمد لله سجلت أمس مواد دا السمستر دا الموضوع صارت لي فيه عقده صغيره
طبعا أنا كبرتها وَ بكيت وَ قولنت < القولون ضرب عليها
بَس بعد كدا ربي حله ليا بَ كل حب وَ سهوله
كنت أتمنى أني أتحليت بالثقه في ربي أكثر بس إيش بَ أقول
مرات الشخص ينسى أنو
في إله يعتني فيه وَ يحس أنو هوا يقدر يسيطر عَ كل شيء
بس يكتشف بعدين قد إيش أنو العنايه الإلهيه هيا اللي معتنيه فيه طول الوقت



ختاما ليا سَاعه أو أكثر بَ أكتب دي التدوينه متخيلين



 

 

10969taka متواجد حالياً
Facebook Twitter 0 اضافة رد مع اقتباس
قديم 13-03-2017, 11:18 PM   #69
10969taka
خبير اقلاعي
 
الصورة الرمزية الخاصة بـ 10969taka
10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب
#143 19-07-2017 +   #165  02-01-2018
رد : Mч space | relax (24) ♠

13 Mar
مساء الخير
منصدمه بَ تاريخ أخر تدوينه بحكم زيارتي اليوميه للمنتدى فَجأه أكتشفت
أنو يا هووه باقي شهر وَ نص ويمكن زياده شويتين
عَ الفاينل حقتي وأنا لسى دوبي ما حضرت أول محاضره !
معرف كيف الوقت بيمشي بسرعه كدا
وَبس مشاعري اليوم أقرب لأنها تكون جميله جدَا ممكن لأني ختمت النوم
أو لأسباب أخرى ربي هداني لهَا
بكل الأحوال أحس أنو مشاعري كدا منفوضه من الغبار شويتين
وفيه خيوط سعاده بتتسلل لقلبي " الحمد لله "



 

 

10969taka متواجد حالياً
Facebook Twitter 0 اضافة رد مع اقتباس
قديم 17-03-2017, 11:10 AM   #70
10969taka
خبير اقلاعي
 
الصورة الرمزية الخاصة بـ 10969taka
10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب10969taka فوق  هام السحب
#143 19-07-2017 +   #165  02-01-2018
رد : Mч space | relax (24) ♠

17 / Mar




مِن الأشياء اللي ممكن تخنق البني آدم أنو يكون متشائم وَ يحس بدا الشيء
وَ تجيه كتمه أكثر من تشائمو دا لأنو ما يبغى ينقله لأحد
وَ أصلا كمانا حتى الشخص اللي بيكون يستنى منو حضن
أو كلمه حلوه بيكون هارب عشان لا يدخل بدوامتو السودا
< خير ما يسوي لنفسو .
بَس من جد في دي اللحظه تتسائل هل أنو الشخص دا لمن يهرب منك
وأنت في دا المود دا هوا الأفضل !
خاصه لمن تكون متضايق من
( سبعميه شيء ) أتجمعو وَ أتحولو إلى ( ما أعرف ليش متضايق ) !
هل مفترض يشاركك أو يهرب عشان لا ينعدي بَ سلبيتك ‘
دائما بَ نسمع أنو الأفضل تبتعد عن الشخص السلبي وَ كدا
المشكله لمن نكون فهمين دا البوينت جدا وَ نتبعها عَ قد ما نقدر
وفجأه نطيح بَ حفره سودا من السوداويه و السلبيه
كيف نهرب من نفسنا ؟
* يستحق المناقشه ..






المهم ما علينا ‘ فتحت المدونه عشان عندي سالفه ثانيه نسيتها
بَس قاعده أتشاور بيني وبين نفسي أحذف مواقع التواصل !
الإنستقرام : أنفلت فيه حدود ال/ 100 أكاونت خاصه
أكونتات السواليف والله يا فيها مشاكل وأنا كل يوم أقرأ خلاص خفت عَ نفسيتي

تويتر : مِن زمان منظفتو بس يظل فيه ملهيات
السناب : ليا فتره أحاول قد ما أقدر أفتح حساب أو أثنين من المهمه وأسحب عَ الباقي بَس قروب بنات العايله دا بيجرني لضياع الوقت واللهِ


احس أتمنى لو أقدر أحذف التطبيق كَامل وأبقي بَس أكاونتين أتابعهم حَتى لا أنشغل كمان بَ أني أنا أصور أو أكتب أو أعلق .. عندي إدمان أنا بَ أشوفو
مُضر لأنو مؤثِر عَ وقتي اللي أحتاجه لنفسي




 

 

10969taka متواجد حالياً
Facebook Twitter 0 اضافة رد مع اقتباس
إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 01:39 PM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2019, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017